الفصل 4
جا حداها محمد جلس فقرن الكرسي وكدوز يدو على ضهرها ومد ليها الما..شربات وكيمسح ليها دموعها بيد وحدا...
وردة:بقا جهد شي عشرة تالكارو وكولو طفاه فيا اهئ اهئ😭😭😭😭 و..اهئ اهئ وكيشرب ويغني اهئ ومنوراها هز قرعة تالميكا قطعها (كتشهق)اهئ اهئ وشعل فبها لعافيا (جهدات فالبكا بانهيار)وخلاها كتقطر فوق لحمي 😭😭😭😭😭😭 وضربني اهئ اهئ(نهارت بالبكا)😭😭😭😭😭😭
محمد عينيه حمارو بالغضب وعروقو خرجو..خشاها فيه وكيسكت فيها وأنور جهل وعينيه بغاو يخرجو..اما باها شاظ راسو بين يديه وساكت كيسمع فيعا ويكبتها فالداخل ديالو..
وردة نهارت بالبكا ومبقاتش تقدر تسكت ولحمها كولو واجعها بالحريق..ومحمد مزير عليها ...تدق الباب وعطا عماد امر بالدخول ودخلو جوج بوليس معاهم حمزة كولو مبرقع بالضرابي حاني راسو وباينا فيه مسخسخ..ضار محمد شافو وطلق من وردة وطار عليه لسقو مع الحيط بواحد الدقا..ومع كان المينوط فيديه مقدرش يطاكي..عاد غفل لبوليس معرفوه اشدار..هز يديه عطاه ببونبة لكرشو وبقا كيضرب فيه والبوليس بغا يفك ساعا محمد ولا جاااهل ووحش..كيضرب فيه بكل قوتو ويعطيه فالكروشيات ولي بغا يتدخل كيدفعو..وردة شافتو وهي تسوخر لور حدا باها كتبكي بصوت مسموع وكترجف..وانور بقا فبلاصتو شارب الفقصة..بينما محمد مخلا فحمزة غي لي نسا..كيضرب وميفيسش وكيسب من سمطة لتحت:بلعن *** تمك الز*** الق*** نتا تقرب ليها نتا هااا😡😡😡😡😡هاك لحمار لي زلدك
بحرا مقدرو البوليس اشدوه وبعدوه عليه ومحمد ولا كينهج وباقي كيسب:غتعطا ريحتك فالحبس😡😡 وميخرج فمك لا عفو ولا حتا قل***
عماد:محمد برظ...خليني ندير خدمتي
مشا جلس فكرسي مقابل مع وردة كيهنج وهي مخبيا وجهها فباها مكتشوفش فيه..وقال بغضب:هاد المرض امشي اتربا ويخيخ فالحباسات
حمزة:(بصوت عيان)الشاف مستاعد نصلح غلطي ونتجوج بيها
محمد غي سمعها جهل عليه وناض هبط عليه تاني بالدق وخلا ضاربو وكيعاير فيه. وعاونو حتا أنور..حتا حبسوه لبوليس مرة خرا وخرجو حمزة...
عماد:اش هاد الفوضى امحمد😡😡
محمد:عماد هاد خينا منعاودش نشوفو فالزنقة
عماد:هاديك خدمتي..ديو البنت شوف حالتها كي ولات
هز فيها راسو لقاها خاشيا وجهها فباها وكتبكي ومع جسمها هزبل كتبان بحال بنت 10سنين مخلوعة..ناض وقف ومشا لجيهتها جبد وجهها من صدر باها..كان كولو دموع ونيفها حمر بالبكا..مسح ليها دنوعها بحنان وقال:كوني هانيا..حتا حد ميقرب ليك
تخشات فباها تاني وناض من حداها..وخرج تبعوه هوما..لقاوه كيتسناهم حدا باب الاوطو..حل ليها الباب ركبات وطلع حداها انور..وسندات على كتقو الشيء لي معجبش محمد طول الطريق وهو حاضيها من ةلمرايا محيداتش راسها من فوق كتفو وهو حاط يدو على وجهها كيمسح ليها دموعها..حتا وصلو..ونزل معاهم ..ووردة شادا فأنور وراسها محني ..دخلو للدار وهي مشات ديركت للبيت ..بينما الباقي جلسو وقالت مها:امدرا؟؟؟
المختار:درنا المحضر وجينا..وداك الحمار غيخيخ فالحباسات..
فتيحة:الجمد لله ياربي الحمد لله واخا حق بنتي راه ضاع
محمد:مضاع والو..غترجع لحياتها كيف كانت وحسن
انور:اييه..والى على هضرة الناس انا نتزوج بيها باش ميحل حد علينل فمو
محمد:(بغضب)اشناهو؟؟؟تزوج بيها😠😠 مبقاتش ختك
انور:نتا معارفش الحومة والمجتمع غيبقا ديما ينعت فيها ومغتحملش
محمد:وهي جوج...وباغي تزوج بيها
المختار:مبيناش اولدي نثقلو عليك..احلها مولانا
محمد:زواج وردة من شي حد مكاينش..وصافي😠😠
وخرج وخلاهم كيتنهدو..بينما انور بتاسم باتسامة خفيفة..وناض حتا هو...وبقات وردة للداخل مسندة على السداري ومهمومة..كتحس بحياتها ضاعت..ضروها يديها بالخريق وناضت للطواليط تحت انظار واليديها خوات عليها الما بارد باش تبرد حرقة تالجروح لي عمرو لحمها..وخرجات كتقطر وواليديها مستغربين..دخلات بدلات حوايحها وكتشوف فلحمها فالمرايا كولو مكوي بالكارو..وتزيد تبكي ...كتشفق على راسها كثر ملي كتشوف حالتها
******
مر شهر على وردة وحالتها نفسها بلعكس عاد مكتزيد تسوء..بالليل كتفيق على كوابيس خايبا وفالنهار كتضل تبكي..انور ديما كيجي يشوفها هو ومو ويحاول اهضرها وهي والو خي كتبكي..اما واليديها مفارقوهاش وخوها كيبات حداها لاتفيق وتبدا تبكي..محمد طوال هاد شهر كيجي يوميا وباستمرار..يشوفها وكتبقا فيه وقلبو كيتحرق عليها معارفش افسر هاد الاحاسيس المتضاربة لي كيحس بيها من جهتها..لي عرف أنه كيحس براسو وقتما بكات بروحو كتبغي تزهق من بلاصتها..كيجي اشوفها ويمشي بقلبو محروق..وتوبة مرا مرا كتبكي وتقول ماما هو عارفها قاصدا وردة حيت هي علامن حلات عينيها كتعاملها بحال مها...الناس كيجيو اطلو عليها زعما..ويبقاو يتعاودو على حالات الاغتصاب لي سمعو بيها..وكتوصل حتال مسامعها شيء لي كيخليها تزيد فحدة ازمتها...
اليوم وردة فاقت كعادتها بنفس غير راغب للحياة..كتسنا فقط الله يرفق بيها وديها لانها عيات وملات من نظرات الناس لي كيجيو اشوفوها ويشفقو عليها.
دخلات عندها مها جايبا ليها الفطور حيت من نهار وقع ليها داكشي مكتاكل مع حد..معندها الرغبة فحتا حاجة حطات ليها لبلاطو وقالت:فطري ابنتي..الله يرضي عليك
وردة:الصمت(ساهية)
تتهدات مها وخرجان خلاتها بوحدها تحت طلبها ..وردة متحركاتش من بلاصتها وكتشوف فقدامها حتا دخل عندها محمد..وهاد لمرة ماشي بوحدو..معاه توبة..وقف قدام الباب وقال:وردة..شوفي شكون جبت ليك؟؟
وردة:لا حراك
تنهد وقرب ليها جلس حداها وبقا كيشوف فيها وتوبة شاعلا فيها العافية بغات تمشي عندها..كتجبد وتعنكش بضحك..فرحات حيت شافتها واخا داز لوقت منساتهاش..
توبة:غعغغعععع😄😄😄 ما...ما ماما
وردة:الصمت
محمد:ماما ابنتي مبغاتكش..مكتحملكش
حط يديه على يديها وقال:معيتيش اوردة..واش هادي هي الحياة لي نتي باغا..تبقاي هاكا كي الجماد حياتك لا معنى ليها .
وردة:(تنهدات وكتبكي)😭😭😭
مد يديه مسح ليها دموعها وقال بصوت حنين:ديري عقلك وحاولي تخرجي من هاد الحالة..راه بحال الى كتعاندي الله سبحانه على قدرك
شافت فيه ولاول مرة بعد هاد المدة وقالت بصوت مخنوق:مكنعاندش..كنتسنى الموت..مبيتش نتاحر باش منمشيش لادنيا لا دين..بيت نموت😭😭
محمد:الى متي نتي معامن غنتناكر انا..وشكون غيشجع الريال...وشكون غيربي ليا بنتي
شافت وردة بعينين دامعين فتوبة لقاتها كتجبد باش تمشي لعندها..مدات ليها يديها وشداتها خشاتها فحضنها وبدات كتبكي فصمت وتوبة مخشية فيها كضحك وتعمرها بريوكها...بتاسم ليها محمد زقال:متبقايش تعذبي راسك..عطي لراسك فرصة خرا تعيشي حياتك..راه ملايين بحالك وهاهوما اليوم واقفين على رجليهم حيت تشبتو بالحياة..وردة خليني نعاونك الله بهديك
وردة غي كتبكي وحاضنا توبة..حتا عيات وقالت:دي بنتك وسير من هنا..متبقاش ترجع..درتي معايا خير ومغنساهش ليك..الله يعرضك السلامة
محمد:(قرب ليها كثر ومشا لجيهة وذنها)واخا طيري وتنزلي عمرك تحلمي نخليك..وراك وراك..باقي باغي معامن نتعاند
وردة:(بأعين عامرين دموع وغضب)واش معندك ميدار(صعرات)كل نهار جاي لهندي..اش بيتي مني ياك كنفرع ليك راسك ياك مكرهتينيش نبقا ساكتا باك كنمىضك 😡😡 ايوا عطيني بتيساع خليني نموت فخاطري
توبة:(طلقات زواكتها)اهئ اهئ😭😭😭😭😭 اهئ اهئ
محمد:(كيشوف فيها مبتاسم)معاطيكش التيساع..اش غديري كاع ههه
وردة:(تجننات ومدات ليه البنت)وا نوض عطيني بالتيقار..مابنت ليك هي أنا ..😡😡😡راه غنتخاسم معاك مخاسمة خايبا
محمظ:هههه اش غديري مثلا...غتعضيني فحنكي تاني هعه
وردى:(سكتات)😭😭😭😭😭 ننا معارفش مناش كندوز أنا...معارفش اش ناهي البنت تولي مرا بلا زواج..معارفش باش كنحس..لحمي كنبي نحيدو من بلاصتو كل مكنتفكر اش طرا..روحي كنبغيها تخرج ونرتاح(بالغوات)نتا محاسش بيا..مغتعرفش اشناهيا اولي لبشر اشوف فيك شوفة ناقصا واخا عارفينك مدرتي والو..معارف والو اهئ انا راه وليت عار وموسخة..توسخت توسخت(بدات كضرب فراسها)وليت موسخة 😢😢😭😭😭 بهاد المفهوم وليت مارجة اهئ
حط بنتو بزربة فالارض واخا كتغوت وطار لعندها شد ليها يديها باش متبقاش تضرب راسها ..وخلاها كتبكي على خاطرها كيشدها باش مضرش رايها وهي صعرات ولات كتحاول تفك منو باش تهبط عليه..سمعات مها الغوات وجات كتجري شافتهم هاكاك تخلعات وقالن:😱😱😱 وا اهيا ناري مالكم؟؟
محمد:هزي توبة وخرجي..
فتيحى:ويلي على نخرج..وبنتي هاكا
محمد شادها مزيان وقال:واهي خرجي..متخافيش
هزات البنت لي بغات تفركع بالبكا ..وخرجات وخلات العافية والما كيتجارو..لوا ليها يديها لور وحكمها وقال:هداي لمك ونتي نضتي مصعورة
وردة:(كتجار معاه وتبكي وتغوت)وا طلللق مني اهئ اعئ😭😭😭 طلق مني واطلق...اش بيتي عندي اهئ اهئ
محمد:بغيت ناكلك..زكاي كي الناس ونهضرو
وردى:(كتبكي منهارة)مبيتش نهضر لا معاك ولا مع غيرك بيت هي تيساع اهئ😭😭😭😭
محمد:(قرب لوجهها)وردة..تصنطي ليا ..راه كضيعي حياتك هي هاكاك
وردة:ونتا مالك...حياتي وانا بيتها ضيع
محمد:حتا نموت وضيعيها...
تفكات من يديه وبغات تهرب ليه شدها بزربة وبغات تفلت ليه وتعكلات وطاحت لور ومضعراتش حتا جراتو عليهل وطاحت وجا فوقها..وتقابلو عينيهم..هي عينيها عامرين دموع وهو عامرين شوق..بقاو كيشوفة فبعضياتهم لثواني حتا توكدات وردة ودفعاتو بلحق شد ليها يديها وقال:غتسمعيني لاخر مرة وموراها غنمشي فحالي
وردة:(كتفك منو)وا عطيني بتساع اش ليك فيا..مبيتش نسمع ليك
محمد:(حاكمها)بزز ولا بالخاطر..سمعيني
وردة:😡😡😡😡 نوض وهضر
محمد:(كيطنز)لا عاجباني الجلسة هاكا..😂😂
وردة:(تعصبات)نوض الحيوان غيدخل شي حد
محمد:(حط نيفو على ميفها)ويدخل هي جوح..باش نيت افهمو علاش جيت
وردة:(كتشوف فعينيه متوترة)هااا..و..وا نوض..
هز صبعو مسح شي دميعات من عينيها وحنكها وقال:مالك سكتي..غنجيك من لخر..بغيت نتزوج بيك
وردة:😳😳😳😳😳😳😳😳😳😳 اشناهو؟؟
محمد:كيفما سمعتي(ناض من فوقها)باغي نتزوج بيك
وردة:(وقفات معصبة)بزاااف عليك الحيوان😠😠 ياكما تسحابك صافي وليت شايطة لي جا ياخدني..ممحتاجا لا لشفقة ديالك ولا للعطف ديالك..عاونتيني الله يرحم للوالدين..الله يعرضنا ويعرضك سلامة
محمد:اولا انا مكنشفقش هليك..ثانيا انا مكنديرش هادشي على قبلك كنديرو على قبلي أنا بدرجة لولا..شحال جهدك تبقاي هاكا..فكري فيها شوي..انا الى غنتزوج بيك ماشي بالمعقول..انا باغي أم لبنتي ونتي أكثر وحدة متعلقة بيها توبة ونتي باغا ترتاحي وراحتك أنا لوحيد لي نقدر نضمنهل ليك..اللهم تزوجي بيا ومنقربش ليك منحاديكش والاهم تربي ليا بنتي ونتي فنفس الوقت غيرجع ليك اعتبارك بين الناس وعلى الاقل مغتزوجيش بشي واحد بحال حمزة..بنهار العصا والليل يجي يبرد فيك كبتو..عاد غضلي تابعاه من حبس لحبس ...فكري مزيان
وردة(كتسمع ليه وتبكي):(بصوت مخنوق وضعيف)صافي ساليتي 😭😭😭 الله يجازيك بالخير..هاذا هو المضنون فيك..الى جيتك فعلا وليت جفاف ولي جا يمسح فيا رجليه فىاني جفاف من نهار خرجت للخدمة وسمحت فكلشي على ود واليديا😭😭 الى كيتسحابك بلي غنقبل نتزوج بيك حيت نتا ملعق وغتفكني من هضرة الناس فراك غالط وبزااف كاع..نفضل نموت ومنتزوجش بواحد باغي غي يدير فيا خير باش نربي بنتو😭😭😭😭شكراااا على المعيور
وضورات وجهها لجهة الاخرى كتسناه اخرح..بينما هو بقات فيه..كيكره اشوفها كتبكي كتبث ليه بلي فعلا وردة تغيرات..ومن جهة مبغاهاش تفهمو أنه باغي غي يستاغلها لصالح بنتو..بلعكس هو بالدرجة الاولى باغيها تكون مرتو حيت ..معرفش..ابمهم هو تكون معاه..
قرب منها جتا ولا صدرو ملاصق مع وجهها ودورها لعندو وقال بحب:وردة..عارفاني غنبغي نستاغلك..ديما غتبقاي فعيني وردة الحمقة لي كتبقا تجبدتي باش نضربها ونتاكر معاها..انا باغيك ترجعي كيف كنتي وكثر..فنظرك الى خرج حمزة غيرحموك الناس..ومن دابا غتخرجي للزنقة وغيبدا بنادم انعت فيك..ونتي مغتحمليش..خليني نعاونك وحتا نتي عاونيني..عتابريها صفقة بين جوج صحاب مباغي منك والو من غير تربي لي بنتي حيت نتي المناسبة وفالمقابل غتكملي حياتك فراحة وتحاولي تنساي الماضي
وردة:(بغينين دامعة)نسا الماضي ياك😭😭نسا بلي تكرفس علي وبلي شت فليلة وحدا جهنم الكحلة اهئ اهئ واخا نبي ننسا منقدرش..مغتفهمش هادشي نتا..بعد مني وجوابي هو لا اهئ اهئ
محمد:(بقا كيشوف فيها شحاااال)داكوغ..مخليتي ليا حتا قرار..بسلامة دابا
خرج وخلاها غارقا فدموعها..تكات على جنبها كتبكي وتتنخصص..على الحالة لي وصلات ليها جاب ليها الله بحال الى ولان سلعة رخيصة ملي بغا يسترها..بينما محمد خرج من البيت ومشا عند مها شد من عندها توبة لي كانت شبه ناعسة وقال:لالة فتيحة فين سي المختار؟؟
فتيحة:فحانوتو اوليدي..مال بنتي ؟؟
محمد:غنشرح ليك من بعد..خليت ليك الراحة دابا
تعجبات منو ومشات طلات على وردة لقانها كتبكي تاني مسحات ليها دنوعها وعنقاتها كطبطب عليها..
محمد خرج من دارهم وتلاقا مع خوها وطلبو اوصلو لحاموت باها..مشا معاه حتا وصلو..لقاه جالس فحانوت صغيرة فيها بيىو صغير وكرسي..وبرا كاينا واحد اللعبة فالاسود مكتوب فيها سمسار الاملاك العقارية..شافو لقاه جالس فكرسي تدوم وقدامو طبيلو صغيرة فيها سبسي واتاي..محس المختار حتا وقف عليه وقال:السلام وعليكم
هز المختار راسو وبتاسم باتسامة صفرة وقال:وعليكم مثلها..سيدي محمد هانيا
محمد:لباس الحمد لله..بغيت نهضر معاك
المختار:اهاه مرحبا..(لمراد)ارا ننا داك الكرسي من الداخل
مشا مراد جابو ليه ورجع فحالو..جلس محمد وفيدو توبة ناعسة..شافها المختار وقال:العزبة هادي ههه تبارك الله
محمد:(بابتسامة)ههه اه..سي المختار جيت بغيت نفاتحك فواحد الموضوع
المختار:(كب ليه اتاي)اييه مرحبا..ياك شي باس مكاين
محمد:لا الخير ان شاء الله..جيت بغيت نطلب منك يد وردة
المختار كان كيشرب اتاي هي سمعو قالها وهي توحل ليه حتا بدا كيكحب وقال:اشنوو كح كح
محمد:هي بشويا عليك...انا بغيت نتزوج ببنتك
المختار:ولايني راه...
قاطعو:عارف اش غتقول..وفاهم..وأنا مكيهمنيش هادشي كولو..وردة كنعرفها من يامات الخدمة واخا كطير ولسانها سابقها وفعايلها كيشيبو ولكن نقية وبنت دارهم..ومشغليش فداكشي لي وقع ليها انا بغيتها هي
المختار:(تصدم معرف باش تبلا)اوليدي نتا ولد الناس ومنساش وقفتك معانا ديال رجال نيت..ولايني منبغيش ليك هاكا..البنت..
قاطعو للمرة الثانية؛الحاج صلي على نبي..انا اه مغربي ولكن كبرت برا وتفكيري اروبي واخا الواليدين مغاربة وعشت فجو مغربي ولكن كنفكر بعقلي ماشي بالتقاليد ..بغبت بنتك نتزوج بيها وتكون أم لبنتي
المختار:(سكت وتنهد)بفففففف اش غنgول ليك..وردة ولات حالتها حالة ..مديال زواج..معادا الى غتقنعها نتا😔😔
محمد:باقي مقسحا راسها ونتا باها نتا لي غتهضر معاها وتقنعها..راه نحطها فعيني
المختار:يكون خير ان شاء الله...العشية نرجع للدار ونهضر معاك ونجاوبك
ناض محمد ودعو ومشا رجع لحدا دارهم هز الاوطو ومشا نيشان للاوطيل..حط بنتو مع المربية الجديدة لي جاب ليها ومشا يكمل خدمتو
بينما سي المختار ناض سد حانوتو بالخف ومشا لدارو كيمختر بمشية المراكشيين المعنgرة..وصل لدارو لقا مرتو فالكوزينة مشا لعندها وقال:ها واحد السلام وعليكم المرا..
فتيخة:(كتنقي خيزو)وعليكم السلام..مالك جاي دروك؟؟
المختار:جيت بيت نهضر مع وردة فشي حاجة
فتيحة:الله يسمعنا خير..اشمن هضرة
المختار:محمد الباطرون ديالها با يتزوج بيها
فتيحة:(بفرحة )😍😍😍 داخلة عليك بالله..الله اربي على خبار
المختار:مالكي مسبقة الفرح بليلة ..راه باقي مسمعنا ري وردة..انا راه منبزز على بنتي لي مبات
فتيحة:الله يهديك المختار علاش لي متبيش راجل كامل مكمول مخاصو والو..وقف معانا ومخلاناش وشهر وهو خيطي بيطي عندها يشوفها..كون كان شي مسكوف والله ميبقا اجي اسول فيها
المختار:زالله معرفت..انا غنهضر معاها..دروك
فتيحة:زيد نهضرو معاها بجوج بينا
غسلات يديها ومشات معاه للبيت عند وردة لقاوها جالسة كيف عادتها وشادا حنكها ...جلس باها حداها وحط يديه على شعرها وقال:وريدتي لباس😊😊؟؟؟
وردى:الصمت
المختار:(ضورها لجيهتو)وردة بنتي الله يرضي عليك هضري معايا..واش درت لبك شي حاجة حتا منخلاني
وردة:(دمعو عينيها)لا اهئ😢😢
المختار:شوفي ابنتي لي عطا الله عطاه ..والبكا مورا الميت خسارة..معند الغبينة والدموع باش انفعوك..خصك توكدي راسك
وردة:(بصوت مخنوق)مقدرتش ابا..مقدرتش اهئ اهئ
المختار:تقدري gالاك..راه ممربيش النعيوات..راه ولدت وعرفت اش ولدت..وردة وأجرك عالله..اليوم جا عندي محمد وطلب يديك للزواج
هزات فيه عينيها بزربة وقالت:😳😳😳 مبيتش اعئ مبيتش نتزوج لا بيه ولا بغيرو اهئ اهئ خليوني غي هاكا حتا نموت
فتبحة:الله ينجيك ابنيتي..حنا مبيناش مولدوك ونربيوك ونتي تبي تموتي..بينا نشوفوك عايشا حياتك مرتاحة زفرحانة
المختار:مبيناش نموتو وحنا مهولين عليك..محمد مغيخسرش ليك..كون مكان ناوي المعقول ميبقاش تال دابا فاش وقع لي وقع عاد ابيك..وهو باينا فيه ولد الاصل مخلاكش كاع
وردة:با الى مثقلا عليكم غي gولوها..نهز راسي ونزيد..انا جبت ليكم هي العار وصافي😭😭😭
المختار:لواه...لواع ابنيتي..مجبتي لي والو..ربيتك عزري باش متغريش لحياة البنات حتا نهار اجي لي يستاحقك ولكن القدر با حاجة خرا..ووقع لي وقع وربي كبير صيفط ليك راجل كامل ومكمول لبين يديك باش تعوضي على لي وقع ليك..الله يرضي عليك فكري
وردة:😭😭😭😭😭 مقدرتش اهئ اهئ
فتيحة:حنا مبينا ليك هي الخير ...هضري معاه وديك ساعة قرري..نعيطو ليه وهضري معاه
وردة:(الصمت)😭😭😭😭😭
النختار:الله يرضي عليك ابنتي
باس راسها وغمز مرتو وخرجو خلاوها حايرا واش توافق وتخضع لقوانين مجتمع مغيرحمهاش الى متزوجاتش وسترات راسها ولا تبقى فهاد دوامات وتعيش حياتها كاملة بين هاد ربعة تالحيوط...بكات حتا عيات وباقي منفساتش..حتا غفات والدموع فعينيها كيف ديما
المختار خرج ومشا شارجا وعيط على محمد وعلمو بلي كاين وطلب اجي يهضر معاها ..وقطع معاه..ومحمد بتاسم ملي سمع ديك الهضرو وفرح فالداخل ديالو حيت غتولي معاه..حط تيبي وكمل شغلو عادي
&*****
فالعشية جا محمد عند دار وردة بلباس عادي كيف ديما..كيطما صيفية فالاسود والسبادري فالاسود وعاد كاسكيط فالاسود كذلك ..دق الباب حلات ليه مها ودخل لقا كلشي فقاع دار..بكثرة مكيجي عندها حفظ دارهم زحتى هوما ماشي من الناس لي كيخبيو حالتهم بلعكس كيتصرفو عادي وهادشي لي كيحببو فيهم..سلم عليهم وجلس وقال؛امدرا اسي المختار؟؟؟
المختار:اش غنgول ليك اوليدي..انا بنت وحدا لي عندي وربيتها بدم جوفي ربيتها دري ماشي بنت ..هضرت معاها وسكتات دخل نتا حاول معاها راه رطابت..هي خصها شوي تالما😉😉
بتاسم ليه محمد ودخل لعندها لقاها فنفس حالتها..شافتو وهي تخنزر وقلبات وجهها وقال ضاحك:ههههه بان ليك عزرائيل..
وردة:(الصمت)😠😠
محمد جلس حداها وقال:هاني جيت فاش بغيتينا نهضرو
وردة:(ضارت عندو مكمشو عينيها)محمد واش مبنت ليك غي أنا فالبنات..عطا الله البنات زوينات علي ومصوابات هلي وباقي فيرج عاد..ونتا طحت ليك غي أنا فالبلان😠
محمد:(اول مرة تذكر سميتو)ممممم عندك الحق كاين مزين منك..وفيخم صواب وعاد قضية العذرية مكتهمنيش..ولكن انا باغي أم لبنتي ماشي مونيكة باش تلعب..مفهمتش لاش مقصحة راسك..بيناتنا غنكونو عادي ومع ناس نكونو مزوجين..ومريضنا معندو باس..غتربي غي توبة وصافي
وردة:واش مكتفهمش..مبيتش نتزوج لا بيك ولا بغيىك
محمد:ومحشوماش هاد واليديك لي متحسرين عليك..بغاوك غي تكوني مرتاحة وراحتك معايا ونجيك من لخر بغيتي ولا كرهتي غتزوجي بيا
وردة:(عصبها)😠😠😠 مسينا عاالله تاني..شحاب هادي معطيتك علاش كتقلب...gلب علي ولا غنهرس ليك هاداك الراس
محمد فرح حيت قدر اجبدها باش تعاود تهضر كيف كانت وقال:دابا انا خيرتك..راه زاخا نعرف نكمش ليك يديك حتا توقعي
وقفات صاعرة وقالت:بززز ياك(هبطات عليه للكتف)هاك😠😠 توقعني بزز ياك😡😡
بدات الحرب بيناتهم تاني ..ملي هبطان عليه بيدها وقف ليها وشدها من يديها وهي كضرب فيه برجليها حيت حكمها من يديها مزيان..كتركل فيه وكيخاول يتفاداها وميت عليها بضخك
وردة:غنعطي لدين مك شي سلخة عمرك باقي طوف بساحتي 😡😡😡
محمد:😂😂😂 صاقي برات .ههههه اهداي هههه ههههه راه غنضرب
كتركل فيه وتعاود وغواتهم وصل تال البرا حتا جاو واليديها طلو لقاوهم شد ليا نقطع ليه ...مها حلات فمها فالمنظر وباها كيحرك فراسو بلاحول ولا قوة..كان جامع ليها يديها موراها وشادها بززز
المختار:ويلي مالكم؟؟
محمد؛والو..هي واقفات وبغات تعنقني وانا نحبسها 😤😤
وردة:😨😨 لا لا موافقتش ولله لديتك ولا كنت ليك مرا..(عضاتو فعنقو)عنننننن يالخ
طلق منها وبدا كيبرد فحر العضة وقال:مال مك مسمومة😠😠
وردة:تستاهل..ودابا خرج برا علي
محمد:وياك وافقتي مالكي كتسيفي..عاد دابا قلني لي بلي على موافقة
وردة:(جنونها صعرو)اويلي على ولد الحمقة موافقتش..مبيتكش😡😡
مجمد:هي خليوني معاها نهضرو تاني
وفعلا خرجو معجبين كيبانو ليهم بحال الما والنار مكيتلاقاوش...
محمد:شوفي هضرة حسن من جوج..غتزوجي بيا هي غتزوجي بيا😡😡
وردة:واخا تبقا نتا لخر فهاد للدنيا منديك
محمد:(زلق ليه لسانو)على أساس غيجي يخطب فيك شي حد من غيري
وردة تغرغرو عينيها بالدموع زبقا فيها الحال..بزااف وقالت وهي كضرب فصدرو:ياله واخرج😭😭😭 خرج خليني..اهى اهئ انا غي شايطا وخاسرة
شد ليها يديها بجوج وقال متأسف:وردة..وؤدة(بحنية)وردة..مشطيش ومخسرتيش..انا باغي نتزوج بيك باش نحميك..باش متبقايش مسكة فلسان عباد الله..ديري عقلك
وردة:(كتبكي)علاش كيوقع لي هاكا علاش😭😭😭 كنت هانيا وعايشة حياتي اهئ اهئ علاش امحمد علاش اهئ..علاش انا ...
محمد:(خشاها فصدرو ومخبيها)لا منقوليش هاكا..قدر الله وصاقي ..عطي راسك فرصة باش تبداي من جديد..انا مباغيكش كجسد غتكوني مراتي فالوراق صافي..منقربش ليك كنواعد
لاول مرة عنقاتو بيديها الرقيوقين وتخشات فبه كنبكي بحرقة وكتشكي عليه وهو كيسمع ليها ويزيد ازيرها ليه لقا فأنو يعنقها راحتو..وهي لقات راحتها كثر..محمد جرحو باقي جديد واول وحدة يحضن هي وردة بينما وردة بغات صدر تبكي عليه غير صدر الصديق او الاب او الأخ
خلاها حتا تفسات وهز راسها وباس جبهتها وحتا هي ترخات ممنعاتوش بلعكس بقات شادا ليه فيديه وقال:ثيقي فيا مغنأذيكش..كنقسم ليك بالله حتا نخليك ديما فرحانة..المهم عندي هو تربي بنتي
وردة:(كتشهق )اهئ اهئ اهئ😭😭😭😭😭
محمد:وا صاقي..نعتابرك وافقتي مم
اومات ليه براسها بأه بعدما حسات براسها بردات شوي..ودوراتها فمخها..غتسمع الهضرة من عند الناس ويشوفوها بنص عين ويمعنيو عليها..اللهم تزوج بمحمد لي عيقدر اعيشها حياة سليمة بلا ميطالبها بشي حاجة..وفالمقابل غتربي ليه بنتو...
مسح دموعها وحطها فبلاصتها وخرج عندهم ولقا حتا انور وقال: وافقات ههه
انور:ياكما بززتي عليها..
انور كان جا وعاودو ليه واليديها...
محمد:لا بخاكرها..سي المختار غدا ندوز عندك باش ناخد وراقها ونوجد العقد..
المختار:ان شاء الله اوليدي..ميعادنا غدا
فتيخة:ان شاء الله😄😄
انور:انل غندخل نشوفها
محمد:(بدون شعور)بلاش راه ياله نعسات عاد كانت كتبكي
تنهد وقال:واخا
ودعهم محمد وخرج وقلبو فرحان حيت قبلات العرض ديالو..طول الطريق زهو مبتاسم حتا وصل للاوطيل
فرحات فتيحة بخبر زواج بنتها وحتا المختار ومراد..بينما وردة عارفا راسها دايرا هي الخاطر وصافي باش تهرب من هضرة الناس
صبح صباح جديد على محمد ناشط بلا قياس مبتاسم..ناض دوش وتريح ولبس حوايجو لي طييعي فلون الاسود..وخرج طل على بنتو وباسها ومشا لدار وردة..كانت ديك ساعة تسعود تصباح..وصل لحدا دارهم ونزل دق حلات ليه مها كيف ديما صبح عليها ودخل لقاهم معمرين اتاي وحاطين الخبز مدهون بالزيت..وكلشي كاين الا وردة..جلس بعدما سلم هلى باها وخوها ..وقال باها:فيه لخير ليك هاد الخبز هههه
محمد:براك الله وفيك..جيت باش ندي وردة للطبيب..
المختار وفتيخة:(باستغراب)اينا طبيب؟؟؟
محمد:طبيب جلد..على قبل الحروق لي فيديها راه مداواتهومش..
المختار:راه كدير ليها مها واحد البوماد.ديال الحريق..
محمد:واخا هكاك..خصها تمشي لطبيب راه ماشي تحرقات هاكاك بالما راه تكوان..هاد القضية عاد تفكرتها البارح..ونستاغل اليوم نتا تجمع ليها وراقها وانا نديها للطبيب باش غدا نديرو العقد وتمشي معايا
فتيحة:اححح على بنتي غتمشي بلا عرس😔😔😔
محمد:الى بغات تديرو ديرو..مي محال تبغي فهاد الةضع دير العرس..فينها هي بعدا؟؟؟
مراد:فالبيت كيف ديما..مباتش تخرج تفطر
محمد:(ناض )انا نجيبها تفطر
دخل للبيت لقاها مسندة وحالا عينيها جلس حداها وقال:صباح الخير
وردة:(بلا متشوف فيه)صباح الزفت والطرقان المغبرة.