الفصل الرابع
*
اجر بيت وبيع الغرفه يلي كنت قاعده فيها انا وامي
يمام: اي مبلا البيت يلي فوقنا عم يفضو واكيد بدهن مستأجرين جدد
سلوى : جد عم تحكي ياااربي ساليلي صاحبو بدو يأجرو وقديش بدو أجارو
يمام: تعي نشرب القهوة وبعدين منروح سوا منسألو تعي نقعد بالجنينه احلا
سلوى: ماشاء الله شو حلوة انا بموت بالورد
يمام: بس البيت يلي بالطابق فوق مالو جنينه برندا وبتطل ع جنيتي وعالشارع العام
سلوى : ياستي المهم بيت نقعد فيه انا وامي وطارق
يمام: اي الحمدالله الله يسعدكن يارب وشوف ولادك ويطلعو بيشبهو خالتهن 😊😊
سلوى : يوووه يابعدي وليش مايشبهو امهن ههههه
دخيلك هوة نتزوج ونجيب ولاد ويطلعو قرود المهم انا وطارق نضل سوا
يمام: يلا قومي نسأل صاحب البيت لك قومي حاج كرعتي دولة القهوة يخرب بيتك
سلوى : ههههه شو نسيتي وقت كنتي تجي واعملك دولاات القهوة وتكرعيهن لحالك
يمام: ههههه تنذكر وماتنعاد
يلا امشي لنروح لعند صاحب البيت
يمام: مرحبا عمو...كيفك
ابو عمار : اهلين يا بنتي تفضلي شو فيني اخدمكن
يمام : عمو انا ساكنه تحت بيتكن بالارضي
ابو عمار: ياميت اهلا وسهلا فيكي يا بنتي
يمام: عمو بدي اسألك بيتك يلي فوق بيتي بدك تأجرو
ابو عمار : اي والله يا عمي بدي اجرو
يمام : وقديش طالب فيه
ابو عمار: والله طالب ١٥ الف
يمام : عمو هي رفيقتي من الروح للروح بدها تستأجر بيتك ازا ماعندك مانع ورح تسكن فيه هية وامها وزوجها
ابو عمار : يا بنتي على بركه الله تعو لعندي بكرا وانشالله متفق وبأجرها ايا ولا تنسي يا بنتي اذا بدك بفرشلك ياه وبصير اجارو ٢٠ الف
سلوى : عنجد عمو الله يكتر خيرك ياارب اي طبعا خلي مفروش لانو انا ماعندي فرش
ابو عمار: تكرم عينك يابنتي الضاهر انكن محترمين وبنات عالم وناس الله يحميكن يابناتي بكرا تفضلو لهون ومنأجركن البيت انشالله
يمام وسلوى : تسلم عمو انشالله بكرا منجي يلا سلام عمو
ابو عمار: سلام الله يحفضكن
تاني يوم نزلت انا وسلوى وشفنا البيت وفرشو كان حلو كتير تقريبا متل بيتي بس بدون جنينه اتفقو على اجار البيت وكتبو العقد لمده سنه
وراحت سلوى باعت الغرفه يلي كانت عايشه هية وامها فيها وجابت فيهن اغراض لانها بدها تصير تشتغل بالبيت مشان تطالع مصروفها ومصروف امها
#الجزء السادس
في الصباح
يزن: يا خمخومه قومي عمليلي قهوة قبل ماروح عالشغل
يمام: صباح الخير
يزن : صباح النور
يمام: يلا رح غسل واجي نشرب قهوة سوا
يزن: اااخ الله يحميلي اياكي يااختي ومايحرمني منك
يمام: اخي حكيت شي
يزن: لا ولاشي بس عم قول اختي شو نايطه لهلق القهوة ماجهزت
يمام: يلا اخي يلا
جهزت القهوة وشربنا سوا وحكينا شوي بعدين اخي تيسر على شغلو لانو رجع لشغل المكنيكي بس مع ورشه قريبه من البيت
وانا طلعت لعند روعه رفيقتي
روعه : ياميت اهلا وسهلا نورت نورت
يمام: تسلميلي ياقلبي بوجودك طبعا
روعه: وين هالغيبه ولي
يمام: كنت ملتهية بالبيت والله لا تواخذيني
روعه: مابدك تاخدي المكمورة يلي عندي
يمام: قديش يا حزرك صار فيها
روعه: والله كل ماتتعبى وحده جبلك وحده تانيه صارو ٣
يمام: عنجد ...تعي نفتحن ونشوف قديش فيهن
روعه: يلا انا بطالع وانتي بتعدي
يمام: اي ماشي .......يااااخ قديش صار معنا مصاري لك طلعو مليونين وميتين الف هدول شو بدي اعمل فيهن
روعه: ليكي حطيهن بالبنك بأسمك احسن شي
يمام: خدي روعه هدول ميتين الف مني الك
روعه : لك سكتي ولي انا شو بدي فيهن انتي بتحاجيهن اما انا مالي محتاجتهن
يمام: ياستي اعتبريهن هدية مني الك
روعه : بس والله
يمام: هسسس لا بس ولاشي خلص خديهن
روعه: انشاالله ربي بيرزقك قدهن بألف مرة
يمام: تسلميلي شو مابدك تشربينا شي والله نشف ريقي
روعه: اي مو تكرم عيونك
بعد ساعه طلعت عالبيت واخدت المصاري يلي كنت جمعهن مع روعه وقت يعطوني ياهن العالم بالكزينو
رحت ودورت على محلين وكان اجارهن رخيص ودقيت لابوها لروعه يروح معي شتريت عده ميكنيك لاخي ومانقصت عليه شي
وفتحلو ورشه تصليح سيارات لانو اخي كان معلم والو اربع سنين بيشتغل بهي المصلحه
وزاد معي خمسمية الف
رحت واستاجرت محل تاني وحطيت فيو مواد تجميل وألات تجميل فيهن برضو مانقصت شي وركبت بالمحل كلو مرايا وصور قصات شعر وموديلات وزينت المحلين بالبواليت وركبت القارمات كل محل بأسم صاحبو وحطيت فيهن ايات قرآنيه
رجعت عالبيت لقيت اخي قاعد وعم ينطرني
يزن: لك اختي وينك لهلق والله شغلتي بالي الساعه صارت تسعه بالليل
يمام: اخي انا تعبانه شوي بكرا جهزلي حالك بدي فرجيك شغله ...وروح لعند معلمك واعتذر منو ماعد بدي اياك تشتغل
يزن: لك اختي شو عم تحكي وليش بقا كيف بدنا نعيش ومالنا لا راتب ولا مدخول
يمام بعصبيه: انت بعمرك مشيت ورا كلامي وطلعت خسران؟؟
يزن: لا طبعا
يمام: وبكرا بتعمل متل ماقلتلك عم تفهم
يزن : حاضر اختي بس تاكدي ازا بطلت من شغلي مافي حدا يصرف علينا
يمام: اخي عميل متل ماعم قلك
يزن بحزن: حاضر اختي
يمام: انا رايحه نام تصبح على خير ولا تنسى بتترك الشغل وبتجي لهون فووورااا
يزن: حاضر 😔😔
يمام (عم تحاكي حالها) : ايييه ياارب والله ارتحت وبكرا رح اعملو ليزوونتي مفاجئة وفرجيه ورشه التصليح تبعو وكمان سلوى رح فاجئها بصالون التجميل يلي جهزتلها ايا انا مابنسى فضل خطيبها طارق وقت كان يحميني من ولاد الحرام
تاني يوم
يمام: صباح الخير اخي
يزن: صباح النور ليش لابسه خير وين رايحه من الصبح
يمام: تركت الشغل بورشه التصليح
يزن: 😔 اي اختي تركتو والمعلم زعل مني كتير وانا زعلان كمان
يمام: بلا لعي فاضي اطلع لعند سلوى وطارق وقلها تلبس وتجهز حالك بدي اخدكن انتو التلاته معي
يزن: لوووين اختي
يمام: عميل متل ماقلتلك وبدون ولا حرف يلا طلاع نادي لسلوى وطارق وقلها تجهز حالها وتجي بسرعه في شغله بدي فرجيكن اياها
يزن: اي انشالله خير
بعد ربع ساعه
سلوى ومعها طارق : خير ميمو شوفي يزن قلي جهز حالي لوين بدنا نروح من الصبح الساعه ٩
يمام: تعا يزن امشي روح معنا ...يمام بهمس عامله مفاجئة لاخي وبدي اياكي تروحي معي
سلوى : اي ماشي
يمام: يلا امشو
بعد عشر دقايق
يمام: خود اخي هالمفتاح افتحلي غلق هالمحل
يزن: لك اختي لمين هالمحل
يمام: عم اقلك افتحو ومارح تندم
فتحو وكانت المفاجئه
يزن: ياااااااي يااختي شو هاد لمين هالورشه
يمام:هههههه هي الك شايف فوق ورشة يزن لتصليح السيارات
يزن: ياااربي ماعم صدق عيوني هي الي لك كيف وشلون صار هيك
يمام:حكتلو قصه المصاري يلي كانت تجمعهن وطلعلها مبلغ منيح وفتحتلو لاخوها ورشه تصليح ضمها وبوسها وصار يبكي من فرحتو
سلوى وطارق : انشالله الف الف مبروك ايه الرزق انشالله
يزن : الله يبارك فيكن يااارب
يمام: يلا اخي سكر المحل في مفاجئه تانية
يزن: ياويل قلبي انا عالمفاجئات
راحو للمحل التاني
يمام: خدي سلوى هالمفتاح وفتحي غلق هالمحل لقلك
سلوى: اي حاضر ............ياااااي شو هاد هاد الي انا يمام هاد الي
طارق : يمام هاد المحل لسلوى لك انشاالله ربي يرزقك ياارب
يمام: اي يارفيقه عمري هاد الك
سلوى : ضمتها الله يخليلي اياكي يااحلا واغلا رفيقه واخت بالعالم كلو ربي مايحرمني منك
يمام: هاد اقل شي بعملو الكن انتو التنين انتي ويزون وروعه وطارق اغلا شي بحياتي
سلوى : لك انشالله ربي يرزقك ويعوضك ويفرح قلبك متل مافرحتيني
طارق: انشاالله منفرح فيكي وانتي بأعلا المراتب يااارب
يمام: تسلمولي كلكن وربي مايرحمني منكن
يلا كل واحد على محلوو وشغلو بدي الزباين متل المطر على محلاتكن هااه ولاتنسو المحلات هدول اجار وكل شهر صاحبهن بدو اجارو وحق كهربا ومي
رجعت عالبيت وانا مبسوطه وفرحانه لاني فرحت اخي ورفيقة عمري
فتت عالبيت اخدت شاور ورجعت نمت فقت الساعه ٢ بعد الضهر لبست وجهزت حالي وطلعت اخدت روعه وطلعنا لنروح مشوير انا وياها وننبسط
طلعت انا وياها وماخلينا مكان وماخيلنا شي مااشترينا الي والها
كنا كتير مبسوطين وفرحانين
رحنا على حديقه الملاهي لعبنا لشبعنا يلي بشوفنا بقول عمرنا ١٠ سنين
بس انا راح من عمري كتير وماشفت شي من ايام الطفولة
رجعت عالبيت الساعه ١٠ بالليل وانا تعبانه
لقيت اخي بغرفتو نايم تحممت وحطيت راسي ونمت
فقت الصبح عملت قهوة الي ولاخي يزون
شرب معي وطلع على ورشتو وانا قعدت فكر شو بدي اعمل بباقي المصاري لانو بقي معي مليون ليرة
قمت لبست وجهزت حالي متل العاده ونزلت شعري على نص وجهي متل كل يوم واتصلت بأبوها لروعه ورحنا ياااحزركن لوووين
رحنا على معرض سيارات اشتريت سيارة بتجنن فخمه ولونها سودة بتطير العقل دفعت حقها وكان حقها ٤٠٠ الف طبعا بهديك الايام كان كلشي رخيص مو متل هلق
بعدين عمي ابو روعه ساق السيارة لانو انا مابعرف سوق واخدني على مدرسه تعليم قياده السيارات وسجلني فيها مشان اقدر اتعلم سوق
بعديها راح عمو على بيتو وانا خليت سيارتي بالمدرسه مشان كل يوم اجي اخد دروس تعليم
طلعت عالبيت وانا بطريقي شفت دار للأيتام
يمام: لو سمحت عمو وقف هون
الشوفير : بس يابنتي مو هون منطقه ال...
يمام: معلش عمو انا بدي انزل هون ...تفضل عمو هي اجار التكسي
فتت على دار الايتام كان فيها ٢٠ ولد شفت الولاد هاد الصغير وهاد الكبير كلهن كانو بجننو طلعت منها وانا عم ابكي قد ماانقهرت على هالاولاد
وانا ماشيه شفت مول كبير فتت عالمول وشتريت العاااب كتير كتير
حطيتهن بتكسي ورجعت عدار الايتام وزعت كلشي للولاد وكانو يبوسوني كتير وفرحانين كتير
المربيه: شكرا الك يابنتي الله يرزقك ياارب ويفرح قلبك متل مافرحتي هالولاد الصغار
يمام: تسلمي ياخالتو هاد من زوقك
فتت على ادارة دار الايتام وعطيتها ميتين الف مشان تشتري للولاد كلشي بيحتاجو
طلعت وانا مو عاطيه فرحتي لحدا ومبسوطه كتير
وانا بطريقي اشتريت شويه خضرا ومعلبات وفواكه وشغلات للبيت وصلتهن ورجعت عالسوق اشتريت اكل جاهز وطلعت على محل سلوى عطيتها يلي في النصيب من الاكل وطلعت لعند اخي عالورشه تغديت انا وياه ورجعت عالبيت
اخدت شاور ولبست بيجاما و عملت فنجان نسكافيه وقعدت بالجنينه فتحت فيس وبلشت قلب فيه لنعست وقمت حطيت راسي ونمت
مرق شهر وانا هيك الصبح بروح على مدرسه تعليم السواقه وبرجع بعد الضهر بجي عالبيت بعمل اكل وبطالع سكبه لامها لسلوى وبطلع باخد سكبه لاخي ولسلوى على مكان شغلهن
باخر يوم بالمدرسه عملولي اختبار ونجحت فيه ورجعت عالبيت بسيارتي الجديده
المسا
يزن: يسعد مساها اختي الغاليه
يمام: ومساك ياقلبي
يزن: لك شفتيلي هالصاروخ يلي تحت
يمام: انو صاروخ لك اخي
يزن: في سيارة برا على باب البنايه بتشل شلل مو طبيعي بتجنن لك فحصتها من برا لبرا لك خللنج جديدة مافيها نكش الله يرزقني وجيب متلها يارب
يمام: هههههههه اي اي انشالله
يزن: وليش عم تضحكي
يمام: هي السيارة الي انا شتريتها 😎😎
يزن: 😲😲ييييي اي بلا مزحك الغليز هلق
يمام: ورحمه امي وانو هي السيارة الي انا شتريتها من فترة شهر انا وعمو ابو روعه
يزن: ييي انشالله الف الف مبروكه وليش ماخبرتيني
يمام: لاني ماكنت بعرف سوق يااجدب والي شهر عم اتعلم السواقه بمدرسه واليوم عملولي اختبار واخدت شهادة سواقه وصار فيني سوقها ايمتا مابدي
يزن: ييي عنجد انشالله شوفك عطول مبسوطه ياارب
طيب مابدك تاخديني مشوار فيها ولا يا بعدي مابصير يركبوها الا الاميرات يلي متلك
يمام: اي مو تكرم عينك بكرا جهز حالك لاخدك احلا سيران وصحيح بكرا جمعه منروح مناخد سلوى ومنمرق على طارق وروعه مناخدن معنا شورايك
يزن: لك يسعدلي الي خلقك لك متل رأيك يا حب
يمام: لك ييي شو عملت هيك وسختلي بجامتي لك يادب نزلني ههههههه يييي نزلني حباب هههههههههههه ياربي دخيلك .....ربي مايحرمني منك يااغلا اخ بالعالم وشوفك عريس يارب وقبل ماتكون عريس بدي شوفك متخرج من الجامعه
يزن: لك اختي انا ماهممني شي غيرك انتي ودراستي وشغلي
يمام: انشالله بتحقق كل شي بتتمناه ياارب
يزن : يخليلي اياكي وانتي كمان انشالله بشوفك احلا قاضيه بالعالم وبشوفك عروس وبشوف ولادك كمان ويصيرو ينادولي ياخالو ياخالو خدنا مشوار يا خالو اشتريلنا اكلات طيبه هههههه
يمام: بضربه خفيفه على ايدو بس ولا ازعر
يزن: لك انشالله بكفني الخجول
يمام: يلا روح اتحمم بكون جهزتلك الاكل
يزن: ليش شو طابختيلنا اليوم ميمو خانم
يمام: طابختلك ملوخية ورز
يزن: يمميييي شو طيبه وكتري الحامض عليها ها يلا بتحمم ويجي لقش السفرة معك
يمام: الله يحميلي اياك يارب ومايحرمني منك يااارب
عالعشا
يمام: الاسبوع الجاي حبيبي بتفتح المدارس بدي اياك تكون ذكي وبلا ماتشتغل يعني ادرس وبس
يزن: لا اختي شو هالحكي انا رح ادرس واشتغل يعني بروح عالمدرسه وبرجع برتاح ساعتين وبروح على شغلي
بعدين في صبي صغير مبارح اجا يشتغل عندي عمرو شي ١٢ سنه والو تلت سنين بيشتغل بهي المصلحه وتارك المدرسه كمان
وبيعرف يشتغل منيح بخلي هوة يشتغل عواضي وبس ارجع من مدرستي بشتغل انا
يمام: اخي وعم تعطي اجارو
يزن: لكن لك اختي عم اعطي وزياده هالولد ذكرني بحالي وقت كنت صغير
يمام: انسى اخي هديك الايام انساها ولا بقى تتذكرها
يزن: انشا