البارت8
دُره
كمنه ورحنه على المسجل وأختاريت اغنيه(حاط الله وياك)....
-تعرفيها؟
-اي شلون ماعرفها
رجعت اغني ويه الأغنيه وأهز تك چتف وعيني بعيونه كأني موجهه الكلام أله...
-روح وحآط آلله ويآگ..
-گون تروح مـآترجع..
-أكو رب يآخذ ألحوبا..
-گلمـن خآن مـحبوبا..
-شـنو أنت ومـآگدر آنسـآگ؟
-بعدك روحي تتوجع..
-مـحبتگ حيل مـعيوبه..
-گلمـن يعرف عيوبه..
-مـن ألجذب مـليت..
-مـن جرحگ أنزليت..
-أبد وياي مـآ وافيت..
-تطـعن بلضـهر ضـليت..
-مـآخذ رآحتگ ونسـيت..
هوه ضل ينضرلي بنضرات عصبيه وعيونه أبد موخرها لحدما خلص العرس..
طبعاً الكل اعترض وضاج لأن شغلت هاي الأغنيه بلعرس الا اني شغلتها حته أغثه..
طلعنه اني وورد حته ناخذ تكسي بس وكفنه ألياس وكال اني أوصلكم..
دُره: بأنزعاج.. ميحتاج هسه نشوفنه تكسي
ألياس: ببرود.. بلا أعناد يله
دُره: كلت ماريد
ورد: بهمس.. دُره تره ماكو تكسي هيج وكت شوفي الشوارع فارغه خلي هوه يوصلنه شنسوي
دُره: أنچبي انتي الثانيه
حجيتها بصوت عالي هوه سمعني خزرني بقوه وجرني من معصم ايدي للسياره..
نترت ايدي منه وحجيت بعصبيه..
دُره: هييييي تره مالك حق تلمسني هيج متشوفني كدامك محجبه!
حجه موجه الكلام ل ورد.
-ورد انتي صعدي هسه نصعد
صعدت ورد واني المحلها بعيوني تضل بس هيه صعدت..
فجأه حسيت بأنفاسه قريبه على وجهي نضرت بعيونه الحادات والي بمجرد ما أنضرلها تخليني ادخل بعالمها.. حجه بهدوء..
-اكو رب ياخذ الحوبه مووووووو
-ش... شبيك
حجه بفحيح عصبي
-كلمن خان محبوبه هم.. ليش اني شوكت خنتج؟
حجيت بتردد
-اي خنتني أذكرك؟
قرب وجهه اكثر بحيث عيونه شويه وتخترق عيوني أردف صاك على أسنانه..
-أسمعج
-م.. من ابوك خابرني وكال سمعته يحجي ويه واحد يكله اضحك عليها و...
خليني ساكته احسن..
راد يحجي قاطعتنه ورد..
-يله دُره صعدي
كبل لا أصعد رمقني بنضره شيطانيه وصعد قبلي..
مهتميتله وصعدت..
طول الطريق وهوه يتوعدلي من خلال عيونه..
والله يا الله هاي فوك كذبته 😒
قاطعت الهدوء ورد وهيه تحجي ويه علي..
-علي صدك ليش مقبلت تجي طيبه
جاوبها بجمود... أحسن عدها امتحانات خليها تدرس
هيه سكتت واني خزرته من المرايه لأن مجاب طيبه
وصلنه للبيت ونزلنه من السياره..
طبينه للبيت و ورد راحت تنام..
طبيت للحمام سبحت وطلعت لبست تراك سود أسود ومرسوم عليه بنيه..
كعدت على الكرسي وطلعت الشسوار وعليته لأخر درجه وبديت اشسور ..
حته ورد كعدت على الصوت طلعت فراش وراحت يم بيبي..
خلصت شسوار وطفيته.. ومجنت ادري بنفسي كاعده ابجي..
ماعرف شبيه..
عفت شعري هيج مندون ما أسده ورحت دا أصيح ورد ترجع لفراشها بس طلعت نايمه..
فرجعت للغرفه وأول محطيت راسي على المخده نزلت دموعي مره ثانيه!
ضليت أتكلب بلفراش لحدما صارت ب 2بليل..
بهاذا الوقت سمعت صوت المطر يمكن مطرت..
كمت و
گعدت يم الشباك مال غرفتنه، تنسمت الهوا البارد يلعب بستائر الشباك،
چنت أحس ويا المطر عن شعور يشبهلي من صخب الأفكار..
غمضت عيني للحظات، أحاول أسمع صوتي الداخلي،
بس كل ما وجدته فوضى من الأسئلة المعلگه بدماغي..
ليش أحس وكأني عالقه بدوّامة مفرغة من الأيام المتشابهة؟
اكو إحساس مبهم بأن أكو شي ينتظرني بالطريق ،
بس بثقل وخطوات بطيئة..
بينما چنت كاعده ودموعي توكع على ألا شئ حسيت بصوت طلقه تخترق الجام مال الغرفه!! ماعرف منين أجت!
وكعدت بلأرض بخوف، وكمت أصيح بصوت عالي..
وعلى أثر الطلقه والصيحه مالتي اجويي ورد وبيبي مخروعات..
كمت ركضت ركضت ألهم واني أبجي..
-س... سم... سمعتو
ورد: اي هاي شنو؟!!
بلقيس: بخوف.. الله يستر
سحبتني اني و ورد بأتجاه غرفتها..
كعدنه على سريرها..
فزينه من سمعنه صوت طلقه ثانيه بره..
ورد كامت تبچي وبيبي خابرت ابويه وهوه كاللها هسه جاي..
-ورد الله يخليج كافي دتخوفيني اكثر
-يمعوده متسمعين صوت الطلق لح نموت
بلقيس: بعصبيه... أششش شهل الحجي أسكتن
شويه ورجع بابا دك على بيبي جاوبته كللها خلي وحده من البنات تطلع تفتح الباب...
-يمهه اني ما اروح اخاف
-انچبي لعد ترديني اني اروح
-لا حته انتي لا
بلقيس: شبيچن صدكتن هسه اني اروح
رادت تطلع اني صيحت
دُره: لا بيبي ستري علينه وكعدي هسه اني اكوم قابل تجي طلقه من الباب
المبايل مال بيبي انفجر من الأتصالات مال بابا.. تقريباً ربع ساعه واني اقنع ببيبي تضل كوه يله قبلت وماكو دُعاء مقرته.. لبست شالي و
طلعت وسديت الباب ورايه ركضت للباب وفتحته بسرعه وطب بابا يسب بينه..
- بعصبيه... وين صرتووو مدكولولي
داريد أسد الباب انحطت أيد ضخمه عليها مانعه الباب تنسد..
نضرت بأستغراب شفته هوه!!
هوه نفسه بنضراته الي جانت متحلفلي..
درت وجهي بأتجاه ابويه الي على وجهه تعابير أستغراب اردف بتردد..
-أنت منو؟؟
دفعني من كدامه بنتر وطب للبيت
-ألياس
-الياس منو اطلع بره لو سمحت
بعدين وجهه نضره ألي وكال..
-بابا تعرفي؟
اردفت بعصبيه: لاااا بابا ما أعرفه اطلع بره يلهههه
حجه وهوه ينضرلي بنضرات كلها شر..
- اجيت احجي وياك....
-ليش تحجي وياي اني ما أعرفك ممكن تطلع تره امي وبنتي جوه
سحبني من معصم ايدي وحطني كدامه واني بسرعه نترت ايدي منه وهوه رجع لزمني هلمره اقوه..
ابوي اتقدم علي بعصبيه بس ألياس صاح بي..
-تطلععععع وياي لوووو اسوي جريمه بهاييييي
تقدم عليه وسحبني وشمرني بلكاع واستلم ألياس دك بوكسيات وألياس ما قصر يرجعها اقوى واني اصيح وأبجي..
اجت بيبي شهكت من شافت أبنها يصارع الموت تحت انضارها كامت تشيل روحها وتركعها بلكاع وتصرخ وتبجي وتحاول تفاككهم بس دون جدوى.. و ورد يمها تبجي وتناشغ..
كمت على ورد حضنتها وسحبت بيبي بلكوه دا أريد ادخلهم هوه صاح..
-اوكفييييييييي
شمره بلكاع وعافه يون ميكدر يكوم.. أردف موجه الكلام لبيبيتي
-شيلي أبنج وللغرفه يلهههه
بلقيس: ببكاء.. اهئ اهئ انت منووو ليش تكتل أبني اطلعععع برههه
تجاهلها وهيه راحت على ابنها شالته وصاحت بورد تجيب شيلتها..
جابتها بسرعه ولبستها وراحو ركض هيه وورد للمستشفى..
ألياس: وينننننننننننننننن
دُره: وياهم
ألياس: ببرود.. ماكووو
مسحت دموعي ونترت بي بغضب..
دُره: انت شبيك تخبلت فهمني ليش هيج دتسوييييييي وين تريد توصل بعدد؟!!!!
حجيت الكلام ودرت وجهي داروح حسيت بأيده الضخمه على حلكي..
صيحت جوه أيده بس ماكو صوتي مينسمع يمكن بس هوه يسمعه..
مقيد جسمي بين جسمه وساد حلكي بقوه..
رعش جسمي واني اسمع صوته قريب يم أذني يهمس بصوت تهديد..
ألياس: لح أوخر أيدي قسم بالله العظيم اذا عيطتي احفر قبرج اهنا وأدفنج بي وأنتي حيه
كمت ابجي وارجف بخوف من كلامه انصدمت عبالك مو ألياس مبدلي..
هزيت راسي بقبول..
وخر أيده سحب حبل صغير وملفلف جان ضامه بجيبه فتحه وربطني بي..
دُره: ل... ليش هيج دتسوي
ألياس: حته لا ياخذوج مني
دُره: ش...
ألياس: هسسس ولا كلمه
وره مربطني طلع وكف بره ماعرف شديسوي واني أستغليت الفرصه ركضت بأتجاه غرفتي وأني مربطه بلحبل بلكوه ركضت ومحسيت غير أبره تخترق ضهري وكعت مستسلمه للضلام......
-طيبه
رجعت للبيت وكل افكاري بهاذا الأستاذ الغريب أو الي صار غريب من سجلت يمه..
رجعت للبيت حته احجي ويه امي..
طبيت للبيت بدلت ورحت كعدت يم امي..
طيبه: أحم احم
مريم: خيرر
طيبه: تعرفين صرت شاطره وكذا فشسوي بلمدرس اني ادرس لوحدي
مريم: لا
طيبه: شبيج يمه دخلي اكمل..
مريم: روحي منا احسلج لأن لح ارجع اكلج لا
تأفأفت بأنزعاج وكمت من يمها رحت للغرفه ودكيت على دُره..
ضليت أدك ويطلعلي مغلق سديت المبايل ونمت..
-دُره
كعدت شفت نفسي بغرفه صغيره وبسيطه..
درت وجهي عليه شفته كاعد ويتأمل بيه.. أردفت بخمول..
-ليش جبتني أهنا
-حته أحميج
-هييي تره احنه مو بلمسلسلات احميج وماعرف شنو رجعني احسلك
حجه ببرود: اششش لتحجين بس من أسألج تجاوبين افتهمتي لو لا؟
دُره: لا رد
صاح بفحيح مرعب
ألياس: أفتهمتي لووووووو لاااااااااا!!!
دُره: أ... أي أي
أردف مكمل كلامه..
ألياس: ناصر مو أبويه وما أعرفه تصدكين متصدكين ميهمني..
صفن شويه بتعابير وجهي الي ممتقبله الكلام وكمل كلامه..
ألياس: يريد ياخذج مني
دُره: مدا أفتهم
ألياس: هوه ف** وأمه كح** شتتوقعين منه يعني
فتحت عيني على وسعهن من كلامه وسديت حلكي كاتمه الشهكه..
أبتسم بأستهزاء وكمل..
ألياس: هاذا واحد من اصدقائي
دُره: هااا!
ألياس: شكيت بي هواي بس حاولت امنع نفسي من الشك لأن هوه عزيز عليه وزاد شكي من انتي اجيتي عليه ولفضتي أسمه نفس الأسم..
فحاولت ادور هواي معلومات عنه وطلع يشتغل ويه أمه بلم*لا*هي
وأمه من ذوله الكح** وبيوم بكت مبايله ولكيت بي رقمج من خابرج.. وكلشي عرفت. وها.. تره كل كلامه وياج كذب بكذب يريد ياخذج حته تصيرين من ضمنهم هوه وأمه..
نزلت دموعي من الصدمه متوقعت اني ينضحك عليه!! ضليت اشهك وابجي بدون لا اجاوبه..
هوه تقرب لزم راسي وركعه على صدره بعصبيه وخوف..
ألياس: اشش مو ذنبج هاذه ذنبي لأن هوه صديقي
بعدت راسي عنه ونضرت بعيونه ببراءه..
دُره: رجعني لبيتي حباب والله ميصيرلي شي اهلي يمي
خزرني قوي ودفعني حيل وأردف بعصبيه..
ألياس: بنت النعال اني وين احجي وهيه وين تحجي
حجيت بترجي..
دُره: حباببببب
ألياس: ماكووووو تضلين يمي لحدما اشوف حل لهاذا ناصر واذا الوضع صار خطر ومابيها مجال أجرم بي واخلص منه..
رجف جسمي من كلامه وكلش خفت اردفت بصوت يرجف..
دُره: ل.. لاا حباب و... والله تصير مجرم!
ألياس: ليش خايفه اصير مجرم
دُره: لا بس ميصير تستعمل الأجرام بكلشي
ألياس: وأني شوكت مستخدمه هوه بس مره وحده وأول جريمه ألي
دُره: لعد رجعني يم اهلي اني معليه بيك لا انت تخصني ولا اني أخصك
بس كلت هيج هجم عليه لزمني من رقبتي وخنكني بقوه..
دُره: أ.......أل..... ي
ضليت ارافس جواه وهوه يخنق بيه انقطع نفسي حسيت بعيوني تريد تطلع من مكانها..
على آخر لحضات وخر مني لو باقي جان اني ميته..
تراجعت ليوره واني اكح بقوه وايدي متلمسه رقبتي الي صايره حمره من الخنكه...
أستغفر ورجع تقرب عليه رجعت ليوره خايفه منه..
هوه رفع ايده مستسلم وأردف بهدوء..
ألياس: اء شوفي ما امد ايد بعد
دُره: اهئ اهئ لتقترب!
مسح على وجهه بحيره وكام يروح منا ومنا..
دُره: رجعني گ... كافي
أقترب عليه واني رجعت اكثر ليوره لزم معصم ايدي وكومني حاوط وجهي بأثنين اديناته واردف بصوت متقطع..
ألياس: أ... احبج
دُره: ه..
بعدني بصدمتي وأخذ شفايفي بين شفايفه..
يقبل بكل شغف وحب واني دموعي تنزل شويه وأختنك..
وخر وهوه ينضرلي بحب وهيام..
-وعلي أحبج
-والي يحب يأذي؟؟
اجمعت الدموع بعيونه بس منزلت انصدمت من شفته هيج اول مره اشوفه بهاي الخربطه والحيره..
-أذيتج؟؟ اني...
قاطعته وكلت
-رجعني يم اهلي
نترني وقفل الباب وطلع..
ضليت ابجي..لحدما نشفن دموعي
لحضات وسمعت صوت هوسه من بره اندفرت الباب واحد ملثم وواحد وراه مقيد ألياس وساد راسه بغطه اسود ويمشي بي بناحيتي..
وخر الغطه من راسه شهكت من شفته مغمه عليه ووعلى وجهه آثر ضرب..وكع بلكاع
طفرت عليه اكعد بيه وأبجي واحجي..
-منووووووو انتوووو هاي شمسوين بييي!!!
تقدم عليه الملثم واني صرت وره ألياس
-ألياس اكعد يردون يأخذوني ألياسسسسسس
سحبني من معصم ايدي وقربني يمه وخر الثام وكال..
-اني ناصرر اجيت حته انقذج من ابني
دفعته بقوه وكع على راسه ونزف هواي الجان واكف يمه راد يتقرب عليه بس ناصر صاح بي ورجع..
بجيت من تذكرت تهديده أليه وجهت اصبعي ناحيته وكلت نفس تهديده..
-ش.. شوف اذا تجرأت تقترب مني او حته تطخني احفر قبرك هنا وادفنك وأنت حي افتهمت لو لااااااااااااا!
راد يكوم دفرته برجلي وحجيت مكمله كلامي..
-كلشيييييي عرفتتتتت ألياس كلي لا عبالك عرفتك انت شنوووو يا حيواننن أله اخلي ألياس يجرم بيك ويدخلك سجن انت وأمك الفاشله على اعمالك القذره وأنيي أول الشاهدين عليك
سمع الكلام وكام يريد يكتلني اني شردت من جواه وطلعت اركض بلشارع
ضليت ابجي وأركض ابجي لأن عفت ألياس وحده...
وصلت للشارع العام وبلكوه لكيت تكسي يقبل يصعدني..
دخلت دليته على بيتنه ووصلني..
نزلت واني چني جثه هامده..
دكيت الباب فتحلي ابو ورد اول مشافني كام يصيح ركضت بيبيتي على أثر صياحه اول مشافتني حضنتني ممصدكه وهوه هم..
طببوني للبيت واني بعدها دموعي ممتوقفه كلساع تزيد
بعدها صاحوو على ورد وهيه اجتي من شافتني طفرت عليه حضنتني وضلت تبجي..
دُره: كافيي ورد هياتني مو يمج
ورد: اهئ ولج وين جنتي كالو خطفوج وبابا ضل يدور عليج وملكاج تعرفين أصار بيه متت بمكاني..
دُره: اسم الله لتحجين هيج يومي قبل يومج وردتي
بلقيس: يله كافي دراما كومن اكلن
بيبي تحاول تضهرلي أبتسامتي وهيه ميته خوف عليه بس متبينلي..
كمنه وياها وأكلنهه...
-ترف
ساعه 10الصبح تقريباً كمت غسلت وجهي وطلعت بدلت ملابسي وحطيت شويه مكياج حته أخفي أثر البجي..
طلعت من الغرفه ورحت للصاله شفت فراشه فارغ..كلت أكيد بلشغل
ماعرف ليش دكيت عليه وضليت أدك عليه وهوه ماكو مغلق..
كلش خفت ضليت افتر منا ومنا حته ريوك متريكت.. أوفف هسه اني شكو خايفه عليه..
رجعت للغرفه وكعدت انتضره وبعدين تذكرت صورنه اني وياه..
بسرعه كمت على الصندوق السري الي ضامته بكنتوري محد متجرأ يفتحه حته أمي متفتحه..
طلعت الصندوق وكعدت على السرير طلعت المفتاح وفتحته..
أنصدمت من شفت الصور ماكو! وينها؟!
تخبلت كمت ادور بلغرفه كلها مابقيت مكان ما دورته وملكيتهم كمت أبجي ذني الصور احبهم
تذكرت علي ماكو من الصبح معقوله هوه اخذهن للأسف طلع تفكيري صح..
كمت أبجي خاف يعصب لأن ضامه الموضوع عليه وميعرف اني حب طفولته..
فجأه سمعت صوت مفتاح يمكن أجه رجف جسمي كله..
مسحت دموعي وطفرت على السرير ولفلفت نفسي بلبطانيه حته وجهي غطيته وسويت نفسي نايمه.. بس للأسف جسمي جان فاضحني يرجف بقوه..
طب هوه وريحه الجكاير طبت وياه صاح بصوت عالي يهز الكون..
علي:ترففففففففففففففففففف!!!!!
أخترعت من صوته وكمت ابجي بصوت عالي..
هوه طب والهدوء طب وياه عبالك الهدوء ماقبل العاصفه..
كعد على السرير قريب يم رجلي وهمس بهدوء..
علي: تضمين عليه ترف؟
مجاوبته بس صوت الشهكات المتتاليه تجاوبه أبدالي..
حجه بصوت حزين..
علي: ليش هيج.. ليش مكلتيلي من البدايه مو جنت احبج ورحتي عني وهسه رجعتي وحبيتج مره ثانيه وانا مادري بيج حبيبه الطفوله..
هم مجاوبته وكلامه زاد عليه بلبجي ضليت ابجي وأشهك بقوه..
هوه تقرب وكعد يمي وخر الغطه بنتر وصاح بوجهي..
علي: ولججججججج وفوكاهااااااا تبجيننننننننننن جاوبيييييييييييييييي ليشششششششش ضميتيي عليهههههههه جاوبيييي!!!!
مكدرت انطق عبالك انبلع لساني بس ابجي وهوه لازمني من متني ويهزني بقوه ويصرخ بحزن وعصبيه..
بعدها ركعني براجدي قوي فر وجهي فررر بلكوه حجيت وكلت..
ترف: اهئ اهئ ت.. ض.. تضربني.. ع... علي
وزدت بلبجي وهوه يباع على أيده مصدوم بعدها كام يصيح بصوت يرجف صار احمر من العصبيه خفت عليه كام يرجف وكعد بلكاع الدموع بعيونه بس غروره يمنعه ينزلهن..
تقربت يمه داريد أهدي بس هوه دفعني بقوه صار راسي بلكاع بس مطلع دم بس تورم راسي..
كلت ببكاء وأحاول أهدي..
ترف: ح... حباب كافييي ليش هيج دترجف
رجعت تقربت اريد احضته اهدئه بس ماكو يوخرني مثل الزعلان مني..
بعدين شويه هدء واني بعدني كاعده..
بدون ميباوعلي طلع من جيبه الصور وشمرهن بوجهي وكام وطلع من الغرفه والهدوء ممتلكه...
اخذت صوره من الصور جنه اني وياه واكفين سوه بلأصفاف مال يوم رفعه العلم جنه بلخامس أبتدائي جان هوه لازم أيدي ويباوعلي ببراءه واني مبتسمه على الكامره.. درت الصوره جان مكتوب بيها " حب طفولتي علي"
ولاحضت الصور ناقصه يمكن ماخذ منهن..
بجيت هواي بذيج اليله وندمت لأن مكلتله..
وهوه كام يتجاهلني وأبد ميباع بوجهي..
كام ميجي ينام حته بلصاله كام ينام أبيت صديقه..
وحته أذا يحجي وياي على كد الكلام وببرود..
وتخبلت من عرفت بي لح يسافر...
كمت وراه أركض بعد ما شفت جنطه السفر محضرها..
شفته واكف بلصاله ويدخن أول مشافني دار وجهه..
ركضت عليه ولزمته من ايده هوه بسرعه نتر ايده مني وكال ببرود..
علي: وخري
ترف: لح تسافر؟؟
علي: ايي عدج مانع
لزمت ايده وقيدته بين ايدي وكلت بعناد..
ترف: لااا ماكو متروحح
نتر ايدي بقوه ومشه واني مشيت بسرعه ووكفت كدامه مانعه الطريق..
علي: وووتاليييي
حجيت والدموع وكعت من عيني..
ترف: علييي ليش هيج ويايه
حسيت بي لانت ملامحه ورفع ايده ديريد يمسح الدموع بس غروره منعه مره ثانيه ونزل ايده وحطها بجيبه وملامحه رجعت قاسيه كال بررود قاتل..
علي: حته بعد متتعلمين تضمين هيج شي عليه
خله وطلع من البيت واني واكفه بمكاني أبجي معقوله لح يتركني وحدي زين خلي يوديني لأهلي..
رجعت للغرفه ودكيت على فاطمه..
جاوبتني وكلتلها كلشي وطلعت هيه هم اخوها جاي عليها ومتعارك وياها بس مو مثلي هيه مضربها..
..
-طيبه
انصدمت وبنفس الوقت فرحت أستاذ عماد خطبني من أهلي واني الخفيفه وافقت بدون أي استثناء..
اجه يوم العقد وطلعنه قبلها نروح للسوك نشتري الازم وبعدها امي ودتني للصالون سوتلي مكياج بيجي وخفيف اني طلبت منها وسوت شعري ستريت
وامي جانت مشتريتلي فستان طويل ومن فوك ايدي بارزه وصدري هم ولونه يصير احمر ومخصر كلش عجبني وطلع نازك عليه..
نضرت لنفسي بلمرايه اجنن وكلشي بيه هادء. مكياج وفستان وشعري القصير..
ضلت امي تتغزل بيه.. لبستني نفنوف وطلعنه..
وصلنه للبيت وخالتي وعماتي كلهم وصلوو حته دُره و ورد هم وصلوو
اجت ورد و دُره يتعزلن بيه واني طايره من الفرحه..
ورد: شهل الجمال هسه استاذ عماد يتخبل عليج
دُره: اي والله تخبلين ماشاء الله
وراها أجت امي وخالتي حطوو جوو رجلي طاسه ماي مزينه بلورد الأحمر..
ودُره حطت بأيدي قرآن صغير وكالتلي حطي أيدج عليه..
حطيت ايدي.. شويه وسمعنه صوت هوسه جوه كامت دُره و نضرت من الشباك وبعدها وجهت نضرها عليه وأبتسمت وكالت بحماس..
دُره: ولج طيبه الأستاذ جايب العشيره كلها عليج
فرحت كلش وبعدها صارت هوسه بلصاله يمكن طبوو
كومتني امي وكعدنه قريب يم الباب.. والشيخ صار قريب علينه أردف بصوت مسموع..
-بسم الله الرحمن الرحيم، والصلاة والسلام على سيدنا محمد وآله الطاهرين.
بحضوركم الكريم، وعلى سنة الله ورسوله، جينا اليوم نعقد قران السيد عماد ابن علي على الآنسة طيبه بنت مريم ب برضا الطرفين، وبموافقة وليّ الأمر، وبوجود الشهود العدول.
وقد تم الاتفاق على المهر، وهو:
مقدم: مليون دينار عراقي،
ومؤخر: مليونين دينار عراقي،
وقد وافق الطرفان عليه.
طيبه بنتي هل تقبلين الزواج من عماد على سنة الله ورسوله، وعلى المهر المذكور؟ فأذا قبلتي قولي نعم وأنت وكيلي 3مرات
سكتت وبعدين الشيخ عاد نفس السؤال كلت..
-نعم وأنت وكيلي
كلتها 3مرات
بعدين الشيخ كمل كلامه موجه لعماد.. رد الموافقه وأعتلت صوت الهلاهل..
واني الكاع مسايعتني من الفرحه..
-دُره
مرت الأيام عاديه بس كل يوم بليل دموعي تنزل..
بيوم خابرتني طيبه وصدمتني من كالت أستاذ عماد خطبني فرحتلها كلش بس اكو آثر حزن بداخلي..
عزمتني على العقد مالتها واني قبلت اروح وبلكوه..
كلت لبيبيتي وهيه معارضت بس مخلتنه نروح وحده ابو ورد وصلنه وانتضرنه نطلع..
كبلها ملبست فستان لبست قميص بيجي وجواه هاينك اسود وبنطرون اسود وشال هم اسود والحذائه بيضه وبيها خطوط بيجيه..
وطلعنه وصلنه وتلكتنه طيبه طالعه تخبل وهادئه وكلش فرحانه فرحتلها كلش بس...
المهم سألتها على اخوها ألياس جان تكلي جان يم صديقه وهسه هوه جوه..
تنهدت بأرتياح لأن نجه من ناصر..
بده الشيخ يحجي وهيه وافقت خلصنه بوسناها ورجعنه.. لأن اخاف اذا شافني يرجع يخطفني..
أول مرجعت طبيت سبحت وطلعت لبست ثوب ماروني قصير لأن الجو ديصير حارر..
حطيت راسي على المخده وعلعاده بجيت هواي ونمت..
كعدت الصبح على هوسه..
كمت غسلت وجهي ولبست صايه وطلعت..
شفت طيبه و ورد كاعده يمها تسولف وامها هم..
ركضت عليها بوستها وهيه هم وضلينه نسولف وبيبي مندمجه ويه ام طيبه هم..
ملاحضه: ام مريم تعرفت على بلقيس من خلال طيبه ودُره يعني صاروو صديقات وكامو يجون لبيتهم يزورهم هواي
مر الوقت وتركينه كلنه سوه..
ولاحضت ام طيبه مادري شبيها ملامحها خايفه حجت بيبي بأستغراب..
بلقيس: خير مريم ليش هيج خايفه خو ماصاير شي..
مريم: الياس خايفه عليه كلش تخيلي بلقيس البارحه من رجع بليل حالته حاله ومضروب سألته كال تعاركت وراح وكل ما اطب بغرفته اشوف بأيده قراصه ورديه مال بنيه لازمها وصافن عليها ويدخن اجيت اسأله مقبل يجاوب..
غصيت بلچاي من سمعت أسمه ودموعي نزلت بلقيس عبالها لأن تفشلت كدامهم من غصيت فضحكت و شربتني ماي وكملت كلامها ويه ام مريم..
بلقيس: كالت بضحكه... والله يا ام طيبه هسه تلكينه عاشك انتي كلتي لازم بأيده قراصه اكيد عاشك ماكو غيرها
ام مريم ضحكت بحزن وكالت..
-اني هم هيج احسه بس خايفه عليه من هاذا العشك هوه حته ميرضه يكلي منيه اليهواها..
مادري شصار بيه مو بس اختنكت بلچاي اختنكت من أعماق قلبي كمت مشت بهدوء حته لحد يحس بيه دا أبجي..
من وصلت للغرفه بجيت.. ماعرف ليش حسيت هاي القراصه قراصتي..
بعدها ام طيبه راحت بوسونه وراحو..
جنت كاعده اكلب اكلب بل تلفزيون..
اجت بلقيس كعدت يمي وكالت..
-يمصخمه لح اطلع للسوك اجيب شغلات تجين وياي؟ صالج هواي بلبيت ما مليتي
كلت بصوت مبحوح..
-اذا ورد تجي عود اجي
صاحت ورد من بعيد بحماس..
ورد: أجي اجي
كمت للغرفه لبست بلكوه طلعتلي قميص زيتوني وبي اسود ويصير قصير بس طويل من الردن ولبست بنطرون اسود والشال هم وحطيت مسكاره وتنت وطلعت
تلكتني ورد لابسه قميص ماروني وبنطرون سمائي والشال اسود..
كالت
-وجج مامليتي من الهاينك الأسود والشال الأسود چلبتي بلأسود
دُره: يله هسه موزين لبست قميص زيتوني..
طلعنه ثلاثتنه للسوك جانت ساعه ب7 بليل رحنه لسما مول نشتري..
اني بس افتر كلشي مشتريت بيبي هيه اشترتلي..
خلصنه وطلعنه نتمشه للبيت ورد عطشت وبيبي هم فراحت بيبي وياها ورد يجوبون ماي من الأسواق واني كتلهم انتضركم هنا..
سمعت صوت هوسه شباب درت وجهي من الفضول..
وياريت مدرت وجهي..........
يتبع.....
اعذروني البارت كلش قصير البارت القادم لح يصير طويل والأحداث نارر🔥...