يزداد عشقي لكيانك ويزداد طمعي فيك فرفقا لاجلي - الفصل 12 - بقلم همس الغلا - مكتملة | روايتك

البارت الرابع عشر اجمل لحضه عشتها يوم قلتي احبك موت ارتجف جسمي وهزني من شوقك الشوق كن حبك فرض واجب واخاف انا فرضي يفوت وكن حبك سحر يجري في انفاسي والعروق يشتاق لك قلبي لكن يغلبه السكوت وان سكت صار قلبي من بين الاضلاع مسروق احترت اخبي اشواقي او اردد احبك موت ان قلتها هدني الخجل وان كتمت هدني الشوق صحيت بكسل تحس براحة سار لها يومين ما نامت في حضنو راشد : صباح الجوري مريم : صباح النور راشد : يلا حبيبي روحي اتروشي وغيري عشان نفطر مريم : طيب كان جالس مع اخوانو بس تفكيرو مع مريم يحس فيها شي حسام : تصدقوا احس في شي مو طبيعي بين مريم وراشد زياد : انا كمان عزام : لا ما في شي عماد : متأكد عزام : ايوة حسام : انت تعرف شي احنا ما نعرفو عزام : لا ما قدرت تنام طول الليل وهيا تفكر بحال راشد ومريم دينا : دندون حبيبي ايش بك ؟؟ دانة : ما فيا شي دينا : طيب ليش شكلك كدا دانة : يمكن عشاني بلا نوم دينا : اها ديانا : ايش عندك مما نمتي ولا ليكون سهرانة مع الاخ وليد دانة : سهرانة مع وليد عندك مانع ديانا : لا مين انا عشان يكون عندي مانع دانة : كويس برضو خلصت ترويش وراحوا يفطروا وقررت تفاتحوا في الموضوع مريم : راشد راشد : لبيه مريم : اممم عشان الي صار يعني راشد قاطعها : عارف ايش حتقولي مريم : جد ؟! راشد : ايوة بس الي مضايقني كيف خبيتي عليا المفروض تقوليلي عشان نوقف مع بعض ادري انك تبغي تساعديني بس مو كدا يا قلبي مريم : امم يعني مو زعلان مني راشد : لا ياروحي مو زعلان بس عندي طلب مريم : امرني راشد : ما ابغاكي تخبي عليا شي زي كدا مرة ثانية مريم : طيب والحين ايش حنسوي راشد : ولا شي احنا قدامهم حنكون متزاعلين ولما نصير لوحدنا نرجع زي ما كنا مريم : طيب راشد : وبعد كدا لاتحرميني منك مريم : ابشر يا قلب مريم وحاوطت رقبتو وباسها في شفايفها بوسة طويلة مريم بحب : اعششقك يا قلب مريم انت راشد : وانا امووت في هواك يا روح راشد مريم : لازم تداوم اليوم راشد : لا ليش مريم بدلع وهيا تلعب بازارير قميصو : ابغاك تجلس معايا اليوم راشد وهوا يبوس خدها : ودوام مو مداوم كويس كدا مريم باست خدو : ايوة راشد : وحشتيني مريم : وانت اكثر راشد حضنها كلهم مستغربين سبب تغير وليد ومبسوطين في نفس الوقت شهد : ايش عندو الاخ وليد عهد : علمي علمك سيف : وليد ايش فيك ؟؟ وليد : ولا شي سيف : متأكد وليد : ايوة سيف : براحتك وليد : اكيد براحتي اجل براحتك سيف : مالت هادا وانا خايف عليك وليد : اروح اكلم دانة احسن لي سيف : روح روح اصلا انت ما غير ماسك الجوال وتكلم دانة وليد : وانت وش عليك ليكون غيران بس سيف : وليش اغار وليد : مدري عنك ندى : بس بس وانتو دايما تتناقرو خلاص يكفي وليد : روح شوف زوجتك شكلها زعلانة روح راضيها سبف : رايح من غير ما تقول وليد : روح روح جالسين قدام التلفزيون وكانت مرة مبسوطة عشان مشاري امل : ايش عندو الاخ مشاري مشاري : ولا شي ليش امل : ابدا بس من زمان ما شوفتك جالس كدا مشاري : اممم بصراحة امل : ايوة مشاري : انا قررت اتزوج امل نطت عندو : احلف مشاري : ههه والله امل : ومين تعيسة الحظ سوري سعيدة الحظ مشاري : جودي اماني : ايش بها جودي امل : ماما مشاري قرر يخطب اماني بفرحة : جد امل : ايوة اماني : وفي بنت في بالك ولا ادور لك على وحدة مشاري : لا امي ابغى جودي صحبة امل اماني : زين ما اخترت يا ولدي والبنت ماشاء الله جمال واخلاق امل : بس للحين ماني مصدقة ن جودي قدرت تجيب راسك وتنسيك الي صار مشاري : ولا انا امل واماني : ههههههههههههه جودي وليال كانوا بالسوق ودوبهم رجعوا جودي : افف تعبت ليال : وانا كمان يووه احس من زمان ما رحت السوق ولا لفيتو كدا زي اليوم جودي : من جد ليال : الا تعالي مو كنتي بتقولي لامل تجي معانا جودي : الا بس بعدين افتكرت اخوها وبطلت ليال : مشاري ليش ؟؟ جودي : بصراحة مدري بس يعني احس نظراتو ليا مدري كيف وكمان اتوتر لما يكون معانا في نفس المكان معرف ليش ليال " والله شكلك يا جودي حبيته وانتي مو حاسة بس ما رح اقولك الا لما اتأكد لاني خايفة عليكي من هالحب ياقلبي " : اها جودي : ايش بك شردتي ليال : ابدا بس افتكرت شي جودي : ايش ليال بالم : ولا شي جودي : ليكون افتكرتيه ليال : لا جودي حضنتها : ليلو حبيبي انا اختك واكثر انسانة تفهمك ادري انك افتكرتيه بس خلاص انسي لان هالحب ما رح ينفعك وحسب الي فهمتو منك انو مو لكي فخلاص يا قلبي انتي انسيه ليال بكيت : والله اني حاولت كثير انساه وللحين احاول بس ما قدرت مو بيدي جودي : ادري يا قلبي بس للحين ما قولتيلي مين هوا ليال : لا راح احتفظ باسمو لنفسي جودي : لمتى ؟؟ ليال : لحد ما يسير ليا او ربي يكتب لي نصيب مع غيرو وساعتها راح امحيه من عقلي وقلبي جودي : كل هالسنين ولسى ما محيتيه من قلبك ليال : صحيح انو كان معايا بايطاليا وانو مرت سنين من وقت ما رجعت من ايطاليا وخلصت جامعة بس للحين ما قدرت امحيه من قلبي وعقلي جودي : الله يكون في عونك ليال ابتسمت : ما علينا مني مريم كيفها جودي : مدري سارلي يومين ما كلمتها ليال : ايش رايك نروح عندها جودي : اوك بس مو الحين ليال : انا طالعة فوق بغير وانام شوي واذا جات ماما صحيني جودي : طيب كان جالس عالكرسي في المستشفى وفجأة انور : ههههههههههههههههههههههه مشاري : خير اخ انور ايش عندك انور وهوا يعطيه الجوال : اقرأ مشاري : ههههههههههههههههه وقسم راشد دا مخفة انور : ههههههههه بقوة مشاري : بس مو منو من بنت خالتك الي لاحسة مخو انور : في هادي صدقت مشاري : الله يوفقهم انور : اميين وانت مو ناوي تستقر مشاري : قريب ان شاء الله انور : اوو جد مشاري : يب يب وانت مو ناوي انور : انت تعرف اني مستحيل اتزوج بعد سوزي مشاري : و اولادك انور : وهادا الي شاغل بالي مشاري : فكر في هالشي كويس انور : اووك كانت جالسة تفكر فيه ليال : افف استغفر الله انا ايش سويت كيف افكر فيه كدا جودي : ايش بك ليال : ولا شي جودي : طفشانة ليال : وانا كمان امم ايش رايك نروح لميار جودي : اوك بس مين حيودينا ليال : طلوول جودي : اووك امشي نكلمو كانوا جالسين ويستهبلو شادي : هلوش ايش عندك هلا : ولا شي ليش شريف : ابد شايفينك مو على بعضك هلا : ما في شي وصلتها رسالة من كياني فتحتها . . الهدب .. والعين واحسآسي يبيگ والـ عشق .. والحُب .. والدنيا فدآگ والشعر قد ذاب .. في لمسة اياديگ يعشقـگ .. وحدك وﻹ‌ يبغى سوآگ . . ارسلت لو . . ابعترف لكك بععد ، هــالمد? بشي وابيك تدري في غﻼ‌ك ووضوحي إن جيتني › الدنيا تجي گل?ااِ لي وإن رحت اول مايرافقك روحي . . حلا : لحول من الحين شاغلها شادي : من جد بس انتي ايش حارق رزك ها حلا : ابدا وصلوا عند ميار والاخ طلال لسى عند الباب جودي : خير يا الحبيب ليال : يلا رووح طلال : رايح افف ميار : اهليين وحشتوني جودي : وانتي اكثر ليال : مو ناقصنا الا مريم وباقي الشلة ميار : الحين اكلمهم جودي : وناسة لو يجو ونجتمع زي زمان ليال : جد ميار : خلاص الحين اجيبهم وطبعا دقايق وكلهم جوا الا مريم الي ماردت منال : يالله من زمان ما اجتمعنا زي كدا سراء : ايوة من بعد داك اليوم جمانة : مريم ما رح تجي ميار : دقيت عليها وما ردت شكلها مشغولة مع راشد جوانا : يا دا راشد الي ناشب لنا جودي : من جد ليال : نفسي اغتالو منال : عشان مريم تشوتك ليال : لا الحين ما تقدر تسوي شي وكرشتها قدامها جودي : صادقة ميار : صاير شكلها توحفة سراء : لاتسمعكم بس جوانا : من جد والله لو سمعتنا لتفجر فينا دخلت عالغرفة وانصدمت من الي شافتو مريم والدموع في عينها : مع غدير يا راشد راشد : ااا غدير : لازم نقولها يا راشد لمتى حنخبي مريم : يقولي ايش راشد : انا ما احبك انا احب غدير وابغاها مريم : وانا راشد : ما تهميني ابدا مريم : طيب مو مهم انا وابننا راشد : قصدك ابنك انتي هادي اكبر غلطة سويتها بعد ما تركت حبيبتي عشانك ودفها وخبطت في الجدار وووو نهاية البارت ميار وقصة حبها ايش حيسير ؟؟ راشد وغدير ايش الحكاية ؟؟ مريم ايش حيسير فيها بعد ما دفها راشد ؟؟ همــــ الغلا ـــــس