الفصل 1
تقديــــــــــــــم 🔥
أذنبي عظييم الشأن ... كي أقع في شباااك مختل باائس
هل لي مصير مُبهم؟ ... أم أن الحب هو آخر جواب على سؤالي!؟
دواامة هوس سَلبَت منييي الخصوصية ونفسي
وتقاسمتُ نفسي مع نفسييي ولازلت أقااوم وحشِييي
كالعاصفة الرعدية هو ... وكالبركان الخامد يعدوو إلى قمم الجناان
وهل رأيتمووه!؟؟.. هو من أمطر سماء جنونه فوق رأسي ... فهل لي من مفر!؟؟...
يبدو أنني سأنتحر على يديه وأعانق سمااء جنونه لأباادله الهوس هوساا مختلااا أضعافاً مُضاعَفة
🖤🖤🖤
ويرد مهووسها بنبض عتي.. بعشق صفي.. بحب نقي.. أو بالأحرى هوس أبدي أزلي
🍂 وما كنْتُ ممن يدخلُ العِشْقَ قلبهُ و لكن مَنْ يُبْصرُ جفونكِ يَعشِــــــــقُ
وما الهوسُ الا لعبةُُ يُتقنُها اللعوبُ ولكن مِنْ ذَمانةِ عشقُكِ صِرتُ أَهْـــــــوَسُ🍂
تختلف الاقدار بما يشاء الخالق🖤.. فالمجتمع ديالنا من دون حسبان للأوطان، العادات، الاقتصاد المتدهور.. كنلقاو جوج الأنواع او بالأحرى ثلاثة.. كنلقاو ناس الرفاهية بزنز بيبل.. الناس لكينتميو ديك الطبقة البرنزيلية العليا المليارديرات👑.. هادوك فالجانب او في أعلى الهرم وكين لكيتوسطو الهرم الناس ليعلى قد الحال عيشين خدامين ومرتاحين برزقهم.. ودابا اجي تتعرفو على ديك الطبقة المهمشة او كيف كينطقو علينا أعالي الهرمات ناس الخيش بيش.. الحثالة.. الوسخ ديال المجتمع.. رغم ان هاد الطبقة مكرمها الله فكتابو الكريم.. الواقع المر ديالها كيخليها تعيش العذاب اليومي رغم انه معندها ذنب.. وهاد الطبقة تاهي طبيقات متفرقة.. انتعرفو على اذناها دابا
_........ :وااااااااااع(بووووم) أح راسي... يحرق لمش تاع بوك يبنت لمطوطحة أري داك لخبز _ميو..ميو..ميو..ميو🐈(نقزات من طارو وهربات)...
بدون استغراب اه الطارو.. مرمى النفايات.. بلا زيادة او خيال واسع.. فالحين لحنا الطبقة المتوسطة او حتا الكادحة بلا منهضرو على الطبقة العليا خليها لناسها.. كين ليعيش عيشة القملة فالراس...عيشة الذبانة فالبطانة.. عيشة الخنفيسة فالرماد.. عيشة الوسخ... ولكن غرييب ومتميز تلقا شي واحد عيش هاد العيشة الضنكة والابتسامة على شفايفو حتا اللخر..
بنت الزبل أولا يتيمة الطارو.. أسماء 19 عام..بنت فمقتبل العمر.. وردة ذابلة.. لا لا وردة حية بمعنى آخر للحياة وسط الزبل مدفونة.. مكرهتش نعرفكم علي كنيتها ولا أصلها ولا نكذب عليكم ونقول ماماها سميتها فلانة ولا باباها سميتو فلان..ااه ولكن لغالب الله لي عندها هو هاد الطارو هو بالنسبة لكلشي غير مأوى للزبل ولكن بالنسبة ليها لعالم ديالها..دارها..عنوانها..وهويتها.
19 عام ديال حياتها وهي مكتعرفو غير هو ملي حلات، عينيها لقات راسها فيه وناس لي تجي تلوح زبل تصدق عليها
كلشي ايهز حجبانو وغيتساءل كيفاش كبرت.. كينين بزاف الاطفال لكيترماو فالطارو بغير ذنب.. كين لكيموت من الخنقة وكين لكيكتب ليه الله حياة جديدة وهي وحدة من هاد الأخيرين.. تلاحت فالطارو فعمر 7شهر السبب كيبقا مجهول.. وفي طبقتنا المتوسطة او حتا الكادحة تما كتلقا ناس الخير.. هزتها كبيرة السيكتور مي فاطنة وربتها بحال بنتها بحكم عقمها.. كبرتها بحليب الفارمسيان الى حين ولات عندها 4 سنين وشاءت الأقدار مرة خرى بروجعها لأصلها.. ماتت نبع الحنان وبقات يتيمة لمرة ثانية.. وهي عارفة انها ماشي بنت مي فاطنة.. بحكم كيف ولات كتفهم اعتارفت ليها مي فاطنة بكلشي وگالت ليها بلي نهار لول سمعو صوت تربية صغيرة جاي من طارو ولقاوها.. و هي لي تكلفت بيها وربتها بحال بنتها..ومن بعد موتها رجعت لبداية ديالها نفس الطارو.. وكيف كتنطق وتغني من صغرها
معارفة والو عليها من غير سميتها، لي منحوتة على واحد لگورميطة هي لوحيدة لي جات معاها..ديك الوردة عاشت وشافت ليقدر يشوفو شيخ فعمر 70 عام.. شافت شتى الانواع ديال البنات.. شافت لكتبكي على مخنن مشا وخلاها.. شافت لكتبكي على نقطة ولا امتحان كفساتها فيه بحالا الدنيا اتقطع ناسية آخر امتحان.. شافت لكتبكي على بيم دابليو حمرا👀.. وهي مسكينة علاش اتبكي اه علاش اتبكي.. واااللو عيشة فطاروها لا اصل لا فصل.. داكشي علاش محيدة شي حاجة سميتها الدموع من قاموسها الجسماني.. قوية وحرايمية بمعنى الكلمة.. وحيانها مبنيين على المدابزات مع الكلاب والمشاش على المكلة الشيطة.. واخا هكاك عمرها مدات ايديها فالزناقي ولا تسولت على حين البعض لكتلقا عندو فالاصل 3 ديور وماد ايدو فالزناقي😏 والزوين فيها ديك الروح المرحة لي ايلا فرقتها على 33 مليون نسمة يشيط منها الخير..كتآمن بشي حاجة سميتها قضاء الله وقدره.. جملة ولا شعار.. مخلياها تعيش الهنا والسلام فمملكة زبلية.. عاطيها الله واحد الصوت كيطرب الاذان وشاغلة وقتها بيه..الا جيت نوصفها اتقولو زدتي فيه ولكن الواقع المر هو ليغطا عليه.. بنت زويينة وزينها بريييء.. كيف كتقول على راسها حورية المزبلة.. مفاتنها منحوتين بطريقة زوينة.. عندها الهضاب والتضاريس فأماكنهم الحد القد.. عينيها تغير منهم السما والبحر ليهم راكع.. شعر متوسط الحجم فالبني القامت واخا مشعكك.. وجه داير دورة القمر.. مع بشرة بيضة حليبية..راه بصح زوينة ولكن الزبل غطا على زينها.. مزااجية تقدر تبكي أحتا تضحك فنفس الوقت.. عصبية بروح مرحة.. ولسانها فوقمن طويل فيها لبلابلا بزاف..وحساسة نوعا ما واخا غامع المشاش.. وأكثر خلة فيها فمها خاسر لدرجة شمكار بامتياز...فهضرتها الاعتيادية مكتسمع غافين اتبي.. لاباس ألقوادة..هي هاكا 🤷♀️😂.. امية مقارياش ولكن الدنيا قراتها مر حروفها.. مكتعرفش تكتب ولكن حياتها هي لغتسطر قوانينها.. راااضية بالمكتاب وعيشة عيشة اميرات ديزني فطاروها.. اطاروها المأوى ديالها ليحاميها من شمس وشتا.. فراشها وغطاها.. واهم حاجة مكيخلي تاحد يقرب منها لبشاعة ريحتها.. وناس السيكتور كاملين حامينها ومعتابرينها وحدة من الجيران.. هي وداك المبطبط ديال مشها.. هرهور..هو الوحيد لعيش معاها وصابرين على بعض بحال الخوت😂.. داك المنفى ديال الزبل بالنسبة ليها حيــــــــاتها.. مكانتش متخيلة انه غيجي شي نهاار وهاد المأوى يقلب ليها داك الحياة المخربقة للأسوء
🌸 نهار الجمعة مع 2:15 🌸
في فصل الصيف.. جالسة مربعة فطاروها الكبير نوعا ما.. دوك الطوارو لتيكونو أساسيين وكبار..يوم كيف كنقولو عليه كبيير عند الله يوم الجمعة واكثرية المغاربة فالعادات ديالهم تيعرفو هاد النهار بريحة كسكسو ليكتكون فايحة من كل دار..
_البنت:أسماء أسماء...
_أسماء(هزات راسها تشوف شكون لقاتها زينب بنت جيران): زينب لاباس...
_زينب:اه الحمد لله..هاكي..(مدات ليا طبسيل)..رسلاتو لك ماما...
_أسماء (خداتو):گولي ليها الله يخلف ويقوي لخير الله يرحم لواليدين...
_زينب:واخا اختي بسلامة تعطلت على لمدراسة _أنا:وقراي مزيان..تخرجي لينا غابيلوطة هزي ديلمنا من هاد القنت 🙄
مشات وهي كضحك على حماقها كيف العادة وأسماء خرجات غسلت إيديها ورجعات لطبسيل.. لقات هرهور كيجر في سربيتة لي على طبسيل..ولد لمش لاخر كان غيرزيها فغداها..هزاتو وحطاتو حداها وحطات ليه حقو في ميكة..
_أسماء:كول ينعل حباب مك كنتي غترزيني فطبسيل
_هرهور:ميو ميو ميو
_أسماء:وزايدها بلهدرة..كول وسكت ولا نلوح لمش تاع بوك من هنا..
گلسات تلگم وتهدر مع هرهور غي سالا ماكلتو دار لطبسيلها بغا يخشي معاها يدو..جرات عليه طبسيل
_أسماء(بحالا كيفهمها مخنزرة) :مال مك فك سينتة نتا گد لكلب واخا نكون غنعيد بك..نوض خرج قود فحالك خليني ناكل
_هرهور(كيقرب ويرجع):ميو..ميو🐱
_أسماء:(عطاتو بضهرها ولاحت ليه واحد لعظم يتلاها بيه وگلست تلگم هادي تنفع هادي ماضر حتى سالات طبسيل وهي تمغط وضربتها بواحد تگرييعة كيف عادتها المكروهة):گااااع..
مسرحة فراقشها وگالسة تغني وهرهور يلحس في فراقشو حداها... (عندو زين عندو لحمام دايرو في دارو وانا لحب وانا لغرام جابني تالدارو..كيگولو عينيه زايغة عمرو في حياتو مابغا وإلا گالها لشي وحدة زوينة تتكون صباغة وانا وانا جاني على لگانة إيمتا غيجيني وانا وانا لي جيني على لگانة صح يبغيني..عندو زييي...)
طااالقة حلوقها ومع الطارو صوتها كيتردد عااجبها لحال.. حتى كتجيها حجرة لراس(بااااق) قطعات غناها.. محسات براسها غير واقفة بغات تبدا تعرعر حتى لقات غير لعجاجة ديال واحد جوج طونوبيلات كحلين طايرين...رجعات بغات تهز لحجرة تشير بيها حتى كتلقا وااااحد مولاي تيليفون كبر من رجلها هزاتو وبدات كضور فيه...
أسماء: ياحلييييلي تيليفون واااهرهور تيليييفون (شداتو وبدات كتقيس وتلمس وضور فيه وعينيها لامعيين خصوصا ملي شافت لور ديالو بحال ذهب)واااو اش هادا وااازهري المكوز طل عليا نبوسك
گلسات شدات تيلي بانت ليها واحط لبوطونة وركات عليها شعل شدات صبعها مع تاكتيل وگلست دوز حتى معرفتش كيفاش حتى طلع داكشي...
بيت كبيير واقلة لاكاب داكشي مواضحش غير واحد لبولة كتمشي وتجي وكيبان واحد رجل مربوط في كرسي لوسط وشي بغال أأ بغيت نگول رجال زعما ولكن تبارك الله غيكونو تياكلو سيليلاك.. واقفين فالجناب كيتوسط الغرفة واحد الكرسي هزاز خشبي فوقو داك الراجل المربوط..وقدام الكرسي كين شخص آخر مبينش بحكم انه عاطي بضهرو لكاميرا.. وكيهزهز فلكرسي برجليه.. المحاذثة ممسموعاش مزيان ،من غير "فين هو طاهر بن حسين"... وشي كلمات متقطعة.. فجأة بوووم طاخ ليها تيل من إيديها وشهقات 😨 بحكم انها غتشهد على منضر بشع ضناتو غير لقطة فيلمية.. كانت تتمتل هاداك سيد لي في لكرسي كيطيح بكرسيه لور بسباب رصاصة لي فجأة جات وسط عينيه كان لمنضر بصح كيخوف.. عاود هزات تيل
_أسماء:أححح قلبي ياربي سلامة هادو مالين هاد المشقوف شحال كيعجبهم رعب يعطيهم ذل لا لا راهم تبرعو ليا بتيليفون غير خليهم ولكن أو هادو افلام هادو مدخلينهم ياك أهرهور (حتى كتجي زينب)
_زينب(كتنادي من لفوق) :ختي أسماء
_أسماء(وقفت):جيتي من لمدرسة..
_زينب:اه أختي..گالت لك ماما واش ساليتي
_أنا(هزيت طبسيل):اه أختي گولي ليها الله يقوي الخير ويجعلها رحمة لواليديك
_زينب:واخا اختي بصحتك...
مشات زينب وأسماء رجعات شدات تيلي بقات تخربق حتى نعست...وهاكا تزادت حاجة خرى على حياتها تلاها بيه بعدا واخا مكتعرفش ليه ولكن دوز بيه لوقت..
مكانتش كضن ولو للحظة أن ديك الحاجة الجديدة لي ولات كدوز بيها الوقت غتجي شي لقطة وتوقف داك الوقت..
🌸 الإثنين مع 4:30 🌸
الجو مشمش وزوين.. غاديال الخروج ولكن هي فيين اتخرج فين.. مكتفوتش طيطوار.. حتى من هرهور خرج يدور كون راه ولد لحرام شاد شي هرهورة فشي قنت😂 هادشي لكيجول فبالها 😂 أما بالنسبة لتيليفونها خلاتو يتشارجة عند رشيدة (مت زينب) أقرب وحدة ليها من الجيران.. تاهي باقا فالثلاتينيات من العمر مرأة زويينة والله يعمرها دار.. وكلشي كيبغيها ويحتارمها..عيشة حياتها بسييطة وعزيزة عليها أسماء كتبقا فيها وفنفس الوقت قدوة ديالها..
وهي الوحيدة لكتأمنها أسماء على اسرارها ومدايراها بحال ختها ليمعندهاش.. ودابا كتعاونها كتشارحي ليها تيليفون فدارها...واخا فكل مرة كتسولها باستنكار منين جاها..
ملات فالطارو.. وقررات انها تخرج طل شوي على ديك الشميسة.. ناضت ساست حويجها واخة غير شوي بعدة ودارت شوي دفال فيديها وهبطت شعرها باش ميبقاش واقف وخرجت...فعايلها المبرهشين 🙄 وأول حاجة دارت مشات عند رشيدة دقات عليها جوج دقات في انتضار الرد.. حتا خرجات عندها
_رشيدة:أهلا أسماء دخلي مرحبا
_أسماء :لا لا اختي ترحب بك الجنة
_رشيدة:غي دخلي تشربي اتاي
_اسماء(مع راسها:اويلي ندخل وانا هاكا غنوسخ ليها غير دار احح فيا جوع):لا أختي والله غير خليها مرة خرة..راه غير جيت ناخد تيليفون واش تشارجة اختي؟؟ _رشيدة:اه تسناي انا ندخل نجيبو لك..
دخلات شوي وهي تخرج هازا فإيد تيلي وإيد لخرة طبسيل صغير فيه 3 شفنجات..مدات ليها تيل وداك طبسيل صغير
_رشيدة:هاكي هاهو تيليفونك...وهادو لك بصحة وراحة _أسماء:ربي يخليك أختي..ديما كتفكري فيا..(تنهدت) واليديا ولاحوني فزبل..ونتي..
_رشيدة(قاطعتها وشدات ليها إيديها بحنة ورقة):ششش راك بحال ختى صغيرة متگوليش هاكا..ربي كبيير اختي ربي كبير
_أسماء(قلبتها ضحك): هه اه حتى راجلك يدو ورجليه كبار دخلي عند سيد قبل ميخرج يونسنا
_رشيدة:ههه ياك ها...(حتى كيتسمع رشيييدة واارشييدة وفينك) ههه عمرو طويل كلكلب
_أسماء : وتي بعدة عندك كلب حنا راه طيحين غامع المشاش😏..بسلامة والله يرحم لواليدين
_رشيدة(بضحكة خفيفة.. كتفوج عليها) : هانيا اختي بصحة وراحة..
مشات گلست فطريطوار حدى دارها أأ زعما طاروها ربعت رجليها وشدات تيلي وحطات داك الطبسيل وسط رجليها كضرب فالشفنج على قلبها
...سيكتور كان عامر دراري صغار كيلعبو كورة ولبنات لاستيك.. طبيعي هادشي في درب سلطان دروبتو ميكينعسوش ومكيسكتوش.. السيكتور ولا الدرب مزداحم من النوع المغربي الكلاسيكي القديم.. ديورو ملاسقين تقدر تنقز من سطح لسطح عااادي كوم لافخونس.. بحكم الديور معالينش.. فيه حانوت في شوكة ديال بامصطفى و فيه حانوت لوسط ديال لوحات عمي دريس.. ومقابل معاه حانوت آخر ديال لوحات ديال خو عمي دريس.. وفي لخر ديال درب كاينين جوج مراوات مي فاطمة و مي باركة كيبيعو لبطبوط ولبغرير وداكشي وطارو أسماء جا حدا دار رشيدة لوسط...
بحال أغلب الدروبة السلطانيين.. كيعج بواحد المرح وواحد الحرارة بحال فاس القديمة.. والصخب والجيران ند لجيرانهم بحال شي عائلة وحدة
حوار كزاوي مشرملي قح
_عادل(المكنى بسيطي) :أااااهلا لعشير
_سعيد(المكنى بقريدة نسبة لخفتو فالشفرة) :(عنقو):وفييين ألعاملة
_سيطي:اااهنا ولا في لگاليطة مع لبهجة
_قريدة:واافكرتيني لبهجة ولينا باغينو لدوا وتشا فين شادها
_سيطي:كنتش أنا وياه في لكوميسارية ضربنا واحد 48ساعة
_قريدة:ولاد لقح... هاد ليام ولاو مقرقبين علينا هنا..علاش هاد لمرة؟؟
_سيطي:آاا واحد طريف
_قريدة:وتشا وررق هاديك أسماء؟؟ _سيطي(تلافت):واااه على بياسة وتشا كيدارت ليها _قريدة:تكون شفراتو
_سيطي:لا لا مديرهاش
_قريدة:وتشا ريح گالا مديرهاش..أيفون +8گولد هاداك لا!
_سيطي:وااايييه انا غنمشي نحضرو من عندها يالله تهلا نتا دابا بلا منديرو لفرطة
_قريدة:يالله عشيا لگاليطة..تهلا(مشى)
_سيطي:هواحد سلاام عليكم ختي أسماء
أسماء هزات راسها..شافتو جمعت تيليفونها..عاادي تجمعو وهي عارفاه اش كيسوى واش خدمتو
عادي أو المكني بسيطي كيتعتبر راس لحربة ديال درب و خدمتو شفرة ومكيصاحب الخابية غالغراف.. وكذلك سعيد أو قريدة تاهو من شمكارة ديال الدرب وتاهو شفار محترف.. غير هوما باش زوينين فيتين عليهم ناس الدرب بلعكس كيحاميو عليهم
_أسماء(مخنزرة) :أحم وعليكم مثلها
_سيطي(ريح حداها):كيف دايرة أختشي أسماء لاباس علك
_أسماء :الحااااااامد لله(ياربي سلامة اش باغي مني هادا)
_سيطي:مرتشاحة ياك..ياكما شي واحد كيصدعك گوليها ليا دابا والله حتشى..
_أسماء :لا لا بيخير(لما صدعتيني نتا مكاين ليصدعني) _سيطي:راك بحال ختشي صغيرة وقتشما حتاجيتي لتشي حاجة انا هنا
_أسماء (كتاكل وكتهدر):اه عارفة لي كاين ربي يخليك _سيطي:أسماء..هاد تيليفون ديالك
_أسماء(ضارت عندو مخنزرة):أممم وانا كنسول أش فكرك فيا
_سيطي:لا لا ماشي هاكا غير زعمة جاتني عجب منين حضرتيه
_أسماء:ونتا مالك أخويا؟😕
_سيطي:أعلى مصلحتشك..نتي عارفة درب عامر ولاد لحرام..واللهما يبقى لك
_أسماء(أودي كاين غير نتا):لا لا متخافش
_سيطي:هاگلت لك..المهم إلى بغيتشي تشبيعيه ر..
_أنا:لا مبيعاهش أتهنا
_سيطي(ناض وقف):نخليك دابا أختشي ولا بغيتي تشي لعبة انا أهنا
_أسماء :الله يحفضك..
مشى وهو ممستسلمش.. اكييد خاصو يضبر عليه من عندها بأي ثمن
_أسماء(بقات كتگمگم تحت نيفها)؛ ممرگش گالك باغي مصلاحتي..بغاني ندفل على مو هادا..
داز تتمة نهارها عادي كان ديك ليلة صهد شوي.. كيف قلت ليكم راه عز الصيف هادا.. والبلاستيك راه كيخنق واخا متقب شي تقابي.. وهنا بدا شوي بشوي كيبان الفرق الطبقي لكنعيشوه فمجتمعنا النصف حضري.. فليل سخنات أأ زعما جاها الصهد وناضت حلات لغطى ورجعت كملت نعاسها فأمان الله ورعايته...
صبح صباح وأصبح الملك لله.. صباح متميز بخيوطو الذهبية ولكن شكون داها فيهم وهي باقا كتشخر.. صباح غيخسر فياقها وحالتها وغيخرج سم لسانها.. كانت مجموعة متكية كيف عادتها حتى كتفيق على طارو زبل..ياااااع😖..بنادم يفيق على لورد وهي للزبل..ناضت بشعكاكتها...ساااعرة نيت
_أسماء (مخنزرة بلا متحل عينيها غوتت) :الله ينعل ديلمك..
حلات عينيها لقاتها إلهام لقحبة ديال درب مكتحملهاش..والإحساس متبادل..ودييما كدور فين تستهزأ بيها.. بحكم هي عزيزة عند الجيران واخا بنت طارو وهي لا.. وهادشي عادي وهوما كيشهدو على فسادها
_إلهام(كتجعوق):هيييي مالك يختي كتغوتي
_أسماء(بغيض) :مال ديلمك جعرتي فهاد صباح
_إلهام:(تتفگعص)ومالك مباغاناش نلوحو زبل زعما..باش عرفتك كاينة هنا
_أسماء(مخنزرة😡):عرفاني ناعسة فدار باك _إلهام(حطات طارو):هيي هاديك لقحبة مالك كتهزي في هاد صباح
_أسماء(مكانتش من العاگزين) :ياكما كتهدري على راسك _إلهام(قربات ليا وبدات كتغوت بغات دير فيها كاينة):شوفي هاديك بنت طارو..تزيدي كلمة منخلي لقحبة تاعت مك حتى شعرة
_أسماء(طلع ليها دددم خرجات من طاروها بزبلها):الله ينعل زامل تاع بوك يبنت لمطوطحة _إلهام(كتغوت):عاوديها..گالتها لمطوطحة لخرة لا جدر لا آصل
_ أسماء(صافي جبدات ليها نقطة ضعفها جعرتها بلبيان كانت غنتلاح على مها كون مشدها شي حد من لور عينيها خرجو): الله ينعل طبون طبابن تاع لفشلوقة تاع لخشاية تاع لقحبة تاعت مك يا بنت لقحبة..بزااااف على ملتك يالهاربة..يلي تهزو فابور..ياشايطة..اه..انا بزاف علك..تلقووووني..تلقونييي
إلهام بقات مصدومة عمرها شافتها هاكا بطبيعتها غي كنضحك ومكتجبد لا صداع لا والو وعمرها خسرت لهدرة قدام الجيران الكبار ولكن معامن ولاد لقحاب
خرجو الجيران من بعدما سمعو الغوات.. وعارفين المغاربة كيفرحو لهادشي خصوصا لاكانو مضاربات بنات..وكين الناس الفكاكة.. گلسو عليهم نعلو شيطان هادشي ممزيانش.. إلهام غير شافت جيران وبدات تنقز باش تبان ولكن أحح كون تلقوها عليها كون غزاتها ..رايبي يولي يجيها قاصح..فكوهم وبقات رشيدة كتهدر معا أسماء..
رشيدة(بلاطفة)؛ نتي مولات لعقل..اش وقع لك..نتي عارفاها غير خانزة..وإنشاء الله يجازيها
دغيا كتهدنها بكلامعا.. صافي بردت شوي..وحتى من هرهور كان كيطل عليهم ويتفرج هه..دخلات ساست داك الزبل وعطاطتها رشيدة لما تغسل حالتها.. غسلت وجهها وطاروها ولكن ريحتها باقا خاااانزة بنت لكلب لاحت عليها طارو فيه لحوت وجلوف لخضرة..
دوزات نهارها غا فطارو شادة تيليفون تلاها بيه وتبرد بيه شوي بعدة بقات غي كتقشش من هنا لهنا وكتشوف شي فيديويوات ياربي سلامة..أديال لخليع.. وداك الشخص ليكيسول ويقتل مكيبانش..
_أسماء:ياربي سلامة داكشي ديال أفلام لخليع..
مبغاتش تخرج برا معندها گانة من ورا داكشي لي سمعت.. بقا كلام إلهام كيتردد فمتسمعها وبدات كتكلم مع راسها
_أسماء؛ اه عندها لحق انا لاآصل لا جدر.. عندها لحق انا بنت طارو..
دموع تجمعو ليها فعينيها الزورق لكيشهدو على مر الدنيا وحتالة المجتمع.. ولكن حبستهم وكتقنع راسها بقضاء الله وقدره..
هنا فين كندوي علي ايمان قلبي بشي حاجة سميتها الاقدار.. رغم كل الاكراهات.. ماشي الايمان فلبس واللسان والفعايل ديال اليهود
🌸 الأربعاء 5:30 🌸
دازت يومين على ديك لمضاربة..والوسخ غامازاد نبت وشد بلاصتو فلحمها.. ريحتها ولات كتعطعط..كرهات راسها...واخا هي عايشة فطارو ولكن المهم مخانزاش بزاف حتى لهاد درجة بغات تبدل حويجها مبدلتهمش 3 شهر وحتى حويجها لخرين تلاح عليهم داك زبل توسخو..يعني مقودة عليها من كل القنات ومنينما جات تحل مشكل اتلقا حاجز.. .خرجات برا وخرجات معاها هريهير ديالها يتشمشو غمالو
..گلسات فطريطوار كيف العادة تشم شويا الهوى وتاهي تفرج فليغادي ليجاي..حتى وقف عليها سيطي..آشافو هرهور وهو يفرتح كيخاف منو ديما مجري عليه..
_سيطي(گلس حداها):هواحد سلام عليكم ختشي أسماء
_أسماء (شافت فيه بنص عين):وعليك سلام..اش كاين عوتاني
_سيطي:تشي مالك أختشي أسماء جيت آنسول فك..سمعت ضاربتي.. وگلت نشوفك واش لاباس
_أسماء(ديجا طالع ليها الزعف) :راه ضاربنا يوميييين هادي..يلك جاي تفك
_سيطي:مال نيتك ناقصة..راه جيت نشوف واش باغاني ندم ديك لخانزة واللهتا دابا..
_أسماء (قاطعاتو بنفاذية صبر) :سيطي جيني من لخر _سيطي:أختشي على نية عندك..ولكن صافي أنا نجيك من لخر..فكرتشي فداكشي..تبيعي تيليفون.. هادي آخر مرة نجي عندك برب
_أسماء (بدات كتفكر..بصح أنبيعو ونشري جويج جداد ونمشي لحمام..توسخت..لحمي غتنوض فيه لخبيزة ..اصلا مكنعرفش ليه..باراكة عليا..احح ولكن ولفتو..)
_سيطي(قاطع تفكيرها):واش گلتشي
_أسماء :أهاه وشحال تعطيني
_سيطي(بتاسم):شحال بغيتشي
_أسماء :ودابا شوف بلا منبقاو نديرو داكشي ديال مالين ثواب من لخر شحال أتعطيني فيه
_سيطي(بنضرة إستفهام):400 درهم مزيانة؟
_أسماء :هاه شحال بألف ريال
_أسماء :8ألاف ريال
_أسماء(واااو مزيانة ولكن بلاتي نزيد ليه):لا لا زيد هادشي كيف والو
_سيطي(هاد لخرية منين حتى هي كتعرف لفلوس): وهادا ثمانو نزيدك ألف ريال صافي غير حيكاش نتشي بحال ختشي
_أسماء(أمم ختشك):واخا زيد ألفين وخودو
_سيطي(تبي هادي حتى هي ولكن 500درهم كيف والو قدام 6000درهم):أش غنگول لك..صافي أختشي..عشية تكون عندك
_أسماء:صافي يالله حتى تجيبهم وجي خودو
_سيطي:غير آريه..راه برب حتى عشية نجيبهم لك
_أسماء:لا لا أخويا تتجيب لفلوس وجي خودو _سيطي(ناض):يكون أخاطرك..
كان غادي حتا وقفاتو ملي عيطت عليه بسميتو
_أسماء (غوتات ليه):عااااادل(ضار عندها) متنساش جيبهم ألفيات
_سيطي(ضحك):واخاااا..
مشا هو.. يدبر منين يجيبهم ويربح هوتتو.. هوتة لغتخرج على جدهم بزوج...وبقات هي تما حتى دازت من حداها رشيدة ..وگلسات حداها شادين لحثة كياكلو لحم لبشر شوي هالي غادي هالي جاي..وگالت ليها بلي بغات تشري شي حويج غدا غامن لبال وبغاتها تمشي معاها وتمشي حتا لحمام..تنقي حالتها.. رشيدة وافقت بلا متردد دارت معاها غير تجي زينب في لعشية مع 4 ويمشيو يشريو لحويج ومن تما يمشيو لحمام بجوج..
_رشيدة:أجي ياجي ياجي ياجي منين جاوك لفلوس _أسماء؛هاااه بعت تيليفون
_رشيدة:ااااه..اجي عمري سولتك..شكون عطاه لك واش كتعرفي مولاه علاش مكتجاوبينيش؟؟؟؟
_أسماء:حتى نتي مولاه لاحو فطارو..نساي عليا دابا..
مشات رشيدة لدارها وهي بقات تما مسرحة فراقشها.. حتا جا هرهور بقات موانسة كتلعب معاه بينما جا سيطي ليبدورو جا وحاب معاه لفلوس.. باعت ليه تيلفون وهي خاطرها ضارها عليه.. بقى فيها ولكن صافي سلاك وخلاص.. مشا سيطي وبقات هي حتى ضلام لحال دخلات لطاروها تنعس..ليل كامل وهي كتفكر في تيل..😞توحشاتو..ولكن بصح شكون مولاه وكيفاش سخا عليه باينة لاباس عليه..هادشي ليكان كيدور ليها فمخها.. بقات هاكاك كدور من سؤال لآخر حتى استلمات للنعاس وأحلامو الهادئة.. داك الهدوء لكيسبق العاصفة
🌸 الخميس10:52 🌸
صبح صباح وأصبح الملك لله أسماء بقات ناعسة بحكم السهر والتفكير فالمشقوف ومولاه
..نمشيو لبلاصة خرى لشخص آخر..شخص لي گاع لبنات كيتسناو فيه خخ😉 قاعة كبيرة وعامرة شباب.. و كاين لي كبير.. لبنات كلشي مركز بغيت نگول كلشي مخدر وساهي..أما دراري كاين لي غاير كاين لي مركز كاين لي معلى بالوش..جسم كبير عاطي بدهرو..وقفة روجولية..ريحة هايمة في لمكان..هاز إيدو ليسرة كيشرح في تاتاشو بنبرة كتحمل معنى للرجولة..دار بتأني بنضرة قمة رجولة..ببشرتو الحنطية..والعينين زرقين خضرين الله وعلم تخالطو لي لعرارم..فورمة منحوتة..وشعر بني غامق... شفايف ورديين..نيف منگاد..حواجب تگولي مسطرهم...معندي منگول من غير سبحان الخالق..أوس العمراني 24 عام...أستاذ جامعي في جناح الإقتصاد..هو ماشي أستاذ أستاذ ولكن غير تبات وباش يبعد الشبهات وأكثر من هذا تحقيق لحلم الأم ديالو..شخصية غريبة بزاااف..تقريبا كيعاني من إنفصام في شخصية كيف كيضحك كيتعصب..ماشي معقد معقد ولكن ضحوكي مع عقدة المهم عارفة مغتفهمونيش ولكن مع لقرايا غتفهمو اش كنعني..خدمتو لحقيقية من بعد وتعرفوها..الأب ديالو متوفي في أوج الخدمة ديالو..لهي نفسها خدمة ولدو..داكشي علاش مو مبغاتوش يخدم نفس خدمة باه..حتى هي الله يرحمها مصبراتش على فراق راجلها...المهم من بعد ويبانو گاع لخيوط
_أوس(تحنى شوي حيد نظارات وحط إيدو عل