الفصل 1
🕯تقديم🕯
{يقال أن ذلك الفرعون لا يحب لا يحس .. لا يرحم .. لا يشفع .. القسوة ترتبط بلقبه .. يريد فقط الإنتقام لماضيه 🖤 لكن .... عندما سيخفق قلبه لتلك الأنثى 💗 فإنه سيحرق الدنيا و العالم بسبب تلك النار، "نار الحب .. الهوس .. العشق والإنتقام🔥"}
{يقال بأن النار 🔥 و الجليد ❄ بينهما خط رفييع اسمه التنازل، فإما يتنازل الجليد لتمرد النار فتحوله إلى ماء، أو يتنازل النار لبرودة الجليد فيحولها إلى رمااد .. تلك هي قلوبهم و لكم أن تعرفو من النار،،،و من الجلييد💥}
{عندما تريدين اصطياده أيتها الفتاة تأكدي أنه ليس ذلك الفرعون، لأنك أنتي من سيتم اصطيادكي إن دخلتي منطقته❌💯}
{هو يقول لا للرحمة في قاموسي وهي تقول لا للتنازل في قاموسي .. عندما يجتمع الجليد و النار فأهلا بكم في سيمفونية العشق و الهوس💓}
{يُقال أن الحبّ هو جحيم يُطاق و الحياة دون حبّ هي نعيم لا يطُاق ... الحبّ كالحرب، من السّهل أن تشعلها، ولكن من الصّعب أن تخمدها ... الحب هو شيئ يكسر كل القوانين ... الحبّ هو اللعبة الوحيدة التي يشترك فيها اثنان، إما يكسبان فيها معا، و إما يخسران معا ... في تقديري الحبّ هو جزء من وجود الرّجل، ولكنّه وجود المرأة بأكمله 💓 }
بعد دخولهم تلك المصيدة .. و بعد الفراق الكبير لسنين، تكون العودة مؤلمة .. قاسية .. مدمرة .. خصوصا بعدما تضحي أحاسيسهم أحاسيس محظورة
🔹💄أنثى جامحة💄🔹
🌷تقديــــــم🌷
هي أنثى جامحة .. قوية .. عنيدة .. متمردة .. متحررة .. تعشق التحديات .. المخاطر .. المنعرجات و المراهنات ..
كبريائها لا حدود له .. عزتها بنفسها تكسر بها جميع الحواجز، تحدت كل من يقف في طريقها .. إبتسامتها لا يهزمها حزن .. حتى في اصعب مواقف حياتها ضلت .. قوية .. صامدة .. جبل لا يهزه ريح
لكــــــن .....
أتى ذلك اليوم الأسود الذي تساقطت فيه ألما كأوراق الخريف ذاابلة بلا لوون .. اصبحت حياتها متمركزة في تلك النقطة السوداء .. عندما دخلت مصيدته .. ارادت اصطياده فاصطادها هو .. أرادت كسب التحدي والرهان .. فخسرت جل ما تملك مع ذلك الفرعون صاحب القلب الميت .. القلب المجروح .. القلب الذي انكسر من ثغراات الماضي .. و أطلااله الســــــوداء
💄أنثى جامحة 💄
كوريا الجنوبية 🇰🇷 العاصمة سول/سيول
بالضبط في حي كانغنام .. حي فيه حركة سير كثيرة .. ناس غاديين و ناس جايين .. البوليس عند إشارات المرور كايسيرو الطريق و مجموعة من الناس واقفين كايتسناو اشارة المرور ترجع خضراء، فوسط ديك مجموعة الناس كاينة بنت منقبة .. نقاب أسود طوييل باينين فيها غا العينين اللي كانو عندها بلون ازرق دااااكن .. كادور فعينيها برهبة و ثوثر .. سمعات صوت دوا فوذنها كان جهاز تصنط .. كاينقل الصوت و كايسمع كذلك
الصوت بطريقة تحفيزية:ماتخافيش، تفكري انك غاديري هادشي على قبل هدف موحد من زماان و نتي باغاه .. ماتتراجعيش مللي ترجع الاشارة خضرا سيري عند داك البوليسي ..
هي سنانها كايتقرقبو و عينيها باقا كادور فيهم مانطقات ماتكلمات، ثواني معدودة بالحساب 3، 2، 1 رجعات الإشارة خضراء .. هنا السيارات وقفو عاطيين الأسبقية للراجلين اللي قاطعين من الممر الخاص بيهم (ممر الراجلين) المنقبة زفراات بععمق و شجعات راسها على هدفها الأسمى .. قربات كثثر كاتقطع غادة نييشان عند البوليسي .. وقفات قدامو .. هو شاف فيها باستغراب .. ماحس غي بيها معانقاه و تمتماتلو فوسط وذنو بكلماات طييرو قلبو من بلااصتوووو بالهلع كوانساوه
هي:ماتحركش .. انا مفخخة .. لا تحركتي الحزام الناسف اللي محزمة بيه غايتفركع (البوليسي تكوانسا دقاائق ماتحركش و حركة السير غادية .. الناس كايقطعو .. هي عينيها دمعو كادورهم حتى شافت الإشارة غاتحول لحمرا، بتاسمات ابتسامة بانت من عويناتها الواسعين اللي تجبدو .. زيرات بيدها على البوليسي اللي باغي يبول فسروالو و غوتاتلو فوذنو حتى غووت) الله أكببببر
دفعااتو بقووة و مشات كاتجري من الطرييق المعااكسس .. حركة المروور تسرحات و السيارات بقاو كايدوزو .. البوليسي شد الاسيلكي ديالو كايبلغ بالمنقبة .. اما هي كاتجري و كاتسمع منها قهقهة عااالية و دور وراها تشوف واش تابعها شي حد .. دارت مع واحد الدورة فطريق خاوية .. بالزربة نترات الخمار من وجهها .. بانو ملامحها المثيرة الكيووت .. زينها الخلاب اللي باين عربي الأصل .. شعر فايت الكتاف بشوووية فالاسووود الفحمي .. عيون زوورق زرقة غااامققة قرييبة للون الاسود .. بشرة بييضااء فحال الحلييب و حنيكات حمرين مزنگين من كثرة الجرا ..
دارت مع واحد الدورة فطريق خاوية .. بالزربة نترات الخمار من وجهها .. بانو ملامحها المثيرة الكيووت .. زينها الخلاب اللي باين عربي الأصل .. شعر فايت الكتاف بشوووية فالاسووود الفحمي .. عيون زوورق زرقة غااامققة قرييبة للون الاسود .. بشرة بييضااء فحال الحلييب و حنيكات حمرين مزنگين من كثرة الجرا .. شفايف حميمريين منفووخين .. فحال حبات الكررز .. دورات عينيها بالزربة حواليها .. قلعات الاسدال و گاع أش لابسة لفوق .. بقات غي بشورط قصير حد الفخاض و شوميز بالكمام حتى هي قصيصرة مبينة الكرش و السرة .. تقابلات مع المراية دواحد الدار قادات شعرها مزياان و جبدات گلوز من جيب شورطها .. دوزاتو على قنانفها .. تنفسات بععمق كاتقيص فحنيكاتها المطبزيين .. دفعات الصدر و المؤخرة المتوسطين الحجم .. عندها فورمة عادية ماغليضااش و مارقيقاش .. جات قصيصرة شوية مطولة راسها غي بواحد الطالون .. دارت يدها فوذنها و تمتمات فديك السماعة اللي فوذنها:نعلطبلمك لاعاودت شي تحدي من هاد النوع، بعدا صورتوه!!
الشخص كايضحك بصوت عالي:ههههههه اه صورناه .. ولكن خاصك تشوفي راسك كي كنتي خاايفة .. أهم حاجة السكوتر من اليوم رجع ديالك .. ماشي كان هدف مهم بالنسبة ليك أكنزة
كنزة معوجة سيفتها:اه مهم و غانطمح فالتحدي الجاي ناخذلك ديك الفيراري اللي عندك هههه .. الموهيم دابا هاني غانجي .. نطلاقاو فالميترو (قطعات على المتصل اول ماكملات هضرتها .. هذا طبع فيها .. كاتحماق تقطع هي اللولة على المتصل .. كاتحماق على المخاطر و الصعووبات .. كاتحمااق على شي حاجة سميتها لا كنتي قادة ديري هاد الحاجة و نعطيك هاد الحاجة .. فتاة جاامحة جرييئة مكاتعرفش الخوف و البكا .. التحديات عنوانها .. عاطية للدنيا بركللللة و كووولشي عندها لعب فلعب .. جات لكوريا فسن العشرين .. و دابا عندها 24 .. اي مدوزة فيها ربع سنين .. هي مغربية الأصل وارثة جمالها من أمها .. عندها نفس عينين مها و نفس لون بشرتها .. عندها ثلاث أصدقاء مقربين .. بارك سي گي (كوري) كلير (امريكية) و مصعب (مغربي) هاد المصعب هو اللي كانت داوية معاه عاد دابا .. تعرفات عليه مللي جات لكوريا .. كانو جيران .. هو كان قماايرييي و سكايري منو مكاين .. ديما كان حاضيها من بعييد بلا مايدوي معاها .. تصادقو فظروف مفشكلة .. ربح فواحد القمر فلووس كثثيييرة .. خلاتو مليونير .. استثمر فدوك الفلوس و دار بيهم مشرووع .. نجحلو المشروع و زاد ضوبل الفلوس و هو يدير شركة دالازياء .. دار اللي يتكلفولو بيها وهو ولا عاطيها للزهو و النشاط و التحديات مع الحمقة دكنزة بطلتنا .. مللي شاف هواياتها شنو هوما و شافها محتاجة دار و فليسات قرر يعاونها .. بكثرة التحديات اللي كايعطيها ولات لاباس عليها .. كتبلها دار فسميتها فواحد التحدي كان خاصها تنقز من واحد الشلاال غاااارررق نجات منو بصعوووبة بسبااب انجرااف الميااه .. و تحدي ثاني عطاها عقد المااس كان خاصها تسلق واحد الجبل فساعتييين و داك الجبل طويييل و كبير بزااف و كايزلققق .. شحال تجرحات و طاحت و تخبطات من مرة ولكن فالأخير كملات التحدي فالوقت المطلوب .. و دابا كانت باغا واحد السكوتر خاص بيه .. تصميم 2019 .. جدييد هو أول واحد يركبو خداتو .. أجيو فين خليناها .. فداك الدرب الخاوي .. قادات حوايجها و دارت النقاب و داكشي فواحد السطل دالزبل (حشاكم) و تمشات كاتصفر و تمايل و تغني اغنية كيبوبية دواحد الفرقة كورية (إكسو) وصلات لقاع الدرب و تنفسات بعمق كاتمتم
كنزة:call me baby .. call me baby .. احمممم بداااية العررض (مع وصولها لنهاية الدرب قشعات مجموعة من سيارات الشرطة و الضواو و الفرادة موجهينلها .. هي بلعات ريقها و بتاسمات ابتسامة صفرا كادور فعينيها)
كنزةة باللغة الكوية مصطنعة البراءة:شنو واقع هنا؟؟
الشرطة كانو متأهبين يشوفو الإرهابية .. غا قشعوها هي جمعو أسلحتهم و قرب عندها واحد الشرطي:ماشفتيش واحد المنقبة فداك الدرب!!
كنزة حركات راسها بالنفي:تت لا .. وييي (علاش)
الشرطي:والو تقدي تمشي أأنسة
كنزة بتاسماتلو كاترمش بعويناتها بمنتهى البراءة:كوماوو (شكرا) مشات من قدامو مبتاسمة نص ابتسامة فوجه لبوليس اللي تم .. قشعات من بيناتهم هداك اللي كانت عنقاتو مطول فيها الشوفة .. دارت مع واحد الدرب و دخلات مع واحد الدخيلة .. دارت لموراها كانت باقا كاطل على داك البوليسي .. شيراتولو بيدها و غمزاتو كاضحك باستفزاز .. مع غمزاتو مع شداتها بجرررية وحدة .. هو شافها جرات فحالا سرات معاه .. شاف فصحابو و غوتلهم يتبعوووها .. مشاو كايجريو جيهت داك الدرب .. دخلو منو و هوما يوقفو كان الشارع تم عااامر بالغادي و الجاااي، ريحة كنزة مكاتشمش .. شافو فبعضهم كايتأفأفو و تقسمو كايقلبو عليها
في نفق الميترو🚊
واقفة كاتنهج و تدور فراسها يمين و شمال لا يكون شي حد تابعها.. تنهدات بقوة و بتاسمات ابتسامة وااسعة شقات شفايفها الحميمرين، دقائق كاتسنى الميترو يجي حتى تكوانسات من يد تحطات على كتفها من اللور .. بلعات ريقها بثوثر و دارت نص دورة بعينيها كاتوجد رجليها للجري ولكن زفرات براحة مللي لقات دوك الجوج ورااها .. كانو بنتت وولد اصدقائها .. عطاتهم بيديها بجوجهم .. ضربة ضربة للراس
كنزة:خلعتوني اوجووه الننحسس تفوو تفووو مكاتعرفوش تديرو الصووت
كلير كاضحك:هههه نتي كاترعدي بالخلعة ..واش متأكدة نتي هي كنزةة
كنزة بنرفزة:واالخرية واش من نيتك كاتسولي فياا .. طبعا انا كنزة .. و مكانخافش ولكن هادوك بوليس وانا عييت من الجرا اليووم .. بفففف كتافي و ركابيا تهدوولي
سي گي حط يدو على كتيفاتها كايدلكهوملها:يا ياا براكة من الدراما .. ماشي الجرا اللي يعييلنا كنزة .. شكون اللي نقزات من الشلال و تسلقات جبل هالاسان .. هممم هممم ماشي نتييي
كنزة بتاسمات:اه انا ولكن مللي يشدوني البولييس ماشي..
قاطعاتها كلير:مللي يشدوك البوليس مصعب يتعاون معاك
كنزة بضحكة سخرية:هاهاهاهااه مصعب هو الرئيس و مافخباريش .. على العموم علاش نتوما بوحدكم!!
سي گي:صوناتلو ڤيونيكا و مشا يسهر معاها😉
كنزة بتاسمات:اوووو انا متشوقة نشد السكوتر ديالي نتهنى من الميترو هههه
كلير بحماس:تبقاي تاخذيني معاك ياك ياك
كنزة غمزاتها فاش قشعات الميترو جاي:لا كنتي غاتفيديني .. علاش لا ههههه
كلير خنزرات فيها و شافت فسي گي:ايييش شفتي على استغلالية
كنزة دخلات للميترو و جلسات فواحد الكرسي كاضحك:ههههه الواحد لاماكانش استغلالي ابيبي غايجي اللي يستاغلو .. لا ماكليتيش الذياب غياكلوك الكلااب .. فمن الاحسن لينا كاااملييين نكونو استغلاليين و نعرفو نستاغلو الفرص😉
كلير جلسات جنبها:حقييرة
كنزة:و عاجباني حقارتي هههه
سي گي هز تليفونو داير سيلفي:براكة من الهضرة دابا و سمااايل
كنزة شافت فالتليفون مع أصدقائها بتاسمات و تصوراتلهم الطوف
☀صباح يوم جديد☀
بعدما كانت غاارقة فالنوم فسريرها النااعم و مخشية بين الكم الهاائل دالمخدات ديالها اللي مصنوعين من الرييش و الغشا من الحريير، علات رااسها طاالعالها قنديشة من الصوت العالي دالموسيقى اللي دخل لوذنيها من على برات البيت، لاحت عليها الكوڨرلي فالأرض و خرجات كاتنتر لبرات البيت دفعات البااب بقووة حتى وقفو دوك الثلاثة فبلاصتهم كايشوفو فيها حالين فمهم
كنزة بعصبية و صوت عالي:شكاديرو فداااري على الصباااااح
دوك الثلاثي بقاو مطولين فيها ابشوفة، رجعو شافو فبعضهم و هوما يطلقوها بقهقهة عاالية و قربات كلير عندها كاضحك عنقاتها:كنزةة باايبي واش نسيتيي اليوم راه الهالويين
كنزة دفعاتها مراشقالهاش .. كاتحماق على شي حاجة سميتها النعاس ولا فيقها شي حد و هي مشابعاش منو كاتشعل و الخاطر كايهربلها:لا كان الهالويين انا اييه .. و زايدوون انا مغربية مسلمة مكانحتافلش بهادشييي
مصعب قرب عندها مبتاسم ابتسامة وااسعة .. شاب سميمر فأواخر العرينيات .. تكون عندو ديك 28/29 عام، الشعر قهوي و العوينات قهويين و الفورمة مثيرة .. الطول و العضلات اللي كايخدم عليهم .. لحية خفيفة عند ذقنو .. شدها كايرقص معاها الرقص دبلعاني .. كايدور بيها و يدوي بالمغربية:يلااه اكنزة .. عارفة من زمان موجدين لهاد الحفلة ديال الهالويين وراني عارفك كاتحمااقي على شي حاجة سميتها الهالويين ههه .. دابا غاترتاحي شوية و ديري ماسكاتك و لبسي ديك اللبيسة اللي جبتلك مع الميكاب اللي سابقلك موجداه و نمشيو للسهرة ديالنا .. كانأكدلك غاتكوون فوووق الطووب
كنزة معوجة فمها كاتحرك معاه حتى هي .. هذا الصديق الوحيد اللي كاترتاحلو و من نفس مدينتها اللي موحشاها كثر من القياس .. كاتحسو عائلة بالنسبة ليها .. العائلة اللي فقداتها من زمااان .. العائلة اللي مابقاتش حاسبة راسها أنها كاتكسابها رغم أنهم عندها .. باها و خوها، ولكن بقدر إشتياقها و حنينها ليهم .. بقدر كرهها من قربهم بسباب ماضي داز بين عينيها .. تفكراات بزااف غي من دقاائق دالرقص مع مصعب .. مارجعات لرشدها حتى سمعات سميتها بصوت عالي من مصعب .. شافت فيه بعينين فيهم حزن عميق و مدفوون .. الحزن اللي مكاتحملش تبينو .. الحزن اللي كاتكرهو و كاتحسبو متناقض مع شخصيتها ..
.. مارجعات لرشدها حتى سمعات سميتها بصوت عالي من مصعب .. شافت فيه بعينين فيهم حزن عميق و مدفوون .. الحزن اللي مكاتحملش تبينو .. الحزن اللي كاتكرهو و كاتحسبو متناقض مع شخصيتها .. زفراات بعمق ووماآتلو براسها:واخا دابا طفيو عليا ديك الموسيقى راه راسي غايتفركع
مصعب بتاسم و مدلها صبعو الخنصر:كووول
كنزة بابتسامة حتى هي مداتلو صبعها:كووول🤙🏻
دارت غاترجع لبيتها و هي تقفز من الوجوه اللي موراها .. كانو غي كلير و سي گي هازين ماسكات كاتخلع دايرينهم فوجاههم غي شافت فيهم قفزاات و رجعات اللور خطوة
كنزة بهلع :اععععععع نعلملتكممم ألقحاااب
سي جي/كلير:هاهاهااااه:خدعة ام حلوة
كنزة مخنزرة فيهم:قلوة يا ولاد القحااب قلوة😡
مصعب قرب كايضحك بماسك حتى هو لحدا عنقها من اللور و همسلها:بووووع
كنزة دارت شافت فيه مغددة مع الدورة مع خماسية ترسمات فحنكو:هوووع .. نتا نسالي شغالي غانشد سوارت السكووتر وداك الفيديو اللي صورتوه البارح بغيت نشوفو (مشات من قدامهم هازة خنافرها فالسما .. دخلات لبيتها و ردخات الباب معوجة فمها للجنب .. مشات نييشان للدوش تقضي حاجتها وواحد الروتين صباحي ديييما كاتدوزو .. عندها طقوس خااصة بيها كاتدوزهم .. بعدما دوشات و سالات .. هزات واحد الجيل حاطاه جنب لافابو .. دهناتو فوجهها هو فالازرق كايحافظ على نظارة البشرة و لمعانها .. قادات شفايفها على شكل بوسة و دهناتلهم واحد الكريم خاص بيهم كاينفخوهم و كايحمرووهم .. خلاتهم ينشفو و حنات على جسمها كاتدهنو بكرييماات و مرطباات حتى ولا لحمها كاايلمعع .. و حتى زغبة مكادور فييها .. سلات مع لحمها لوات عليها فوطة قصيييورة و دارت للمراية طالقة شعرها .. نشفاتو بالسوشوار مزياااان و شدات واحد البلاك غي كادوزو عليه كايطيح و كايولي كايلمع .. سالاتلو و دهناتو بواحد الزيت مغذي و عاودات دوزات عليه البلاك .. سالات من شعرها جمعاتو و حنات كاتغسل وجهها بما فاااتر سالاتلو و مسحات حتى فمها .. حطات واحد الكلينيكس بريحة الثوث على وجهها مسحات بيه مزياان و بتاسمات للمراية .. بشرتها نظرة ماتحتاجش تزيدلها الفوندوتان ولا داكشي و حتى شفايفها ديما كادوز عليهم غير كلوز .. دابا وقت الشفار اللي دايرالهم وصفة خااصة فواحد القريعة دالريسيل .. دوزاتهم على رموشها جوج تطليعات طلعولها الشفار حتى قربو للحجبان .. بتاسمات لراسها فالمراية و خرجات من الدوش تبدل عليها .. هزات دوبياس فالنواغ مشبكيين زوينين .. لبساتهم هوما وواحد اللبسة لقاتها لوق فراشها، كولون كحل لاااصق عليها وواحد الجيلي طوييييل فاليدين جلديي .. لبساتهم مع طالون كحل طوييل و قربات للمراية كادير ميكاب خااص بالهالويين .. ميكاب للرعب .. تمكيجات مزياان و دارت واحد المساحيق فحالا الدم كايسيل من جناب شفايفها مع ليلونتي حومر .. و بشرتها البييضة بانت كي شي مصاصة دماء خصوصا مللي دارت نياب ففمها .. وقفات كاطلع و تهبط فراسها و بتاسمات عاجبها راسها .. خرجات من بيتها بعدما دازت ساعتاين و نص تقريبا من اللي دخلات قشعات الكليكة واجدين حتى هوما كايتسناوها .. هي تخطاتهم نييشان للكوزينة هزات متاكل حيت مللي فاقت ماحطات اللقمة ففمها .. سالات على خاطرها مداياهاش فتعلييقات كلير و سي جي اللي ملو كايتسناو فيها .. مللي كملات كوولشي ديالها دارت شافت فيهم مبتاسمة ابتسامة جانبية
كنزة ؛هيا لنحتفل أولاد القحاب ههههه
ففيلا كبييرة قد السخط .. الأضوية طافيين فيها و الموسيقى شااعلة بالجههد .. كاينين غا ضيوان فالاحمر و لا لازرق ولا الأخصر قلاال كايضويو فالجنابات .. مجموعة الكليكة ديالنا تما .. الڤيلا ديال مصعب، داير حفلة جامع فيها شلة من الاصدقاء اللي كايعرف .. كنزة گالسة فوق واحد الفوطوي بوحدها .. دايرة رجل على رجل كادور فعينيها بملل فشلة المجانين اللي كايشطحو تما .. تبسمات ابتسامة جانبية كاتشوف فمصعب مقنت واحد البنت .. كورية و كايشلقمها علني .. اما كلير و سي گي فكايشطحو مدايينهاش فالعاالم، هيا هزات كاس عصير طبيعي .. جغمات منو و شافت فجنبها مغوبشة مللي قشعات شي حد جا جلس جنبها، شافت شكون كان واحد الواحد من ديك الحفلة .. قرب لعندها مبتاسم فيدو كاس دالسوجو (مشروب) غمزها و شدلها فيدها:اغاشي (انسة) علاش جالسة بوحدك هنا .. تبغي اللي يونسك هممم!
كنزة علات حاجبها كاتشوف لبعيد مع إبتسامة جانبية ففمها .. تمتمات بهمس لراسها:جا حتى لعندي و كايطول يدو .. هو اللي كايقلب عليك أكنزة حد ماجبدو (دارت شافت فيه و بتاسمات كاتدوي بطريقة محلونة) نمشيو لفوق هنا الصداع؟
هو سمع الفوق ابتسامتو زاادت وسااعت .. وقف عاجبو الحال و شدها من خصرها مزير عليها و تمشى معاها .. هي علات حاجبها ثاني فيدو اللي عند خصرها و تمشات بخطوات متوازنة بداك الطالون خارجين من داك الصالون فين نايضة الحفلة .. مشاو جيهت الدروج طالعين الفوق و هي تحس بداك الأخ حط فمو فعنقها باسها .. غززات سنانها كاتصبر فراسها .. حتى طلعو دوك الدرووج
يلاه وصلو الفوق، مادركش يستوعبب شنوو وقققع كاان مجروور و مخبوط مع واحد الحيط مورااه و ركبتها خاشياهالووو فوسط حجرو بكل قوووة حتى خررج فييها عيينو متألممم و غووت بصووت عاالي
كنزة بابتسامة جانبية:عرفتي انا شنو كايعجبني فهاد الحفلات، كايعجبني لا تقرب مني شي بو خصية فحال أمثالك نلقنو درس عمرو ينساه و يحرم يقرب لشي وحدة جالسة بووووحدها مباغاش اللي ينوغشها
هو كايتألم تزنننگ كايغووت:طلقييينييي ألحمممقة .. طلقاااي طلقاااي اععععع غانقتلااااك
كنزة حركات راسها بلا كاتمتم:تت تت تت .. خاص يدك و شنايفك يترباو باش يحرمو يتحطوو عللى وحدة فحاالي .. انا مكاينش اللي يتجرأ و يمد يدو عليا بديك الطريقة أزامل .. هااااااع (مع غوتتها مع جراتلو يدو بقووة لوااتهااالو بقوووووووة و هو كايتجااابد معاها و يدفففع باغي غا يحرر يدو و لكن ماقدرش .. هي زيراات عليه مستخدمة تقنية قتاال معلمااها .. بقات كاتزيرلو على ديك اليد حتى تسمع صوت "طق طق" جوج طقطيقات وراا بعضهم .. حتى ولا داك خيناااا حمممر مزنكككك من الألم و عينييه خااارجين فيها .. قبل مايبغي يغوت ثاني دخلات لواحد البيت فالجنب قدامهم .. لاحتو لداخل و دخلات موراه كاتخنزر فيه و مقطع من الماضي كايتعاود فذماغها .. فلاش باك من الماضي و الشي اللي شافتو من أقرب أقربااائها، علات رجلها حتى علاتها و نزلات على داك الدري لفمو .. شفايفو اللي قاصو عنقها سحقاتهم بطالوون كاتزييرلو بقمقوومة طالونها حتى دمااولو .. هبطات رجلها ثاني للعضو ديالو و زطمات عليه زطمةة حتى خرج عييينو كايترعد و الغوات مابقاش قاد عليه، جندخاااتز نييت .. هنا هي بتاسمات ابتسامة وااسعة و بعدات منو كاتنفض فيديها و تمتم) المرة الجاية عرف شكون طلع معاك لفووق و مللي تحس براسك وليتي بخير قاود من هناا (قلبات عليه عينيها و خرجات من داك البيت كاتقاد لباسها و شعرها .. وصلات للدروج غاتنزل منهم و هي تطلاقا بمصعب مربع يديه متكي على واحد الحيط و حاني راسو فالارض كايتسنى فيها .. شافت فيه نظرة باردة هو عوج راسو معاها و قال بتساؤل)
مصعب:ضحية جديدة ثاني ناخذها للصبيطار على حسابي؟
كنزة غمزاتو:قولهم مايقربوليش و مغاتضطر تاخذ حتى شي حد للصبيطار على حسابك😊
مصعب تبسم و قرب لعندها حاوطها من كتوفها نازلين لتحت .. كايحك يدييه عليها:ههههه نتي هي نتي مغاتبدليش .. و ماتخافيش على قبلك نتي و هاد الابتسامة دالراحة اللي ففمك مغانقولهمش مايقربوش ليك غي باش تخرجي طاقتك السلبية فالبشار ههههه
كنزة حركات راسها بالنفي و دفعاتو من عليها:دابا تلاح غانقود لداري فالسكوتر ديالي .. مافيا مانكمل فهاد الحفلة المملة مع ناس مملين فحالكم
مصعب ضحك:خيري ييا خيري و فين صفيتي ههههه
كنزة قهقهاات بخفة خارجة فحالها:خيرك فأيدي امينة .. فيدين وحدة عارفة كي تسيرو ههههه (خرجات لبرا بديك النظرة الغامضة الخاصة بيها .. أنثى مكاتخافش .. شجاعة .. و حااقدة على واحد النوعية خااصة من جنس الرجاال .. النوعية الزلايلية .. ركبات فالسكوتر ديالها بلا كاسك بلا واالو .. وانطالقاات بسرررعة فديك الطرييق الخاااوية .. فضلام الليل و ضو القمرة .. مباااشرة للبناية اللي ساكنة فيها سااامحة للرييح يطييير شعررها بقوووة)
مع دخولها لشقتها .. ضغطات على واحد الزر فالحيط شعلو كاع الأضوية دالصالون .. دخلات كاتنتر الطالون من رجلها .. قلعات حوايجها قطعة بقطعة فطريقها لغرفتها الفخمة حتى بقات بدوبياس، مشات مباشرة للدوش .. عمراتو بما دااافيين .. خوات فيه مواد و بندوشات و معقمات .. حتى طلعات مع نيفها ريحة زكية و الفقاعات تكونو فسطح الما، فسخات السوتيانات مع السليب و تخشات فالبانيو .. ترخااات فوسطو مع الزيوت و المعقمات اللي معاونين جسدها على الاسترخاء كاتغطس فووسط الما و تطلع .. كاتغسل وجهها من الماكياج اللي دارتو كثير .. غطسات غطسة طوييييلة بقات فوسط الما لما يقارب الاربع دقائق .. عينيها مفتوحين و كاتشوف لبعييد .. تفكيرها فبلاصة بعيدة بزااف .. فذكرى بعيدة و قديمة بعض الشيء .. علات راسها أخيييرا كاتلهث .. تنهدات بقوة كاتنهج و مدات راسها على حافة البانيو مسترخية اكثر .. مخلية جسمها يترخى و غمضات عينيها ثاني كاتنهد .. مدة ساعتين تقريبا عاد خرجات من الدوش ببينوار قصير فالرمادي .. فيه واحد الجيب من جيهت الصدر مطرزة عليه حرف K بطريقة جد جميلة .. فخيضاتها باينين عريانين بويض كايشقشقو و نص صدرها بارز كذلك، مع شعرها المبلول و حنيكاتها الموردين .. مشات للفراش مباشرة قلعات بينوارها بعدما نشفات جسمها و تلاحت عريانة على فراشها .. لاحت عليها غا إيزار خفيييف و جراتلها البيسي ديالها .. نوع أيفون .. آخر موديل .. دخلات لواحد الفيديو تفرجاتلو كاامل مبتاسمة من جرأتها من تحديها الاخير مع مصعب .. والشرطي كي تكوانسا وجهو و تعابييرو مللي همساتلو انها محزمة بحزام ناسف .. دارت للفيديو حفظ مع الفيديوهات السابقة الخاصة بقفزها من الشلال ولا تسلقها قمة الجبل .. تفوهات بملل حاسة بالنعاااس و حياتها الروتينية ملاتها .. محتاجة فيها تجديييد و حاجة مثيييرة جديدة و لا تحدي جدييد، خصوصا وانها خرجات من آخر خدمة كانت خدامة فيها فشركة خاصة بالاتصالات و الهواتف الذكية بسباب كرهها للقيود و التوقيت و شي حد يبقى يآمر عليها ويغوت .. خصوصا مع لسانها سليط و مكاتسكتش لا تطاول عليها شي حد .. تكات على جنبها مغمضة عينيها و غرقااات فنوم عميييييق
فغرفة بيضاء بالكامل .. تحتوي على عدة أسرة باللون الأبيض .. حيوطها مشققة مهترئة بعض الشيء و أصواات أنفااس مستمرة و شهقات كايتسمعو من واحد الجانب فوق واحد السرير .. سرير لشخص واحد كايضم جسد فتاة هزيلة الوزن .. شاحبة الوجه .. ضامة نفس بقوةة .. جسمها كايتنفض