ولد الترف والدلال - الفصل 30 - بقلم بنت الأكابر - مكتملة | روايتك

المحطة الثلاثــــون: ¯¨'*•~-.¸¸,.-~*' (مؤلم أن تفتح عينيك على واقع لا تريده) ¯¨'*•~-.¸¸,.-~*' طاح العطر من يده وأنكسر في الأرض لم سمع صوت جواله يرن برسالة .....أكيد هذي مها ...... توجه للجوال وكانت فعلا مها تطلبه أنه يجي لها ..... أتجه لدولابه وطلع ملابسه ولبس بسرعه وخذ جوالها وطيران على السيارة وقلبه مو راضي يهدي من سرعته ... .........في مكان أخر في حياة مول ..... ربى جالسه عند أحد الكراسي المنشرة والدموع تنزل سيول من عيونها .........اللحين ماجد بيجي وتنكشف كل الحقيقة ............ وميته خوف وكأنها أحد بيحكمون عليه بالقصاص لا محاله ... أنتظرت عشر دقايق ورن جوالها برسالة من ماجد أنه وصل عند بوابة رقم 1 وينتظرها تطلع له لأنه ما قدر يدخل ...وكتب نوع سيارته ولونها ورقم اللوحة حتى ما تخربط وتركب مع أحد ثاني وينفضح أمرهم ... مشت بخطواة ثقيلة للبوابه وطلعت وهي متغطية حتى ما يشوفها ماجد وينحاش لأنه مافي أحد من الأهل يدري أنه في الرياض .......أتجهت لسيارته وفتحت الباب وانتفض ماجد لم دخلت وركبت ... فتشت ربى :ماجــد ماجد مصدوم ما يدري وش بيقول لها إذا سألته ليه جاي وما جى بيتهم ..... مسكت ربى الجوال ودقت على ماجد وكان حاط أسمها ... ((فداها الروح ..)) ......... ربى :تنتظرها ...... ولا كلمة من ماجد .... ربى :ترى مها مو مها ...... ماجد :وش قاعدة تخربطين أنتي علي أنزلي أنا مو فاضي لك ... ربى :أختك وتقول لها انزلي عشان بنت الناس تجي وتاخذها تزبنها في أحد الشقق ...ما تخاف ربك يوم فكرت بهالتفكير .... ماجد مصدووووووم وش عرفها عن اللي باللي يسويه .... هذا السؤال اللي يبي جوابه .... كملت ربى بصوت خايف :ماجد أنا مها ... لعبت عليك ....... بعد مرور دقيقة من الأستيعاب رد ماجد :ما فهمت ربى :اللي تكلمها طول المدة اللي راحت هذي أنا .... ماجد:يعني أنتي مها ؟؟؟؟؟؟؟ يعني هذا اللي تقصدينه ؟؟؟؟؟؟؟؟ هزت راسها ربى بالموافقة ......... ماجد اختنق صوته ورد :وليه سويتي كذا ؟؟؟؟ ربى :عشان ما تكلم بنات مرة ثانية .... ماجد :من جدك هالكلام ولا تستهبلين مدت ربى الجوال لماجد :مو مصدق دق على رقمك وشوف من اللي يراسلك ........ أخذ ماجد الجوال وكتب رقمه ودق على جواله وهذا اسم (فداها الروح)ينور شاشته ............. خل الجوال يدق وجلس يناظره .................. وشوي يرفع راسه لربى ويطالعها ويرجع يطالع الجوال ..هنا ربى انسحبت وطلعت من السيارة وخلته يواجه الصدمة لحاله .............وراحت وركبت مع السواق وراحت للبيت وماجد لسه ما تحرك من المواقف ...... بعد ما راحت ربى .... جلس ماجد يستوعب اللي صار ... فتح جوال ربى ولقى رسايلة موجودة .... والرسائل المرسلة اللي كانت ترسلها له ...... حط يدنه على وجهه يحاول يستوعب الصدمة ...... أن أخته من دمه ولحمة لعبت فيه .... خلته يجي من أمريكا عشانها ....... خلته هايم في الليالي ينتظر شوفتها ... يحلم كيف بيكون اللقى ... .........شغل سيارته وراح للشقة اللي أستأجرها ..ودخلها وراح للغرفة اللي كانت مها بتجلس فيها ....ِ شاف الورد ....... اللي على السرير ..... وكان هو برضو حزين لحالته ......... شاف الشموع تنتظر أحد يجي ويولعها عشان تنتشر ريحتها الحلوة ..... من بعد ما أخذ من الألم ما أخذ ........ راح لغرفته وأنسدح على السرير ..... يستوعب اللي مضى ....المحادثات اللي تستمر لساعات كانت مع أخته ....عشقة وحبه وهيامه مع أخته ....... لعبت بحسبة مشاعره خلته مجنون فيها ........ وأخرتها بكل سهولة ترميها في وجهه ... (لعبت عليك ..........)) صعيبه لعبتك هذي أمانه لا تكــــــــررها ترى صدمتي حيل كبيرة ولاني متحملها ....طول حياة ماجد مع البنات ما نزلت دموعه غير هالمره ...لأنه حب من قلبه ........ ماكان اللي في قلبه قهر أن مها ما كانت مها ! لا كان حزن على أخت ...دمرت كل جسور الأخوة اللي بينهم ... بيتعقد من كل البنات ...بدل ما كان بيتزوج وعمره في الثلاثين ....أحتمال اللحين فوق الأربعين أو يمكن ما يتزوج ...علما ان الصدمات ما تجي بعدها إلا الأمراض النفسية ..................... وفي الحلقات القادمة راح نشوف تغير ماجد إلا الأسوء والوصول إلا القاع ...... ................................................ ليه ما قلت من قبل .......ليه ساكت طول هالشهور .... ليه ما تصارحني باللي صاير معك قبل ....... حط سلطان عينه في عينها ورد :وهذاك عرفتي حصه :طيب دام أنك تحبني من يومك بزر ليه تتزوج علي لي تحرق قلبي سلطان :أنا وعدت أمي حصه حطت يدها على بطنها المتفوخ وردت:وليش توعدها ؟؟؟؟ سلطان :ترى للمعلومية أنا تحملت أشياء كثيرة عشانك ... في بداية زواجنا .......أولا صدمة أهلي ....... وأمي وتعرفين طبعها ماخلتني في حالي أبدا وتحط حرت زواجي فيك مع أن مالك ذمب .......... وكان قبل زواجي مدلعتني لكن اللحين أسلوبها تغير بشكل فضيع ما بيوم تتخيلنه ............ حصه :طيب أنا وش ذمبي أتحمل أهلك ؟؟؟؟؟؟؟؟؟ سلطان :مالك ذمب أنا عارف ,,,,,لكن من عيوني اول ما نرجع بعد أسبوعين راح نسكن في شقة مشعل لأنه راح يسكن في فلته ببيتنا وأنا ما جهزت فلتي لم تجهز نروح لها ....... حصه :ونستقر نهائي نعيش مثل العالم والناس ...... سلطان :اللي تبينه بيصير ...... كل التعب اللي بقلب حصه زال من هالكلمتين .. اللي تبينه بيصير .....شي مستحيل يقول لها هالكلام ..... لاجد هنا تأكد أنها عشقة الطفولي ............ ناظرت عيونه تطالع تدور شي عن الماضي وحركاته الصبيانيه لها أيام الثانوية ما لقت غير قسوة الأيام ................... ونظرة رجل بعيدة المدى ......... الكل منا يتغير ولا يبقى الحال كما كان ,,,,, تنهدت بأرتياح .. لأنه أكتشفت الغموض اللي في تصرفات سلطان ... وطالعته وهو يدف كرسيه طالع من الغرفة راح يشوف المباراة مع مشعل على أحد القنوات الرياضية ...... ............................................... ربى والدموع أربع أربع على خدودها ...جالسه على سرير أختها شوق اللي تناظرها تنتظرها تقول وش فيها .... شوق :اللحين لك ساعة تصحين وش عندك .... ضربت ربى بيدها على خدها :يا ويلي يا ويلي يا شوووق ..... وكملت صياحها وحواجب شوق تعلى من الأستغراب باللي تسويه ربى في نفسها .. شوق :ههههه أنتي خلصينا وش عندك .... ربى :مــاجد شوق :وش فيه ...أكيد عن لعبتك معاه ربى صرخت :عــــــــــــــــــــــرف وكملت صياحها ... شوق : لحظة لحظة وش اللي عرفة هيه أنتي (وهزتها مع كتفها )) قولي وش صايـــــــــــــــر بعد جهد جهيد عرفت شوق وش اللي صار بين ماجد وربى اليوم وأستغربت أن ربى وصلت فيها الجرائة أنها تسوي كذا مع ماجد توقعت انها بتلعب كم يوم وبتقوله لكن المدة طولت والعلاقة اللي بينهم تطورت ووصلت الحب .....ولا بعد أنها تنحاش معه ويجلسها في شقة ......أنصدمت من تفكير ربى الغبي وكيف أنها تكذب بشكل كبير ......ولا وماجد يصدقها ماجد اللي يلعب على البنات ماعرف يميز إذا ربى كذابه ولا لا ؟؟؟؟؟؟ لهدرجة ربى متحكمة بالقصة ولا غلطت في فصل من الفصول .. ما بان أنها جالسه تكذب ............ وماجد اخوها معقولة يجي بدون ما أحد يدري ومعقولة أنه يرضى يسوي في بنت الناس كذا لو كانت قصة مها حقيقة مو خيال ...............يرضى أن يفضحهم ويخلي سمعتهم تذهب في خرائطها ...... في عينها طاحت ربى وطاح قبلها ماجد ..... لم هدت ربى من صياحها راحت غرفتها وجلست شوق تفكر باللي صار ....... وراح تفكيرها لمهند .......الأنسان اللي مطنشها ومو معطيها وجهه ...يا ترى هو يفكر فيها مثل ما هي تفكر فيه .......ولا ما جاب طاريها ....... ورتاج .......صارت مؤدبه وتسلم ؟؟؟؟ وعيال أخوها مشعل صارو كل يومين يروحون لأمهم ..... شي متغير في بيتهم وإلا الأن مو فاهمه اللي قاعد يصير.. كل هالكلام يدور في راس شوق ولا هي لاقية تفسير... .................................................. ... رتاج تطالع ساره بكل استحقار:لو سمحتي وين مشاري... ساره :السلام عليكم ...حمد لله على السلامة ...... رتاج :أقول وين مشاري سارة استغربت وقاحة رتاج معها ولقصر الشر راحت فوق تنادي مشاري لها ولا نزلت معه خلته ينزل لحاله ..... مشاري :هـــلا رتاج .......وش علومك ؟؟؟ رتاج سلمت عليه وجلست :بخير ..... مشاري جلس :حمد لله على السلامة وشلون الشرقية ؟؟؟ رتاج :زفت مشاري :أفا وش صاير ؟؟؟؟ رتاج حبت تاخذ في أسلوبها طابع الهجوم حتى توصل إلا مبتغاها وهو التخلص من سعد ورمية في مزبلة الحياة ......... رتاج :أنت أخو ولا وشو من الناس ؟؟؟؟؟؟؟ سؤال ماله معنى في راس مشاري لكن هز راسه عشان تكمل رتاج وش عندها ......... رتاج:اللحين كيف ترضون أتزوج واحد سكران راعي بنات وخرابيط مالها اول وتالي ....... كيف ترضون تسون فيني كذا .......... ولا عشان زوجتك أخته عادي حلال يجوز تبيعون أختكم له .. ما تخافون ربكم أنتم فيني ؟!!!!!!!!!!! مشاري :أنتي تتكلمين عن سعد ؟؟؟؟؟؟؟ رتاج عصبت :أجل أتكلــــــــم عن مين في غيرة مسود الوجة .............. مشاري عصب هو الثاني :وش قصتك أنتي تكلمي زي الناس ولا لا تتكلمين ......... شايفة على سعد شي قولي وحنا من اللحين نفك الخطوبة ونخلص رتاج :سؤال قاهرني ويقرقع في قلبي من زمان ..... أنتم تعرفون وش كان يسوي سعد ولا زال ....... ماا تعرف أنه راعي بنات وشرب ؟؟؟؟؟؟؟ أكيد ساره تدري لكن ما قالت لك خايفة على مستقبل أخوها لا ينفضح ...... رح أسألها وش أخلاق أخوها وخلها تجاوب .... وفي علمك زواج ما راح أتزوج وسعد ما راح أخذه وأعلى مافي خيلك أنت وأمي أركبو ........... وقامت من مكانه واتجهت للباب وهي لا زالت تتكلم : والله أخر عمري أبتلش مع واحدن مهوب صاحي .......وطلعت ..... ما أمدا مشاري يسألها من وين جابت هالمعلومات الخطيرة عن سعد ومن قال لها وكيف عرفت .......... لكن أقرب شي عنده ساره ...زوجته ...أخت سعد ..... صرخ بأسمها ونزلت وهي خايفة لأنها سمعت كل الكلام اللي قالته رتاج عن سعد واللي هي تدري عنه وساكته ..... وصلت ساره إلى أرض الصالة وأتجهت بعيونها الخايفة لمشاري المعصب وأول مرة تشوفه بالهشكل المخيف ....... قرب منها وحست روحها طلعت ....... مشاري :سمعتي وش قالت رتاج ؟؟؟؟؟؟؟؟؟ ساره :"لا وش قالت مشاري :ساره ...حنا عارفين بعض ولنا 11 سنة زواج وأنتي سامعه وش قالت رتاج لأنك خايفة .......... شي واحد أبي أعرفة .......صحيح كلام رتاج عن أخوك ولا كذب ..................... ولك فرصة وحدة تجاوبين بيا أيه أو لا ............ وصرخ بأخر كلمة وسكتت ساره فترة ثم ردت :ايه مشاري وراص على سنونه :وليش ساكته ؟؟؟؟؟؟؟؟ ساره :أفضح أخوي يعني مشاري :وليه تبين رتاج تضيع معه ساره :أصلا أهلي هم اللي قالو لو تعلمين ما يصير لك خير مشاري :ما شاء الله ..... ولا يكون بعد في شي أعظم من اللي قالته رتاج ....... ساره :ها مشاري :دام فيها ها أجل وراها مصيبه تكلمي عادي لأانه خلاص مافي مجال أن نربط بنتنا بولدكم تكــــــــــــلمي ساره :مافي شي مافيه مشاري :احلفي ساره :يووووه مشاري خلاصنا مشاري مسك شعرها وشده : لا ما خلصنا تكلمي وإلا والله لا أدويك لأهلك اللحين ولا عاد ترجعين ..... ساره ماسكه يد مشاري وتحاول توخرها لأنه شاد بقوة عليها وما قدرت تقول شي إلا :بأتكلم والله بس فك شعري وخر مشاري يده :تكلمي ................................ بنرجع بعد أسبوعين؟؟؟؟؟؟؟؟؟وعلاج سلطان مشعل :ما عاد يبي يكمل ......... وعد :ليش ؟؟؟؟؟؟؟ مشعل :رغبة شخصية وما عارضته وبعدين وش يفرق تعالج بالرياض ولا في لندن كل الأمر بيد الله هو الشافي .... وعد :وحصه تعرف مشعل :أكيد تعرف وعد :والله حسافة بنتفارق مشعل :ههه شكل عجبتك الجلسة هنا معها وعد :أكيد ....إلا صحيح وش صار على العيال مشعل :لم نرجع راح أتفق معها أن أسبوع عندي وأسبوع عندها .... وعد : وتهقى ترضى مشعل :إن شاء الله ما تسبب مشاكل لنا ..... وعد :إن شاء الله .......................................... قضية تحرش .............؟؟؟؟؟؟؟ وفي طفلة صغيرة ..........والله حرام اللي يصير رمى مشاري ثقلة على الكنبة وراسه داير من اللي سمعه ...... أما ساره واقفة بعيد تخاف من اللي بيسوية فيها مشاري جزاء على سكوتها عن الجريمة .. انتظرت مشاري يتكلم لكنه ساكت ويطالع الأرض وحواجبه معقودة من التفكير ........فخلته وراحت غرفتها ....... أحسن ما يثور عليها مشاري وترجع لأهلها ........ وتخسر حبيبها للأبد ................. ظل مشاري جالس في الصالة حوالي ربع ساعة ثم طلع من البيت ...... .................................................. ....... مع طلوع فجر جديد على مدينة الرياض وفي أحدد الشقق كان ماجد حزين مهموم ....... جالس على السرير اللي كان لمها ..الشخصية الوهمية اللي تفننت فيها ربى إلى حد الإبداع......... طالع الورد اللي بدا يذبل ......مثل حاله الأن من صار اللي صار ما طب الأكل بطنة ..... و عافت عيونه النوم ...... قام بعد جلوسة اللي دام ساعة على السرير يتذكر كل شي حلو بينه وبين مها الخياليه .... وتوجه للتسريحة طالع الشموع ثم طالع شكله في المراية ..... ما كان هو ......ما عرف نفسه ....... عيونه تبعث حقد وكره مو طبيعي مد يده ولمس صورته المعكوسة ...... جمع قبضة يده وضرب بقوة على المراية ...... وتناثر الزجاج ......... ماحس بالأم .....لأن الألم الداخلي غطى على كل شي طالع الفوضى اللي سواها وطلع من الغرفة بعد ما صفق بالباب بشدة وراح للصالة وشاف قباله الاب توب ..وحس بغثيان منه كره مع حقد مع ندم ....... حس أن الغباء يقول أنت غبي !!!!!!!!!!! كيف ضحكت عليه ربى بكل سهولة وسلاسة ....... هو حس أن بينهم شي وأن هي فاهمته وتقدر تفكيرة وهذا اللي خلاها يحبها بشكل سريع ...... ولكن هذا الشي كان من باب الأخوه وهي عايشة معاه وتعرف تفكيرة ............................ غمض عيونه ويحس بحرقان فيها لأنه ما نام أبدا .......وشوي شوي تحول الحرقان إلى دموع .......ضعف .........يأس من الحياة ....... وش حيلته في حاله ؟؟؟؟؟؟؟؟؟؟؟؟ ..........ملاحظة :يمكن تقولون أني أبالغ في حالة ماجد لكن حقيقة في حياتنا العامية ...وش اللي يسبب لنا عقدة أكثر ......الصدمة النفسية أم المادية ......بوجهة نظري أن النفسيه هي الأقوى و أكثر شي يغير في حياة الفرد هو الصدمات اللي يتلقاها من الحياة,,,مثل خيانه .....غدر .......موت شخص عزيز ..........إلخ ما أطول عليكم نروح لرتاج ...... جالسة في غرفتها وماسكة راسها من الصداع يومين ما دخنت والألم عامل عمايله ....... لكن مو أشد من تخلصها من المخدارات اللي سيطرت على جسمها في أسابيع قليلة ...... لم يأسة من البندوول يسوي شي أتجهت للدولاب وطلعت لها طرحة وربطة راسها بقوة لعل وعسى يخف ....... فتحت الشباك وصارت تتنفس بعمق ..... من زمان ما تنفسة هواء خالي من الرطوبة .... بين الشهيق والزفير رن جوالها وتوجة له ولم شافت الأسم طفت الجوال بكبرة .......وفي غير سعد تكرهه ....... طفت الأنوار وفكت الطرحة لأن مالها لزمة وأنسدحت على السرير تحاول تنام ................في مكان من بعيد في بيت مشاري ........من طلعته أمس إلا الأن ما جاء وساره قلقانه عليه ما تدري وين راح وكل ما دقت لقت الجوال مقفل ....... وتخاف أن أم مشاري تدق تسأل عنه ولا ترسل أحد وما يكون عندها جواب ساعتها الكل بيشك ان في شي صاير بينهم ولا مو من عوايدة يغيب عن البيت أكثر من 6 ساعات وهي فترة الداوم بس ........ حست أن في شي يصير من وراها بس ما تدري ...... أتجهت للتلفون ودقت على بيت أهلها وردت أختها نجاة : الو نجاة :هلا ساره؟؟؟؟؟ ساره :أيه وش أخبارك نجاة :الحمد لله بخير وشلونك أنتي والعيال ساره :كلنا بخير أنتم وشلونكم نجاة :بخير الحمد لله ما نشكي من باس ساره :الحمد لله ...أقول نجاة سعد عندك نجاة : لا والله يقولون في الشرقية ساره :في الشرقية ؟؟؟؟؟؟؟؟؟؟ نجاة :أيه وشفيك أخترعتي ساره :ها ... لا بس مستغربه نجاة :عادي دايم يروح ..تبينه بشي ضروري ساره : لابس حبيت أسولف معه ...يله أخليك نجاة صقر يصيح ومحد عنده .. نجاة :يله اجل سلمي على اللي عندك ساره :فمان الله نجاة :مع السلامة ...... ((اللحين هذا وش مودية الشرقية لا يكون رايح عشان رتاج والله هذا اللي بيفضحنا .......... لا يكون صار شي بينهم خلى رتاج مع عاد تبيه هذا مجنون ومهوب صاحي يسويها والله اللي رحتي فيها يا ساره أنتي وعيالك ..............)) ............دخل مشاري البيت ورجفت ساره من قوة صقعته بالباب الزجاجي ........ما سلم عليها على طول رقى فوق ......... أنتظرت شوي ولحقته لكن لقت الباب مسكر يعني ما يبي يشوفها ........ خلته وراحت لغرف عيالها تتفقد أحوالهم ولأن برضو بتنام هالليلة معاهم ...................................... ربى جالسه في غرفتها وعلى جلستها بالاب توب لكن هالمرة تكلم صديقتها ملاذ........ ¬°•| راح اترك لك كل شي وارحل |•°¬ (ملاذ) •°حسـ... الدنيا مثل أمي أزعلها وترضيني..ـبت•° (ربى) ¬°•| راح اترك :ومتى إن شاء الله بتقولين له ؟؟؟ •°حسـ... الدنيا : أصبري يومين وبأقول له ¬°•| راح اترك :ترى بأسوي نفسي ما قريت •°حسـ... الدنيا :ملااااااااااااذ تكفين والله نفسيتي عدم ما أقدر أكلمه ¬°•| راح اترك :لا لا لا •°حسـ... الدنيا :إلا إلا إلا ¬°•| راح اترك :شكرا ربى وعلى فكرة إن صار شي لصورتي ما راح تلومين إلا نفسك ............. وسجلت خروجها على طول وخلت ربى مهمومه ما تدري وش تسوي ما تبي تخسر صديقتها ويكون خسرت اثنين ... راحت ومسكت جوالها وكتبت : ((ماجد صورة البنت اللي عندك أمسحها هذي صديقتي أمنتك ...................)).......... وصلت الرسالة لماجد وضحك بأعلى صوت عنده ضحك على اللي صار .............. ولأن الضمير فيه حي راح للاب توب وفتحة ومسح الصورة والصوت اللي أكيد بعد لصديقة ربى اللي بايعه نفسها وأعطت صورتها لصديقتها حتى توريها لأخوها حتى تلعب عليه......... وش هالتفكير والتخطيط اللي عندها .......؟؟ضحك ماجد وضحك وضحك حتى تعب ولم سكت دمعت عيونه .... حالة من الهستيريا يمر فيها ولا هو عارف باللي يصيبه....... ............................................... ((مهند....أخبارك......بس أخبارك .... طمني عن حالك ...........تكفى يا مهند...)) سالم قرى رسالة شوق اللي توها واصله لمهند ....... مهند :وش أسوي بها سالم :يا أخي عندي لك حل بس أخاف ما تصدق مهند :وشهو ...... سالم :قل لها أنك بتتزوج وهي إذا محترمة راح تنسحب وعاد إذا نشبه غير رقمك مهند :أغير رقمي اللي كل الناس تعرفة صعبه سالم :أجل قلها أنك بتتزوج وظنتي بتسحب مهند :أحس بتنصدم سالم :خلها هي اللي جابتها لنفسها ما كثر الله هالعيال ما طاحت إلا عليك خل تدور اللي تبيه عند غيرك ... صابت مهند شوية حالة غيرة لو أن شوق راح تبحث عن اللي تبيه عند غيره ... لكن سكت وما علق عشان سالم ما يقوم ويكفخة ............. ..........في غرفة شوق جالسه قبال الجوال تنتنظر يدق يرن برسالة لكن انتظارها بدون جدوى .... وما تدري وش راح يجيها بعيد من مهند !!!! .................................................. .......... في صباح اليوم التالي بلندن ......... سلطان ومشعل متقابلين في الصالة وكل واحد مكشر وجهه ومتضايق ...........وطردو حصه ووعد لأن الموضوع خاص جدا ومالهم دخل فيه ؟؟؟؟؟؟؟ سلطان :متى صار هالكلام مشعل :قبل يومين سلطان :وساره ليه ما حكت مشعل: والله انا سألت مشاري نفس السؤال لكن ما جاوبني سلطان : لا حول ولا قوة إلا بالله ...... والحل مشعل :مافي غيره الوجه من الوجه أبيض ولدكم عندكم وبنتنا عندنا .......... سلطان :وهالسعد بكل قواة عين جاي ياخذ بنتنا مشعل : وترى حنا غلطانين ما سألنا عنه أبدا سكت سلطان وما قال شي حس أنه مقصر في حق أخته .. مشعل :وتبي تشتغل سلطان :منهي ؟؟؟؟ مشعل :رتاج تبي تشتغل في الفرع النسائي سلطان :بس ما عندها خبره بأي مجال مشعل :وش نسوي نجلسها في البيت يعني ؟؟؟؟؟؟ سلطان :وش تشتغل وش نسلمها وهي داخلة فنية مشعل :لا تنسى أنها في الثانوي كانت علمي سلطان :بس حتى ولو الدراسة غير والتطبيق غير مشعل :أنا عطيت لمشاري خبر ان ما حنا معارضين وخلها تشتغل أزين لها من هالحفلات والأسواق اللي كل يوم رايحة لها ......... سلطان : ما حنا معارضين لكن ما تعرف شي مشعل :نجربها مدة وأن شفناها مو ملتزمة جلسناها في البيت سلطان :ومشاري متى بيروح لهم مشعل :اليوم ظنتي بيروح وينهي كل شي سلطان :وأبوي عرف مشعل :والله ما سألته لكن لاحقين نعرف كل شي لا رجعنا سلطان :الله يجيب خير مشعل :أمين .................................................. ............... السلام عليكم ورحمة الله ......السلام عليكم ورحمة الله بعد ما خلص صلاته وحس براحة مالها أخر .... راح بسرعه وأخذ القرآن اللي يقرى منه حسام الله يرحمه وفتح على سورة المؤمنون وجلس يقرا ويقرا ودموعه تنزل بكل أريحيه على خده ................ لم خلص ,,,,,,,, سكره ورجعه مكانه ......... وجلس بينه وبين نفسه ......... و يتذكر كل ذمب سواه في حياته ......... منها اللي ذكره ومنها اللي نساها مع الأيام .......... يحاسب ضميرة اللي مات ............... وبين تلك وتلك .........أنتفض وقام ........ وضحك العسكري عليه لأنه صرخ بأسمه لأن وراه زيارة .......... مسح راشد دموعه وراح ...كلبش يده العسكري ومشاه معه لأحد غرفة الزيارات ......... دخل لقى أخوه طلال ...... سلمو على بعض وجلسو ....... طلال :وش في وجهك أحمر ؟؟؟؟؟؟؟؟ راشد تحنح حتى يعدل صوته وما يبان أنه يبكي .:ما عليك أنتم وش أخباركم ؟؟؟؟؟ طلال :بخير ......أسمع مافي وقت وأبي أقولك الموضوع بسرعه .........(ووطى صوته )):عن سلطان ........ راشد :اللي صد..........اوووش سكر طلال فم أخوه حتى محد يسمعهم ............. طلال :أيه أيه هذا هو راشد :وش فيه ؟؟ طلال :بأعترف له راشد بسرعه رد :لا يا طلال أصحى تسوي كــــــذا طلال :يا خوك الضمير معذبن ماني أقادر أنام مثل الناس يجي في حلومي ويسألني ليش سويت به كذا ياخوك ماعاد أقدر أتحمل صبرت لكن والله ما قدرت يا خوك والله ما أقدر ........ راشد :يا أخي بيوديك في داهية أن قلت له وحنا ناقصين بعد تكملها أنت علينا ......أسكت دام محدن درى باللي صار وشوله تفضح عمرك وتنسجن مثلي طلال :أنا جيت أخذ رايك لكن ما لقيت اللي أبيه وقام وشد يده راشد وجلسه بقوة راشد :اسمع ترى محد بيضيعنا إلا أنت ....... وترى بتفضح رتاج معك وبتقوم الدنيا وبتقعدها خل الوضع على ماهو عليه وضميرك بيتعود مع الأيام قام طلال وطلع بدون ما يقول كلمة ورجع العسكري راشد للسجن وراسه يدور من الأحداث اللي راح تصير إذا راح طلال وأعترف لسلطان أنه هو اللي صادمة ....... ...................................... حطت أم مشاري يدها على صدرها :وشـــــــــــو ؟؟؟؟؟؟؟ مشاري :يمه الموضوع لا يطلع لأحد أبدا أم مشاري:وأبوك درى؟؟؟؟؟؟ مشاري :لا ما عرف قولي له أنتي مالي وجه أقول له أم مشاري :لا والله حشى ما أقول له تبي يسوي لنا سالفة وبعدين هذي مرتك ليه ما حكت ما تكلمت مشاري :ما تدري عن شي أم مشاري :مشاري قول الصدق لا تحاول تستر على حرمتك في أحد ما يدري عن أخوه أنه مسوي كل هالأشياء؟؟؟؟؟؟؟؟ مشاري :خلي ساره علي انا أتفاهم معها لكن رتاج من وين جابت هالمعلومات أم مشاري :ما نبي نفتح أبواب مسدودة خلها زين أنها عرفت من نفسها بدل الصدمة اللي كنا بنسببه لها مشاري :بعد العصر بنروح لهم وتعطينهم شبكتهم و نخلص اللي بيننا وبينهم أم مشاري :وخزياه وربيـــه فشيله وين أودي وجهي عند الناس ..............محد يببي بنتي عقب .......... كلن بيحط العيب عليها بيقول فيها شي ولا ما تركها كذا من الله مشاري : محد متكلم وبنتك لا تخافين بتتزوج أحسن من هالخـــــ.........المهم جهزي نفسك العصر زين أم مشاري :أيه ما عليك أنا بأروح لهم وأسنعهم خلهم مره ثانية يفكرون يزوجون ولدهم هالصايع لبنت ــــــــــ ابتسم لها مشاري بتعب وطلع راح لبيته وشاف ساره قباله لكن ما عطاها وجهه مع محاولاتها في أنها تكلمه لكن مشاري تجاهلها لدرجة صاحت عنده تبي يسامحها لكن أبدا أبدا لن يغفر لها ما فلعته بهم .......... ................................. حصه :سلطان فيك شي ؟؟؟؟؟؟ سلطان :لا سلامتك مافيني شي حصه :أشوفك مكتئب سلطان :مشكلة عندنا يالأخوان وراح نحلها وهي اللي مضايقتني لا تشغلين بالك الوضع عادي .... فضلت حصه السكوت وعدم التدخل في الخصوصيات العائلة خاصة لم تكون بين الرجال ....... سلطان :حصه ...كتابي وينه ؟؟؟؟؟؟؟ حصه :أي كتاب سلطان :كتاب المتنبي اللي أقرى منه أمس حصه :أيه لحظة ....... وقامت حصه تجيب له الكتاب حق المتنبي ودقيقة إلا هي جايه عطته وعلى طول أستلمه وفتح الصفحة اللي وصل لها وجلس يقرا ... حصه :أعجبك ؟؟؟ رفع سلطان راسه :أكيد ... حصه :بس أحس المتنبي مغرور سلطان :غرورة في شعره هو اللي محليه حصه :ما أحب هالنوع من الشعراء سلطان :أختلف معاك حصه :لحظة أول مره أشوف هالكتاب معك ولا جبناه معنا سلطان :هدية من مشعل .... حصه :وما عطاك إلا المتنبي ... سلطان :لأنا كنا نتكلم عنه وقلت ودي أقرى كتبه فجابه لي ههه شكلك تبين تقرين كتاب غيره حصه :والله ودي أتثقف مثلك يعني أنت تقرى وأنا لا سلطان ابتسم :قولي لوعد تعطيك من كتب مشعل جايب معه خمه حصه :مم لا جت فرصة طلبت منها ......... نزل سلطان راسه وجلس يقرا وحصه تطالعه وتتامله من الفضاوة لأن ما عندها شي هالوقت تسوية ....... أخر شي ملت لم شافت سلطان مطول في القراية قامت تكوي ملابس ولا تغسل أهم شي ما تجلس فاضيه ..........ومع الشغل راح تفكيرها إلا بعيد إلا مذكرات سلطان .. هل هذي بس اللي عنده ولا في الرياض مذكرات ثانية .. بتسأله متى ما حانت الفرصة ...... .................................................. .. العربية الجزيرة Mbc1 من بعدها انتقل إلى art لكل قنواتها .......ولم مالقى شي يسوى رمي الرموت بعيد عنه ...... حك شعره وقام من مكانه وحس بدوخة لكن ما أهتم وصل لغرفته وعلى طول على السرير انسدح عليه وسرح في السقف والنقوش الغربيه اللي فيه ........ غمض عيونه بقوة وتنهد بعمق......... حسب بعقلة على السريع كم بقى له من يوم حتى يرجع مره ثانية لأمريكا وناوي روحة بلايا رجوع ...... لم يخلص من دراسته ....ماله في الرياض حاجه .... دام أقرب الناس له أستخفت بعقلة وخلته ما يسوى شي ... وطاح من عين نفسه ............ حس بدوخة مرة ثانية تجيه ودعى في نفسه أن فقر الدم ما يرجع له مرة ثانية وفي حالته هذي والله ما رح يهتم لو أشرف على الموت ....... إلى أين يا ماجد راح توصل في هالحالة ؟؟؟؟؟؟ ............................................. جالس يمشي بسيارته على حدود القصر الفخم ....... ولم وصل للبوابه وكانت مغلقة حس قلبه يصعد لبلعومه من الخوف .. وبعد مراجعه مع نفسه أنه يرجع عن قراره ضرب البوري بدون راي وحس أنه تورط لم شاف شباك الحارس ينفتح ...........لا للهروب ....لا للتراجع ........ إلى المصير............. قال هالكلام في نفسة وبقوة نزل من السيارة وتوجه للحارس .... فاهم :عاوز مين ؟؟؟؟؟؟؟؟؟؟ طلال :سلطان موجود فاهم :هو صراحة مش موقود طلال أعصابه مشدودة متوتر : وين راح ؟؟؟؟ فاهم :هو مسافر بيتعلاج هو مسكين والله طلال :ليش فاهم :أنت ما تعرف إيش اللي قرالوه طلال :لا فاهم :عمل حادث عند الباب أهوه (وأشر مكان الحادث) والله أبن حرام اللي عمل معاه كيده ... والله مسكين ما صارشي يمشي ......أنت مين بالضبط؟ ؟؟!!!!! حس طلال أنه شوي بيصيح اللحين صار هو ابن الحرام في نظر هالحارس الضعيف .........ما جاوبه عن سؤاله وراح ركب سيارته وسط أستغراب الحارس من تطنيشه ... مشى بسيارته وتندم أن ما سأله متى سلطان يرجع من السفرة حتى يريح ضميرة ويرتاح ........... .................................................. .. في غرفة ربى كلمت ملاذ ربى بعد ما تصالحو لم عرفت ملاذ أن ماجد مسح صورتها مع أن ربى ما تأكدت ان ماجد سوى هالشي ولا لا ؟؟؟؟؟؟؟هي أرسلت بس ما جاه الرد ولا لها وجه تدق وتتأكد منه وكذبت على ملاذ حتى ما تخسرها للأبد .......... ¬°•| راح اترك لك كل شي وارحل |•°¬ (ملاذ) •°حسـ... الدنيا مثل أمي أزعلها وترضيني..ـبت•° (ربى) ¬°•| راح اترك : اللحين ماجد ما جى بيتكم •°حسـ... الدنيا :ولا أحد يعرف عنه شي ¬°•| راح اترك :ابدا محد يعرف •°حسـ... الدنيا : ولا أحد غيري انا وشوق ¬°•| راح اترك :ليش تقولين لشوق ؟؟؟ •°حسـ... الدنيا : هي تدري من زمان ¬°•| راح اترك :وش قالت •°حسـ... الدنيا : طحت من عينها ¬°•| راح اترك :من زمان •°حسـ... الدنيا : عمى بقلبك ¬°•| راح اترك :يعميك •°حسـ... الدنيا : هذا وأنا صديقتك ¬°•| راح اترك :يعني إذا صديقتي ما تطحين من عيني إذا سويتي شي غلط •°حسـ... الدنيا : تراك مشاركتني ¬°•| راح اترك :وهذا اللي قاهرني •°حسـ... الدنيا : وش أخبارك زواج أختك ؟؟؟ غيرت ربى الموضوع حتى ما تبدأ ملاذ في التعمق باللي صار وتذكرها باللي سوته وهي تحاول تنساه !!! ............................... يوم جديد ....في حياة حصه وسلطان ............. قام سلطان من النوم من العصافير الجوعانه في معدته لف على طول على حصه شافها نايمه بأستسلام ناظر بطنها المتفوخ وابتسم وقال في نفسه : متى بيجي اليوم اللي أشوفك فيه يا سعود... دور الكرسي شافه بعيد وشلون يقوم ويروح الحمام طالع الساعة لقاها 9 الصباح بدري على قومة حصه وما يبي يخرب عليها نومتها عشانه بس جوعان .. عدل وضعيته وخلى نفسه جالس ومسك جواله يلعب فيه يضيع الوقت .......وما قدر يمسك ضحكته لم سمع حصه تتكلم وهي نايمه وتقول:نصابه .... أيه ....وكلام غير مفهوم ........ وعقبها قلبت على جمبها الأيسر لجهة سلطان وشوي فتحت عيونها وجلست شوي تستوعب بعدين سألت عن الوقت وجاوبها..... حصه :بدري ارجع نوم سلطان :جوعان وأنتي الله يهديك مبعدة الكرسي بغت حصه تقول قم جبه بس تذكرت أنه ما يقدر فقامت وجابت له الكرسي وجلس سلطان وراح الحمام وهي انسدحت في نص السرير والنوم من عيونها طار لأنها من النوع اللي إذا قام ما يرجع ينوم إلا بصعوبه .. طلع سلطان من الحمام :حصه حصه :همممم سلطان :بترجعين تنومين ؟؟؟؟؟ حصه :لاااه طار النوم سلطان :شوفي الجوال فيه شي لك حصه :جوال مين؟؟ سلطان :جوالي حصه :وشفيه؟؟ سلطان :أقري المكتوب أهداء لك وعلى طول قامت حصه للجوال وأول ما فتحته لقت الأهداء : هل عندك شك أنك أحلى امرأةٍ في الدنيا ؟ و أهم امرأة في الدنيا ؟ هل عندك شك أني حين عثرت عليك ملكت مفاتيح الدنيا ؟ هل عندك شك أني حين لمست يديك تغير تكوين الدنيا ؟ هل عندك شك أن دخولك في قلبي هو أعظم يوم في التاريخ وأجمل خبر في الدنيا ؟ هل عندك شك في من أنت ؟ يا من تحتـل بعينيها أجزاء الوقت يا امرأة تكسر حين تمر جدار الصوت لا أدري ماذا يحدث لي ؟ ميلادي أنت و قبلك لا أتذكر أني كنت و غطائي أنت وقبل حنانك لا أتذكر أني عشت و كأني أيتها الملكة من بطنك كالعصفور خرجت هل عندك شك أنك أحلى جزء من ذاتي و بأني من عينيك سرقت النار و قمت بأخطر ثوراتي أيتها الوردة و الياقوتة و الريحانة و السلطانة و الشعبية و الشرعية بين جميع الملكات يا سمكاً يسبح في ماء حياتي يا قمراً يطلع كل مساء من نافذة الكلمات يا أعظم فتح بين جميع فتوحاتي يا آخر وطن أولد فيه و أدفن فيه و أنشر فيه كتاباتي يا امرأة الدهشة يا امرأتي لا أدري كيف رماني الموج على قدميك لا أدري كيف مشيت إلي و كيف مشيت إليك كم كان كبيراً حظي حين عثرت عليك يا امرأة تدخل في تركيب الشِعر دافئة أنت كرمل البحر رائعة أنت كليلة قَدَر من يوم طرقت الباب علي ابتدأ العمر كم صار جميلاً شِعري حين تثقف بين يديك كم صرت غنياً و قوياً لمّا أهداك الله إلي هل عندك شك أنك قبس من عيني و يداك هما استمرار ضوء ليدي هل عندك شك أنّ كلامك يخرج من شفتي؟ يا ناراً تجتاح كياني يا ثمراً يملأ أغصاني يا جسداً يقطِعُ مثل السيف و يضرب مثل البركان : قولي لي كيف سأنقذ نفسي من أمواج الطوفان يا امرأة لا تكرر في ألاف الأزمان يا امرأة ترقص حافية القدمين بمدخل شرياني من أين أتيت ؟ و كيف أتيت ؟ و كيف عصفت بوجداني ؟ يا إحدى نعم الله عليّ و غيمة حب و حنان يا أغلى لؤلؤة بيدي آه كم ربي أعطاني ............. حصه عظت على شفتها السفلى واستحـــــــــــــت وش هالمفاجاءة العظيمة وش هالأهداء اللي أبدع فيه نزار القباني .......يالله وش هالفرح اللي أعتمر قلب حصه ............. حست أنها ملكة الكون من أقصاه لأدناه ...... ضاعت الحروف منها ولا عرفت وش تقول غير أنها ترجع وتقرا المكتوب ...... ولم ماحست بصوت بالغرفة رفعت راسها مالقت سلطان ....... ضحكت وعرفت أنه مو من النوع اللي يحب اللحظات اللي مثل هذي ....... قامت وتسبحت ولبست جلابيه ومعها حجابها بنفس اللون ....وطلعت شافته جالس في الصالة وأول ما شافها قال :فطووور جوعان حصه :وش تشتهي؟؟؟ سلطان :أي شي بس بسرعه حصه :من عيوني وراحت تزين سندوشات ومع عصير برتقال ولم خلصت راحت للصالة وعلى طول كل سلطان ورحمته حصه لأنه واضح أنه جوعان مره ...... حصه :سلطان تكفى طلبتك سلطان :وش تبين ؟؟؟ حصه:خلنا نجلس هنا على الأقل ثلاث أسابيع سلطان :ما طفشتي حصه :أحد يطفش من لندن سلطان :أنا حصه :سلــطان بليز غير الحجز خلنا مستانسين هنا سلطان :اليوم بنطلع حصه :وين بنروح سلطان :بنتمشى نصور ما خذنا صور كثيرة هنا حصه :والله سلطان :يعني أكذب حصه :يعني لازم أكشخ ...... تركت الأكل وراحت للغرفة تطلع لها لبس مناسب للطلعه اللي بيحصل فيها تصوير ........ وركبت لها لبس ..بنطلون أسود مع بلوزة بنفسجية حقت حوامل وبالطو جلد عنابي فخم شرته اول ما جت للندن مع وعد وبوت من دون كعب مسح على الأرض نفس اللون طويل للحدود الركبه ......... طلعت لها شنطة سودا من شانيل ورتبت الأغراض على جمب ما راح تلبس العباية دام تشوف في اللبس أنه ساتر .... راحت تشوف سلطان لقته مخلص وقاضي ..... سلطان :وين رحتي ؟؟؟ حصه :أدور لبس سلطان :ولقيتي حصه :أيه سلطان:وش كنتي تحلمين اليوم حصه :ما حلمت بشي!!! سلطان :تتكلمين وتقولين نصابه وكلام ما فهمته حصه :أنــــــا قلت كذا سلطان :أجل أنا حصه :والله ما أذكر أني حلمت ضحك سلطان وجلست حصه تكمل فطورها وتتظر متى يقول لها سلطان يله خلينا نطلع .. ............................... الساعة 2 ونص في مدينة الرياض ...... ووقت الغدا في بيت أبو مشاري اللي ترأس الطاولة ومحد شرع في الاكل قبل أن يسمع صوته الجهوري وهو يسمي .......... أم مشاري طول ما تاكل تطالع أبو مشاري وفي بالها هل جاه خبر عن فسخ الخطوبة أولا ...... هي راحت لهم وشرشحتهم واحد واحد لا رجال ولا حريم وعطتهم شبكتهم وأعلنت المقاطعه لهم مدى الحياة ........ خلص أبو مشاري وقام واتجه للمغاسل ..... شوق :يوووه دقتها ربى بكوعها :أحترمي لا احد يسمعك شوق :وياي يا المحترمة ... ورمت على ربى شي فهمته على طول خلاها نفسيتها تنسد عن الاكل ولحقت أبوها للمغاسل .... رتاج بأسلوب جديد عليها:بأروح السوق من يبي يجي معي أم مشاري :ليش تروحين السوق ؟؟؟؟؟ رتاج :"بأشتري ملابس مناسبة للشغل أم مشاري :أيه بيضي وجيهنا عندهم وكان قاصرك فلوس خذي بطاقتي......... رتاج :لا الخير واجد ها شوق تبين تروحين شوق :أيه بأروح بكرة الدراسة وأبي جزم جديدة تعرفون أحب أغير الجزم ............ رتاج :وشوفي الثانية كان تبي تروح ولا لا بأطلع بعد العصر مباشرة .......وقامت من الأكل ... وبقى أم مشاري وشوق .......... شوق :غريبه ما صارت تتدلع في كلامها .......... سكتت أم مشاري وما ردت عليها ................. دخل عليهم مشاري ......:السلام عليكم ام مشاري :وعليكم السلام ... مشاري :وشلونك شوق شوق :الحمد لله بخير مشاري :مداومه على الحبوب شوق :يب مشاري:وين رتاج ؟؟؟؟؟؟؟؟؟؟؟ أم مشاري:رقت غرفتها ..... مشاري طلع ورقى الدرج بسرعه درجتين درجتين ...... وراح لغرفة رتاج لقاها مفتوحة دخل :رتاج طاحت الملابس من يدها :روعتنـــي مشاري:أبيك شوي رتاج :وين مشاري :أي مكان تحبين ..... رتاج :تفضل هنا ...وراحت وسكرت الباب وجلست هي على السرير وقبالها مشاري على الكنبه ....... مشاري: من وين عرفتي عن سعد ........... ولأن الجواب مجهزته رتاج من زمان ردت : من وحدة تعرفه قالت لي ....... مشاري :طيب رقمك غيريه ولا أنا أشوف لك رقم تستعملينه وهل هالله بالشغل لا تتهاونين فيه ترى كهل حسابات ويبي لها راسن صاحي وصلاتك يا رتاج صلاتك الواحد ما يضمن عمره والموت جاي جاي اللحين ولا بعدين ........... وقام وسلم وطلع ............. ورتاج سكــــــــــــــــــــــوت .......... أذن العصر وقامت ولبست وطلعت من الغرفة ودقت على جوال شوق عشان تخلص ............. وهي ما صلت ............. ركبت مع السايق وجلست 10 دقايق تنتظر شوق تجي ولم جت ....... رتاج عصبت عليها:لـــــــــيش تأخـــرتي ؟؟؟؟؟؟؟؟؟؟؟ شوق :بسم الله ما تسمعينه مذن كنت أصلي .......... يعني تبيني أروح السوق وأنا ماصليت شايفتني فاسقة........ فاسقة ........ قوية في حق رتاج ......بس تساهل لأنها جابتها على الجرح وقبل شوي مكلمها مشاري ...... حست أنها منبوذة من المجتمع ......... ليه هي ما تصلي ؟؟؟؟ وش اللي يمنعها غير الأعذار الشرعية ؟؟؟؟؟؟ وطول الوقت بال رتاج يدور حول الصلاة وفي السوق وفي كل شي تشترية .................. وفي أحد محلات التجميل في مركز المملكة ... شوق :رتاج وش رايك هذا الروج أحلى ولا هذا ........ رتاج :مالك دخل ......!!!!!! شوق طالعت يدها يمكن ماسكة الجوال وتكلم أحد لقتها تطالعها وكانها مركزة معها ...... شوق :وش اللي مالك دخل وين أصرفها فيه رتاج عصبت :أصرفيها في اللي تبينه ...... وطلعت من المحل ووراها الشغالة محملة بكم هائل من الأكياس وشوق منصدمة ... وش قالت هي عشان ترد هالرد العجيب الغريب اللي مو في محله ... شرت شوق الروجين وطلعت من المحل وحست شكلها غلط ما معها إلى كيسة مكياج صغيرة وتوها ما شرت اللي تبيه دقت على رتاج ولقتها في المحل المجاور دخلت وطالعتها رتاج بيعون غاضبه .......لأنها سمعت أن شوق تسألها ليش ما تصلي ..........لأن بالها كله مع الصلاة ........ حطت شوق الكيسة مع الشغالة وتطالع رتاج بأستغراب.... بعد ما خلصو من السوق وصرفو من الألاف الكثير من ساعات وشنط وجزم وغيره الكثير اللي تحت الطلب من الخارجز بسبب ان رتاج ما يعجبها أي شي ... وصلو البيت حدود 8 العشا ورتاج أنشغلت بملابسها ونست ما حدث في العصر .....ننتقل للعاشقين حصه وسلطان في لندن والساعة عندهم وصلت 11 الليل ..... وهم من طلعتهم العصر لحد الأن ما رجعو للبيت وفي بيد حصه الكميرا ووصلت حوالي 200 صورة لهم وولأماكن اللي راحو لها ......... سلطان :ما ودك نرجع البيت حصه وهي تدفه :لا سلطان :لا بعد يعني مافي شوي نص ساعة بس حصه :أيه لا ما نبي نرجع ....وقالت وهي مبتسمه .... كيفي ......... ضحك سلطان وتذكر شي :تصدقي اول مره أعرف أن غادة معناها المرأة الناعمه ............ حصه :اللحين وش دخل غادة ومتى تعرفها عشان تقول أسمها ؟؟؟؟؟؟؟؟؟؟؟؟؟؟؟؟؟؟؟؟؟؟؟ سلطان :هههه لا بس قريته في كتاب المتنبي حصه :أيه أشوى ......وبعدين حصه معناها المرأة الدلوعه الحلوة الناعمه الكشخة ............ سلطان :في بعد أشياء ما قلتيها ...... حصه :أيه الرزينه العاقلة المرحة !!!! سلطان :ما شاء الله كل هذا معنى اسمك ؟؟؟؟؟؟ حصه :هههههه سلطان :الله يستر عليك بس من الكذب ....... ضحكت حصه وكملت تمشيتها مع سلطان لم تعبو وراحو للشقة بعد مضي أحلا يوم في حياتهم الزوجية ...... وعرفت حصه أشياء كثيرة جاهلتها عن عائلة سلطان مثل عدد عمانه وعيالهم ووش يشتغلون ......... وعن أبوه وطبيعة شغلهم ......تكلم سلطان عن عمله والمشاكل اللي تمر عليهم يوميا ........ وصدمتها بفسخ خطوبة رتاج من سعد بدون ما يذكر لها الأسباب وعن شوق والسكر اللي جاها لأنها توها تدري وتكلم عن خواله اللي ما يشوفونهم الا في السنة حسنه أحاديث كثيرة ومناقشات عديدة مرت بها حصه اليوم مع سلطان ....... وعسى أيامكم كلها أفراح .......... ........................................ في صباح يوم السبت يوم المدرسة بعد الأجازة النصفيه بين الفصلين .................... قامت رتاج من النوم وطالعت الساعة لقتها 6 إلا ربع..... راحت وتسبحت وجلست تستشور شعرها ولم خلصت لفته بالفافات وخلته وراحت للدولاب وطلعت اللبس اللي راح تلبسه اليوم ....... توجهت للتسريحة وجلست نصف ساعة تصلح المكياج ولم خلصت لبست وأخر شي فكت شعرها ومشطته ثم خلته بدون أي أضافات .......... لبست عباية ذات النقوش الوردية .......اللي نفس لون المناكير في يدها ... وخذت شنطتها وجوالها وطلعت طالعة ساعتها لقتها بتجي 8 والربع ... مالقت فرع النسائي للبنك ............. ونزلت من السيارة ودخلت بكل وثوق ووصلت للأدارة ولانها أول مرة تجي ما عرفوها ............... رتاج دخلت على مكتب المديرة العامه بدون ما تدق الباب ولأن السكرتيرة مو موجودة ......... رتاج طالعة الموجودين :السلام عليكم وكانو 4 حريم جالسين ومعاهم أوراق ويتناقشون فيها ردو السلام وحدة من اسمها عليا :نعم اختي وش بغيتي ؟؟؟؟؟؟؟؟؟ رتاج :وين المديرة العامة ........ الموظفة الثانية أسمها فاتن ردت :المديرة العامه نقولها من هنا وطويلة العمر للحين ما شرفت ..... قالت الأخرى بسخرية واسمها نجاة:مدري متى بتجي ؟؟؟؟؟؟ قالت الرابعه وتكنى بأم وائل:عزا الله ضاع العمل إذا لهلوقت ماجت عليا :أختي الموظفات تحت تبين شي تحت هنا فقط تتواجدين للأمور المهمه طالعتهم رتاج بحقاره وتوجهة لمقعد المديرة وجلست ...... رتاج ورافعه خشمها :كل وحدة على شغلها وما أبي أي أحد يدخل مكتبي وقولي للسكرتيرة تكون على مكتبها اللحين .. واللوحة المديرة السابقة تنشال ويحط أسمي وعلت صوتها: رتاج بنت خالد آل ــــــــــــــ طالعوها الموظفات بأستغراب وطلعو على طول وعند مكتب السكرتيرة عليا دار هالحديث : عليا :الله لا يفضحنا والله فشيلة وربي أول يوم تدخل ونسوي بها كذا أم وائل :اللحين هالبزر بتتحكم فينا أصغر مني بعشرين سنة هذي أخرتها يعني .............. نجاة :أقول عليا روحي لها لا تسوي اللحين مشكلة لك شكلها قشرا ونافخة ريشها ............. راحت عليا والموظفات مشو وطلعو للسيب المكاتب وكملو حش في رتاج وفي طريقة كلامها وبكل شي شافوه في دقيقة .............. أما رتاج تكلمة مع عليا بجدية لأنها الوحدية من بينهم واضح انها طيبه وهي ما تتعرض للناس الطيبين ............ جلست عليا توضح لرتاج بعض الأشياء في العمل لمدة ساعتين ومن بعدها جلست ربى تكلم مشاري يعلمها وش تسوي اللحين ...................... وكل شوي تدق عليه تسأله لانها مصختها مع عليا كل شوي مناديتها وهي حرمة في الثلاثيات وحامل ...... ما طلعت من الدوام إلا 3 العصر......وراحت للبيت وهي هلكانه ورايحة في أمها ........ .................................................. . بعد أسبوع ونص ...........ما صار فيه شي يذكر ........ ورتاج كل يوم تتعلم شي جديد في العمل وإلا الأن ما أستوعبت كل شي وربى وشوق كل وحدة ترمي للثانية نغزات في كلامهم اليومي ...... اما منيرة ولطيفة راحو مدرسة جديدة وقريبه جدا ما تبعد عن بيتهم إلا مسافة شارعين .........وحصه دخلت شهرها السابع ........ ................................ يوم الأثنين .......... وصل ماجد شقته في لوس أنجلوس ....... ودخل وما سمع أي صوت في الشقة وصل الصالة والتلفزيون مطفى توجه لغرفته وهو يدف شنطته دخلها ......وكانت مكتومة لأن محمد ناسي يهويها في غياب ماجد ......... ولع اللمبات وفتح الشبابيك جلس على السرير وجلس يطالع غرفته ........ملابسه اللي بدلها موجودة فوق مكتبه !!!! طلع له ملابس نظيفة وراح يتسبح ولم خلص انسدح بتعب من الرحلة الطويلة اللي قضاها في الطيارة وما نام فيها غير ساعة فقط ...........ولأول مرة يسويها انه ما ينام في الطيارة لكن باله مشغول بكل شي ........ كح كم مرة وحس أن دخله برد ....قام وسكر الشبابيك ........ ورجع ينسدح ...........غمض عيونه ...... وأول شي جى على باله مها صورة صديقة أخته ...... الصورة اللي كانت بداية عشقة الهزلي ؟؟؟ تنهد وأطلق كلمة :آآآآه ودائما نقولها لم نيأس من وجود الأمل ..... ........دخل الغرفة شاف شخص هزيل منسدح ودقنه كثيف قرب لمه .......يحاول يعرفة ...... محمد وهو مصدوم :ماجد فتح ماجد عيونه وطالع محمد وأستوعب وقام له وضمو بعض ............ محمد بعد ماجد عنه وهو مفجوع:ليـــــــــش شكلك كــــذا ؟؟؟؟؟؟ ورى وجهك منقلب وناحف ............ وشفيك صاير لكم شي ,,,,,,, لكن ماجد فاضت عيونه بالدموع لا إراديا ... صحيح رجال لكنه رهيف ........ أما محمد طالع ماجد لحظات ورد:مات أحد حاول يتماسك ما ينهار .......... لكن ما قدر ......... حط راسه على كتف محمد وأبتدأ بالبكاء مع أهتزاز جسمه ومحمد لا كلمة ولا حركة .....وأنشلال في التفكير ..... خويه تنزل دموعه ليه ؟؟؟؟؟؟؟؟؟؟؟؟؟منهو ولد الكلب اللي نزل هالدموع ..... من رجال له أقوال وأفعال ........ .............بعدا دقائق بعد ماجد عن محمد ونطق بأنه يخليه لحاله وتركه وقلبه معه ....... .................................................. ............. جلس أبو مشاري على فراشه وطالع أم مشاري الواقفه قباله أبو مشاري :عندك موضوع تكلمي ...... أم مشاري : لا خلاص ما يصلح اللحين أبو مشاري :ما حنا بزران تكلمي وأخلصي...... أم مشاري :اخاف تتضايق أبو مشاري:عن رتاج وسعد ؟؟؟؟؟؟؟؟؟؟ أم مشاري انصدمت :ومن اللي قالك أبو مشاري :اللحين لها أسبوعين مدري كم فاكة الخطوبة ولا تقولين لي ......أنا عرفت من الناس .........ولا عاد تعيدينها مرة ثانية وقولي لعيالك لابغو يزوجون أختهم يزوجونها واحدن صاحي مانبي فضايح ........ غطى نفسه بالبطانية وجرد كل معاني الأبوه ............... إذا هو ما كان له دخل في زواج بنته وشوله يكون أب .... جلست أم مشاري تناظرة وعقب طلعت وفي بالها انه أحسن ما جلس يهاوش ويسوي سالفة ........ ويكون أحسن أنه ما يتدخل في هالأمور لأنه يخرب كل شي !! ..............في بيت مشاري ..جالس على مكتبه ودخلت عليه ساره سلمت ولا رد السلام .......... حطت كوب العصير جمبه وطلعت وهو ولا كلمة معاها من يوم صار اللي بينهم وعرف أنها خبت شي مثل هذا ولولا أن صقر لسه بيبي لكان طلقها لأن هالأمر ما تسويه وحدة عاقلة وتبي الخير لأهل زوجها .......وأنها تهاونت في هذا الأمر راح تتهاون في أمور أكبر وأكبر وهذا في نظر مشاري ...... رن جواله وكان من مشعل رد عليه وجلس يسولف وقال له أن طيارتهم راح توصل يوم الأربعاء الساعة 1 الظهر .............. واستناس أنهم بيجون لأن البيت بدون سلطان ماله طعم وكئيب ... طالع ساعته لقاها بتوصل 8 ونص العشا راح على طول لغرفته ولبس وطلع رايح للاستراحة مع ربعه يقضي باقي الوقت لأنه كاره البيت بوجود ساره اللي دخلة المكتب وحزت في خاطرها أنه ما شرب العصير اللي مصلحته له ... ...........وفي غرفة شوق جالسه تعد من 1 إلى 10 ....... ولم وصلت للعشرة ضغطت زر الأتصال وجاها صوت الصدى اللي حاطه مهند وكان أغنية أجنبيه ما عرفت أي فرقة لأنه على طول رد ... مهند :ألو شوق :السلام عليكم مهند :وعليكم السلام ....نعم شوق بكل جرائة:أخبارك؟؟؟؟؟؟ مهند ما عنده أسلوب أبدا ولا يعرف في البنات رمى في وجهها الكلام وكان مجهزة من زمان:شوق أنا أنسان ما ألعب في بنات الناس وخاصة أني خاطب فلو سمحتي امسحي رقمي أحتراما لي ولخطبيتي وما ظنتي ترضين أن أحد يكلم خطيبك ................ مافي رد أنتظر مهند وعقب سكر الجوال .......... خاطب ................ حست كأنها تبحر عكس التيار وأصابها الدوار ....... قامت من على الكرسي وحست أن كل اللي حولها يدور ويدور ............. ويدور ....... من بعدها ماحست بأي شي ......... .......................................... صباح الثلاثاء ........... ولأنه أخر يوم في لندن حبو الأزواج الأربعه أنه يكون فعلا غير قامت وعد وحصه من الصباح وصلحو سندوشات كثير بكل ما تشتهي النفس وعلبوها وجهزوا العصيرات وكل شي ولم قام مشعل وسلطان ولبسو راحو للحديقة المجاورة لهم وفي جو هالصباح المنعش أحلوت السواليف خذو لهم كم صورة جماعية لأخر جلسه لهم ...... وضحك وفله وسعة صدر ...........ولم جت الساعة 10 ونص راحت وعد ومشعل يتمشون وخذو معهم الباقي من الفطور حتى يرجعونه للشقة ... سلطان :حصه حصه :لبيه سلطان :أبي منك طلب حصه :وشو .... سلطان :تروحين تشترين أوارق رسايل مع ضرف كبير اللحين حصه عقدت حواجبها استغرابا :وليش ؟؟؟؟؟؟؟ سلطان :ما عليك جيبها بعدين راح تعرفين ........... حصه:طيب اللحين؟؟؟؟؟؟!!! سلطان :اللحين معك فلوس حصه قامت :لا معي خذت شنطتها وابتعدت وغابت عن نظر سلطان وبالها مشغول من الطلب الغريب من سلطان بس تذكرت أنه يكتب مذكرات فيمكن يكتب مذكراته لكن كانت كل الأوراق اللي شافتها عادية مو ورق رسائل مزخرف راحت وشرت له اللي يبيه ورجعت وخذ مشوارها ربع ساعة ..... وصلت لها ومدت له الكيسة وطلع قلم من جيبه .... وأخذ علبة منديل وتركى عليها وبدا يكتب في الأوراق وحصه ودها تعرف وش يكتب وتحاول تسترق النظر لكن سلطان حرك كرسية ومشى بيعد عنها ورجع يكتب وحصه تطالعه وكلها فضول أنها تعرف المكتوب بعد ما مضت ربع ساعة وهي جالسه لحالها وسلطان بعيد ويكتب شافته يشق اللي كتبه وحست أن قلبها اللي انشق وشلون راح تلحق وتقراه ...لكن رجعت تبتسم لم شافت أوراق ثانية يسفطها ويدخلها في الظرف ويسكر عليها بأحكام ويكتب خلف الظرف شي ........... ومن بعدها رجع بكرسية وعلى وجهه ابتسامته اللي تحبها وتموت فيها خاصة لم تبين صفت سنونه الؤلؤية ..... جلس يسولف معها وكل مره تضبط لسانها من أنها تسأله لأنه أكيد بيقول مو شغلك .......... جلسو ربع ساعة ثم دق على سلطان مشعل وطلبه يرجعون الشقة لانهم بيروحون للدكتور بيطلعون أوراقة النهائية من المستشفى عشان ياخذها ويكمل علاجه في الرياض ...... رجعو وفي الطريق رمى سلطان الأوراق اللي شققها في الزبالة الخاصة بالأوراق .........وصلو للشقة وسلطان لسه ماسك الظرف في يده ...........وطلع مع مشعل والظرف لسه بيده ....... جلست حصه مع وعد عند الشباك يتبادلون الأحاديث وكلهم أحزان من فراق هذه المدينة الاكثر من رائعه ............. وقبل الظهر رجع سلطان مع مشعل لكن حصه ما شافت بيد سلطان الظرف ........... وراحت لقافتها في أدراج الرياح ...... ......................................... رمت شنطة المدرسة على الأرض وانهارت على السرير وسالت منها الدموع اللي كاتمتها طول دوامها في المدرسة وسؤال صديقاتها عن الضربه اللي في راسها بعد طيحتها البارح من سمعت بالخبر اللي سم بدنها .......طاحت ولا أحد سمى عليها ....... جلست ربع ساعة مغمي عليها لحد ما أفاقت من نفسها وكلت حبوب السكر اللي ناسيتها .............. قامت تمسح دموعها بطرف كم بلوزة المدرسة لم وصلت للحمام ودخلت تسبحت وطلعت ولبست وصلت الظهر وفي كل سجدة تدعي على مهند بالهلاك ............. من الحقد اللي تولد فيها عليه هو وخطيبته ......... دعت أن الله ما يوفقهم ولا يجمع بينهم بخير ....... ولم خلصت من الصلاة راحت وحطت راسها على الوسادة وجلست تحلم أن تنوم وتقوم تلقى نفسها في عالم ثاني غير اللي تعيشة عالم كله سعادة وفرح والأهم بساطة وتواضع ....... وهذا اللي فاقدته شوق ........... ............................................... ما ودك تقول لي ماجد وهو عيونه على التلفزيون وباله بعيد في شي ما يدري أصلا وشو !!!!!!!!!!!!!! هز راسه بالنفي ..........وقام محمد وهو معصب : أنت منتب صاحي لك يومين مقلقني ما أدري وشفيك ولا أنت راضي تقول لي وتريحني ........ما تاكل ولا تشرب شوف وجهك وشلون غادي أصفر شف عيونك من السهر وشلون غادية كأنك واحد ميت .........كلمني قلي وش صاير ........ لا متى بتظل ساكت ........... هز راسه ماجد بالنفي وهنا محمد بغى ينجن ....... طفى التلفزيون ورمى الريموت في الأرض وأنقسم إلا أجزاء متعددة ....................... وطلع من الشقة تارك الباب وراه مفتوح ويتلفظ بكلمات من القهر اللي فيه لأنه جالس يشوف خوية يموت قباله ولاهو قادر يسوي شي وكل كلامه ما سمع ماجد منه شي وما انتبه إلا بصوت كفرات سيارة محمد تصدر صوتها المزعج احيانا ...........................ابتسم وقام وولع التلفزيون وجلس يطالع الاعبين وهم يتحركون لكن ما يدري أي فريق ولا كم النتيجة ........................ شاف جواله يرن وكان أحد الطلاب الأجانب في الجامعه ما رد عليه ........وخلى الجوال يدق كم مرة بدون أي حركة منه .......... .................................................. . وقف طلال عند شباك حارس بيت رتاج وسأله :عرفت متى سلطان بيجي؟؟ فاهم :أنت مين بالزبط ؟؟؟؟؟؟ طلال :أنا أعرف سلطان من زمان وأبي أشوفه عندي موضوع ضروري معه فاهم :طيب أديني نمرة الموبايل بتاعك وأن أول ما يوصل راح أبلغك طلال ارتبك:لا ما راح أعطيك أنا أصلا عندي رقم سلطان فاهم :طيب أتصل بيه طلال بكذب :الجوال مسكر فاهم حك راسه:أيوه صح هوا مسافر لندن... طيب خلاص أنا أروح أسالك ليك المدام وأرقع ما تروحش هنا ولا هينا راح الحارس وأنتظر طلال ........ ما شاف فاهم إلا ربى حاطه رجولها في المسبح وتهزهم وتطالع السما وسرحانه ..............ولم سألها فاهم متى وصول سلطان للرياض قالت له بعد 4 شهور ......رمتها كذا من دون حساب وفاهم راح وقال لطلال اللي انصدم بالوقت الطويل وركب سيارته ورجع للبيت وهو يفكر بعذاب الضمير اللي راح ينتظره طول هالمدة .... وفي روحة طلال دخلت سيارة السواق محملة بالأستاذة رتاج اللي صار لها في البنك هيبة واحترام من كل الموظفات والكل صار يحسب لها حساب وهي بدت معهم بجد حتى ما يأخذونها أنها بزر وما تعرف شي ............. نزلت رتاج من السيارة وتك تك تك صوت كعبها أزعج سرحان ربى وخلاها تدعي أن الكعب ينكسر وتتوب من لبسه ........ رفسة ربى الموية برجلها وقامت راجعه للبيت ولغرفتها للنت ولحياتها بين المنديات المشاركة فيها والشات اللي رجعت تدخله حتى تطلع اللي في قلبها عليهم من السب والشتم ...................... ..........................................