ولد الترف والدلال - الفصل 31 - بقلم بنت الأكابر - مكتملة | روايتك

المحطة الواحدة والثلاثون: ((((العودة إلى أرض الوطن))) في الطيارة مقعد سلطان جمب مقعد حصه وهي عند الشباك .... سلطان بكل برود :ليه؟؟؟؟؟؟ حصه :سولف معي طفشت وش أسوي سلطان :نومي حصه :وش أنوم مالنا إلا ساعتين من ركبنا سلطان :شوفي مشعل نام حصه :وشعلي منه أهم شي ما تقرى ناس ميتين سلطان يسحب الكتاب منها :أشغلي عمرك بأي شي حصه بيأس :وش أسوي يعني ....؟؟؟ سلطان طلع جواله وطلع لها أشعار ومده لها :خذي نزار القباني أقريه واللي يعجبك تراه مني أهداء ... حصه تاخذ الجوال :تبي تسكتي سلطان :وش أسويلك يعني يالله اوووووش .... ورجع يقرى الكتاب وكان حافظ رقم الصفحة اللي وصل لها .... وحصه مسكت جوال سلطان وصارت تقرا وتقرا لمجاها النوم وبدت تتثاوب ..... سلطان لف عليها:نامي حصه :ما أبي أبي أقرى سلطان :أشوف عجبك حصه :مو كلها ...ما تحس أنه وسخ في شعره سلطان :وســخ !!!! لا ما أشوف في شعره شي ... وإذا بنظرك على قولتك وسخ ماهو أوسخ من غيره .... حصه بحامية :عجبني واحد مرة حلو وسلطان يقلدها بنفس نبرة الصوت :وشو وريني وراحت حصه تدور ومدت لسلطان وقراه : التحديات أتحدّى.. من إلى عينيكِ، يا سيّدتي، قد سبقوني يحملونَ الشمسَ في راحاتهمْ وعقودَ الياسمينِ.. أتحدّى كلَّ من عاشرتهم من مجانينَ، ومفقودينَ في بحرِ الحنينِ أن يحبّوكِ بأسلوبي، وطيشي، وجنوني.. أتحدّى.. كتبَ العشقِ ومخطوطاتهِ منذُ آلافِ القرونِ.. أن ترَيْ فيها كتاباً واحداً فيهِ، يا سيّدتي، ما ذكروني أتحدّاكِ أنا.. أنْ تجدي وطناً مثلَ فمي.. وسريراً دافئاً.. مثلَ عيوني أتحدّاهُم جميعاً.. أن يخطّوا لكِ مكتوبَ هوىً كمكاتيبِ غرامي.. أو يجيؤوكِ –على كثرتهم- بحروفٍ كحروف، وكلامٍ ككلامي.. أتحداكِ أنا أن تذكُري رجلاً من بينِ من أحببتهم أفرغَ الصيفَ بعينيكِ.. وفيروزَ البحورْ أتحدّى.. مفرداتِ الحبِّ في شتّى العصورْ والكتاباتِ على جدرانِ صيدونَ وصورْ فاقرأي أقدمَ أوراقَ الهوى.. تجديني دائماً بينَ السطورْ إنني أسكنُ في الحبّ.. فما من قبلةٍ.. أُخذتْ.. أو أُعطيتْ ليسَ لي فيها حلولٌ أو حضورْ... أتحدّى أشجعَ الفرسانِ.. يا سيّدتي وبواريدَ القبيلهْ.. أتحدّى من أحبُّوكِ ومن أحببتِهمْ منذُ ميلادكِ.. حتّى صرتِ كالنخلِ العراقيِّ.. طويلهْ أتحدّاهم جميعاً.. أن يكونوا قطرةً صُغرى ببحري.. أو يكونوا أطفأوا أعمارَهمْ مثلما أطفأتُ في عينيكِ عُمري.. أتحدّاكِ أنا.. أن تجدي عاشقاً مثلي.. وعصراً ذهبياً.. مثلَ عصري فارحلي، حيثُ تريدينَ.. ارحلي.. واضحكي، وابكي، وجوعي، فأنا أعرفُ أنْ لنْ تجدي موطناً فيهِ تنامينَ كصدري.. سلطان :كنت أعشق كتاباته أيام الجامعه لكن اللحين ما اقرى له إلا أذا أشتهيت ......... حصه :واللحين طحت في ذا الخايس سلطان :اللحين المتنبي خايس ونزار حلو حصه :أيه ما يعجبني هالمتنبي ما دخل راسي أبدا سلطان :عادي اختلاف أراء وممكن تكملين اللي قريتيه وأنا أكمل الكتاب .......... حصه :كمل جعله ينشق......... ضحك سلطان وكمل في سكوت وحصه رجعت لعالمها مع نزار لحد ما نامت وشال عنها سلطان الجوال وعدل رقبتها حتى ما تتألم لم تقوم ............ .................................................. ...... ماجد أنت معي .........ماجد ......مـــــــــاجد صفق محمد خد ماجد بخفه حتى يصحى من النومه الثقيلة صفقه كم مرة ما قام أخرتها جاب شوية موية ورشها عليه ولم ما قام بدا الخوف يدب في شرايين محمد ...... وشاف نبضه وتطمن أنه حي ..... .طلع بسرعه من البيت وربع ساعة إلا هو جاي معه الطبيب وطلب نقلة إلا المستشفى حالا وجى الأسعاف وشاله ماجد صحى لكنه مو معهم ........ ركبو له مغذي وبدا يستوعب شوي ...... وبعد دقايق معدودة كانوا في المستشفى ومن بعدها غاب ماجد عن عيون محمد لأنهم أخذوه للكشف ...... ومحمد راح يسوي أجرائات حقت المستشفى ......... من بعدها راح الغرفة اللي حطو ماجد فيها ..... دخل عليه لقاه صاحي وعليه المغذي .......... وقباله الممرضة تعبي أستبانة حالة ماجد الحين ..... سألها عن حالة ماجد لكن طنشته ورجع سألها وقالت أنها مجرد ممرضة مالها دخل في هذي الأشياء لكن جاوبته بأن ماجد مر في حالة (Diabetes coma) لأنها اعترفت أن ماجد (Comely boy) كتم ضحكته ...............وطلعت الممرضة ....... جلس يسبها محمد في نفسه على وقاحتها ثم لف على ماجد :هذا نهاية اللي ما ياكل شف انخفض السكر عندك والدكتور اللي قبل يقول فقر دم حاد..... ما جاوبه ماجد لكن غمض عيونه حتى يرتاح ............ .......................................... في مطار خالد الدولي ........الساعة 3 العصر واقف مشاري وجمبه أبو لافي أخو وعد .... ينتظرون وصولهم اللي تأخر بكل حرارة وشوق ..... وقضو وقتهم في السواليف حتى بان لهم من بعيد مشعل يدف سلطان ومن وراهم حرمتين ...... وعد أول ما شافت أخوها الكبير وهي اللي تصيح سلم عليها وضحك على صياحها وبنفس الوقت هداها لم هدت مشاري ومشعل ضمو بعض وقت طويل ومن ثم ابتعده مشاري عنه ونزل لسلطان وسلم عليه وحب راسه وهو مستانس انه صار يشوف ........ وسلم من بعيد على حصه وتحمد لها بالسلامة ...... ومشو جميع أبو لافي خذ وعد حتى تروح البيت وتسلم وبيرجعها بعد ساعة ولا ساعتين...... والباقين في سيارة مشاري ..... طول الطريق ضحك وفله بين سلطان ومشاري ولاحظ مشاري أن سلطان نفسيته عالي العال وما يدري وش السبب اللي مخلية كذا ........... أما مشعل كانت عيونه تغمض وتفتح فيه النوم وحصه لازمة الصمت مع ابتسامتها اللي من ابتسامة سلطان ... وصلو لبوابة القصر وأنصدم فاهم أن سلطان وصل وهو قال للرجال أمس أنه راح يجي بعد أربع شهور ........ طلعت ربى لهم وشافت سلطان يركبونه على الكرسي وصارت تناقز من الفرحة ودخلت جوا تزعق على شوق ورتاج عشان ينزلون ......شوق نزلت بسرعه رغم تعبها النفسي ورتاج اللي صارت رزينه !! نزلت على شويش....... دخلو العيال جوا وربى ضمت حصه بقوة ومن بعدها شوق ورتاج سلمت عليها عادي وتحمدت لها بالسلامة ........ نزلت أم مشاري وراح لها مشعل وحب راسها ويدها وسلمت على سلطان .......... وكان أزعاج في الصالة من السواليف .........وكانت لمه حلوة ... دخلت شوق الصغيرة وشافت أبوها يسولف مع جدتها وما صدقت ......وجلست تصيح بصوت عالي في مكانها وانتبه لها مشعل وراح لها وشالها وضمها وجلس يحببها مشتاق لها مرررررره ......وطلع معها للحديقة ثم راح لبيت أخوه مشاري مكان اقامة عياله حاليا ودخل لقى ساره قبالها سلم عليها وسمع سلمان حس أبوه من تحت ونزل ركض ووراها رند تمشي بشوي شوي ضمهم وحببهم وخذاهم وراح لبيته مطنش الباقين... في البيت الرئيسي سلطان وحصه راحو لقسمهم اللي كان نظيف ومرتب لأنهم عارفين بوصولهم من أمس الليل ........ تسبح سلطان وعلى طول للسرير ونام اما حصه تسبحت وبدلت ونزلت تحت ...... لقت ربى وشوق جالسين يطالعون التلفزيون .......وكل وحدة عاقدة خشتها ........ جلست حصه :كيف نتايجكم ؟؟؟؟؟ ربى :زفت حصه :لا والله ربى ":يعني أكذب ؟؟؟؟؟؟؟ حصه :كم جبتي ربى :في الثمانينات حصه :ليه ما شديتي حيلك وراك جامعه ربى :واسطة حصه :بس الواحد ما يعتمد على هالشي ...... قامت ربى وطلعت الدرج من دون ما ترد على حصه لان مزاجه متقلب هالأيام ......أنحرجت حصه وسكتت .... شوق :بنت كلب هالأيام ..... حصه :وشوو؟؟؟؟؟؟ شوق :اللي سمعتيه ......... شوق :من تقصدين ؟؟؟ شوق :ربى في غيرها....... حصه :أستغفر الله ليه وش صاير لها شوق :ما صار شي بس كذا مزاج ... وقامت هي الثانية .. حصه :وين أقعدي معي .. شوق :روحي ارتاحي جايه من السفر أنا راسي صاكني بأروح أرقد وراحت تمشي للمصعد ...ومن بعدها راحت حصه للدرج ورقته وهي تحس أن في البيت أشياء صارت ..تحس أن الجو متكهرب بينهم كلهم ............ورتاج صارت غير .... دلعها وغنجها رمته ورى ظهرها وصارت إنسانة ثانية.... لكن ما تخلت عن مشيتها المتكبرة ......... وصلت للدور العلوي وشافت أم مشاري تمشي ووراها الشغالة ماسكة عبايتها .. أم مشاري :حصه يوم الجمعه حفل استقبالكم ياليت تكشخين وياليت تروحين المشغل تغيرين لون شعرك لأن في صبغات كثيرة وحلوة تناسب بشرتك ...صدقيني بيطلع أحلى عليك ......... سمعتي تجهزي وكان ناقصك شي قولي لي انحرجت حصه اول مرة تسوي معها أم مشاري كذا :أن شاء الله وتسلمين نزلت أم مشاري ووراها الشغالة وحصه راحت للغرفتها وجلست قبال المراية تلمس شعرها الأسود اللي ياما تمنو بنات يكون لون شعرهم مثلها .... طالعت بشرتها البرونزية .......واحتارت في اللي قالته أم مشاري ..... تصبغ ولا ما تصبغ ...............بيطلع حلو ولا لا ؟؟؟؟؟؟؟؟ بعد تفكير طويل قررت تشاور سلطان ........ .................................... وعد "رند حبيبتي يا ربيــه ....مشعـــــــــــل يا مشعـــــــــــــــــل دخل مشعل :نعم ....وشفيك للحين ما غيرتي لها ؟؟؟ وعد :وش أسوي عيت ........ مشعل وهو منزعج من صياحها:خل المربيه هي ما تعودت عليك وعد :موب زين نعتمد على المربيه في كل شي وعد :خليها هالمره ...إلا بتغيرين لها أنتي قامت وعد ونادت على المربيه تجي تتصرف معها وراحت هي للصالة الفوقية ... مشعل :أمها ما كانت تغير لها تبين تغيرين لها أنتي وعد :عااد وش أسوي شفتها مخيسة قلت بأغير لها ضحك مشعل ورد :أصبري يومين وبتخليك تغيرين لها هي تصيح لا شافت أحد جديد ............... وعد :وأنت ورى ما تروح ترقد مشعل :نايم في الطيارة لين قلت بس أنتي روحي أرقدي وجهك أسود .............. وعد قامت وراحت للغرفة اللي كانت فيها صيته بس كل شي فيها تغير عن قبل والأثاث جديد ............. نامت على طول ومن بعد ما تطمن مشعل على عياله راح يرقد هو الثاني ................. .................................................. ........ في الصباح الباكر من يوم الخميس ....... نزلت حصه من الدرج وهي تستغفر من صوت الأغاني العالي اللي على صباح ربي ........ وبين هزة خصر ورفعه ضحكت حصه على ربى اللي ترقص بكل اريحية في وسط الصالة ...... وكانت مشغلة عبدالمجيد عبدالله ومطولة عليه .. حصه :ربى سلامات ....... ربى لفت على حصه وجلست تغني: القوس قوسك والسهام سهامك ماني على رمش تسله قوة قوة قوة وتدق بأصابعها ... أنا أسيرك واقفن قدامك واللي تبي تسويه فيني سوه سوه سوه ......... وثقت في قلبك وطيب أنسامك ما ضنتي أظلم وأنت فيك مروة قلبي رهيف ولا يروم هيامك توه تعلم كيف يعشق توه توه ............ ولم خلصت سكر الاب توب وفصلت سلك السماعات منه ورقت الدرج وهي تكمل باقي الأغنية ......... قلبن جبرته لا ترص أحكامك خفف على قلبن حكمت بجوه يفداك لكنه يشيل أحلامك ملكك ولا لي منه غير مخوة وراح صوتها من أسماع حصه اللي عقدة حواجبها مستغربه من هالمزاج اللي على الصبح ........... توجهت للمطبخ وشافت رويدا وقالت لها تجهز الفطور لأن سلطان يتسبح فوق وبيطلع وأكيد جوعان ......... وأول مرة تطلب من رويدا تسوي كذا بالعادة مالها كلمة في المطبخ ولا على الخدامات ....... طلعت من المطبخ وسمعت صوت المصعد يعلن وصوله على الأرض ... مشت وشافت سلطان يدف كرسيه ...... حصه :ما شاء الله دبرت عمرك سلطان :الحمد لله ......... حصه راحت له ودفته :جوعان ؟؟؟؟؟؟؟ سلطان :أكيد حصه توصله للصاله:شوي رويدة تجهزه اللحين ... سلطان :محد قام من أهلي؟؟؟؟؟ حصه:ربى تو كانت هنا عقب رقت ..... سلطان :الساعة 8 ولا ؟؟؟ حصه:8 ونص ......أقول سلطان ..... سلطان :قولي حصه :بكرة عزيمة الوصول وخالتي تقول أصبغي شعرك وش رايك أصبغ ولا لا ؟؟؟؟؟؟ سلطان متعجب :أمي قالت لك أصبغي؟؟؟؟؟؟ حصه :أيه تقول بيطلع حلو ..... أستنكر سلطان أن أمه تقول هالكلام لحصه اللي ما تهتم لها أبدا ........... حصه:ها أصبغ ولا لا ؟؟؟؟ سلطان :كيفك شعرك ولا شعري حصه :يعني تتوقع يطلع حلو ؟؟؟؟؟؟ سلطان :أنتي حلوة بدون صبغه حصه استحت :يعني أصبغ ؟؟؟؟؟؟ سلطان :غيري من شكلك ....... حصه :ليه مليت من خشتي ؟؟؟؟؟؟ سلطان :تدورين المدحة ؟؟؟؟ لاوالله ما مليت حصه :ههههه طيب ترى بأروح العصر لخواتي سلطان :يصير خير ........ نزلت أم مشاري وشافتهم :صباح الخير حصه وسلطان :صباح النور ام مشاري :أفطرتو حصه:قلت لرويدا تجهز الفطور اللحين يمكن جهز ....... بأروح أشوفها .......وجت بتقوم .... أم مشاري :أقعدي بس أنا أصلا بأروح المطبخ ومشت ووراها يسحب طرف جلابيتها الطويلة من ورا ....... سلطان :أمي فيها شي؟؟؟؟؟؟ حصه :وش فيها ؟؟؟؟؟ سلطان :لا يعني متغيرة حصه :حتى انا لاحظت سلطان :سبحان مغير القلوب ..... سمعو صوت أم مشاري تناديهم أن الفطور جهز وقامت حصه ودفت سلطان وتوجهوا للغرفة الأكل ..... في الفطور سولفت أم مشاري لسلطان عن رتاج وأن الشغل ماشي معها وأنها تغيرت عن قبل وصارت ملازمة للبيت أكثر ...وتكلمت عن شوق واهمالها أحيانا في السكر لأنها ما تمنع نفسها من الشوكلاتات ... تكلمت لحصه وش ترتيبات بكرة وأنهم بيروحون المشغل من بدري عشان يخلصون بدري ....... تكلمت عن ماجد أنه ما صار يتصل عليهم إلا نادر وأنقطع عنهم له أسبوعين ....... وبعد الفطور راحت ام مشاري وطلعت مع السواق إلى السوق بتروح اول ما يفتحون بتشتري بعض الأغراض الناقصة لبكرة ... وحصه وسلطان رجعو لغرفتهم ...شوي دق مشعل على سلطان وقاله ينزل لتحت حتى يروحون للمستشفى عشان يكملون العلاج الطبيعي.. لبس سلطان وراح مع مشعل وجلست حصه لحالها ماتدري وش تسوي ..... أخر شي دقت على وعد وقالت لها بأجي عندك وراحت لها ............ وعد :رند هذي صعبة المزاج أمس بأغير لها سوت لي سالفة ...... حصه :بتتعود عليك بعدين ..إلا وين شواقة وسلمان وعد : نايمين ...وش رايك نطلع حصه :وين نروح؟؟؟ وعد :نلف على البيت بأكتشفة ...... حصه :هههه أحسبه نطلع برى ...يله أمشي وعد :كيف أنتم تمشون في البيت بعباية ولا بوش ؟؟ حصه :ما نلبس شي وعد :لا مستحيل كيف حصه :كيفك هذا الحال هنا وعد :ولا حجاب أشوفك جايه بدون شي حصه :تعودت وعد :طيب ليش كنتي تتحجبين قبال مشعل في لندن حصه :عشانك أنتي تتحجبين تحجبت معك وعد :لا يا عيوني أنا بألبس جلابيه واسعه وحجاب على الأقل زين ما ألبس عباية .......... حصه :أجل قومي لبسي أنتظرك ..... وعد :عشر دقايق وجايتك ........... رقت وعد فوق بسرعه حتى ما تتأخر على حصه .... وعشر دقايق وكانت نازلة بجلابيه واسعه وحجاب وطلعت مع حصه يتمشون ........ وعد تطالع الحديقة المنسقة بعناية وحست أنها في حلم لأنها ماقد تصورت بيوم أنها راح تعيش في مكان مثل هذا .... غير عن حديقة بيتهم اللي مافيها سوى شجرة الليمون الوفية اللي من سكنو في بيتهم وهي موجودة وتثمر كل سنة ......... وعد :حصه حصه تطالع الأرض ثم طالعته :هم وعد :أشتقت للدوام ... حصه :أحد يشتاق للغثى وعد :بس كنت كل يوم أطلع وأرجع للبيت وأتغدا وأنام ما أصحى إلا الليل كان وقتي كله مشغول هنا أحس على كبر البيت إلا أنه يطفش ............... حصه :هو من ناحية يطفش يطفش لأن مافي أحد كذا بيننا له رجة ويحب السواليف ودايم يسليك في جلستك .......أغلب الوقت يا نوم يا طالعين مافي أحد وعد :حتى العيال مالهم حس في البيت حصه :عيال مشاري أربعه وعشرين ساعة على التلفزيون وأن طلعو لعبو في الحديقة ربع ساعة ورجعو يدخلون لبيتهم .. وعيال مشعل أهدى منهم مافي وراح تلاحضينهم بعدين ...... وعد :"رتاج اللي لابسه أمس تركواز صح؟؟؟ حصه :أيه وش رايك فيها وعد: ثقة بزيادة حتى مشيتها ونظراتها فيها غرور مو طبيعي حصه :على الأقل أحسن من قبل وعد :ليه وش كانت حصه :دلع وتكبر وطيش وخفة عقل وكل شي فيها وما كانت تعطيني وجهه أما أمس جت وسلمت علي وتحمدت لي بالسلامة ضنتي في روحتنا صارت أشياء خلتها تتغير ............... وعد :يمكن لم حطوها مديرة الفرع النسائي ههههه أقول لك شي بس ما تقولين لمشعل حصه ضحكت من ضحكتها اللي مو في محلها :قولي وعد :لم كنت مراهقة كنت أقول لصديقاتي أني راح أتزوج واحد يعني له شخصية ومشهور بشي ما أدري وشو هههه ولا يفوتك المواصفات اللي كنت أبيها لونه عيونه خضرا وشعره أشقر وجسمه مدري كيف هههه وخرابيط مالها أول ولا تالي أخرتها كل شي تبخر حصه :والله في الزواج لا يهمك شكل الرجال أبدا العشرة تبين كل شي وما يهم إلا الأخلاق وعد :اللي يقهرني أن مشعل بارد تعرفين وش معناه بارد بارد بارد أتعب وأنا أقول بارد ......... لم يطالع الأخبار والناس تموت وأنفجار مدري وين فيه وحالة وناس عايشة في غثى ...أنا أتحمس مرة وهو رامي الدنيا ورى ظهره حتى لم يعصب ما يبان عليه من كثر ماهو بارد... حصه :بارد ولا حار يغثك ....وبعدين الباردين اقل ناس مرضى الحار تلقين فيه ضغط وسكر وقولون وبلاوي ما يعلمها إلا ربك ... و كشرت لأن الشمس صارت فوقهم على طول :أقول وعد الشمس في كبد السماء خلينا ندخل جوا......... وعد :تعالي فلتنا حصه :لا تعالي جوا أخليك تكتشفين كل شي وعد :بس اخاف العيال يقومون وما يلقون أحد عندهم حصه:يا حرصك موب ضارهم عشر دقايق ...... سحبت حصه وعد ودخلتها البيت الرئيسي وجلست توريها مجالس الرجال المفتوحة على بعض وكذلك الحريم ....... وغرفة الأكل حقت الضيوف والمناسبات ......... و ورتها غرف الضيوف اللي تحت والمطبخ وكل شي في الدور الاول ثم رقت بها فوق ورتها أماكن الغرف .....ودخلتها الجناح حقها هي وسلطان ............... من بعدها استأذنت وعد بتروح البيت تشوف أشغالها وتسوي الغدا مع الشغالة ............... أو بالأصح الشغالة تعلمها كيف تطبخ ........ مر الوقت بطئ على حصه لم جى سلطان من المستشفى وتغدو ثم تجهزت حصه وودعت سلطان رايحة لخواتها مع السواق في الطريق تأملت شوارع الرياض وأختلاف الأحياء بعضها الراقية والأخرى في الاسفل ....... تأملت المباني وهي ترتفع وتنخفض على حسب الأدوار وجيب الممتلك لها !......تأملت الأشارات والأوانها اللي يكرها الكثير ... تأملت كل شي وما صدقت أنها وصلت لبيت خواتها في هالسرعه هذي لكن هي سرحت وما انتبهت .......نزلت وكلها شوق لشو فتة وجيههم .. رنت الجرس وفتحت الشغالة الباب ودخلت هي من دون أذنها ...... بيتها ومن حقها ..........دخلت للصالة وصرخت : مفـــــــــــــــــاجأه ........ منيرة طالعتها ثم طالعة التلفزيون ..........لطيفة رمت السماعة على الأرض وجلست تصارخ وتنطط في مكانها .. منيرة جلست تربط شكل الحرمة اللي قدامها واللي كانت أختها .... وأكتشفت أنها ذيك هي اللي قدمها ........ونقزت تسلم على أختها وتروي عطشها لشوفتها ............ لطيفة :حصوووص سمنتي منيرة :ما عرفتك تغيرتي ........ حصه :هههه الحمل وش أسوي .......وشلونكم وش مسوين وش أخبار الدراسة .......أقول أجلسو أجلسو أسمع منكم كل شي وجلسو الثلاثي قبال بعض ووأبتدو في السواليف وأسئلة من لطيفة لحصه ما تنعد ولا تحصى لأنها تبي تعرف كل شي سوته أختها في لندن حتى تمسك السماعة بعد ما تروح أختها وتسولف على صديقاتها الجدد في مدرستها ............أذن المغرب وصلو وصلحو لهم قهوة وشربوها ..... ومن بعدها كملو سوالفهم ...........لحد ما تثاوبت لطيفة وأنسدحت قبالهم ...........وحست حصه أنها طولت من العصر وهي طالعه واللحين الوقت 9 الليل ......دقت على السواق يجي ياخذها ...... ................................................. حقير واناني .......أكرهك كتب هالكلمات القليلة في الحروف العظيمة في المعاني في عقل شوق المراهق .......... وفؤادها محطم من اللي صار لها من مهند ...... لها مدة تلاحقة وتترجاه وأخر شي يقول لها ما أرضى على خطيبتي ........ شقت الورقة نصفين وقامت رمتها في الزبالة ......... وطلعت من الغرفة تسحب رجولها معها ....... وتدعي في داخلها أن الله ياخذ مهند قبل ما يتزوج اللي يبيها .......... توها بتحط رجلها في أول درجة شافت حصه بعبايتها راقية .........ورجعت لورا وأنتظرتها توصل ولم وصلت على طول مسكتها ووجلسها في الصالة وحصه مستغربه من تصرف شوق ووش عندها ....... شوق :حصه وش معنى الخيانة .......... حصه :أعوذ بالله وش هالسؤال ؟؟؟؟؟؟؟؟ شوق :ما عليك جاوبني حصه :يعني في أيش خيانة شوق :بشكل عام وش معنى الخيانة حصه :صراحة لا تاخذين مني علم بس أتوقع أنه الضربه اللي ما تتوقعينها .......... شوق :ما فهمت حصه :ما أعرف أشرح لك شوق :خلاص خلاص ما يهم ....... وقامت شوق عنها وراحت لغرفتها وقفلت على نفسها وحصه ما تدري وش تفسر هالموقف وراحت لغرفتها ....... كتبت شوق في دفترها : (( الخيانة هي الضربة التي لا تتوقعها )) يعني مهند خانني لأني ما توقعت يسوي فيني كذا ................سكرت الدفتر ......... وراحت للسريرها وجلست تفسر معنى الخيانة بأشياء مو صحيحة ............ وتظن أن مهند لم سوى فيها هالشي أنه خيانه ...... وتفسر خاطىء في مفهوم شوق ..... خلاها تنوم من كثر التفكير في هذا الأمر .................................................. ........ أنصدمت ربى من الأيميل اللي جاها من ماجد وكان النص المكتوب ....... ((حسافة فيك كلمة أختي .......)) حسافة حسافة رنت على هالكملة في أذن ربى ....... وصارت تسمع صداها يجي من بعيد ....... كلمة مزعجة مؤلمة جارحة وصريحة وتجمع كثير من المعاني الثقيلة على النفس ...... بللت الدموع خد ربى من غير إرادة منها .......... وأستمرت في سب نفسها على اللي سوته في ماجد .......... سكرت الاب توب وراحت لوسادتها تشكي لها همها لعلها تسمعها وتخفف من اللي فيها ............ ............عند ماجد ...... محمد :اللحين توك طالع من المستشفى جالس على الاب توب ريح عمرك شوي ......... ماجد :شوي ...... محمد :لا تنسى تاكل حبوبك أنا بأدخل أذاكر ومدري متى بأطلع ....... ماجد :رح ماعليك مني ........... راح محمد وهو ودة لو يفتح عقل ماجد ويشوف كيف يفكر وبأيش يفكر وليش ما يقوله اللي صاير في السعودية خلاها بهالشكل الهزيل المتهالك! سكر ماجد الاب توب وراح جاب له موية وبلع حبوبه الأربعه اللي وصف له الدكتور وحذره أن مايهمل نفسه ............. لكن ماله حيله لا صارت الدنيا عليه وصعب أحيانا لواحد يسيطر على مجرى حياته ......ودائما تكون الظروف أقوى .. لكن فليكون شعارنا دائما لا لليأس ............. .................................................. ..... الله أكبر ......الله أكبر الله أكبر ...........لا إله إلا الله ........ قامت رتاج من النوم مفزوعه على صوت المسجد القريب لمهم .. طالعت ساعتها شافتها 5 الفجر ........ عدلت جلستها وولعت الأبجورة وشيكت على جوالها اللي مافي ولا رسالة لأنه جديد وكذلك الرقم جديد ......... أستغربت أن المسجد معلي على صوت المكبر ........ وكأنه يناديها تروح تصلي............. حطت الجوال على جمب وقامت وراحت للحمام وما تخلت عن مشيتها المتكبرة حتى وهي مع نفسها في الغرفة ولحالها ... غسلت وجهها بمويه حارة ......... ثم رجعت للسريرها تكمل نومتها .......اللي ما نامت حتى خلص المسجد من الصلاة ومتجاهلة تماما مجرد التفكير في هذا الأمر وكأنه ما يعنيها ................... ................................. الساعة 11 الظهر ......قامت حصه من النوم وما شافت سلطان جمبها ..... وتذكرت أن اليوم جمعه وأكيد راح للصلاة ....... راحت للصالة وشافت فستانها العنابي ممدود بكل عناية على الكنبة راحت للحمام وغسلت وعقب طلعت بدلت بشي واسع وانتظرت صلاة الظهر وعقب صلت حتى تنزل مرة وحدة ما ترجع تصلي.. أو ما نزلت شافت الخدم رايحين جايين يرتبون للعزيمة اللي راح تكون بعد صلاة المغرب مباشرة ............ شافت أم مشاري تهاوش الشغالات عشان يضبطون شغلهم بالشكل المطلوب .............راحت هي ودخلت المجلس وشافت أن كل الأثاث مغير ............ووجهت لأم مشاري السؤال :خالتي ليش غيرتو كل شي ......... أم مشاري :كم مرة سوينا عزيمة في بيتنا ونفس الأثاث لازم نغير .......... ومشت عنها رايحة تشوف الحلويات اللي دخلوها السواويق لجوا البيت ........... وراحت معها حصه تساعدهم في الترتيب ...... دخل عليهم مشاري وسألهم كان ناقص شي قالو كل شي تمام ....... وسلطان مر من عندهم وشافهم مشغولين رقى فوق لغرفته أحسن له ........ من بعد الحوسة اللي في المطبخ طلعت حصه وراحت للصالة شافت أم مشاري ماسكة السماعة وتكلم أحد ......جت وجلست معها ....... لم خلصت ......... أم مشاري :تعالي حصه أمكسي هاللسته ودقي عليهم أكدي لهم يجتمعون بعد المغرب أو العشا هنا حصه :ليه ما قلتي لهم .......... أم مشاري :لا قلت لهم بس هذولي أقاربي وأبي أشوف من بيجي .. قامت حصه وخذت الورقة من أم مشاري ومسكت التلفون وصارت تدق وتسأل وتأكد ....وأم مشاري راحت مع الشغلات ......... ما خلصت من المكالمات إلا والساعة 2 وربع ........ وأغلبهم كانوا بيجون ....... بعد الغدا راحو (أم مشاري ورتاج وربى وشوق وحصه ووعد ) للمشغل مع بعض أما ساره أعتذرت أنها ما راح تحظر العزيمة لأنها تعبانه !!!وإلا الصدق مشاري مانعها عناد فيها ..... لأن الجو مابينهم لا زال متكهرب ............ في المشغل قصت حصه شعرها مدرج وصبغته خصل بنية وكان حلو عليها .......... طلبت يصلحون لها مكياج لبناني خفيف لكن أم مشاري أختارت لها مكياج خليجي ثقيل مع تسريحة مرفوعه........... وكان شكلها وحدة ثانية موحصه الاولية ............. قبل أذان المغرب بربع ساعة طلعو من المشغل وتوجهو للبيت وتجهزو بسرعه ...وفي غرفة حصه ........ سلطان يعدل شماغه .........:حصه زين شكلي حصه :تهبل تجنن وش زينك ههه كم مرة سألتني سلطان :أحس هالكرسي قاط حزنت حصه عليه وطلعت تشوف له طريق وكان كل الحريم اللي وصلو في المجلس .........وراحت ونزلت سلطان ووهو دبر عمره لمجلس الرجال ........... دخلت حصه بوثوق للمجلس وراحت تسلم وما يمديها تخلص من حرمتين إلا حكو أنها مرت سلطان اللي جاه الحادث .......... كأنهم ما يعرفون سلطان إلا لم صار له الحادث ........... شافت أم مشاري تأشر لها تجلس جمب وعد عشان أسهل لها لم أحد يسألها ترد :حريم عيالي ............ وعد كانت في قمة أنوثتها بفستانها الوردي الضيق اللي مبين نحفها وحصه كانت جذابه بنظراتها الأميرية ........ رتاج كانت تمشي وتطلع وترجع تجلس وكأنها تثبت للناس أنها موجودة وكانت متواجدة بفستانها التفاحي الجذاب للأنظار لانه غريب في تصميمه الفرنسي ........... ربى وشوق ما يحبون هالتجمعات النسائية وخاصة أن خالاتهم متواجدين كلهم مع بناتهم ....... وهم ما يحتكون معهم مرة لأنهم ما يشوفونهم كثير بسبب أنهم ساكنين في الرياض وهم في حايل ........... أم مشاري :وعد وعد :هلا خالتي أم مشاري :قومي شوفي مشعل كان ناقص لهم عند الرجاجيل شي ولا لا ؟؟؟ وعد قامت :أن شاء الله ....... مشت وعد وطلعت من المجلس وتنهدت بأرتياح لأنها تحس الكل يناظرها لم تمشي ........دقت على مشعل وسألته كان ناقصهم شي جاوب أن كل شي تمام ...... سكرت منه وراحت تشوف الشغالات وش يسوون في المطبخ ثم رجعت وفي رجعتها دق جوالها وكانت مرت أخوها وصلت للبيت بس ما تعرف وين المدخل .....ودلتها وعد ودخلو مع بعض للمجلس وصارت تعرفها على الموجودين .............وما أعجبها مرت أخوها لبس الحاضرات لأنه بالنسبه لها فاضح بزيادة خاصة البنت اللي فسانها تفاحي وله فتحه لم الفخذ والظهر كله مكشوف ولم عرفت أنها أخت مشعل أستغفرت ربها على هالفسوق !! .................بعد العشا ......... حصه واقفه جمب رتاج ....يسلمون على الي بيطلعون هذا اللي علمتهم أم مشاري قبل العشا يسونه ....... حصه تسلم بمرح وسعة صدر أما رتاج ما يمديها تلامس يدها يد الحرمة إلا هي موخرها كأنها نار وحرقتها .......... سلمو عليهم بنتين وراحو ............ رتاج :اففف قرف حصه :من البنتين اللي قبل شوي رتاج :أيه أستغفر الله !!! حصه: ليه مو عاجبينك ؟؟؟؟؟؟ رتاج :ولا بيعجبوني هذولي بنات خالاتي ما أطيقهم كانو معي في الجامعه ولزقة وأنا ما أحبهم وكلهم تزوجو فكه وما صارو يدروسون .......... حصه :كم أعمارهم رتاج :وحدة 23 والثانية كبري .... احمم احممم يا ولد يا ولد فيه أحد رتاج :مو كنه صوت مشاري حصه :إلا الظاهر .....ياليت ساره فيه تطلع له أستحي أطلع له بهالبس ..... رتاج :بأروح له أزين من هالوقفة ....... ومشت رتاج وراحت لها ...... رتاج :ما تعرف تدق جوال .؟؟؟؟؟؟؟ مشاري :أدق على أمي ما ترد ..المهم شوفي في المطبخ زمزميات قهوة وخلي يرسلونها الشغالات للقهوجية برا رتاج :في شي ثاني مشاري :ونادي خالاتي بأسلم عليهم رتاج :مستحيـــــــــل أنا أنا أناديهم في أحلامك حبيبي ........ مشاري :أقول روحي أنتي وسيقانك ذي وناديهم ........ رتاج :تبيهم أدخل ما راح أناديهم لك مشاري :أدخل والمجلس كله حريم صاحية أنتي ...... رتاج :اففففففف خلاص بأقول لأمي تقول لهم ......... مشت رتاج للمجلس وقالت لأمها وهي راحت وقالت لخواتها يطلعون يسلمون ........وأجتعمو في الصالة ....... سلطان ومشاري ومشعل حتى يسلمون وعقب طلعو ....... ولم جت الساعة 11 ونص الأغلبيه راحو ........ والرجاجيل ما بقى إلا ألأقراب مرة ........ وطلبو أخوان أم مشاري أنهم يشوفون بناتها ويسلمون عليهم وبالطقاق دخلت رتاج ومعها ربى سلمو وطلعو بسرعه وبالغصب دخلت شوق وطالعت في الرجايل الواقفين وحست أنها شوي بتصيح ما صارت تذكر خوالها مرة...... سلمت بسرعه وطلعت من مجالس الرجال بسرعه وهي اللي تتصاقع مع شي طويل وطراااااااااااخ صوت جوالها تكسر على أرضية الرخام ........... ويالله ضبطت عمرها وتمسك في الجدار قبل ما تتكسر مع الجوال واللي قبالها مثل الصنم واقف ومنصدم .......... طالعته بشكل سريعه واطلقت سيقانها للريح .......... لو يشوفها سلطان ولا مشاري مع هالرجال واقفة مليون شك بيجي في راسهم .......هي ما تعرف هالرجال من يكون ... لكنه طويل وأبيض مثلها ومرعبه نظراته ......... راحت للمطبخ بسرعه وقالت لوحدة من الشغالات تجيب جوالها في مجلس الرجال وراحت وطولت لكن جابته في الأخر ........ الشغالة كيستا ! :بابا رائد في قول شوف مرة تاني شوق بلمت :وشوووو .....ومن رائد اللي خليته بابا كيستا : ما في معلوم مدام ....... شوق :خلاص روحي ........ راحت الشغالة وطلعت شوق جوالها اللي تكسر وانقهرت عليه ما تهنت فيه ما شرته إلا من شهر وبمبلغ غالي ......... رقت لغرفتها ساحبة على اللي تحت ........... انتهت العزيمة .........وأم مشاري مفتخرة بحصه ووعد ......... ورتاج متقرفة من خوالها ....... وربى صامته وشوق مرعوبه ووعد سعيدة ........ .................................................. ...