ضوء وسط الظلام - تزكية النفس - بقلم رقيه | روايتك

نمت بعد ما صفيت موبايلي من الذنوب والعلاقات المحرمة والاغاني وغيرها من الذنوب الي چنت غاطسة بيها،وگعدت اليوم الي بعده واني كارهه نفسي جدًا بسبب المستنقع مال الذنوب والمعاصي الي چنت عايشة بيه! گعدت على فراشي واني افكر شلون اغير نفسي؟شلون اتخلص من الذنوب والمعاصي الي دائمًا اسويهن؟والكثييرر من الاسئلة المشابهة لهذه الاسئلة وبوسط التفكير اجاني شعور جدًا جدًا غريب حسيت إني ناسية شيء جدًا مهم لكن ما عرفته!؟ فجأة تذكرته وهو"الالتزام بالصلاة" اذ كان الالتزم بالصلاة هو الخطوة الاولى في تزكية نفسي وتغييرها.. اما الخطوة الثانيه كانت: تغيير لبسي من البس الفاضح والغير مستور الى لبس يليق بي كـمسلمة شيعية فقررت أن ارتدي الحجاب والعباءة الزينبية… بعد ما التزمت بالحجاب والعباءة الزينبية والصلاة في اوقاتها. گعدت وحددت ذنوب اني دائمًا اسويها وقررت ابتعد عنها نهائيًا صح كان الموضوع صعب عليه لان اني چنت كلش مبتعده عن رب العباد ودائمًا اسوي ذني الذنوب لكن كانت ابيات قصيدة حزن المغربية تتردد في ذهني واصريت على تركها والحمد والشكر لله تكرتها بعد عناء طويل.. بعد ما غيرت من نفسي وتركت الكثير من المعاصي حبيت اعرف من هو شاعر قصيدة حزن المغربية التي تكرت في داخلي اثر كبير وغيرتني الى الافضل.. حاولت اعرف عن شاعرها هواي اشياء بس للاسف ما گدرت وحاولت ابحث واعرف عن رادودها الي هو عباس عجيد العامري وعرفت عنه هواي اشياء وصرت ادعمه بكل البرامج وبكل الطرق وحتى ادعيله بكل فروض الصلاة والنوافل مثل صلاة الليل لان بـفضل الله ثم فضله تغيرت وتركت الذنوب ورجعت الى الله.......