الفصل 10
البارت الحادي عشر
قالوا كيف الحب ياأسير العيون ؟؟
قلت الحب عشق وفنون ..
قالوا العشق من عذابه جنون !!
قلت العذاب في الحب يهون ..
قالوا الجفا من طبعه سكون !!
قلت الشوق احلى شجون ..
قالو الحبيب يمكن يخون ؟؟
قلت اللي يحب لازم يصون ..
وليد : راشد ايش بك شكلك ما يطمن ابدا
راشد : مريم راح تتركني
وليد : ايش الي يخليك تقول كدا ؟؟ وبعدين مريم تحبك كيف حتتركك
راشد : مريم طالبة الطلاق
وليد : ايش ؟؟
راشد : الي سمعتو
وليد : ليش ايش الي صار
راشد : عمتك امس جاتنا هيا وغدير
وليد : ليكون غدير مسوية شي ؟؟
راشد : ايوة
وليد : ايش سوت ؟؟
راشد : دخلت الغرفة عشان انادي مريم بس لحقتني غدير وقالت انها تحبني ومدري ايش وحضنتني وانا ابعدها عني دخلت مريم
وليد : من جدك انت ؟؟
راشد : ايوة والمشكلة مريم ما تبغى تسمعني
وليد : جنت دي ولا ايش ؟؟ بعدين عمتك كيف ساكتة لها
راشد : بلاك ما تدري ان عمتك هيا الي مخططة عشان اسيب مريم واتزوج غدير
وليد : و الله ما اعرف ايش اقولك بس انت ايش ناوي تسوي ليكون بتسمع كلام زوجتك وبتطلقها
راشد : لا طبعا وليد انا احبها
وليد : كويس وانا بشوف دانة واخليها تحاول معاها
راشد : خليها ربك الا ما قولتلي كيفك انت ودانة وكيف الاوضاع بينكم
وليد : في احسن حال
راشد : ايش صاير
وليد : تتذكر البنت الي حكيتلك عنها
راشد : ملاكك ؟؟
وليد : ايوة
راشد : ايش بها ؟؟
وليد : طلعت دانة
راشد : هههههههههههه اجل ما تبغاها وما اعرف ايش وفي النهاية تطلع ملاكك هههههه والله انك نكتة
وليد : وجع تعرف لو ما كان هالشي ضحكك كنت وريتك شغلك
راشد : يلا اخليك الحين
وليد : على وين
راشد : بروح اشوف مريم حتى لو ما تبغاني لاتنسى انها حامل
وليد : الله معاك
هيا لسى تبكي من وقت ما خرج راشد هيا ما تبغى تزعلو وتبغى تقولو انها مصدقاه بس ما تقدر
مريم : تحملني شوي حبيبي تحمل عشان اقدر اساعدك واطلعك من الي حيسير
راشد كان داخل وسمعها حس ان في شي هوا ما يعرفو وقرر يسايرها لانو عرف انها ما تسوي كدا الا لمصلحتو
راشد : حياتي قومي كولي من امس ما اكلتي شي مايسير كدا
مريم : ما ابغى شي
راشد : مريم يا روحي انتي مايسير كدا انتي من امس بلا اكل وغير كدا انتي حامل واذا مو عشانك عشان الي في بطنك
مريم : طيب حاكل
راشد : ايش حابة تاكلي ؟؟
مريم : امم نفسي في اكل ايطالي
راشد : ابشري الحين اروح اجيبلك هوا
مريم : شكرا راشد
راشد : العفو يا قلبي
مريم : وربك احبك يا راشد بس لازم اسوي كدا
راشد راح اشترى لها الاكل ورجع
راشد : يلا حبيبي تعالي كلي
مريم ما عرفت تاكل وحاست
مريم : راشد ممكن تساعدي شوي
راشد : اكيد يا قلبي
من وقت ما عرفت ان بنتها عايشة وانها شافت اخوانها مي قادرة تصبر حابة تشوفها 24 سنة ما شافتها
ملاك : حسام كلمها وخليها تجي ابغى اشوفها
حسام : يا امي يا حبيتي خلاص اليوم اكلمها وبكرة ان شاء الله بتكون عندك
زياد : مين هيا ؟؟
عماد : مريم
عزام : مين مريم
حسام : اختنا
زياد : احلف
عزام : يعني لقيتوها
حسام : والله .. ايوة عزام لقيناها هيا الي عالجت ملاك
عزام : اجل بنتي الحلوة الي خلتكم تشوفوها
عماد : ايون عليك لمبة
زياد : اسمها عليك نور مو لمبة الله يخلف بس
عماد : كيفي يا خي انا بقول كدا انا حر
زياد : طيب طيب
سعيد : هههههه الله يخلف بس اقول قومو عشان نخرج احسن لنا
.......................
اعرفكم بعيلة مريم التانية
ملاك : امها ام طيبة وحنونة وتخاف على عيالها وكل همها سعادتهم
سعيد : زوج الام طيب وحنون ويحب عيالو وما يرفض لهم طلب
عزام : ولد سعيد الكبير من زوجتو الاولى شاب وسيم لابعد الحدود طيب وحنون يحب اخوانو وينطبق عليه مثل اتقي شر الحليم اذا غضب متزوج وعندو بنت الي هيا ملاك عمرو 29 سنة نقيب شرطة
وداد : زوجة عزام توفت وهيا تولد ملاك
ملاك : بنت عزام بنوتة تزنن دبدوبة وبريئة حييل شعرها كستنائي لنص ظهرها مرة متعلقة في عماد عمرها 4 سنين
حسام : شاب طموح وحلو فيه شبه من مريم ومرة يحب اهلو ويخاف عليهم وياويل تالي يقرب منهم عمرو 24 سنة مبرمج
عماد : مرجوج مخبول وما عليه من احد << طالع لاختو هع >> بس طيوب وما يحب يزعل احد ولا يحب يشوف دموع احد عمرو 22 سنة محامي
زياد : العن من عماد واربع وعشريت ساعة يناقر عماد هوايتو حريق الاعصاب والاستفزاز هع عمرو 20 سنة ما زال طالب جامعي
................................
مشغول بالها عليهم من وقت ما كلمها وليد وقال لها الي سار
دانة : ديانا ايش رايك نروح لمريم وراشد
ديانا : لا مو حلوة اكيد يبغو يقعدو لوحدهم
دانة " بلاك ما تدري " : ما اتوقع
دينا : بس انا عندي فكرة
دانة : ايش
دينا : نروح البحر احنا وباقي العيلة
ديانا : واخيرا طلعتي بشي مفيد
دينا : وجع
دانة : بس كيف نقنعهم
دينا : سهلة انتي كلمي وليد وديانا تكلم غالب وندى تكلم سيف وغيداء تكلم صالح واكيد حيوافقو وكذا نقدر نقنعهم مع بعض
دانة : فكرة حلووة
ريان : ايش عندكم ؟؟
ديانا : دينا شغلت عقلها اليوم
راكان : مستحيل ما اصدق
دينا : خير طاحية من عينكم انت وهيا
دانة : يمكن هع
راكان : ايش الي سار
دانة : نبغى نروح البحر
ريان : فكرة
وراحو يقنعو الحكومة
طبعا الكل وافق عشان صالح ومؤيد
في البحر
غدير : مريم كيفك انتي وراشد الحين ؟؟
مريم : تمام مافي احسن مننا
وليد بهمس : راشد شكلها تلمح للي سار ؟؟
راشد بنفس الهمس : شكلو خلينا نسمع
دانة : ايش عندك تسالي عنهم
غدير : ابدا بس امس لما كنا عندهم حسينا انهم متزاعلين
مريم : بسم الله علينا فال الله ولا فالك احنا باحسن حال وامس كنت تعبانة شوي تعرفي عشان الحمل وكذا
غدير انقهرت
راشد بهمس : بعدي والله
وليد بنفس الهمس : ههههه تستاهل
راشد : هههههه ادري فديت زوجتي بس
مريم : حساام حسووم
حسام : اووو دكتورتنا الحلوة هنا
مريم : ايون
عماد : وانتي في كل مكان
مريم : ايون
عماد : مايسير نشوفك في كل مكان
راشد : الا ولا كيف حيكون يومكم حلوو
عماد : وروميو كمان هنا يا مرحبا يا مرحبا
مريم : ههههههههههه مخبول
عماد : طالع لك
حسام : صح انتي الكبيرة
زياد : ما عرفتونا
عماد : امم مين حابين تشوفوا ؟؟
ريان : مريم
مريم : وهادي مريم قدامكم
زياد : دقيقة دقيقة انتي اختنا
مريم : ايون
زياد : اوو يا مرحبا يا مرحبا .. وراح بيحضنها
راشد : انتبه تراها حامل
زياد : ها
حسام : هههههههههه
مريم : ايش عندكم هنا ؟؟
زياد : ابدا بس الاخ ابونا حب يطلع الانسة امنا
مريم وراشد : هههههههههههههههههه
مريم : يعني ماما هنا
حسام : ايوة
مريم : امم ابغى اشوفها
عماد : طيب تعالي
مريم : راشد عادي تجي معايا
راشد : اكيد يا قلبي تعالي
عماد : ما يسير كدا مو قدامنا راعو مشاعرنا شوي ترانا عزاب
الكل : هههههههههههه
حسام : امي شوفي مين معايا
ملاك : مين
عماد : مريم
ملاك : بنتي
مريم : ايوة ماما
ملاك : مريم بنتي
حسام : ترانا في البحر
زياد : يوو ما عرفناكم وخلينا الرجال واقف
عماد : دا راشد زوج مريم
سعيد : متزوجة
حسام : ايوة وحامل كمان
سعيد : مبروك يا بنتي
مريم : الله يبارك فيك بابا سعيد
ابتسم سعيد
حسام : ودا عزام اخونا الكبير
زياد : اكبر منك حتى
راشد : اكبر منها ؟؟
حسام : يب هوا اخونا من الاب ومن الرضاعة كمان
راشد : اها
عزام : طالعين لوحدكم
راشد : لا طالعين مع اهلي تعالوا اجلسوا معانا
سعيد : طيب
ريان : زيااد
زياد : اوو ريان
ريان : ايش عندك هنا
راشد : زياد اخو مريم
ريان : اما
زياد : شوفت كيف
ريان : وناسة ياخي
عماد : ارحلوا
مريم : ههههههههههه
حسام : احنا بعماد وزياد ويالله خالصين
ريان : اجل الله يعينكم على اختكم
عزام : حرام عليك باين عليها طيوبة حييل
راكان : هههههههههه يا حبيبي انذل من اختكم مافي وبتقولو راكان قال
مريم : راشد شوف اخوك
راشد : راكان
راكان : خلاص خلاص حسكت
الكل : ههههههههههههه
وليد بهمس : راشد ايش في مو قايل لي انها زعلانة
راشد : والله مدري بس في شي ما نعرفو
وليد : يمكن عشان تقهر غدير
راشد : يمكن
غيداء : مريم ايش رايك نتمشى شوي
مريم : اووك .. راشد عادي اروح
راشد : ايوة يا قلبي
وراحو يتمشوا
غيداء : مريم
مريم : هلا
غيداء : ترى الي شوفتيه في بيتكم امس مو صح ترى غدير وماما خططوا لدا الشي
مريم : ادري
غيداء : ما فهمت عليكي اذا تدري ليش زعلانة من راشد
مريم : مين قال انا مو زعلانة منو بس لازم اسوي كدا
غيداء : ليش
مريم : راح اقولك بس هالشي حيكون بيننا
غيداء : اووك
مريم : امس سمعت امك وهيا تطلب من غدير تروح وتدخل لراشد وكمان قالت بعد الي حيسير حتقول لعمو بندر ان راشد غلطان مع غدير وراح تستغل اني شوفت غدير مع راشد وزعلي من راشد عشان تخليهم يتاكدوا وكدا راشد يتزوج غدير ولو ماسويت كدا اكيد حيفكروا في شي تاني بس كدا انا حقدر اساعد راشد بعدين لو قالت لعمو بندر فهمتي
غيداء : بصراحة ما توقعت هالشي من ماما وغدير .. والتفتت لمريم .. انا اسفة ما اعرف ايش اقولك بس
مريم قاطعتها : لا عادي ياقلبي انتي مالك صلاح
انصدمت ما توقعت هالشي منهم صح تعرف انهم يبغوا يخربوا حياة مريم وراشد بس مو لدي الدرجة
وليد : دندونة حبيبي ايش بك
دانة : ولا شي
وليد : دانة
دانة ما قدرت تتحمل وبكيت
وليد : دانة يا عمري ايش في ؟؟
دانة : كنت امشي ابغى اروح لمريم وغيداء ولما وصلت سمعت مريم تقول لغيدا امس سمعت امك وهيا تطلب من غدير تروح وتدخل لراشد وكمان قالت بعد الي حيسير حتقول لعمو بندر ان راشد غلطان مع غدير وراح تستغل اني شوفت غدير مع راشد وزعلي من راشد عشان تخليهم يتاكدوا وكدا راشد يتزوج غدير ولو ماسويت كدا اكيد حيفكروا في شي تاني بس كدا انا حقدر اساعد راشد بعدين لو قالت لعمو بندر فهمتي
وليد : ايش
دانة : ليش يسو كذا راشد ايش سوا لهم
وليد : لازم نقول لراشد
دانة : لا لو عرفوا ان وراشد يدري اكيد حيفكروا في شي تاني زي ما قالت مريم
وليد : لا حبيبي حنقول لراشد وراشد حيسوي نفسو ما يدري
دانة : بس
وليد : لازم نقول لراشد منتي شايفة راشد كيف يتعذب مسكين يفكر ان مريم رافضاه وتبغى الطلاق
دانة : اووك
راشد : ما يحتاج سمعت كل شي
دانة : طيب ايش حتسوي ؟؟
راشد : انا حتصرف
وليد : لا تتهور يا راشد
راشد : لا تخاف
عزام الي سمع كل شي ابتسم و تطمن على اختو
ورجع الكل على بيتو
مريم من التعب نامت في السيارة لما وصلوا شالها راشد وحطها فوق السرير
راشد وهوا يمسح على شعرها : اه يا قلبي ليش متحملة كل دا عشاني ليش ما قولتيلي وكنت ساعدك الله يخليكي ليا
وباس راسها ونام
نهاية البارت
توقعاتكم
راشد بعد ما عرف الي مخبياه مريم ايش حيسوي ؟؟
غدير وامها حيقدروا يفرقوا بين مريم وراشد ولا لا ؟؟
همــــ الغلا ـــس