يزداد عشقي لكيانك ويزداد طمعي فيك فرفقا لاجلي - الفصل 22 - بقلم همس الغلا - مكتملة | روايتك

البارت الرابع والعشرون يبدو أن معمعة الألم هذه المرّه أجادت العزف على أوتار قلبي !! سأظل أُردد هو في أعماقي أنا في أعماقه هو في أعماقي أنا في أعماقه إذن لِما الخوف لِما ..؟ !! انصدموا من الخبر الي سمعوه ما توقعوا ابدا ان هالشي ممكن يسير خصوصا ان الكل يدري ان مريم تحب راشد وان راشد كمان يحب مريم عماد : انت متأكد ؟؟ عزام : ايوة ملاك : طيب ليش ؟؟ عزام : ما اعرف كل الي سار ان مريم اتصلت بي وقالت لي تعال ولمى روحت لها قالت لي هالشي وجات معايا زياد : طيب وراشد ما قال شي عزام : راشد حالتو ما كانت احسن من حال مريم سعيد : طيب مريم ما قالت لك شي ؟؟ عزام : لا ........................... بعد ما طلعت مريم طلع هوا كمان من البيت لانو مستحيل يجلس بالبيت ومريم مو في دار في شوارع جدة وما عرف وين يروح واخر شي راح على بيتهم دخل عالبيت وحالتو ما تطمن ابدا وشكلو مرة يحزن ويقطع القلب دانة : راشد !!! راكان : راشد فيك شي ساير معاك شي ؟؟ راشد مارد عليهم ولا حتى عبرهم بندر بخوف : ايش الي ساير معاك ؟؟ راشد بالم وحزن وبصعوبة : انا ومريم راح ننفصل الكل بصدمة : ايش ؟!! راشد : الي سمعتوه وطلع لغرفتو وتركهم مصدومين و مو مصدقين ولا مستوعبين الي سمعوه ريان : سمعتوا الي انا سمعتو ؟؟ راكان : مو من جدو !!! دينا : مستحيل ديانا : للحين ماني مصدقة شجن : واخيرا ارتحنا منها بندر بحدة : شجن يكفي شجن : ايش في ما قلت شي غلط بندر : اصلا كل الي قولتيه و الي سويتيه غلط شجن : كل الي سويته انا غلط !!! بندر : ايوة واعرفي انو بسبب الي سويته خسرتي ابنك وهالزواج مستحيل يتم شجن : ومين الي بيوقف هالزواج ؟!! بندر : انا كلهم انصدموا اول مرة ابوهم يعارض امهم و يوقف في وجههم شجن كمان انصدمت اول مرة يكلمها كدا اما بندر طلع لراشد ........................ سعيد كلم وسيم وقلو يجي و وسيم اول ما عرف على طول راح لبنتو وانصدم لمى شاف شكل مريم وسيم : مريم حبيبي ايش بك ؟؟ مريم : مافي شي هناء : مريم يا بنتي ايش بك مريم والدموع في طرف عينها : ماما انا وراشد رح ننفصل ميار بصدمة : ايش ؟!! مريم : الي سمعتيه .. وطاحت دمعة على خدها .. وسيم : طيب ليش ؟!! مريم : بابا رجاء لا احد يتاقشني ولا يسالني عن هالموضوع هناء : بس مريم : ماما خلاص رجاء وما تحملت وانهارت بكاء وسيم حضنها : خلاص حبيبي يكفي مريم ببكاء : بابا ابى اروح عند نواف وسيم : بس مريم قاطعتو : لا بابا الله يخليك ابى اروح عندو ابى ابعد من هنا قدر ما اقدر وسيم بحنية : خلاص يا قلبي بكلم نواف وبخليه يحجز لك باسرع وقت مريم حضنتو : شكرا بابا ونزلو لتحت حسام : ايش سار ؟؟ وسيم : مريم تبى تسافر عزام : طيب وين بتروح وفين حتجلس ؟؟ وسيم : بتروح الكويت عند نواف زياد : نواف ؟؟ وسيم : نواف اخوها من الرضاعة عماد : وبتقدر تسافر لوحدها وهيا حامل وسيم : لا عشان كدا انا ابى اطلب منكم واحد فيكم يروح معاها عماد : خلاص طيب انا بروح معاها بوصل لنواف وبرجع وسيم : بس لي طلب عندك عماد : امرني وسيم : ياولدي يا ريت لو تجلس معاها هناك لين تهدى شوي عماد : ابشر ياعم بس اعطوني خبر بعد ما تحجزوا عشان اشوف لي فندق او شقة مفروشة وسيم : تسلم يا ولدي بعدين ليش فندق وبيت نواف في ؟؟ عماد : ما سويت شي وبعدين مريم اختي .. صعبة اجلس عنو وسيم : ترى نواف اخوكم انتو كمان لان امكم الي مرضعتو مو هناء عماد : خلاص طيب اما عند هناء وملاك ملاك : قالت لكم شي عرفتو منها شي هناء بحزن : ولا شي كل الي قالتو انهم حينفصلوا وانها تبى تسافر ملاك : وين بتروح ؟؟ هناء : بتروح عند نواف ملاك : كويس على الاقل احد يكون معاها وجلسوا يناقشوا موضوع سفر مريم وهما شايلين هم ........................ رجع البيت وهوا مرتاح شوي لانو خلص موضوع راشد وقدر يفركش هالخطوبة و كويس ان اهل البنت تفهمو الوضع وليد : السلام عليكم الكل : وعليكم السلام شهد : وين روحت ؟؟ عهد : ما يحتاج تسألي اكيد كان عند دانة شهد : صح جبتيها وليد : بس يا خفة انتي وهيا الكل : ههههههههههههههههههههههه وليد : انا طالع انام يلا تمسوا على خير عهد : تنام ولا تكلم دانة وليد : وانتي وش عليكي جود : وليد ما تبى اكل وليد : لا امي مالي نفس وطلع على غرفتو عشان يبشر راشد ........................ جالسة تاكل بنتها ونواف يلعب جمبها ويسالوها عن ابوهم سكتت وما عرفت بايش ترد عليهم مع ان شاي كلمها كثير وحاول يرجعا بس هيا مي راضية ترجع لو ومارح ترجعلو لان كرامتها فوق كل شي رفاء : جنى للحين معندة و مو راضية ترجعي لزوجك جنى : امي رجاء سكري هالسالفة لاني مستحيل ارجع لشادي رفاء : طيب وعيالك لازم تفكري فيهم يا بنتي ادري ان شادي اهان كرامتك وان كرامتك فوق كل شي بس اولادك محتاجين ابوهم جنى : بس رفاء : جنى ماما انى ما ابغاكي تسيري زي جنى : ايش قصدك رفاء : شوفيني انا وابوكي ولا كاننا متزوجين جنى : امي دا شي تاني الله يسعدك لا تفتحي هالموضوع مرة ثانية رجاء رفاء : الله يهديكي طلعت وهيا زعلانة على بنتها وعلى حالها وما تدري كيف تساعدها ........................ ارتاح شوي لمى وليد كلمو وعرف انو قدر يحل الموضوع باقي مريم مو عارف ايش حيسوي بس مو قادر يطلقها ابد لانو ما يقدر يعيش بدونها بندر : تفكر فيها صح ؟؟ راشد : اء اء ايوة بندر : طيب ليش ما ترجعو لبعض راشد : ما رح ترضى بندر : ما عليك انا بحل كل شي راشد : ايش حتسوي بندر : ما عليك لك انك تشوفها وترجع لك وبس راشد باس راسو : الله لا يحرمني منك ابتسم بندر وخرج وطلع جوالو وراح يكلم ....................... ميار بعد ما طلعت من عند مريم راحت وكلمت البنات كلهم جمانة : متأكدة ميار : ايوة جوانا : وكيفها الحين ميار : مرة حالتها تحزن جودي : يا حياتي الله يعينها ليال : وايش حتسوي ؟؟ ميار : بتروح عند نواف سراء : متى ؟؟ ميار : مدري لسى ما حجزت مشاعل : الله يعينها وجلسوا يتناقشوا في موضوعها وقررو ياجلو الي كانو بيسوا لهم لين ترجع مريم من الكويت يمكن هالشي ينفعهم ويرجعوا لبعض ........................ وسيم سكر من نواف ولقى بندر متصل عليه واتفقو على كل شي هناء : ايش كان يبغى وسيم : ولا شي بس يسال عن مريم هناء : اها طيب كلمت نواف وسيم : ايوة وبيحجز لها باسرع وقت هناء : مع اني مرة مو حابة سفرتها دي وسيم : ما تعرفي يمكن روحتها لهناك خيرة هناء : يمكن وراح وهوا مبسوط من الي راح يسوه هو وبندر عشان يرجعوا مريم وراشد لبعض ........................ . . . تفارقنـا وصـرنا يـا حبيبـي بالزمـان أغـراااب وتاهت في دروب الشوق يا عمـري خطاوينـا تفارقنا ولا ندري عـن الفـرقـا وش الأسبـاب ظـروف الوقـت ولا خانت أحكـام القـدر فينـا حبيبي يا بعد كل الحضور ويا بعد مـن غـاب ترى لـو عـانـدت دنيـاي مـا و اللـه تنـسـيـنـا أكيـد إنـا تفارقـنـا .. ولكـن مـا نـزال أحبـاب سكن فينا غلااااك اللـي علـى بعـدك يواسينـا . . . مسح دموعها و حضنت صورتو مريم : وحشتني يا قلبي .. وسارت تطالع في الصوة وتكلمها .. مو قادرة اسوي شي وانت مو معاي حياتي مالا معنى بدونك .. وبكيت مرة ثانية عزام مر من جمب غرفتها و سمعها تقطع قلبو عليها بس مو قادرين يسوا لها شي وطلع جوالو ودق ودخل غرفتها مريم مسحت دموعها : ايش في اعطاها الجوال بدون اي كلمة مريم مسكت الجوال وحتو على اذنها تجمدت في مكانها سمعت صوتو راشد : الو الو عزام ايش بك مريم : ........... راشد : الو عزام مريم بس تشاهق راشد عرفها : حبي مريم : .......... راشد : حبيبتي مريم بصوت مهزوز : هلا راشد : كيفك حبيبي ؟؟ مريم : مو كويسة بدونك وانت ؟؟ راشد : راشد بدونك مالو وجود مريم ودموعها على خدها : لا لاتقول كدا راشد : بس هادي الحقيقة مافي وجود لراشد بدون مريم وادري انو مافي وجود لمريم بدون راشد مريم : بس الحين مافي وجود لمريم وراشد راشد : لا ان شاء الله بيرجعوا مريم وراشد مريم : راشد انا لازم اسكر راشد تنهد : اوك انتبهي على نفسك عشاني وانتبهي على الي ببطنك مريم : اوك وانت كمان انتبه على نفسك راشد : احبك مريم بالم : اعششقك سكر راشد وهيا اعطت عزام الجوال ورجعت تبكي عزام : دامك تحبيه قد كدا ليش بتنفصلي عنو ليش ما ترجعي يا مريم مريم : ............... نهاية البارت توقعاتكم والبارت الجاي يوم الثلاثاء همـــــ الغلا ــــــس