الفصل 4
كانت جامعة رجليها عندها وكتفكر في گاع اللحضات معاه لي طراو معاها ليوم... كتفكر كيفاش باسها بحنية ودوك الكلمات لي صداهم لحد الآن كتسمعو وكيفاش تقدر تنساهم"نتي ديالي"... جوج كلمات لي دخلو ليها مع العضام كيخليو قلبها بغا يخرج ومعدتها كتفرفر وكتفتف... لا لا هادي ماشي هي ديك بنت الطارو لي كانت كتعرف الدراري غي في اللعب يا كورة يا كارطة وصااافي... دابا ميمكنش واش جا الوقت باش تعرف دري على قبل الحب.. واش تقدر تعيش هاد الكلمة لمعمرها تسوقت ليها وهي فبالها غير خيال ماشي واقع وكتكون غير في الأفلام واش صافي جا الوقت وربي غيجازيها على كل مادازت منو من فقر وحاجة وجوع و وجع و وحدة واش صافي الله غيحسن من قضاؤو و قدرها غيرجع يبتاسم كيف قبل... ولكن هاد المرة ماشي مع المشاش هاد المرة مع بنادم وماشي أي بنادم هادا أوس العمراني... لمكيعرفش الخوف ولا الإستسلام... الشاب الحديدي ولو صغر سنو... كيهاب منو الجميع الكبير والصغير... بلاصتو معروفة... أعداؤو قلال مقارنة بحلفاؤو.... حضورو ممفهومش في مدة تلت سنين دار بلاصتو في عالم البيزنس والمافيات... زيادة على أنه أستاذ جامعي وشخصيتو علامة إستفهام بالنسبة المعظم والأغلبية كيگولو عليه بسيوكوبات وكيوصفوه بالمختل... بحكم معروووف عليه انه بحال شي حمق مكتعرفش اش تحت راسو تقدر تكون أعز حاجة عندو ويقتلك فرمشة عين... يقدر يضحك معاك اااه يضحك معاك فلقطة ويبكي على گنازتك فلقطة خرى... وكيف معروف عليه مكيعرفش الرحمة خصوصا من بعد ماشاعت خبار قتلو لعمو لي كان بمتابة الأب ديالو وأنه حرقو وبقا كيتفرج فيه وهو كيضحك من تما تأكدت الكل أنه بصح مختل.... ولكن معاها هي صافي كيحاول يتحكم فكلشي كيحاول يرجع بالسنيين لووور قبل موت أهلو..
أسماء كتفكر لحضة بلحضة وهي متكية وحاطة على وجها وسادة وفينما تفكر شي لحضة ماشي تالهيه تاتبدا تفركل ممتيقاش راسها آش دارت ولكن الخطوة التانية صافي غتحاول تقوي راسها قدامو واخا معارفاش هي كيفاش كضعاف أش كيوقع ليها ولكن ربي هو الوحيد لي عارف...
ناضت گلسات وبدات كتقيس راسها لاتكون سخونة أو هي فين عمرها تكات فوق الناموسية وبدات كتفكر وقلبها كيضرب لا لا هادشي ماشي ديالها هي من داك النوع ديال معلابالوش غادي ويهز فسروالو فالزنقة ويسمع لراب ويرابي معاه فالزناقي..الناس ديال ترباع الرجلين في الجرادي وتقصار الكارطة..الناس ديال شدان النميمة حتى فعائلتهم...الناس ديال الماكلة والتگراع الناس ديال الحزيق وسط الجماعة وتبدا تسب شهاد الريحة ألخونز😂(تحية لهاد النوع)... هي ماشي من داك النوع ديال لاموغ وديال تسنط لأغاني حزينة وتفكار في حبيب القلب والبكى تو تو تو... هي النوع ديال ياتسمع القرآن وتخشع معاه ولا تسمع الشعبي وتنوض تحيح فيه الناس لكيتبعو الهدية تالباب الدار...
في الأخير تنفسات الصعداء وهزات رجلها حتى هزاتها حزقات ما تيسر ونعسات بكسوتها مافيها متبدلها من بعد ما أدات الشهادتين😂..
أما زياد فمن بعد معتادر للمدعويين ومشاو آمر ليگارد والخدامات يحيدو الزينة وهو طالع ليه الدم... كيفاش قرب لديك الخدامة... أش وقع ليه بالضبط... كيفاش مبقاش عاقل على راسو... لا لا ميمكنش مبغاتش دخل ليه فكرة أنه غار عليها شي حاجة حركاتو فاش شاف شخص آخر كيلمس فيها... ممتيقش أش دار وزيد هي كيفاش هدرات معاه بديك الطريقة مكانش كيعطيها وقت حتى تكمل فيه الشوفة ودابا كيفاش طاولات عليه... تعصب مشا هو التالي خدا سيارتو كسيرا لأقرب بار گلس على الشراب ومن بعد طلب واحد العاهرة ومشا طلع لطبقة الفوق باش داك البار بحال دار دعارة تقريبا المهم ملهى وخلاص وخدم معاها الماتشات كيبرد غير غضايضو وحتى هي عاجبها لحال وكيفاش ميعجبهاش الحال وهو باقي صغير وبوگوس وبفلوسو نعس معاها من القدام واللور وخلاها تمص المعلم ديالو شحال من مرة حتى عيا وعياها معاه عاد نعس..
أما رجاء فهاديك كان بالها مع صحبتها خافت يعاود يدير ليها داكشي ديال داك النهار بدلات عليها وتوضات وصلات علاش قدات ودعات الله أوس ميقربش لعشيرتها عاد مشات نعسات..
كل واحد من أبطالنا مشاو العالم التاني عالم المجهول كاين غير الأحلام مختلف الأعضاء البشرية فهاد العالم كتغيب حتى من العقل كلشي غارق في سابع نومة من بعد ليلة طويييييلة وطويلة بزاف وكلشي كيتسنا الغد يجي ونشوفو لعبة القدر لكتلعب بيهم فين غتوصلهم بربعة.....
من بعد ليلة طويلة بزاف صبح صباح جديد على أبطالنا شرقات فيه شمس كتعلن على نهار جديد من قصتنا قصة لكنحسو بريوسنا عايشين وسطها.. كيف كل صباح فاقت رجاء وهي توتر كالها من الداخل على حال صحبتها لي ولات كثر من ختها وقفات على الخدامات حتى وجدو الفطور فاق أوس بكري كان باقي بفوطتو مشا لبيتو لقاه نقي والجثث مكاينينش كيف آمر لبس عليه سروال سيرڤيت گري وتيشورط بيض مع سبادري بيضة خرج مشا ديريكت لبيت أسماء قبل من أي حاجة دخل لقاها متكية على كرشها وباقا بكسوتها وشعرها على وجهها تبسم لحالتها رجل هنا ورجل مليوحة من ناموسية وسادة معنقاها بحال شي بيبي قرب ليها وتحنى لمستواها وبدا كيحيد خصلات من شعرها على وجهها الملائكي وهو كيتبسم شاف ساعتو لقا راسو معطل شوي على لافاك خدام عندو الصباح ليوم..مكرهش يبقا معاها الوقت كامل ولكن الضروف أقوى فالتالي ناض باسها من جنب فمها وخرج في اتجاه لكوزينة كانوو الخدامات كيفطرو وقف عند الباب..
_أوس:احم صباح الخير..الفطور واجد؟...
كلشي وقف فاش سمعو صوتو ورجاء ليكانت گالسة معاهم في الطابلة وكتلعب بي لفورشيط وهي متوترة قفزات وبقات مدة هي كتشوف فيه وهو كيتسناها تجاوبو حتى استدركات مي حبيبة الموقف
_مي حبيبة:اه واجد أسيدي..
_اوس حرك راسو بآه: جيبوه ليا لجردة..
مشا خارج في انتظار فطورو..مي حبيبة حركات رجاء ليكانت باقا مشوكية فبلاصتها
_مي حبيبة :مالك أبنتي مجاوبتيهش..
_رجاء(عاد فاقت):هاه أنا..لا لا والو المهم حطو ليه نتوما فطورو انا جاية..
مشات جرية وحدة لبيت أسماء كانت متأكدة أنه مَدار ليها والو من بعد ديك صباح لخير لي صبح عليهم بيها هو فين عمرو كان مصواب وداكشي لي كان نيت دخلات لقاتها متكية على كرشها وغااارقة فنعاس وباقا بكسوتها تنهدات وسدات الباب وخرجات تكمل شغالها..أوس خرج فلوند روفر گري وتاجه لافاك من بعدما كمل فطورو..
بعد شي ساعتين تقريبا ناضت أسماء وهي كتكسل دوشات من ريحة العرق بدلات عليها لبسات من دوك الحويج لي تقدات مع رجاء لبسات ميني فونطر فلغوز باارد ولبسات معاه ميني شورط توب ديال بيجامة تاهو غوز باارد ومنقط بلبيض خرجات وهي تتاوب باقي مشبعاتش نعاس خرجات لقات رجاء واقفة على واحد جوج خدامات كيجمعو في الصالون اللول لي قريب الباب
_أسماء(بصوت غالب عليه النعاس):همم رجااء
رجاء تلافتت عندها غير حقات فيها وهي تهز حاجب وتنزل لاخر أما الخدامات لخرين غير ضربو عليها وبداو كيوشوشو عليها..
_الخدامة1: ويلي ويلي شفتي على حالة
_الخدامة2:أجي تكون مع سي أوس ولا شي حد آخر لبارح بانت ليا ضاربة لك وااااحد لكسوة مقودة
_رجاء(قاطعتهم دارت عندهم وهي مخنزرة): شغالكم نتوما أش كتوشوشو تما..
مشات باتجاه أسماء وشداتها من دراعها
_رجاء :أش هاد الحالة ألخانزة اه
_أسماء(كتشوف فيها باستغراب):أشمن حالة
_رجاء:أشمن حالة أجي شوفي ألالة بعينيك (جرتها من دراعها ودخلتها لبيتها وداتها قابلاتها مع المرايا)شتي اشمن حالة أبب...أسماء غير شافت داكشي بدات كتمسح فيه زعما غيتمسح كتمسح عنقها وجيهت صدرها ووالو
_رجاء(مربعة إيديها):بب واخا ترقدري راسك فجاڤيل داكشي مغيحيدش دابا
_أسماء(كتشوف عنقها وصدرها من لفوق كلو طباعي مبغاوش يتمسحو):والله معرفت كيفاش تاجاو(كدور فعينيها) _رجاء(بابتسامة استهزاء):وااااو سبحااااان الله معجزة..زعما جاوك في المنام
_أسماء:ومعرفتي يكون أاا بوغطاط
_رجاء:الله الله بوغطاط طلع يدلك ليك تبااارك الله ضسار هاد بوغطاط كتعرفيه غير نتي سبحان الله
_أسماء:إوا ينعل ديلمك دايارا ليا فيها محاضرة الدنيا والدين تسحبيني مشتكش لبارح(دارت إيدها ليسرة فوق بطنها وضربتها بليد لخرة بحال شارفات)هويلي كون حواك نتي تما حسن
_رجاء(سرطات ريقها وحمااارت):تفووو فمك شحال خاسر مغتهناي تايتهرس(غادة في اتجاه الباب)
_أسماء:وأجي أجييي هدري لا لا أجيي(تابعاها) أش كنتي تتگولي جاڤيل..إوا بب نتي راه الما قاطع وميفيدكش _رجاء(ضارت عندها وتنهدت):زعما يغلبك شي حد لا لا هادي صعيبة(شافت ليها فعنقها وحلات فمها بحالا باغا تهدر والهدرة مقادراش تخرج ليها..في الأخير تنهدات وغمزتها):زعما الله يعطيه الصحة😉(ومشات بسرعة قبل لتهدر)
_أسماء(غادا تابعاها وكتغوت):ياك ألقحيبة يا المترمة لخرة يا شااالوطية يعطيه الصحة إوا بغيت لمك غير الزغب فلسان بنادم ياكل ونتي تمشطي
_رجاء(ضارت كضحك):ههه تجي معاك عگوزة سيري تفطري خليني نخدم اااااه وقبل متمشي ديري شال(غمزتها وهربت) _أسماء(غوتات):أبلاتي على لكلبة تاعت مك أسوبيسة
..داكشي ليدارت مشات خدات شال لواتو على عنقها ومشات لكوزينة تفطر لقات الخدامات كيغسلو في الباقي ديال الماعن ديال الحفلة ومي حبيبة كتوجد في الغدا مع جوج خدامات خرين أسماء گلسات في الطابلة المربعة
_أسماء :صباحوو
_مي حبيبة(تلافتت):مسا الخير أبنتي أشمن صباح _أسماء(بابتسامة):ياك أمي حبيبة نتي معانا ولا مع غانا..
_مي حبيبة(كضحك عزيييزة عليها أسماء كتشوف فيها بنتها لي خرجات الطريق ملي مات راجلها):لا أبنتي لمكنتش معاك نتي معامن نكون...
_أسماء(بابتسامة):الله يخليك ليا أمي حبيبة...
_مي حبيبة(جبدات الماكلة من الميكرووند وحطاتها ليها فوق الطابلة):هاكي أبنتي فطورك وحيدي علك هادا لاش باغاه كاين غي..(جرات عليها الشال لي لاوياه على عنقها حتى كتوحل ليها الهدرة وحتى من الخدامات لي تما لي كانو مقابلين معاها خرجو عينيهم...
_مي حبيبة:مالك أبنتي كلك طباعي (معارفاهمش مسكينة).. _أسماء(جرات الشال من إيديها ولواتو بسرعة): لا لا والو أمي حبيبة....
نقزات وحدة من الخدامات ياللاك جات كانت في عطلة بعذر مرض مها ويلاك جات لبارح وهي من ديما حاطة عينيها على أوس ومن الأكيد أن المزيودة تخوات ليها البارح فاش جات إييييلى مكانتش تخوات ليها فتيليفون كيف معروف على المغاربة الأوائل في التبرگيگ عالميا
الخدامة(بصوت تبعكييك):باااااينة واااالو...
_أسماء(مكانتش من العاگزين طلعتها وهبطتها): اهاه أنا واياها ونتي أش دخل حمارك لأسبوع الفرس(حطات النضغة اللولة في فمها باش متبقاش معدتها تغرغر)...
_الخدامة:شكون هدر بعدا...
_أسماء(كتاكل وتهدر يالاك بغات تگول ليها لي حواك غير تفكرت مي حبيبة وسكتت):سيري أبنتي شوفي شغالك بقاي مقابلاني أنا...
_الخدامة:إوا في آخر أيامي تجي بنت الطارو تگوليا شوفي شغالك...
_أسماء(ناضت وضرب الطبسيل أكثر حاجة تتكرها هي فاش كيعيرها شي واحد بي أصلها): مال ديلمك ألقحبة فهاد الصباح.. _مي حبيبة:رجوع الله أبنتي مديش عليها وكملي فطورك ونتي هنينا...
_الخدامة:شوف شوف شكون كيهدر على القحوب وهي عايشة فيه...
_أسماء:موووووك أنا يالعاهرة لاخرة..
_الخدامة:شوفي غاحالتك وشوفي شكون العاهرة فينا شابعين فك غامصان...
_أسماء(صافي طلعات لديلمها الدم تلاحت عليها وطيحتها لأرض وتكات ليها فوق كرشها وبقات كتعطيها غير يالكروشيات الوجه أشمن نتيف گالاك مكاين غير لكروشي على خوه حتى رعفت وهي تتعير):الله ينعل طبون مك ألقحبة گالتها ليكتهزووو فابور ااه ينعل زغبة لخرة فطبون مك ألمكبوتة...
الخدامات لخرين غير كيتفرجو نيت باغين الفراجة وكاينين ليباغينها فديك الخدامة مع فيها الدودة والدسارة غير صحبتها لكتجر فأسماء ومرة مرة تنتفها من لور ومي حبيبة مسكينة لكتجر جات رجاء كتجري هي ودوك جوج الخدامات وتاهوما بداو كيجرو بزززز باش جروها عليها غير ناضت شافت فيها نيفها راعف وكتغوت دفلات عليها
_أسماء:تفووو على لقحبة تاعت مك...
وضارت لقات ديك صحبتها لكانت كتجر فيها وتنتفها من لور وتلاحت ليها على وجها شبعات فيه قميش
أسماء :اااه انا تنتفيني إوا ينعل زامل لي حطك...
كتقمش وتنتف وتالخرة كتحاول تشدها من شعرها ولكن مقدراتش توصل ليها مع كتريشها وهي مبعدة وجها ومع هبطتها أسماء لخرة قدرات تجرها من ركبتها تاطاحو بجوج في الأرض ولخرة جات فوق أسماء يالله سرفقتها اسماء غامزادت ولاو فيها تلاتة غوتات غوتة وحدة وكركبتها وجات فوقها بركات عليها بركابيها فوق بطنها وگلسات تنتف وهوما كيجرو وهي كتغوت وتسب غير من الحزام لتحت واااالو محامين عليها رجاء ومي حبيبة و واللهما تحركات من فوقها حتى للقطة كتلقا راسها مهزوزة عليها وشي إديدين حاكمينها من لور محاوطين خصرها من لور وهي تتفركل وتسب جااااعرة وحمررررة ....
_أسماء(كتفركل):تقربي ليا مرة خرى منخلي لقحبة تاعت مك تازغبة يابنت الهاربة..
_أوس(بنبرة حادة) :أسماااااء..
عرفاتو غير من صوتو وقفات من تركال وتلافتت وهي كتنهج عندو وكلشي حادر راسو ودوك جوج خدامات كيتباكاو دموع تماسيح وشكون من غيرو يقدر يشدها...
_أوس(معصب..من تحت سنانو):أش هاد الحالة دايرة ليا هنا _أسماء(كتهدر معاه وكتلافت عند دوك جوج خدامات..بلغوات):سولهم هوما...
_أوس(تلافت عندهم):أش واقع هنا نتوما...
_الخدامة لولة(كتنخصص باش تأتر فيه):والله أسيدي مدرت حاجة جات وبدات كتآمر علينا وتغوت و ملي دويت معاها شوف اسيدي على على حالة دارت فيا أنا وصحبتي اهيء اهيء...
_أسماء(جعرتها بهدرتها بغات تلاح عليها):باقي محشمتيش ألقحبة..
(يلاك غتلاح عليها حتى شدها أوس من دراعها وغوت)
_أوس:أسمااااء غتصلحي داك الفم ولانهرسو لمك دابا..
_اسماء(شافت فيه مخنزرة):واش مسمعتيش أش كتگول واش باغيني نبقى نتفرج عليها وهي كتكدب..
_الخدامة تانية(قاطعتها):لا اسيدي حنا مكنكدبوش اهيء شوف غير حالتنا...
_أسماء:نتي غير سكتي ولانجي نكمل على ديلمك مصرفقاني وناتفاني وداوية...
_الخدامة تانية:اهيء هانتا اسيدي شوف كيفاش كتهدد علينا وقدامك...
أوس مبغا يظلم حتى وحدة خصوصا هوما بنات بيناتهم..تلافت عند أسماء وهو باقي مخنزر وهي بدورها طلعات راسها شافت فيه..
_أسماء:واللهتا كتكدب إلا متيقتينيش سول كلشي دخلت باش نفطر وداك خيتي بدات تتگول ليا شوفي عنقك مولفين كيمصوك على أساس انا عاهرة وكملتها وجملتها گالت ليا نتي غير بنت الطارو متحكمتش فراسي وجات صحبتها بينما تفك كانت كتنتفني من لور و صرفقتني واللهتا هادشي ليكاين وحتى انا مسكتش على حقي...
هو باقي شاد فدراعها وكيشوف فيها وفكل حرف كتخرجو زاد تعصب اما هي كتهدر والدموع فعينيها مكتحملش الضلم من ديما ومكتبغيش لي يحگر عليها وكدافع على راسها حيكاش عارفة معندها لي يدافع عليها ولكن هاد المرة كاين حكم الوسط وخايفة يضلمها كيف كضلمها الحياة..هي شافت فيه ببراءة والدمعة فطرف عينها دارت إيدها لخرة على صدرها..
_أسماء :أوس واش أنا عمري كدبت علك..
أوس غير شاف عينيها لكيدوبوه مغرغرين ومع نطقات سميتو زادت كملات ليه الباقية..كتافا أنه تنهد وحرك راسو بآه كيطمأنها..
_الخدامة لولة(نقزات):لا اسيدي واللهتا كتكد...
_أوس(قاطعها بالخف جبد فرديه وتيرا دوزها جنب ودنها جات فواحد الطبسيل وراها تفرتت كلشي غوووت إثر هاد الحركة وكاينة لي هربات من تحت سنانو):هاد المرة دوزتها لك من الجنب تزيدي كلمة خرى نجيبها لديلمك وسط جبهتك (غوت)خرجييييي قودييي عليا نتي وياها..
هي سرطات ريقها وفرتحات هي وصاحبتها عارفينو فأي لقطة يقدر يقتلهم أما أسماء فتنهدات وخرجات باتجاه بيتها وهي كتجري دخلات وردات الباب مبغاش يتسد بحكم أن قفلو باقي مفروع مشات خرجات لبالكو وگلسات في الأرض وجمعات رجليها عندها وخشات راسها وسطهم وهي كتبكي..تفكرات أيامها فاش كانت صغيرة وكيعيروها ببنت الطارو وهي مكتلقى حتى جواب ولاضاربت مع شي واحد كيجيب ختو ولا خوه يتحاماو عليها مكانتش كتلقا شي واحد باش تگول ليهم غنجيبو ليكم كان عندها غير نفسها فقط كانت كتصبر للضلم واخا مكتحملوش وعمر شي حد ماجا من جيهتها قليييل..كانت كضارب مع الدراري أغلبية حيكاش بكل بساطة مكانتش كتلعب مع البنات باش متيخليوهاش تقرب ليهم وهي فيها ريحة الطارو..عمرها حاما عليها شي شخص حتى اليوم دابا كون كانت بواليديها ولا خوتها حتى حد مغيقدر يتهز عليها ولكن وأخيرا ربي عوضها ورسل لي دافع عليها و يوقف جنبها كتبكي وكتفكر فهادشي كامل حتى كيقاطع سلسلة أفكارها إيد تحطات على كتفها هزات راسها والدموع شلال على خدودها.....
هزات راسها ابتاسمات فور رؤيتو..ابتسامة تحت من الدموع..ابتسامة فرح تحت من هم كبييير.. ابتسامة في الشفايف واخا القلب عايف..ابتسامة ترسمات لوحدها..ابتسامة لمكتفارقش شفايفها.. ابتسامة أمل..ابتسامة براءة..ابتسامة نفس بريئة..ابتسامة لي كترسمها فوجه الآخر باش تفرحو واخا قلبها يكون كيبكي الدم..تصرفاتها تعلمتهم راسها من عند الله الواحد الأحد...تصرفات مبنية على ثقة كبيييرة بقضاء الله وقدره..ماشي ضروري تكون بواليديك ولا لي كبر منك باش تربى لا لا هادي غير سبة تقدر تكون لوحدك وحييييد ولكن عالمك عااامر عااامر بدكر الله برضاء بقدره هاكا غتربي راسك أحسن تربية...هاكا غتكون أقوى شخص ولو غير فعينيك فقط..هاكا غتبني أقوى شخصية..واش ضروري تكوني بواليديك باش تبقاي على طريق الله... واش ضروري يكون باك إخواني ولا عندك خوتك قباح باش تمشي فالطريق الحق..لا لا أغلبية الأنبياء والرسل كانو يتامى ومع دلك كانو أكبر قدوة للعالم..وإلى كنتي ضعييف تالديك الدرجة دير حاجة وحدة بقا فقوقعة طفولتك بقا طفل ولو بجسد ضخم..غير بقا تفكر بعقل طفل أنا متأكدة غتنجح..حيكاش غتكون فك براءة ولو بنسبة قليلة غتقدر تحميك وتبعدك من بزاف الحويج خايبين..ولا كان جنبك شي حد ومن ديما مك باك ختك خوك ولا عشيرك عشيرتك راجلك ولا شخص من لافامي ولا غرييب المهم شخص لكيحس بمصلاحتك شخص لكيعرفك كثر من داتك ومتگولش ليا غير حبيبي ولا حبيبتي هادو ماشي فلاليست أما دوك لي في لاليست فاش ينصحوك ويگولو لك رد البال لطريقك عرف بلي ديك الطريق مغتخرجكش... ولا فاش يگول لك راه داك الشخص خايب ميناسبكش عرفو راه مهما طول الزمان راه غيخياب واحد نهار والخيبة هي لافات الوقت...
أسماء ابتاسمات ليه ودموعها هوادة شاف فيها بملامح غير مفهومين... ملامح شفقة ملامح خوف... قلبو نبض فاش شاف دموعها... هي ناضت بسرعة وقبل مينطق تهزات على صباعها وتلاحت عليه عنقاتو بقوة بحالا كتگول ليه متخلينيش... معرف أش يدير... أش وقع ليها... مموالفهاش كتبكي موالفها غير بالزبايل حتى هو هبط إيدو لفخادها وهزها ودار إيد من تحت مؤخرتها باش يتحكم فيها وليد لخرة فضهرها كيطبطب عليها... هي حاوطات خصرو برجليها وخشات راسها فصدرو وكتبكي بحال شي بنت صغيرة مشا عليها باباها... كتبكي بحرقة وشهقات مسموعة... علاش الله وعلم... ولكن ربي لي عالم بيها.. عالم مافي قلبها مبقاتش تقدر تصبر كثر تاهي إنسان... تاهي بغات حضن دافيء....تاهي بغات علامن تبكي بغات صدر ماشي ميكة ديال طارو ....بقات كتبكي بحرقة كبيييرة بعد مدة طويلة وحتى هو مخليها على راحتها تسرد ليه حويجو ومنطقش خلاها حتى تهدر على راحتها... للحضة هزات راسها وشافت فيه وعينيها مغرورقين بالدموع بصوت غالبة عليه البكية
_أسماء :واش واش واش غتحامي عليا مرة مرة خرى إلى أداني شي شي حد..
_أوس(قلبو بغا يسكت كيحس براسو هاز فيدو بنتو ماشي حبيبتو ولات كلشي بالنسبة ليه ابتاسم ليها باش يطمأنها وحرك راسو بآه): من حدي معاك حتى حد مغيقدر يأديك... _أسماء(طلعات الشفة ديالها الفوق باش تحاول تحكم فبكيتها):من من حدك حدايا وتال إمتا غتبقا حدايا ومعايا... _أوس(مشا حتى لحديدة ديال لبالكو وحط ليها ترمتها فوقها وهي بقات محاوطة خصرو برجليها..شد ليها وجهها بين إيديه وبصوت حنييييين):انا ديما معاك وعممممري نخليك واخا تبغي نتي تمشي وتخليني غنشدك من إيدك ومغنخليكش تمشي واخا بالسيف(مسح ليها دموعها بصباعو وبقا كيدوز الإبهام ديالو على خدودها الحمرين)...
_أسماء(وقفات من البكى..ببراااءة):أوس نسولك...
_أوس:روووح أوس نتي سولي...
_أسماء:واش في اللخر فاش غتلقا داكشي لي بغيتي غتقتلني وتمشي لگنازتي.….
_أوس(ضحك ضحكة طفولية على برائتها):ههه حمقة نتي(وعاود خشاها فصدرو وهو كيضحك)...
بقات مدة وهي فصدرو تنفسات الصعداء وبقات متكية ليه على صدرو وهي مبتاسمة وعااجبها الحال وأخيرا لقات شخص يحميها... وأخيرا ربي جزاها مبقاتش خايفة لا منو لا من غيرو... عارفة راسها دابا أش كتسوى عندو.… واخا باقا ممتأكداش المهم عارفة بلي هو مغيخليهاش... بعد مدة بعدات عليه بشوي وشافت فيه بابتسامة...
_أسماء:احم أوس..
_أوس(بابتسامة):اححح شي نهار غتوقفي ليا قلبي... _أسماء(مطلعة حاجب ومنزلة لاخر):هويلي يحلگ فيه نتا فينما تشوفني كلشي كيوقف لك...
_أوس(فيه الضحكة وحابسها بزز):كنخمم نلوح مك من هنا على هاد الفم الخاسر ومنسيتش داك تخصار الهدرة فلكوزينة واش نتي ولد ولا بنت...
_أسماء(كتهدر وكضحك نفس الوقت):لا لا دابا أنا تزاديت ولد ومع حنا على قد الحال هه بينما يجيبو طبيب جابو گزار في الختانة ومع عور بينما يقطع شوي نجرو من الجذر ههه.…
بدات كضرب ليه فصدرو وكضحك بججججهد غتفرگع ووجها حمار ودموعها طايحين شوي شافت فيه بان ليها مخنزر وهي تجمعها وهبطات راسها حتى بدا كيضحك بجهد حتى هو عاد هزات راسها وكملات تكركيرها... كانو بحال شي جوج دراري صغار قولبو مول الحانوت كيضحكو بقوة وهي كضرب ليه فصدرو وهو كيضحك بقوة ملي كيشوفها كضحك بديك الطريقة ديال البعالك للحضة نسات راسها فوق البالكو ومع كضرب ليه فصدرو شوي وطيح لور غوتااات
_أسماء :ااااه....
وهو شدها بسرعة من جيهة خصرها ورجعها عندو حتى قربااات ليه وشافت فيه مستغربة وهي كتنهج وقلبها كيضرب
_أسماء :كنتي غتقتلني ألكلب..
_أوس:يااك واخا ألالة..(طلقها وهي تعلقات فيه وعاودت ضورات رجليها بخصرو وشدات ليه من لكول ديال القاميجة)
_أسماء :أضحكت أضحكت والله...
أوس كيشوف فيها بنضرة مثيرة كيشوف فشفايفها للحضة هبط عليهم ويدو ورا ترمتها ودخل معاها فقبلة كانت طويييلة هازا معاها بزاف الأحاسيس..حب..هيام..عشق..والأكثر هوس..بقاو حتى تقطعات انفسهم عاد بعد عليها وهو راسم ابتسامة عريضة على وجهو... دخلها لبيتها وهو هازها و مفيكسي عينيه لي كيبريو على عينيها ليهوما التاليين مفيكسين عليه وكيلمعو صافي مبقا عندها متگول صافي بلا متزيد تكدب على راسها واخا تبغي دابا صافي مبقاتش تقدر قلبها غلب عقلها اه اه غلبو اه هي كتبغيه أو بالأحرى قلبها دابا ولا ليه ملكو وأخيرا عرفت معنى الحب وأخيرا ولكن باقا ممقتانعاش بالفكرة 100في100 حطها وباسها على جبينها وتما خارج حتى كتوقفو بإيدها الصغيرة لي شدات فيدو..
_ اسماء:بلاتي
_أوس(تلافت):اش كاين
_اسماء(كترمش فعينيها):طليبة عفاك
_أوس(مبتاسم):آمري نتي غير متبقايش تشوفي فيا هكا لانصدق گالس هنا بلا خدمة
_أسماء(جمعات النفس):مليت
_أوس:اممم مرتي ملات
_أسماء:لا جداك أنا
_أوس:إوا مبقات لا طليبة لا والو..غادي خارج
_أسماء(عاودت شداتو):لا لا صافي صافي غير كنضحكو أساط تامال قشابتك ضيقة..ضحك ضحك تربح صابونة تكفت بيها _أوس(شدها من كتافها بجوج وهو مخنزر من تحت سنانو):أسمااااء
_أسماء(عضات على شفايفها):واللهما قصدت راه غير خرجت مع الولف..صافي صافي سمح ليا..احح أوس كتوعتني _أوس(مخنزر):قسما بالله وبقيت سمعت كلمة خرى خاسرة خارجة من فمك حتى نهرسو لمك طلقها وخرج من بعد مردخ الباب
_أسماء:مشية بلا رجعة..البحر والشطابة الزويمل لاخر داير ليا فيها سديس وهو الزملة كتشوفو تركع ولكن بلاتي بلاتي انا خاصني نخرج
مشات بالجرى تبعاتو لقاتو حل باب لوطو وغيركب وهي تغوت من قدام الباب
_أسماء:أووووس..
تلافت بسرعة وسد باب لوطو وهي مشات كتجري عندو بالحفى كتبان بحال شي بنت عندها 3 سنين كتجري عند باباها جا من الخدمة ابتاسم من المنظر..دغيا كتخليه يبتاسم واخا تكون واصلة ليه العضم معارفش كيفاش وقفات قدامو وهي كتنهج..
_أوس(كيطلعها ويهبطها):أش هاد الحالة خارجة بيها وزايداها حفيانة
_أسماء(كتهدر بصوت حنين ورقيق):وصافي نسا دابا الحالة واش درتي معايا في الطلييبة
_أوس(جرها من خصرها تاضربت فصدرو بقوة):معرفتش علاش مباغانيش نمشي لخدمتي
_أسماء:أووس وگلت لك بغيت منك طليبة وصغييييقرة احمباك متخسرش لي خاطري
_أوس:أمري احياتي شكون لي يقدر يخصر لك خاطرك _أسماء:احم مليت وبغيت نخرج مع رجاء شوي عف