الفصل 3
وصلات العشية كلا واحد من مجموعتنا وفين شاد بلاصت وكل واحد كيخطط لحاجة..أسماء كتخطط تندم أوس وتقريه كيد النسا و كتخطط هي ورجاء حتى كيفاش يخليو زياد يطيح فرجاء وهادشي لمكرهاتوش طول حياتها..
أما أوس فكانو عندو جوج أهداف لول أسماء تولي ليه وتبغيه وتاني ينتاقم من طاهر بن حسين.. أما زياد فهداك غير كيعاون أوس على هدفو تاني وصافي ولكن قريب مسكين يدخل لمخطط جديد..اما العدو ديالهم طاهر فهاداك حالف حتى يدخل المغرب ويدير گاع صفقاتو الغير الشرعية كيف العادة من بيع الماريخوانا و القاصرات والأعضاء المهم كل ماهو خايب فعالم المافيا..أسماء ورجاء كملو مخطاطاتهم وتغداو مع باقي الخدم هاد المرة مع الضحك كل وحدة تتعاود همها مع راجلها ولا خطيبها وكيضحكو كيفاش طيحوهم هالي ملي تخاصم مع راجلها تتشد باكيات تيد وجافيل تتخويهم في طواليط وتتگول ليه سالاو😂هالي ليلة دخلتها مخلاتش راجلها يقيسها تنتفات ليه شعر صدرو كامل بلاسيغ گالت لك كنعيف😂دارو عند مي حبيبة وبدات تتعاود ليهم على يامهم
_مي حبيبة:تسحبونا حنا بحال يامكم كان ضو وهادشي... (نقزات أسماء مخرجة عينيها)
_أسماء :كنتو كتديرو داكشي فضلمة😯
_مي حبيبة:واه في الضلمة..(كلشي تفرگع بالضحك) ..
_أسماء(كتحرك إيديها فالفراغ بحال العميين):خخخ هالعار كيكان كيدير كيبقى يتلمس فك حتى كيجيب إيدو فالبلاصة😂.. (ناضت مي حبيبة وهي كضحك)
_مي حبيبة:الله يقلل حياك أبنتي ههه...
المهم بقاو طالقينها تسرح وضاحكين وصل وقت لگوتي عوتاني كالو مجموعين وجمعو روينة عوناتهم أسماء غسلات معاهم الماعن وطلبات تيلي ديال رجاء باش تلعب وراتها واحد لعبة crazy aa ساهلة وممتعة وخرجات لجردة تكات فوق زعلولة من توب مشبكة فلباج لتتكون طويلة ومشدودة مع جوج شجرات وشدات تيل كتلعب..
أما أوس فكانت عندو الخدمة كان عندو فلعشية حصص فلافاك مشا دوزهم ومشا ورجع لدار مع 7:00 كانت أسماء باقا متكية غير سمعات صوت شي لوطو دورات وجها بان ليها هو غير شافها هكاك تبسم وكمل طريقو لداخل..
_أوس(فبالو) :اححح على المسطية ديالي اش كدير فيا وهو
مهبط راسو غادي داخل لدار حتى كتوقف قدامو ومخنزرة هو هز راسو يالله بغا يهدر قاطعاتو
_أسماء:بغيت نهدر معاك تبعني..
مشات هو هاز حواجبو بزوج مستغرب عمرو سمعها حتى من رجال جات فلخر خلاتو يسمع لعمرو سمع فحياتو ولكن الراجل هو لكيدير لراسو قيمة كلمتو هي لكتمشي(هادشي لكيفكرو فيه الرجال ملي كتهدر معاهم المرة ولكن فالخر كيطرا العكس😂)تنهد وتبعها غادة بخطوات بطيئين وتنفس عميق خاصها متغلطش دخلات لباب وبقات شادة لباب حالاه غير دخل وراها سداتو تنهدت ودارت عندو...
_أوس:احم أش كاين..
_أسماء:سمع أش غنگول لك مزيان داكشي ديال لبارح عمري غنساه لك فحياتي..بصح انا عندك فدارك ولكن راه غي حيكاش شادني نتا..بصح انا معندي لحنين لارحيم ليدافع عليا..وبصح انا مقوياش بحالك وعندي نفود وفلووس ولا أملاك ولا بابا كنيتو العلوي ولا بناني..بصح انا بنت الزنقة والطارو كيف كيعيط ليا كلشي ولكن سمع مزياااان..هادشيييي كامل ميسمحش لك تقرب مني ولا تحاول تغتاصبني كيف درتي تو تو تو نتا غالط أزوين باش كيف نتا كتقتل على قبل لفلوس ولا منعرف انا نقدر نقتل أي واحد إلى قرب ليا ونضحك ونمشي لگنازتو من بعد ومرة خرى الى قربتي ليا غتكون نتا لول في لائحة سمعتيي..
هو كان مربع إيديه ومفيكسي عينيه على عينيها وكيشوف فحراكتها وعصبيتها وجرأتها الزايدة عمر شي شخص تجرأ عليه حتى لهاد الدرجة فلخر بنت 19عام دارتها😊 وقدرات تزعزعو بكلامها وقوتها الكبيرة..
_أوس(بابتسامة..اححح قلبي):ساليتي..
_أسماء(استفزها تعصبات غوتات):واااش..
_أوس(قاطعها قبل متكمل دفعها على لباب لكان ورا ضهرها وميل راسو شوي وحط شفايفو على شفايفها باش يدخلو فقبلة مي حنيينة هاد المرة إيدو ليمنة شاد عنقها باش يتحكم فيها كتر وليدو ليسرة شبكها مع إيدها ليمنة لكانت طايحة وهي مع غفلها كتفات انها تخرج عينيها ومعدتها كتفرفر خدام فيها لقنبول وقلبها كيشطح..ختمها بعضة خفيفة فجنب وبعد شوي راسو وشاف ليها فعينيها هي كانت كتنهج سوفل عندها عيان😂 بتاسم مرة خرى ونطق
_أوس:سمحي ليا..
حل لباب وخرج 😳😳😳😳گال سمحي ليا ههه هي باقا حالا فمها ومصدومة من كلشي كانت باغا تعيرو وتسبو ومنعرف علاش سكتات فلخر وخلاتو يبوسها وزاد گال سمحي ليا لا لا هادا إما حمق إما غير طالعة ليه السخانة لا لا ميمكنش تيق هادشي فكرة ديها فكرة تجيبها حتى كيفقها صوت رجاء..
_رجاء:أسمااااء نتي هنا وأسماااء..
_أسماء (حلات الباب) :هاه اه اه هادي نتي..
_رجاء:نص ساعة ونا كندق فين كنتي..
_أسماء(باقا تحت تأتير الصدمة):هاه انا..
_رجاء(شداتها من كتفها):وتي مالك ألخرية..ياكما دار لك أوس شي حاجة شفتو خارج من هاد جيهة واش كان عندك.. وتي هدرييي ألخرية..
_ أسماء(شافت فيها وهي باقا مخرجة عينيها):گاليا سمحي ليا أساطة ....
_أسماء:گاليا سمحي ليا أساط...
_رجاء:😒من نيتك أبنت العبد..كضحكي عليا أاااوس العمرااااني(دارت بين قوسين)شرشبييل طلب منك سماحة(ضحكات ضحكة استهزاء وفنفس الوقت كدور راسها بلا)لا لا غير ضحكي (عاودت جرتها من كتف تريكوها)واش كتهدري بصح بصح بصح بصح...
_أسماء(بابتسامة شريرة):لا بلعاني بلعاني بلعاني(هزات كتافها)نتي ووجهك أبب خخ..
(وتمات غادة باتجاه الباب ورجاء تابعاه بخطوات سريعة)
_أسماء: حلفي حلفي...واش كضحكي عليا!!
_أسماء(دارت عندها):ونتي ووجهك أبب هادي غي لبدية _رجاء(تأكدات أنها مكضحكش..تبسمات):نتي كاينة أبب عمري فحياتي كنت متخايلة سي أوووس العمرااااني لكلشي ضارب ليه الحساب من صغيرهم حتى لكبيرهم يجي شي نهار ويطلب السماحة...
_أسماء:داكشي أحيااتي شحااال هادا قبل مندخل أنا لحياتو أما من هنا لقدام غنربيه على إيدي لاهو لا داك زويمل نتاعك... _رجاء(كضحك):😂ألعار فين كنتي مخبية ليا...
_أسماء:أه انا علا مگلتش لك أنا كنت فطارو...
_رجاء:خخ😂صافي أعارت ربي عرفتها عرفتها والله _أسماء:ولاش سولتي...
_رجاء(عرفتها غتبقا غالاهياها):والو والو مديش عليا سيري كملي لعب بتيلي انا غنكمل خدمتي ونجي عندك نتفرجو فشي حاجة...
_أسماء:امم صافي مشات...
****في مكتب شاسع كيجمع مابين الأحمر الأسود والرمادي..أثات فرنسي أقل حاجة يمكن تگول عليه واااو..بگلستو الرجولية ونضرتو التاقبة گالس أوس وقدامو في لكرسي لمقابل زياد لي مسرح رجليه على الطبلة الزجاجية الصغيرة..
_زياد:اه فكرتيني نخبرك بلي سي مصطفى مغيجيش غدا لحفلة ولكن غيراقب من بعيد..
_أوس:امم فكرة مزيانة أصلا يقدر يعرفو شي حد بحكم قِدَمو فهاد المجال..اجي واش كلشي معروض..
_زياد:اه كلشي..باقي غير ماكس هداك لكيلقبوه بwolf گال لك عندو شي صفقة في ديب ويب...
(الناس لمكيعرفوش ديب ويب هو عبارة عن سوق لمحير العالم ولحتى حد مكيقدر يدخل ليه بفعل أنه لِمعروف لكيدخل لهاد السوق مكيخرجش..إلا أكبر رؤوس المافيات هو عبارة عن سوق لتجارة الأعضاء البشرية كيگزرو فيه بنادم تما..وتجارة القاصرات..والأسلحة وكل ماهو داخل فهاد الأشياء..ومن الأعضاء ديال هاد السوق كاين أوس ضروري..المغربي لوحيد لداخل تما وداير بلاصتو)..
_أوس:امم صافي..المهم يك غير..ترنتن ترنتن ترنتن(صوت هاتف أوس لقاطعو هزو شاف نيم و جاوب بلا ميتعطل)...
_أوس:ألو سي مصطفى..لا ولكن راه كنضن تما حسن..اه بصح ولكن واش مكينش شي خطر على لعندي..إلى كنتي متأكد أنه أفضل صافي ماشي مشكيل..بسلامة(تقطع الإتصال)
_زياد:أش كاين...
_أوس:الحفلة ديال غدا غتكون عندي فدار...
_زياد:ولكن علاش هاد التغيير المفاجيء...
_أوس:گالك من الأفضل على قبل باش نزيد عدد الحلفاء وفداري غتكون الكرة عندنا وغنقدرو نعرفو المخططات الجديدة... _زياد:امم عندو الحق...
_أوس(هز تيليفونو):غنعيط لرجاء تبدا توجد...
عيط فلفاكس ديال دار..احح بغيت نگول لقصر لمشقلباه أسماء..مضاربة مع رجاء على تلفازة أسماء واقفة وهازة فيديها لفاكس ديال دار و كتغوت
_أسماء:هاديك القحبة غترجعي فتيات القوة ولا نطنطن مك..
_رجاء(معنقة تيليكومند ومكمشة عليها):لا والله ومتفرجت في حب للإيجار لعطيتك..
أسماء يلاك بغات تشير عليها بلفاكس حتى بدا كيڤيڤري فيديها مكانتش عارفاه تيلي هزات الهاتف وهي كضور فيه سكت من سونيط حتى كتسمع ألو..دارتو على ودنها وهي تنوض رجاء باش تاخدو ليها وهي تهرب ليها بيه وهي كتهدر نفس الوقت وكتغوت
_أسماء:آاااالو
(أوس قفز من بلاصتو وبعد تيلي على ودنو صمكاتو زياد بقا كيشوف فيه مستغرب..)
_أسماء(كتجري وتتغوت ورجاء تابعاه وسط دار باش تحط لفيكس):وأاالو شكووون..
(دخلات لبيتها وهي كتنهج وسورتات البيت ورجاء كتدق بجهد برا)
_رجاء : ومتجاااوبيش ألخرية ينعل ديلمك..
_أوس(رجع گلس وهو مبتاسم فهم بلي هي شفراتو):ألو _أسماء(كتنهج):ورااه گلنا لك ألو وألو واش خاسر فلوسك باش تبقى تگول ألو عيط لتيصالات حسن لك يلاك بغات تقطع حتى قاطعها..
_أوس:أسمااء...
_أسماء:هاه وااو كتعرفني أخويا وااو فين كتعرفني..شوف انا راه شريفة بغيتي تخطبني جيب معاك سبعة سبعة من لحاجة وجيب معاك ثور وعجلة وفالصداق سبعة المليون وبارطمة وجي مرحبا بك مبغيتيش صافي نقطع...
_أوس(جابت ليه الضحكة..غير كيسمع وكيتبسم على هضرتها المسطية وزياد كيشوف فيه باستغراااب):اهاه صافي نسيتي شي حاجة...
_أسماء:اه جيب معاك لفرماج لحمر فدهاز... _أوس(كيضحاااك..شحااال هدا مضحك من موت باه ومو):😂😂دابا نجيب لك هادشي صافي ولفرماج لحمر وتزوجي بيا... _أسماء:اه والله..صافي نتزوج بك..أجي أش سميتك أخويا... _أوس:يالله گلتي ليا صافي نتزوجو وتتگولي ليا خويا دابا... _أسماء(عضات على شفايفها وخرجات لبالكو بمعنى حشمانة وخلات رجاء غتفرگع لباب بدقان ههه):احم كنحشم...
_أوس:لا راك غتولي مرتي بلا متحشمي...
(زياد غير سمع هادي ناض ودار ليه تحية)
_زياد:تهلا أساط لنصدق شاك فك هه..(خرج أما أوس فكان كيعني جملتو بكل حرف فيها)
_أسماء(بصوت شبه مسموع):احم راجلي ..
_أوس(قلبو خفق مكانش كيضن انه غيسمعها فهاد المدة..بابتسامة عريضة):اححح على كلمة راجلي...
أسماء:افف منك كنحشم أنا..اجي فكرتيني أراجلي جيب معاك ليكوش...
_أوس(كيضحاك على هبالها ولكن عاااجبو لحال ومسايرها):ههه واخا أحياتي نجيب لك حتى شركة ليكوش انا غير آمري…. _أسماء:هوييييلي يحلگ فيه شتك تيقتي كريرك ياتگول شكون ينقطع..گالك ليكوش ومن هادي لگارو...
_أوس(هز حواجبو بجوج فاش سمع كريرك ههه):كلمي ليا رجاء أمرتي أنا أوس.….
_أسماء(شهقات):شرشبيييل هدا نتا...
_أوس:هاه كيفاش ...
_أسماء:أ أ الرقم الدي تطلبونه خااارج تغطية المرجو الإعادة لاحقا(قطعات)..
هو بدا كيضحاااك العلبة الصوتية ديال2018 مع التمتيمة أ أ خخخ😂 سرعان ماجمع ديك الضحكة الزوينة لنضرة رجولية وحادة ووقف وقفتو الرجولية خرج طلع لسيارتو المفضلة لامبرگيني كحلة كانت الوجهة القصر أما أسماء فخرجات من البيت وملقاتش رجاء قدام الباب هاد الأخيرة لعيات من دقان وسلمات أمرها لله ومشات تكمل فراجتها فالصالون لي قريب لباب جات عندها أسماء ومدات ليها لفاكس
_أسماء:هاكي..
_رجاء(شافتها بنص عين):وراااك جاوبتييي وساليييتي لاش عاطياه ليا دابا ألعار...
_أسماء:باش تجاوبي حتا نتي...
_رجاء:هه ألعار لماگلسي تفرجي وسكتي..اجي بعدا معامن كنتي كتهدري من الصباااح...
_أسماء:هاه انا...
_رجاء(هزات حاجب ومنزلة لاخر):لا ترمتك وتي هدري... _أسماء:بفف كتخصري لهدرة حشومة الله غيعدبك..سأخبر الله بكل شيء...
_رجاء:يااااك وبااااز لوجهك كريه ليا ندخل بيه غاحمام رجال راه قاصح..نتي راه إبليس كيتعلم منك تخصار لهدرة وهادرة..ودابا غتگولي شكون ولا نوض لمك...
_أسماء:مالك مالك هاكا دايرة افف شحال فك ديال شك..حتى نتي شكون غيعيط لك مثلا مراد لفيفلم سامحيني..راه غي واحد غالط فنمرة مسكين...
_رجاء:هااااه غال...
كيقاطعها صوت رجولي من وراهم أكيد شكون من غيرو...
_أوس:اممم غالط فنمرة مزيان..
رجاء وقفات وهبطات راسها فهمات دابا شكون كان كيهدر معا أسماء أما أسماء غير طلعاتو وهبطاتو...
_أوس:وجدي لعشا وحطيه فلبالكو وديري بحساب أسماء معايا...
_أسماء(دارت عند رجاء):كاين شي وحدة سميتها أسماء خرى هنا...
_أوس:لا كنهدر علك نتا أمرتي...
_رجاء(خرجات عينيها ومشات باش تخليهم بجوج):هي لولة أسيدي..ومشات
_أسماء(هزات فتجاه وجهو السبابة):شتك تيقتي راه غي كنت كنضحك وكون عرفتك نتا منضحكش انا گاع...
_أوس(بدا كيقرب ليها وهي فنفس لوقت كتقابل خطواتو الأمامية بخطوات لوراء):امم ولكن انا مكنتش كنضحك.. _أسماء(كترجع بلور):أوا نتا مخك..تيق ولا لا بقيتي ليا غا نتا فلحسااا..ااااه..
كانت غطيح مع طبلة زجاجية وراها كون ماهو لشدها من خصرها وهي من كول قاميجتو وهي نصف متأكة ووجهوم جاو فوق بعضياتهم وعينيهم لمفيكسين فبعضهم بحالا كيهدرو كيبوحو..قلب كل واحد منهم نبض بحال دقات ساعة...
_أوس(هبط راسو لعنقها ودورو جيهت شعرها وستنشق ريحتو مع ابتسامة):امم علاش مالي انا أمرتي منستاهلكش... _أسماء(تهزات إثر هاد الحركة وبدات كضرب فيه بيدها لشادا بيها لكول):طلقني..گلت لك طلقني..
_أوس:نطلقك واخا أمرتي..( طلقها حتى جات على ترمتها وغوتات...)
_أسماء:ااااه... مال ديلمك مريض نتا ولا مالك (كتماصي ترمتها)احح..
_أوس:لقيتيها راشقة ليا منوري لمك لمعيور..(تما غادي باتجاه الدروج وبلا ميتلفت)
_أوس:الى بغيتيي لفرماج لحمر طلعي ليه..
وطلع خلاها كتغلي مكرهاتش تلاح عليه وتنتف مو زغبة بزغبة مشات لكوزينة عند رجاء وهي باقا كتماصي جيهت الطيحة وتتبرگم
_رجاء(شافتها):مالك تتبرگمي عوتاني...
_أسماء:زويمل لاخر هرس ليا عضيم طيوْ...
_رجاء:هااه اشنو هادا عوتاني...
_أسماء:دوري تقودي تانتي عضيم طيوْ معارفاش درتي دراري بكري..المهم بلا متحطي ليا معاه...
_رجاء(شدتها من ودنها):لا لا نتي ضساريتي وحق مولانا تضساريني شتك غير گال لك سمحي ليا صافي گلتي ربحتو هداك راه بحال جو المغرب راه لمك كيتقلب فرمشة عين يقدر يضحكك فلحضة ويبكي مك حياتك كاملة وتجمعي وسيري گالاك لا...
_أسماء(حيدات ليها إيدها):إيدو فيه أبب انا راه گاع لطلعت عندو مافات على قبل لفرماج ناخدو ونهبط...
_رجاء:وبعدا أختي انا لي شي نهار غتطرطقي ليا شي عرق..(قاطعهم صوت وحدة من الخدامات)
_الخدمة:العشا موجود أرجاء...
_رجاء(هزات لبلاطولول ومداتو لأسماء):هاكي طلعي نتي هادا... _أسماء:أويلي راه مغنتعشاش معاه..
_رجاء:ياونتي هزي ولا نهز مك انا نيت
_ أسماء(خداتو من عندها بنفخة):بففف غاعلى قبل لفرماج مابرب لامشيت..
طلعاتو لفوق وهي تتعفط فجلايلها ومع الصواب حلات لباب بلاااا مدق حلاتو ومبانش ليها دخلات لبالكو وحطات لبلاطو وبدات كضور فلبيت ملقاتوش كتسمع تقربيب في طواليط بدات كتقرب غير حطات ودنها على لباب حتى شهقات كانت غطيح على لرض كون مطاحتش على صدرو الضخم..كان أوس لخرج من دوش وهو عريان من لفوق ولاوي عليه غير فوطة احح ولما نازل ليه مع ليزابدو وشعرو لكيتقطر على عينيه الزرقين احح أقلبي كيدووب ...
طلعاتو ونزلاتو وهي مخرجة عينيها وحمرة أول مرة ديها في فورمتو
_أسماء( مع بالها) :احح هادشي ديالو واااو بحال داكشي ديال گراندايزر وتاورق داكشي مرسوم احح ديال لبوسان هادشي زعما يكون نافخهم ولا دياولو
حتى قاطع أفكارها إيديه ليجروها بقوة لعندو تاضربت فصدرو وشهقات وتنفسها تزادت وتيرتو..
_أوس:امم مكنتش عارف راسي زوين تالهادرجة..
_أسماء(باقا ساهية..بصوت منخافض):مكدبتيش فيها _أوس(ابتاسم):امم وعلاش كتعصبيني ملي كنعجبك _أسماء(عاد عاقت على راسها وخنزرات فيه): جمع جمع ريوگك راه طاحو گالك زوين..خرية ويسحاب راسو شباكية گالك زين
_أوس(مخنزر):راني كنجع لك
_أسماء(دفعاتو بقوة حتى تخبط على لباب):جمع ل..😳😳(شهقات بقوة وغوتات) واااهيااا علااال
..تلفتات وهو هز فوطتو وقادها وهي خرجات كتجري😂أوس تنهد بقوة ومشا يلبس حويجو اما هي فهبطات كتجري لتحت وتولول موقفتها غير شي إيد
_رجاء(شاداها ومستغربة):مالك عوتاني
_أسماء(كدي إيدها وكتجيبها بمعنا ناري ناري): وناري وناري ناري يختي قداش واااه
_رجاء:هااه أشناهو _
أسماء(كتعبر بإيديها بجوج):هانتي قد هاكا فطول تكون ديك 6 متر هي لقليلة والعرض تكون ديك 4 متر وناااري يختي لخير لخير مْهَوَرْ
_رجاء:وشنااهو هادا لكبير
_أسماء:وهداك هداك..هداك لوردي
_رجاء:هاه لوردي اش كتخربقي
_أسماء:وحنكليس أصحبتي أَوْ
_رجاء:شكون هاد حنكليس عوتاني
_أسماء:والعربي العربي..وااه معفرفتيش..مولاي سلطان _رجاء:كضحكي عليا نتي ولاشنو تانا لدايرة فك عقلي _أسماء(عصبتها):وز**ووووو أوو تيمال ديلمك بقا ليا أنخورك باش تفهمي
_رجاء(خرجات عينيها):أويلي وفين شفتيه نتي _أسماء(تنهدات وهي مغمضة عينيها..مع تغميضة جات صورتو قدام عينيها):وكبييير أختي كبييير وناااري تشوفيه تگولي كيعلفو الصگع
رجاء طاحت لأرض على ركابيها ودموعها طايحين بضحك
😂😂😂 كيقاطع تكركيرها صوت أوس لقوي من فوق الدروج
_أوس :رجاااء..
هي شهقات وجمعات الضحكة ومنزلة راسها للأرض ومباغاش تهز راسها فيه حيكاش عارفة راسها غير الى شافت فيه مغتقدرش تحكم في ضحكتها اما أسماء فعطاتو بالضهر باتجاه لكوزينة..
أوس:هاديك نتي طلعي غتعشاي معايا فلبيت كنضن
_أوس:أسماااء(حتى تلفتات عندو)كنهدر معاك يالله طلعي..
_أسماء:لا أنا..
_رجاء(قاطعتها) :صافي أسيدي هاهي غطلع دابا ونا دابا غنطلع لعشا
حرك راسو بآه ودار لبيتو ورجاء مشات عند أسماء لكانت بدورها مخنزرة
أسماء :لا أجي حويني نتي حسن شتك كتقرري في بلاصتي..
_رجاء: وناري يختي فمك شحال خاسر خاص مو تهراس..شوفي طلعي قبل ميهبط ويخلي دار بوك وأصلا كاين لفرماج لحمر غير عندو..
_أسماء: ومال تلاجة بارزة تامفيهاش لفرماج..
_رجاء:إوا أختي حطيتو كااامل تما عاد زيد كاين سوشي و أحسن مشروب وبزاف الأكلات الصينية
أسماء مفهمات والو ولكن المهم عرفات كاين داكشي لعمرها كلاتو
_أسماء :احم إوا غير على وجهك...
_رجاء:اه على وجهي إوا اش غنگول لك الله ينعل لمايحشم..اوا طلعي دغيا انا تابعاك
طلعات أسماء لقات لبيت خاوي دخلات لبالكو لقاتو گالس وطابلة وااو واخا باقا مكملاتش حلات عينيها وريوگها شوي ويطيحو گلسات بان ليها طبسيل فيه قطع سوشي وحداه لعواد هزاتو بلا متسنا وخشاتها في فمها وغمضات عينيها وهي كتلدد
_أسماء :هممم بنييين...
هو ربع إيديه وغي كيتفرج فحركاتها لمبرهشين هه زعما ديال دراري صغار..حركاتها العفويين..حركاتها لكيخليوه يرجع 7سنين لور من حياتو..حركاتها لبساط ولغير المصطنعين على عكس البنات لكيشوفو شي حد وسيم عاد كيبغيو يديرو فيها العمق والثقافة..حركاتها لعااادين لكيزعزعو مشاعرو..كيهزوه من لداخل..كيثيروه..كيوقفو ليه الهدرة..كيخليوه ينتاقل لعالم آخر وأغلبية كيكون عالم الشهوة والجنس..مكيفقهم بجوج غير حضور رجاء وحطانها لباقي لعشا أسماء بتاسمات بتسامة عريييضة😁
_أسماء :واااو هادشي كامل ليا..
رجاء عفطات على أسماء وخنزرات فيها باش تفيق وتبت ولكن شكون تسوق طبسيل لكيتحط كتفتاتحو شوي عاد نطقات
أسماء:إلا مكنتيش باغي تاكل ماشي مشكيل أنهبطهم علك..
رجاء عرفات حركاتها مغينفعوهاش تنهدات وضارت باش تخرج حتى كيوقفها صوت أوس
_أوس:رجاء..
_رجاء(ضارت):وي ميسيو أوس...
_أوس:احم غدا عندنا حفلة فدار وهي حفلة مهمة ديال الخدمة بغيتك توجدي كلشي قبل 8:30ومنبغي حتى غلط...
_رجاء:واخ..
_ أسماء(قاطعتها) :حفلة وغدا اممم مزيان
كانت شي حاجة كدور ليها فدماغها من طريقة تدرويرها لعينيها بمكر...
_أوس:اه حفلة ونتي علاش كتسولي راك.. _أسماء(قاطعاتو):عنداك تموت راه غي سولت المهم عندي شرط لبغيتيني نكمل معاك هاد لعشا ولبغيتيني غدا نتبت في بيتي كنضن هادشي ليبغاي نتا...
_أوس(ضحكة استهزاء):وشروط من لفوق..أتينا أمرتي كنسمع
_أسماء(تنهدات يالله بغات تگول ليه انا ممرت حد ولكن دورتها فبالها ماشي لصالحها دابا):المهم شرطي أن رجاء غتبقا معايا أنا فبيتي ومغتهبطش تخدم فلحفلة....
(هازا حاجب ومنزلة لاخر)أش بان لك
_رجاء(خرجات عينيها):لا لا ماش..
أسماء ضارت عندها وغمزتها بمعنى أنها كتخطط لشي حاجة رجاء حدرات راسها
_رجاء:سمحو ليا بصحت عشاكم.. وهبطات
عرف فبالها شي حاجة ولكن معرفش أشنو هي بالضبط وكيضن فبالو أنها تقدر تكون غير باش تونسها باش كيف كلشي كيشوف فأسماء غير مكلخة وتفكيرها زيرو
_أوس :اهاه وعلاش زعما
_أسماء:مكيهمش علاش المهم دابا هو أن هدا هو شرطي وخاصك توافق عليه
أوس تبسم لطريقة لهدرتها كانت أول مرة تهدر بطريقة قوية كما لو أنها كتعقد صفقة كنا لو أنها إمرأة متحملة مسؤولية
_أوس؛ واخا ألالة ميكون غير خاطرك أمرتي _أسماء(تنهدات وتبسمات ليه ضحكة صفرة):مم مزيان _أوس:ولكن
_أسماء(قاطعاتو):صافي صافي فهمنا
_أوس:هاحنا غنشوفو
هز دوك لعصي وبدا كياكل بطريقة راقية وسلسة وكيعرف يتحكم بيهم هي شافتو للحضة وبغات تقلدو حطات إيديها عليهم وخشاتهم تلقائيا بين صباعها غير هبطات إيديها على لماكلة حتى طاحو ليها منبين صباعها هو غير شافها هبط راسو وضحك فنفسو عليها هي منتابهتش ليه وعاودت هزاتهم ومرة خرى طاحو ليها عاود ضحك ولكن هاد لمرة داتها فيه خنزرات فيه ولاحتهم قدامها وقررات تكمل بيديها يلك حطات إيديها على واحد لقطعة حتى كيوقفها
_أوس(بابتسامة خفيفة):نعاونك...
_أسماء(هزات فيه راسها مخنزرة):مكاين لاش كمل غير ضحك
حطات إيديها حتى كيوقفها بيدو لتحطات فوق إيديها وشداتها بقوة، شاف فيها بنضرة مثيرة وكلها إعجاب ناض بلخف جا وراها تحنى حتى وصل وجهو لعند عنقها وهو باقي شاد إيدها هي جرات إيدها من تحت إيديه
_أسماء:احم مكاين لاش..
_أوس:شش
گالها ليها فودنها الشيء لِخلا تبوريشة طلع معاها من صبعها الصغير وشعر لحمها يشوك..خشا ليها العصي بين صباعها بالطريقة الأصح وشد ليها إيديها باش يتحكم فيها هز القطعة لولة بيديها لكانت وسط إيديه وخشاها ليها فيفمها تبسمات وفرحات، قدرات ديرها وبدات كتركل برجليها فلرض بحال دراري صغار
_أسماء:مرة خرى مرة خرى
عاود دارها ليها وهو مبتاسم كيعجبو لحال فاش كتكون معاه وخصوصا ملي كتبتاسم ليه بوحدو ماشي لغيرو أصلا هو كيغير عليها حتى من راسها بقا ليه غير الغير..
_أوس(فودنها):امم هاد المرة غديريها بوحدك..
حركات راسها بآه وهو بعد إيديه وخا مكرهش يبقا حاطهم حياتو كاملة..ولكن بقا محني وحط الدقن ديالو على كتفها هي مكانتش منتابهة ليه التركيز ديالها كامل مع ديك العصي وأنها مخاصهاش تعطيه فرصة خرى يضحك عليها وخاصها تبين ليه قوة البنات، حطات العصي على القطعة وخشاتها وسطهم وهزاتها بصعوبة وتركييز باش متزلقش وحطات نصف القطعة وسط فمها والنصف لاخر بقا خارج وهي شاداها بسنانها ضارت عندو وهي كتهز حوجبها بجوج علامة على نصرها ومع شدة قربهم استغل الفرصة هو وقرب فمو ليها سارق النصف لاخر من فمها من بعد مقاسو شفايفو شفايفها.. صدمها صرطات ديك لقمة بلا نضيغ وضورات راسها وهي حمرة أما هو فكان عااااجبو لحال ابتاسم ورجع لبلاصتو وهو كيتلدد فديك نصف قطعة لكانت ألد وحدة
كملات ماكلتها كما لو أن شيء لم يكن مبغاتش تبين اهتمامها ليه بحالا راه مدار واالو ولكن هو عاق بيها غير من تزنيگة خدودها كلاو فجو من الصمت هي مرة مرة تاكل بيدها فاش مكتصدقش ليها العصي وهو غير حاضيها... فاش كتحط لماكلة واخا يكون حداها يأجوج ومأجوج متسوقش كملات ماكلاتها وكيف العادة مع ناااسيا راسها طلعات راسها على الطبسيل من بعد مخواتهم كااملين.. ضربات صدرها وضربتها بتگريعة ديال نفاحة خلاتو مصدوم مسكين😂 عاد نتابهت ليه ولملامح الصدمة لمرسومين على وجهو😧 ناضت حدرات راسها
_أسماء:احم الله يخلف
مشات من بعد مخلاتو مصدوم خرجات بحالا مواقع واالو ولكن ديك لقطة ديال سرقتو لماكلة من فمها بقات كتردد ليها فبالها وكتبورشها قلبها كيشطح ومعدتها فيها الضو.. نرجعو عندو هو لي كيف سدات الباب عاد فاق من صدمتو وطلق وااحد الضحكة بحال دراري الصغار
_اوس: خخخ😂الله ياربي أش بغيت أنا..
سرعان مجمعها وناض لبس تيشورط أورونج وسروال جينز كحل مقطع عند الركبة وگاط كحل، خرج ركب فوحدة من سياراتو فيراري گري وتاجه المقر..لخدمتو الحقيقية ليباقا على شكل إستفهام بالنسبة للمعظم..اما أسماء فتاجهات لبيتها حتى كتلقا رجاء شادة تيلي ديالها ومتكية فوق سريرها رجاء غير شافتها تربعات
_رجاء: اجي نتي لهنا(كتشير ليها بصبعها لناموسية) _