ولد الترف والدلال - الفصل 26 - بقلم بنت الأكابر - مكتملة | روايتك

المحطة السادسة والعشرون: يوم الخميس الساعة 11 الصباح قامت شوق من النوم وعيونها متتفخة وعلى صغرها طالعه كنها يابانية دخلت الحمام تسبحت وطلعت لبست لها بنطلون وتشيرت مع جزمة رياضية وطلعت من الغرفة بعد ما حطت جوالها مثل العادة في الجيب وراحت لغرفة ربى طقت الباب ودخلت لقتها نايمة فطلعت ونزلت مع الدرج للصالة وكانت الأنوار أغلبها طافية ونور الشمس هو اللي متواجد وكان القصر يجيب الكآبة جلست في الصالة ولمت رجولها وحطت راسها على ركبها .....تحس بتعب امس الليل 4 مرات راحت الحمام وتحس بجفاف في حلقها مع شوية دوخة ما تدري وش السبب وماقد صارلها هالشي ومن النادر تقوم وهي نايمة عشان الحمام كيف لم صارت 4 مرات .......... رن جوالها برسالة نزلت رجوالها وطلعته ولقت الرسالة من ربى ((تعالي سكري الباب فتحتيه ورحتي ))) ابتسمت لأنها نست تسكر الباب راحت ورقت من الدرج وقبل ما توصل لغرفة ربى حست بدوخة ومن بعدها ما عاد حست بعمرها ........... ربى سمعت صوت خبط على الأرض بس متعيجزة تقوم تشوف لكن حس بقلق وقامت من السرير وطلعت وتفاجأة بشوق طايحة على الأرض........ سحبتها ودخلتها غرفتها وسكرت الباب حاولت تصحيها ما قدرت فراحت وطلعت من ثلاجتها عصير وخبطت شوق على وجهها لم قامت شوي وشربتها العصير وربع ساعة إلا هي راجعه مثل قبل ... ربى مرتاعه من شوق :وش صار لك ............بسم الله شوق تمسكت راسها :مدري والله دوخة غريبة ......... ربى : وش سببها ؟؟؟؟؟؟؟؟؟ اول مره يصير معك كذا ........ شوق تقوم وتنسدح على سرير ربى :مدري ربى :ما كلتي شي من أمس صح شوق :لا والله ماكلة بس مدري وش فيني امس الليل قمت 4 مرات للحمام وأحس بعطش غريب ..... ربى :لا يكون فيك السكر مثل سلطان يقول أنه وراثة شوق :لا وين سكر ولا وش معنى جاني وأنتي لا ربى :مو شرط كلنا يجينا بعضنا ................ شوق :لا لا مو سكر ربى :إلا هذي أعراض السكر وتشوفين إذا ما كان فيك شوق :أعوذ بالله منك تفائلي خير ربى :قومي لبسي نروح نكشف عليك شوق :الله نروح نكشف وش دعوى ربى :قومي لبسي وما راح نقول لأحد أننا رحنا تونا ما يقومون إلا 1 شوق تعدل نفسها وتجلس: جد لو فيني السكر وش بيصير ربى :وش بيصير يعني تتعالجين شوق :ما يروح ربى /: لا ما يروح شوق : لا تخوفيني ترى بأصيح ربى : أقول قومي نروح نحللك ونرجع بسرعه شوق :خايفاااااااااه اخاف من الأبر ربى طالعتها بعيون عصبية :قومي خلصينا بسرعه شوق :طيب طيب شوووواي وقامت وطلعت من الغرفة وربى بسرعه راحت ولبست وطلعت وخلت السواق يجهز السيارة شوي إلا شوق راكبه وانطلقو إلا أقرب مستوصف ..... ونزلو وبدت شوق تتنافض وربى تحسفت انها جابتها تدري ان أختها خوافة ............سجلو أسمائهم ودفعو الكشف وجلسو في الأنتظار وبعد دقايق دخلو ....... الدكتور رندا :أهلا صبايا تفضلو اقعدو جلست ربى وشوق الدكتورة :مين شوق فيكن ؟؟؟؟ ربى تأشر على شوق الساكته :هذي شوق وأنا ربى أختها الدكتورة :شو الأموره فيها ؟؟؟؟؟؟؟ ربى تطالع شوق تنتظرها تتكلم ما تكلمت أضطرت تتكلم هي ربى :أمس الليل راحت الحمام 4 مرات وتحس بجفاف في الحلق وقبل ساعة أغمى عليها ................ الدكتورة :وشو كمان بتحسي بس هدي الأعراض ؟؟؟؟؟؟؟؟ شوق :بس ربى :أنا شكيت أن يكون سكر لأن كثير من عائلتنا فيها الدكتورة :وهدا الأحتمال لكن هالأعراض ما جاتها إلا اليوم صح هزت راسها شوق ب نعم الدكتورة :راح نعمل لك تحليل سكر وبكرة تطلع النتيجة ربى :ليش بكرة كثير شوق : لا لا بكرة أحس بكرة الدكتورة :ههه شكلك خايفة كتير .............نادت على النيرس وقالت لها تسحب دم من شوق اللي بدت تبيض من الخوف وقامت شوق لغرفة التحاليل وجلست وغمضت عيونها بقوة لم دخلت النيرس الأبرة وسحبة الدم وارتاحت لم خلصت وربى ماسكة الضحكة على شكل شوق الخايفة ...... لم خلصو طلعو وركبو مع السواق ربى :شفتي خلصنا في ربع ساعة شوق: حتى ولو بعدين لا صار فيني السكر وش أسوي ربى :أقول شوق عن الأسئلة السخيفة وووساجد أمش مشى ساجد شوق :روح بنده ربى :ليه؟؟؟؟؟؟؟؟ شوق :مالك دخل ...... ربى :وش تبين من هناك شوق :أبي إاللي أبي ..........يله ساجد ربى طالعت شوق بحاجب مرفوع من الاستغراب وش تبي ذي من بنده ........ ........................................... راشد جالس جمب واحد توه مدخلينه السجن جديد ........ لف عليه راشد :وش قضيتك الرجال :وش عليك مني راشد :مطول ؟؟؟؟؟؟؟؟؟؟؟ الرجال : ليه أنت كم ؟؟؟؟؟؟؟؟ راشد :10 سنين وأنت ....... الرجال :خلها على الله راشد :وش قضيتك بالضبط شكلك يقول أنك مطووول الرجال:تهريب حشيش للسعودية ........ راشد :منت أحسن مني الرجال :ليه أنت وشو ........قاتل ........ راشد :لا والعياذ بالله ! ترويج مخدرات الرجال :غريبة ما قصو راسك راشد :قضيتي ما فيها قص .....شفت ذاك (أشر على واحد في زاوية السجن جالس يقرا قرآن ) : الرجال :وشفيه ؟؟؟؟؟؟؟؟؟ راشد :محاكمته الأحد ..........بيقصون راسه الرجال :رحمة الله عليه ....وش مسوي ؟؟؟؟؟؟ راشد :الله يهدية مغتصب .... الرجال: أستغفر الله ......ما يستحي ينتهك حرمات المسلمين راشد :ما تشوفه كيف جالس على القرآن ما تاب إلا لم حس أن بيقصون راسه ........... الرجال :ما عليك منه قلي أنت كيف مسكوك ؟؟؟؟؟؟؟؟ راشد :جبتها على الجرح لا تسأل الرجال :مخون فيك واحد من الربع ؟؟؟؟؟؟؟ راشد : زي كذا الرجال: شكلك غبي ما تعرف تختار ربعك ...... راشد :أنا الغبي ولا أنت اللي شكلك مهرب الحشيش من نقاط الحدود ................. الرجال :يلعن أبوهم (أستغفر الله ) في كل متر تلقى الحكومة راشد :عشان اشكالك ما يدخلون البلد إلا أنت سعودي؟؟؟؟؟؟ الرجال :شايفني أحكي لك بنغالي\ راشد " بس أشباهك غريبه الرجال :ما الغريب إلا الشيطان ............... لف راشد يطالع الرجال اللي يقرا القرآن وسكت ......... تذكر رتاج ...........الحقيرة ........ شايل بقلبة عليها حقد ما أحد يقدر يشيلة ............ يا ترى وش بيسوي مع رتاج ؟؟؟؟؟؟؟؟؟ .............................................. دخل مهند جواله في جيبه وقام من كرسية لأن في عربية جديدة جايه وما لف يطالع البنت مو من طبعه ........ يحاسب وبس ,,,,,,,,, ربى ربى أحس في شي ناقص ولا ..... ربى تلف عليها :غير هذا بعـــــد شوق :أخاف بكرة تطلع نتايج التحليل وأنحرم ربى :اففففف أنتي الخسرانه محد بيموت غيرك .... شوق :كله منك تتفاولتي علي لم كنه بيصير ...... مهند كان يستمع لحديثهم ومشبه على الصوت بس عيب يرفع راسه ..... شوق تطالع ساعتها حست انهم تأخرو راحت تطلع الشوكلاتات اللي في العربية وتحطه على السير عشان يحاسب عليها وحان منها التفاته للمحاسب وشهقت غصبن عنها لا إراديا ومهند لف يطالع وش صاير وطاحت عينه في عين العصلا ونزلها بسرعه ويحاول يهدي من سرعات قلبه اللي زادت عن الحد الطبيعي .................ومية سؤال يدور في باله ......... منها :وش جابها هذي هنا ..........؟؟؟؟؟؟؟؟؟ ربى أستحت من تصرف شوق لم شافت المحاسب هي ناسية شكل راعي الجح فما عرفته اللحين وظنت أن شوق لم شافته حلوة شهقت .............. شوق لم حست على عمرها حمر وجهها من الفشلية ورجعت لورا ....... ربى بهمس :أنهبلتي شوق :هذاهو هذا ربى تقرصها :أسكتي وعدك بعدين ....... شوق سكتت وتطالع مهند كيف مرتبك مهما حاول انه يخفي عيبه أنه واضح كل شي يفكر فيه يبان على جسمه ....................... ربى حاسبت بسرعه وطلعو وعيون شوق على مهند اللي رجع يجلس على كرسية وضام يدينه في بعض .................... دخلو السيارة ......... ربى :ما تستحـــــــين على وجهك أنـــــــــتي ما تعرفين تضبطين نفسك ؟؟؟؟؟؟؟؟؟؟؟؟ شوق :وشفيك هذا نفسه راعي الجح ربى :أي جح وأي خرابيط هذا تصرف وحدة محترمة ........؟؟؟؟؟؟؟ شوق :وشفيك معصبة هذا اللي قلت لك عنه ورحنا نشوفة ربى :ما أذكر ........... شوق :اللي يبع الجح في الشارع .............. ربى تذكرت :أيه أيه بس هذا واحد ثاني شوق تغير الموضوع :وش رايك يجنن صح ؟؟؟؟؟؟؟ ربى ترجع ظهرها للمرتبه :عادي ........بس تصرفك خاطىء شوق تحط يدها على خدها :مره تعرفين الخطأ والصح .........؟؟؟ ربى :وش قصدك؟؟ شوق :تعرفين وش أقصد ,,,, رفعت ربى حاجبها الأيسر وطالعت شوق وصدت للشباك وتفكر في شوق اللي لين اللحين مانست الولد وخافت أن شوق تتعلق فيه خاصة أنه يشتغل في هالمكان العام ............ أما عند شوق تنتظر رجعتها للبيت أسرع وقت حتى ترسل لمهند رسالة تتعبر عن مفاجأتها ........... .وفرحتها .................................................. ..........\ سلطان جالس على السرير وقباله حصه منسدحة على جمبها الأيسر على الكنبة ,,,,,,,وضعية مريحة لها ....... سلطان / ما ودي أجلس هنا 6 شهور حصه :موب على كيفك ؟؟؟؟؟؟؟ سلطان : ؟؟؟؟؟؟؟؟ حصه طالعته :وشفيك ؟؟؟؟ سلطان :إلا على كيفي حصه :يعني وش قصدك ما فهمت عليك سلطان :أنا مستحيل أمشي مرة ثانية وعارف نفسي ,,, حصه :ليه يأس كذا من أولها سلطان : 1,% بالمية معاق يمشون بعد العلاج الطبيعي حصه :يمكن تكون من هالواحد سلطان :ما ظنتي حالتي ما تسمح حصه :ومن قالك هالكلام سلطان :نفسي حصه :همممم سلطان :شهرين ونرجع حصه تمشي له السالفة وهي ما تدري أنه جاد :أيه اللي تبيه ........................................... خولة :أقولك كيكة دائرية مو مربعه ........أيه بسرعه ...... وسكرت .... أم صلاح :وش تسوين أنتي .؟؟؟؟؟؟؟؟؟؟؟؟؟ خولة :اليوم بيدخل مهند الـ23 سنة أم صلاح :وبتسوين له كيكة ؟؟؟؟؟؟؟؟؟؟؟ خولة : لا وين أصلح فاضية له طلب من محل يجيبون ... أم صلاح : بس يا يمة أعياد الميلاد حرام .. خولة :ما جبت له هدية كيك وبحطة في الثلاجة ومتى ما يبي ياكله بياكل أم صلاح :يعني منتي مسوية حفلة خولة : لا يمه وين تبين أبوي يذبحني بس كيكة أم صلاح :الله يهديك ,.,,,,,,,,,,,, دخل مهند البيت وسلم ورقى على طول ...... أم صلاح :يا حليلة بعد قلبي دخل 23 سنة خولة :ههههههههه يمه أنقلبتي حنونه ......... أم صلاح أبتسمت لبنتها ......... في غرفة مهند أول ما دخل رمى نفسه على السرير ............... يريح ظهرة بحركة دايم يسويها لم يحس أنه بذل مجهود ......... رمى غترته على جمب وحرك شعره بقوة حتى يرتاح ثم قام وراح يتسبح لم طلع ولبس جلس على سريرة وهو مبتسم ...... اليوم مفاجاة شوفتها ............... تن تن تن ...............رسالة جديدة ......... فتح جواله ": ((مهند ........)) أستغرب مهند رسالة شوق ............ مافيها أي معنى ينفهم ........... حط الجوال بعيد عنه وجلس يتذكر حوارها مع البنت اللي معها ... ((ربى ربى أحس في شي ناقص ولا ..... ربى تلف عليها :غير هذا بعـــــد شوق :أخاف بكرة تطلع نتايج التحليل وأنحرم ربى :اففففف أنتي الخسرانه محد بيموت غيرك .... شوق :كله منك تتفاولتي علي لم كنه بيصير ......)) وش فيها شوق .............؟؟؟؟؟؟؟؟؟؟؟ سؤال يدور في باله مهند ومحيرة ............ انطق باب الغرفة ودخلت خولة ............ خولة :مبرووووووووووووووووك مهند :على ايش ؟؟؟؟؟؟؟؟؟ خولة :اليوم بتدخل 23 ........ مهند :جد ........ما دريت ....على العموم..... عقبالك .......... خولة :ترى خطبت لك وحدة مهند رفع حاجبة الأيمن : لا والله ومن سعيدة الحظ خولة :صديقتي مهند :ما شاء الله كم عمرها ؟؟؟؟؟ خولة :يعني كم بيكون 15 سنة مهند :أقول أقضبي الباب أبي أرقد خولة :هذا جزاتي جايه أقولك ترى في الثلاجة كيكة لك ....... مهند :طيب شكرا بس أبي أرقد أطلعي خولة :ما تبي غدا مهند :لا ما أبي تعبان أبي أرقد خولة :كيفك ...... طلعت خولة من الغرفة بعد ما سكرت الباب بهدوء ......... ومهند قام وطفى اللمبة وسكر جواله ونام ........ ............................................. ربى تكلم ماجد على المسن : ...* «´¨`•.**اختصرت بحسنها كل المعاني .. •._. :ماجد ∞‡… لاًيٍهًمٍكً حًبٍيًبٍيً شًفٍ مًكٍاًنٍكً هًنٍاً ∞¦‡¦∞ بًيٍنً ظًلٍعًيٍنً قًلٍبًيٍ يًاٍحًبٍيًبٍ اًلٍعًيٍوًنٍ …‡∞:مها ∞‡… لاًيٍهًمٍكً: حبيبي أبقولك شي بس أتمنى ما تزعل مني ...* «´¨`•.**اختصرت: وشو ∞‡… لاًيٍهًمٍكً: أبوي حدد بكرة بعد العشا شي ...* «´¨`•.**اختصرت: وشو ∞‡… لاًيٍهًمٍكً: يخلي ولد عمتي يشوفني ...* «´¨`•.**اختصرت: ؟؟؟؟؟؟؟؟؟؟؟ ∞‡… لاًيٍهًمٍكً: تمت الخطبة رسمي ...* «´¨`•.**اختصرت: أيـــــــــــــــــــش ؟؟؟؟؟؟؟؟ ∞‡… لاًيٍهًمٍكً: أتكلم جد ...* «´¨`•.**اختصرت: وأنتي وافقتي ∞‡… لاًيٍهًمٍكً: لا بس غصب عني أبوي ما شاورني في شي ...* «´¨`•.**اختصرت: وليش ما يشاورك مو أنتي اللي توافقين وترفضين ∞‡… لاًيٍهًمٍكً: لو كان لي راي من الأساس ...* «´¨`•.**اختصرت: لا تصدميني صدمة عمري ∞‡… لاًيٍهًمٍكً: لا زوجوني غصب بأنحاش من البيت ...* «´¨`•.**اختصرت: تنحاشيـــــــن ؟؟؟؟؟؟؟؟ ∞‡… لاًيٍهًمٍكً: أي أنحاش بأجي معك ......... ...* «´¨`•.**اختصرت: تجيــــــن معي .؟؟؟ ∞‡… لاًيٍهًمٍكً: وشفيك ...* «´¨`•.**اختصرت: مها تكلمي جد ∞‡… لاًيٍهًمٍكً: أيه اتكلم جد لا خلاص بيزوجوني غصب بأنحاش وانت بتجي قريب بأروح معك ...* «´¨`•.**اختصرت: وين أحطك فيه ؟؟؟؟؟؟؟؟ ∞‡… لاًيٍهًمٍكً: مو انت ولد عز وتقدر تسوي كل شي نحشني معك ...* «´¨`•.**اختصرت: وأهلك ؟؟؟؟؟؟؟؟؟ ∞‡… لاًيٍهًمٍكً: ما أبيهم ......أبيك أنت ...* «´¨`•.**اختصرت: مها اعقلي عن الحركات اللي مالها داعي ∞‡… لاًيٍهًمٍكً: ما تبي تشيل مسؤولية ؟؟؟؟؟ ...* «´¨`•.**اختصرت: لا مو قصدي كذا أقصد أن لو درو انك منحاشة معي بيذبحونك ∞‡… لاًيٍهًمٍكً: على الأقل ما اتزوج واحد ما أبيه ...* «´¨`•.**اختصرت: لا حول ولا قوة إلا بالله ...فكري بحل ثاني مو بهالطريقة ∞‡… لاًيٍهًمٍكً: يعني وش أسوي ...* «´¨`•.**اختصرت: كلمي عمتك قولي لها ما أبي ولدك ∞‡… لاًيٍهًمٍكً: بتقول لأبوي ثم بيصفقني ...* «´¨`•.**اختصرت: ما أعتقد ∞‡… لاًيٍهًمٍكً: بأدق عليها بعد شوي وبأقول لها وأي شي يصير لي بعدها في ذمتك ...* «´¨`•.**اختصرت: أظمني ماراح يسوي لك أبوك شي ∞‡… لاًيٍهًمٍكً: أوكي بأدق عليها وطلعت من عنده مها اللي هي ربى وهي ميته من الضحك مثل العادة ......... بتترك ماجد يومين على أن صار لها شي كايد خله يحتر شوي وينتظر ........... ................................................ يوم الجمعه /: شوق جالسة في غرفتها دخلت عليها ربى :ياهوووووه دقي على المستوصف شوق وهي تعض قطعه من الجالكسي:ليش ما نروح؟؟؟؟؟؟؟؟؟؟؟؟؟ ربى :هيههههههه أنتي بس شوكلاتات بتموتين علينا شوق :ما عليك ........بعدين ما عندي رقم المستوصف ....... ربى :دقي على الأستعلامات شوق :كم رقمهم؟؟؟؟؟؟ ربى :من طولة ما حفظته شوق :نسيت قولي ربى :905 وعلميني بالنتيجة شوق : يصير خير ربى :دقي علي على طول لم تعرفين شوق :طيـــب خلاص أطلعي طلعت ربى من الغرفة ومدت يدها شوق للجوال وخذته ودقت على الاستعلامات وخذت رقم المستوصف ....... ودقت عليهم ورد الرسبشن وحولوها للدكتورة اللي ردت على طول الدكتور رندا :أهلا شوق :هلا دكتورة أخبارك ؟؟؟؟؟؟؟؟ الدكتورة :بخير من معاي شوق المريضة اللي جاتك أمس عشان تحاليل السكر الدكتور :أهلا شوق تذكرتك داق تسألي ع النتيجة شوق :أيه الدكتورة :ما بدك تجي لعندي وأخبرك شوق :مافيه داعي وقولي النتيجة اللحين الدكتورة :حبيبتي أنتي متل ما توقعنا فيك السكر وووراثو أظنو عندكون شوق :ها..........فيني السكر ؟؟؟؟؟؟؟؟؟؟؟ الدكتورة :وكما راح نعمل لك جدول غدائي تستمري عليه عشان ما يصيبك أي شي مو كويس بسبب الأهمال دمعت عيون شوق وسكرت في وجهه الدكتورة ودفنت راسها في المخدة وكملتها بصياح ما كانت تتوقع بيوم أن هالمرض راح يجيها ......... صحيح منتشر بشكل كبير في عايلتهم لكن كل واحد يعتقد أنه ماراح يجيه بيوم .......... ............ربى حست أن شوق طولت فراحت ودخلت غرفتها لقتها تصبح بصوت عالي .......راحت لعندها ::::::::: ربى :شــــــــوق وش قالو لك ؟؟؟؟؟؟؟؟؟؟؟؟ لكن شوق ما جاوبتها ربى :صحيح فيك السكر ؟؟؟؟؟؟؟؟؟؟؟؟؟ شوق جاوبت من بين الشهقات :اـــيــ,,,هـ جلست ربى على السرير وقلبها بتقطع من الرحمة على شوق حطت يدها على ظهرها :خلاص شوق أمر الله أنتي وأبوي وسلطان كلكم فيكم والله اعلم يمكن يجيني أنا بعدين ............ شوق ترفع راسها وججها محمر :ليش انا وانتي أكبر مني ما جاك ربى :أعوذ بالله لهدرجة حاقدة علي أن ما جاني قبلك ؟؟؟؟؟؟؟؟؟؟؟ وش نسوي أمر ربنا .........وبعدين الشوكلاتات اللي أمس شريتيها عطينيها بأكلها عنك ......... شوق :والله أنك رايقة ربى تقوم وتتوجة لثلاجة شوق وشوق تلحقها وتحط يدها على الباب شوق :خليها حقتي ربى :خلاص شوق ما يصير تاكلين كثير شوق :ما أقدر ما أقدر ربى :بأخذها وبأشتري لك خالية من السكر شوق :لا والله هذي أحلا ربى :لا والله .........ما يصير ........وتفتح الباب بقوة وشوق تحاول تمنعها وتحول صياح شوق إلا ضحك وتحاول بانتزاع الشوكلاتات من يد ربى اللي متمسكة فيها بكل قوتها ........ وتحول إلا شد الشعور ولان شعر ربى أطول فعورها أكثر وجلست تصارخ وتحاول ترد لشوق ......... .......نسو الثلاجة واللي فيها وتحولت إلا مشاكسة بناتية ,,,,,,,وأعتلت الأصوات دخلت عليهم أم مشاري اللي أول مرة تشوف بناتها يسوون كذا ,,,,,, أم مشاري :وش صايــــــــــر فكت شوق شعر ربى وعلى وجهها ا بتسامة وربى بعدت عن شوق وهي تضحك ولكن في عيونها لمعة الحزن......... ربى :نلعب يمه أم مشاري : هذا لعب تسمونه .......؟؟؟؟؟؟؟؟؟ كل وحدة أكبر من الثانية وتتطاقون ؟؟؟؟؟؟؟؟؟؟ أزعجتونا .............. بى :نمزح من زمان ما لعبنا أم مشاري :اللعب للبزران ............موب لكم يله أنتي روحي غرفتك ولا عاد أسمع أصواتكم مرة ثانية ............ طلعت أم مشاري ....... ربى :هههههه كله منك شوق تتخصر ": لا والله أقول يله سمعتي أمي وش قالت أطلعي ربى :جد شوق الموضوع لازم تهتمين فيه هذا مرض ان اهملتيه بيتحول إلا أشياء أنتي ما تتوقعينها يمكن تصابين بجلطة أو تنجرحين وتصابين بالغرغرينة ويقطعون يدك لازم الكل يدري عنك ........المرض هذا مو سهل ........ شوق نزلت دمعه وحيدة من عينها اليمنى :توني صغيرة على الأمراض ربى :وراثة وراثة مافي غير هالشي والشوكلات اللي بالثلاجة خليه ومتى ما أشتهيتي كلي شوي وأنا بأروح أشتري لك شوكلا صحية بدل هذي اللي كلها سكر .... شوق وهي ترجع شعرها لورا أذنها :بتقولين لأمي ؟؟؟؟؟؟ ربى :بأروح اللحين وأنتي نامي شكلك تعبانه .... شوق :انصدمت صراحة ........... ربى :ما عليه .........يله تبين شي ....... شوق هزت راسها بالنفي وطلعت ربى من الغرفة وراحت شوق تسكر الباب ولفت تطالع الشوكلاتات اللي طايحة في الأرض بعد المشاكسة اللي صارت قبل شوي ...راحت وشالتها من الأرض ودخلتها في الثلاجة وقلبها يتقطع هي تحب الشوكلاتات والحلويات بأختصار بكل انواعها ... لفت وطالعت الزبالة الفاضية بس ما يجي الليل إلا تكون مليانة من المشروبات اللي كلها سكر .........كل شي راح يتحول ,,,,,,, انسدحت على السرير وهي تتأمل السقف......... السكر ...... مرض ما تتوقعه بيوم يصيبها ........ نزلت دمعه وتجر وراها دمعه وتشكل سيل من الدموع في كل مره تمسحهم أو تحاول توقف ما تقدر وتخار قواها مرة ثاني وتدخل في شبة غيبوبة من البكاء ......... ..................................... مدت رتاج يدها لجوالها اللي جمبها وهي مكشرة وفيها النوم طالعت الساعة لقتها 2 الظهر .......... رمت الجوال بعيد وهي تحس أن عصافير بطنها بتاكلها من الجوع ..... قامت من على السرير لكن رجعت تنسدح وتغطي نفسها بالبطانية النوم لازال يداعب عيونها ....... رن الجوال بأغنية حسين الجسمي فقدتك .. اللي من يوم ماتت العنود حطتها وبكل مرة تنسى تغيرها .,,,,,, مدت يدها وردت وهي تتثاوب ..:الووووااا هلا وغلا بهالصوت ........لا لا لا يكون صحيت خطيبتي من النوم ........ رتاج :سعد ؟؟؟؟؟؟؟؟ سعد :ليه في غيرة ...ولا ماخزنتي رقمي ....أفا ما توقعتك كذا من أولها ........ رتاج اللي حامت كبدها تكره وتكره صوته :أبي أنام ........... سعد حول للجدية :اوكي باي ......... وسكر في وجهها وهذا اللي خلاها تتنرفز لأنها ما تحب أحد يسكر في وجهها هي تسكر عادي بس غيرها لا وألف لا ........... رمت البطانية على جمب وطاح نصها في الأرض بشكل عشوائي وقامت وتوجهت للحمام .........لم طلعت رمت الفوطة على السرير وطلعت لها بنطلون سكري وبلوزة تتموج بين العنابي والموف ... لبست شبشب عشان بتمشي على البحر ......... سحب طرحتها ولفتها على رقبتها توجهت للتسريحة رفعت شعرها فرس ولبست نظارة شمسة من ماركة ديور ...... طلعت من الغرفة ومن الشاليه على البحر وكانت الشمس في كبد السما طلعت جوالها ودقت على السواق عشان ينزل كرسي البحر من السيارة ... ودقايق إلا هو جاي لها وجلست بعد ما حطت رجل على رجل ...... نست الجوع مع هالجو الحلو رغم الحرارة الخفيفة بسبب دخول فصل الخريف.. واستغربت لم ما شافت أحد متواجد هنا إلا هي .... رغم أن الأجازة منتصف السنة بدت .......... رن جوالها وردت :نعم سعد :رتاج أنتي وين ؟؟؟؟أبي اطلع معك ضحكت ضحكة عالية مليانة بسخرية وردت :نعم ....وش قلت ....عيد ... سوري ما سمعت زين سعد :كلام الشيوخ ما ينعاد رتاج :اوكي يا ولد الشيوخ انا مو في الرياض أنا في الشرقية سعد :نعـــــــم وشلون تسافرين وأنا ما أدري رتاج :وليه تدري ؟؟؟؟؟؟؟ سعد :ليش أدري ..........أنتي زوجتي رتاج ::والله زوجتك لا صار في عقد رسمي لكن اللحين ما في شي يثبت أني ملكك سعد :همممممم وأي شاليهات يا فاهمه رتاج :وليه تسأل ؟؟؟؟؟؟؟؟؟ سعد حب يقهرها :زوجتي وأبي أعرف وين طاسه فيه رتاج ما أعجبتها كلمة طاسه فردت :مالك دخل سعد :رتاج ........أنا لم أسأل أسأل مرة وحدة وجاوبيني حركات بزران هذي ما أحبها ....... فإلا الأن أعاملك باحترام .........لا تخليني أطلع وجهي الثاني وأبدا في كلام ماله داعي فخليك من البداية اوكي عشان أكون معك اوكي وأنتي تدرين وش أقدر أسوي ...... رتاج :وش بتسوي ...........؟؟؟؟؟؟؟؟؟أقول انا مو فاضية لك ....... سعد بطولة بال :في أي شاليهات رتاج :اوووووف جد لزقة ........شاليهات ال سعد يأخذ نفس طويل :اوكي تبين شي رتاج بدون نفس :سلامتك سعد سكر في وجهها وهنا جد انقهرت وقامت ودفت الكرسي وطاح على الأرض بحركة مالها معنى ...... توجهت للشاليه ودخلت بدلت ملابسها ولبست عبايتها وطلعت عشان بتتغدا .................................................. .......... الحقي يا جواهر أختك شوق صار فيها السكر جواهر :بسم الله وش هالاخبار على العصرية ساره :والله أني أنصدمت يوم عرفت بالخبر جواهر :ومن قالك ؟؟؟؟؟ ساره :خالتي توها مسكره مني جواهر :بسم الله وش فيهم كل يوم طالع لنا واحد فيه السكر ساره :انا أدري والله صرت اخاف يجيني جواهر :هو وراثة ..... ساره :الله يستر بس جواهر :ومتى راحت تحلل ساره :من أمس راحت هي وربى وحللت وطلعت النتيجة اليوم جواهر :الله يهديها هي تحب السكريات ساره :ماله دخل الوراثة هي السبب......... جواهر :مسيكينة ما تستاهل ساره :كل شي مكتوب ...... جواهر :أيه والله بأدق على أمي أسأل عنها ساره :اجل يله فمان الله جواهر :مع السلامة سكرت جواهر من ساره وراحت تدق على أمها تفهم منها السالفة أكثر لأن مهما صار ما تأخذ أخبار من مرت أخوها ... لكن أمها خبرتها بنفس الكلام ...... وخافت جواهر يكون فيها السكر وهي ما تدري وقررت تروح تحلل متى مالقت وقت .......... ..............................في صالة القصر الكبير كان الجدال حول موضوع شوق والمتواجدين أبو مشاري ومشاري وأم مشاري وربى .......والشخص المعني غير متواجد .......... أبو مشاري :رح بها وتأكد أخاف تحليل هالمستشفى موب زين مشاري :وين موديتها انتي ؟؟؟؟؟؟؟ ربى :لـــــ مشاري:مستشفى وين ما ظنتي يكون خطأ أبو مشاري :ولو رح وتأكد تحسبون السكر لعبة مشاري :ما أختلفنا ...بس مستغرب شوق ما بانت فيها أية أعراض ربى :اغمى عليها قبل أمس .... مشاري :وليش ما قلتي لنا ربى :ما أحب أحكي وما صار شي ولم تأكد لنا أن فيها السكر قلنا لكم أبو مشاري :مرة ثانية لم يصير شي على طول قولي لنا خلينا نتصرف ربى :مرض وجاها وش بتسون يعني بتخلونها تشفى طالعها أبو مشاري بنظرة تسكيتية لأن بنبرة صوتها في قلة ادب ..... قامت ربى ورقت فوق وصلت لغرفتها وعلى طول راحت للاب توب شبكت النت وعلى المسنجر جلست تكلم صديقاتها ثم طلعت وسكرت وناسية ماجد وسالفته ............................... عند ماجد جالس في الحديقة القريبة من بنايتهم وقباله بحيرة مائية صغيرة ...... جلس محمد جمبه :أقول أنت بتروح في نفس رحلتي ماجد :مدري ,,,,ليه أنت متى بتروح محمد :يوم الخميس الجاي ماجد :أنا الأربعاء ..... محمد :حسافة كنت أبي أحد معي ماجد :قدم رحلتك محمد:إذا قدرت بأقدمها إلا وشفيك ماجد متغير ما عدت مثل أول دايم تسرح ,,,,,وش تفكر فيه ودي أعرف ماجد :بكل شي ,,,,, محمد :حدد ماجد :مافي شي معين . محمد :لهدرجة الغربة مسوية فيك كذا ماجد :وأكثر مما تتصور كل يوم اتحسر ان فكرت أكمل دراستي محمد :الله تتحسر تراها كلمة قوية ماجد :أدري وهذا اللي صاير ...... محمد :الله يهديك بس لو انك مثلي سنين وانا هنا ولحالي في الشقة وش بتسوي ماجد وهو يركز على الموية اللي قدامه وبحواجب عقودة:بأنحرف ,,,,,,,,,, محمد :اعوذ بالله تنحرف مرة وحدة ........أشوى أني معك ما انحرفت علينا ابتسم ماجد :الحمد لله ......... طالع محمد الموية وهو مرتاح دائما هو كذا راضي عن نفسة وعن حياته قنوع بدرجة كبيرة .........عكس ماجد اللي ما يعجبة شي في الدنيا مهما حاول أنه يستانس وزيادة احساسة بالذمب يطاردة على مها ... يحس أنه راح يسبب لها مشكلة سواء تزوجت ولد عمتها غصب ولا أنحاشت معه...التفكير هادة هد ومو مخلية يرتاح أبدا لم يرسى على طريقة تريحهم الأثنين .............والحب عذاب ......... ............................... دخلت حصه المصعد وهي تدف سلطان بيروحون لأحد الأسواق يتمشون ويشترون اللي يحتاجونه ,,,,,,, ضغطت حصه على الدور الأول بما أنهم في الدور الثالث ونزل فيهم ولم جو بيطلعون عيا الباب لا ينفتح سلطان :أضغطي زين حصه تضغطت على زر اللي يفتح الباب :ما يفتح ....... سلطان يتنهد ويمد يده ويضغط لكن بدل ما يفتح رقى على فوق وصرخت حصه ..... سلطان خاف :وشفيك أنهبلتي .........؟؟؟؟؟؟؟؟؟ حصه ووجهها يصفر :سلطان خرب علينا خرب علينا سلطان بحواجب معقودة :أصبري يمكن فيه شي حصه تضغط زر الفتح ونزل بهم بقوة....... سلطان :لا حول ولا قوة إلا بالله أصبري أدق على مشعل يشوف وش السالفة وطلع جواله ودق على مشعل وقال أنه طالع وبيجي بعد شوي ............. حصه تطالع جدران المصعد :مافي طوارىء سلطان :والله البلشة حصه :احد ما يحط طوارىء هذا حنا ابتلشنا سلطان / أضغطي على الدور الثالث ضغطت حصه على الرقم 3 ونزل بهم بدل ما يرقى سلطان :خلاص خليه موهوب صاحي .......... حصه تمسك بطنها :سلطان خايفة نموت سلطان طالعها ورجع يطالع الأرض :دقايق ونطلع لا تستهبلين علي ترى مو ناقصك حصه :اخاف الأكسجين يقضى سلطان رفع راسه :لا تخوفيني خلقة أني خايف وما أحب هالمواقف فأسكتي لين يجي مشعل ويحل المشكلة .... رفعت حصه راسها للفوق وتنهد من الخوف وينتظرون مشعل يجي ..... ..................................... سالم :هههههههههههه والله أنك مشكلة مهند :والله خايف منها سالم :يعني وش بتسوي لك مهند:أخاف لم عرفت مكان عملي تجي كل مرة سالم :وإذا جت وش بيصير في الدنيا مهند:سالم افهمني أنا ما اعرف أتصرف أرتبك سالم :طنشها ما تعرف تطنش مهند :أخاف تزعل سالم :ياهي حـــاله ...دامك تهتم لزعلها ليش ما تخاويها بدل التعذيب النفسي اللي أنت فيه ؟؟؟؟؟؟؟؟؟؟ مهند : لا وشو أخاويها مسكينة مالها ذمب سالم :أنت وش قاعد تخربط علي أقول تراني مشغول ماني فاضي لك ولا عاد تفتح لي طاري البنت هذي لأنها لاعت كبدي منها.... مهند تضايق بس ما بين :أجل مع السلامه سالم :مع السلامه سكر مهند وحط الجوال على مكتبة وراح يجلس على لاب توبه يتدرب على اللي أخذه اليوم في الدورة ويحاول ينسي عمره من الأرتباك اللي فيه من شوفة شوق ....... ........................................ مشعل وكم من رجال الدفاع المدني واقفين عند باب المصعد ويحاولون يسون شي سلطان وحصه لم ربع ساعة داخل المصعد والأكسجين بيخلص وبينكتمون مشعل على وجهه علامات القلق خايف على حصه الحامل لأنها بتضرر أكثر من سلطان رن صوت المصعد بصوت مزعج ثم انفتح الباب وانشقت ابتسامة على شفايف مشعل وتنهد براحة .......لكن لازم الواحد يرقى عشان يطلع من المصعد لأنه مو متساوي مع الدور الثالث المتواجدين فيه حاليا ............سلطان معاق وحصه حامل صعب على الأثنين يسون هالشيء ............لذلك نزل للمصعد........ حصه ووجها مصفر ومخطوف لونه من الخوف :مشعل وشلون نطلع انا ما أقدر وسلطان بعد سلطان حس بالعجز ووده يصيح على حاله اللي وصل له ........... سلطان :عاوني مشعل عشان أطلع ....... مشعل :حصه أطلعي أنتي اول حصه مررت وجهها بين سلطان ومشعل :وشلــــون مشعل وهو منحرج :بأشيلك شوي وأنتي كملي الباقي حصه فتحت فمها من الصدمة كيف أخو رجلها يشيلها سلطان :حصه خلصي لا يتسكر علينا سمعو رجل الدفاع المدني يتكلم لهم بأنهم يوخرون شان بيحط سلم صغير وفعلا وخرو وحط السلم وأرتاحت حصه انها ما اضطرت يرقيها مشعل ورقت وسلطان يتابعها بعيونه وارتاح أنها طلعت بالسلامة مو مهم هو المهم هي عنده! نزلو رجالين مع مشعل وشالو سلطان وطلعوه من المصعد وعقب جابو الكرسي حقة وحطوه فيه ........................وانتهت قصة المصعد سلطان :هههههههه حصه رفعت حواجبها مستنكرة من ضحكة سلطان :وشفيك سلطان :الحمد لله طلعنا مشعل وهو يطالع رجال الدفاع عند المصعد ويتناقشون عن شي لف يطالع حصه وسلطان وابتسم لم شافهم مبتسمين ما عمره شافهم بهالمنظر وكل واحد في عيونه خوف على الثاني .................راح لهم ..... مشعل :ما ودكم تروحون لمشواركم حصه تجاوب بسرعه :لا لا وين نطلع بعد الروعة اللي شفناها سلطان :ليش خلينا نطلع حصه : لا والله مانطلع مشعل :حلفتي حصه :إيه والله صادقة ماني طالعه مشعل :طيب ادخلو الشقة وقفتنا هنا غلط دف سلطان عمره لكن ما أسرع إلا موجعته يده لانه شالوه بقوة من يدينه وحصه حست بسلطان لان شيلتهم كانت غلط والضغط كان كله على يدينه راحت ودفت الكرسي بداله وهو ابتسم لها بامتنان ودخلوا الشقة وتبعهم مشعل وهو يحك راسه يفكر وين يطلع وعد هاللحين .................... دخلت حصه ولم شافت وعد جالسه قبال التلفزيون راحت بسرعة لها تقول لها وش صار لهم بالتفاصيل (حريم) ومشعل مبتسم على تحمس حصه في سرد القصة وتعابير وعد المتأثرة ... سلطان :ودني الغرفة مشعل دفه بدون ما يتكلم ووداه الغرفة ............. مشعل :تعورك يدك ؟؟؟؟؟؟؟؟؟ سلطان :شوي أنتم الله يهديكم ضغطتو على يدي مشعل :ما عليه بيخف ...يعني كيف تبينا نطلعك ؟؟؟؟؟ سلطان طالعه بنظرات حزينة محمولة بعتاب لأخوه كيف يقول هالكلام وش قصده .......عشانه معاق ...........ما يعرف يساعد نفسة...... على الأقل يجامله ......... مشعل حس أنه غلط وفضل الهروب على اعادة صياغة كلامه بأسلوب أرقى من اللي قاله ................ على طلعة مشعل دخلت حصه وجلست على السرير واطلقت تنهيدة تعب من قلبها ................. وتفاجأة بسطان اللي عيونه على الأرض ويفكر في شي ......... حصه :حبيبي سلطان رفع راسه سلطان :هلا حصه :وشفيك ؟؟؟؟ سلطان :ما فيني شي بس هلكان أبي أريح قامت حصه من على السرير وراحت للدولاب وطلعت بجامه لسلطان وساعدته في اللبس ثم سدحته على السرير............. حصه :وشفيك كنك متضايق سلطان بصوت غريب عليه وهادي مره :مافيني شي ...... وغمض عيونه عشان ما تشوف نظرة اليأس من الحياة اللي في تطلع من عيونه استغربت حصه لكن مو كل شي لازم تعرفة .........إذا سلطان ما قال لها وش اللي مضايقة هي ماراح تضغط عليه وتجبره يتكلم ........... طلعت من الغرفة وراحت للصالة ما شافت مشعل ووعد موجودين خمنت أنهم طلعو .........جلست قبال التلفزيون وبالها مشغول بسلطان ........ ............................................... شد بيده على رقبتها وهي تبلع ريقها من الخوف وانفاسه متسارعه من الغضب المكبوت داخله ...........:تحسبيني ما راح أجي راتج والدموع في عيونها :راشد الله يخليك بأختنق وخر يدك راشد وهو يشد زيادة على رقبتها لدرجة حمر وجه رتاج من الألم راشد وهو راص على أسنانه وبعيونه لمعة حقد ولذة باللي قاعد يسوية:أنتي وحدة حقيرة والقتل فيك حلال تبلغين عني هااا ............... رتاج ودموعها نزلت من عيونها وتحاول تطلع صوت من حلقها المخنوق:تكفى تكفى خلني تكفى وخر يدك بأموت وصلت الدموع ليد راشد وخفف من الخنقة شوي شوي لم تركها ودفها بكل قوته على الأرض وطاحت وأصدرت صوت قوي ....... راشد تكلم بعد ما بصق عليها :لا تفكرين أني راح أتركك في يوم أنا بأجي وأخذ حقي منك لو على موتي .........يا بنت الكلب ........ رتاج والرجفة تهزها هز :راشد أرجوك أرجوك خلني في حالي أنا ما سويت لك شي ......... رفسها برجلة على بطنها وخلها تتلوى ...........وطلع من الغرفة ..... رتاج ماسكة بطنها بألم وتتاوه ضربت راشد كانت قوية ....... وارتاحت أنه طلع وما ذبحها على قولته ........ حاولت تقوم نفسها حتى تقفل الباب عشان ترتاح أكثر ما قدرت واضطرت أنها تزحف على الأرض لم توصل ,,,, وابتدت بالزحف وبعد جهد كبير وصلت الباب لكن ....... انفتح بقوة وجتها ضربة قوية على راسها من قوة الفتح لكن راشد ما عبر لشبة الجثة اللي قدامه رفع اللي بيده وصوبه على رتاج اللي من يوم شافت المسدس غابت عن الوعي ............)))))))) ..................................................