الفصل 15
البـــ[15]ـــارت
مشكوووووريييين حبايبي ع الردود وآسفة ع التأخير وهذا هو البارت…
( اليوم الثاني) الساعة3:00 العصر..
&&& في قصر بو وليد&&&
رجعت البيت وهي فرحانه بتشوف وليد
كان وليد طالع اول ماشافها فرح شاف دلوعته وبنته فتح يده لها
ركضت له وحضنها وشالها
وليد: ريوفه حياتي ليش ماخليتيني اجيك اخذك
ريوف: عادي مو بلازم مابي اخوي حبيبي يتعب نفسه
وليد باسها ع خدها : لا تعب ولا شي — نزلها ودخلوا داخل الصالة وجلسوا—
ريوف: كيف البيت من دوني؟؟
وليد: وعععع مو حلوا ضيييم
ريوف: هههههههه— ضربته بخفه ع كتفه— يابكاش كلها يوم
وليد: والله كانها سنه
ريوف: هههههههههه
نورة وهي نازلة من الدرج: ريووووفه رجعتي
ريوف وقفت: يب
نورة تسلم عليها: مو قلتي بتيجين اليل
ريوف: اي بس ماستحملت ابعد عن لودي
نورة تخصرت: لا والله وانا
ريوف تحضن وليد: لا بس وليد
نورة ابتسمت وجلست: ماالت
دخل يزيد: عليييك ريووفه هنا
سلم عليها وقعد: كيف دلوعتنا
ريوف: تمام انت كيفك؟؟
يزيد: عال العال
دخل بو وليد: حبيبت بابا
ريوف نقزة وحضنته وباسته ع راسه: كيفك يالغالي؟؟؟
بووليد ببتسامه: بخير ياحبيبت البابا
دخلت وراه ام وليد
ريوف تبوس يدها وراسها: كيفك يالغاليه
ام وليد: بخير ياعمري
ريوف بلقافه: وين كنتوا
بو وليد: في المستشفى
ريوف بخواف: لييييش؟؟
بو وليد: امك تعبت علينا وودينها المستشفى
ريوف نقزة جنب امها وباست راسها: سلامات يالغاليه
ام وليد ببتسامه: الله يسلمك يايمه
ريوف باستهبال: كل هذا عشاني نمت في بيت خالي
نورة: لا يكثر بس
الكل: ههههههههههههههههههههههه
&&& في قصر بو خالد &&&
في جناح جنا..
جنا تكلم صاحبتها بالجوال
جنا: ههههه ... امممم مادري بشوف مامي وارد عليك ... اوك سي يو
قفلت جنا من صاحبتها ونزلت لأمها
جنا: مامي
ام خالد: هلا
جنا: مامي بروح اتقابل مع مرام في الكفي
ام خالد: اوك بس لا تتأخرين
جنا: اوك ثنكس— وطلعت لجناحها —
خذت لها شور سريع واستشورت شعرها ولبسة بلوزة بيج باكمام طويلة وتنورة قصيرة بنية لفوق الركبة وحزام عريض بني حطت قلوس لحمي ومسكرا وشدو بني وبلاشر لبسة اسورا بنية وبيج ولبسة جزمه— اكرمكم الله— طويلة توصل لنص الساق بالون البيج اخذت عبايتها وحطتها ع يدها ومسكت بيدها الثانية شنطتها البنيه وطلعت من الجناح قابلت في طريقها لوجين وقفت في طريقها: وين طالعه
جنا ببتسامه: بروح اقابل صاحبتي مرام
لوجين بأمر: منتي طالعه
جنا: بس ماما وافقت لي
لوجين: اتوقع سمعتيني مافي طلعه يعني مافي طلعه
جنا: طيب ليش؟؟؟
لوجين: بدون ليش تنطقين هينا وانت ساكته
جنا رفعة حاجبها الأيسر: لا والله انا اخذت الأذن من امي يعني خلاص
لوجين: وانا اقدر اروح لها واقولها تقولك مافي روحه
جنا: لوجين ايش فيك ليش تبين تمنعيني؟؟
لوجين: انتهى الموضوع اعتذري منها وخلاص ينتهي
جنا طنشتها وجت بتمشي ماتحس الا بإيد تسحبها
لوجين: انا لما اكلمك ماتحقريني فاهمه
جنا: لوجين بعدي ايدك
…: جنا لوجين ايش فيكم تتهاوشون اصواتكم واصله لين تحت
جنا: خالد قلها تبعد ايدها عني
خالد: لوجين اتركيها
لوجين تركتها
جنا: بعدي عن طريقي بروح
لوحين: قلت لك مافي روحه
خالد: وين بتروحين
جنا: مع صاحبتي مرام للكفي
خالد كشر: اها وامي راضيه لك
جنا: اي بس لوقي مو راضيه
خالد: ليش منتي راضيه؟؟
لوجين: كلمه وقلتها ان طلعتي ياجنا مانتي اختي ولا اعرفك واذا تبيك تيجي عندك— ودخلة جناحها—
جنا تبكي
خالد راح لها وحضنها: خلاص جنو لا تبكين
جنا: اهئ خالد مادري ل يش لوجين ماتبيني اروح
خالد مستغرب من لوجين بس بنفس الوقت مرتاح ان جنا ماتروح عند مرام: خلاص حبيبتي اختك اعرف بمصلحتك
دخلت جنا جناحها وغسلت وجها وبدلت ملابسها ودقت ع مرام
جنا: الوو مروم
مرام: هلا قلبو ها وافقت الوالدة
جنا: يب وافقت بس..
مرام باستغراب: بس ايش؟؟؟
جنا: لوقي مو راضيه اني اروح
مرام: ليش؟؟
جنا ببتسامه باهته: مادري بس لوقي تقول اذا تبيك تيجيك لبيتك
مرام بعصبيه: لا والله وانتي بتسمعين كلامها انشالله؟؟
جنا: اكييد
مرام بعصبيه مالها داعي: جنو لا تخلين اختك تتحكم فيك ترا بتندمين
جنا: مرام لاحظي انك تتكلمين ع اختي مااسمح لك ترا
مرام: اووووف اختي واختي مابنفتك من اختك ذي
جنا انقهرة مهما يكون هاذي اختها: مرااام احترمي نفسك
مرام: اقول باي باي يالبزر
جنا قفلت منها وهي مقهوره هذي اختها مهما يكون
&&& في قصر بو نواف&&&
في جناح ريناد: اففف ابي اعرف ايش بيسوي طلول الخبل في الدكتورة — قامت من مكانها وطلعت من الجناح وراحت جناح طلال فتحت الباب بدون ماتدق الباب—
طلال نقز لأنها ظربة الباب بقوة وطاح الجوال
طلال تنرفز: ماتعرفين طقين الباب آنسة ريناد
ريناد قعدت ع الكنبه وتربعت: لا اسمع طلول انا راسي صار يعورني منك
طلال باستغراب: ليه وش سويت لك؟؟
ريناد: طلوول حبيبي انت قولي ايش بتسوي في الدكتورة وجدان
طلال ابتسم بخبث وحط رجل ع رجل: انت ماعليك غير ان يوم الثلاثاءتكون منزلة راسها لك وتعتذر لك قدام الكل
ريناد: طيب قولي ايش راح تسوي ؟؟
طلال: رنود اقضبي الباب
ريناد: لا والله
طلال: ريناد والله ان ماطلعتي بقول لأبوي انت ايش تسوين في الجامعه
ريناد قامت وهي تتحلطم
سكر طلال وراها الباب
&&& في قصر بو عبد الله&&&
سلوى دخلت جناح حلا وشافتها ع مكتبها وحاطه راسها عليه: حلاوي
حلا رفعتراسها بهدوء: سم يمه
ام عبد الله: يلا قومي وخذي لك شور ع السريع ولبسي عشان نروح بيت جدك
حلا: اي جد فيهم
ام عبد الله: يعني مين ابوي
حلا: لا مو جايه
ام عبد الله: ليه انشالله
حلا برتباك: آآ عندي واجب
ام عبد الله: حليه في بيت جدك
حلا: لا فشلة بيقولون اني فاشلة توني احله
ام عبد الله: لا مابيقولون كذا قومي يلا
حلا: ماما قلتلك خلاص مابي يعني مابي
ام عبد الله: ترا لك شهر مارحتي لهم وامي اصرة انك تيجين لأنها مشتاقه لك
حلا: تشتاق لها العافيه خلاص انا بعدين بدق عليها
ام عبد الله: لا بتيجين معي عيب عليك
حلا بعصبية: خلاص يمه قلت مابجي يعني مابجي قوليلها ان عندي واجبات
ام عبد الله بعصبيه: شكله ابوك دلعك بزياده قومي يلا قدامي بتروحين ورجلك فوق رقبتك
حلا بعناد: لا مو رايحه طيب
ام عبد الله بصراخ: حلاااا احترمي نفسك ويلا قدام
حلا تسيح بالكرسي وبهدوء ينرفز الي قدامها: قلتلك مابروح
كان صراخهم يوصل لين تحت طلعوا سلطانه وخوله ودانه وبدر لجناح حلا وصاروا يسمعونهم من عند الباب
سلطانه ناظرت بدر بخوف ودانه ناطظرت خولة بخوف
دانه مسكت ايد بدر وعيونها مليانه دموع: ايش فيها حلا وماما يصرخون؟؟
بدر حضنها من الجنب
داخل.. ام عبد الله تمسكها من زندها وتوقفها : بتروحين غصب عليك
حلا: مابي ماما الله يخليك خلاص مابي
برا.. طلع لهم بو عبد الله مع عبد الله وشاف عياله يتصنتون ع جناح حلا
بوعبد الله: شتسون انتوا هنا
دانه راحت لأبوها وهي تبكي: بابا حلا وم ام ا داخل و ي ص رخ ون اهئ( بابا حلا وماما داخل ويصرخون)
داخل.، ام عبد الله: ليش ماتبين تروحين آنسه حلا؟؟
حلا: كذا مابي اروح بيتهم يجيب الهم اوك
ام عبد الله اتسعت عيونها ورفعت يدها بتظربها
دخل بو عبد الله: سلوووى
&&& في قصر بو خالد&&&
في جناح لوجين..
كانت قاعده ع مكتبها وماسكه راسها
لوجين" آآآخ ياليتك ياوليد ماقلتلي صرت اشك في اختي منك" سمعت احد يدق الباب
لوجين: ميييين؟؟؟
...: لوجين انا خالد
لوجين قامت وفتحت له الباب: نعم؟؟
خالد ببتسامه: ممكن ادخل؟؟
لوجين بعدت عن الباب : اكييد تفضل
دخل خالد الصالة وجلس ع الكنبه وجلسة لوجين قدامه
لوجين: سم ايش بغيت؟؟
خالد: لوقي ممكن اعرف ليش ماتبين جنا تروح تقابل صاحبتها؟؟
لوجين: تبي الصراحه ولا ابن عمها؟؟
خالد: اكيد الصراحه
لوجين " لا بتاخذ ابن عمها" : امم مرام هاذي ماحبيتها ابداً احس ان وراها شي وما ارتاح لها من حقي اخاف ع اختي
خالد: والله حتى انا احسها ماتصلح تكون صديقه لجنا
لوجين: شفت يعني متلومني اني اخاف ع اختي
خالد: اوك يلا عن اذنك
لوجين: اذنك معاك
طلع خالد من جناح لوجين
لوجين" اوفففف تعبت تعبت"
&&& في قصر بو عبد الله&&&
بوعبد الله: سلوووى
سلوى نزلت يدها والتفتت لسلطان: سلطان
شوف بنتك الماصون ماهي راضيه تروح بيت ابوي اقولها ليش تقولي— وتقلدها— مابي اروح بيتهم يجيب الهم
سلطان ناظر حلا الي ع طول عطتهم ظهرها: سلوى خلاص قولي لهم ان حلا عندها مذاكره
سلوى: بس حلا لها شهر وزود ماتروح بيت ابوي وامي وابوي مشتاقين لها
سلطان: خلاص انتي روحي وبخليها تدق عليهم يطمنون عليها
سلوى: طيب بس المره الجايه بتيجي ورجلها ع رقبتها
سلطان يجاريها: طيب طيب
طلعت سلوى وبقا سلطان مع حلا
برا.. اول ماطلعت سلوى من جناح حلا مسكتهادانه وهي تبكي: ماما ايش فيها حلا
سلوى ابتسمت لها بحنيه: مافيها شيئ ياماما بس انا وياها كنا نتناقش
مسحت دانه دموعها وراحت لجناحها تلبس
بدر بهمس بعد ماراحت امه: اي مبين انه نقاش
سلطان: بديييير
بدر: آآ انا رايح ابدل
خولة فطست ضحك عليه
سلطانه ناظرتها: خوخه
خولة كتمت ضحكتها وراحت لجناحها
داخل.. سلطان بهدوء جلس ع الكنبه : حلا
حلا ع نفس الحال: نعم؟؟
سلطان: حلا حبيبي انتي لك شهر وزود ماتروحين ع بيت جدك ممكن اعرف ليش؟؟
حلا برتباك: آآآآ لأن عندي مذاكرة
سلطان: حلا منقبل وانتي موراضيه تروحين بيت جدك حلاوي في احد من بنات خالاتك وخوالك مضايقينك؟؟
حلا: لا
سلطان: طيب ليش ماتبين تروحين؟؟
حلا تبي تنهي الموضوع: خلاص انا الحين بدق عليهم
سلطان عرف انها ماتبي تتكلم قام : خلاص بخليك براحتك تدقين عليهم
طلع سلطان من هنا وحلا رمت نفسها ع السرير وانهارت بكي بعد ربع ساعه قامت من مكانها وغسلت وجها اخذت جوالها والتصلت ع بيت جدها
...: الووو
حلا بارتباك: آالوو
...: هلا مين معي
حلا: آآنا حلا
...: هلا والله بحلوي كيفك؟؟
حلا: بخير مين معي
...: انا متعب نسيتي صوتي
حلا: هلا متعب ممكن تعطيني جدتي
متعب: ليش ماجيتي بيت جدي؟؟
حلا: عندي مذاكرة عطني جدتي
متعب يبي يطول الكلام معاها: طيب ويعني لو
حلا تقاطعه: عطني جدتي
متعب: ايش فيك شوي شوي ليش معصبه
حلا عصصبة خلاااص: متتتعب عطني جدتي
متعب: طيب طيب
راح لجدته وقلها ان حلا ع التلفون
&&& في بيت بو عادل&&
في غرفة ريم بالتحديد ...
ريم قاعدة تفكر في حالت امل وتركي...قطع تفكيرها جوالها ناظرت شاشة الجوال وكشرة وبنفس الوقت كل ماتشوف رقمه ع شاشة الجوال— لأنها ماتحط اسمه— تزيد دقات قلبها"هذا وقتك" ردت وهي مالها نفس<< اكيد عرفتوه دحوم
ريم: الوو
دحوم وهو رايق: هلا والله بأحلى الوو
رين: هلا
دحوم: كيفك ياقمر
ريم: تمام
دحوم: وانا بعد
ريم: اهمم عبد الرحمان ترارمالي خلق لك
دحوم: ليش ايش فيه الحلو زعلان ؟؟
ريم بحده: عبد الرحمان
دحوم: ياروح عبد الرحمان
ريم عصبة: راحت روحك قول آمين
دحوم انصدم لهذي الدرجه تكرهه وتتمن موته: مشكورة ماقصرتي يجي منك اكثر لاتحسبين ان هذي الكلمه اول مره مرت عليّ لااا قالتها لي مرة ابوي وابوي واخوي واختي وحتى جدي واعمامي وخوالي بس ماتوقعته انها تيجي منك انتي بذات— وسكر في وجها—
ريم" اووففف لا يكون زعل وانا ايش عليّ منه في ستين داهيه — تألمت لما قالتله كذا— اوففف مو هذا الي ابيه خلاص احسن"
قامت من مكانها وراحت تلبس: تيشيرت بلاك يبين اكتافها بأكمام طويله وبنطلون جنيز وحزام بني محمر وماحطة شي في وجها لأنها ماشاء لله حلوة بدون مكياج خلت شعرها مفتوح ولبسة عقد طويل بلاك وساعة واسوارة بلاك لبسة نعال— اكرمكم الله— كعب بلاك اخذة عبايتها وطلعت شافت قدامها تهاني كشرة وكملة طريقها
تهاني: ريييم
ريم ولا كأن احد يكلمها شافت عادل جاي ابتسمت له ومسكت ايده
تهاني انقهرة وطلعة لغرفتها
عادل: حبيبتي ريومه اذا كلمتك طنشيها اوك
ريم: وانا اسوي زي كذا بس هي تطقني
عادل: اذا طقتك بكسر يدها
ريم: تييب
ركبوا السيارة
عادل: رم رومه ع فكرة بعد مانروح بيت جدي بنروح بيت جدي الثاني<< يقصد ابو امه
ريم: اوك
وصلوا بيت جدهم ونزلوا وسلمو عليهم بعد السؤال عن الحال والأحوال..
سارة: ريموه قومي نروح غرفتي
ريم قامت: اوك
راحوا وطلعوا لغرفة سارة ..
سارة تتربع ع السرير وشغلة T.V وصارة تقلب بالقنوات بملل
ريم انسدحة ع السرير وتذكر كلام ( عبد الرحمان : مشكورة ماقصرتي يجي منك اكثر لاتحسبين ان هذي الكلمه اول مره مرت عليّ لااا قالتها لي مرة ابوي وابوي واخوي واختي وحتى جدي واعمامي وخوالي بس ماتوقعته انها تيجي منك انتي بذات ) صحة من سرحانها ع صوت سارة
ريم: ها هلا
سارة: صباح الخير
ريم: سوري كان بالي مشغول
سارة: وش الي شاغل بالك
ريم تربعت ع السرير: امممم كلمني عبد الرحمان
سارة بعدم اهتمام: لا جد احلفييي كانو اول مرة يدق عليك شي جديد اصلاً صار هذا روتين يومي
ريم: لا هالمره غيير
سارة باستغراب: كيف يعني؟؟
ريم: قالت لها السالفه
سارة: زييين احسن لك ليش تحسين بتأنيب الضمير مو هذا الي كنتي تبينه
ريم هزت راسها
سارة: خلاص طيب
ريم: مادري مادري
سارة ناظرتها باستغراب
&&& في قصر بو سالم&&& صار المغرب
في جناح امل..
مطفيه الأنوار وT.V يشتغل ومتربعة ع الكنبه ومعاها لحاف وكوب كورن وبيبسي كانت تتفرج فلم مرعب ( جرس الموت) << الي يخاف وقلبه رهيف وعنده القلب ماانصحه فييه مرررررع.. وكل ماجت لقطه مخيفه غطت وجها بالحاف او تعضه<< شكلها ماتفرجته ابد.. وتبكي كل مايتعذب واحد من الطلاب — كانت تشغل نفسها عشان ماتتذكر تركي— وكل شوي تصرخ.. دق باب الجناح وصرخت دخل بسرعه وشاف الأنوار مطفيه والكوب كورن ع الأرض T.V يشتغل وامل متخبيه تحت الحاف ضحك لما شاف هي ايش تتفرج
...: امووول ههههههه طلعي
امل تبعد الحاف عنها بشويش لما شافته اخذت الرموت ووقفت الفلم
امل توقف وصوتها مبحوح من البكي: في صل
فيصل: ههههههههههههههههههه ياخبله ايش خلاك تتفرجينه
امل راحت له وحظنته وانفجرت بكي— مو عشان الفلم كانت تبكي الم كان ودها تحضن احد وتبكي الم من حبيب قلبها—
فيصل يمسح ع شعرها: خلاص امول كله فلم
امل"ياليتك تعرف الي فيني ياخوي"
مسكها فيصل وسدحها ع السرير ويمسح ع شعرها لين نامت
&&& في بيت ثاني&&&
كان قاعد في الزاويه وضام نفسه ويبكي ويسمع اصوات حريم واصوات رجال
...صرخ بصوته الطفولي الضعيف: وييينك ياعذاب ويييينك ابيك اشتقت لك اهـئ عذااااااااااااب— كان يتكلم وصوتها متقطع من البكاء
دخل عليه عمه وهو منزعج من صوته تكلم ولسانه ثقييل: ان ماسكت ياحسن والله لأكسر هذا فوق راسك — ويأشر ع قزاز الخمر والعياذ بالله—
حسن بصوت طفولي: وي وين عذاب
عمه يضحك : ههههههه عذاب ماتت وشبعت موت — طبعاً كان يتكلم ولسانه ثقيل من الي يشربه—
حسن: لااا انت كذااب عذااب مو ميته عذاب مسافره عشان تشتغل
عمه عصب وتوجه له: مين الكذاب يا####
حسن ضم نفسه اكثر
دخل صاحب عمه ومسكه من يده وقال بصوت ثقيل: خلاص يامطلق اترك ذا البزر لا توصخ يدك فيه<< لا ياشيخ وانتوا ايش تشربون
العم مطلق ناظر حسن وتفل في وجهه وطلع
صديق مطلق راح لحسن وحضنه: خلاص ياحسن خلاص لاتبكي وانشاءلله بترجع لك عذا— كان هذا يمثل ع مطلق انه يشرب وهو متقزز من هذا الشي — .. عطاه خبزه
وقاله: كل انت الحين وبجيب لك عصير بعد شوي
طلع صديق مطلق وراح المطبخ يدور اي شي بس مالقى شيئ غير الخمر طلع من البيت وراح البقاله وجاب له عصير كوكتيل ورجع خباه في جيبه قبل مايدخل
مطلق بصوت ثقيل: وين كنت يا مصعب
مصعب وهو يثقل لسانه زيهم: آآ دقت عليّ حمود وقال انه مايفدر يجي
مطلق: اها
دخل مصعب غرفة حسن بدون مايحس فيه مطلق اعطا حسن العصير ومشا
( اليوم اثاني )
راح الكل للمدارس والجامعات والدوامات..
&&& في الشركه&&&
في مكتب تركي...
…: تركيييي
تركي توه يحس: ها هلا بغيت شي راكان؟؟
راكان: علامك يا خوي مو ع بعضك ترا ضارب مشوار عشانك وفي النهايه تقعد كذا بس ساكت وسرحان
تركي يتنهد: آآآآآخ ياراكان تعبان تعبان
راكان: سلامتك من التعب ياخوي
تركي وقف: راكان قول لعمي اني طلعت
راكان: انتبه ع نفسك
طلع تركي من الشركه وركب السيارة وصاير يمشي مايدري وين يروح
مرتاح ولا يتصنع قلبك الراحه
شايل في خاطرك ولا البال متهني
مجروح ولا شفى قلبك من جراحه
زعلان للحين ولا راضي عني
شخبار قلبك عسى مافارق أفراحه
أدري جرحتك وشلت بخاطرك مني
خسران بعدك وقلبي ضاعت أرباحه
غلطان أدري وابي فيك تسامحني
تدري عيوني بغيابك ماهي مرتاحه
تبكي على فراق طيفك وانت ذابحني
ياللي ذبحني غلا شكرا على رماحه
اللي طعني بها ومايوم ريحني
جيتك من الشوق والأشواق ذباحه
أسأل عيونك عسى للحين تذكرني
راضي بجرحك وانا ماأتصنع الراحه
تكفى عشاني ابي ترجع وتسمعني
لقا نفسه قدام مدرسة امل طلع وقعدع كبوت السيارة .. كان قاعد ع هذا الحال ربع ساعه ابتسم بألم ورجع للسيارة
&&& في قصر بو عبد الله&&& الساعة 1
في الصالة..
ام عبد الله: صدق يمه الله يفرح قلبك زي مافرحت قلبي
عبد الله ببتسامه: اي صدق يمه
دخلت دانه وهي شايلة شنطتها بتعب رمتها ع الأرض
دانه بصراخ: سييييييتيييييي سييييتيييي ووجع
جت سيتي بسررعه: yes
دانه : ودي شنطتي بسسرعه
سيتي: ok
دانه راحت لأمها وعبد الله
دانه سلمت ع امها وعبد الله رمت نفسها ع الكنبه : ايش الي صدق
ام عبد الله بفرح: عبد الله اخوك بيسوي زواجه يوم الأربعاء هذا
دانه جلست عدل وفتحت عيونها ع وسعهم: قول قسم
عبد الله: هههههه قسم
دانه قامت ونطت عليه وباسته ع راسه: مبروووووووك
عبد الله: هههه الله يبارك فيك
ام عبد الله + دانه: كللوووووووووووووووووش
&&& في قصر بو محمد&&&
ع سفرة الطعام الكل ماعادا تركي...
بو محمد: جد الله يتمم عليهم
ام محمد: آمين
دخل تركي واول ماحط رجولة ع اول درجه
بو محمد شافه لأن في دريشة كبييييرة تطل ع الصالة والممر الكبير الي يودي لدرج
بو محمد: تركي
تركي التفت له: سم يبه
بومحمد: تعال ماتبي تاكل؟؟
تركي: لا بالعافيه عليكم- وطلع-
كان وجه تركي مررره شاحب
بو محمد: كملوا ليش وقفتوا
كملوا اكلهم
&&& في قصر بو راكان&&&
رجع راكان وهو تعبان مرررره
مر ع امه وابوه كانوا في غرفة الطعام وسلم عليهموكان بيطلع
ام راكان: يمه راكان ماتبي تاكل نرا انا الي مسويته عشان خاطرك مو الطباخة
راكان ماحب يكسر بخاطرها ابتسم: خلي رغد تطلعه لي
ام راكان: طيب
طلع راكان واخد له شور سريع لبس بيجامه بيضا وع اطراف اكمامه واطراف نهاية البنطلون حق البيجامه والجيب العلوي مخطط بالأسود مسك الأستشوار عشان يجفف شعره سمع صوت دق باب الجناح ترك الأستشوار وراح للباب وفتحه شاف رغد تدف الطاولة وعليها الأكل مسك الطاولة
راكان: مشكورة حبيبي
رغد: مابين الأخوان شكر
راكان ابتسم لها
رغد: يلا عليك بالعافيه- وطلعت-
&&& في قصر بو نواف&&&
في جناح طلال بالتحديد...
طلال يكلم جوال: اي ... ماعليك المهم تسوي الي اقوله لك.... اسمها وجدان انس ال.…… اوك يلا سلام
سكر منه وابتسم بخبث انسدح ع السرير " بتندمين بتندمين يا وجدان دامك حطيتي راسك براس بنت أحمد ال……"
في جناح خلود ..
كانت تكلم منى: اممم اوك انتي ابش عليك منها في ستين داهيه
منى: اسكتي والي يسلمك اسكتي هذاي تجيب الهم المهم انا جايه عندك اليوم
خلود: حياك ياقلبي
( مر اليوم الثاني عادي والثالث عادي)
&&& في المدرسة الثناويه الأهليه......&&&
ريم كانت سرحانه ومو مع المعلمه الي تناديها
المعلمه بعصبيه: رييييييييييم
دقتهاامل برجلها عشان تنتبه
ريم توها تحس وقفت: ها نعم استاذة
المعلمه: الله ينعم عليك لي ساعه وانا اكلمك ليش ماتردين؟؟
ريم: سوري كنت سرحانه
المعلمه: يعني مافهمني ولا كلمه من الي قلته
ريم نزلة راسها
المعلمه: برا اطلعي برا
ريم ببرود طلعت برا
امل وميامي وسحر طالعوا بعض باستغراب — لأن ريم تحاجج عشان ماتنطرد من الحصه والحين مررره بارده—
طلعت ريم وراحت للحمامات— اكرمكم الله— ماتدري ليش تحس نفسها مخنوقه كل ماتذكرة كلام عبد الرحمان الي الا الآن مادق عليها من آخر مره تهاوشو فيها ...
دخلة ميّ عليها. وثشافتها سانده نفسها ع الجدار ورافعه رجل ومنزلة رجل ومنزلة راسها
ميّ: هاي ريم
ريم رفعة راسها بهدوء: هاي
ميّ: غريبة هاربه من حصة الرياضيات<< عشانها مو معاهم في الفصل في فصل ثاني
ريم: لا مو هاربه قولي مطروده
ميّ فتحت عيونه ع وسعهم: رييم تنطرد من الحصة ليش؟؟
ريم بوالعبرة خانقتها مو عشان المعلمه طردتها عشان كلام عبد الرحمان(:مشكورة ماقصرتي يجي منك اكثر لاتحسبين ان هذي الكلمه اول مره مرت عليّ لااا قالتها لي مرة ابوي وابوي واخوي واختي وحتى جدي واعمامي وخوالي بس ماتوقعته انها تيجي منك انتي بذات ) : لأني كنت سرحانه — وبكت وضمت وجها بيدها—
راحت لها ميّ وحضنتها: خلاص حياتي لا تبكين عادي كلنا انطردنا منتي اول وحده ولا آخر وحدة تنطرد من الحصة
ريم وهي تبكي" منتي فاهمه شي مانتي فاهمه شييي اهـئ"
بعد عشر دقايق هدت ريم ورن الجرس يعلن انتهاء الحصة وابتدء الفسحه غسلت ريم وجها واخذت منديل ومسحت وجها..
عند امل طلعة ع طول وصارة تدورها بالممرات ماشافتها شافت منى وخلود راحت لهم
امل: شفتوا ريم
منى: اوفف
خلود: لا
امل: مناوي وين ميّ
منى توها تتذكر ميّ: اي صح قالت للمعلمه انها بتروح الحمام— اكرمكم الله— ومارجعت
راحت ع طول امل للحمام شافت ريم تمسح وجها بالمنديل ومبين انها كانت تبكي
امل راحت لها بخوف: ريم ايش فيك
ميّ: الدلوعه كانت تبكي عشانها انطردت
ريم" هه من جد مانتي فاهمه شيئ"
امل: اوك ميّ سحر تبيك
ميّ: اوك سي يو
ريم+ امل: سي يو
امل التفتت لريم: ترا ماصدقتك ليش تبكين؟؟
ريم كانت لابسه جكت لأن فصلهم مررررره بارد<< زيناخخ... حطة الكاب ع راسها ونزلت قذلتها ع عينها
ريم: امل خلينا نمشي وبقولك
امل: اوك
طلعوا من الحمام— اكرمكم الله—
امل: يلا قولي
ريم: قالت لها عن الي صاربينها وبين عبد الرحمان آخر مرة..
امل فتحت عيونها ع وسعهم: كل هذا صار وانا مادري
ريم وهي منزلة راسها: ماكنت حابه اضايقك بموضوعي يكفي موضوعك
امل طنشت: طيب هوا الا الآن مادق عليك
ريم: اي
امل ناظرتها بخبث: وانتي خايفه عليه صح
ريم ناظرتها ورفعة حاجبها الأيسر: لا
امل: ريييييييييم لايكون حبيتيه
ريم ناظرتها باندهاش: طبعاً لا
امل ناظرتها بخبث: اكيييد
ريم: اكيدين
امل: بانشوف……
انتهـى البـــ[15]ـــارت
انشاء الله يعجبكم البارت
التوقــــــــعـــــات
1- حلا ليش ماتروح بيت جدها؟؟؟
2- هل علاقة ريم وعبد الرحمان بتنتهي؟؟؟
3- هل صحيح كلام امل ان ريم حبت عبد الرحمان ولا ممكن حنت عليها؟؟