الفصل 18
المحطة الثامنة عشر :
حصه تنزل من الدرج وهي تعبانه طول الليل ما نامت زين ...
وصلت للبوابه وطالعت ساعة جوالها لقتها 9 وخمس ......
طلعت من البوابة ولقت مشاري ينتظرها وجمبه ساره .....
راحت وركبت معهم وبصوت هادي : السلام عليكم
ساره ومشاري طالعو بعض و ردوا السلام : وعليكم السلام .....
مشاري :ربى وشوق ما جو ؟؟؟؟؟؟؟؟
حصه :خالتي بتجي العصر منعتهم يجون هالوقت .......
مشاري : حسافة كان راحو مدارسهم بدل قعدة البيت ........
مشى سيارته وطلع من بوابة الرئيسة للقصر ......
واتجهوا للمستشفى: ........
دق جوال مشاري وكان مشعل اللي متواجد في المستشفى :هلا
مشعل بصوت كل فرح :أبشرك قام قام سلطان ,,,,,,,,,,,,,,,
مشاري ابتسم : الله يبشرك بالخير نقلوه للغرفة ثانية ؟؟؟؟؟
مشعل : من شوي ناقلينه والظهر بننقلة للمستشفى المملكة .....
مشاري :زين حنا في الطريق معي ساره وحصه .....
مشعل :ايه زين ننتظركم .......
مشاري :ما قال لك شي ؟؟؟؟؟؟؟
مشعل : لا ما قال شي يله فمان الله ....
مشاري :مع السلامه .....
لف مشاري على ساره : سلطان صحى ونقلوه من العناية
حصه اللي لم سمعت أن سلطان قام حمدت ربها في نفسها
وجلست تدعي أن تشوفه وهو يشوف ......
كل شي يهون عندها إلا البصر البصر البصر .......
أكبر نعمه من الله .............
وصلو للمستشفى ونزلو مشاري متقدمهم ومن وراه ساره ماسكة يد حصه
عشان ما تخاف أو تحس أن محد واقف معها ....
مسكينه هي لو مشاري يصير له مثل سلطان بتنهدم كل قصور الفرح
اللي في حياتها .......
وصلو لغرفة سلطان اللي دلهم مشعل عليها .....
مشاري دخل وشاف أخوه منسدح على السرير وكل شي فيه ينطق بالتعب ......راح له وحب جبينه : الحمد لله على السلامة ,...
سلطان اللي سمع بالصوت بس جسمه ما يساعده يقوم
منسدح أحسن له ,,,,,,,,,,,
مشاري : يسمعني؟؟؟؟؟؟
مشعل : يسمعك بس هو اللحين تعبان ما يقدر يتحرك .......
مشاري بحزن: لا حول ولا قوة إلا بالله
مشعل : وش فيك ترى يسمع مهوب أصمخ
مشاري :وانا قلت شي ؟؟؟؟؟؟؟
مشعل يطنشه:: وين الحريم ؟؟؟؟؟؟
مشاري :عند الباب .........وقام يشوفهم ........
ساره : معليش تبي تدخل لحالها
مشاري : خلاص على راحتها حنا بنطلع ....
نادى مشاري على مشعل وطلعوا وخلو حصه تدخل لحالها .........
دخلت حصه وسكرت الباب وراها وتوجهت أنظارها على سلطان ........
ولمعت عيونها بالدموع .......
توجهت له وحبت راسه بصوت مخنوق : الحمد لله على السلامه .....
سلطان اللي حس بصوت حصه يعرفه وشلون ما يعرف صوت
زوجته اللي ما أهتم فيها وضيع أحلا أيام عمره..
سلطان اللي حاول ينطق ونطق : حصه ؟؟؟؟؟؟؟
حصه اللي ارتاحت لمن عرفها : أيه حصه سلطان يعورك شي تبيني
انادي لك الدكتور ؟؟؟؟؟؟؟؟؟؟؟؟؟؟؟؟
سلطان :عدلي جلستي
راحت حصه للجهاز التحكم بالسرير وعدلته وحطت وسادة ورا ظهره.......
سلطان : حصه ليه ما أشوف ........................؟؟؟؟؟؟؟؟؟؟؟؟؟؟؟
حصه والدموع خلاص خذت مسراها وش تقول له اللحين تقول أنك
أنعميت ولا تقول ولا وش تقول ؟؟؟؟؟؟؟
حصه تمسح عيونها : سلطان حبيبي انت تسمعني ؟؟؟؟؟؟؟؟؟؟
سلطان "أيه أسمعك حصه صدق اللي قالة الدكتور ؟؟؟؟؟؟؟؟؟؟؟؟؟؟
حصه : وش قال لك ؟؟؟؟؟؟؟؟
سلطان وهو مو مصدق : قال أني ما عاد أشوف ولا عاد أمشي ؟؟؟؟؟؟؟؟؟؟؟؟
حصه هزت راسها بالموافقة ثم تذكرت أنه ما يشوفها :سلطان تكفى لا تعور قلبي عليك والكلام اللي قاله الدكتور صحيح بس أنت أقوى من الظروف وووأبيك تقول
لي وشلون صار لك الحادث
خطأك ولا خطأ غيرك .................؟؟؟؟؟؟؟؟؟؟؟
سلطان جلس يتذكر كل شي صار من يوم الجمس الأسود جى وصدمة لحد ما سمع صوت كفرات الجمس تصدر صوت مزعج وأنحاش .................
هو ما قد أذى أحد يخليه يتجرأ ويصدمه وينحاش .........
من اللي حاقد عليه لهدرجة ........................
جلس يتذكر الناس اللي يعرفهم ماكان واحد بينهم شرير
أو حتى حاقد كلهم كبار ومتزوجين وعندهم عيال ورجال اعمال
وناس معروفين محد بيضحي بسمعته عشان حقد .........
وجلست أفكاره تحوس من اللي صدمه بالوحشية وراح ............
حصه تطالع وجهه سلطان وهو يتغير على حسب تفكيرة اللي ما تدري وش يفكر فيه ........................
بعد مدة صحى من أفكاره : حصه انا أعمى صح ؟؟؟؟؟؟؟؟؟؟؟؟؟؟
وش ترد عليه حصه لم أنه اعترف باللي صار له.......
سلطان : رجعيني أبي أرقد
حصه راحت بسرعة وعدلت سلطان وخلته منسدح .........
سلطان كان مفتح عيونه لكن ما يشوف شي ..........
ولم غمض عيونه نزلت دمعة ألم من خدة الأيمن
وحصه لم شافت دمعته انهارت قواها
سلطان يصيح .....
سلطان اللي كان على أسمه سلطان ما عمره لمعت
عيونها بدمعه ولا بضيقة
اللحين يصيح ...............................................
لكن دوام الحال من المحال .............
لكن أبدا ما تحب تهتز شخصيته وتظل مثل ماهي
هي حبت سلطان كما كان .........
ما تحبه يكون مثل هالحال ......
أسرعت في مسح دمعته حتى لا تهزها أكثر لم تشوفها تطيح
على المخدة وتموت............................
سلطان :خليني لحالي........
حصه :سلطان حبيبي في قلبك شي
طلعه لا تكتمه وقولي كيف صار الحادث
عشان نأخذ حقك منه .........
ابتسم سلطان ابتسامه صفرا : مو وقته أطلعي ولا أحد يدخل علي
ما أبي أحد يزورني فهميهم هالكلام أنا نفستي زفت .............
ما أشووف وما أمشي كملت ........
يله أطلعي
حصه حست أن سلطان جد بيمر في حالة نفسيه صعيبه مع الناس
والمجتمع اللي صار منهم لكن من ذو الاحتياجات الخاصة ....
حصه : سلطان أنا أنا ما راح اطلع من الغرفة بأجلس معاك
لحد ما تطلع من المستشفى بالعافية ......
سلطان ضحك بسخرية :وين العافية وانا أعمى ومعاق
حصه :أستغفر ربك هذا قضاء وقدر ,,,,,,
ومسكت يده :قول أمنت بقضاء ربي .....
سلطان سكت وطول في سكوته ما يقدر يعترض على اللي صار له
لو تحسر طول عمره فرد عليها لو أنها مو من قلبه :
أمنت بقضاء ربي ....بس لا تدخلني أحد علي حتى لو كانت أمي
حصه :أن شاء الله مالك إلا اللي تبيه بس أهم شي ما تطردني
سلطان : ما بطردك سكري اللمبه وسكري الباب .....
حصه ابتسمت لأنه متعود لم ينوم يقول كذا بس الوضع اللحين أختلف هو أعمى ما يضره لو كانت اللمبة مولعه
ولا طافيه أو الباب مسكر ولا مفتوح .......
راحت حصه وسكرت اللمبة بناء على رغبة سلطان وطلعت من الغرفة لأنه الباقين أكيد يحترونها .........
مشاري:وش صار ؟
حصه :ما يبي أحد يدخل عليه ......
مشعل : ليه وش قال لك
حصه : تكلم معي .......وما يبي أحد يدخل عنده لأنه نام
ساره :أجل نخليه على راحته .........
مشاري :أرسلو ملف سلطان للمستشفى .؟؟؟؟؟
مشعل :أيه أرسلوه
مشاري :زين الحمد لله
حصه :أبي أكون معه ما راح أتركه لم يطلع .......
مشعل :وين يا حصه بتجلسن معه بيجلس حوالي 3 أسابيع
حصه :مالي شغل بأجلس معه
ساره :خل الحرمة تجلس مع رجلها ما ارى فيها شي
مشاري : بس يا حصه تعب عليك .........
حصه:ماراح أتركه لو أستمر سنين هنا
مشعل : براحتك وعلى فكرة أنا يمكن أسفره للندن يعالج طبيعي
حصه :ومتى؟؟؟؟؟؟
مشعل : بعد ما يكون أستعاد عافيته ويقدر يسافر .....
مشاري :أجل أحجز اللحين وأحجز لي معه..........
ساره : بتروح معه ؟؟؟؟؟؟؟؟؟؟
مشعل :من بيمسك الشغل غيرك اللحين سلطان مو معك وأنا بأطلع من
المستشفى وبأمسك معك أحد أدارة البنوك ...........
الكل أنصدم من قرار مشعل الغير متوقع هو كد سنين عشان يدخل طب
وصار دكتور وله اللحين حول 3 سنوات يشغل في المستشفى من بعد
ما تخرج من الجامعه ............
يحب تخصصه وشلون يتخلى عنه بهالسهولة ....
مشعل يطالع الصدمة في عيونهم :وشفيكم أنتم كذا أنا بأقطع علاقتي بالمستشفيات وراح أشتغل
مع الوالد وماجد لم يرجع بيمسك مكاني وأنا بأرجع للمستشفى
مشاري : يعني بتترك شغلك لحد ما يرجع ماجد تراها سنتين مو هينه
وما ندري يمكن يسحب علينا ويطول ولا يرسب ,,,,
مشعل : والله متى ما رجع رجعت للمستشفى .,...
مشاري : براحتك
ساره وحصه سكتوا ....
مشعل : حصه ما ودك تجيبين أغراض لك ولسلطان عشان ترافقينه في المستشفى
حصه : بتوديني هناك ؟؟؟؟؟؟
مشعل : بأوديك البيت تضفين ملابس للأسابيع وترتبينهم هنا
حصه :ما يقولون لي شي أن رافقت سلطان
مشعل : لا ما يرفضون أبدا موب على كيفهم يله نمشي .......
مشت حصه وهز مشاري راسه عشان ساره تلحقها وتساعدها
ومشت ساره معها ووداهم مشعل البيت عشان ياخذون أغراض سلطان وحصه ويرتبونها هناك .......
حط ساره وحصه عند بيت أهله الرئيسي وراح لبيته وتفاجأ بعدم وجود
صيته وهو محذرها ترجع لكن مافي فايده كل هالوقت طالعه من الساعة 6 ونص
إلا الأن والساعة بتجي 10 وربع ...........
مسك جواله ودق على صيته لقاه مغلق .....
وأنقهر زيادة ووده لو كان يعرف مكان المطعم ليروح ويسحبها
من كشتها قدام صديقتها .........................
وينك يا وعد تفكيني من هالعلة لكن أجلت الملكة عشان خاطر أخوي .........
جلس في الصالة بغيظ ينتظر ساره تدق عليه عشان تقول أنهم خلصو .......
........................................
العنود :يا طلال تكفى تكفى أرجوك ودني المستشفى
والله هالأيام أحس بألالآم مو طبيعيه ...........
طلال : بتروحين روحي بالتكسي أنا ما راح أطلع من البيت
العنود تطالع أخوها اللي من يوم سوا الحادث وعرف أن اللي صدمة كان
أخوها صار ضميره بأنبه كثير وأنه باختصار مجرم..........
وحابس عمره في البيت .................
طلال :خذي تاكسي وروحي ........
العنود : يعني عادي ؟؟؟؟؟؟؟؟
طلال : خلاص روحي عادي ..
العنود : طيب بكرة بتزور راشد في السجن ؟؟؟؟؟؟
طلال بخوف : لا لا ما بطلع من البيت زورية لحالك
العنود تقوم تعبانه من الآلام اللي صايرة تهاجمها من وقت لوقت ....
راحت لغرفتها ولبست عبايتها وطلعت للشارع ووقفت تاكسي وقالت
له يوديها لمستشفى ..............
أول ما وصلت جلست ساعة كاملة تنظر دورها ولم دخلت
وشرحت نوع الألام اللي تحس فيها للدكتورة اللي أحتارت بحالة العنود
الغريبه ...وطلبت تحولها على طبيب مختص بموعد بعد بكرة ..........
يا ترى وش فيك ياالعنود
......................................
ماجد يسكر الاب توب منصدم ......\
ارسلت له ربى سالفة حادث سلطان وكل شي صار .....
ما كان متوقع أن هالشي يصير لسلطان .....
صحيح أنهم ما كانو مع بعض دايم لكن مهما صار هذا أخوه أللي عاش
هو وياها أيام طفولة ............
وشرد بأفكاره إلى بعيد .................................
مواقف مع سلطان ..............
إلا الحادث واللي صار له ........
محمد يدخل البيت وبيده شايل الغدا حطه على طاولة الصالة
وماجد للحين سابح في أفكاره حتى ما طالع محمد .......
محمد /ماجد وشفيك ؟؟؟؟؟؟؟؟
ماجد عقد حواجبه لم تذكر أنه مملك على وحدة ثانية
أكيد راح تطلب الطلاق لم تعرف عن سلطان
وتجرح فؤاده من الصميم ............
وحصه المسكينة وشلون حالها ........
وخواته وأخوانه وش حالهم اللحين مع سلطان .......
أبوه هل متواجد في الرياض ولا مسافر كالعادة .....
هو ما يدري هاللحظة أبوه وين في العالم ......
وهو ما يهمه يسأل أهم شي أن كل أسبوع على حسابه
مبلغ محترم يقدر
يصرفه مثل ما يبي .........
رجعت أفكاره في سلطان يا ترى وش حالة
متقبل وضعه ولا يأس من الحياة ..........
محمد :ممممممممممجووووود .؟؟؟
ماجد :ها
محمد : وشفيك داخل حرب في أفكارك أناديك ولا ترد
ماجد :من متى أنت هنا ؟؟؟؟؟؟؟؟
محمد : من شوي وشفي وجهك منخطف لونه
ماجد قام من مكانه وراح للمراية الكبيرة اللي على الجدار في الصالة
وشاف وجهه فعلا تغير من قرا رسالة ربى \
لهدرجة سلطان يعني له الكثير..............
عورة قلبه مره ثانية وراحت أفكاره لأرض وطنه ......
محمد راح عنه وهو يتحمد الله بدل ملابسه ولم رجع
ما لقى ماجد لأنه راح وسكر الغرفة على نفسه أستغرب
من حالته لكن طنش لان مصيره يعرف راح يجهز الأكل لنفسه
وجلس ياكل وخلى لماجد شوي عشان لا جاع يلقى شي ياكله ما يضطر
أنه يدخل المطبخ ويسوي له شي ............
.................................................. ...........
في أحد غرف مستشفى المملكة .........والساعة 10 ونص
حصه جالسه جمب سرير سلطان اللي تعب من نقلة لمستشفى لأخر
ونام نومة عميقة ما حس أن أهله دخلو عليه وزاروه وطلعو ...............
وكلن راح لأشغاله .....إلا مشعل اللي جالس مع الدكتور يتناقش
على أمر السفر والوقت المناسب لحالة سلطان ...........
حست بأحد يفتح الباب وأنتشر النور في الغرفة المظلمة ......
طالعت حصه الداخل بعيون مغمضة ومفتحة بنفس الوقت
توقعته مشعل اللي دخل لكن الصوت أنثوي: السلام عليكم .....
قامت حصه بسرعة وولعت اللمبات وتفاجأت بالبنت اللي قدامها......
قمر بأرتباك تطالع السرير اللي عليه سلطان وتطالع الحرمة اللي ما تعرفها..
قمر : أنتي مين ؟؟؟؟؟؟؟؟؟؟؟؟؟؟؟؟
حصه : أنتي اللي مين أنتي اللي جايه ؟؟؟؟؟؟؟؟
أنا قمر زوجة سلطان ,,,,,,,,,,,,
كان جوابها مثل الصفعه على وجهها ما كانت تتوقع
انه هي وقمر يجتمعون في مكان واحد ...
وفي وضع مثل هذا......
جلست تطالع قمر وش زود فيها حتى يتزوج علي
صحيح هي أحلا لكن مو جذابه .لكن تذكرت الفرق الشاسع
بين الطبقات الأجتماعيه وكرهت وجود قمر اللي توها تجي
حصه : نعم وش تبين لو أنتي تهتمين كان جيتي من اول يوم
قمر بأسلوب دفاع :أهلي ما سمحو لي إلا اللحين بعدين أنتي
ليش تتكلمين معي كذا من تكونين ؟؟؟؟؟؟؟؟؟
حصه : أنا زوجة سلطان وأم عياله ...............
طالعت قمر بطن حصه اللي منتفخ :طيب يا أم عياله أنا جايه أزور
سلطان ما أزورك أنتي ,,,,,,,
حصه : وهذا سلطان عندك أشبعي منه ولا خلصتي أطلعي ...........
وطلعت حصه من الغرفة عشان تترك قمر تتواجه مع سلطان اللي
أكيد ما راح تعرف تتعامل معاه .......
قمر تقرب لسرير وتطالع شكل سلطان .....
رجله ملفوفه وراسه كذلك وجزء من يده اليمين ملفوفة بشاش
وجهه مليان جروح وحول عيونه هلالات سودا ووجهه تعبان
ولا كأنه سلطان ...........
قمر بصوت هامس ومخنوق وعلى وشك تنزل دموعها : سلطان .....
سلطان ....سلطان أنا قمر .............
حس سلطان بانزعاج في نومته لكن ما قام ........
قمر تعلي صوتها أكثر : سلــطان أنا قمر تسمعني .......
سلطان فتح عيونه لكن ما يشوف ورد بصوت تعبان مع بحة :
حصه خليني انا تعبان ..........
قمر:سلطان أنا قمر تشوفني ؟؟؟؟؟؟؟؟؟؟؟؟؟؟؟؟؟؟؟؟؟؟؟
سلطان يركز على الصوت وعرفة....قمر : وش جابك ؟؟؟؟؟؟؟؟
قمر بعدت عن السرير :جايه أتطمن عليك؟؟؟؟؟؟؟؟؟؟
سلطان : أطلعي برى ما أبيك ............
ما أبيك ..كلمة ألمت قمر بشكل فضيع وش هالصراحة وهالطردة
لكن ردت عليه :وحتى أنا ما أبيك ...............
وطلعت من الغرفة وهي معصبه وودها لو تكسر راس حصه
ركبت مع سواقهم وراحت ..........
حصه دخلت الغرفة من بعد قمر وراحت لسلطان
حصه : حبيبي تبي شي ............
سلطان ما رد لأنه رجع ينام
راحت حصه وطفت اللمبات وطلعت وشافت مشعل طالع من غرفة
خمنت أنها غرفة الدكتور المشرف على حالة سلطان ....
أقترب مشعل من حصه :
حصه : قمر جت
مشعل تفاجأ :وش جابها مو هم يبون الطلاق
حصه اللي كتمت فرحتها : ما أدري جت تبي تشوفه وطلعت
مشعل :ما قالت لك شي
حصه :ما قالت أنا خليتها في الغرفة وطلعت وهي طلعت بعد دقايق ......
مشعل :أها
حصه : وش قالك الدكتور عن سلطان
مشعل : خلاص حدد السفر مع سلطان بعد شهر بالضبط من اليوم
وجهزي نفسك يمكن نطول هناك
حصه : يعني كم بنقعد
مشعل :أحتمال 6 شهور وخذي أحتياطك راح تولدين هناك .......
حصه :وأنت راح تروح معي ؟؟؟؟؟؟؟
مشعل :أكيد
حصه :وبتاخذ العيال معك ؟؟؟؟؟؟؟
مشعل : لا العيال بأخليهم عند مشاري
حصه : وصيته
مشعل : لا هذي حالة ثانية المهم لا تشيلين هم......
وحاولي ترتبين أغراضك وتشترين أغراض لطفلك
حصه :بس ما أقدر اخلي سلطان لحالة هنا
مشعل : ساره بتساعدك وحنا بنتناوب على سلطان لم تخلصين أشغالك
حصه : بس أبي أرافقة بالليل
مشعل : ما أختلفنا روحي الصباح السوق ولا العصر وخلصي أغراضك
وو......سكتت ..........خطر على باله يقول لحصه
هي زوجة عاقلة ومتفهمه .....
حصه جالسه تنتظر مشعل يقول شي لكن سكتت...
مشعل :يا أم سعود بخاطري شي ودي
أقوله مدري بتحفظينه ولا لا ؟؟؟؟؟؟
حصه : قول وش عندك
مشعل : أنا ما أبي أسافر لحالي
حصه : طيب خذ صيته والعيال معك
مشعل : صعبه أخذ العيال ....أنا خاطب وحدة وناوي أتزوجها
ومدري متى الوقت المناسب ...........
حصه انصدمت وتراجعت كم خطوة لورا ..........
مشعل يتزوج على صيته أم لسان
اللي ما تسكت وومشيه مشعل
مثل الخاتم في الأصبع .................
مشعل : أدري أنك منصدمة لكن وش أسوي سنة الحياة وأنا ضاقت بي الدنيا
وخطبت وحدة وكنا مخططين الملكة تكون بعد أسبوعين لكن طيحة سلطان
خلتنا نأجلها إلا وقت لاحق وما ودي أسافر بدونها.........
حصه جلست على الكرسي تترجم وش قال مشعل
وبعد عشر دقايق دام من السكوت
حصه بصوت واطي:طيب صيته تدري
مشعل : لا ما تدري وبأقول لها قبل ما أسافر
حصه :ومحد يدري غيري ؟؟؟؟؟؟؟؟
مشعل :كل أخواني عارفين
حصه :وأمك
مشعل : بعدين بأقول لها.......
حصه :وخطيبتك عارفة عنك كل شي وعن وضعك الحالي
مشعل :أيه عارفه كل شي بس أبي أحد يساعدني في هالموضوع
وما أظن في أحسن منك أشاورها فيه
حصه سكتت ............
ثم ردت :يعني بتملك عليها وتاخذها معنا
مشعل : هذا اللي في بالي وأبيك أنتي تروحين لخطبيتي وتفهمينها كل
شي وأن مو لازم نحط زواج بسبب ظروفنا ...........
ملكة وخلاص أخذها ونسافر ومو زينه أنا وأنتي نجلس مع بعض لحالنا ..
حصه حست أن كلام مشعل خطر جدا وهو مو محرم لها..............
وردت على مشعل المنتظر : خلاص بكرة نتفاهم على الموضوع
ولازم أحد يروح معي
مشعل :مثل مين .......؟؟؟؟؟؟
حصه : بأقول لساره
ساره راح تساعدنا كثير وأخبر مني بهالسوالف
مشعل : ساره!
ساره خلاص قولي لها بس حرصي عليها محد يعرف
لأن لو عرف أحد راحت تصير مشاكل .......
حصه : خلاص ولا يهمك راح أقول لها بكرة هي أكيد راح تجي ........
مشعل : أجل أنا رايح البيت بأرتاح وبأجي بكرة الصبح طيب ؟؟؟؟؟؟؟
حصه :خذ راحتك .......
مشعل: انتبهي على سلطان وعلى نفسك ......
حصه :أن شاء الله
مشعل : فمان الله
حصه : مع السلامه
راح مشعل وأختفى من أنظار حصه اللي دخلت الغرفة وراحت للسرير
الطبي اللي قريب من سلطان ......
تبي تنام لأن بكرة عندها أشغال كثيرة ............
لكن جلست تفكر بحل لحالتهم اللي أنقلبت رأسا على عقب ......
.........................................
طلع مشعل من بيته ماشي لبيت مشاري القريب لمه وما تفصل بينهم إلا
مسافة وهالمسافة كانو بيحطون فيها نخل بس تأخرو بسبب طيحة سلطان .....
دخل بيت مشاري وتنحنح لكن رد مشاري اللي جاي مع مرته وعياله قبال التلفزيون ..................................
مشاري :أدخل مشعل مافي أحد
دخل مشعل : السلام عليكم
الكل :وعليكم السلام
مشعل : وشلونك ساره عساك بخير
ساره : بخير الله يسلمك
مشعل / مشاري أبيك
قام مشاري وراح مع أخوه لمجلس الرجال ....
مشاري جلس وجمبه أخوه
مشاري : وش عندك ؟؟؟؟؟؟؟؟
مشعل بكل برود : طقيت صيته ...................
مشاري انصدم :ها
مشعل:وشفيك ما تسمع طقيتها
مشاري :وليش تطقها ما تعرف تمسك نفسك
مشعل : كلها كم كف عشان تتأدب
مشاري :وليش تسوي كذا ما خبرتك لهدرجة
مشعل :أقولك السالفة اليوم طال عمرها طالعه تفطر مع صديقتها
من دون أستاذان وقلت لها ترجع وعيت وكسرت كلمتي
وما تدري أن حالتنا ما تسمح تطلع وتتمشى
وأمي معصبة عليها ولأن صديقتها بنت .((.....جيرانهم قبال قصرهم ))
وأكيد راح يعرفون عن سلطان وبينقدون علينا
مشاري : بس ما توصل درجة الطق ..............
مشعل :عاد وصلت وش أسوي لها
هز مشاري راسها :تهقا تعلم أهلها
مشعل : مدري بس صيته ما تسكت
مشاري : الله يهديك
مشعل :وموضوع ثاني بشأن السفر خلاص أنا بكرة
بأحجز لي ولسلطان وحصه ووعد
مشاري تفاجأ :بتأخذها معك ؟؟؟؟؟؟؟؟؟؟؟؟؟؟؟؟؟؟؟؟
جلس مشعل يقول له وش يسوي وكانت قراراته سريعة جدا ............
من بعد ما قال مشعل اللي في خاطرة طلع من البيت وشاف سيارة السواق تطلع من البيت ومحملة بصيته المقهورة .......................
دخل مشعل ولقى ولده في وجهه :
سلمان :بابا ماما راحت
مشعل حط يده على راس ولده : ما عليش بترجع أن شاء الله .........
ونزل لمستواه وطرت فكرة على باله .............
سلمان :بابا أنا عمري 5 سنوات صح ؟؟؟؟؟؟؟؟؟؟؟؟
مشعل يحبه على خده :أيه بابا عمرك خمس سنوات
وعندي لك مفاجأة حلوة بكرة بس أول شي تروح تنام
عشان بكرة وراك مدرسة
سلمان :وش المفاجأة ؟؟؟؟؟؟؟؟؟؟؟؟
مشعل : بكرة حبيبي بكرة يله نام أنت
مشى سلمان الصغير ورقى الدرج ومشعل يطالعه وهو مبتسم
بكرة بياخذه معاه لبيت وعد ..........
دخل غرفته وفتش في الدواليب وضحك لأن صيته
شايله عدد كبير من الملابس .............
راح وبدل ملابسه ببجامه مريحة ونام .........
..................................................
في صباح اليوم التالي ...........
قامت حصه من النوم على صوت سلطان اللي ينادي أحد
ما تدري وش أسمه راحت للمفتاح اللمبه وولعتها وأتجهت لسرير
سلطان شافت العرق ينزل من جبينه ووجهه معفوس وحواجبه معقودة
بسرعه لبست عبايتها وطلعت تنادي أحد يشوف سلطان وش فيه ......
لقت ممرضة وقالت لها وجت على طول تشوف وش فيه سلطان ثم راحت تنادي الدكتور اللي دخل وخلى حصه برى
حتى يكشف عليه براحته .................
حصه جلست تنتظر وكلها خوف أن يكون صابه شي ..........
طلع الدكتور : تطمني أختي ما فيه شي بس ألالام بسيطة
بسبب الجروح واللحين الممرضة تحط له مرهم بيهدية أن شاء الله .....
راح الدكتور وما أتنظر حصه أن كانت تبي تسأله شي .....
دخلت الغرفة ووقفت بعيد تطالع الممرضة وش تسوي في سلطان ...
ولم خلصت ابتسمت الممرضة وطلعت من الغرفة وهي قربت لسلطان .......
حصه :سلطان تبي أعدل لك السرير
سلطان ولسه يحس بالألام : أبي حمام .........
حصه تورطت وشلون راح تنزله من السرير وتوديه الحمام ..............
لكن شافت كرسي المتحرك حق ذوي الاحتياجات الخاصة .......
وراحت وقربته من السرير ......
وجلست تحاول تعدل سلطان لم جلس ثم وقفته وهي ماسكته بأقوى ما عندها
وجلسته على الكرسي وتنهدت للأنجاز اللي سوته ...........
سلطان : أنا أنا جوعان .............
حصه طالعت عيون سلطان اللي
تروح يمين ويسار وفوق بس ما يشوف فيهم
وكأنه طفل ضايع .........
حصه : حبيبي أول بأوديك الحمام ثم بأجيب لك شي تأكله
ودفت الكرسي بصعوبه بسبب ثقل سلطان وأنها برضو حامل ...........
.............بعد ما خلص سلطان من الحمام طبعا بمساعدة حصه
لأنه ما يقدر يتصرف لحاله وحست
انها تعامل طفل صغير مو رجال بيصك الـ28
لم جابت النيرس الفطور وحطته على الطاولة المخصوصة للاكل ...
خذت حصه العصير وقربته لفم سلطان
حصه : سم وأشرب
شرب سلطان شوي
وجلست حصه تأكله وهو مستجيب لها .......
لم خلص .........
سلطان والألم يعصر قلبه:حصه تكفين لا تخليني .............................
حصه فتحت فمها من الصدمه ................
ينتخها كلمة قوية ...........
ألمت قلبها بشكل غير طبيعي لكن حط يدها على راسه : ما بخليك
لا تخاف أنا معاك ......
ابتسم سلطان وهم على قلبه أنزاح لأن حصه ما راح تخليه ........
خصوصا وظروفه كذا ...........
سلطان سكتت شوي ثم قال :حصه أنتي وش لابسه ؟؟؟؟؟؟؟؟؟؟؟؟؟؟؟
حصه أستغربت من السؤال : لابسه بنطلون أسود وتشيرت أخضر
سلطان يركز أكثر :أنا أشوف شي أخضر .......
حصه استغربت أكثر : سلطان أنت تشوف شي
سلطان : أشوف شي أخضر بس ما أدري وشو .....
حصه فرحت وبأمل :جد تشوف سلطان شي أخضر
سلطان : أيه أشوف شي اخضر
حصه تركته وراحت تلبس عبايتها وطلعت من الغرفة بسرعه وصدمت بمشاري
لكن تركته وراحت لغرفة الدكتور تقول لها وش قال سلطان .....
مشاري أستغرب وش فيها مسرعه دخل بسرعة غرفة سلطان لقاه
يبتسم ويتلفت وينادي على :حصه ,,,,,,,,,
مشاري أبتسم لم شاف ابتسامة أخوه ..........
سلطان :حصه أنتي هنا ؟؟؟؟؟؟
قرب مشاري ومسك يد أخوه : أنا مشاري
سلطان أختفت ابتسامته : مشاري ..........وش جابك ؟؟؟؟؟
مشاري : جاي أتطمن عليك أشوفك مبتسم وش عندك .......
سلطان طنش سؤاله : شوف حصه وين راحت
مشاري يشد على يد أخوه :أن شاء الله
ترك يده واتجه للباب لكن ما أسرع إلا أنفتح وطلع الدكتور في وجهه
وحصه وراه ............
حصه بتشقق من الوناسه :مشاري سلطان يشوف شوي........
مشاري :معقووووولة ؟؟؟؟؟؟؟؟؟؟؟؟؟؟؟؟
حصه :تعال وتأكد بنفسك
الدكتور توجه لسلطان : سلطان أنا الدكتور خالد قلي أنت تشوف شي
سلطان يحاول يركز : أيه شي أبيض
وفعلا يقصد البالطو الأبيض حق الدكتور
الدكتور خالد :طيب وش تشوف غيره
سلطان يركز بكل قوته : بس أبيض
ابتعد الدكتور خالد عنه ولف على الأثنين اللي يتنظرونه بلهفه
الدكتور خالد :ما أقدر أقرر أللحين وش فيه سلطان لكن بأعيد الفحص
كله شكل هناك أخطاء من المستشفى السابق .......
مشاري اللي بلع ريقة :الله يستر
الدكتور خالد : لا تخاف وأدعو أن يكون تشخيص النظر خاطئ
حصه : بس هو يشوف شوي
الدكتور خالد :أذا كان كذا بالامكان يسوي له عملية وأن شاء الله يرجع بصرة
لكن كل شي بيتحدد بعد الفحص .......
لف على الممرضة وكلمها بـe أنها تنقل سلطان لغرفة الأشعه ..
وطلع الدكتور خالد يتفاهم مع الأطباء في الأقسام الثانية عشان حالة
سلطان والكل صار يدخل ويطلع من غرفة الأشعه اللي نقلو لها سلطان ....
وحصه ومشاري جالسين في الأنتظار
ويدعون أن سلطان يرجع له بصرة ............
كملت ساعتين ومحد طلع يقول لهم وش أكتشفو ........
مشعل وصل ودخل غرفة أخوه مالقى أحد مشى بيدور أحد
يسأله وين ودو اخو إلا يشوف مشاري وبعد كم كرسي حصه ...
راح لهم ....
مشعل : السلام عليكم
حصه ومشاري :وعليكم السلام
مشعل :وين سلطان
مشاري : أقعد أقولك وش السالفة
وجلس يقول لأخوه وش صار
مشعل بفرحة :أحتمال يرجع بصرة
مشاري :أيه
مشعل : أن شاء الله أن عينه تصلح للعملية تصحيح النظر
وما راح نسويها هنا بنسويها في ألمانيا ......
مشاري :والله أنت دكتور وابخص بالأمور ......
المهم اترك عنك هالحكي .....!!
حجزت تذاكر للسفرة ؟؟؟؟؟؟؟؟
مشعل :ايه حجزت لي ولسلطان وحصه أما وعد ما بعد
تأكدت بروح لهم اليوم ...وبالمناسبه بأخذ سلمان معي
مشاري :أنت صاحي تبي يفضحك هالولد ؟؟؟؟؟؟؟؟؟
مشعل : ما راح يقول شي بعدين من باقي ما عرف أهم شي أنتو
مشاري :أنا وسلطان وماجد وحصه باقي أمي وأبوي هم الأساس
متى بتقول لهم ؟؟؟؟؟؟؟؟؟؟؟
مشعل :ساره حصه بتتولى تقول لها وأنا لم أروح اليوم وأحدد
موعد الملكة معهم وأسلم المهر بأبلغ جواهر وربى اللي أكيد بتقول
لشوق ومن بعدها بأقول لأمي عشان ما تنصدم ..........
مشاري :وصيته ما دقت عليك ؟؟
مشعل : ما دقت ولا أحد من أهلها دق ......
مشاري : ما كنهم طولوا
مشعل : أقوم أشوف
وتوه بيقوم إلا كم دكتور طالعين من غرفة الأشعه
قامت حصه اللي كانت في عالم ثاني من الدعاء وما سمعت
ولا كلمة من نقاش مشاري ومشعل .....
قامو كلهم وتوجهوا لهم .....
الدكتور خالد : معليش يا شباب التحاليل راح تبين العصر أن شاء الله
تطمنو ما في إلا الخير..........
وانتفح الباب اللي وراه وكانو ممرضتين يدفون سرير فيه سلطان ....
ووخر الدكتور خالد وراحو بسلطان لغرفته الرئسيه
مشعل: طيب وش صار على بصرة ؟؟؟؟؟؟؟؟
الدكتور خالد :كل شي بيطلع العصر اللحين خلو سلطان يستريح لأنه
تعب من الأشعة وكثرة الحركة .......
أتمنى لكم العافية يله مع السلامة
و تركهم لأنه وراه مرضى ثانين .......
مشعل يطالع مشاري وحصه .,,,,,,,
مشعل :متى يجي العصر أقول لكم أنا بأطلع اللحين
عندي كم شغلة ضرورية وأنت يا مشاري رح للشغلك ترى متعطل هاليومين
ولا تعتمد على الموظفين وحصه روحي لسلطان يمكن يحتاج شي .....
راحت حصه تنفذ أوامر مشعل ومشاري اللي كان يفكر بتفكير مشعل لكن
سبقة وقال هالكلام وتحرك هو وأخوه طالعين خارج المستشفى .......
مشاري راح لشغله ومشعل راح يشيك على شقته يبيها تخلص قبل ما يسافر
عشان لم يرجع يكون كل شي مرتب .......
وتكون جاهزة للسكن ......
بعد ما شاف الشقة طلع وراح للبيت بيريح جسمه للظهر عشان يقوم
ويصلي ويجيب العيال من المدارس ويوديهم لجواهر وبيقول لها عن موضوع
وعد ويفتك ............
..................................................
الساعة 1 الظهر ...........
دخلت منيرة مفتاح البيت وفتحته ودخلت هي ولطيفة
توهم راجعين من المدرسة ...........
ودخلو البيت لقو كل شي محيوس ..........
الكراسي مقلبة والأغراض منثورة وبعض من الأثاث
مكسر .........................
منيرة وهي فاتحة فمها :وش هذا ؟؟؟؟؟؟؟؟؟؟؟؟؟؟؟؟؟؟؟
لطيفة ظلت ساكته
خايفة
مرعوبة
مفجوعه ..............
منيرة تمشي بين الأغراض المنثورة : يالله من سوا كل هذا
ولفت على مكان التلفزيون :وين التلفزووووووووووون
مشت ركض لغرفتها لقتها محيوسة أكثر
كل شي في الدولاب مطلع ومنثور .....
حتى السليب هاي في الأرض ...................
حاولت تستوعب من سوا في بيتهم كذا
كأنها حرب
قامت
و
قعدت ......
راحت منيرة للصالة وشافت لطيفة واقفة .........
منيرة : لطوف وش هذا وش صاير؟؟؟؟؟؟؟؟؟؟؟؟؟؟؟؟؟؟؟
ما كانت تدري أن لطيفة فهمت الموضوع ومن الخوف بللت نفسها .......
وردت على منيرة بفك يرجف :حرامية ................
منيرة :حرررررررررامية ؟؟؟؟؟؟؟؟؟؟؟؟؟؟
حرامية ؟؟؟؟؟؟؟ حرامية
دخلو بيتنااااااااااااااااا مع وين كل شي كان مقفل ......
لطيفة :ما أدري ما أدري
منيرة والخوف يسري مسرى الدم لكن تبين أنها مو خايفة :
لا يكون من شباك
شباك المجلس ................؟؟؟؟؟؟؟؟؟؟؟؟
وراحت وتركت لطيفة ......
وصلت للمجلس ولقت فعلا الشباك الكبير اللي كان من النوع
اللي برا يشوفون وش جوا والداخل لا....((عكس الناس))
وشباك كبير وبدون أي سياج حامي .............
كان كله مكسر والقزاز متناثر على الأرض من كل صوب
تركت المجلس وراحت لأختها وما لقتها في الصالة وراحت لغرفتها لقتها واقفة وتطالع أغراضها المتناثر وما تقل حالتها عن غرفة منيرة ...........
لطيفة :دقي على أم أحمد خلينا نروح لهم
والله ما أنوم هنا .............
منيرة تذكرت :جوالي جوالي
وراحت ركض لغرفتها
وجلس تحوس تدور على جوالها والحمد لله كان موجود
فتحته ودقت على بيت أم أحمد .........................
أحمد : الـــو
منيرة :أحمد .......أنا منيرة
أحمد :هلا منيرة وش اخبارك؟؟؟؟؟؟؟؟؟؟؟
منيرة :مو بخير وناد خالتي بسرعه أرجوووووووووووووك
أحمد :أمي طالعه تبين شي ؟؟؟؟؟؟؟؟؟؟
منيرة بأرتباك .:حنا ..تونا وصلين البيت من المدرسة
ولقينا كل شي مكسر شكل حرامية دخلو البيت لأن شباك المجلس مـــــــــــــــــكسر .......
وخايفـــــــين أنا خايفة ولطيفة خايفـــة ما نعرف نتصررررررررف.......
أحمد يحاول يفهم من صوت منيرة اللي يعلى ويقصر من الخوف
أحمد : خلاص انا وأخوي جايين لكم اللحين أنتم بس سكرو عليكم أحد الغرف
منيرة : شكرا لا تتأخر
أحمد : العفو ............
سكرت منيرة وراحت لغرفة أختها لطيفة لقت أنها مسكرة على نفسها الباب
منيرة وهي تطق باب الغرفة :لطوووووف أفتحي أحمد بيجي
اللحين تعالي غرفتي ......................
لكن محد رد وخافت منيرة يكون صابها شي وضربت بقوة على الباب :
لطووووف أفتحي مو وقت تسكرين ..........
لطيفة فتحت الباب بعد ما غيرت ملابسها اللي تبللت ......
لطيفة ولون وجها مخطوف :لقوهم ؟؟؟؟؟؟
منيرة :أقول جيبي عبايتك وتعالي غرفتي بنسكر علينا
أخاف حرامي منا ولا منا متوزي .....................
لطيفة خافت أكثر ووقفت ما قدرت تتتحرك :يمــــــــه
يـــمه لا تروعيني خلقة مرتاعه .......................
منيرة تدخل الغرفة وتدور على عباية لطيفة وتاخذها وتسحب أختها وتوديها غرفتها ويسكرون على نفسهم الباب .......
...............................................
وأستمر في الرن لحد ما شوق حست وقامت ترد :الو
ماجد : هلا شوق أنا ماجد
شوق :ماااااااااااااااااجد وينك ما دقيت وش أخبارك والله
وحشتني موووت
ماجد ابتسم رغم حزنه :وأنا أكثر وش أخباركم وش أخبار سلطان ؟؟؟
شوق أنقلبت للجدية : حنا بخير وسلطان قام وصار يحس فينا
ماجد : وش حالته اللحين ؟؟؟؟؟؟
شوق :بنروح له العصر أن شاء الله
ماجد : أنتم عندك اللحين الساعة كم
شوق : الساعة 3 ليش ؟؟؟
ماجد :تغديتو .؟؟؟؟؟؟؟
شوق : لا من صار الحادث لسلطان ما تغدينا كلن في حالة وأبوي ما صرنا نشوفه
في البيت ولا راح لسلطان إلا مرة
ماجد : يعني مو مسافر؟؟؟؟؟؟؟
شوق : لا ما ظنتي
ماجد : عندك ربى أمي رتاج أي أحد
شوق : ليه مليت مني ؟؟؟؟؟؟؟؟
ماجد : أبي أكلمهم حرام ؟؟؟؟
شوق :اوكي بأحولك على غرفة أمي ............وبسرعة حولته إلا غرفة أمها
أم مشاري :الوو
ماجد : هلا يمه أنا ماجد
أم مشاري : هلا ماجد وش أخبارك ؟؟؟؟؟؟؟؟؟؟
ماجد : بخير أنتي وشلونك وشلون أبوي كلكم بخير
أم مشاري : الحمد لله كلنا بخير وش أخبار أمريكا معك
ماجد :من سمعت بخبر سلطان وهي شانت بعيني
أم مشاري : انتبه لدراستك عشان لا رجعت تمسك شغل سلطان
ماجد : أن شاء الله طيب يمه وش قالو الدكاترة في أمل يمشي مرة ثانية ؟؟؟
أم مشاري : والله مدري عن شي ؟؟؟العصر بنروح له
ماجد هز راسه أمه وما عرفت أجل مين بيعرف ؟؟؟
:طيب يمه أنا بأحاول أدق بكرة سلمي على الأهل..........
أم مشاري :يوصل يله مع السلامة وسكرت في وجه ولدها !
وراحت تلبس لأن ما بقى شي على العصر .......
...........................................
دخل أحمد البيت وراه عبدالملك أخوه في المتوسط .............
عبد الملك يطالع البيت الحلو :الللللللللله هذا بيتهم ؟؟؟؟؟؟؟
أحمد :والله أنك فاضي ........لطــــــــــــيفة
منيـــــــــــــــــــــــــــــــــرة ......................
سمعو فتحة باب وطلعو بنتين لابسين عباياتهم
منيرة :هلا أحمد شفت وش صاير؟؟؟؟؟؟؟؟؟؟؟
أحمد يطالع المكان : لازم نبلغ الشرطة هذي ثاني مرة ينسرق بيتكم
لطيفة : خذونا معكم والله ما أنوم اليوم هنا
أحمد : ما راح تنومون هنا أنا بأوديكم لبيتنا وأنا بأبلغ
الشرطة وأن شاء الله يعطوني وجه ................
منيرة : طيب بنروح ناخذ أغراضنا المهمه ونجيكم
مشت منيرة وسحبت لطيفة معها ودخلو غرفتها :
لطيفة :باروح غرفتي بأرتب أغراضي
منيرة : يله بسرعه لا نتأخر عليهم .............
.........................................
في غرفة سلطان :
سلطان نايم وحصه جالسة بعبايتها على سريرها
ومشعل ومشاري جالسين على الكنب .........
مشاري :زين ما كفختك .؟؟؟؟؟؟؟؟؟؟؟؟؟
مشعل :والله بغت تشوتني لكن في الأخير أقنعتها باللي بأسوية
مشاري :أجل دامها أقتنعت ((يقصدون جواهر لم راح لها مشعل بعد صلاة الظهر لبيتها وقال لها انه ناوي على الثانية .............)) خذها مع ساره وحصه
مشعل يلف على حصه السرحانه في وجه سلطان النايم :حصه
حصه :ها
مشعل :متى بتقولين لسارة؟؟؟؟؟؟؟؟؟؟
حصه : لا جت اليوم .....
مشاري : لا اليوم ما ظنتي تجي صقر
مرتفعه حرارته شوي وكل شوي يصيح ,,
حصه :خلاص نأجله ..........وبملل :متى توصل التحالــ
وما كلمت جملتها إلا طق على الباب ........
حصه تغطت ......ودخل الدكتور خالد : السلام عليكم
الكل ما عدا سلطان : وعليكم السلام ......
مشاري :ها بشر ...............
الدكتور خالد وبيده أوراق كثيرة :أنا ما أحب أخبي أي شي عن أهل المريض لأنهم أكثر ناس يهمهم صحة ولدهم فأسمعو .........
مشعل مركز معه وحصه فيها أمل ومشاري صارم وينتظر ........
الدكتور خالد : الحمد لله في نتائج حلوة وفي نتائج مو زينة
أختلطت البسمة مع الدمعه في وجهه حصه منتظرة القادم ........
الدكتور خالد :أكتشفنا أخطاء في ملف سلطان من
المستشفى السابق .......أول شي أنه مو أعمى لكن
الضربة اللي على راسة خلته يضعف بصرة بشكل مهول عن السابق
ولكن في أمل بنسبة رجوع بصرة مثل قبل لكن هالعملية تسونها برى
بما أنكم راح تسفرونه........
وبتحليل الدم لقينا أنه مصاب بمرض السكر من فترة تقريبا شهرين.
وهذا شي لازم تحرصون عليه بشكل كبيرة جدا لأنه وراثة من أحد
ولازم تكشفون اللي حولكم عشان تتأكدون........
أما بالنسبة لسؤالك السابق يا دكتور مشعل عن قدرته على المشي
فأنا أقولك بصراحة النسبة ضعيفة جدا لكن هناك أمل أنه أذا أستمر بالعلاج الطبيعي راح يقدر يمشي بعكازات .....بس هذا الأمل يمكن يستمر لعدة سنوات .....................وبس هذا الجديد في حالة سلطان أتمنى له الشفا وأنتو أدعو له عاد أسمحوا لي أنا مشغول
وراح وتركهم يطالعون بعض بصدمة ......
........ويستوعبون اللي صاير في
المسكين .......
..............................
في بيت أم أحمد ............
منيرة ولطيفة جالسين في غرفة بنت أم أحمد اسمها نجلا
عمرها 22 سنة ..............................
دخلت عليهم أم أحمد :هالخايسين ما رضو يجون للبيت
بس كتبو سرقة في بيت فلان في حي الفلاني اففففف
نجلاء : يعني ما جو يشوفون البيت
منيرة :هذي ثاني مرة .........
أم أحمد : والله محد عطا وجه لأحمد أنتم أجلسو هنا
يومين ولا ثلاثة لم ترد عليكم أختكم وتتصرفون ...........
لطيفة : مدري وش فيها حصه ندق عليها ماترد ........
نجلاء : يمكن صاير لها شي مصيرها بترد
.........................................
ماجد : محمد أنا أنا ودي أرجع الديرة .......
محمد يطنشه ويكمل متابعته للفلم ......
ماجد تنرفز :على ما أظن أحاكيك
محمد يطفي التلفزيون ويلف عليه: تستهبل ؟؟؟؟؟؟؟
ماجد : لا ما أستهبل ,,,,
محمد : You are a stupid man
ماجد : أنا جاد
محمد :لا مو جاد وش السبب اللي يخليك ترجع
ماجد اللي ما قاله وش صاير لاهله : أسباب ..ظروف
محمد يعيد كلامه بطريقة سخرية :أسباب ..ظروف ........
وبجدية :ترى الدراسة مو لعبة يا تكون جاد وتلتزم ولا ترجع من حيث ما أتيت .........
ماجد :يا أخي افهمني أنا قلقان على أهلي ومحد .......أقولك أسمع السالفة من أولها ........
وجلس يقوله سالفة سلطان وإلا ما كلم أهله اللي ما يدرون وش تطورات
حالته وربى الحمارة ما صارت تدخل المسن وتكلمه .........
محمد اللي ما تأثر :طيب عادي وين المشكلة
ماجد لف يدور شي كذا قوي عشان يذبح محمد ويتخلص منها
في أقرب زباله :أنــــــــــــــت صاحي؟؟؟؟؟؟؟؟؟؟؟؟؟؟؟؟؟؟؟
أقولك عن حالتي وتقول هالكلام صدق أنك ما تستحي على وجهك
محمد يأشر على خده : كف كف أحسن عشان تبرد قلبك بعدين أنا كنت مثلك وعندي أخ مثل حالة أخوك وأزيدك جلس في غيبوبة لمدة
سنتين ويوم قام صار مشلول بس الحمد لله حالته اللحين من أحسن ما يكون وكل هذا صاير وأنا هنا في الغربة ..............
ماجد :أستغفر الله وش هالحالة حتى أخوك ............
محمد :أيه أخوي ولعلمك عنده خمس عيال 3 أولاد وبنتين وعايش حياته
ولا قلت بأترك دراستي وأرجع
ماجد :بس ما أدري ودي أرجع
محمد : ما راح ترجع إلا بعد 6 شهور أصبر يا أخي
وأنت كلمهم كل يوم وتطمن وش بتزيد لا صرت عندهم هناك
سكتت ماجد يفكر ورجع محمد يفتح التلفزيون ويتابع الفلم
مرة ثانية
.......................
وصلو البنات مع أمهم المستشفى .......
جواهر وربى وشوق ......أما رتاج تخاف تشوف سلطان .......
دخلو غرفة سلطان وكان موجود فيها مشاري ومشعل وحصه .......
سلمو وجلسو على الكنبات ........
أم مشاري :مشعل أبيك
قام مشعل وقامت أم مشاري اللي مسكت يده وطلعو من الغرفة .......
مشعل : أمري يمه
أم مشاري بصوت وحدة معصبة لكن ماسكة نفسها :من جدك ضربتها؟؟؟؟؟؟؟؟
مشعل :مين ؟؟؟؟؟؟؟؟
أم مشاري : تسوي نفسك ما تدري
مشعل : يمه واللي سوته شوي أصلا طاقة كبدي منها
أم مشاري : تدري أنها بنت ناس راقية وما راح يسكتون عن
حق بنتهم ترضى أنت رائد يطق جواهر ........
مشعل بكل برود :أذا كان الخطأ منها مافي أي
مشكلها يطقها لين تعض الأرض ....................
أم مشاري : شكلك أستخفيت اسمع تروح
اليوم وتراضيها محنا ناقصين مشاكل مع أبوك ,,,,,,,,,,
مشعل : ماني مراضي أحد وخلها عند أهلها أحسن لها..........
ام مشاري :وش أحسن لها وش هالخرابيط تروح
وتراضيها وان رضت جبها معك
وأن ما رضت خلها لا تذل نفسك
مشعل :توك تقولين رح راضها والحين لا تذل نفسك .......
أم مشاري :أنت ما تفهم بالحريم ولا وش سالفتك
راضها بشكل معقول لأنها هي الغلطانه تعصي كلامك
أن رضت يا هلا فيها وأن ما رضت تطق راسها في أقرب جدار عندها !
مشعل :وشفيك أنقلبتي عليها مرة وحدة مو هي كانت حبيبتك؟؟؟؟؟؟
أم مشاري : لها فترة شايفة نفسها وما صارت تزورني ولا تدق
وحركتها أمس قهرتني لأن أم صديقتها دقت تسأل عن أحوال سلطان وكنا تنغزني بالكلام ........فهمت وش قلت ؟؟؟؟؟؟؟؟
مشعل هز راسه : فهمت بس أنتي طولي بالك
ولا تشغلين نفسك بهالأمور أنا بأحلها بنفسي
وأنتهى حوارهم القصير ودخلو الغرفة .............
سلطان المنسدح على حالته
نادى على حصه :حصه
قربت له حصه :أمرني
سلطان:أسمع حس من هنا؟؟؟؟؟؟؟؟؟؟؟؟؟؟
حصه عطفت مع سلطان اللي توه قايم من النوم وما حس بدخلتهم عليه..
حصه :هنا خالتي وجواهر وربى وشوق ومشعل ومشاري ووأنا وأنت
سلطان بصوت هامس :طلعيهم ما أبي أحد يشفق علي ؟؟؟؟؟؟؟؟؟
حصه :جايين يزورونك
سلطان : محد قال الحمد لله على السلامة جايين يضيعون وقتهم
بالسوالف هنا ؟؟؟؟؟؟؟؟؟؟
حصه : كنت نايم لم دخلو
سلطان بأصرار وصوت واطي: طلعيهم ما أبيهم
حصه انحرجت من طلب سلطان ورفعت راسها وطالعت أهله
اللي جالسين ويتناقشون عن حالة سلطان ..........
قربت لسلطان : سلطان أصبر كلها ساعة ويطلعون
سلطان :طيب نادي الدكتور أبيه
حصه :أن شاء الله ..............
ولفت على مشعل الأقرب لها :مشعل
مشعل يقطع كلامه ويلف عليها :نعم
حصه : سلطان يبي الدكتور
مشعل يقوم ويقرب لسلطان :تحس بوجع شي يعورك ..........
وتجمعو كلهم حول سرير سلطان ....................
سلطان وهي يشوف بشكل ضعيف أشياء كثيرة لون أسود
ولون أبيض ..........وكانت ثياب الرجال وعبايات الحريم ......
سلطان تضايق : رح ناده بسرررعه
طلع مشعل من الغرفة ونادى على الدكتور وما كان
موجود خالد لكن واحد ثاني بداله أسمه ناصر .......
جى لسلطان وقرب لمه والباقي أبتعدو وجلسو أماكنهم .....
سلطان : دكتور؟؟؟؟؟؟؟؟
دكتور ناصر يقرب :هلا سلطان تشتكي من شي
سلطان بصوت هامس :طلعهم برى ما أبي أحد يدخل عندي إلا حرمتي
دكتور ناصر ابتسم له لأنه أول مرة أحد يطلب منه هالطلب ..
في أحد ما يبي أهله .........لكن لراحة المرضى طلب من الموجودين
إلا المذكورة بأسم حرمتي ,,,,,,,
,طلعو كلهم وهو مستنكرين خارج الغرفة .........
طلع الدكتور وابتسم لاهل المريض :خلوه يحتاج لراحة
وراح وخلاهم ..........
أم مشاري : وش هالطردة أقول بس خلونا نرجع البيت
ومتى ماصار صاحي زين جينا له .........
تفتحت عيون الموجود من الصدمة لكن ما يقدرون يقولون شي
مشت أم مشاري تاركة البنات وراها وهم لحقوها عشان يرجعون البيت ..
ومشعل ومشاري أيضا طلعو من المستشفى بسيارة وحدة ...........
........حصه : سلطان فيك شي
سلطان :ما أبيهم ولا عاد تدخلين أحد ما أبيهم ما تفهمين ؟؟؟؟؟؟؟؟؟
حصه : خلاص هد أعصابك وما راح يصير إلا اللي تبيه ........
سلطان حس بالراحة وماهي إلا دقايق إلا رجع يغط بنومه ثانية
وحصه راحت تقرى قرآن وتدعي لسلطان أن ييسر أمره ويشفيه
..............................
........
العنود واقفه بصدمة في غرفة الدكتورة :ورمــــــــــ
الدكتوره عاليه :أناما بعد سويت لك تحاليل لكن
راح نتأكد أكثر ........
العنود تجلس على الكرسي :وانتي وش اللي خلاك
تقولين على هالكلام
الدكتورة عاليه : يا أخت العنود كل العوارض اللي تعانينها من فترة دليل على أن عندك مشكلة في الرحم وأحنا راح نسوي لك التحاليل
ونتأكد ونبدأ مرحلة العلاج وأنا بأعطيك موعد بكرة الصباح تجيني
عشان أسوي لك التحاليل اوكي ؟؟؟؟؟؟؟؟؟؟؟؟
العنود بلعت ريقها اللي نشف من الخوف :طيب طيب وش مضاعفات المرض
الدكتورة عاليه :ما أقدر أعيشك بحالة رعب وأحنا مو متأكدين لكن بكرة
نسوي لك الأشعة .........
العنود : ومتى تطلع النتايج ؟؟؟؟؟؟
الدكتورة عالية : بعدها بيومين
العنود :وأنتظر كل هالوقت عشان أعرف أن لي مشكلة في الرحم ولا لا؟؟
الدكتورة عاليه : والله المواعيد مزحومة عندي مره وخلاص راح
أكتب لك موعد بكرة الصباح الساعة 9 ......
سكتت العنود وهي تعطيها ورقة عشان الموعد وعليه ختم المستشفى ..
طلعت العنود وركبت التكسي اللي يوديها لبيت اخوانها
اللي ما يدرون وش مصيبة العنود .........
.......................................
وعد واقفة بأرتباك قدام المراية تعدل نفسها بسرعة بسبب مجيء أهل
زوج المستقبل .............
لم حست أنها خلصت نزلت بسرعة وشافت بنت اخوها تصب القهوة
للي جايين وكانو 3 حريم ....
ساره اللي قالت لها جواهر !
ومعهم حصه .....
سلمت عليهم وعد وجلست ..........
ساره :وش أخبار عروستنا !!!!!!!!!
استحت وعد : بخير الله يسلمك .........
وتطالع الولد الصغير اللي معهم ويطالعها بتعجب ..
جواهر : هذا سلمان ولد أخوي مشعل ...........
طالعة فيه وعد و وتأملة ملامحه المشابهه لمشعل بس ما كانت تتوقع أنه راح يجيبه لها .......مدت يدها وجاها يسلم حبته على خده وجلسته جمبه ................وبسبب شخصية وعد الاجتماعية بسبب أنها ممرضة وفي مستشفى معروف بكثرة المرضى اللي فيه فكان تعاملها سهل مع جواهر أخت مشعل وساره مرت أخو مشعل وحصه مرت سلطان اللي جاه الحادث ....تعرفت على أشياء بسيطة جدا عنهم بسبب هالجلسة ولم
جى وقت (( الزبدة )) بدت فيها حصه بما أنها راح تروح معها ....
حصه :تدرين يا وعد أن سلطان رجلي جاه حادث والله يشفيه
ومشعل بسفرة لرحلة علاج تستغرق مدة طويلة حوالي 6 شهور
ومشعل وصانى نقولك كانك بتجين معه ولا لا .....
يعني تملكون بدون عرس كبير ونسافر مع بعض ولا تصبرين لم بعد 6 شهور وطبعا الحل الأول أفضل لأني أنا شخصيا ماأبي أسافر مع مشعل لحالي ...وأنتي أكيد فاهمتني ..............
وعد :وشغله ؟؟؟؟؟؟؟المستشفى ما راح يعطية هالأجازة الكثيرة .......
جواهر تكمل عن حصه : هو خلاص بيترك المستشفى مدة بيمسك
شغل سلطان ,,,,,,,,,
وعد : يعنــي ما راح يرجع للمستشفى أبد؟؟؟؟؟؟؟؟؟؟؟؟؟؟؟
جواهر : لا بيرجع بس بعد ما يرجع أخوي ماجد من سفرته
ويمسك الشغل عنه .....
سكتت وعد وكأنها تقول ((أبي أفكر .......))
ساره : أدري الموضوع صار بسرعه لكن ما بيدنا شي وأنتي أدرى بالأحوال
لكن لم ترجعين من السفر بالسلامة بنسوي لك حفلة تطيب خاطرك
وعد / مو قصدي كذا لكن تفاجأة
الجوهر :أنا بأعطيك رقمي وأنتي متى ما حسيتي أنك قررتي دقي علي ولا أرسلي رسالة عشان مشعل يضبط أمور السفر وأنتي تجهزين نفسك ..
وعد : يصير خير أن شاء الله ....ونقلتها رقم جوالها .......
وجلسو كذا ربع ساعة سوالف ثم طلعو .........................
في السيارة :
مشعل :ها وش قالت ؟؟؟؟؟؟؟؟؟؟؟؟؟؟؟؟؟؟؟؟
جواهر :خلها تفكر
مشعل :أيه على راحتها ........
ساره :يا بو سلمان اليوم رحت لبيتكم بأحط صقر عند صيته وما لقيتها
وتقول الخدامه أنها في بيت أهلها عسى ما شر ؟؟؟؟؟؟؟؟؟؟؟؟؟؟؟؟
مشعل ما يحب لقافة الحريم : ما من شر تبي ترتاح عند أهلها كم من يوم وبترجع ......................
وسكتها بهالكلام ..............
وصل أخته لبيتها ثم راحو المستشفى نزلو حصه اللي أعتادت على هالوضع وراحو البيت .......وبكذا خلص اليوم ,,,,,,,,
.......................................
في صباح اليوم التالي :
حصه جالسة توكل سلطان فطورة : سلطان تعرف أنك راح تسافر ؟؟؟
سلطان :اسمع حكي عني أني بأسافر بس ما أدري وين
أهم شي ارجع بصري ............
حصه تمسح فم سلطان بالمنديل لأنه خلص فطورة :بنروح للندن
وبنجلس هناك 6 شهور وبأولد هناك أن شاء الله ............
سلطان ابتسم لم تذكر أن حصه حامل ! : بس المدة طويلة ......
حصه :أيه فيما نسوي لك العملية ويرجع لك بصرك بأذن الله
وبندأ مرحلة العلاج الطبيعي معك ......
سلطان تنهد وكملت حصه : وأنا العصر بأروح السوق عشان
أجهز نفسي ولسعود ولك وبأمر خواتي أخذهم معي
عشان يساعدوني عشان أخلص في أقرب فرصة ............
سلطان : ليش ساره ما تساعدك ........
حصه : ساره بتروح معي بعد وترى
أحتمال مرت مشعل وعد تسافر معنا لا وافقت ............
سلطان :وأمي عرفت ؟؟؟؟؟؟؟؟
حصه : لا لحد الأن بس بيقول لها مشعل أن شاء الله
انت أهم شي تسمح لي أروح مع السواق أخوانك هلكو من من المشاوير
سلطان : خلاص روحي لازم تتعودين عشان أنا ما عدت امشي ,,,,,
حصه اوجعها قلبها : أن شاء الله تمشي وتوديني وتجيبني
سلطان ابتسم بسخرية : أن شاء الله .....
...........................................
وعد جالسه مع أحد الممرضات وصديقتها المفضلة أسمها ورده
وردة : وأنتي ما تبين تروح معه :؟؟؟؟؟؟؟
وعد :إلا أبي أروح بس أفكر بالشغل أنا أحبه وماظنتي بيعطوني
اجازة كثيرة ..........
وردة :وأنتي وش لك بعوار الراس خلاص دام الدكتور مشعل ترك الشغل
أنتي بعد أتركية ووسعي صدرك بهالحياة ..........
وعد :أحب شغلي وأنا ما درست كل هالسنين عشان أقعد
في البيت
وردة : والزمن يختلف وأنتي مو تقولين أحتمال يطلق زوجتة الأولى
لأنها شديدة وما ترضى .......
وعد : ايه
وردة : يعني راح تكونين مسئولة عن عياله الثلاثة ...........
وعد : طيب
وردة : تبيني أذبحك فكري زين يعني راح تهمتين في عياله
والشغل ماله داعي .................
وعد : ما أدري بأفكر بأفكر
وردة : فكري ترى موعد سفر مشعل قرب مع أخوه وهم قالو لك شهر يعني ما يمديك تجهزين عمرك.......
وعد : بأفكر وبأرد بكرة على أخته
وردة :أقول ترى خلص الدوام أمشي ..............
قامت وعد ومشت معها ..............
..................................
العصر راحت حصه للبيت وطلعت مع السواق لبيت أخواتها
ولم وصلت للبيت ضربت الجرس محد رد عليها ............
فتحت جوالها ودقت على منيرة اللي على طول ردت :
منيرة :الـــــــــــــــــــــــــــــــــــــــــــــــ ـــــو
ووووووووووووووووووووووووينك ما تردين علي ؟؟؟؟؟؟؟؟؟
حصه : هلا منيرة أنا عند باب البيت أفتحي لي ......
منيرة : بس أحنا في بيت أم أحمد
حصه بأستغراب : ليش رايحين هناك ؟؟؟؟؟؟؟؟
منيرة : لم تجين بأقولك كل شي
حصه :طيب أنا جايه لكم اللحين
منيرة : يله مع السلامة
حصه : مع السلامة
سكرت حصه من منيرة وركبت السيارة مع ساجد وخلته يمشي ..........
..............................
لطيفة : بتجي جد؟؟؟؟؟؟؟؟
منيرة :أيه بتجي بس أحس من صوتها كنها متضايقة
لطيفة :الله يستر ما يكون فيه مصايب جديدة ..........
منيرة :أقول تفاولي بخير يكفي اللي صاير لنا
لطيفة : اسمعي اللحين أحمد راح يستقدم
شغالة وسواق لنا ؟؟؟؟؟؟؟؟؟؟؟؟؟
منيرة : لا بيروح لواحد من ربعه بيتنازل عن شغالة وسواق حقهم
وخلال أسبوع بيكونون عندنا
لطيفة : الله يجزاه خير هالأحمد .........
دخلت نجلاء غرفتها : بنات أختكم وصلت ......
تقامزوا البنات وراحو للصالة ولقو أختهم ..........
لا شبيهة أختهم ..........
العظام اللي في خدودها طالعه وناحفة والهلالات السوادا محاوطة عيونها
ونظرة حزينة تطلع من عيونها ....
منيرة ولطيفة سلمو عليها :::
أم أحمد : وشفيك يا بنيتي وجهك كذا صاير لك شي ؟؟؟؟؟؟؟؟؟؟؟
حصه :وش ما صار يا خالتي
وسلطان نظر عيني طايح في المستشفى
دمعت عيون حصه وهي كتمت في قلبها كثير
وبينت أنها قدام سلطان قوية وكالجبل وهي كزجاج بسرعة ينكسر
لكن حان وقت التنفيس ....................
منيرة :وش فيــه سلطان ؟؟؟؟؟؟؟؟؟؟؟؟؟؟؟؟
أم احمد : بسم الله عليك يا بنيتي تكلمي وش صاير لك
تكلمت حصه عن سلطان
عن الحادث .........
عن اللي صابه ..................
عن حياتها
وعن مشعل واللي بتزوجها ........
عن سفرتهم
اللي بعد شهر ............
عن كل شي ........................................
كان التأثر عنوان وجيه الجالسين من أم أحمد وبنتها نجلاء
ومنيرة ولطيفة ..............
بس ما هدت حصه من التنفيس دارت بوجهها لأختها منيرة : وانتم
وش مجلسكم هنا ؟؟؟؟؟؟؟؟؟؟؟؟؟؟؟؟
أشوفكم لا بسين بجامات !!!!!!!!!!
أم أحمد : هالحرامية متسلطين على بيتهم حسبي الله عليهم ..
حصه فتحت عيونها :مرة ثانيـــــة بعد ؟؟؟؟؟؟؟؟؟؟؟؟؟؟؟؟؟؟؟؟؟؟
منيرة تفتح جوالها وتقوم لحصه :شوفي الصور كيف حايسين البيت
هالكلاب ؟؟؟؟!!!
وكانت منيرة مصوره بجوالها كل حوسة البيت .............
حصه تطالع البيت وتتحسر عليه : بلغتو الشرطة؟؟؟؟؟؟؟
نجلاء : راح أحمد وبلغ لكن ما عطوه وجهه بس كتبو البلاغ بأسم البيت والحي ولا محد جا يشوف بلاوي هاللي ما يخافون الله ................
حصه تعطي الجوال لمنيرة : لازم ندور مستأجرين للدور العلوي
على الأقل يصير حس في البيت ...........
منيرة : أحمد عندة صديق بيتنازل عن شغالة وسواق لنا
حصه : حتى زيادة بعد ندور مستأجرين خلاص أنا بأخلي
مشعل يشوف لنا مستأجر والناس وش كثرها بنلقى بسرعه ......
نجلاء : لحظة وحدة من صحباتي في الجامعه راح تتزوج
بأعرض عليها الموضوع يمكن زوجها إلا اللحين مالقى بيت يسكنها
فيه .......................
أم أحمد : وصديقتك زوجها قادر على أجارات البيوت هذي؟؟؟؟؟؟؟؟
نجلاء : هي من طبقة متوسطة وأعتقد زوجها برضو زيها
يعني أنا باكلمها وأشوف أن ما كانو يحتاجون البيت ولا حصه تقول
لأخو رجلها يدور لهم ........................
حصه : يله يا منيرة وأنتي يا لطيفة قومو لبسو نروح السوق
وجيبي بطاقة الصراف معك ...........................
ولفت على نجلاء : تبين تجين معنا ؟؟؟؟؟؟؟؟
نجلاء : لا والله أسوي زحمة على الفاضي ............
حصه :أقول يله بس بعدين تشوفين حالتي أبي أحد يساعدني
ومنيرة ولطيفة ما عندهم ملابس وأبي أتقضى لهم وأنتي بعد
بتتشرين معنا على حسابي ...........
نجلاء أنحرجت : لا ما ابي أكلف عليك
حصه :أقول قومي ولبسي ترى والله أزعل عليك والله
حلفت .......
نجلاء تطالع أمها : عادي يمه أروح
أم أحمد : اللي يريحك يا بنتي ............
حصه تهز رجل نجلاء : يله لبسي ما يمدينا بيذن
المغرب وحنا ما تحركنا يالله نوصل هناك
نجلاء تقوم وهي كاتمه فرحتها لها مدة ما دخلت السوق وتمشت .........
راحت لغرفتها تلبس مع منيرة ولطيفة ................
................
سلطان جالس يكشف عليه الدكتور خالد :
الدكتور خالد : الحمد لله الجروح كل مالها تخف حتى
الخياط من عقب العملية اللي في رجلك بدا يروح
سلطان : الحمد لله على كل حال ,,,,,,,,
الدكتور خالد : اللحين أهلك وينهم ما أشوف أحد جاك .؟؟؟؟؟؟؟
سلطان : اليوم حذرتهم ما يجون ما أبيهم
الدكتور خالد : على فكرة اخ سلطان أنت جايك الحادث بسبب سرعة ولا أيش
سلطان : لا والله لو أنها كذا كان لمت نفسي اللحين
لكن اللي حارق قلبي أن مدري من اللي سوا فيني كذا .......
الدكتور خالد يجلس على الكرسي : كيف جاك الحادث بالضبط ؟؟؟؟؟؟؟؟
وجلس سلطان يقول له وش صار له بكل التفاصيل والدكتور خالد
متعجب من حال هالدنيا وكيف واحد ماله ذمب يصير له كذا .....
لم خلص سلطان من الكلام أستأذن منه وراح لأن فترة دوامه خلصت في المستشفى .......................................
في دبنهامز برياض جاليري واقفة نجلاء قدام فستان
وعاجبها ومستحية تاخذه لأن بالنسبه لها غالي .........
جت لها حصه : نجلاء بنطلع ........عجبك الفستان
نجلاء : ايه ما شاء الله حلو
حصه :أجل خذي مقاسك وتعالي الصلاة على وشك تقيم
نجلاء :لا لا خلينا نمشي ........
حصه قربت من الفستان وطلعت مقاس مناسب لنجلاء وراحت تحاسب عليه
مع خواتها اللي شرو لهم كم شغله ........
لم حاسبو طلعت معهم نجلاء ...................
لطيفة :حصه أبي عبايه جديدة ........
حصه :أن شاء الله بس حنا اللحين بعد الصلاة بنروح نشتري لكم
كم جزمة على الملابس اللي شرينا ..........................
...........بعد أذان المغرب والصلاة كانت أخر محطتهم عند محل
العبايات شرت منه منيرة ولطيفة ثم طلعو من رياض جاليري
على وعد أن بكرة راح تمرهم عشان يطلعون في نفس هالوقت
لسوق وماحددو وجهتهم ............................
وصلتهم حصه لبيت أم احمد وهي راحت للبيت حطت أغراضها
ورتبتهم بكل سريع داخل شنطة ثم تسبحت ولبست قميص حوامل ثم لبست عبايتها وطلعت مع السواق للمستشفى ....................
.........................................
مشعل في بيت أهل صيته .......
مشعل : يا عمي أنا شرحت لك ليش طقيت صيته
وما كان قصدي بس هي فورت دمي ..
أبو صيته : بس بنتي غاليه علي وما أرضى أنها تنضرب
وأنت أكيد ما راح ترضاها على خواتك أن يصير لهم كذا
مشعل : طيب اللحين نادها أستستمح منها واللي
تبيه انا حاضر به ..........
أبو صيته : بأشوفها لك ......
وقام أبو صيته ينادي صيته المعصبة أن مشعل مد يده عليها
وهي طول عمرها محد رمى عليها كلمة موب زينه
يجي هذا اللي ما ينتسمى ويضربها عشانها
عصت أمره وطلعت مع صديقتها ...هزلت !!!!!!!!!!
نزلت صيته وهي ناوية تهزا مشعل .....
.دخلت عليه المجلس من دون وجود ابوها ..........
صيته واقفه عند الباب ومكتفة يدينها :
ليش جاي ناوي
بتطقني بعد .؟؟؟؟؟؟؟؟؟؟؟؟؟؟؟؟؟؟
مشعل تنهد :أجلسي صيته خلينا نتفاهم
صيته : نتفاهم على أيش وأنت اللي مديت يدك علي
وقدام عيالك ما تستحي على دمك أنت
مشعل :أنتي تعرفين أنك أنتي الغلطانه فما داعي
تقولين هالكلام أرجعي البيت لعيالك واستهدي بالله
صيته : رجعه ماني راجعه ونجوم السماء أقرب لك ....
مشعل : صيته أنا جاي أهدي الوضع فلو سمحتي أقصري الشر وماله
داعي سوالف طلاق
صيته : يعني بتطلقني يا مشعل طلقني أصلا أنا ما عاد
أبيك عيال وجبت وحياة وعشتها ...........\
وطق وانطقيت ...........
وش أبي بعد .................
مشعل فاتح عيونه بقوة من الصدمة : وش هالحكي أنهبلتي؟؟؟؟؟؟
صيته :افففففففففففف
وعطته ظهرها وراحت .................
مشعل : والله أنك منتي صاحية ......
علت صوتها وهي رايحة :يعني أنت اللي صاحي
قام من مكانه وطلع برى المجلس ركب سيارته رايح
للبيت ناوي هالليلة يقول للكل أنه خاطب وعد ممرضة تتشتغل
في المستتشفى وما عليه من أحد ...واللي فيه فيها
هي خاربه خاربه خلينا نعميها ..................
..................