ولد الترف والدلال - الفصل 25 - بقلم بنت الأكابر - مكتملة | روايتك

المحطة الخامسة والعشرون :يوم الأربعاء بعد مرور 4 أيام ,,,,,,, في لندن .......... سلطان جالس يكشف عليه الدكتور من ساعة ومن ثم لف على مشعل ورطن معها بالـe وعرف أن ممكن بكرة يجون ويسون عملية تصحيح النظر لسلطان وفرح مشعل وراح يكمل أجراائات العملية والدفع ,,,,,,, ونسبة النجاح 98% نسبة كبيرة مرة ,,,,,,, لم خلصو طلع مشعل سلطان وركبو تكسي وتوجهوا للشقة ,,,, وأول ما دخلوا لقى مشعل حصه تطالع التلفزيون مشعل :حصه بكرة عملية سلطان حصه قامت :وشو بهالسرعة وعملية أيش مشعل :تصحيح النظر حصه :وكم نسبة نجاحها والدكتور زين ولا لا مشعل :الدكتور من أفضل الموجودين في لندن ونسبة النجاح 98% حصه :وااااااااو نسبة كبيرة مره مشعل ابتسم :ريحي سلطان اللحين وأنا ووعد بنطلع كان بتجين معنا حياك الله ...... حصه :لا مستحيل أخلي سلطان لحاله وبعدين أنتم معاريس أقط بينكم ليه أبتسم مشعل وترك سلطان وراح يدخل على وعد في الغرفة وقال لها تتجهز لأنهم بيطلعون أما حصه خذت سلطان ولبسته بجامة وريحته على السرير ........حصه :حبيبي جوعان شي قولي سلطان :أبي ارقد ...ليش الجو بارد حصه :بارد .....بأقصر على المكيف ....... ومدت يدها للمتحكم بالمكيف وقصرته ..... حصه :تبي حمام سلطان :لا أبي أنوم حصه :متى أقومك سلطان :لاجى الغدا حصه :اوكي ........ ولحفته وطفت اللمبات وطلعت ........... بعد نص ساعة جلستها قبال التلفزيون سمعت جوالها يرن وراحت الغرفة بسرعة عشان ما يزعج سلطان ويقوم ...... خذته وردت :الو مشعل:هلا حصه اسمعي أنا ووعد بنتغدا برى حصه :أها براحتكم ........ مشعل :اوكي يله باي حصه :باي ....وسكرت ورجعت تحطه على التسريحة لكن سمعت صوت سلطان : سلطان :حصه حصه تقوم له :لبيه سلطان :من اللي داق حصه :هذا مشعل يخبرني أنه هو ووعد بيتغدون برى سلطان :طيب وانتي حصه :وشفيه بأطبخ اللحين ..... سلطان : لا لا تطبخين خلينا نطلع حصه : لا وين نطلع تريح أنت وما عليك بتقوم وبتلقى الأكل جاهز سلطان :لا خلينا نطلع أنا أبي أشم هواء حصه :براحتك ,,,,,,,,, سلطان :اللحين نروح حصه :تونا على وقت الغدا سلطان :ماعليه نتمشى ...... .....................بعد ما لبسته حصه ولبست هي ركبته في الكرسي ونزلو من المصعد وطلعو للشارع ....... كان منظرهم جذاب وحدة لابسة عباية بنية ومتحجبة وتدف واحد معاق وهي حامل .... وصلو لمطعم بيتزا قريب ودخلوه وطلبت حصه ..... سلطان :مو كأنه براد حصه :شوي لان الخريف دخل سلطان :الخريف حقهم في الرياض شتا حصه :بردان أروح أجيب لك جاكيت ترى البناية قريبه سلطان : لا وين تروحين وتتركيني هنا حصه :عشانك بردان سلطان :لا ما عليك مو برد مرة ...... حصه تطالع الرجال وهو يحط البيتزا الشهية ويروح حصه جلست توكل سلطان وفيماهو يمضغ اللقمة هي تاكل وهكذا لم خلصو ........ حصه :سلطان بأروح الحمام شوي وأرجع لا تتحرك سلطان :لا تخليني حصه:بأغسل عشان أجي أدفك يدي وسخة سلطان :لا تتأخرين حصه :دقايق وراجعه ..... وراحت شوي الحمام ثم غسلت ورجعت لكن ما لقت سلطان تفاجأة وين يكون رايح ............. دورته سألت عنه ما شافوة حاسبت على الفاتورة وخذت شنطتها وطلعت وقلبها بيطلع من مكانه من الخوف ,,,,,,,,,,,,, دارت على الشارع قطعت الشارع رغم الزحمة دخلت المحلات كلها ما لقته وحست أنها شوي وبتصيح ما تركته أٌلا أقل خمس دقايق .... وين يروووح ......... دخلت المطاعم سألت عنه مواصفاته معروفة واحد مقعد ولابس بنطلون جنز وقميص بني مع احمر ......دقت على مشعل ما يرد .......... دقت كذا مرة ما رد أرسلت له رسالة :مشعل رد ضروري سلطان ضايع بس مارد هنا نزلت دموعها غصب .......... رجعت للمطعم اللي تغدو فيه يمكن رجع هناك لكن ما لقته ..... توجهت للشقة ودخلت دورته ما لقته .....تذكرت سلوى وزوجها أكيد بساعدونها ....... ضربت الجرس وطلع محمد :أهلين مدام حصه .....شو عم بتبكي حصه :سلطان ضاع مني محمد انصدم :شـــــــو ضاع منك تعالي جوا خبريني الحكاية من البداية جاه صوت سلوى :ميــــــــــن على الباب محمـــد محمد :تعي معي لجوا دخلت حصه والرجفة تسري فيها جلست في الصالة وخبرتهم بالسالفة ثم طلعو بسرعة وركبو حصه مع سلوى ومحمد لحاله في سيارته عشان يبحثون في أماكن متفرقة ........... سلوى :كيف هو بيتحرك دام أنو ما بيشوف حصه :هذا اللي محيرني سلوى :لا يكون حدا ختفو بتصير كتير هون حصه :سلوى لا تخوفيني أكثر من اللحين سلوى توقف عند شارع بعيد شوي عن بنايتهم :يله ننزل نسأل عنو في هيدي المحلات ...... نزلت حصه مع سلوى وهي تعبانه بسبب المشي الكثير وهي حامل .... سألو عنه محد شافه ورجعو يركبون السيارة ....... سلوى تطالع الشارع الثاني :حصــــــــــه مو هيدا جوزك حصه تلف مكان ما تأشر سلوى لقت واحد مقعد ويدفة واحد ....... حصه :تحركي نروح هناك بسرعه وسلوى أسرعت ووقفو على الشارع الثاني ونزلت سلوى تركض لجهة سلطان وحصه وراها بس بسرعه خفيفة .... وصلت سلوى للسطان :سلطـــــــان ثم طالعته ما كان هو كان واحد ثاني وصلت حصه ولم شافت الرجال خاب أملها وتعذرو وراحو يركبون السيارة .....مرت ساعة ونص من يوم المطعم ........... دوروه وكل شوي محمد داق على سلوى يسأل إذا كان في نتيجة ولا يروحون يخبرون الشرطة لكن بيبلغون أن غابت الشمس ........ دقت حصه على جوال مشعل لقته مغلق وانهارت تصيح وسلوى دمعت عيونها متأثره الموقف لا يحسد عليه ........ دورو ساعة زيادة ما لقوه وحصه خلاص ماعاد بها حيل .... جت لها رسالة من مشعل يطلب لها الرجوع للشقة حالا وتوجهت سلوى للبناية ونزلت حصه وسلوى وراحو لشقة ...... دخلت حصه بسرعه وطالعت اللي في الصالة ........ وعد جمب مشعل وعلى الجهة المقابلة سلطان ...... حصه فتحت فمها وكذالك سلوى اللي وراها ....... حصه تتنفس بصعوبة مشي وتعب نفسي وطفل في داخل أحشائها:وش صاير؟؟؟؟؟؟؟؟؟؟؟سلطان أنا أدورك من 3 ساعات وأنت هنا ...... مشعل ليش ما ترد على جوالك ......... وعد بلعت ريقها لم شافت نظرات حصه ....... ومشعل جد تحسف على اللي سواه أما سلوى طلعت حست ان الجو متكهرب ودقت على محمد عشان تقول له أن لقو سلطان ........ حصه تقرب لمشعل :تكلم مشعل :دخلنا المطعم ولقينا سلطان قلت نمزح معك وناخذه معنا حصه وهي لا زالت بصدمتها :يعني خذتوه .........أدق عليك ما ترد مزحة ...........لفت على سلطان :سلطان ساكت لهم ...... مزحة ..............مسكت راسها :قلتو مزحة ها ....... وتفجرت عيونها بالدموع وبعصبية صرخت عليهم :ما تستحون على وجيهكم ما قدرتو إني حامل ويالله أشيل عمري ..........شلت هم الذمب أن سلطان ضاع بسببي .......أدق عليك ما ترد ..........وش هالعقل اللي تحملة وهذا وأنت دكتور .........خليتوني أروح لناس غريبين وأدور بهم في الشوارع ندور على سلطان ............من محل لمحل من مطعم لا مطعم ما خلينا شارع ألا دورنا فيه ........وبغينا نبلغ الشرطة .................واخرتها مزحة .... رمت شنطتها بقوة على الأرض وراحت للغرفة الثالثه اللي ماأحد يجلس فيها ودخلت وسكرت الباب بقوة وقفلته .........وهناك أنهارت من الصياح وعلى سذاجتهم ............................ في الصالة الجو متكهرب مرة ....... وعد :قلت لك لا تسوي هالمزحة المره حامل بس ما سمعت هذي النتيجة ..... مشعل :ما توقعت يصير كذا وعد :لا والله وحدة يضيع زوجها وهي حالته كذا ما تبيها تدور عليه وتخاف ............إذا أنت لو رحت مني حسيت أني ضايعه كيف عاد لو سلطان مشعل :وعــــد خلاص اللي صار صار .......... وعد :وش اللي صار صار البنت بغت تنهبل لو معي جوال كان دقيت عليها وقلت لها اللحين من بيراضيها ............... جاهم صوت سلطان اللي تعب من يوم سمع حصه وهي معصبة لأول مره وحس أنه غلط غلطة كبيرة كيف يخليها تقلق وتدور عليه وهي حامل ..... سلطان :أنا براضيها بس دفوني للغرفة وعد تقوم وتدفه من دون ما تطالع مشعل الندمان على تصرفة اللي شويه عليه بايخ .........طقت وعد باب الغرفة لكن حصه ما ردت ..... سلطان :حـــــــــــــصه حصـــــه أفتحي الباب وعد تطق الباب :حصه أفتحي سلطان يبيك ....... لكن حصه ما ترد بعد لهم وجه يقابلونها بعد اللي سوه ...... سلطان :دقي الباب يمكن نامت دقت وعد الباب بأقوى من قبل لكن لا جواب نادها سلطان كم مره بس ما ردت .... وعندها يأسو وودت سلطان إلى غرفته وحطته على السرير وراحت عادي هي ممرضة ...., مشعل طلع من البيت لأنه حس بأختناق ووعد لزمت الصمت وجلس في غرفتها في ومشعل .................... ........................................... رتاج جالسة في غرفتها وتهز رجوالها مثل كل مرة تفكر الفراغ بيقتلها صديقاتها مشغولات بالأمتحانات....... وهي مو من النوع الأجتماعي .....والبنات ينفرون منها بسبب تكبرها الزايد عن حدة ....... سعد صار هاجسها .....كيف راح تقدر تتعامل معها..... إنسان متوحش .......نظراته تخوف اللي ما يتخوف ........ بتتحداه نعم بتطفشة نعم ......لكن في الأخير هي اللي راح تتطلق منه وأمها بتسوي لها سالفة ............ تبي تطلع من هالجوء الكئيب ماتدري .... فكرت في السفر ..............4 أيام للشرقية تشوف البحر وترجع ..... أهلها بيسمحون لها أو لا ؟؟؟؟؟؟ .................................... طلال :السلام عليكم راشد طالعه ورجع يطالع الأرض :مو أنت متبري مني طلال :جاي أشوف أخبارك حي ولا ميت راشد :أعتبرني ميت ولا عاد تجي طلال :محتاج شي راشد :لا ما يقصرون اللي عندي ! طلال ابتسم بسخرية :ما ودك تتغير وتتوب راشد :لا ذبحتها بيدي تبت طلال :قصدك رتاج راشد :وفي غيرها مدخلني هنا طلال :بس كان في يوم من الأيام بيقبضون عليك راشد :عادي أهم شي ما تكون بنت طلال:تحس بأهانه راشد رفع راسه وعطى نظرة عصبيه لطلال اللي ما أهتم .......... طلل :دريت عن العنود..ولا للحين ما وصل لك خبر راشد وموجة حزن تمر عليه :دريت طلال :أتمنى تتعض وما تطلع من هالسجن إلا أنت حافظ القران راشد :أيه ,,وهين طلال :أنا أنصحك وكيفك أنت الخسران راشد :أنت جاي تتشمت ولا تتطمن طلال :أنا ما أتشمت بس أوعيك على اللي تسوية راشد :وع نفسك مسوي روحك ما سويت شي ولا كأنك صادم واحد ماله ذم طلال :أنا اعترفت أني غلطان وندمان لكن أنت مصر إلا الأن أنك ما سويت شي يستحق تجلس هنا 10 سنوات راشد :أيه أعترف أنا ما سوويت شي هز راسه طلال وطلع .....الأمل في راشد أنه يحس على نفسه مفقود ............................................... ماجد حاط يدينة في جيوب بنطلونه ويمشي في أحد شوارع لوس أنجلوس .......... ويفكر في المها هذي .......... ((حلوه .............صوتها حلوة ......ماعمرها قالت لي كلمة ضايقتني ...........أحساسي يقول أنها صادقة ..... واثقة من نفسها ...............تحب تناقش ............ والله يلعنها بنت الكلب أشغلت بالي ....... ليش ألعنها مسكينة ما سوت شي وبعدين أنا ليش للحين ما قررت مسكينة ما ألومها عصبت وزعلت لكن بيجي اليوم اللي يا مها راح نجتمع مع بعض ......))) ............................................. صباح الخميس في لندن طلعت حصه من الغرفة وراسها مصدع من صياح أمس .......توجهت للغرفتها ودخلتها لقت سلطان نايم ....... خذت فوطتها ودخلت الحمام تسبحت وطلعت لبست لها قميص حوامل .........تذكرت أن اليوم عملية سلطان ......... تقومه ولا تخلية نايم يكفي أمس وش سو ا فيها ........ لا لا تقومه أحسن بس من دون ما تكلمة .... توجهت لسلطان وحركته وقام ..... سلطان :مين ؟؟؟ حصه بأسلوب جاف مو من طبعها :قم أسبح وألبسك عشان تروح اليوم عمليتك سلطان ابتسم :مو زعلانه حصه :شويه زعلانه ولا تتكلم لا أعصب عليك سلم سلطان نفسه لحصه اللي سبحته ولبسته وحست بالذمب أنها من أمس تاركته وما ودته الحمام ووبلل عمره .... ودته للصالة وهي راحت تلبس وجلست شافت وعد طالعه من غرفتها ولم شافت وعد ابتسمت :الحلوة زعلانه من بيراضيها أنا أراضية حصه :وعد ......أسكتي ....أحسن لك .......... وراحت أبتسامة وعد ولفت على سلطان :جاهز سلطان عشان نروح سلطان :وين مشعل طيب وعد : يلبس ........ شوي وطلع مشعل لكن ما حط عينه بعين حصه يستحي من اللي سواه فيها أمس .......... ركبو تاكسي وتوجهو للمستشفى اللي بيسوي فيه سلطان العملية ...... وبعد مدة نصف ساعة دخل سلطان لغرفة العمليات والباقين ينتظرون برى .....مرت نص ساعة وماحد طلع ........ وحصه قلقانه ........تخاف أن العملية ما تنجح ...... تبون تعرفون وش معنى الإنتظار كلمة تجمع من خليط المفردات البؤس كله كلمة تعني احتضار وانهيار ../ وإنكسار وكل لحظة مرار طلع الدكتور بعد ما مرت نص ساعة زيادة على اللي قبل وهجمو عليه وعد ومشعل وحصه يسألونه وطمنهم أن العملية نجحت بس اللحين راح يخلون عيونه ترتاح شوي وبعدين بيفكون الضماد اللي مغطين به عيونه على شوي شوي عشان ما ينصدم بالنور ...... دخلوا عليه لقوة جالس بهدوء وجمبة نيرس ,,,,,,, مشعل :سلطان نجحت العملية ابتسم سلطان :بس ما أشوف شي مشعل :بتشوف بس بعد ساعة بيفك اللي عليك سلطان ابتسم اكثر :وين حصه ؟؟؟؟؟ مشعل لف على حصه :كلمية ... حصه هزت راسها بالنفي وطلعت خارج الغرفة ....... مشعل :للحين زعلانه وما تكلمت معنا سلطان :طيب وش صار على العلاج الطبيعي مشعل :بعد يومين راح نروح لدكتور ويكشف عليك ومتى ما حدد وقت العلاج الطبيعي رحنا له ....... سلطان :يعني متى مشعل :أحتمال أسبوع ........ مرت ساعة ومشعل يسولف مع سلطان عشان ما يمل وحصه جالسة برى تنتظر الساعة تخلص ........ ووعد تستمع لسلطان ومشعل من دون ما تشاركهم الحديث دخل الدكتور الغرفة وتوجه لسلطان وحصه دخلت وراه حتى تشوف وش يسوي خففوا الأضواء في الغرفة وكأنه ظلام ......شال الدكتور الضماد عن عيون سلطان وسأله كان يشوف شي قال ظلام ......وكل شوي يزيدون من الضو وسلطان يجاوب لهم بأنه يشوف لحد ما ولعو الأضواء كلها ........... سلطان يتلفت حولة وهو منصدم أنه شاف بعد مرور شهر من العمى ....... كلهم ابتسموا .......حتى حصه ,,,,, ضحك سلطان من الفرحة .....وأخيرا شاف الدنيا لف على حصه يبي يشوف بطنها صحيح أنه كبير على قولتها ولا صغير لكن طلع كبير وابتسم طالع زوجة مشعل وعد .....أحلى من صيته وصغيرة .....طالع الدكتور والنيرس وكل الغرفة ......... تحولت كل الابتسامات إلى ضحك إلا حصه إلا ابتسمت وجواتها تحمد ربه أنه رجع يشوف مثل قبل ...... ....................... ماجد جالس على لاب توبه وأصابعه تطقطق على الكيبورد يكتب لمها خلاص قرر وأتخذ القرار النهائي ......... لم خلص أرسله لأيميل مها ............ وهو مررتتتتتتتتتاااااح!!!!!!!!! .................................................. .. سلطان جلس على السرير بما أنه يشوف صار أسهل له التعامل مع نفسه ......... يدف الكرسي لحاله يشيل عمره ويجلس بس بمساعدة بسيطة من أحد مع العلاج الطبيعي بيكون أسهل بكثير ....... سلطان :للحين زعلانه ....... حصه ما ترد عليه وتاخذ لها ملابس من الدولاب وبتروح الغرفة الثانية سلطان :حصه أكلمك ردي علي حصه تلف عليه :نعم وش تبي مو كافي اللي سويته أمس فيني سلطان :طيب لا متى بتزعلين ما ردت عليه حصه ومشت بتطلع من الغرفة سلطان :لو أحتجت لك حصه :دق على جوالي سلطان :ولا كنتي نايمة ومارديتي حصه:دبر عمرك وطلعت وراحت الغرفة الثانية وسكرت على نفسها الباب ........ في الصالة : مشعل :حالتها صعيبه للحين زعلانه وعد :لو أنت سويت فيني هالحركة لأزعل عليك لين أموت مشعل :أهون عليك وعد :تهون ليش ما تهون والحركة بسيطة ......... مشعل :أفاااااااا يا وعد ما توقعتك كذا هذا وتونا معاريس ما كملنا أسبوعين ........ وعد :عشان أعلمك من البداية أنك لو سويتها ما راح أكون سهلة وأسامح مشعل سكت وطالعها ثم رجع طالع التلفزيون ............ .................................................. ... شوق جالسة على مكتبها وقبالها الدفتر وتكتب فيه مسائل فيزيائية ......... يوم السبت عليها فيزيا وتاريخ لازم تخلص من الفيزيا قبل حتى تبدي في التاريخ الطويل ..... ناظرت جوالها اللي جمبها وتذكرت مهند راح تدق عليه في يوم نهاية الأختبارات ,.,,,,,,,, .................................. مشعل :وعد ...... وعد فيها النوم :همممم مشعل :بسألك سؤال وجابيني بصراحة ..... وعد :وشو وعد :تبين تسكنين عند أهلي ولا لحالك ....... وعد :ما فهمت وضح ... مشعل :تسكنين في فلتي في قصرنا ولا في شقة لحالك .... وعد :والعيال وين بكونون فيه مشعل :في الفلة وعد :بأجلس معهم مشعل :أخاف تتضايقن منهم ولا من أهلي وعد : لا تخاف ماراح أتضايق ............ مشعل :اللي تبينه بصير وأنا ما أعجبتك الفلة نروح الشقة مافي مشكلة .... ..............سلطان يدق على حصه وتجيه ...... حصه :نعم سلطان :بس بأشوفك نمتي ولا لا حصه عصبت وقالت :سخافة ........... ورجعت لغرفتها ...........ولا زالت زعلانه ............................ يوم الجمعه الصباح ,.,,,,,,,,, رتاج واقفة في مجلس الرجال وقدامها أبوها الحل الوحيد اللي راح يوافق و ما راح يقول لها شي ,,,,,,, رتاج :بابا بأكلمك بموضوع أبو مشاري :طيب أجلسي ليه واقفة رتاج: لا جلست يعني لي أنك موافق ...... أبو مشاري :والله إنك كان مافيه شي بوافق ليه لا رتاج :يعني موافق اروح أبو مشاري :وين تروحين رتاج :أروح الشرقية أسبوع وراجعة طفشت من البيت أبي أطلع أشم هوا وأشوف البحر ......... أبو مشاري ابتسم :طيب أجلسي جلست رتاج :ها موافق أبو مشاري :ولحالك رتاج :بأخذ معي سواق وشغالة أبو مشاري:وقلتي لأمك رتاج :بتعي علي بتقول توك جايه من دبي ولا قولي لخطيبك أبو مشاري :وش دخلة سعد توك ما تملكتو ماله كلمة عليك ولا قالت لك أمك شي قولي أبوي موافق رتاج ابتسمت :لا بس هي خلت يوم الشبكة أطلع معه للمطعم وكنه زوجي طنش طنش أهم شي السفر .....يعني خلاص موافق أعتمد أبو مشاري :أعتمدي بس أنتبهي على نفسك هناك ,,,, رتاج تقوم :من عيوني يا أحلا أبو في الدنيا وطلعت ركض برى المجلس ومرت على الصالة وتوجهت للمصعد وركبته ولم رقت فوق على طول راحت غرفتها تتجهز للسفرة وتحجز في احد الشاليهات,, أم مشاري اللي في الصالة أستغربت من ركض رتاج وشوي إلا أبو مشاري جاي بيروح للمصعد وقفته أم مشاري :قايل شي لرتاج أبو مشاري :ليه قايله لك شي ؟؟؟؟؟؟؟؟ أم مشاري :لا بس أستغربت تركض أبو مشاري :مستانسة أني وافقت لها تسافر وقفت أم مشاري :وشووووو أبو مشاري :بتروح الشرقية أسبوع وبترجع وبتأخذ معها سواق وشغاله ولا تقولين لها شي كلمتي وحدة وما تتغير بتسافر بتسافر ومحدن بيوقف في طريقها ........................وبعدين أنتي صاحية تخلين رتاج تطلع مع سعد وهم ما بعد تملكو .,,,,,...ناوية تفضحينا أنتي لو صار شي أم مشاري تغيرت ملامحها :وش فيها خطيبها وبتطلع معه عادي أبو مشاري :ما حنا أشوام عشان تقولين لي عادي لا عاد أسمع أنك مسويه هالحركة مرة ثانية ولا ما بتشوفين خير....... أنقهرت لا لا لا عصبت شوي بعد أنفجرت من الغيض يمكن .,,,,, ام مشاري وهي تمسك نفسها لا تثور قدام أبو مشاري لأنه مدلع هالرتاج مره دخل أبو مشاري المصعد ورقى ثم راح غرفته تارك أم مشاري والنار اللي تغلي في قلبها على بنتها ............ ......................................... مرو يومين وقرر الدكتور المشرف على سلطان أنه راح يبتدأ بالعلاج الطبيعي من يوم الأربعاء القادم .............وفي نفس اليوم راح تسافر فيه رتاج للشرقية وفي نفس اليوم راح تخلص شوق وربى من أختباراتهم .......وفي نفس اليوم راح ربى بتكلم ماجد وهي ما شافت الرسالة إلا الأن ويقال لها تتغلى عليه ,,,,,,,,, وفي نفس اليوم منيرة ولطيفة بيعرفون وش حصه موصية ساره تقولوهم كيف يتصرفون بالأموال اللي عندهم ............ فعلا يوم مهم ولذلك عجلت فيه ,,,,,,,,,, ................................................ اليوم المهم الأربعاء ,,,,,,,, الصباح في لندن ..........كان الجو نوعا ما بارد على حصه وسلطان ووعد ومشعل ........لأنه وقت الخريف وعندهم الجو هذا بارد أوراق الأشجار أبتدت بالأصفرار وبعض منها تساقط على الطرقات لتتكون صورة بديعية جميلة ........... ابتسمت حصه وهي تطالع الشباك والهواء البارد يلفح على وجهها ويحرك غصلات شعرها الناعم ........... هذا اليوم السابع اللي زعلانه فيه وجالسة لحالها في الغرفة حاولت معها وعد ترضى لكن ما رضت .......... تبي ترضى بكيفها ومتى ما بغت ........ وتبي تعلمهم نتايج مزحهم الساذج ........ طق طق طق .........توجهت للباب وفتحته ولسه الأبتسامة من الجو الحلو تنور وجهها :نعــــم ... .......طالعت سلطان اللي يطالعها بكل براءة .... سلطان :ما تبين تروحين معنا للدكتور ...... حصه تخلي سلطان عند الباب وتروح تجلس على السرير :لا ما أبي سلطان يدف الكرسي ويقرب لمها :ليه ,,,,, حصه :ما أبي سلطان :متى بترضين حصه :متى ما بغيت ...... سلطان : ومتى ما تبغين ,,,,,,,, حصه :الوقت اللي أحدده أنا سلطان :ومتى الوقت اللي تحديدة أنتي حصه :هههههههه سلطان عن السخافات عاد سلطان:أيه أضحكي وسعي صدرك ....... مزحنا معك وأعترفنا أننا غلطانين ......لا تطولينها وهي قصيرة حصه :لا والله واللي سويته شوي سلطان :اختبر غلاتي عندك حصه :موب بهالأسلوب البايخ (ورصت على أخر كلمة )) سلطان ابتسم :طيب بتروحين معنا ........ حصه :أفكر سلطان :فيما تفكرين طلعي لي ملابس.... حصه تقوم ومن دون ما تكلمه دفته وطلعته من الغرفة وإلى الغرفة المجاورة وسلطان يتكلم وهي ترد بكلمة ......... لبسته ثم لبست هي وأبتسم سلطان يعرفها مستحيل تزعل ياما شافت الويل منه وما زعلت كثر هالأسبوع ........ لم جهزو طلعو لحالهم ونزلو ..........وأول ما طلعو من بوابة البناية جاهم هواء قوي خلى شعر سلطان يتحرك وبغى يطير حجاب حصه لولا أنه مسكته وساعتها ضحكت وضحك معها سلطان لانه من النادر يكون مثل هالجو في الرياض ......................... حصه :مشعل ما راح يروح سلطان :باقي ساعة على الموعد حصه :ومطلعنا من اللحين سلطان :عاجبك جو الشقة .......؟؟؟؟؟ حصه :أذكر في حديقة قريبه هنا أوديك لها سلطان :ودينا .......... وقفت حصه تاكسي وركبت سلطان وركبت الكرسي ورا ثم دلته حصه على الحديقة ......... ونزلو بعد ما دفعو للتكسي الحساب ...... دخلو الحديقة الصفرا بسبب تغير لون الأشجار إلا الأصفر بس الحديقة لا زالت محتفظة بجمالها ....... جلست حصه على أحد الكراسي وجمبها سلطان بكرسيه ...... سلطان :الجو حلو المكان أروع ............قومي صوريني حصه :ما جبت الكميرا معنا سلطان :بجوالك ....... حصه تطلعه من الشنطه وتفتحة الكميرا وتبتعد من سلطان كان شكله روعه رغم أنه مقعد حاولت تلتقت صورة حلوة لم زبطت معها وصورة وراحت لسلطان تورية الصورة وأعجبته ثم قال لها تبتعد عشان هو يصورها وراحت بعيد شوي وصورها ::::: سلطان :فكي حجابك حصه :هوووو فيه رجاجيل سلطان أقولك فكي بس صورة وحدة حصه باعتراض : لا لا ما يصير سلطان: بس وحدة على السريع موب ضارك ........يله طلبتك عاد حصه جلست شوي مترددة ثم حست أنها بايخة وفكت حجابها ,,,,, وطار شعرها من الهوا وصورها سلطان ثم رجعت تلبس الحجاب بسرعة وراحت له تشوف الصورة :الله حلوة أنا سلطان :الله يخلي يدي اللي تصور حصه :لا والله أنا اللي محلية الصورة أنت ما سويت شي ...... سلطان :يله عاد درينا أنك حلوة بس لا تكبرين راسك علينا حصه رمشت بعيونها كم مرة وهي مو مصدقة أن سلطان قال هالكلام ..... سلطان :وشفيك ندري ترى أن رموشك حلوة ....... حصه :هههههههههههه سلطان تمدحني ولا تجامل سلطان :ليش أجامل شايفة أني أجامل حصه :بس مو بعادتك تمدح سلطان سكت وطالع الأشجار اللي تتحرك وفي كل حركة تطيح ورقة .... وفضل السكوت على الجواب لحصه اللي أحترمت سكوته ....... ولا حظت التغير الكبير اللي صار له ,,,,,, ومو حلو الواحد ينتظر يصيبه شي عشان يتغير مفروض نتغير من يوم نحس أن أحنا نسوي شي خطا أو عاداتنا خاطئة ,,,,,, رن جوال حصه وردت :الو .......أيوه.......في الحديقة ...... نص ساعة وراجعين.......يله باي ...... سلطان :مين حصه :مشعل يسأل عننا سلطان كان ما رديتي عليه عشان تردين حركته حصه :مو لهدرجة نذله ...... سلطان:هههه يعني اللحين مشعل نذل حصه :كلكم نذلين يوم سويتو هالحركة ....... سلطان :هههه خلاص عاد ما صارت مزحة لا عاد تجيبين طاريها حصه :أنت اللي بديت ......... وجلسو يسولفون لمدة نص ساعة ثم رجعو للشقة وطلعو مع مشعل ووعد للمسشفى وهناك سوا له الدكتور تمرينات بسيطة لجسدة عشان يتحرك بسهولة لقضاء أعماله اليوميه من دون مساعدة أحد ,,,,, لم خلص سلطان من تمارين اليوم هذا رجعو للبيت وهناك حصه رجعت تسولف عادي مثل قبل .......... .................................................. ... أول ما وصلو ربى وشوق للبيت حدود 3 العصر لان كل وحدة منهم راحت هي وصديقاتها لأحد الأسواق ويطلعون حرة الأختبارات ........ راحت ربى على طول لغرفتها وكذلك شوق ...... ربى راحت تطلع ولدها من الدولاب حبس فيه أسبوعين بالتمام مسكين ... طلعته وحطته على السرير وراحت تتسبح وتلبس بجامة مريحة ...... فتحت الاب توب وشبكت النت وفتحت إميلها لقت فيه رسايل كثيرة والأهم من ماجد فتحت أحد الرسايل وضحكت على خطتها اللي نجحت ..... ((مها أنا أسف على التأخير بس من حقي أني أتأخر لأني ما أبي أعلقك معاي ثم أتركك واجرح مشاعرك أنا في الفترة اللي غبتي عني حسيت أني فاقد شي مهم بحياتي إلا وهو أنتي صرت أهلوس فيك كثير واللي طفى شوي من شوقي لك صوتك وصورتك ....أحبك مها .......اتمنى اول ما تخلصين من أختباراتك تبشريني بالنتيجة ........حبيبك :ماجد ))))) ومرسل لها أغاني كلها شوق وحب ........ ضحكت كثير ربى على ماجد المغفل ....... وسكرت الاب توب بتكلمه في الليل ........وراحت تصلي العصر لأنه أذن ثم خمتها نومه ....................... .................................................. ... شوق أول ما وصلت غرفتها جلست على السرير ومن دون ما تفسخ أرسلت لمهند رسالة : بـ أتصل فيك , ......بنسى كل شي .! و بتطمن عليك ..........مآبيك ترجع لي .! و لا أبي شي . . { بـسـ / ـمـعك ..! أبسمع أنفاسك ! أبسمع أنفاسك ! [ بشوفك حيّ ] !! لم وصلت الرسالة له قامت تتسبح ولبست وصلت العصر ورجعت للسرير دقت على مهند ورد بصوته الهادي :الو شوق :هلا مهند مهند :هلا شوق وش أخبارك ؟ شوق :الحمد لله تمام مهند :خلاص عرفتي أني حي سكري شوق :مهنــــد بأسولف معك عطني وجه مهند :ما أعرفك عشان اعطيك وجهه واستهدي بالله وسكري ما أبي اسكر في وجهك ......... شوق :طيب أسأل وش سويت في أختباراتي ناجحة راسبه مهند :ما أعرف أصلا أنتي في أي سنة حتى أسالك يله شوق مع السلامة شوق :مهنــد لحظة .............لكن سكر في وجهها .......... وراحت كل الوناسة اللي قبل ساعتين ........\ حطت الجوال جمب الأبجورة وحطت راسها على المخدة وهي متضايقة من أسلوب مهند ..................... .................................................. .......... رتاج دخلت غرفتها في شاليهات الخليج جلست على السرير باقي للسواق والشغالة ساعة ونص عشان يجون لأنهم ماسكين خط وهي رايحة بالطيارة ..... طلعت تشوف الشالية ثم طلعت للبحر وكان الجو مو حر لأن الخريف على وصول ..........راحت تغطس رجولها في الموية ......... وتطالع الشاطىء الخالي من الناس بسبب الأختبارات لكن من بكرة راح يمتلي بسبب الأجازة بين الفصلين ......... جلست على الرمل رغم أنه بيوسخ عبايتها بس ما يهمها بعد شوي بتجي الشغالة ومعها الشناط وتبدل ...... جلست تطالع البحر الأزرق اللي بوسطة الشمس وكأنها بتغرق لأنه وقت الغروب .,,,,,,,,, تذكرت امها اللي ما كلمتها من يوم ما درت أنها بتسافر ومن دون ما تقولها..........بس أمها اللحين ما صارت تهمها وأي شي تبيه بتروح لأبوها لأنه ما يرفض لها طلب ,,,,,, غربت الشمس ورجعت رتاج للشالية وكلها ساعة والشغالة والسواق متواجدين عندها ..... حطت الشغالة شناط رتاج الخمسة في غرفتها وطلعت ....... وراحت رتاج تسبحت ولم طلعت طلعت لها من الشناط برمودا أسود مع تشيرت بني وعليه كتبات بالأحمر ........لبستهم وربطت شعرها فرس وطلعت علبة المكياج ونثرتها على التسريحة خطت عيونها بالكحل التركواز مع ظل أسود حطت روج أحمر وحست أنه يكفي ماله داعي تحط زيادة توجهت لشنطة الجزم وطلعت صندل مسح لونه أحمر لبسته ولبست عباية جديدة غير اللي توسخت وراحت تتطلع لها ساعة ولبستها من nina rcci خذت جوالها وشنطتها وطلعت وقالت للسواق الفلبيني يشغل السيارة وما راعة أنه ماسك خط ساعات من الرياض للشرقية .........ركبت مع السواق وقالت له يمشي وبس فتحت جوالها تدور على وحدة من صحباتها القدما اللي يسكنون الشرقية.. ولقت وحدة أسمها :(مشاعل))دقت عليها وردت :الو مشاعل:هلا مين معاي ............ رتاج :هلا ميشو كيفك ما عرفتي صوتي مشاعل تتذكر :مممم للأسف لا مين معاي رتاج :وحدة من الرياض مشاعل بترحيب مزيف :رتــــــاج كيفك والله وحشتيني موت وش هالغيبة ما تقولي عندك أخت في الشرقية أسأل عنها يعني عشان طلعت من الرياض خلاص ما تسألي عني رتاج :هههه أنا بخير وعندي لك سبرااااايز مشاعل :وشو ؟؟؟؟ رتاج :أنا في شاليهات الخليج مشعل :ووووواااااووو أحلى مفاجأة يا عمري رتاج :وينك أنا توني طالعه أبي أتقابل مع أحد ما أدل شي هنا مشاعل :اسمعي أنا اليوم معزومة على العشا مع شلة بنات في بيت وحدة تجي معانا فله ووناسة وضحك راح تحبيهم من قلبك رتاج :اوكي بس وين هالبيت فيه .,,,,,,, مشاعل :"أنتي تجهزي اللحين ولاجى وقتها مريت عليك وخذتك اوكي رتاج :اوكي الوعد متى مشاعل :الساعة 10 اوكي رتاج :اوكي ..يله أجل بأروح أتجهز مشاعل :اوكي يله حبيبتي باي رتاج :باي وسكرت رتاج وقالت للسواق يرجع حتى تتجهز ,,,,,,,, ........................في مكان أخر في قارة أخرى في أمريكا في غرفة واحد عايش حالة رومنسية كيف وهو يكلم حبيبته ...... يحس بأن الجو حار وقلبه مو راضي يهدا ...... هو صحيح ياما كلم بنات بس ماعمره حب إلا مها اللي تصغرة بعامين ...... ) • « || ¤ لي متى والوقت ضايع بين أمس وبين باكر!! (مها) ░▒قرب أبي أهمس (أحبك)|وأنسى معك باقي أحزاني░▒ (ماجد) ) • « || ¤░▒قرب أبي : حبيبتي مها متى ماكنتي فاضي سجلي صوتك وأنتي تغنين وأرسلي لي ,,,,,, ) • « || ¤ لي متى :بتمل من صوتي من كثر ما تسمعه ) • « || ¤░▒قرب أبي : مجنون شايفتني مجنون أمل من صوتك ) • « || ¤ لي متى: أيه بتمل وبعدين أنا أبي أعرف شي ) • « || ¤░▒قرب أبي : وشو ) • « || ¤ لي متى: وش نهاية علاقتنا ) • « || ¤░▒قرب أبي : الأقدار بيد الله ) • « || ¤ لي متى: بس أنا قلقانه أخاف تحبني فترة ثم تتركني ساعتها أتحطم ) • « || ¤░▒قرب أبي : ما راح أتركك لا تخافي ) • « ||¤ لي متى: يعني في أمل تتقدم لي ) • « || ¤░▒قرب أبي : أمل كبير بعد بس وش اللي يخليك تفكرين في هالكلام ) • « || ¤ لي متى: لأن أنت قلت ماراح أتزوج إلا لاصار عمري 30 وفوق ) • « || ¤░▒قرب أبي : لا الوضع اللحين تغير متى ما تخرجتي من الجامعه بأتقدم لك على طول ) • « || ¤ لي متى: يعني بعد 3 سنوات ......كثير ياماجد ) • « || ¤░▒قرب أبي : أنت خايفة عشان شي حاس أن الموضوع في إن ,, ) • « || ¤ لي متى: صرت تحس وش فيني ) • « || ¤░▒قرب أبي : الحب وما يسوي ! ) • « || ¤ لي متى: في نفس اليوم اللي أرسلت لي أنك تحبني كلمتني أمي عشان شي ) • « || ¤░▒قرب أبي : وشووو ) • « || ¤ لي متى: ولد عمتي متقدم لي وأنا رفضته وطول هالأيام اللي ماكلمتك فيها كنت قلقانه مووت أنا أحبك وما أبي غيرك ,,, ماجد ثارت غيرته : ) • « || ¤░▒قرب أبي : بس أنتي توك صغيرة ) • « || ¤ لي متى: أي صغيرة عمري 20 سنة والمشكلة أن أبوي يحب عمتي مره ماجد تضايق مره ) • « || ¤░▒قرب أبي : والحل ) • « || ¤ لي متى: ما أدري أخاف يغصبوني لو تتقدم أنت لي راح يزوجوني لك لانك ولد عز وبيفضلونك على ولد عمتي ) • « || ¤░▒قرب أبي : بس أنا حاليا ادرس كيف أجي أخطبك ) • « || ¤ لي متى: خطبة بس أسم أنك حجزتني ومتى ما بغينا نملك ملكنا ) • « || ¤░▒قرب أبي : بس هذا تهور وتونا في بدايتنا مابعد عرفنا بعض زين ) • « || ¤ لي متى: كل شي تعرفه عني وترى نفستي عدم من التفكير أخاف يغصبوني ) • « || ¤░▒قرب أبي : أسبوعين وأكون عندك ونتقابل ونتفاهم ) • « || ¤ لي متى: يعني أصر على رأي في الرفض ) • « || ¤░▒قرب أبي : أكيد مها ولا ترى بأنجن لو تزوجتيه ) • « || ¤ لي متى: يا عمري يا ماجد محد حاس فيني غيرك أحبك موووت ) • « || ¤░▒قرب أبي : وأنا أكثر يا قلبي أستمرت المحادثة ساعتين متواصلة ومن بعدها طلعو وماجد عايش حالة من التوتر بسبب كلام مها عن ولد عمتها أما ربى فاطسة ضحك على أخوها الغبي .....................نروح لساره الجالسة مع منيرة في المجلس ولطيفة مو موجودة معهم لأنها تطالع مسلسل وماتبي تفوت منه حلقة ....... ساره :أقولك مثلا أنا أعلمك على الأسهم وتدخلين بمبلغ 50 ألف أوكي ولم تحققين ربح من الشركة بيعي الأسهم وأشتري بنفس رأس المال من دون الأرباح أسهم جديدة من شركة ثانية وهكذا راح تجدين أن المبلغ في تزايد .......وحصه برضو تقول أشتري أرض في أحد الاحياء اللي توها ما تكاثرت فيها الفلل عشان بعد مدة سنتين كذا راح تتدبل سعر الأرض منيرة :بس أحنا نبي دخل أساسي كل شهر... ساره :مافي شي أسمه دخل شهري قولي سنوي ..... لم ترجع حصه الله يهديها راحت والفلة بأسمها وما نقدر نأجر الدور العلوي ولا كان ربح سنوي ثابت من الإيجار ,,,, منيرة :يعني أدخل الأسهم اللحين وبعدين سالفة الأيجار ساره :أيه وأنا بأقول لمشاري يدور لكم أرض بسعر حلو عشان تروحين تشترينها منيرة :احس أني شي لم أسوي هالأشياء ساره :هههه لازم كذا ولا كيف راح تستثمرين المبلغ اللي عندك منيرة :طيب متى راح تعلميني على الأسهم ساهر :يوم السبت راح اعلمك ......... .....................................نروح لرتاج وجلست تحوس في الشناط تدور فستان مناسب للجمعه هذي وتحب تكشخ لا صارت في مثل هذي الجمعات البناتية .......وكيف وهي بنت ـــــــــــ طلعت لها فستان أورنج غامق عاري الأكتاف ضيق جدا إلا نص الفخذ ومن بعدها يتوسع إلا تحت الركبة بشوي وفي الخصر مشدود بشريطة سوداء عريضة وتنهي بفيونكه على الجمب كاروهات أسود مع أورنج,,,, طلعت المستلزمات تبع الفستان من كعب وإكسسوارات وساعة مناسبه ...... من بعدها راحت تتسبح ولم طلعت أستشورت شعرها كامل وحطت مكياج ثقيل ولبست ما خلصت إلا والساعة تدق 9 ونصف ....... لبست عبايتها وخذت شنطتها وطلعت تجلس في الصالة لحد ما تدق الساعة 10 إلا عشر وتطلع مع السواق لعند مدخل الشاليهات تنتظر مشاعل تجي حتى تحرك وراها ما تحب تركب مع أحد ........ ...............................وماجت الساعة 10 وخمس إلا مشاعل واصلة وأستغربت رتاج من اللي جايه معه ما كان السواق كان واحد من شباب خمنت أنه اخوها ومشت وراهم لم وصلو بيت البنت اللي مجتمعين عندها نزلت رتاج وخلت السواق يوقف ويرتاح لأن بيجلس لم تخلص ....... راحت وسلمت على مشاعل ودخلو لداخل الفلة لأن الباب كان مفتوح ...... رتاج :من اللي موصلك ,,,,,,؟؟؟؟؟؟؟ مشاعل :زوجي رتاج انصدمت :زوجك متى تزوجتي مشاعل :وشفيك أنصدمتي هذا مو زوجي لكن خطيبي رتاج تمشي معها :يعني تملكتي مشاعل :لا خطبة بس للحين ما ملكنا رتاج :اها ,,,,حتى أنا أنخطبت وقريب ملكتي مشاعل :ومن سعيد الحظ رتاج بفخر :سعد ولد ــــــــ مشاعل :أها ومتى أنخطبتي رتاج :من أسبوعين مشاعل :مبروك رتاج :الله يبارك فيك ودخلو ولقو شغالة تاخذ العبايات منهم وعطوها وتوجهو للمرايات يتأكدون من شكلهم قبل ما يدخلون المجلس ........\.. دخلو المجلس وصوت الأغاني مغطي على المكان وريحة الشيشة ماليه الجو أستغربت رتاج من البنات ولبسهم جنزات وتشيرتات وكل وحدة ماسكة بيدها شيشة خاصة فيها .......... مشاعل عرفتهم على رتاج رحبو فيها وجلست رتاج جمب مشاعل اللي دخلت جو مع البنات بما أنها تعرفهم ,,,,,,,, البنات كانو حوالي 19 مع رتاج ومشاعل ..... أي 17 بنت ما تعرفهم رتاج ........ نظرات البنات لرتاج مستغربة لأنها كاشخة ومو لبسها مناسب لجمعه عادية ........لفت وحدة على رتاج ........ مزون :أقول الحلوة ما تبين تروقين رتاج بتسوي نفسها هاي :ما أحبها خليها لك ,,,,, مزون رفعت حاجبها :ليه الاخت متزوجة ...... رتاج :ليه وش دخل الزواج مزون :لان اللي في شلتنا متزوجة تبطل هالحركات مثل مشاعل اللحين ما تشيش بما انها مخطوبة ,,,,,,,,, رتاج :وأنا مخطوبة وبعد أسبوعين ملكتي ........ مزون :اجل كيفك ,,,بس خطيبك مثل الناس ولا حي الله رتاج تحط رجل على رجل وحان وقت التفاخر وهي تحب هالسوالف : أنا مخطوبة لولد ,,,,,,,,, مزون :وعندك صورته شوقتيني أشوف خطيبك رتاج تورطت :ما طلبت صورته مزون شهقت:شنــــو في وحدة مخطوبة ما عندها صورة خطيبها رتاج :وليه أخذ صورته أنا اطلع معه دايم ما يحتاج أخذ صورته ...... مزون :طيب دقي عليه اللحين وأطلبي منه رتاج حست انها ماراح تفلت من هالبنت اللزقة فستأذنت منها وطلعت من المجلس وبيدها جوالها جلست في مكان بعيد ودقت على مشاري اللي رد على طول مشاري :السلام عليكم رتاج :وعليكم لو سمحت مشاري ممكن أطلبك طلب مشاري :أمري رتاج :أبي رقم سعد مشاري :ليه ما خذتيه منه يوم طلعتو للمطعم رتاج :لا ماخذته وأرسله لي اللحين مشاري :خلاص سكري وأنا بأرسله لك وسكرت رتاج في وجهه وشوي إلا مرسل لها مشاري رقم خطيبها سعد وخزنته بأسمه وهي متقرفة أنها بتدق عليه ........ ودقت ,,,,,,,,, سعد رد على طول :الو رتاج أول مرة تسمع صوته في الجوال وكان حلو :هلا سعد انا رتاج سعد يقوم من عند ربعه :هلا بروحي وقلبي وحياتي رتاج تبي تساير :سعد ممكن طلب سعد :عيوني عطيتك رتاج :أبي صورتك صحباتي يسألوني عنك يبون يشوفنك سعد :كويس أنك تتكلمين عني عندهم يعني أنك راضية ........ رتاج :أكيد راضية يله حبيبي أرسل لي صورك سعد :اوكي تبين شي ثاني رتاج : سلامتك عطاها بوسة وتقرفت رتاج بس سلكت له وسكرت وماهي إلا شوي واصلتها الصور وحدة منهم متكي على سيارته ولابس ثوب وكاب أصفر ولابس نظارة شمسية لونها بني ..... وكانت الصورة روعه الصورة الثانية حاط يده على خده ومطلع ساعته ولبسه ما طلع كامل في الصورة غير انه لابس تشيرت احمر ...... الصورة الثالثة واقف ووراه طالع برج إيفل في باريس ولابس بنطلون جنز مع جاكيت جلد أسود ولابس جزمة سودا ويعطي بوسة للكميرا ...................... كانت هذي الصور .......دخلت رتاج المجلس وهي تمشي بخطوات واثقة وجلس في مكانها وعلى طول توجهت للزقة مزون بسؤال :ها ارسلها رتاج تمد لها الجوال وهي مفتخرة تدري أن سعد حلو :أيه خذت مزون الجوال وبدت تشوف الصور ثم مدت الجوال لخويتها اللي جمبها وجلست تطالع سعد ومنبهرة من شكلة الشبيه بمساري ........ ودار الجوال على المجلس كله وكل وحدة تعلق بشي لم وصل للمشاعل اللي طالعته ثم عطته لرتاج :شكل زوجك كشخة رتاج ترجع شعرها لورا :أكيد مو ولد ــــــــــــــــــ أستمرت السهر لم 2 الليل ودخلو تعشو ثم كل وحدة راحت لبيتها ورتاج رجعت للشاليه ........وحست أنها رجعت لطبعها بالتفاخر ومتناسية العنود اللي ماجت على بالها أبدا ............ .............................................