بلاش تخليني - الفصل 3 | روايتك

', تسأليني ليه أحبك وأسألك نفس السؤال ليه أحبك جاوبيني يمكن إنتي تعرفين ليه أنا قلبي تعلق فيك يابنت الحلال ليه وش معنى عشقتك دون كل هالعالمين هل لأني شفت فيك الحسن كله والدلال أو لأني شفت فيك الثقل والطبع الرزين أو لأنك في عيوني صرتي آيه للجمال أو لأنك إستطعتي للمشاعر تملكين أو لأن الحظ جابك لي بعد ما أقفى وحال أو لأن الله كتب لي أعشقك وأحيا سنين علميني ليه أحبك ليه قلبي معك مال ليه دمعاتي تناثر كل ما إنتي تبعدين ليه دايم في خيالي صورتك في كل حال في فرح ولا بتعاسه .. في شقا ولا بحنين ليه طيفك في عيوني ما يبارح هالمجال شاغل فكري وبالي كل لحظه وكل حين آآآه ياكم سؤال حاير وسط الخيال وآآآه ياوين الجواب اللي يريحني سنين أسأل أسوار المدينه عنك وأنقاض الجبال وأسأل رمال الصحاري وأسأل الليل الحزين وأسأل دموعي الغريقه ليه دمعي منك سال ليه قلبي فيك هايم .. وشهو السر الثمين ليه مدري بس عشقتك عشقن لحد الهبال صرت ما أشوف بعيوني غير زينك أي زين تسأليني ليه أحبك؟؟ وليه ميت ع الوصال والله مدري صدقيني نفسي ماعندي يقين ودي أعرف ياعيوني وش إجابة هالسؤال ليه أحبك؟؟ جاوبيني .. يمكن إنتي تعرفين الجو حلو والنجوم منتشره في السماء حول القمر وريحة الشوي ماليه المكان قالت مشاعل للبنات : طولوا متنا جوع ريحة الشوي تجنن وتجوع اكثر ترف : مافيك صبر انتي فجر : بيني وبينكم انا ماهمني العشاء بس ابيه يخلص عشان بعض الناس يضفون وجههم جات وعد وبدها الاونو : يلا سوو دائره اشوف خلونا نلعب بدل هالقعده والحش اللي مامنه فايده جود تلوي بوزها : شف من يتكلم بس وعد ترفسها : جب انتي يلا بوزع وزعت الاوراق وقعدوا البنات يلعبون بحماس وصراخهم كل شوي يعلى ترف : عاد استحوا على وجيهكم وش هالصراخ ترا عيال عمامي هنا وصوت المراه عوره امل : جد بنات وطو صوتكم وعد:اقول انتي وياها لاتسوون لي فيها مدرسات دين العبو بس كملوا البنات لعب وعبير قالت بهمس لاختها شوق : ياخي طفش قومي نلعب معاهم شوق اللي لاتهش ولا تنش ودايم ورا امها بكل شي تسويه : مالي خلق تبين قومي انتي العبي معاهم عبير تكش عليها : مالت عليك من اخت بعد فتره جات ام سعود وعلمتهم ان العشاء جاهز قاموا البنات يتعشون وعبير قالت لاختها : مالي نفس انقلعي قومي تعشي خلينا نطس من هنا مو طايقه مقابل وجيههم اللي تجيب النحس شوق وهي تقوم : الله يشفيك عبير بعصبيه وقهر : ليه شايفتني اشد شعري ولا اشق هدوي انقلعي عن وجهي لاقوم اوريك شغل الله سفتها شوق ومشت وهي تتحمد الله على اختها اول ماخلصوا عشا ركبت عبير السياره بسرعه ولا سلمت على احد تحس انها مخنوقه وتبي تطلع من هالمكان ناظرت طلال بحقد وهو واقف يسلم على عمامه وعيال عمامه ركبت شوق السياره بدون ماتتكلم لانها تعرف اختها بتاكلها بقشورها قالت ام فهد اللي ركبت قدام : ليش ماتعشيتي يمه عبير : مالي نفس كان سعود ماسك نفسه بالقوه لايقوم يذبح طلال هو ملاحظ نظراته لامل من اول ماجاو سلم طلال على الكل وركب سيارته وحرك ومعاه فهد وابو فهد ركب السياره اللي فيها مرته وبناته والشغاله وحرك اول مامشوا وقفت وعد وقالت بحماس : اخيرررررا انقلعوا ناظروها البنات وهم يضحكون لان جدها كان وراها التفتت بسرعه وشهقت يوم شافت جدها مسك اذنها وقال : انتي ماتستحين على وجهك متى بتعقلين ها وعد بتكحلها عمتها : آآآآآآآآي جدي انا ماقصد عمي بو فهد ولا طلال وفهد والنعم فيهم اقصد مرته العقربه وبناته الحيات فقعوا البنات ضحك على مصطلحاتها تركها جدها وهو كاتم ضحكته على بنت ولده اللي عقلها فاصل قعد معاهم وقال وهو يبتسم : ها شخباركم بناتي عساكم مبسوطات جود: اي والله جدي وناسه زين جينا طفشنا من الورتين والمجمعات والطلعات المكرره ابو عبد الكريم : متى ماحبيتوا تجون قولوا لي انا ليش شريت هالمزرعه وتعبت عليها سنين غير عيالي وعيال عيالي اللي سعادتهم عندي بالدينا الله لايحرمني منكم منال بحب : ولا منك يَ الغالي -كلمت ولدها اللي يلعب بجوالها - فروس روح عند جدو قام فرس وبيده الجوال اللي انعدم وتوصخ وقعد بحضن جده ناظر بو عبد الكريم الجوال وقال :ههههههههههههههههه الله يعوضك يابنتي بجوال ثاني راح فيها جوالك منال: شسوي يبه هالجيل الله يهديهم مايبون العاب ولا شي طول الوقت ماسك جوالي وياليته يعرف يسوي شي بس ياخذه ويحوس ام الارقام ويدقق على خلق الله ويحذف اللي يبي ويرجعه لي ههههههههههههههه ابو عبد الكريم : هههههههههههههههههه الله يهديه ويصلحه طيب حطي رقم سري او عطيه ايباد يلعب فيه منال ترفع الايباد: شف ايباده جديد شراه له ابوه ولا يبي الا الجوالات وان حطيت رقم سري فضحني وصياح ونياح لين افتحه انا مدري شسوي مع هالولد ديم بتكشيره : اصلا ولدك هذا قليل ادب ولا يخليني العب معاه يحسب نفسه رجال ومغرور ابو عبد الكريم ضحك من قلبه وقال : ياربي ماصدق جد جيل يخوف هالحين هالمفعوصه شعرفها بهالكلام امل:هههههههههههههههههههههههههههه انت ماسمعت شي يبه والله صايره تقول كلام غريب عجيب مدري وين تسمعه كل يوم والثاني جايتني بكلمه جديده كل شي يلقطونه على طول ضحك بو عبد الكريم وقال : عيب يبابا انتوا شطار وتلعبون مع بعض ولا ابي اشوفكم متهاوشين ولا احد فيكم طاق الثاني كملوا سوالف وضحك وقعده حلوه ترد الروح ،،،،،،،،،،،، بمكان ثاني تقلب وتقلب وتقلب ياااااربي ابي انام خلاص اطلعي من مخي اففففف حط المخده على راسه يحاول ينام لكن وين يجيه النوم وصورتها قبال عيونه طول الوقت في كل مكان يشوفها مو قادر خلاص تعب وقف ورمى المخده بعصبيه خلاص انا ماقدر اتحمل اكثر من كذا بروح اكلم ليان واللي فيها فيها مو حاله هذي توجه لغرفة ليان وطق الباب قالت بصوتها الناعم تفضل دخل راكان وابتسمت ليان وقالت بترحيب : ياهلا ياهلا راكان بشحمه ولحمه جاي لغرفتي شصاير بالدينا ابتسم وقعد وقال لاخته رنيم: رورو ممكن تطلعين شوي ابي اكلم ليان بشي خاص وقفت رنيم وقالت بذوق : اوك اصلا انا كنت جاء وقت نومي طلعت رنيم وليان ناظرت اخوها بخوف اول مرا يكملها على انفراد وفي غرفتها :خير راكان فيه شي راكان وهو يحك راسه : ابي اقول لك شي ليان :تفضل راكان بتردد: امممم ليون من كان عندك ذاك اليوم يوم قلتي بيجون صديقاتك ليان باستغراب : امل وبنات عمها مها ومرام راكان :ومن فيهم عيونها ملونه شهقت ليان وقالت : راكان وش هالكلاااام قزيت البنات انت ماتستحي على وجهك ترضاها لي ولا لرنيم راكان : بسم الله كلتيني بقشوري خليني افهمك انا كنت داخل وهي واقفه عند المرايه بالصدفه والله شفتها ليان معصبه : ماراح اقول لك مين راكان : ليان شفيك قلت لك وربي مو قصدي شفتها بالغلط ومن ذاك اليوم خذت عقلي وقلبي لاليلي ليل ولا نهاري نهار تكفين قولي لي من هي ليان بتنهيده : هذي صديقتي امل بس لاتتامل تراها تحب ولد عمها وهو يموت فيها يعني انصحك ياخوي تشيلها من بالك ولا كانك شفت شي تضايق راكان ولاحظت ليان هالشي اخوها اللي بنات العايله منهبلات عليه وكل وحده تتمنى يكون من نصيبها يحب لا ويحب مين امل اللي تعشق سعود بجنون طلع راكان من غرفتها وهو متضايق اول يوم كان ليان تتكلم عن امل راحت وسوت وفعلت كان يهاوشها ويقول لها صجيتي راسنا بَ هالامل مانعدك غير سيرتها لكن الحين غييييييييييير من بعد ماشافها لخبطت كل كيانه كان يتطنز على ربعه اللي يبحون والحين عرف شكثر الواحد يتعذب لاحب عقد حواجبه وهو مستغرب من نفسه راكان اللي مايهتم لحركات البنات من الشركه للبيت او النادي من البيت للشركه او اذا طلع مع اخوياه للاستراحه بس هذي حياته الحين تجي وحده وتخلي قلبه ينبض وتخلي عيونه تنحرم النوم تنهد بضيق وغمض عيونه يحاول ينام ويبعد امل عن باله ؛؛؛؛؛؛؛؛؛ الكل نام ماعدا البنات كانوا عند المسبح يسولفون قالت مها وهي تفكر : والله للحين مصدومه من طلال ماتوقعت عبير تخاف منه هالكثر وربي انه رجال بس القهر ان ام فهد امه وعبير وشوق خواته مشاعل بهيام : اجل ماشفتي فهد وربي انه يجنن ياخذ العقل ثقيل ورزه ووملوح وصوته لحاله حكايه صوته يجنن لاتكلم تحسين فيه ميزه تحرك المشاعر وتخلي القلب يدق وعد باستهبال : لااااا لاتذوبين علينا بس وانتي متى لاحظتي كل هذا هو من ناحية الشكل مملوح بس لاتبالغين احسه ثقيل طينه ومايعطي احد وجه وخواته يتراعدون منه تقل جني تراه ادمي مثلنا مرام : فكونا بس من بيت عمي بو فهد -لفت على منال تكلمها - الا وش صار على حماتك هديل منال بضيق : مسكينه على حطت يدك نفس ماهي عليه كل يوم على هالحال مع ام زوجها امل بقهر : وزوجها ليه مايتدخل حرام وربي منال : زوجها ولد امه واي شي تسويه يشوفه صح ولا يقدر يعارضها بشي والمسكينه الحين طلعت حامل والله يعينها على الشقا بس لاتخافون عليها هديل قويه ماشاء الله عليها وتعرف تدبر امورها ترف : طيب ليه ماتتركه وش جابرها تتحمل كل هالالم والعذاب منال : تحبه وماتقدر تتركه والحين بعد حامل يعني بيكون عندهم ضنا وعد بقهر : والله لو يكون عندي عشره ولو كنت احبه واموت فيه لادعس على قلبي واخذ عيالي وقشي واروح بيت اهلي ولو يبي عياله يخليهم عنده بعد يفكني عشان اعيش حياتي منال:ههههههههههههههههههههههههههههههههه بسم الله منك انتي مايضيع لك حق وعد: هههههههه طبعا الا وش رايك تكلمينها تخلينها تجي بكرا تغير جو منال : فكره والله خلاص بكره اكلمها ان شاء الله سمعوا صوت ورى المسبح من جهة العشب والاصطبلات وقفت قلوبهم مرام بهمس : بنات وش هالصوت منال تاشر على شفايفها : اص لاتطلعون صوت قوموا نشوف مين هناك وعد واللي تحب هالمواقف والمغامره قالت بهمس : يلا قوموا وكل وحده تاخذ بيدها شي عشان نضرب هالحرامي الكلب عشان يحرم يسرق مزارع الناس سمعوا البنات الصوت مره ثانيه وقفوا ويدهم على قلوبهم ويدعون ويذكرون الله وكل وحده خذت معاها شي عشان تضرب الحرامي على قولتهم امل بخوف : بنات خلونا نروح نصحي احد من الشباب احسن لنا جود: لاتصيرين خوافه كلنا معك يلا بس امشي مشوا البنات بهدوء وتوجهوا للاصطبل كان هدوء ومافيه الا صوت حشرات الليل مها بهمس : مافيه احد يمكن يتخيل لنا سمعوا صوت احد يمشي على العشب وراهم ماتوا خوف والتفتوا كلهم وشهقوا بخوف وهم يشوفون رجال يمشي وبيده مصباح ينور له الطريق كانوا بيضربونه بس قال بسرعه : شفيكم يابناتي لاتخافون انا عامل هنا وجيت انظف الاصطبلات ناظروه البنات رجال كبيره مره فَ السن ويبتسم لهم بوجهه البشوش وعد : خوفتنا ياعمي الله يهديك ابتسم : انا خلصت الحين وبمشي فمان الله راح الرجال والبنات فقعوا من الضحك على نفسهم مصدقين نفسهم في فلم رعب وكل وحده شايله معاه شي وبيضربون هالشايب المسكين رجعوا مكانهم وهو يضحكون وكملوا سوالف وضحك وبعد دقايق رجع نفس الصوت اللي سمعوه من شوي قالت امل : الحين مو الرجال طلع وش فيه رجع مرا ثانيه مشاعل : جد وش رجعه هو خلص شغله وش يبي رجع وعد: يمكن مو هو طيب منال: من بيكون يعني وعد مسويه شجاعه : بروح اشوف وقفت ووقفوا معاها جود وفجر وراحوا معاها راحوا مرا ثانيه للاصطبلات وفجر خوافه شوي بس جود ووعد مو مرا وعد لمحت احد من بعيد اشرت لهم اششش تخبوا ورى شجره عشان مايشوفهم شافوا رجال متلثم ويمشي بخوف ويتلفت يمين ويسار وبيده عصا شهقت فجر بخوف سمعها الرجال والتفتت للشجر وقف قلب البنات وهم يشوفونه يقرب وفجر تبكي بخوف وتلوم نفسها اول ماقرب طلعوا وصرخوا بخوف وركضوا راجعين للبنات والرجال خاف احد يصحى من صراخهم ركض هو الثاني وطلع من المزرعه التفتت وعد تشوفه يلحقهم ولا ايش شافته يركض ويطلع من المزرعه وصلوا وهم ميتين خوف ووجهم مخطوف قالت مرام بخوف: وش فيكم شفتوا احد جود وهي تتنفس بقوه وصدرها يطلع وينزل هزت راسها : ايه فيه رجال متلثم وماسك عصا بيده شهقوا البنات بخوف ترف: طيب قوموا نصحي احد وعد: لا لاتخوفينهم في هالليل انا شفته يركض واكيد انه طلع لانه عرف ان احنا كشفناه خافوا البنات من جد وقاموا ينامون قبل لاتطلع لهم مصيبه جديده واللي مستغربين منه اكثر ان المزرعه عليها حرس هذا شلون دخل وطلع كذا ,, الساعه 7 صباحا الكل صحى والبنات اتفقوا مايعلمون احد باللي صار امس عشان ماحد يخاف فطروا بهدوء على غير عادتهم والحريم استغربوا منهم لكن ماعطوا الموضوع اكبر من حجمه قالت مرام عشان تفرفشهم شوي : شرايكم بعد الفطور نسبح ف المسبح مشاعل : ايه من جد بنات وافقوا البنات لانهم يبون ينسون الموضوع وينبسطون خذوا اغراضهم وملابسهم وتوجهوا للمسبح وهاتك ياصراخ ولعب خذوا وقت طويل وهم مبسوطين لين سمعوا اذان الظهر وطلعوا عشان يصلون وبعدها يتغدون بعد الصلاه دقت منال على هديل : الوو منال: هلا وغلا هدوله كيف الحال هديل : هلا بك منال الحمد لله بخير انتي شخبارك طمنيني عنك منال: الحمد لله هديل كنت بقول لك تجين المزرعه اليوم تنبسطين وتغيرين جو هديل : اممم ناصر اكيد ماعنده مانع -وتكلمت بهمس - بس شي الحكومه تكون مو موجوده هههههههههههه منال:هههههههههههههههههههههه تكفين حاولي اهربي ولا اطلعي من النافذه شوفي لك حل المهم تجين البنات كلهم يبونك يلا ننتظرك على الغدا هديل: خلاص احاول ان شاء الله سولفوا شوي وسكرت هديل وراحت تقول لزوجها ناصر دخلت عليه مكتبه وهو مندمج في الشغل وقالت بصوتها الناعم : ناصر ناصر رفع راسه وقال : عيونه هديل بابتسامه : تسلم لي عيونه كلمتني منال من شوي وتبيني اروح لهم المزرعه اذا ماعندك مانع طبعا ناصر : طيب حبيبتي روحي اجهزي بسرعه هديل بضيق : طيب وش بتقول لعمتي ناصر بابتسامه : لاتخافين امي مو هنا عندها زواره في بيت ام خالد انبسطت هديل وركضت تجهز قبل ماتجي عمتها وتطين عيشتها لبست وجهزت اغراضها وطلعت هي وناصر وهي مبسوطه اخيرا بتغير جو وصلت بعد ساعتين لان ناصر يسرع وهذي عادته دايم استقبلوها البنات بفرح وهي انبسطت من قلب وحستهم خواتها ضحكت واستانست وتغدت معاهم ونست همها قالت منال وهي تغطي فارس وهو نايم: الا شخبار كرشتك ههههههههههههههه هديل: ههههههههههههههههههههه توها تطلع نتفه بس وربي الحمل متعبني بشكل مو طبيعي خصوصا الشهر اللي راح منال: الحمد لله على كل حال الله يسهل عليك ويقومك بَ السلامه لو تشوفين راشد مبسووووط انه بيصير خال وكل يوم يسالني كم باقي لهديل اقوله توها باقي كثير يرجع بعد يومين يسالني نفس السؤال هههههههههههههههههههه هديل : هههههههههههه فديته حبيبي اخوي خليه براحته مبسوط منال: طيب ماقلنا شي بس مو كل يوم يسالني هههههههههههههه لا واشوف هالفتره يلمح يبيني احمل انا يادوب مستحمله فروس وشقاه بعد اجيب غيره كان انتحر ضحكت هديل وقالت : حرام عليك جيبي له ثاني كبر فروس يارب تحملين وتجيبين بنوته مثل القمر عاد اخوي يموت في البنات منال : ان شاء بس مو الحين لين يدخل فارس المدرسه الا ماقلتي لي شلون جيتي ماسوت لك سالفه عمتك هديل تنكدت : اسكتي ياشيخه لاتذكريني اكيد الحين لارجعت مجهزه لي موال انا يوم اطلع ماكانت موجوده كانت طالعه عندها زواره مدري ايش منال : ماعليك انتي اهم شي جيتي وانبسطتي وماعليك منها خليها تبربر لين الصبح وعطيها الاذن الصمخه اذن من طين واذن من عجين هديل : على قولتك الا راشد وينه ماشفته ودي اقعد شوي معاه من زمان عنه اخر مرا شفته في جمعتنا في بيت ابوي قبل ثلاث اسابيع منال : ان شاء الله بعد شوي اناديه لك طبوا عليهم البنات وصارت الغرفه ازعاج بعد ماكانت هدوء قالت منال: برا برا ولدي نايم ماصدقت ينام لاتصحونه طلعوا البنات وقالت مرام لمنال : ترا احنا قلنا لهديل تجي عشان تقعد معانا مو تسرقينها لحالك وتقعدون في الغرفه هديل :ههههههههههههههههههههههههههههههههههه يابختي والله اخيرا لقيت ناس يتهاوشون علي خلاص بقعد معاكم شوي ومعاها شوي جود تسحبها : اقول تعالي بس هي تشوفينها كثير تعالي معانا سوينا حلا يحبه قلبك تاكلين اصابعك وراه امل : سوينا ياكبرها عند الله قولي امل سوت حلا مو سوينا جود بتكشيره : طيب خلينا نكشخ قدام المرا يمكن عندها لنا خطيب من هنا ولا من هنا ضحكوا البنات وهديل مبسوطه مرا تتمنى كل يوم يكونون حولها هي ماعندها خوات وعايشه في بيت مافيه احد الا زوجها وامه اللي منكده عيشتها واخته اللي بالثانوي هي حبوبه وتسولف معاها كثير وتدافع عنها بس الجمعه غير راح الوقت بسرعه وماحست فيها الا لما دق ناصر وقال لها يلا بيمشون سلمت على الكل ومشت وهي تدعي بداخلها ماتكون عمتها بالبيت او تكون نامت المهم ماتشوفها لانها تعبانه ولا لها خلق مشاكل وصلوا البيت وكانوا مبسوطين طول الطريق سوالف وضحك دخلوا وهم يضحكون شافتهم ربى اخت ناصر وابتسمت تفرح اذا شافتهم مبسوطين قالت ببتسامه : عسى دوم هالضحكه ان شاء الله وقبل لاتكتمل فرحتهم نزلت ام ناصر ابتسامة هديل اختفت وناصر استاذن وراح ينام لانه عارف امه ولا يقدر يقول لها شي هديل : عن اذنكم تصبحون على خير ام ناصر بنفس شينه : من وين جايه هديل تنهدت : كنت في المزرعه حقت اهل منال ام ناصر : وليه ان شاء الله رايحه وانتي تدرين ان وراك تنظيف وعشا ولا اهم تعبين بطنك ولا عليك من غيرك هديل بطولة بال : اعتقد في شغاله في البيت عمتي وانا وحده حامل وتعبانه والدكتوره موصيتني ماتحرك كثير ام ناصر : حامل وتعبانه وانتي طالعه تفرفرين والله واضح التعب روحي افصخي عباتك وانقلعي المطبخ جهزي لنا عشا بسرعه ربى : يمه المره تعبانه خليها ترتاح انا بجهز لك العشاء ام ناصر : انا قلت هي تجهز العشاء وهي تضحك بعد هديل بتعب لانها واقفه : عن اذنكم انا بروح انام مشت لكن ام ناصر لحقتها ومسكت كتفها : هديل لاتتحديني لانك عارفه وش بيجيك ضفي وجهك بسرعه للمطبخ جهزي العشاء هديل تحاول ماتبكي : عمتي تعبانه ظهري يعورني لو مو تعبانه كان سويت لك اللي تبين ام ناصر :جعل ظهرك للقص وانا شدخلني فيك قدامي اشوف على المطبخ لا وربي ماتنامين اليوم ان ماشفت العشاء جاهز فصخت هديل عبايتها وحطتها على الكنب وهي وبالعه غصتها توجهت للمطبخ وهي تفكر وش تسوي حق عجوز النار سوت ساندويشات منوعه ولذيذه وشكلت فيهم اللي بالتونه واللي باللحم المفروم واللي بالدجاج واللي بالجبن والقشطه وخذوا منها وقت على ماجهزتهم خلصت وحطتهم في صينيه مع كاس عصير وطلبت من الخدامه توديهم حطتهم الخدامه قبالها وام ناصر شهقت : وش ذا سانويشات شايفتني بزر عندك هديل بصبر : عمتي ترا تعبت وانا اجهزهم ونوعتهم لك وحطيت معاهم الصوص اللي تحبينه ذوقيهم طعمهم لذيذ ام ناصر بعدم احترام للنعمه : سوووينا تعالي تعالي شيلي هالاكل من قدامي ادق على مطعم واطلب لي احسن من مقابل وجهك طلعت هديل الدرج بدون لاتتكلم وهي ماسكه دموعها بالقوه دخلت شافت ناصر منسدح على السرير يتفرج على التلفزيون ويقلب القنوات بملل قعدت جنبه على السرير وسندت ظهرها بتعب عدل ناصر جلسته ومسك يدها وقال : شفيك حبيبتي هديل والدموع تجمعت بعيونها : وش اللي مافيني ياناصر والله العظيم تعبت من هالعيشه وهالمعامله اللي الزفت قلت لك خلنا نطلع في بيت لحالنا ناصر بضيق : تحملي ياقلبي عشاني انتي تدرين اني ماقدر اطلع واترك امي واختي مالهم غيري واصلا حتى لو فكرت امي ماراح تخليني مسح دموعها اللي نزلت وقال : عشاني هديل لاتبكين وربي دموعك غاليه وبعدين انتي ببداية حملك ومو زين لك الزعل روقي ياقلبي هديل : اجل تخيل تقول لي جهزي لي عشا وانا ظهري يعورني واروح واتعب عمري واسوي لها سانويشات تعبت اونا اغسل الدجاج واسلقه واسويه بخلطه خاصه واللحم نفس الشي والاشياء الثانيه وفي النهايه تقول للشغاله تاخذ السندويشات وتروح تطلب من المطعم ناصر يبي يخفف عنها : بس هذا اللي مضايقك ياقلبي الحين اروح واجيب السنويشات واكلهم اصلا انا جعت ماكلت الا شوي يوم كنا بالمزرعه نفسي كانت مسدوده والحين انفتحت وانا اشوف هالقمر قدامي ابتسمت بالم تدري انه يكذب عليها بس يبي يخفف عنها نزل ناصر وجاب السندويشات وحصل كم كلمه من امه اللي مايقدر الا يحترمها لوايش ماسوت تظل امه اكل السندويشات وبعدها نام قالت ربى وهي عارفه الكلام اللي بيجيها : يمه حرام عليك اللي تسوينه ترضين انا اتزوج وام زوجي تسوي لي كذا ام ناصر بقوه : تخسي عشان اكسر رقبتها وبعدين لاتقارنين نفسك بهديلوه وش جاب الثرا للثريا ربى بضيق: ليش يمه وش ناقصها هديل جمال وادب واخلاق وربي لو انها مو بنت اصول وتحب ناصر من جد كان ماصبرت على هالشي لو وحده غيرها تركت ناصر وطلبت الطلاق ورجعت بيت اهلها معززه مكرمه ام ناصر تخزها : جب انتي ولا تدافعين عن هالحيه هذي تتمسكن لين تتمكن شوفي شلون اخوك مثل الخروف وراها انا اشك انها مسويتله سحر ولا من متى ناصر كذا ولدي الكل يهابه تجي هالعقربه هذي وتاخذ عقله ربى : يمه خافي الله ولاتحطين بذمتك وش هالكلام احنا ماشفنا من البنت الا كل خير حتى انا ماتعاملني الا مثل اختها واكثر وفوق كل اللي تسوينه لها تحترمك يمه حتى صوتها ماترفعه عليك بس للصبر حدود ام ناصر : جب بس جب الحين انتي يالبرز على اخر عمري بتعلميني قومي ضفي وجهك لغرفتك وخلي ست الحسن والدلال تنفعك قامت ربى لغرفتها بضيق هذي امها وماتقدر تعصيها بس حرام هديل انسانه طيبه وذوق وماتستاهل اللي يجيها مارحمت حتى تعبها وهي حامل على الاقل مو عشانها عشان حفيدها اللي في بطنها اخذتها الافكار يمين وشمال لين نامت اما هديل تقلبت يمين وشمال وهي مو قادره تنام وهي تفكر بمستقبلها وبمستقبل اللي ببطنها ياترى جدته بتكون حنونه عليه ولا بتعامله مثل ماتعاملها تنهدت بضيق المشكله اني احب ناصر واموت فيه ومستحيل اعيش بدونه ولعيونه بتحمل كل هالعذاب ماحست على نفسها الا لما سمعت صوت ناصر : نامي حبيبتي لاتفكرين ابتسمت غصب عنها : الحين بنام حبيبي نام انت ماعليك مني عدل جلسته وقال وهو يمسح على شعرها : لا ماراح انام لين تنامين يلا غمضي عيونك قعد يقراء عليها قران لين شافها راحت في النوم باس راسها ونام وهو يدعي ان الله يخليها له ويحفظها من كل مكروه ,,,,,, طبعا البنات اليوم سهروا بغرفهم لانهم خايفين من بعد امس وعد : وش رايكم نسوي مغامره نقوم نطلع يمكن نلقى لنا احد نفس امس مرام : انثبري بس مكانك اصلا المفروض قلنا لجدي عشان يتصرف ويشدد الحراسه جود بحماس : بنات جد قوموا نشوف وربي متحمسه يعني لو مسكناه وضربناه جدي بيفرح وبيعرف ان عنده بنات عن مية رجال منال : متاثره بَ الافلام انتي هههههههههههههههههههههههه هذا وجهي ان اول ماشفتيه انتي اول وحده بتهجين كشرت جود وقالت بهياط : وش شايفتني ترا اعجبك انا اول ايام المدرسه كنت افزع للبنات منال: بنات يَ ماما بنات هذا رجال ويمكن عنده سلاح وعد : وانتي مصدقتها ترا كانت تهايط وتنجلد فَ النهايه ههههههههههههههههههههههههههههههههههههههههههههه جود تكش عليها : اشكالك اللي ينجلدون مو انا امل : بس انتي وياها ريحوا جمالكم ضحكوا البنات على كلمة امل اللي دايم تقولها ريحوا جمالكم مها : منال شفتي هديل اليوم مرا انبسطت الله يسعدها واحنا بعد انبسطنا بجيتها وربي هالبنت عسل منال بحزن : والله انها جوهره لو انها ماتزوجت كان ماترددت دقيقه اخطبها لسعود او ياسر وهي ماتدري انها بهالكلام اوجعت قلبين قلب امل وقلب ...... ياترى مين تغير وش امل من هالطاري لان منال ماتدري عن الحب اللي بينهم وجعها قلبها بمجرد ماتخيلت هالشي لاحظتها مها وهمست لها : بنت شفيك ترا البنت متزوجه لاتخافين وبعدين سعود يحبك لاتحاتين ارخت امل ملامحها وابتسمت عشان لاتلاحظ منال قالت فجر تغير السالفه : بنات شرايكم نشوف فلم مشاعل : ااامممم نبي رعب فجر : لالا ودي كذا اشوف فلم اكشن فيه مسدسات طاخ وطيخ ترف: ههههههههههههههههههههه طاخ وطيخ الله يخلف عليك بس مها : لا انا مع مشاعل نبي فلم رعب احب الرعب امل : لا تدرين اني خوافه نبي فلم هندي بنات تكفون مرام : ايييييييه جد هندي احلا شي ولا تخافين يافجر فيه مسدسات و طاخ وطيخ هههههههههههههههههههه مشاعل: اف منكم شغلوا فلم هندي بس نبي واحد حلو مو نصه رقص امل وهي تقوم وتمسك الافلام: لا عندي لكم فلم يحبه قلبكم وعد : اف منكم مانبي بو هنود امل : وش تبين آنسه وعد وعد: نبي رعب واشباح وزومبي ولا كوميدي على الاقل - سبلت بعيونها - ولا رومانس امل :هههههههههههههههههههههههههههههههههههههه مايليق وربي وعد تسحب الاشرطه: اسكتي بس انا بختار لكم وقعدو