ولد الترف والدلال - الفصل 22 - بقلم بنت الأكابر - مكتملة | روايتك

لمحطة الثانية والعشرون: To the Hell في صباح يوم الأثنين ............ قام فهد من النوم وحس أنه فرحان من دون سبب ............ على طول ركب الرجل الصناعيه واتجه إلا الحمام ولم خلص لبس ثوب وشماغ وخذ جواله ومفاتيح السيارة والبيت ووو.......الخ وراح ركب سيارته وطلع جواله كالعادة وطالع فيه لقى مكالمة خارجية أستغرب لكن رجع جواله لجيبه ومشى رايح لدوامه وقبل ما يدخل الشركةرن جواله من نفس الرقم ورد :الو هلااااااااا فهد ......... فهد ابتسم :هلا هيثم وش أخبارك وش علومك وش هالغيبه هيثم :والله أنا بخير أنت وش أخبارك وش اخبار الرياض فهد : بخير جعلك بخير والرياض تنتظر رجعتك بالدكتوراه هيثم :أن شاء الله راجع بعد سنتين فهد : يالله حياة خير ....وش أخبار سجى هيثم :والله انا داق عشانها فهد :عسى خير هيثم : كل خير ..........بكرة عيد ميلادها بتدخل ال12 وتخيل وش طلبت مني؟؟؟؟؟؟؟؟؟؟؟ فهد ابتسم :وش طلبت ؟؟؟؟؟؟؟؟؟؟ هيثم :أسوي لها بارتي كبير عشان تعزم كل صديقاتها فهد متفاجأ : بس اللي أعرفة أن سجى ما تختلط مع الناس هيثم :مو أقولك هذا الخبر المفرح فهد :قصدك سجى خلاص صارت تختلط بالناس عادي هيثم : الحمد لله شكل الغصب والأجبار نفع معها وحركات الدلع ما نفعتها قبل فهد : بس مو كل الناس تتقبل هالشي وأحمد ربك أن سجى تقبلت عن وضعها اللحين ........... هيثم :الحمد لله .........ها بو حمد ما ودك تعرس جى على الجرح : أن شاء الله بأعرس بس موب قبلك .......... هيثم :أجل بتنتظر واجد لا جد فهد أنت اللحين موظف من زمان ليش ما تعرس فهد يصرف الموضوع :أقول هيثم شكلك فاضي وأنا بتأخر على دوامي هيثم :هههه اوكي أكلمك بعدين ولا بأرسل على إيميلك حفلة سجى اليوم فهد : أوكي ......... هيثم :يله مع السلامة فهد : مع السلامة........... سكر فهد وهو فرحان وزعلان في نفس الوقت فرحان أن سجى رجعت طبيعية وزعلان بسبب ذكرى الزواج ......... يا ترى متى بتتزوج يا فهــــد؟؟؟؟؟؟؟؟؟؟؟ ............................................... بين ممرات المستشفى ..... ......التي تنطق بالآلام والهموم والأوجاع والوحشة .......... ودموع المرضى ............. وفي أحد الغرف ................... كان الهدوء والراحة عنوان المكان لأن السديس يتلو القرآن وسلطان منسدح وهو يستمع لتلاوة الشيخ وهو خاشع معه ......... وحصه جمبة على الكرسي ماسكة القرآن وتتابع مع الشيخ سورة البقرة ....... طق طق طق ............ وقفت حصه الشريط وردت على اللي عند الباب :تفــــــــضل ....... دخل مشعل بأبتسامه : السلام عليكم حصه : وعليكم السلام هلا مشعل تفضل أجلس ....... جلس مشعل : سلطان نايم حصه : لا منسدح بس ليه تبيه بموضوع مشعل :لا بس أسأل .......خلصتي من تجهيز السفرة حصه : باقي أشياء بسيطة وأخلص مشعل :أها ........أبيك تدقين على وعد تسألينها كانها محتاجة شي للملكة حصه :اللحين وين بيحطون الملكة البيت مو كبير مرة ..... مجلس الحريم يكفي بس 20 حرمة ....... مشعل :ما أدري عن تفاصيل بيتهم بس دقي عليها وأسألي عن ترتيبات الملكة حصه :اوكي العصر بأدق عليها اليوم أخر يوم لها تداوم في المستشفى مشعل :أها زين أجل ........ حصه :اللحين العيال وش بتسوي فيهم ليش ما تاخذهم معنى مشعل : بأخليهم عند مشاري ومعهم المربيه موب ضارهم شي أن شاء الله حصه : بس ما تحس أنها فترة طويلة 6 شهور وهم عند مشاري مشعل :وش أسوي بأخذهم معي بأحتاس حصه : طيب وش صار على خطبة رتاج ما أشوف أحد تكلم فيها مشعل : مقدرين ظروفنا اللي نمر فيها ومحد تكلم في هالموضوع حصه :أها ......... مشعل سكتت وهو يطالع سلطان اللي شكلة مو منسدح إلا نايم وطالع المسجل واستغرب منه : وش هالمسجل ؟؟؟؟؟؟؟؟؟؟؟؟؟ حصه :جايبته عشان سلطان يسمع قرآن ....... مشعل : هو اللي طلب منك ولا أنتي اللي جبتي له حصه :طلب مني وجبت له تصدق من صار هالشيخ يجيه وهو مرتاح ومبسوط .........((تذكرت شي ))))))))) مشعل : الحمد لله حصه :مشعل ممكن سؤال ؟؟؟؟؟؟؟؟؟؟ مشعل :تفضلي حصه : اللحين رتاج تصلي؟؟؟؟؟؟؟؟؟؟؟؟؟؟؟؟؟ مشعل :والله مدري ليه ؟؟؟؟؟؟؟؟ حصه : لا بس ما اشوفها تصلي مشعل :والله أنا مالي دخل فيها صلت ما صلت كيفها هي وضميرها حصه سكتت وما أعجبها الأسلوب اللي تكلم فيه مشعل مفروض هو أخوها وأقرب الناس لأخته وواجب عليه ينصحها ويوجها للطريق السليم ................................. جلس مشعل عند سلطان نص ساعة ثم طلع .................. .......................في مستشفى أخر .......... رتاج واقفة مصدومة وحاطة يدها على فمها :ليش مالك شعر ؟؟؟؟؟؟؟؟؟؟؟ تقرب لوجهها :وين حواجبك ؟؟؟؟ ؟؟؟؟؟؟ليه وجهك كذا ؟؟؟؟؟؟؟؟؟ ليش ناحفة ؟؟؟؟؟؟؟؟وشفيك العنود صايره كنك ميته ................ العنود تطالعها ورجعت تطالع السقف :وش تبين أكون وأنا فيني السرطان رتاج :وش سو فيك المجرمين ما يخافون الله في المرضى .......... العنود : وأنتي تعرفين الله عشان تقولين هالكلام ............ رتاج سكتت .......العنود تقول لها الكلام ؟؟؟؟؟؟؟ العنود : رتاج وش تبين مني .....ما أحب أحد يتعاطف معي رتاج بصوت هادي : العنود لا تموتين وأنتي كافرة العنود وقرصة ثانية في غضون يومين :رتاج اسكتي رتاج :والله رتاج ليش ما تتوبين ....... ما بقى بعمرك شي والمرض ياكل من جسمك أكل ......... وأنتي صلاة ما تصلينها تبين تدخلين النار ؟؟؟؟؟؟؟؟؟؟؟؟؟ العنود صرخت:رتـــــــاج أسكــــــتي رتاج : لا تصارخين علي .......أنا على حق العنود بدفاع عن نفسها: رتاج لا تقولين هالكلام خليني واطلعي أحسن وبعدين أنصحي نفسك قبل ............وش ما بقى سويته في حياتك ........ لا دين ولا أخلاق ولا مبادئ ولا قيم ............. رتاج : أنا أنا ماعندي أخلاق ؟؟؟؟؟؟؟؟؟؟؟؟؟؟؟؟؟؟؟ العنود وهي عاقدة حواجبها الغير متواجدة : وش تسمين طلعاتك مع راشد ؟؟؟؟؟؟؟؟؟؟؟؟؟؟ وإدمانك على المخدرات .........أصلا أللي ما يصلي أعرفي أن أخلاقة زفت وحياته منحطة وفي القاع ............................... رتاج تضحك بسخرية :هههههه حبيبتي لا تترقين علي بالماضي وترى كلنا لنا ماضي ما نفتخر فيه .........وإذا أنا أخلاقي زفت وحياتي منحطة وفي القاع وش بتكونين أنتي ..............والدليل أن السرطان جاك قبل ما يجيني يعني أنتي أكثر ذنوب مني ............... وقبل ما تطلع أشرت بيدها (باي)وقالت : (( to the Hell)) .................................................. ........ وقت الظهر رجعت شوق مع ربى وفي السيارة ............ قالت شوق لربى أن في واحد حلو شافته في الشارع ودلت السواق على المكان ووصلو ................ ربى :وينه ؟؟؟؟؟؟؟؟؟؟ شوق : هذاك اللي واقف ربى :ويـــــــــــنه ؟؟؟؟؟؟؟؟؟؟؟ شوق :شوفيه اللي لابس ثوب ربى : ما في أحــــــــــد شوق تطقها على راسها : يا عمية ربى :آآآآآي اللي يبيع الجـــــح؟؟؟؟؟؟ شوق : وفي غيره واقف ربى : لا مو حلو وبعدين قولي عن واحد حلو لا شفتيه راكب بي أم ولا انفنتي وكاشخ مو هذا ................... شوق حزت في خاطرها : بس عاجبني ربى :أقول أوديك اليوم العشا للتحلية أخليك تشوفين الحلوين صح شوق : بس هذا غير ...........وقالت للسواق يمشي للبيت ...... ربى : وشفيك أنتي شكلك خاقة عليه ........ شوق تغير الموضوع :وش صار على ماجد ربى بحماس:هههههههه اسكتي لا تذكريني والله عندنا أغبى أخو في العالم شوق :ههه حرام عليك إلا ماجد ربى :ههه ياالله أمس مدري وين طلعت الكذب العجيب وصدق ماجد ههههههههه شوق تحمست : وش قلتي له .......... وجلست ربى تقول لها عن اللي صار أمس وشوق تضحك لدرجة دمعت عيونها ........ شوق تمسح دموعها :ههه حرام عليك والله أن عرف شرط يذبك من شباك غرفتك ............. ربى :لا حبيبتي لم يدري ما راح يقدر يقابلني بيستحي ....... شوق : متى بتقولين له ربى : لم يحبها شوق :من هي ربى :مها لم يحب مها شوق : ربى خليك جادة ترى كل شي ولا تلعبين بمشاعر رجال ربى : بس أنا أخته مو غريبة والله لا أخلي عروقة تنبض بأسم مها ولا رجع الرياض أكيد بيطلب يقابلني وذيك الساعة بأروح وأقابلة وأخليه ينصعق ....... شوق :أحس ما راح ياكلها في الاخير إلا أنتي ........ ربى : بعيد الشر عني ............ شوق طالعت أختها ورجعت تطالع الطريق ........ ربى : شوق وش عرفك بهالرجال الي قبل شوي شوق :أبد شفته يوم الخميس وعجبني وقلت لازم أخذ رايك ربى : توني أدري أن ذوقك مثل وجهك شوق :شكرا على المدحة ربى :واثقة أنك حلوة شوق :ايه واثقة ولا تقولين عن هالولد شي ترى هو حلو بس اللحين طالع شكله عادي شوفيه وهو راكب الرنج الأورنج ولا بس الجنز آآآآآآآ يا قلبي ربى :ومتى شفتيه ؟؟؟؟؟؟؟؟؟؟؟ شوق بدون أهتمام : خليت السواق يلحقة لبيته ودخل وطلع وهو لابس بنطلون جنز وتشيرت رمادي ومرجع شعره بجل ومشغل عبدالمجيد ومعلي عليه باغنية :مرتاح ولا يتصنع قلبك الراحة ... شايل بخاطرك ولا البال متهني مجروح ولا شفى قلبك من جراحـــــــه زعلان للحين ولا راضين عنـــــــي ..(ووجلست تغنيها ثم سكتت )وتنهدت آآآآآآآآآآآآآآآآه.....أسرني ..... ربى :شوق تستهبلين علي ولا جادة شوق تلتفت لها من بعد ما كانت تطالع الشارع :وشفيك ترى جادة وعادي لو سويت كذا أنتي كنتي خاقة على السعودي اللي يشتغل في فل فلري اللي بالعزيزة مول عشانه طويل وأنتي قصيرة ...... وبشرته قمحية مثلك وعنده غميزة في اليسار مثلك ........وكنتي تقولين ... ((عوامل مشتركة ))هههه يله ردي أشوفك سكتي ......... ربى :عمى أن شاء الله تذكرين هالرجال ووووجــــــع شوق : وجع يوجعك وبعدين هالسالفة صار لها سنة ونص .......... ربى :وبعد تذكرين المدة أنا نسيت أنتي تذكرين عمى شوق تفتح الباب لأنهم وصلو البيت :أقول أنزلي ولا يطلع الموضوع لأحد ربى تضحك وتنزل هي الثانية وتفرقو لأن كل وحدة راحة لغرفتها ................................................. مهند متوتر .......شاف البي أم الزيتي نفسة اللي جى أمس وش تبي منه مو أمس مهاوشها كيف تتجرأ وتجيه طالع جواله يمكن ترسل بس ما لقى شي ....... ما يدري ليه حس أن وده يلقى رسالة منها ............. تذكر أمس أمه تهاوشت مع أبوه عشان سالفة المحل وانه هو رجع للبيت تعبان من طقت الشمس ............. هو اللحين مجمع فلوس عشان يدخل دورة أنقلش وحاسب يمكن يلقى وظيفة إذا كانت عنده هالشهادتين ........ هو صحيح أن أهله ما عليهم قاصر بس ما يحب يطلب من أبوه فلوس ......... والدورة ما راح تعطل عليه شغلة حاليا ....... راح يخليها مسائية من الساعة 8 إلا الساعة 10 ........ ساعتين يوميا تكفيه ........... رن جواله وانتفض يحسب أنها العصلا دقت لكن لقى واحد من ربعه مهند :ههههلااااااا عبد الخالق : هلا مهند وش أخبارك ؟؟؟؟؟؟؟؟ مهند : الحمد لله أنت وش علومك ......؟؟؟؟؟؟ عبدالخالق : ما نشكي باس ..........اسمع عندي لك خبر بيخليك تطير من الفرحة ........... مهند ابتسم : وشو .............. عبدالخالق :الوالد فتح محل خضروات ويحتاج بضاعة طازجة يوميا وقلت مافي أحسن من مزرعة مهند يجيب لنا كل يوم .................. مهند : بس مافي مزرعتنا إلا الجح والجزر والجرجير والبقدونس عبد الخالق : نجيب منك ونجيب من ناس غيرك .......... هااا مواففففق أبشر الوالد مهند : لحظة ما فهمت أجيب لكم البضاعة يوميا وتشتريها مني ولا أشتغل في نفس المحل ................؟؟؟؟؟؟؟؟؟ عبدالخالق : لا وين تشتغل في المحل أبوي بيقعد مع هندي أنا أقصد أنك كل يوم تجيب من مزرعتكم اللي قلته وحنا نشتري منك بسعر معقول ونصير نتعامل معك كمورد للمحل.................... مهند : بأشاور الوالد وأعطيك خبر ........... عبدالخالق :وشاوره أذا عندك تمر نبيعه في المحل بعد مهند : حاضر اللي تبيه العصر بأكلم الوالد وأرد عليك زين عبدالخالق : اللي تبيه........يله أجل أنتظرك ...........مع السلامة مهند : مع السلامه يا هلا ........... وسكر .................. ابتسم مهند وطالع الشارع اللي راح يودعه قريب إذا صار كلام عبدالخالق ....... راح يكلم أبوه أول ما يرجع ........................... ....................................... وردة :الووووووو صيته بدون نفس: هلا وردة .......... وردة :وشفيك تردين من طرف خشمك صيته : مالي خلق ومتضايقة وأنتي أكيد عندك أخبار مو زينة وردة :مشكلتك ......أقولك الخميس مو هذا الجاي ملكة وعد صيته : خلاص حددوا ؟؟؟؟؟؟؟؟؟؟؟؟؟؟؟؟؟ وردة :أيه حددوا بتحضرينها \صيته :هههههه أنا أحضر زواج هذي نو نو برستيجي ما يسمح لي وردة : أقول متى بتطلقين ؟؟؟؟؟؟ صيته :وأنـت وش عليك أتطلق ولا ما أتطلق ؟؟؟؟؟؟؟؟؟؟؟ وردة :لا بس أسأل صيته : أيـــه ما عليك وغير الملكة وش فيه وردة :هو مو ملكة يعني ملكة وزواج عائلي مرة بتعزم عماتها وخالاتي بس صيته :هههه مسكينة لا يكون فرحانه وهي تقوله لك وردة : لا عادي بعدين هي مو أول مرة تنخطب قد انخطب من ولد خالتها ما حصل نصيب بينهم صيته : وحطت عينها على مشعل اللي ما تستحي وأنا أقول كيف ترضى تاخذ واحد متزوج وعنده عيال تبي تحر قلبي وردة : ليه متحسفة على مشعل صيته تتدارك الوضع : أتحسف على هذا ؟؟؟؟؟؟؟؟؟أقول اسكتي اسكتي تكفين ولا تقولين كلام ماله معنى ............. وردة : المهم خبرتك باللي يصير يله باي صيته :لحظة أنتي !!!!!ما قالت متى موعد سفرها وردة : إلا يوم السبت .........يله باااااي وسكرت الخط ........طالعت صيته الجوال بقرف ....... ما تقدر تقول لها شي لأنها هي اللي من توصل لها الأخبار بتتحملها مدة وبعدين تتركها ........ ............................. ها يبه وش قلت ............؟؟؟؟؟؟؟ أبو صلاح : والسعر اللي بيشترونه معقول ؟؟؟؟؟؟؟؟ مهند : أكيد معقول وفيه ربح وبعدين راح أضمن أن كل اللي بأجيبه بينباع أبو صلاح وهو يمسح على دقنه :بس إذا كل يوم بيصير كذا لازم نجيب كم عامل في المزرعة زيادة حتى يهتمون في المحصول أكثر ............ وننتج أكثر ............... مهند :بس من بيدفع رواتب العمال أبو صلاح : من الربح اللي بيطلع من البيعه ........ مهند : يعني نجيب كم عامل أبو صلاح : ثنين يكفون مع اللي في المزرعة بيصرون ثلاثة مهند : خلاص أدق على عبدالخالق ونعتمد الموضوع ....... أبو صلاح : اللي تشوفة يا مهند وأنت اللي محتاج لهالشي أخوك صلاح موظف وأنت مالك إلا هالشغلة تسترزق منها .....ترى وراك زوجة وعيال ........... متى بتتحرك وتتوظف براتب شهري ......... اللحين أنت بتبيع على ابو عبد الخالق وأنت تجلس في البيت لا شغلة ولا مشغلة تحرك أسأل ربعك أشتغل أي شي بس لا تجلس كذا ........... مهند ضاق صدرة من كلام أبوه : وأنا لقيت وظيفة وقلت لا بس أنا ناوي أدخل دورة حاسب وأنقلش يمكن تساعدني في الوظيفة ....... أبو صلاح : أنت اللحين عمرك 22 سنة .....وتعرف وش تسوي \اللي تشوفة مفيد لك سوه من دون ما تشاورني واللي تحس أنك شاك في قرارك لها تعال وقلي وبساعدك فيه ...... مهند ابتسم لأبوه : أن شاء الله .......... .................................................. .... وعد تدخل غرفتها وترمي شنطتها وبالطو المستشفى على السرير ..... علقت عبايتها في الشماعة وبدلت ملابسها ........ شغلت المكيف وطلعت من الغرفة نزلت تحت مالقت أحد من أهلها اخوانها ولا عيال أخوها .....لأن العصر أوقات المدارس كلن يكون نايم ولا في غرفته ........توجهت للمطبخ ولقت الحافظة متواجدة ...يوميا مرت أخوها تعزل لها من الغدى عشان لم ترجع من الدوام تلقى الغدا جاهز وما يحتاج إلى تسخين ........... تغدت على طاولة المطبخ ثم غسلت وطلعت رقت غرفتها ........ شالت الشنطة والبالطو من على سريرها وحطته على كرسي التسريحة وانسدحت على السرير ......:آآآآآآآآآآه اليوم أخر يوم وبكرة نشبع نووووم ههههههههههـ........... قطع عليها ضحكتها صوت جوالها وراحت تطلعه من الشنطة وابتسمت لم شافت الأسم منور الشاشه فردت :السلام عليكم حصه :وعليكم السلام هلا وعد وش أخبارك ؟؟؟؟؟؟؟؟ وعد : الحمد لله تمام أنتي كيفك ؟؟؟؟؟؟؟؟ حصه : بخير الله يسلمك وش أخبار الأهل وعد :كلنا بخير وأنتم حصه :الحمد لله ........أقول وعد وش ترتيباتك للملكة وعد :وش قصدك يعني ؟؟؟؟؟؟؟ حصه :يعني الحريم في بيتكم وين بتحطينهم ...بتسوين كوشة ولا لا ؟؟؟؟ زي كذا ..........؟؟؟؟؟؟؟ وعد : آها عندنا مجلسنا يكفي الحريم والكوشة أخترت وحدة ناعمه وما تاخذ مساحة كبيرة ..... حصه : اها كويس والعشا وين بتحطينة ؟؟؟؟؟؟ وعد :هذا اللي محتارة فيه ..... .الرجال أخوي بيحط بوفية وطاولات في الحوش والحريم ما أدري وين نحطهم عندنا غرفة أكل بس الطاولة مو كبيرة ......... حصه : وما فكرتي وش تسوين ؟؟؟؟؟ وعد :أنا قلت نحط البوفية جوا الغرفة يعني أجيب العمال يطلعون طاولة الاكل والكراسي ......وفي الصالة نحط طاولات الأكل نستأجرها طبعا.......... حصه :مممم حلو ..... وعد : انا فكرت قبل أن الحريم نضيفهم بعد الرجاجيل بس قال أخوي انها مو حلوة الطاولات بتكون محيوسة وكل شي حالته حالة ....... حصه :أيه صح عاد الرجاجيل ما يفكرون ان في احد غيرهم بيدخل ياكل .. خلاص طريقتك حلوة وتناسب وضعكم ..... وعد : ايه يختي وش أسوي هالمناسبات مفروض ما تسوى في بيوت مثل بيتنا مافي أماكن تكفي ................ حصه : لا رجعنا من السفر بنسوي لك حفلة في قاعة واعزمي اللي تبين ........وعد تبتسم : الله يحينا ........ حصه : طيب تحتاجين شي مشعل يسأل ....فلوس للملكة ..... هو راح يتكفل بكل شي العشا والحلويات وترى على فكرة الجوهرة كلمت مدري مين وراح تجيب صبابتين ........يكفون ولا نزيد ؟؟؟؟؟؟؟؟؟ وعد انحرجت من ذكر اسم مشعل: لا يفكون من كثر المعازيم عاد حصه :ها اسمعي لا بغيتي شي ولا نقص شي لا يردك شي دقي وكلميني وعد : خيرك سابق حبيبتي حصه : الله يسلمك تبين شي أوصلة لمشعل وعد استحت : سلمي عليه حصه :هههه اوكي يله أجل فمان الله وعد : مع السلامة سكرت وعد وهي مبتسمة .........متى ر اح يجي يوم الخميس بسرعة ..... ......................... مشاري ابتلش بأخته:طيب عنده شهادة حاسب .......انقليزي شي من هذا القبيل .........شهادة ثانوية حاف كذا ما تنفع .... شوق :ما أدري بكلم صديقتي وأقول لها ......بس يعني لا كان عنده شهادة حاسب والأنقليزي راح توظفه وظيفة زينة براتب زين مو تفشلني عند صديقتي تراني وعدها.............. مشاري :من عيوني أوظفه لك بالراتب اللي تبين بس أسأليها وخلي يجيني في المكتب وبأتكلم معه ........ شوق : طيب وش بتوظفه عندك ؟؟؟؟؟؟؟؟؟؟ مشاري :هههه وشفيك انتي يا بنت الحلال لا تخافين بأوظفة بالمجال اللي يبدع فيه ......... شوق : يصير مدير فرع من البنوك ................ مشاري : مدير فرع ؟؟؟؟؟؟؟الله مرة وحدة قولي سكرتير زي كذا اما مدير فرع مرة وحدة ........... شوق : وشو سكرتير هذي ما يصير مشاري :إلا يصير لو عنده شهادة جامعية في الادارة ولا المحاسبة أقدر أوظفة بوظيفة حلوة وبعدين احنا نعطي موظفينا دورات حتى لو انه جامعي ... شوق :يعني لا صار شاطر في المحاسبة والادارة بتوظفه بتوظفة مدير فرع ؟؟؟؟؟ مشاري :ياهي حاله إلا على مدير الفرع أقول بابا شوق روحي نامي اللحين الساعة 11 الليل .............. شوق :اووووه مشاري عطني كلمة وش بتوظفة ......... مشاري :والله والله حلفت أن كان عنده شهادة حاسب وانقليزي راح أوظفة سكرتير عندي وش تبين اكثر من كذا ........... شوق :أنت مدير فرع بنك وراعي الحلال يعني يكون سكرتير راعي الحلال الله حلوة مو شينة ................ وقامت : بس لحظة كم راتبه ؟؟؟؟؟؟؟ مشاري عصب :شـــــــــــــــوق روحي ارقدي ولا ترفعين ضغطي شوق تأشر بأصبها : طيب بس سؤال واحد وأروح البيت ......... مشاري ياخذ نفس :أسألي .......... شوق :اللي اعرفة أن عندك تو سكرتير واحد خاص ياخذ الشغل بدالك إذا رحت وواحد عادي وأخو صديقتي وش بتحطة ...................؟؟؟؟؟؟ مشاري : سكرتير عادي ما عنده كفاءات عشان أقولك أحطه شي مهم .....يله روحي ارقدي ............................... شوق تبتسم له وتطلع من غرفته وتنزل تحت ولقت ساره وعيالها يتابعون برنامج في التلفزيون .......راحت وحبت صقر على خدة ثم طلعت ............ .................................................. ...... اليوم التالي .....على الفطور ....جالس مشعل وعيالة مع ام مشاري أم مشاري : متى بتطلقها أمها داقة اليوم تسأل مشعل :يمه العيال فيه مو وقته ......... أم مشاري :مصيرهم يعرفون .سألتك متى بتطلقها مشعل : ما طلبت مني ام مشاري : اليوم امها داقة علي تسألني مشعل :الحمد لله والشكر ......... أم مشاري : على ميـن ؟؟؟؟؟؟؟ مشعل :على أم صيته في أحد يبي الخراب لبنته أم مشاري : صيته ما عليها خلاف بس أنت اللي مو عاجبك شي مشعل : يمه .........كل يوم لك راي مرة تذمين صيته ومرة تمدحينها .... أم مشاري سكتت ورفعت كوب القهوة تشرب منه ........ مشعل : محد حكى عن خطبة رتاج أم مشاري : انا قلت لهم يأجلونها لين ترجعون من السفر .. مشعل :الله .......بعد ست شهور ....... أم مشاري : يعني بس مشاري اللي بيستقبلهم ؟؟؟؟؟؟؟؟؟؟ مشعل :أيه وش فيه على الأقل خطبة والملكة لم نرجع ......... أم مشاري : يصير خير بس بعدين....... مشعل :كيفك انتي وبنتك .......يله بابا قومو أوصلكم المدرسة ........ شوق الصغيرة :ما خلصت فطوري مشعل : معليش بابا كلي في المدرسة يله سلمان يله عجلو ........ تركت شوق فطورها وقامت وسلمان وراها ....... شوق راحت تغسل أما سلمان راح للمربية حقته تغسلة وتجيبه معها لأنها كل يوم تروح معه المدرسة ............................ دخلت رتاج لغرفة الأكل وجلست...... صبت لها شاهي وجلست تشربه من دون ما تطالع أمها ............... أم مشاري :الناس يقولون صباح الخير ...... رتاج تحط الكوب : صباح الخير ........ وخذت لها توست وكلته من دون شي ....... أم مشاري : تو نشدني مشعل عن خطبتك رتاج بدون اهتمام : طيب أم مشاري : تبي نعجلها ..... رتاج :متى ما تبين يا امــــي حطيها ........ أم مشاري : أشوف في كلامك نغزة ........ رتاج :عاد افهميها أم مشاري : رتاج ماما وشفيك أنتي هالأيام مو عاجبك شي لا تاكلين ونحفانه ووجهك أصفر ........ وشفيك فيك شي قولي لي أنتي محتاجة فلوس ............؟؟؟؟؟؟؟؟؟؟؟؟؟؟؟؟؟؟؟؟ رتاج طالعتها ورجعت تطالع كوب الشاهي : لا شكرا ما أبي فلوس بعدين أنا ما أشتهي أكل ومتى ما بغيت بأكل ....... ام مشاري : لم يرجع جسمك زي أول وبشرتك ترجع زي قبل بأخلي الرجال يجون يخطبونك رسمي من مشاري لأن مشعل وسلطان بيسافرون رتاج وهي تقوم : والله يبيني كذا ولا يطق راسه في الجدار أصلا يحمد ربه مليون مرة أني رضيت أخذه ........ حتى لو أنه اخو سارة وولد الـــــــــــــــ أم مشاري :أجل خطبتك يوم الأربعاء الجاي بعد بكرة وتجهزي تبين تعنسين عندي أختك جواهر تزوجت وما سوت اللي سويته أنتي رتاج : وأنا قلت شي .......قلت لك من أول متى ما تبين الخطبة سويها وطلعت من غرفة الأكل .......... أم مشاري :لا بارك الله فيك من بنت مدري وش قلب حالها مرة وحدة ...... .................................... ضحكة سخرية هزت جدران غرفة زوار السجناء .......... طلال :وشفيك تضحك ؟؟؟؟؟؟؟؟؟؟؟؟؟؟؟ راشد وهي يسند نفسه على الجدار : أجل كنت ناوي تذبح رتاج هههههههههه وصدمت أخوها ......من عرفتك وأنت مدمغ وما تفهم طلال يمسك أعصابه :راشد أحترم نفسك ,,,,,,,, راشد : أحترم نفسي .......وليه أحترم نفسي .............. طلال :شكلك منت صاحي ولا كأن بعد أيام بيصدرون عليك الحكم ..... راشد : دامه مو أعدام انا مرررريح على الاخر ...... طلال : وش اللي مخليك متأكد أنه مو أعدام ؟؟؟؟؟؟؟؟ راشد : أنا واثق ,,,,بس بأجلس في السجن هنا ,,,,,حوالي 10 سنوات زي كذا .......ربك يعين ....... طلال :تدري انت سويت لنا فضايح مالها تالي ...... أنا وأنفصلت من الشغل أخوانك في الجامعه ربعهم تركهم ....... أختك طايحة في المستشفى من أسبوعين وبعد كم يوم بيشلون رحمها ...........ما تحس أنت ................ خليتني أسوي شي عمري ما فكرت فيه ...... أذيت رجال ماله ذمب ........ وزين للحين ما أمسكت لأني جالس تحت رحمة رتاج لأن كل الشكوك علي انا ...... راشد بصدمة : وش قلت العنود فيها ؟؟؟؟؟؟؟؟؟ طلال : فيها ورم سرطاني في الرحم وبيسون لها العملية يوم الأربعاء الصبح وبشيلون رحمها......واحتمال تموت لأنها مستسلمة للمرض ولا قاومت ....... (علا صوته ))))))))))))))وأنت جالس هنا ولا تعرف شي ما أقول غير أني بري منك إلا يوم الدين ويوم سعدي يوم يجبون خبر أعدامك .................. وطلع من الغرفة ................ وجى العسكري وكلبش يدين راشد اللي ما اهتم مما قاله أخوه عادي ما يمهه شي ................ وداها العسكري للسجن .............. لكن في باله العنود وش حالها اللحين .................................................. .................. ) • « || ¤ معاك الدنيا آآ شي ثاني معاك الدنيا ذي أحلى :مها ▲ ► ▼لــ متى الوقت ضايع بين أمس وبين باكر ! : ماجد ) • « || ¤ معاك : حلو الأهداء جد ذوقك روعه ▲ ► ▼لــ متى: تسلمين حبيبتي ) • « || ¤ معاك : وش تسوي اللحين ؟ ▲ ► ▼لــ متى: : أكلم بنوته حلوه على المسن ) • « || ¤ معاك : طيب وين جالس ؟ ▲ ► ▼لــ متى: في الصالة وأنتي وين جالسه ......؟ ) • « || ¤ معاك : في غرفتي وين تبيني أطلع ........عشان أمي تشوفني وتهاوشني ........ ▲ ► ▼لــ متى: تهاوشك على أيش ؟ ) • « || ¤ معاك : : بتقول طول الوقت جالسه على النت وما تساعدين أمك في البيت . ▲ ► ▼لــ متى: : ليه ما عندكم شغالات ؟؟ ) • « || ¤ معاك : ههههه قال أيش شغالات قول شغالة احنا ما عندنا هالجمع ▲ ► ▼لــ متى: طيب ما عندك شغالة ؟ ) • « || ¤ معاك : لو عندنا ما هاوشتني أمي . ▲ ► ▼لــ متى: طيب أنتي أبوك وش يشتغل ) • « || ¤ معاك : مدرس رياضيات ثانوي . ▲ ► ▼لــ متى: عشان كذا يضرب أمك دايم خخخخ ) • « || ¤ معاك : مسوي لي فيها ظريف ؟؟ ▲ ► ▼لــ متى: سووري ) • « || ¤ معاك : أشوف تتريق علي بكلامك إذا ما تبيني أكلمك عادي ▲ ► ▼لــ متى: لا وين مها ما أقصد جد . ) • « || ¤ معاك : بس أنت تجرحني ▲ ► ▼لــ متى: ما قلت لك شي يا بنت الحلال ) • « || ¤ معاك : بعد ما قلت ....؟؟؟؟؟؟؟؟ لا جد ما تحس ▲ ► ▼لــ متى: مها وشفيك ؟؟؟؟ما أقصد شي والله العظيم أسئلة بريئة. ) • « || ¤ معاك : مو قصدي اللي قبل شوي ▲ ► ▼لــ متى: أجل وش قصدك ؟ ) • « || ¤ معاك : يعني شوف لنا مدة نكلم بعض وأنت أبد مو حاس فيني بعدين ليه ترسل لي أغنية نسيت الناس لتركي وش قصدك خلك صريح معي با تصير أخوي ولا أنت فاهم . ماجد طول ما رد عليها مرة وحدة هجمت عليها. وربى تضحك وتكتب . ) • « || ¤ معاك : ماجد أنت شكلك تلعب في البنات وما تقدر مشاعرهم ▲ ► ▼لــ متى: مها أنتي وش تبين مني ؟ ) • « || ¤ معاك : ما فهمت عليك ▲ ► ▼لــ متى: سؤالي واضح ) • « || ¤ معاك : وأنت عارف الجواب ▲ ► ▼لــ متى: مها جاوبي ) • « || ¤ معاك : أبي منك اللي ما لقيته عند أهلي ▲ ► ▼لــ متى: حب عطف حنان اهتمام وش تبين مني بالضبط.؟ ) • « || ¤ معاك : أنت ما تفهم ؟ ▲ ► ▼لــ متى: مها أنتي تحبيني ؟؟ ) • « || ¤ معاك : أسلوبك هادي .شكلك حلو .معطيني من وقتك تهديني في قمة أحزاني وكل هذا وما أحبك . ▲ ► ▼لــ متى: مها ترى أنا شخص ما ألعب بتحبيني توثقين فيني لأني أكبر طماع . ) • « || ¤ معاك : تبي روحي عطيتك ▲ ► ▼لــ متى: أهم شي عندي الصدق والثقة. توثقين فيني عندي معناه تحبيني تصدقين في كل كلامك تحبيني ) • « || ¤ معاك : يعني أرسل لك صورتي ؟ ▲ ► ▼لــ متى: لا سالفة الصور هذي ما أحبها حركات أرسلك صورتي وترسلين صورتك أنتي عندك أهلك وتخافين على نفسك لا انا أبي أشوفك وجهه لوجهه ) • « || ¤ معاك : طيب وين المشكلة أشوفك عادي عندي :دام انا أحبك وش يمنع أني ما أشوفك ▲ ► ▼لــ متى :حاليا أنا خارج المملكة لم أوصل الرياض بعد خمس شهور راح أشوفك ) • « || ¤ معاك : وأنت ▲ ► ▼لــ متى: أنا ما أنكر أني اميل لك وخاصة أن حاليا ما أكلم إلا أنتي ) • « || ¤ معاك : يعني لك معارف ببنات كثير ▲ ► ▼لــ متى: قبلك أيه حاليا لا ) • « || ¤ معاك : وحبيت من قبل ▲ ► ▼لــ متى: لا أغلبها صداقات ووناسه ) • « || ¤ معاك : وانا بأكون مثلهم ▲ ► ▼لــ متى: هم ما كانو يبون الحب كانو محددين وضعهم معي صداقة ما نتعداها وفي كم وحدة حبتني بس ما حسيت أنها مناسبة لي.... ) • « || ¤ معاك : بس أنا أحبك ▲ ► ▼لــ متى: : مها أنا ما راح أحبك على طول لسه ما أعرف عنك كل شي وعن شخصيتك وطباعك حتى اعرف أنك أنتي المناسبة لي ولا لا ؟ ) • « || ¤ معاك : وبيطول انتظاري حتى أعرف النتيجة ؟ ▲ ► ▼لــ متى: على حسب .لأني لو أحب بكل أخلاص أنا رجال ما عندي لعب . ) • « || ¤ معاك : وأنا موافقة على كل اللي تبيه . ▲ ► ▼لــ متى: وبدون زعل إذا قلت لك أن ما تناسبيني ) • « || ¤ معاك : بدون زعل ▲ ► ▼لــ متى: اوكي اكلمك بكرة . ) • « || ¤ معاك : اوووووكي ▲ ► ▼لــ متى:بــــاااي ) • « || ¤ معاك :بااي طلع ماجد وطلعت ربى وهي نوعا ما خايفة من الخطوة القادمة وهي اللعب بمشاعر ماجد. وهي الخطوة الأخطر ......... .................................................. ... قمر : يمه وحدة من صديقاتي قالت لي شي اليوم ومدري خايفة أقولك وتعصبين أم قمر : قولي قمر اللي عندك ما راح أعصب عليك قمر :تعرفين صديقتي هنادي . قمر : ايه من المتوسط وهي صديقتك قمر :ايه .وهي تعرف عني كل شي وعن اللي صار لسلطان أم قمر : كملي قمر :هي عندها أخوه كبير وكان ناوي يخطبني بس سلطان سبق وخطبني وهنادي ما قالت لي أن أخوها كان يبيني لأنه من عرف أني أنخطبت سكت ولا كأن شي صار ولم عرف من أخته أني طالبه الطلاق من سلطان قال لأخته إذا تطلقت قمر أنا بأتزوجها ..لأنه يبيني أم قمر : يعني بينتظرك تتطلقين ويتقدم لك قمر :أيه . أم قمر : والله يا قمر هنادي ما تنعاب وأكيد أخوها مثلها بس أحسن أشاور أبوك وأخوانك وهم بيقررون . قمر :بس يمه عجلو لي بالطلاق ما أبي أكون معلقة أم قمر : لا يمه وش معلقة بيطلقك غصبن عنه قمر سكتت وهي متوترة مثل هالمواضيع حساسه جدا وحياتها معلقة فيها. يعني يجب الحذر فيها وعدم سرعة القرارات . لكن هي فكرت وقررت ....................... تطلق من سلطان وتتزوج أخو هنادي .................................................. ...... منيرة تسلم على الشغاله الجديدة :هلا بالحلوة ؟؟؟؟؟؟؟؟؟؟ ما كانت تدري وش بتقول فقالت هالكلمة الشغالة تطالعهم وتبتسم : لطيفة :وش أسمها ؟؟؟؟؟؟؟؟؟؟؟ أم أحمد : أحمد يقول اسمها ((لاني)) منيرة تجامل :الله اسم جميل نجلاء :ترى تعرف تتكلم عادي ترى لها خمس سنوات في السعودية تشتغل لطيفة : طيب بكرة بنروح البيت ؟؟؟؟؟؟؟؟؟ أم أحمد : مع أن ما ودي تروحون وانتم لحالكم هناك بس على راحتكم اللي تبونه سوه لطيفة : طيب السواق وش أسمه ؟؟؟؟؟؟؟؟؟؟ منيرة :وش اسم زوجك لاني ؟؟؟؟؟؟؟؟؟؟ لاني :محمد لطيفة شهقت :اسم زوجك محمد هههه جد ولا تستهبلين منيرة : والله اسم زوجك محمد ؟؟؟؟؟؟؟؟؟؟ هزت راسها لاني بنعم نجلاء :أقول دقايق بأروح أتأكد من أحمد وعلى طول طلعت من الصالة ولقت أحمد في الحوش :أحـــمد أحمد : هلا نجلاء :وش أسم السواق ؟؟؟؟؟؟ أحمد :اسمه محمد ؟؟؟؟ نجلاء :جـــد ؟؟؟؟؟؟؟ أحمد :ايه والله نجلاء ترفع طرف قميصها وتركض لجوا وأحمد مستغرب منها نجلاء :اسمه محمد منيرة :ههههه اول مرة أدري أنهم يسمون هالأسامي لطيفة :أيه والله ...... منيرة تجلس لاني معهم وتسولف معها وما خلت شي إلا سألت عنها عن أهلها في اندلوسيا وخواتها .......لحد ما وصلت للجيران ......... ولاني مستمتعه بالحديث لأنها تحب أحد يسولف معها........ وجت الشغالة مع رجلها محمد وراح يرجعون إلا بيتهم ....... ............................................... مهند واقف عند الرسبشن في أحد مراكز التدريب في الرياض يبي ياخذ دورة أنقلش مع دورة حاسب لأنه خلاص ما راح يشتغل في بيع الجح... الموظف : تبي مسائي ولا صباحي ...... مهند : لا مسائي .. الموظف : انت عندك دورتين مدة كل وحدة 3 شهور مهند : أعرف وش الوقت اللي عندك . الموظف :شوف أحط لك من الساعة 4 العصر إلا الساعة 6 ساعتين حاسب ومن الساعة 8 إلا الساعة 10 هذي الأنقلش ..... مهند : كويس حلو كذا ... موظف يعطية استمارة عشان يعبيها وعباها ودفع لهم المبلغ كامل .. وطلع من المركز ......وتوه داخل سيارته إلا جواله يرن وزادت نبضات قلبه لم عرف أن العصلا هي اللي داقه فرد : الو شوق :ألو مهند : نعم ؟؟؟؟؟؟ شوق :اسمع بأرسل لك رسالة ورد علي ضروري ضروري ضروري مهند يتنهد ويبتسم لم عرف أنها ما تنتطق الراء بشكل صحيح: اوكي شي ثاني ؟؟؟؟ شوق : لا شكرا مع السلامة مهند : مع السلامة سكر مهند وهو ما حرك السيارة ينتظر رسالته وشوي إلا هي جايته ........ (( مهند أنا أبي لك الخير فأتمنى ما تحرمني من هالشي أنا كلمت أخوي الكبير عنك وقال بيوظفك بس بشرط يكون عندك شهادة حاسب وأنلقش ..والوظيفة مرة حلوة ووعدتني يعطيك الراتب اللي تبيه فكر زين ورد علي ............................)) مهند ابتسم ووشغل سيارته ............ (( ليش ما أشتغل بالوظيفة اللي قالت عنها يمكن جد ما أحصلها لو أني جامعي بعدين أنا بأقطع وجهي عند ربعي وواسطات وغثى الوظيفة جايتني جاهزة من بنت العز هذي .... صحيح أنه عيب أشتغل من طرف بنت بس وش أسوي هي عرضت علي الخدمة ............بأستخير وبرد عليك يا العصلا ..........)))))))) مسك جواله وأرسل لهالأول مره : ((بأفكر ...)) تذكر سالم اليوم داق عليه يبي يشاورة في شغلة لقاها هو وياه نفس الحالة عاطلين عن العمل ........... والشغلة كانت عبارة عن محاسب في أحد فروع بنده..... والراتب كان 2500 ريال ........ وقال له يشتغل ويتوكل على الله ............... توجه مهند للتحلية وللمقهى اللي يتواجدون ربعه فيه ..... وتوه داخل من الباب إلا بأحد يمسكه من يده ويطلعه برى ... مهند : ســالم وش فيك ؟؟؟؟؟؟؟؟؟ سالم : أصبر أبيك في موضوع مهند : بس .....طيب تعال في سيارتي سالم : لا خلنا في الهواء الطلق مهند : متعوب عليها قل وش عندك؟؟؟؟؟؟ سالم :تشتغل معي ؟؟؟؟؟؟؟ مهند : وين ؟؟؟؟؟؟ سالم : محاسب معي مهند : توني مسجل في دورة حاسب ونقلش سالم : سجلت ؟؟؟؟؟؟؟ طيب عادي داوم صباحي مهند : اداوم صباحي وفي الليل عندي دورة ما اجلس في البيت أتريح سالم :وشوله تتريح اللي ما درس جامعه ما يتريح مهند : أقولك أنا لازم أقولك سالم : وش تقول لي مهند سحبه معه للسيارة وقال له وش صار بينه وبين البنت والوظيفة اللي قالت عنها ....... سالم يدزة من كتفة :حركـــــات تجيك الوضايف من كل مكــان مهند :صبرت وصبرت وفرجت علي سالم : طيب هي قالت لازم معك شهادة حاسب وانقلش وأنت بتاخذ الدورة لمدة 3 شهور ليش ما تشتغل معي فترة صباحي والمسائي تروح للدورة ........... نوع من مصادر الدخل المزرعة والمحاسب معي وبعدين تستقر في الوظيفة اللي قالت عنها ............ مهند لمعت عيونه : والمحاسب كم أداوم من ساعة ؟؟؟؟؟؟؟ سالم:أنا بأداوم مسائي من الساعة 4 العصر إلا االساعة 12 . وأنت تقدر تاخذ من الساعة 8 إلا الساعة 2 مهند : 6 ساعات دوام ؟؟؟؟؟؟؟؟؟؟؟؟؟؟؟؟؟ سالم :أحمد ربك .......اسمع انا بأروح لهم بكرة بتجي معي حياك ما تبي كيفك مع أنه لصالحك بس كيفك مهند : بأفكر وأرد لك سالم يفتح باب السيارة :يله ننزل للربع مهند ينزل ويسكر السيارة ويروحون لداخل ......... .................................................. ..... اليوم التالي الأربعاء : الصباح ............................ حصه :أمس السواق والشغالة جو من صديق أحمد جيرننا كان تذكره ...... سلطان : ايه أذكرة ........ حصه :عاد بيرجعون البيت اليوم وإن شاء الله محد يسرق مرة ثانية ...... سلطان : ان شاء الله .... حصه :وشفيك متضايق ؟؟؟؟؟؟؟؟؟ سلطان : أمس حلمت بحلم غريب حصه : بسم الله لا تقولة بيتحقق سلطان :مو في أحد حلم غريب غريب أتعب وانا أقول غريب...... حصه : سلطان لا تقولة أحسن بتخليني أوسوس معك سلطان إلا بيقولة : حلمت أني جالس على الكرسي هذا المتحرك والدنيا صيف وحر وشمس وفي عز القايله ...........جى رجال غريب شكلة ودفني بقوة وراح والحلم كاني اللحين أشوفه قدامي ....... حصه : ووش صار لك بعدين ............. سلطان : ما صار شي انتهى الحلم حصه : خلاص كأنك ما شفته ولا تقعد توسوس فيه سلطان سكتت وحصه سكتت معه وكلن يفسر هاللحلم في مخة لانه غريب جدا ........ .......................................... شوق :ربى والله ماجد أن عرف لا يذبحك ربى : شوق وشفيك أنا أسوي فيه خير شوق :وش اللي تسوين فيه خير العبي بأي شي إلا بالمشاعر ربى :شوق وش هالخرابيط أي مشاعر وأي شي .. أنا أبي أعقل ماجد عشان يتوب من المغازل شوق : أنتي وش دخلك فيه خليه في حاله يسوي اللي يبي أحنا مالنا دخل في خصوصياته ربى :أنا أبي له الخير وبهذي الطريقة راح أبعده عن طريق خطر شوق : خطر ولا موب خطر إذا أمي وأبوي عارفين وش يسوي ووين يروح ويجي أنتي وش دخلك تبين تعدلينه ربى :بأسوي اللي في راسي وكيفي ........ شوق :بأقول له ربى : قولي له عادي عندي بس ما راح أسكت عنك وعن الولد اللي شفناه أمس شوق :ترى أنا وثقت فيك وقلت لك عنه ربى :حتى أنا وثقت فيك وقلت لك عن ماجد يعني اسكتي عن الموضوع أسكت عن موضوعك وكل وحدة تسوي اللي تبيه................. شوق طالعتها بنظرة عصبيه وهي مقهورة أنها قالت لها أنها لحقت الولد لبيته لأنها مسكتها عليها ......طلعت من الغرفة بعد ما سكرت الباب بقوة............ .................................................. .... فهد جالس في غرفته ومشغل جهازة الاب توب وجالس يطالع فديو (سجى ) وهي فرحانه بعيد ميلادها ..... وما خلت أحد إلا عزمته على حفلتها ... وكان هيثم ين الأطفال شكلة يضحك لأنه مبتلش فيهم بقوة . سكر الفديو وتنهد بقووووووووه . هو يبي يتزوج ويجيب عيال لأنه يحب الأطفال ويموت فيهم بس من يوم ما قالت رتاج اللي قالته حس أنه لازم يختار مرة ثانية بدقة عشان ما تنجرح مشاعرة مره ثانية . .................................................. طلعو الممرضات من غرفة العمليات بقسم الأورام السرطانية وهم يدفون سرير فيه العنود ........... وخرجت من هالعملية بلا رحم . أهم شي في المرأة . حطوها الممرضات على سريرها وحطو لها مغذي وراحو وانتهو من مهمتهم . ومحد حولها يهتم فيها أخوانها ما أحد جى منهم . شي مؤلم جدا في هالمواقف ما تلقى أحد جمبك . دخلت عليها الدكتورة سماهر مع دكتور ثاني اسمه حامد الدكتور حامد :مستسلمة للمرض بقوة الدكتورة سماهر :أول مرة تمر علي حالة مثلها اهلها أبدا ما أشوفهم في المستشفى . الدكتور حامد :العملية كانت خطرة جدا والحمد لله نجحت الدكتورة سماهر :بكرة راح أسوي لها تحاليل من أول وجديد الدكتور حامد : محد يطلع من السرطان سالم ومثل العنود مستسلمة للمرض بهذي الطريقة . أعتقد بيصير لها شي الدكتورة سماهر :مناعتها ضعيفة وأخاف تلتقط أمراض ثانية الدكتور حامد :الله يستر . طلع الدكتور حامد وراه الدكتورة سماهر ....... .................................................. ....... الساعة 4 العصر : مشاري يدخل البيت وهو يصوت على أمه :يمـــــــــه يمــــــــــــــــــــــــــه طلعت له أم مشاري :وشفيك تصارخ اسمعك ؟ مشاري :انتي داقة على اهل سعد وقايله لهم يجون اليوم أم مشاري : أيه بيجون بعد العشا ليه ؟؟؟؟؟؟؟ مشاري :أحنا اللي بنخطب منهم ولا هم اللي بيخطبون دامهم ما تكلمو ليش تدقين عليهم ................... رامين بنتنا حنا ..... ام مشاري :لا تقعد تفلسف علي هم أصلا بعد ما أجلناها عشان حادث أخوك دقت أم سعد وقالت متى ما تبين نجي نخطب دقي علينا. ودقيت عليهم . مشاري : حتى ولو أسألي ساره قبل مو تدقين عليهم ام مشاري : دقيت وخلاص وبيجون بعد العشا تجهز وقل لأخوانك وترى على فكرة سعد يبي يشوف رتاج . مشاري يتنهد : ما عليه . وطلع من البيت وتوجه إلى بيته وهو منقهر من أمه ......... كيف تتصرف هالتصرف البايخ وصل لبيته ولقى ساره في الصالة جى وجلس معها :أهلك بيجون اليوم ساره :أدري مشاري :وليش ما قلتي لي ساره : يعني أنت ما تدري أنهم بيجون اليوم ؟؟؟؟؟؟؟؟؟ مشاري :والله تفشلت لم دق علي سعد وقال أنه بيجي هو أخوانه وأبوه اليوم يخطبون رتاج وأنا ما أدري عن هالموضوع توقعت بنأجله أكثر لأن سلطان ما بعد طلع من المستشفى .............. ساره :أمي تقول يجون الرجاجيل اليوم وبعد ما يطلع سلطان بمدة كذا تجي أمي وخواتي ونلبس رتاج شبكتها والملكة بعدين متى ما بغت رتاج ولا سعد . مشاري :انتم يا الحريم تخططون على كيفهم وحنا يا غافلين لكم الله ساره تبتسم : أنت الأساس وبعدين هالمواضيع بتقولونها بينكم يالرجاجيل وبعدين تجون تشاورونا فيها فنختصر من البداية ونقرر .......... مشاري يحط ذقنه :وسعد يبي يشوف رتاج ساره :أيه ما دريت بعد ؟؟؟؟؟؟؟ مشاري :توني ادري من أمي .قبل كانت رتاج هي اللي تبي تشوفة اللحين انقلبت الآية . ساره :إلا العروس وينها ما شفتها من مدة مشار ي:من جت من دبي وهي حابسة نفسها في الغرفة وما تطلع إلا قليل ومدري وش فيها لكن اليوم بتطلع غصبن عنها . ................................... مهند جالس في غرفته وسرحان . أمس أستخار على الوظيفة مع سالم وحس براحة كبيرة . بس ما أستخار على وظيفة العصلا . فمسك جواله وأرسل لها . (( شكرا اختي على اهتمامك بس أنا ما عندي هالشهادتين لكن متى ما تكون عندي راح أخبرك بقراري ))) وحس براحة لم أرسل الرسالة لأنها ما راح تدق مرة ثانية وتناقشة وتنشب فيه وهو ما يعرف كيف يتعامل مع البنات . وصلت لشوق الرسالة وكانت توها قايمة من النوم لأن نومة العصرية مهمة عندها .طالعت جوالها لقت رسالة من مهند وأوجعها بطنها لا إراديا وفتحتها وقرتها . وابتسمت وباست الجوال وحطته في حضنها ثم بعدته عنها بسرعة بس ما أستوعبت وش سوت . ضحكة على نفسها وقامت من سريرها الوردي لونها المفضل. ويناسب بشرتها البيضا . حست أنها شوي وتطير لأنه مهند ما عارض فكرة انه يتوظف عن طريقها ولا قال لها شي يزعل ........ .................................................. ... حصه تحط الورد الأحمر في الموية اللي جابه خوي سلطان الصباح كهدية على سلامته : حصه : اليوم خطبة أختك رتاج . سلطان تغيرت ملامحة مجرد ذكر الأسم :جعلها ما توفق حصه بسرعه : أستغفر ربك وش هالكلام أحد يدعي على أخته كذا سلطان :مدري ليش أكرها مع اني قبل ما أهتم لها لكن حالي أكرها حصه توقف جمب السرير :حتى ولو أنك تكرها ما تدعي عليها في الأمور الحساسه ........أستغفر ربك سلطان :ماني مستغفر حصه بأصرار :سلطــان أستغفر ربك . سلطان لم حس ان حصه ما راح تتركه :أستغفر الله . ارتحتي حصه :ايه ارتحت . سلطان :حصه بطنك كبير ولا صغير ؟؟؟؟؟؟ حصه استحت :ممم ليه السؤال ؟ سلطان : أبي أعرف ؟؟؟؟ حصه : يعني وسط . سلطان : ومتى بيصير كبير ؟؟؟؟؟ حصه : لا صرت في التاسع بيصير بطني وش كبررره سلطان : أتمنى تنجح عملية تصحيح نظري عشان أشوف سعود لم يولد حصه :أن شاء الله تنجح العملية وتشوف سعود وتفرح فيه . سلطان : بس ما أفرح كثر ما أشوفك اللحين وأنتي حامل . حصه حست انها شوي بتطير من الفرحة وما عرفت وش تقول غير:الله يسلمك .................................. مشعل يجي عند أمه وهو كاشخ بثوبة وغترته السكرية وعطره واصل للأخر الدنيا ووخروا عن طريقة :يمه سعد في المجلس الحريم خليته هناك نادي رتاج خليها تنزل يتنظرها . أم مشاري :أها طيب بأروح أناديها وأنت أجلس عنده لين تنزل ولا دخلت لا تتليقف وتجلس معهم خلهم على راحتهم مشعل :أخليهم في المجلس لحالهم ؟؟؟؟؟؟؟؟ أم مشاري :أيه خلهم وش فيك عادي ماهو غريب سعد ...فهمت وش قلت مشعل :مثل ما تبين بس أستعجلي برتاج أم مشاري :ايه طيب راح مشعل للمجلس الحريم مكان تواجد سعد . راحت أم مشاري ورقت لفوق طقت الباب على رتاج وفتحته رتاج :نعــم أم مشاري تطالعها : ليش ما تجهزتي وأنتي عارفة أن سعد جاي اليوم رتاج :وليه ألبس الخطبة رجاجيل بس أم مشاري : يبي يشوفك يله لبسي بسرعه.... رتاج :بس أنا ما أبي أشوفة أم مشاري :رتـــــــــاج مو وقـــت عناد لبسي وانزلي الرجال يحتريك رتاج :ما أبي أنزل غصب هو ..... أم مشاري :أنا بأنزل تحت بس لكن قسم بالله ((وتأشر بأصبعها )) أن ما نزلتي تحت اللحين لأخلي ملكتك الأسبوع الجاي رضيتي ولا أنرضيتي دلع بنات ما عندنا ...... وراحت أم مشاري بهيبتها ورتاج صقعت الباب بقوة من القهر . أمها لا قالت شي تسويه وما عليها من أحد . توجهت لدولابها تطلع شي مناسب تلبسة . طلعت لها فستان أبيض قصير للركبة وفيه شك بالذهبي . لبسته على طول وطلعت لها كعب واطي ذهبي. توجهت للتسريحة فكت شعرها المتقصف من سوء تغذيتها . خذت مقدمة شعرها واستشورته على السريع ورجعته على ورا حطت كحل أسود ومسكرة وظل أسود وروج أحمر . وتعطرت وطلعت .ما أهتمت يعجبه شكلها ولا ما يعجبة لانها ما كشخت بالشكل الطلوب لأمها . نزلت من الدرج وصوت كعبها يصدر صوته المعتاد . شافتها أمها الجالسة في الصالة ام مشاري :روحي المطبخ وخذي صينية العصير وروحي مجلس الحريم الرئيسي رتاج طالعة أمها بأحتقار ! وتوجهت للمطبخ وخذت العصير وراحت للمجلس وكان الباب شوي مفتوح ودزته برجلها ودخلت شافت سعد جالس وقباله على الجهة الثانية مشعل ............... توجهت لسعد وعطته العصير من دون كلمة :تفضل . وحطته صينة العصير في الطاولة الكبيرة اللي بنص المجلس ... وما أهتمت جلست قبالة ومشعل يطالعها بغرابه ليش ما قدمت لأخوها العصير مع أن في الصينية 3 كاسات . لكن أنسحب من المجلس ......................... كان سعد أشبه بكثير لمساري ومخفف شنبه مرررره.... سعد يطالعها : شخبار الحلوة ؟؟؟؟؟؟؟؟؟؟؟؟ رتاج تحط رجل على رجل :زفـت سعد :اووف وليه ؟؟؟؟؟؟؟؟؟؟ رتاج :لأنك قبالي سعد وهو يشرب من كاس العصير :ههه شكلي مسوي لك أزمة ... رتاج تقرفت من ضحكته :أشوى أنك عارف بنفسك . سعد حس أن رتاج مغصوبة عليه بس شي حلو يحب المغامرات والتحدي وشكل رتاج مزاجها صعب وطبعها وعنادها أصعب وهذا النوع اللي يعجبة ؟ عشان يكون للزواج طعم مو تقليدي !؟؟؟؟!!!!!!!!!! سعد :أحسك مغرورة ؟؟؟؟؟؟؟؟ رتاج وهي تحط عينها بعينه مع رفعت حاجبها الأيسر:وياحلوة غروري سعد :ومتكبرة بعد رتاج :والله كيفي ...........اسمع بأقولك شي وياليت لم تعرف توخر عن طريقي لأني ما أحب الرجاجيل وجيتي لهنا مو عشان سواد عيونك أنا مغصوبة وتعرف وش معناة هالكلمة ولا تفكر أنك راح تعيش بهناء معي لم تزوجني فأحسن أبتعد عني سعد : أأنا موافق ولأنك مغصوبة من اللحين أكيد راح أتزوجك دام أنا موافق عليك............ رتاج : ما أعتقد ترضى تاخذ زوجة مدخـــنه سعد طالعها وضحك بقوة :هههههههههههه وصفق بيدة :وواااو أحلا شي في الحياة والله أنك جيتي على الجرح وتنهد بقوة :أحلا شي تسوينه أنك تتدخنين .......... بس اهلك ما قالو لي ؟؟؟؟؟؟؟؟؟؟؟؟؟؟؟؟؟؟؟ رتاج ورجلها تحكها ودها ترجم الكعب على وجهه من القهر هي حاطة في بالها ان لم تقولة أنها تدخن راح يبتعد عنها لكن شكلة عاجبة الوضع ................. رتاج وهي ما سكة عمرها :انا أدخن من ورا أهلي سعد يرجع نفسه لورا :عادي ما يهمني ......متى تبين الملكة؟؟؟؟؟؟؟ بعد شهر حلو ؟؟؟؟؟؟ ............. رتاج توقف :افففففففففففف حياة قرف وناس قرف وطلعت من المجلس وسعد ميت من الضحك ...... وقام وراح مجلس الرجال وقال لابوه أنه موافق عليها ......... أما مشاري طلع يسأل رتاج إذا موافقة ولا لا ولقى أمه في وجهه أم مشاري وهي عارفة وش بيسأل :تراها وافقت مشاري يرجع في طريقة بأستعجال ويدخل المجلس ويبارك لسعد .... اما مشعل ضايع وشلون توافق رتاج بهالسرعه مافي أسخارة ولا بأفكر .... الوضع ما يطمن ........................ بعد التبريكات وصلت الساعة 10 الليل وجو بيطلعون الرجاجيل ومشاري محلفهم يجلسون يتعشون لأكنهم تعذرو بمشاغلهم وطلعو ...... مشعل :رتاج قالت لك أنها موافقة ؟؟؟؟؟؟؟؟؟؟؟؟ مشاري : توني طالع من المجلس إلا أمي في وجهي وقالت تراها موافقة وجيت وباركت لهم مشعل : بس مفروض تسألها بنفسك مشاري :خلاص عطينا الرجاجيل الموافقة ......يله أنا طالع تبي شي مشعل : لا سلامتك طلع مشاري من المجلس وراح لفلته ومشعل شوي وراح وراه لفلته .... رتاج لم طلعت من المجلس راحت على طول لغرفتها من دون ما تقول شي وأم مشاري وافقت بدلا عنها لأنها من البداية مو موافقة تنزل أصلا ,,,,,,, ومشعل ومشاري ما يدرون عن هالشي اللي أكيد ما يرضيهم تتزوج أختهم غصبا .................