الفصل 7
آلبــ(7)ــآرت (a)
رآحت ام فيصل وطلعت برآ تنادي مشعل ومشاري
ورندآ طآيحه ع الارض تبكي وهمس حاضنتها
رندآ : آبعدي فيصل لآ يذبحه ويدخل بجريمه ثانيه
همس لا شعوريآ سحبت فيصل وكتفت يدينه
فيصل : آبعدي خل اذبحه وافك الناس من شرهه
همس وهي تبكي : خلاص ي فيصل تكفى مو لهالدرجه
سحبته وجلسته ع الارض بس بآقي يدها مطوقه عليه آبو مشآري آنسحب ع طول وطلع اما همس راحت جآبت لفيصل مويه وشربته ع طول وهو بالغصب يتنفس وهي تبكي : خلاص
جو مشاري ومشعل يوم شافو منظر اختهم خافو عليها راحو لها وطلعو ع الفراش وراحو لفيصل وهدوه شوي
جا الدكتور وكمل آجرآءآت الخروج وبآلسيآره ..
رندآ : آهلي م يبوني مابي اروح عندهم
مشعل : ولا انا م راح ادخل البيت
رندآ : كان خليتوني بالمستشفى ويقعد معاي مشعل
مشآري : تجون معي للشرقيه ؟
مشعل : لا شوف حالة رندآ
رندآ بحزن : خلاص م رآح تلاقون لي حل وانا بهالشكل ... خل نروح البيت وقابله بكل اللي يصير
آم فيصل : تعالو عندي
مشعل : لا ي خالتي مشكوره م تقصرين
رندآ : تسلمين والله
آم فيصل : لا والله ان تجون عندي كارهتكم انا يرمونكم وارميكم لا والله م اسويها
فيصل : مشآٍري تعال خل نقعد مع بعض من زمان عنك
مشعل : والله اننا نستحي منكم م نبي نثقل عليكم
فيصل : ي شيخ اهلي فوق م ينزلون .. لكم الدور اللي تحت كله
آم فيصل : اقول امشو بيتي بسرعه لا اسمع أي اعتراض
فيصل : هههه اموت انا ي الشخصيه ... بسرعه آنشويت من الحر
مشعل : خلاص يللا
رندآ طول طريق ساكته ولا تعلق بس تناظر بالشباك وخانقتها العبره
باليوم الثاآني بالظهر عند فيصل يتصل على نوف بس م ترد عليه مره مرتين ثلاث بعدين ردت بصوت ثقيل : الو
فيصل برآحه : وينك خوفتيني عليك
نوف : نآيمه
فيصل : ي لبى النآيمين ي نآس صبآح الخير ي قلبي
نوف : وينك امس احرقت جوالك ولا ترد ولا امك ولا اختك وربي اشغلتو بالي حرام عليكم
فيصل : آآه ي قلبي والله صارت لي آشيآء خليها ع ربك بس
نوف : لا م فيه مالك عذر
فيصل : آنآ بس حبيت اطمنك لاني رآيح المحكمه الحين
نوف : محكمتكم اليوم
فيصل : آيوه
نوف : ي قلبي طمني آمآنه
فيصل : بجيك بعد المحكمه عندك جآمعه ؟
نوف : لالا م عندي حتو لو عندي اقعد عشانك
فيصل : طيب يللا على 5 العصر آطلع وآجيك
نوف : اووك .. الله يكون بعونك آنتبه لنفسك
فيصل : وآنتي كمان يللا مع السلامه
نزل تحت شآف آلبيت هادئ عرف ان الكل نآيم بس سمع صوت بكآ يوم قرب من الصوت لقى رندآ تحآول توقف وتصيح لين طآحت ع الارض فيصل تآلم من هالموقف وقرب يبي يسآعدها بس صآحت
رندآ : م احتاج شفقة احد م احتاج مسآعدة احد اطلع برآ من سمح لك تدخل
فيصل : رندآ م يصير اللي تسوينه
رندآ : آسوي آللي آبي ولا شايفين ان م صار لي سلطه ابد تقدرون تمشوني بكيفكم
فيصل غمض عيونه بآسى : محكمتي اليوم بكلم ابوك عن موضوعك
رندآ : هه ليه صرت ضيف ثقيل في يوم صح؟؟
لا نسيت لاني مقدر اسوي شي انتو تسوونه لي ف صرت ثقيله
فيصل : رندآ من قال هالكلام والله انك اعز من يدخل البيت
رندآ : آهلي م يبغوني آنآ م ابغاني الكل م يبغاني ههه صار عادي الوضع عندي
فيصل مسك يدها : قومي م تصير لك جالسة الارض رندآ م قالت شي .. قعدها ع الكرسي وقآل : مره ثانيه لو اسمع منك هالكلام ي ويلك انتي مثل اختي دانه
رندآ : هه م عاد يهمني شي
فيصل : يووه رندا آش بك كذا خبري انتي اللي دايم بشوشه تضحكين وين هالابتسسامه اللي م تفارقك وين خفة الدم م اجلس معك الا واضحك اما الحين العكس ...
رندآ غمضت عيونها بآسى : مدري وين رآحت مع هالعجز
فيصل : تقدرين ترجعينها اذا عندك عزيمه بترجع لك الحياه م بتوقف على احد يعني بتوقفين الحيآه بحزنك ذا ؟؟... عيشي سنك باقي صغيره ع الحزن والهم كم عمرك هاه 19 سنه صح ؟؟ باقي صغيرونه ابتسمي انسي كل شي انتي احسن من غيرك وربي ربك م يسوي شي الا وله خير لك
رندا بدآت تقتنع : طيب والمدرسة والحياة
فيصل : ههههه ي حليلك هذا اللي مزعلك حتى مصطفى م يسويها
رندآ : يووه قصدي صاحباتي مو دراستي
فيصل : دآومي بكرسيك عااااادي سولفي واضحكي م تقدرين تمشين بس تقدرين تسولفين تضحكين
رندآ : ......
فيصل : آلحين انا مخلي المحكمه ولي ساعه اتفلسف فوق راسك ف النهايه الاقي سكوت وتسليكك منك ( قالها بكل برود )
رندآ : ههههه لا مو عن
شوي الا يسمعون تصفيق وتصفير من مشعل ومشاري
فيصل : ههه وش هالحفله ؟
مشعل : ضحكتها اخيرن حنا اخوانها من الصباح وحنا نحاول فيها ولا بالكذب ابتسمت لنا
فيصل : آحم آحم آنآ غير طبععآ
مشآري : يآخي المحكمه فارقنا بس
فيصل : يوووه حسبي الله عليكم عطلتوني ( وطآر ع سيآرته ورآح )
رآح فيصل للمحكمه وبدآو ف نقآش حآد وهو خايف عشان نوآف بالعنآيه يعني يمكن تكون لعمانه
آمآ دآنه توها صآحيه من النوم وتحس بثقل كبير على رآسها نزلت لقيت آمها مع مشعل ومشآري بآلصاله م انتبهت لوجودهم من الثقل اللي ف رآسها قعدت ع الكنب ورخت رآسها وغمضت عيونها
آم فيصل رآحت لها : دآنه حبيبي وش تحسين فيه
دآنه : يمه آحس بثقل كبير في رآسي
مشآري ومشعل آنسحبو م يبون يحرجونها
آم فيصل حطت ايدها ع رآس دآنه لين بدآت تصحصح شوي
آم فيصل : هاه يمه كيفك ؟
دآنه : احسن بكثير والله يمه وش صآر لي ؟
آم فيصل : ولا شي ي يمه بس م نمتي زين الظاهر
شوي وجآتهم رندآ تدف كرسيها : دنوو صحيتي
دآنه التفتت لها بس انصدمت وظلت سآكته
رندآ : هيه وش فيك تراني حقيقه مو خيال
دآنه : وش فيك كذا ؟
رندآ : م فيني شي لا تتفاولين علي
دآنه : ليه ع الكرسي ؟
رندآ آختفت ابتسامتها : م عاد اقدر امشي
آم فيصل م حبت تحرجها آكثر : رندآ تعالي شوفي عيالي وش رآيك فيهم
قربت رندآ بكرسيها : ي حيآآآآآآآآتي عليهم يهبلون يشبهوني
دآنه : وش دخلك في عايلتنا ديوري بس يشبهوني
آم فيصل : لا والله يشبهون امهم
رندآ : ههههه بسم الله عليهم منك ي دوينوه تضيعين مستقبل عيال عمي
دآنه برطمت : محد يقدر جمالي ي حليلي
رندآ : ههههه خفي ع فمك شوي تعبتيه من الشد
دآنه بتغير الموضوع : وين همس ؟
آم فيصل : بالمدرسه رآح السواق يجيبها
شوي ودخلت عليهم همس بصوتها المزعج : السالفه فيها حش في مين تحشوون ي ترى
دآنه : ههلا همس تعالي
رندآ : يووه الشين عند ذكره
آم فيصل : هموس جيبي اللي قلت لك عليه
همس مدت لآم فيصل علبه فيها غسيل ام فيصل قرت وذكرت الله
دآنه : يمه وش ذآ
آم فيصل خذتها وغرقت دآنه فيه وهي تسمي
دآنه : بسم الله يمه وش فيك
رندآ : سمي ي دانه لا تصيحين هذا غسيل خل العين والحسد اللي فيك يروحون
دآنه بدآت تصيح وترتجف جو مشاري ومشعل يبون يشوفون وش صآير بس آنصدمو من آللي يشوفونه آم فيصل رآحت لبنتها وتقرا عليها تقرا عليها وهي باقي تصارع نفسها وتتآلم وتصيح سآعه كامله وهي ع هالوضع لين بدت تنآم وتغمض عيونها
همس : خالتي حرام عليك وش ذا لو ادري ما جبت لك غسيل البنات ولا شي
آم فيصل : لآزم كذا ي بنتي تنحرق من داخلها اللي اعطتها العين مغسله ي رب تروح وتزول منها يللا تعالي ساعديني نوديها غرفتها ترتاح
مشآري متفاجئ : مشعل اثاري السالفه كذا
مشعل : آيوه من مده
مشآري : كم صآر لها
مشعل : تقريبآ سنتين
مشاري : يعني اللي صآر مو منها
مشعل بآستغرآب : وش صآر
مشآري : هاه لا ولا شي آمش خل نطلع ابشم هوآ طفشت هنا
وطلعو وآم فيصل مع دآنه تقرآ عليها ودموعها تنزل حزن على بنتها
نوآف للحين بالعنآيه وآهله عنده يبكون على حالته
الساعه 3في آلمحكمه آجلوها حتى يصحى نوآف وآذآ مآت رآح يكون الحلال كله نصيب ابو مشاري وابو بندر
فيصل طلع والدنيا ضايقه فيه ورآح لنوف
نوف : هلا والله
فيصل بهم : كيفك ؟
نوف : فيصل حبيبي وش فيك
فيصل بدوون تعليق
نوف : تعال آدخل تفضل ( وآخذته من آيده ودخلته المجلس وقعد )
نوف : قول لي وش صآر
فيصل : مخنووق ي نوف مدري اداري حلال ابوي اللي بيضيع واهلي مشاكل اختي م يندرى وش فيها كل يوم وحالتها تزيد وبنات عماني ثنتين انحطو برقبتي آدآري مين وآخلي مين
نوف قربت منه ومسكت يده : آفآ ي فيصل اخبرك قوي لا تقول كذا
فيصل : والله تعبان م نمت من كثر التفكير الحين انا المسؤول لو ضاع الحلال ضاعو اهلي
نوف : ليه وش صآر ع المحكمه
فيصل قآل لها كل شي بالمحكمه
نوف شهقت : نوآف بآلعنآيه ؟
فيصل : آيه ويمكن م يقوم
نوف : ي قلبي عليك ي دآنه
فيصل فز ع طول : آنتي تعرفين هااه ... وش بينهم ؟
نوف بآرتبآك : هاه لا وش م بينهم شي قول لي وش تبي تشرب
فيصل شد على يدها بقوه : وش بينهم
نوف : آه فيصل آلمتني بيدي م بينهم شي آقول لك
فيصل بقل صبر : آخلصي وش بينهم
نوف بعصبيه : دانه ونواف يحبون بعض من زمان
آلبــ(7)ــآرت (b)
فيصل ظل سآكت شوي بعدين عصب : وليه انا م ادري وكيف يعرفون بعض
نوف : وش تدري عنه ؟
فيصل : من وين متعرفين على بعض
نوف : مدري
فيصل بقل صبر : آوريها الخآينه دآنه ماشاء الله تعرف واحد وتحبه بعد وهو الخسيس م قال وجاي يشتغل عند ابوي كمان قوي وجه
نوف : فيصل م هقيتك بدون احساس الرجال بين الحيا والموت واختك الله اعلم بحالها وانت تفكيرك كذا واللي كان بيننا وش تسميه ترا حتى انا عندي اخوان بدال الواحد ثنين
فيصل : انا غير
نوف : لا منت غير مثل م انت حبيتني هو حبها جا يشتغل عندكم عشانها وعنده احساس مثل م انت عندك احساس
فيصل بصيآح : تكلم واحد غريب من سنين وحبو بعض وش يعني مو متربيه هذه اوريها
نوف : بس هالغريب شوف وش سوا جآ عندكم عشانها آشتغل عندكم عشانها يعني وش يعني؟؟ يحبها شوف وش صآر له بالعنايه هو بسببها م ترحم انت م تحس
فيصل طلع من عندها معصب ورآيح للبيت وهو م يشوف قدآمه
نوف طلعت اتصلت على خالتها على طول
آم فيصل : هلا نوف
نوف : خالتي فيصل جاكم معصب بيذبح دآنه
آم فيصل : ليه وش صاير
نوف : بعدين اقول لك ابعدي دانه عنه والله يذبحها اعرفه
آم فيصل : طيب يلا الله يستر عليك
نوف : آلله معك ي خالتي
نآصر : ليه يذبح دآنه وش سوت ؟
نوف : ولا شي ي ناصر مالي خلق تكفى
نآصر : بسرعه ليه يذبحها
نوف تدري آنه يحبها : نآصر دآنه تحب نوآف آللي بالعنآيه وهو يحبها وتو فيصل درآ عن الموضوع
نآصر نآظر لها بصدمه وع طول طلع يبي يروح لهم حتى لو م تحبه دآنه م يبيها تموت
عند محمد : مآشآء آلله وجهك منور يمه
آلجده : هلا ي ولدي تفضل
محمد : هاه كيفك اليوم ؟
الجده : بخير ي ولدي انت وش مسوي
محمد : والله حمدالله
الجده : ليه محد جا يسآل عني من اخوانك وابو فيصل من مات م شفت عياله
محمد : والله يمه مشاكل وهموم عليهم اعذريهم يمه
الجده : لو آموت محد يدري عني
محمد : لا يمه استغفري م يصير هالكلام
دق جوآل محمد : عن آذنك يمه اكلم وارجع لك
الجده : خذ راحتك ي ولدي
محمد : هلا حبي
ود : وينك من الصباح مختفي ي النذل
محمد : هههه كنت نآيم وربي توي صحيت
ود : شخبارك ؟
محمد : بخير من سمعت صوتك آنتي كيفك ؟
ود : مو بخير والله
محمد : آفآ وش فيك ؟
ود : آآه ي محمد والله تعبت من هالعيشه ابموت وافتك
محمد : وانا تتركيني
ود بدآت تبكي : محمد م فيه وحده آهلها يعاملونها كذا غيري والله مليت
محمد : ود آبتزوجك
ود : هاه ؟
محمد : آبآخذك على سنة الله ورسوله آبعيش معك على طول اصحى وانام عليك
ود : رحمة فيني آكيد
محمد : والله آحبك وآبيك هاه وش قلتي ولا بس تتغلين
ود ضحكت بصوتها النآعم : ههه
محمد : ي لبى اللي يضحكون لي ي نآس
( ود حبيبة محمد من 5 سنين عمرها 23 تعرف محمد من عمرها 17.. والحين هي 3 جآمعه آخر سنه لها قسم التمريض مثل محمد بس هو بمستشفى وهي بمستشفى ثآني آبوها مآت ف تزوجت امها واحد ثآني وتخلت عنها وهو دآيم يحآول يتعدى عليها وآخوآنها من آمها م يطيقونها بس وآحد منهم آسمه خالد عمره 17 )
ود آنحرجت وتمت سآكته
محمد : وش فيك سكتي هاه موآفقه
ود بآحرآج : آكيد موآفقه
محمد بفرحه : ي لباااااك احبك احبك
ود : خلاص محمد
محمد : آنحرجتي ههههههه
ود : آنآ بروح آكمل شغلي
محمد : هههه طيب يللا بآي
قفل الخط وهو حآس آنه متسرع بس رحمها من العذاب اللي فيه وفككر بعيال آم يوسف يبي يتزوجها عشان عيال اخوه ويبي يتزوج اللي يحبها انحط بين نآرين
عند آم فيصل
آم فيصل : هيه فيصل وش فيك كذا مجنون انت
فيصل : وين دآنوه ذابحها ذابحها
آم فيصل : منت رآيح لها خاف الله فيها بالغصب نآمت
فيصل طلع لها ولا اهتم لكلام امه شوي ودخل ناصر البيت مستعجل
نآصر : فيصل وين لا يذبح البنت
آم فيصل : آه ي ربي سترك وش آسوي مع هالعيال
سمعو صياحهم فوق طلعو كلهم
فيصل : انتي تسوين كذا ي قليلة الحيا ياللي م تستحين هاه احنا وش مربينك عليه
دآنه تصيح : بعد عني لا تمسكني بصفتك مين تتحكم فيني خلاااااااااص بعد عني
آم فيصل رآحت ومسكت بنتها : فيصل اختك مريضه وش هالقسوه اللي فيك
دآنه فكت آيد آمها وبصيآح غير طبيعي : مآآآآآآآآآآني مريضضه م تفهموووووون م فيني شي خلاص نظرات الشفقه ذي مابيها مابي رحمتكم خلوها لكم فكوني بحالي بس وفكيني من ولدك ذا هو المريض مو انا
فيصل تجمد مكآنه م عرف يتكلم ولا يتحرك
دآنه من بين دموعها وشهقاتها : نسيت مين كان يوصل رسآيلك انت ونوف نسيت اللي بينك انت وياها جآت علي آنآ نسيت نوآل ( نوآل كآن فيصل يكلمها سنتين يلعب عليها وهي صدقته وانفصلوو )
اذكرك فيها لو تبغا ي الاناني ي النذل مو علي انا بس يا حقير ما تستحي تمد ايدك علي كافي الالم بداخلي نوف عندها اخوان ف ناصر موجود واخوها بعد
آلكل متآثر ومو قآدر يتحرك من الصدمه اول مره يشوفونها هايجه كذا
دآنه طآحت ع رجولها : حرآم عليكم خلاص اذ ما تحسون انا احس ( بدآت تآشر ع صدرها ) هنآ شي يحرقني يقتلني خلآص خسرت آبوي وخسرت اللي احبه وخسرت دراستي وخسرت نفسي خلاص تذبحوني اذبحوني م عاد للحياه معنى عندي رجعت لي معاناتي اللي قبل سنه اقتلني وريحني فكني عذاب من كل الجهات محد فكر يحس فيني صار لي 3 سنين متعذبه تركت دراستي واللي احبه من العذاب ذا خلاااص
الكل يطالع متأثر
دآنه : نظرآت الشفقه هذه مابغاها ههه هذا انا بخير مو محتاجه ششفقتكم
فيصل رآح لها ونزل لمستوآها ومسح على شعرها : دآنه
دآنه : والله يافيصل تعبت صدقني اللي صآر كله من
فيصل حط آيده على فمها : لا تكملين ( وحضنها بقووه : سآمحيني ي آختي مالي بهالدنيا غيرك وكل اللي صار من خوفي عليك
دآنه بدآت تصيح اكثر
جآت آم فيصل وحضنتها بسرعه وقعدت تقرا عليها تبيها تنام عشان ما تجيها حالتها لين هجدت ونامت
آم فيصل : همس تعالي شيليها معي
جات همس ورفعوها سوا وحطوها ع فراشها وباقي ام فيصل تقرا عليها
الكل برآ وقلقانين مره
فيصل حاط ايده على رآسه
نآصر مره متآثر يبي يروح يحضنها يهديها بس م يقدر
رندآ تبكي بس
نآصر رآح لفيصل وقآل له : خلاص ي فيصل انت روح نآم وآرتاح هي بخير آكيد
فيصل طلع يبي يروح غرفته وهمس كانت طآلعه من غرفة دآنه والتقو
فيصل : كيفها الحين ؟
همس تجآهلت نظرآته ورآحت عنده : بخير
فيصل مسك يدها : نآمت هدآت تكفين قولي الصدق
همس عينها على يد فيصل ويوم حس فيصل بيده فكها ع طول : مع معليش
همس رفعت رآسها ونآظرت عيونه بحزن ودمعت عينها ع طول آمآ فيصل ف آلمه هالموقف همس رآحت ع طول وهو بآقي وآقف مكانه
محمد طلب يقابل ود بمول يبي يكلمها بموضوع وتقابلو
ود : هاه قول لي وش عندك
محمد بتردد : آخوي آبو يوسف الله يرحمه عنده ولد عمره 9 وبنت عمرها 7 وعايشين مع امهم مع خالهم وخالهم زواجه بعد اسبوع
ود بقلق : ططيب ادخل بالموضوع ع طول
محمد مسك رآسه بتردد : آبي عيال اخوي يعيشون معي ع طول واعوضهم عن ابوهم
ود بحزن بعد سكوووت : اها فهمت قصدك الله يوفقك يللا آستآذنك
جآت بتروح بس مسك آيدهآ : تكفين آرجعي ابكمل لك
ود رجعت بهدوء ولا قآلت شي
محمد : ود آنآ آحبك آنتي آبيك آنتي وربك بس عيال اخوي
ود : تتركني عشانها خلاص الله يهنيك فيها
محمد : آترك روحي ولا اتركك ابتزوجك انتي مو مغير رايي في هالشئ بس اخذها هي كمان
ود : محمد بذمتك مين تحب فينا ؟
محمد آبتسم : آحبك انتي ي بعد ي ولا ابي غيرك وربك مابي اخذها الا عشان عيال اخوي
ود : بس مآبي حد يشآركني فيك
محمد : هي بتشاركك فيني بس م بتشاركك في قلبي قلبي لك انتي وبس ومحد ملكه غيرك
ود : ........
محمد : بكرآ بجيك آنا وامي ونطلب آيدك
ود : ههه من جدك بهالسرعه
محمد : لو بيدي تزوجتك الحين
ود : آنحرجت خلاص
محمد : هههه حلو الاعتراف
ود رن جوالها : آلو
آمها : وينك ي الدآشره
ود : عندي دوام
آمها : تعالي الحين ي الكذابه اتصلت ع دوامك يقولون مو موجوده تعالي بسرعه
ود : اوف طيب دقايق واجي
وقفلت ع طول وتمت ساكته تناظر ايدها بحزن
محمد : آمك
ود حركت رآسها بآيجاب ولا قآلت شي
محمد فهم انها ضايقتها بالكلام : خلاص ي لبى روحك لا تتضايقين رآح تفتكين منهم قريب وتعيشين معي انا وبس
ود : طيب يللا ابروح
محمد طلع من جيبه علبه صغيره واعطاها : هذه هديه لك
ود بآحرآج : لا ماله داعي
محمد : خذيها وبلا دلع
ود آخذتها : شكرآ تعيش وتجيب لي غيرها
محمد : ههههههه تخليني اندم ترآ
ود : ههه لالا نمزح نمزح
محمد : يللا روحي تتآخرين على آهلك
ود : طيب مع السلامه
#20