نصف وجه - الفصل الأول - بقلم بلال سلماني - مكتملة | روايتك

➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ااااخ مشان الله يابي مشان الله خلص ماعد عيدا والله ماعد عيدا الله يوفقك  والله لموتك يا كلبه يا حقيرة هيك بتخجليني قدام الزلمة انا بفرجيكي والله غير تضلي محبوسه هون وماعد في روحه عالمدرسه يمام: مشان الله يابي خليني كمل بس هالسنه الله يوفقك لا تبطلني من المدرسه ليك ولا يزن ازا بتجبلا مي او اكل غير قطعك وارميك للكلاب  يزن: حاضر يابي مارح جبلا شي  (( انا يمام عمري ١٤ سنه صف تاسع بيضه .. طويله ونحيفه.. تمي وانفي صغار ...عيوني وساع وكبار لونن عسلي ...شعري طويل لاخر ضهري لونو بني فاتح بقولولي اني حلوة كتير ونص بنات المدرسه بيغارو مني متوفقه بدراستي كتير ))  امي متوفيه من وقت ولدت اخي يزن وابي مقطوعه ايدو اليسار من وقت وعيت عليه وهية ايدو مقطوعه ومابعرف شو السبب ،ظالم كتير وبضلو يضربني انا واخي بشغلنا ابي بكلشي بيخطر عبالو مشان نجمع مصروف البيت بشغلنا ببيع العلكه او بيع الدخان او مسح السيارات بس من سنه انا تغير شغلي صار ابي ياخدني عالكزينو لحتى ارقص للزباين بس رغم هيك ماحدا بيقبل يقرب مني لاني صغيرة في واحد بالكزينو بقدم مشروب للزباين مابخلي حدا يقرب او يلمسني نهائيا وبقلهن انو انا للرقص وبس اخي يزن اصغر مني بسنتين اخي كتير حنون عليي وبخاف عليي من نسمه الهوا بس مابيطلع بأيدو شي لانو ابي بيعرف بكل حركه منساويها واذا شاف غلطنا بحركه وحده بشبعنا قتل وبخلينا ايام بلا اكل  روتيني اليومي بفيق الصبح بكير بلبس انا واخي ومنطلع عالمدرسه منرجع عالبيت مناكل اخي بيطلع عشغلو وانا بنظف البيت وبقعد بدرس للساعه تسعه بنام لل ١٢ بالليل وبقوم بياخدني ابي عالكزينو في وحده هنيك بتمكيجيني وبتلبسني بدلات الرقص برجع عالبيت ٥ الصبح تعبانه ومهدود حيلي بتحمم وبنام للسبعه وبرجع بفيق ع مدرستي هيك حياتي كلها تعب وحزن اليوم رجعت عالبيت الساعه خمسه اجا رفيق ابي الساعه وحده بعد الضهر اجا وشكالو لابي اني مارضيت روح معو عالبيت... كان بدو ياني او بالمختصر بدو يشبع شهواتو معي بس الشب طارق يلي بقدم المشروبات منعو وماخلاه يقرب مني  اجا ابي معصب مني وصار يضربني لاني مارحت مع رفيقو تخيلو اب ببيع شرف بنتو مشان يحصل عالمصاري ويجيب حق الدخان والخمر يلي بيشربها بس الحمدالله انو طارق كان يمنع كل شخص يقرب مني ولولاه يمكن كنت هلق من ايد واحد لأيد واحد  مابعرف ليش بيمنع الكل يقرب مني بس هوة شخص منيح كتير مع انو هوة بقدم مشروبات وخمر وكحول بس ولا مرا شفتو عم يشرب تخيلو مرا كنت جايه من المدرسه مرقت من قدام جامع وشفتو وهوة طالع منو كان عم يصلي جوا  مرا قلي بتعرفي شو انا بعرف انك مجبورة على هاد الشغل متلي قلتلو شو السبب سكت ومارد عليي  وانا مارجعت سألتو  بالليل اجا اخي وجبلي خبز وكاسه مي لانو ابي ربطني وحبسني بالغرفه الي ٣ تيام محبوسه هون بيجي بالليل بفكني وبياخدني عالكزينو لارقص وبيرجعني بيربطني ومابخليني روح عالمدرسه  عم ابقى طول الليل ابكي واحصر بقلبي رغم اني صغيرة الا انو حامله هموم اكبر من عمري ب ٢٠ سنه  يزن: يلا اختي كلي بسرعه قبل مايجي ابي هلق بموتني ازا لقاني عم جبلك اكل  يمام: هات لاشرب مي والله عم ينشف ريقي طول النهار  يزن: يلا يلا بسرعه يمام: يلا خدن واغسل الكاسه تعا تعا شبك نسيت تربطني يزن: ولي على هالنسوة .....هه وهي ربطك اختي سامحيني بس مو طالع بأيدي شي يمام: لك اخي بعينا الله شو بدنا نعمل هيك الله كاتب علينا التعتير والشقا طول عمرنا يلا اخي طلاع وسكر الباب وعميل حالك نايم هلق بيجي ياخدني عمكان القرف فايز (ابو يمام): قومي ولي نايمه انشالله نومه اهل الكهف قومي احسن ما موتك  يمام: 😔😔😔 (داخل الكزينو ) فايز: خدي سوسو قبريها زبطيها خليها تنزل لتحت  سوسو: ماشي يلا طلاع مالك شغل هون  سوسو: ميمو ليش هيك جسمك كلو خطوط خطوط ابوكي ضاربك مو هيك الله يكسر ايديه يارب  يمام: والله يا سوسو رح طق قال ليش وقت اجا الزفت ابو عماد مارضيت روح معو عالبيت  مسكني وبلش فيني ضرب متل التور الهايج  سوسو: الله يكسر دياتو يارب وانتي اوعك تخلي حدا يقرب منك وانشالله طارق كمان مابخلي حدا يقرب صوبك  يمام: يمكن لولا كان ماضل حدا مااعتدا عليي الله يقرف هيك عالم سوسو: امييين  يمام: سوسو انتي ليش بتشتغلي هون  سوسو: لانو هيك الله كاتب عليي قالولك كتير عاجبني مناظر هالرقاصات يلي بمكيجهن وبلبسهن الله يقطع الفقر وساعتو امي مقعده مالنا حدا بهالحياه ابي متوفي من وقت كان عمري ١٥ سنه وقتها تركت المدرسه وصرت اشتغل بصالونات التجميل ووقت صار وتعلمت كلن قالولي انو لازم افتح صالوني الخاص  وانا مامعي اكل كيف بدي افتح صالون  انجبرت اشتغل عند وحده ضليت عندها خمس شهور بعدين دبرتلي شغل هون وصرت اشتغل للرقاصات يلي بيجو وشوفت عينك لا بطلع ولا بنزل من هون وبكره الشغل هاد كلو بس شو بدي اعمل مجبورة مشان عيش وعييش امي  يمام: اااااخ الله يلعن هالحياة ....قديش الك بتشتغلي هون سوسو: الي اكتر من خمس سنين  يمام: يعني بتعرفي كلشي هون مو هيك  سوسو: اي هيك ..قليلي شو بدك تعرفي  يمام: طارق بدي اعرف طارق ليش بيشتغل هون  سوسو: هاد ياستي وقت اجيت انا لهون كان طارق بيشتغل هون من قبل مااجي بشي ٣ سنين امو وابو متوفيين من هوة صغير وساكن عند عمو  عمو بكون هوة صاحب الكزينو اسمو ابو العز ومن هوة عمرو ١٦ سنه بيشتغل هون كان يمسح وينضف يعني فيكي تقولي عامل نظافه ووقت كبر صار يشتغل مقدم مشروبات يمام : بتعرفي من فترة شفتو طالع من الجامع  سوسو: طارق غير الكل يلي هون بصلي وبصوم وبيعرف ربو انا وياه نفس الشي مجبورين نشتغل بهيك اماكن يمام: وهوة شو الله جابرو يشتغل هون يعني هلق هوة عمرو ٢٤ سنه ليش ليشتغل بهيك مكان سوسو: يا حبيبتي طارق حاول يهرب كتير من هون بس عمو ايدو طايله بتعرفي مرا هرب وطلع على حلب جابو ومرة هرب وكان هون بالشام ضل مختفي فترة ٣ شهور بعدين جابو المعلم ابو العز بتعرفي ابو العز واحد كلب حقير اخد من هويتو وجواز سفرو وكلشي بخصو مشان مايقدر يتحرك وحاطلو حراس على باب الكزينو مابخلي يطلع خطوة لبرا  يمام: شو حقير متل ابي بس ابي اكتر بكتير  سوسو: طولي بالك ...هلق هيك صرتي جاهزة بس لسى ينادولك  يمام: لك ليش هيك عملتي ليش رافعتيلي شعري  سوسو: لك اي شو بدك تضلي منزله شعرك على نص وجهك يمام: اي فرديلي جنب اليسار عالسريع يلا  انتي بتعرفي انو انا مابحب وجهي يبين عالعالم سوسو: صحيح بدي اسألك ليش بتحبي تنزلي شعرك على نص وجهك شو السبب من وقت اجيتي لهون وانتي بتقوليلي نزلك شعرك على نص وجهك ...حكيلي يلاااا حبابه #الجزء الثاني: يمام: هاد يا ام السوس وانا صغيرة  الحارس: يلا انسه ميمو عم يستنوكي يمام: يلا جاي تجيك مجية الهي  سوسو: روحي ياعمري وبكرا منكمل ما تنسي بدك تحكيلي يمام: ماشي بكرا منحكي دعيلي ماحدا يقرب مني  سوسو: روحي الله يحميكي ياررب ويبعد عنك ولاد الحرام يلي مابخافو الله ....ياحرام هالمسكينه الله يصبرها... الله ياخدك يا فايز في حدا بشغل بنتو بهيك مكان  ##خلصت الحفله واجا يلي مابيتسمى ابي ياخدني  فايز: شو رقصتي منيح للزباين  يمام: اي رقصت  فايز: اي منيح روحي اندفسي يمام: مارح تربطني  فايز: هالمرا سماح يلا انقبري من وجهي الله ياخدك يمام: يعني بكرا ارجع عالمدرسه  فايز: رجعي انضربي ع قلبك بركي بتدرسي وبتشتغلي وبتصير تجيبيلي مصاري اكتر من هدول  # رحت نمت ساعتين وفقت لبست ونزلت شعري على نص وجهي متل العاده وطلعت عالمدرسه وانا بطريقي بتجي وحده وبتقول هي بتشتغل ب كزينو ال...... الشب : ههههه ورايحه عالمدرسه كمان  البنت: هههه اي مشان تجيب كم صيبه من المدرسه يشتغلو معها  التنين : ههههههههههه  انا كملت طريقي ومااهتميت العالم يلي بشارع مارح تكون احسن من ابي وتحن عليي هه ازا ابي احقر منو مافي رح يجو العالم يكونو مناح معي الله ياخدني لارتاح فتت عالمدرسه درست واخدت من رفقاتي كلشي رايح عليي من الايام يلي غبتن ورجعت عالبيت نظفت البيت كان اخي بالشغل وقعدت ادرس هييك للساعه ٨ المسا هلكت ونمت للساعه ١٢ اجا ابي فيقني ومتل العاده اخدني عالكزينو  سوسو: اي يااهلين وسهلين بيمومتي يمام: اهلين فيكي ياعمري  سوسو: يلا قعدي لجهزك  يمام: يلا ....سوسو الله يوفقك جاي عبالي قهوة وربي مشتهيتا كتير زكاتك عمليلي فنجان  سوسو: اي مو على عيني وراسي  راحت سوسو تعملي فنجان وانا قعدت ورا المرايا فتحت درج المرايا وهي كانت اول مرة بفتح الدرج لانو سوسو يلي بتمكيجني دايما انا مابمد ايدي على شي  لفت انتباهي طوق من دهب مقطوع ومحطوط بالدرج كان عبارة عن فراشه صغيرة  قلبت الطوق كان مكتوب طارق بالانكليزي  فاتت سوسو وشافت الطوق بأيدي سوسو: ميمو من ايمتا بتمدي ايدك على اغراضي يمام: انا اسفه كتير هي اول مرة  سوسو: ولا يهمك حبيبتي عادي  يمام: هاد الطوق الك  سوسو: اي الي حلو موو  يمام: اي كتير حلو بس ولا مرة شفتك لابستي...مين جبلك ياه  سوسو:كيف بدك تشوفي وانا طول النهار بضل لابسه الحجاب...و ازا حكيتلك بضل سر بيناتنا  يمام: اي طبعا احكي  سوسو: هاد من طارق مرة جبلي ايا وقت هرب على حلب وحفر اسمو عليه  يمام: طارق طارق ماغيرو  سوسو: اي وليش تفاجئتي  يمام: لا والله ماتفاجئت ولاشي بس استغربت ليش ليجبلك ياه  سوسو: 😊😊😊 يمام: بتحبو بعض سوسو: اي من زمااان كتير من شي ٣ سنين يمام: الله يخليكن لبعض يااارب ويجمعكن بوقت قريب سوسو: صحيح منيح مانسيت ماقلتيلي ليش بتضلي منزله شعرك على وجهك  يمام: يممميي شو كنت مشتهية القهوة ....هاد يا ستي وانا صغيرة كان ابي يشغلني ببيع العلكه او الدخان او مسح السيارات وكل مااجي عالبيت يقعد يضربني على وجهي ويقلي انو بدو اكتر من هيك مصاري  وانتي بتعرفي انو ايدو مقطوعه بقى بيضربني بأيد وحده على جنب واحد من وجهي وبعلم زراق وحمار وخضار وماشابه ذلك ههههه بقى كنت نزل شعري على نص وجهي من وقت كنت صغيرة مشان العالم ما تشوف وجهي كيف مصبغ ومرا كمان كنت عم بيع دخان وقفت سيارة كبيرة فيها شبين اجا الشب مسك خدي وصار يتلمسو ويقلي مااحلا هالوجه معقول في انسان بيسخى يضربك هيك على خدك قام عطاني الف ليرة وقلي انو هي الك وعطيني باكيت وحده  ومن وقت لمس وجهي هالشب صرت نزل شعري مشان ما يجي حدا ويتلمس وجهي مرا تانيه سوسو: قديش كان عمرك  يمام: السنه الماضيه قبل مااجي لهون بشي يومين يعني كان عمري ١٣ سنه  بتعرفي وقت الشب حط ايدو على وجهي حسيتو امي  قد ايدو مو دافيه وحنونه مو متل ايد ابي الله ياخدو مو شاطر غير يضربني ومن وقتا بنزل شعري وماحدا شاف وجهي كامل غيرك انتي وبشوفو طبعا ابي واخي  سوسو: شو حسيتي وقت الشب تلمس وجهك  يمام: حسيت قلبي صار يدق بسرعه وراح يغمى عليي بتعرفي ياريت ارجع اشتغل بالشوارع لارجع شوفو  لو تشوفي قديشو حلو وشخصيه وبجنن  سوسو: من بعدا ماعد شفتيه  يمام: شفتو مبلا تاني يوم مرق من جنبي وقلي شو بتحبي اكلات قلتلو بحب البوظه قلي طلعي لطعميكي طلعت معو بالسيارة واخدني لمكان بعمري مو شايفتو غير بالتلفزيون وطلبلي بوظه من كل الانواع وقعدت اكل وهوة كان يطلع فيني مابعرف ليش بس حتى تطليعاتو كانت حنونه ودافيه متل لمستو سوسو: وكيف بتطلعي مع شب غريب يمام: شو بعرفني كنت صغيرة ومابفهم بهيك امور  سوسو: وماحكيتو شي  يمام: مبلا حكينا قلي اسمو عمر  وعمرو ٢٠ سنه  وعم يدرس بالجامعه مابعرف شو نسيت  هوة كان طويل وحليوة شعرو اسود وطويل وهوة اسمر سمارو جذاب كتير لون عيونو بني ووساع ورموشو طواال قد ماتقولي بتعرفي وقت طلعت معو بالسيارة مسكني وقرصني من خدي هوة نسي انو خدي مزرق قام انا صرخت قلي انا اسف كتير وربي نسيت مشان الله سامحيني  مسكني وباسني على خدي قلي هي اعتذار وعطاني الفين ليرة ورجعني مكان مابشتغل وتاني يوم ابي جابني لهون اليوم المنحوس  سوسو: اهااااا مشان البوسه انتي مابتشيلي شعرك عن وجهك موو  يمام: سكتي وشغتلي ومشان الضرب كمان الله لايسامح يلي كان السبب  ################ هيك قضيت ايامي اجت امتحانات التاسع وصرت ادرس بالنهار واشتغل بالكزينو بالليل  درست وتعبت كتير ماكنت شوف النوم  لحتى اجت نتائج التاسع ورحت لعند رفيقتي طالعتلي نتيجتي  وكنت ناااجحه وبعلامات ممتازة ماعطيت فرحتي لحدا  اجت العطله ورفيقتي روعه اعطتني كتب اختها مشان ادرس فيهن وقالتلي هية بتجيب كتب جدد واعطتني كمان بدله مدرسيه للعاشر بيجي لونها رمادي وتحتا قميص زهري... كمان كانت لاختها رزان وقالت انو هية بتشتري بدله جديده فرحت فيهن كتير وشكرتها وبوستها ورجعت عالبيت  طبعا روعه رفيقتي من الروح للروح ومتل اختي وكل شي بيصغر عليها او مابدها ايا بتعطيني ايا واوقات بتشتري الي اواعي داخليه يعني كل لبسي كان من عندها  رجعت عالبيت مبسوطه وصرت كل يوم حضر للعاشر وبالليل روح عالكزينو واخي يزن غيير شغلو وصار يشتغل ميكنيكي سيارات  هيك مرت على هالحال ٣ سنين وانا لساتني على حالي الصبح بالمدرسه وبالليل بالكزينو طبعا انا كبرت وصارو الشباب والرجال بدهن ياني ليشبعو شهواتهن بس طارق كان يحميني كتير ويقلي انا بعرف وضعك وبحبك متل اختي ومابدي يصيبك شي  اخي يزن ماكنت شوفو كتير لانو الصبح بالمدرسه وبعد الضهر بالشغل عند المكنيكي وكلشي كان يطالعو كان يعطي لابي عكسي تماما انا كنت اخد مصاري من العالم وقلو لابي ماحدا عم يعطيني بس كان راتب الكزينو اعطي كامل لابي لانو متفق هوة وصاحب الكزينو ابو العز على الراتب والحمدالله بفضل طارق ولا مخلوق يقرب مني ولا يلمسني بس كانو يزتو عليي مصاري وكنت باخر الحفله لمهن وصمدهن مع روعه كانت تحطلي اياهن بمكمورة كبيرة وماتصرف منهن ولا ليرة  وكنت دايما نزل شعري على نص وجهي واكشف النص التاني كانت العالم كلها تتمسخر عليي وحتى رفقاتي بالمدرسه والكل يقول انو نص وجهي التاني مشوه لهيك انا بغطي بشعري بس انا ماكنت رد على حدا الشخص الوحيد يلي ماكان يمتسخر عليي هية روعه رفيقتي لانها كانت تعرف كلشي عني وكانت تشوف وجهي كامل وقت نكون لحالنا كانت تضل تتلمس وجهي وتقلي ماشاء الله شو حلوة بشرتك وناعمه وصافيه كانت حنونه عليي كتير وقت ابي يضربني روح لعندها وهية كانت تحطلي ثلج على وجهي مشان يبرد ومايصير يجعني كانت تشتريلي كريمات مشان حطهن ومايعلم الضرب واثار اضافرو على وجهي وكان كلو يختفي بفضل روعه وكرمها عليي اجا وقت اني قدم البكلوريا وماكنت لحق ابدا كنت كتير خايفه ارسب وقد مافيني ادرس واحفظ  قدمت الامتحانات واجا يوم النتائج رحت لعند روعه وطلعت ناااااااجحه انا وروعه وبعلامات ممتازة وبحقلنا سجل طب كمان  يمام: الف الف مبرروك النا تيناتنا الله ماضيعلنا تعبنا الحمدالله ياارب الحمدالله  روعه: اي والله الحمدالله ويبارك فيكي وشوفك بأعلا المراتب يااارب  روعه: يمام ليش عم تبكي في حدا بينجح وبجيب هيك علامات وبيقعد يبكي يمام: والله يا روعه فرح وخوف الله وكيلك  روعه: ليش ياقلبي من شو خايفه يمام: لك الجامعه بده