ولد الترف والدلال - الفصل 17 - بقلم بنت الأكابر - مكتملة | روايتك

المحطة السابعه عشر : يوم الأربعا .......في امريكا .......... ماجد واقف مع محمد في جامعتهم ويتكلم معها في أمور الدراسة ........... ماجد قطع حوارهم الهام :شوف شوف هالشقرا محمد اللي ما اهتم : ليه أول مره تشوف ماجد :ياخي حلووووه محمد :عادي شكل بس أخلاق ما فيه ماجد :أكيد مافي أخلاق أقولك ........أشوفك بعدين ومشى تارك ماجد وراح يلحق البنت .....((عادي )) ......... محمد لم شافه استغفر الله لأنه ما يحب هالحركات رغم أنه كان في الثانوي داج لكن اللحين ترك هالحركات اللي بالنسبة له .. صارت قديمة ............. ماجد وصل للبنت اللي ما عطته وجهه لكن : ماجد : Good morning البنت لفت عليه وابتسمت : Good morning ماجد : يا ويل قلبي فديتك ............ البنت تغيرت ملامحها دليل أنها ما فهمت شي من اللي قاله ماجد البنت عاقدة حواجبها:what????? ماجد جا بيرد عليها إلا أحد يسحبه من تشيرته ويرجع لورا ...... محمد :مجووووووود تعال معي ماجد يوخر يد محمد لأنه ما يحب أحد يمزح معه بهالطريقة يحس نفسة (أنهان )) :وشفيك خليني أشتغل محمد يمسك يده ويسحبه من عند البنت اللي للحين معقدة حواجبها ما فهمت أي شي من اللي قالوه :اسمع عندي لك خبر ماجد يكتف يدينه :وش عندك ؟؟؟؟؟؟؟؟؟؟؟؟؟ محمد يسكت ويطالع الناس ....وماجد انقهر يبي يتكلم ... ماجد : اخلص محمد : وشفيك أنت مافي شي بس ما أبيك تتعرف على بنات وانت تدرس ماجد : ما أمداني أقول لها شي والله محمد : أحسن أدري أن البنت حلوة لكن في السعودية أحلا منها ماجد : في السعودية هههههههههه أحد يلقى زي هالشقر محمد :أحلى من خشتك ...... ماجد :أعترف بهالشي لكن أنا أحب الشقر محمد يحاول يشغلة يعرف ماجد لو شبك مع بنت راح يترك الدراسة ويلعب وهو يبيه شخص ((عاقل)) ........:مو محاظرتك بعد عشر دقايق ماجد انقهر أنه غير الموضوع وطير رزقة حلوة ؟؟؟ :بعد عشر دقايق مو اللحين ............ومشى عنه ويدور بنظراته على البنت ......... لكن محمد ماخلها يطول مسكة مع يده ومشاه معه ....... (((((لازم تعقل ياماجد))))))))) .............................. رتاج جالسة على مكتبها وقبالها لاب توبها مفتوح وتطالعه رغم أنه مطفى ................................... كان العرق ينزل من جبينها رغم أن جسمها بردان ........ تحس بالتعب ما تدري ليه ؟؟؟؟؟؟؟ فكت ربطة شعرها ورجعت تربطة بشكل عشوائي ...... رتاج :ااااااف وش الحالة متى بيجي بكرة وأفتك كان القلق هو اللي منغص حالتها .......... بكرة عندها مهمتين كل وحدة أصعب من الثانية أولا راح تروح للعنود وتعطيها الفلوس الي سحبتهم وشيك...... ما كملت المبلغ بس ما راح تعطيهم أكثر من هذا واللي يصير يصير.....؟؟؟؟؟ وبكرة راح تشوف سعد وبتقوله اللي مخططته في بالها ............ قامت من كرسيها وراحت تفتح الشباك وتروح تولع لها زقارة وتدخن خلاص كل ما صارت لوحدها في الغرفة جلست تدخن ............... ما راح تفك عنه أبدا مهما صار لانها تعتقد أنه ينفس عن توترها ......... .................... ربى جالسة على السرير وجمبها شوق ويكلمون ماجد واول ما طلعو منه راحت ربى تكلمه على أنها مها ... ~*ôô*~mo00haA~*ôô*~ : هااااااي ماجد ¨°o.O (mgo0ody) O.o° : هلا وغلا وينك تأخرتي ؟؟؟؟؟ ~*ôô*~mo00haA~*ôô*~ : مشاغل الدنيا شوق :ماجد ليش تكلمينه مره ثانية؟؟؟؟؟؟ ربى :اوووص أنا ألعب عليه وهو مصدق شوق : حرام عليك والله لو يعرف بيذبحك ... ربى : يذبحني ههه ما يقدر أقولك تعالي أقري وشوفي الفضايح هههه والله يضحك ..... ¨°o.O (mgo0ody) O.o° : ترى شريت الكميرا مستعدة توشفين الحلا ~*ôô*~mo00haA~*ôô*~ : اوكي شغلها مستعدة يا قلبي ¨°o.O (mgo0ody) O.o° : يا ويلتي اللحين صرت قلبك ؟؟ شوق حطت يدها على فمها اللي دايم تسويها لم تضحك :ههههههههه هههههه مصدق نفسه .......... ربى : شفتي كيف ........... شوق :ههههه هههههههه ربى تضحك معها وترجع لماجد ............ ~*ôô*~mo00haA~*ôô*~ : وقلبي وحياتي وكل شي بس أخلص علينا ¨°o.O (mgo0ody) O.o° : على أيش؟ ~*ôô*~mo00haA~*ôô*~ : شغل الكام ولا تخاف ماجد راح وشغل الكميرا ولبس السماعة فيها مايك وشغله :الوووووووووووووووووووو ربى وشوق يشفون ماجد :هههههههههههههههههه ماجد :مها معي ؟؟؟؟؟؟؟؟؟ ~*ôô*~mo00haA~*ôô*~ : معك وش هالحلا شوي شوي علي ماجد :هههههههههههه ~*ôô*~mo00haA~*ôô*~ : فديت هالضحكة محمد مر من ورا ماجد وشافته ربى وشوق ...... ماجد : معليش هذا خويي مر ~*ôô*~mo00haA~*ôô*~ : وش أسمه ؟؟؟؟؟؟ ماجد :أسمه محمد ............ محمد جى ورا ماجد وسحب السماعات بقوة وسكر الاب توب ...................................... ربى :هههه وش صار فيهم ؟؟؟؟؟؟؟؟؟؟؟؟؟؟؟ شوق : هذا محمد اللي أسمه أبو شروان صح ؟؟؟؟؟؟؟؟؟ ربى :مدري بس أتوقع ......... شوق :اقول أطلعي وأسحبي عليه لم بكرة يقالك زعلانه ....... ربى :هههه أشوفك تحمستي أنا نلعب عليه شوق :حتى بأسوي أيميل ثاني وأكلمه والله لأطلع قرونه ...... ربى :ههههه والله ماجد يعطي وجهه لأي أحد شوق :ههههههه متعود........... ربى : لم يرجع بعد خمس شهور يبي يشوفني بنواعدة في سوق ونروح انا وأنتي ونسوي له سبرايز ...... شوق :هههههه والله لا يضربنا أحلف لك .................................... ماجد عصب :خييييييييييييييير وشفييييييييك محمد : من سمح لك تنطق اسمي ماجد : وشفيها لاقلت اسمك صار بالدنيا شي محمد : بس أنا ما أبي أحد يعرف عني شي ماجد :طيب قولي بطريقة حلوة بس بعدين مو بحركات البزراين محمد: بعدين أنت واثق أن اللي تكلمها بنت ولا ولد ماجد : بنت بنت محمد :طيب يا راعي البنات كلمهم بدون كميرا ماجد: وأنت وشعليك محمد :طيب هي فاتحة الكام؟؟؟؟؟؟ ماجد : لا وما طلبتها محمد : اوكي أكتشفت أنك مدمغ وتعطي وجهه بزيادة قووووم ورانا صلاة العصر ......... ماجد : مانيب مصلي محمد / مجود قووووووم أحسن لك ماجد : ترى صاير متسلط بزيادة محمد : ماني متسلط بس يا أخي أعقل ولا أقولك أثقل خلك ثقيل موب مطيور على أي شي تأفف ماجد ورجع محمد يذكرة : الصلاة الصلاة .... هزماجد راسه وقام يتوضى ويروح مع محمد للمسجد .......... ................................. أم مشاري : وش بتلبسين بكرة ؟؟؟؟؟؟؟؟ رتاج : أي شي مالي خلق أم مشاري : لازم تكشخين له ما يصير تطلعين له كذا رتاج :اففففففف أن شاء الله بأكشخ اوكي ارتحتي أم مشاري ما أعجبها كلام رتاج :وتروحين للمشغل رتاج :لا وين فاضية أروح المشغل ........ لكن تذكرت بكرة يمكن أمها ما تخليها تطلع من البيت وهي وراها مشوار لبيت العنود فراح تروح المشغل وتمر بيت العنود وتسلم المبلغ الناقص وتفتك من الهم اللي جاثم على صدرها ...... أم مشاري : نعم ما سمعت رتاج : لا خلاص بأروح المشغل بكرة ولا يهمك ام مشاري ابتسمت : أخليك على راحتك وطلعت أم مشاري من غرفة رتاج .............. ................................... مشعل واقف مع مشاري بين المسافه اللي بين بيتهم ......... ويخططون كيف بيكون توزيع النخل ........................ على شكل أحواض متفرقة أو بشكل عشوائي ...................... مشاري غير الحوار : لا تنسى بكرة بيجون الربع مشعل :ومتى ........... مشاري : بعد صلاة العشا مباشرة ..... مشعل : يصير خير ....بس قلت لسلطان مشاري : أيه قلت له ...... مشعل : وماجد يدري بالخبر مشاري : لم تمم الأمور راح أخبرة وما ظنتي بيعارض أصلا أمي ما راح تعطيه فرصة يقول راية ....إلا وش صار على زواجك مشعل : الملكة بعد أسبوعين قدمناها ... أنا وأنت وسلطان وهم بس ......... مشاري : أحسن كذا ............. مشعل :الله يعين ..... ....................................... اليوم التالي ... يوم الخميس .................. قامت رتاج وبطنها يعورها من الخوف ....... راحت وتسبحت وطلعت سمعت جواله يرن برسالة توجهت للجوال ورفعته والرسالة من طلال ::::::::: (( اليوم خميس .................. موعدك تسلمين الفلوس لي الساعة 4 العصر تتأخرين تندمين ......... وأنا أنسان دقيق في المواعيد ..............)) عضت رتاج على شفايفها قهر منه ......... لو يعرف ان المبلغ ناقص وش رايح يسوي ............. رمت الجوال على السرير وراحت تبدل ملابسها عشان بتنزل تحت لأنه وقت الغدا............................. لبست بنطلون جنز غامق مع تشيرت موف ......... نزلت تحت من الدرج وطالعت ساعتها :2:17 دقيقه ..... شافت الخدامات متوجهين للغرفة الأكل يجهزون الغدا....... راحت للصالة لقت أمها جالسه لحالها ............ أم مشاري : كيف النفسية ؟؟؟؟؟؟؟؟؟؟؟؟ رتاج بدون اهتمام : زفت ........ أم مشاري ما أعجبها رد رتاج اللي يدل أنها مو موافقه على هالزواج ........... أم مشاري : بأطلع العصر للسوق كان تبين تجين معي رتاج بدون نفس : ما أبي أروح .... أم مشاري : وشفيك أنتي نفسك خايسة ؟؟؟؟؟؟؟؟؟؟؟ رتاج : لا خايسة ولا شي أنتي تتوهمين ......... أم مشاري تطالع ربى اللي تنزل من الدرج وبيدها لاب توبها ........ جت وجلست معهم وملامح الضيق على وجهها أم مشاري :وشفيك أنتي الثانية ........؟؟؟؟؟؟؟؟؟؟ ربى : لا بتوبي صار يعلق وأمس الليل وقف علي أبي أروح أصلحة ......... أم مشاري : ليش ما تغيرينه .......................؟؟؟؟؟\ ربى : حسابي مافيه إلا ألف وخمسمية ........... وانتي ما صرتي تعطيني ....... أم مشاري : خلاص خذي الكارد حقي واشتري واحد جديد ............................... ربى : أول شي راح أصلح هذا ثم بأشتري جديد لأنه هذا فيه أشياء ما عندي نسخة ثانية لها وأبيها ضروريه ......... أم مشاري : سوي اللي تبينه ............بتروحين معي ولا ؟؟؟؟؟ ربى :ليه وأنتي وين بتروحين ؟؟؟؟؟؟؟؟؟؟؟؟؟؟ أم مشاري : بأروح أشتري أقمشة بأفصل فساتين عندي زواجات في الأسبوعين الجايين ,,,,,,,, ربى : أها .......لا ما راح اروح معك ...... أم مشاري : كيفك ربى : بس بتعطيني الكارد حقك أم مشاري : أنا ساحبة فلوس لا تخافين بعطيك ربى ابتسمت وحطت الاب توب جمبها ............ قامو كلهم وتوجهو لغرفة الأكل لأنه وقت الغدا ....... عند سلطان وحصه في غرفتهم ......... حصه تكحل عيونها في المراية .. سلطان :الغدا عجلي حصه تسكر الكحل وتحطة .:يله ..... في طريق مشيهم للتحت ....... حصه : سلطان خلني أختار أثاث بيتنا سلطان :سوري لا حصه : ليش ؟؟؟ سلطان : ما تعرفين في الأثاث حصه : طيب على الأقل جب لي كتلوجات واختار وأنت شف إذا هي تصلح ولا لا ........ سلطان : اوكي بأشوف ........ حصه : مممم أبي أختار غرفة سعود ....... سلطان ابتسم لذكر ولده : أن شاء الله ... حصه تمسك يده وسلطان ما مانع لأنها صارت تمسك يده كثير وتعود ............................... دخلو غرفة الأكل وتوجهو للكراسيهم اللي دايم يجلسون فيها ...... ام مشاري اللي تحب تنكد على الأكل : إلا سلطان حجزت القاعة ...... سلطان :أيه حجزت ودفعت لهم وخلاص حصه تطالع الأكل وهي ساكته وقلبها يغلي نار ......... ام مشاري :ووين حجزت فيه ؟؟؟؟؟؟؟؟؟؟ سلطان : حجزت في اليخت مدري يناسب ولا لا ؟؟؟؟؟؟؟؟ أم مشاري : ما عليه أي شي أهم شي نستانس ....... دخل أبو مشاري وجلس ياكل ومن عقب ما اكل الكل قام ياكل.... لم خلصو الكل راح لشغلة ...... أذن العصر وربى راحت تصلح لاب توبها وراحت معها شوق لأنها ما تبي تجلس في البيت ......... و أم مشاري راحت للسوق ............ نزلت رتاج بعبايتها ومعها شنطتها وراحت بتركب مع السواق الوحيد اللي بقى .............. لكن تفاجأة أن سلطان واقف عندها والسواق مو موجود فيها ...... رتاج توخر نظارتها الشمسية من وجهها : سلطان وين خان ؟؟؟؟؟؟؟؟ سلطان يطالعها :بأخذ سيارته سيارتي خربان مكيفها رتاج تورطت كيف بتروح على الموعد : سلطان تبي السيارة ؟؟؟؟؟؟؟ سلطان : أيه سيارتي خربان مكيفها وخليت السايق اخذها للورشة مع فاهم رتاج هنى تورطت صدق : ومتى روحته ؟؟؟؟؟؟؟؟ سلطان : قبل ربع ساعة ليه تبين شي ؟؟؟؟؟؟؟؟؟ رتاج ارتبكت : بس أنا أبي السيارة سلطان : أنا عندي مشوار ضروري ما أقدر أجلة وأخذك معي رتاج : ومن قال بأروح معك سلطان :وليه مو أنتي عندك مشوار رتاج : أيه سلطان :وما في سواق من بيوديك يعني ؟؟؟؟ رتاج : لا خلاص شكرا ,,,,بأحاول أخذ سواق مشاري وراي روحة مشغل سلطان :تونا على المشغل .......... راحت رتاج من عنده دون ما ترد عليه لبيت مشاري وطلعت حصه من البيت وراحت لسلطان ببطء تحس لو أنها بتسرع بيطيح بطنها!......... حصه : سلطان قلبي سلطان :همم وش تبين ؟؟؟؟؟ حصه : خذني معك طفشانه مررره سلطان ابتسم لها وعلى وجهها المعفوس عشان تبين الطفش وحصه ابتسمت على ابتسامته اللي تحبها من قلب .. سلطان : والله وراي مشاوير لمحلات الأثاث حصه : بس قلت لك أنا بأختار سلطان :حب.......سكتت وتراجع...... أنتي قلتي بأختار الغرف وأنا رايح مو عشان الغرف ...... حصه ابتسمت زيادة على الكلمة الناقصة اللي ما كملها ((يا حرام تنرحم)) :أنا قلت الأثاث ما قلت الغرف ........ سلطان :لا بأخلي لك الغرف بس والباقي لي يله أدخلي عن الشمس ..... حصه تتدلع عليه : ليه تخاف علي سلطان :هههههه ادخلي بس لا تسمرين حصه راحت ابتسامتها : طيب لا تطول محد عندي في البيت سلطان يفتح باب السيارة ويركب ويسكر الباب ويشغلها ... أشرت له حصه : (باي )) وهو رد لها وأشر لها .. سكر سلطان الشباك ومشى .. جلست حصه تطالعه لم طلع من بوابة القصر المفتوحة دائما وقت العصر لحد العشا ............... رقت حصه الدرج بتدخل البيت إلا رتاج جاية مسرعة وتتخطاها وتدخل البيت دخلت بعدها حصه وهي مستغربه من تصرف رتاج وليش مستعجلة كذا ...... راحت حصه للصالة وجلست تطالع التلفزيون تقضي وقت فراغها........ في غر فة رتاج ....... رتاج :هذا وقتتتتتتته يروحون اففففففففففففف مسكت جوالها وطالعة ساعتها كانت تدق الأربع إلا ربع باقي ربع ساعة على الموعد ...... دقت على ربى :الللوووووووو ربى : نعم ؟؟؟؟؟؟؟؟؟؟ رتاج : وينك أنتي فيه اخلصي السواق أبيه ربى :يا حليلك تونا ما وصلنا المحل رتاج :ااااااااااااااااففففففففففففف انقلعي يا الخايسة وتسكر في وجهها ...... ربى :الحمد لله والشكر .... شوق :وشفيك ؟؟؟؟؟ ربى : مافي شي بس رتاج تستهبل ...... عند رتاج : رتاج تدق على طلال ما يرد ....... تدق على العنود وردت : الو العنود العنود : نعم رتاج : أسمعي قولي لطلال يجي لبيتنا بأطلع واعطيه الفلوس العنود :مدري بأقول له ......... رتاج : اوكي قولي له ....... العنود تسكر وتلف على طلال : طلال رح لرتاج طلال : ما راح تجي هنا؟؟؟؟؟؟؟؟ العنود : تقول خليه يجي لبيتنا طلال :هي اللي تجي مو أنا مهنا أكثر من سواويقهم العنود : طيب وأنا ما جت على الموعد طلال : باسوي اللي في راسي العنود ترسل لرتاج ((أسفة رفض وتعالي بسرعة )) ............ رتاج ردت : (( يمكن ما راح أجي إلا بعد ساعة )) العنود ((كيفك أنتي الخسرانه ))))))))))))))) رتاج :ياللللللللللله ما يفهمون ما يفهمون اللحين أنا وش أسوي؟؟؟؟؟؟؟؟؟؟؟؟؟؟؟؟؟ عند طلال قام من مكانه وطلع من البيت ........وهي خاربه خاربه ... شغل سيارته اللي شراها قبل خمس أيام مستعملة خاصة لهالمهمه نوعها جمس ....... ما كان مالي عينه إلا الحقد والغضب ......... بنت تطلع منها بكل سهولة وأخوه يمسكونه ...... تخلف ؟؟؟؟!!!!!!!!! مشى رايح لبيت رتاج ....... ................ رتاج طلعت تنتظر في الصالة ............. يمكن أحد السواويق يجون وتروح وترتاح ....... وأنتظرت وحصه ما كانت تطالعها لأنها مندمجة في المسلسل اللي تتابعه ...... مرت نص ساعة وكل خمس دقايق تدق رتاج على ربى وتقول أنهم ما خلصو .. دخل سلطان البيت وعلى طول راح الدرج ........ طلعت رتاج برى وشافت أن خان جاي مع سلطان .......... راحت نادت عليه ودخل السيارة ... وهي ركبت ورا ودقت على طلال والغريب أنه رد ........ رتاج : الو طلال أنا جايه لكم اللحين طلال بصوت هادي : مبروك .....وبأي سيارة !!!! رتاج باستغراب : مع السواق ...... طلال : طيب ممكن نتقابل في الفيصلية وتسلمين المبلغ ...؟؟؟ رتاج :اوكي أي مكان تبيه باجيك ابتسم طلال بسخرية : طيب سيارة السواق وشي ؟؟؟؟؟؟ رتاج : لاند كلوزر أسود طلال : ومظلل؟؟ رتاج أستغربت : ايه مظلل كله ... طلال : اوكي أنتظرك لا تطولين ....بيباي يا رتتتتااااج وسكر في وجهها ......... رتاج : روح الفيصلية ........ وتوه خان بيمشي إلا سلطان يزعق على خان ........ سلطان : لحــــــــــــــــــــــــظة وقف خان ونزل ... سلطان يقرب له : من قالك تاخذ السيارة ؟؟؟؟؟؟؟؟؟؟؟؟؟ خان :مدام في قول ؟؟؟؟؟؟؟؟؟؟؟ رتاج ودها تصفقة : نعم سلطان ؟؟؟؟؟؟؟؟؟ سلطان : انزلي وراي مشوار رتاج انصدمت : ليه ما جات سيارتك سلطان : لا في الورشة عندها فاهم وخان رجع بتكسي رتاج : بس مشوار ويرجع لك ........ سلطان : انزلي وراي مشاوير ماني فاضي لك بســـــــــــــــــرعه ............... نزلت رتاج بقهر وسلطان مشى السيارة بسرعه و أستعجال .......... رتاج تدخل البيت معصبه :أنتي زوجك وش عنده مع المشـــــــــــــــــــــــــــاوير ؟؟؟؟؟؟؟؟؟؟ حصه : حبيبي مشغول وش اسوي له ؟؟؟؟ رتاج : افففففففففففففففف الله ياخذك أنتي وياه ......... وسمعوووووووووو صووووووووووووووووت صوت صوت اصتداااااااااااااااااااااااااااااااااااااااااااااا اام قووووووووووووووووووي ومن بعدها صوووووت سيارة فحطت بقوة وراحت............ حصه قامت مرتاعه من مكانه وحطت يدها على صدرها : بسم الله .....وش هذا رتاج اللي خافت مثل حصه ....... لكن ركضت برى وتبعتها حصه تمشي بشويش عشانها حامل ما تقوى تركض ......... رتاج ركضت للبوابه لم شافت خان واقف ومبلم ........ وصلت للشارع لكن صرخت من هول ما شافت .........: ســــــــــــــــــــــــــــــلطـــــــــــــــــ ــــــــــــان وقربت من السيارة المعدومه وهي ترجف : سلطان انت حي انت حي .........؟؟؟؟؟؟؟؟؟؟ سلطان لم طلع من البوابة ولف يمين بيمشي ما حس بعمره إلا بسيارة جمس تصدمه بقوة وتدف السيارة وتتهشم في عامود الانارة اللي في الشارع والجمس رااااح سلطان أغمي عليه............... الضربه كانت على الباب الثاني من جهة اليسار ........ وأنعدم الجزء الأيمن لأنه تهشم بفعل العامود ....... رتاج تحاول تقرب من باب سلطان تفتحه لكن ما قدرت صرخت على خان يجي يساعدها وهو من الخوف جى بسرعة وحاولو يفكون الباب لأنقاذ سلطان من الموت ...................... ورتاج تردد هالكلمتين ((سلطان لا تموت ...تكفى سلطان قول انك حي )) وقفت جمبهم سيارة ونزل منها رجال تارك سيارته مفتوحة وركض لهم وكان مشعل راجع من دوامه ............. مشعل كان مصدوم من اللي شافه .. حادث بسيارة أهله ما كان يدري من اللي داخلها ...... مشعل : من اللللللللي جووووووووووواااااا رتاج اللي كانت منهارة وتحاول تسوي أي شي ردت على مشعل المفجوع بشفايف ترجف : بس سلطان اتسعت عيون مشعل وراح يحاول يفك الباب ما قدر وقفت سيارة ثانية في الشارع وكان فيها واحد شاف الحادث اللي عند بوابة القصر ..... دق على طول على الأسعاف والشرطة ..... ونزل يساعدهم .......... مشعل صرخ على رتاج تدخل جوا وراحت لكن وقفت بعيد عنهم وتشوف الرجال مع مشعل وخان يحاولون فك الباب .....ونجحو وفكوه ......... مشعل على طول حط اصبعه على مكان النبض في رقبته ولقاه حي: مشعل أبتسم رغم خوفه : أبشرك حي بس ما يبي يحركة يخاف أن ظهره أو رقبته مكسورة لو كان معه عدة الأسعافات كان أسعفه لكن ما معه شوي وجو الأسعاف والشرطة ........بسبب قرب مراكزهم من الحي الموجودين فيه .............. وراح الأسعاف ينجد سلطان .......... رتاج دخلت ومرت من جمب حصه اللي واقفه تطالع الناس كيف يسعفون زوجها .... رتاج فسخت عبايتها وطرحتها ورمتها على حصه الكاشفة ....... وحصه خذتهم ولبستهم ورجعت تطالع ......... ((( سمعت صرخت رتاج تقول اسم سلطان .......... لم توجهة للبوابة وشفت اللي شفته وكيف السيارة داخلة في العامود أيقنت أن سلطان خلاص راح ............. ما كنت قادره أتحرك من مكاني لأن رجولي وقفت ......... والصدمة للحين ما ترجمها عقلي ............ أشوف رتاج تحاول بكل قوتها مع خان يفكون الباب وترجيات رتاج بأنه ما يموت .................... ما قدرت أسوي أي حاجة ......... جى مشعل وحاول يفتح الباب ما قدر ..... تأكدت هنا أنه مات ......... ورحل من هالدنيا ....... وزاد أملي أنه حي لم وقف الرجال في الشارع ونزل بسرعة يفزع مع مشعل وفتحو الباب ..... وفتحو باب أمل جديد في قلبي........ لم شفت مشعل يلتفت على الرجال ويبتسم ويقول : ابشرك حي ........... جت الشرطة والأسعاف ............ طلعوه مثل الجثة من السيارة ........... حطوة في السرير وجلسو يركبون فيه أشياء ما شفتها إلا بالأفلام .......... ما حسيت إلا بشي أسود ينرمي علي ...... اخذته من الهوا وكانت عبايه ,,,,, وطالعت نفسي وتذكرت اني بدون عبايه ... لبستها ,,,,,,,,وقدرت أقرب وأخترق صفوف الرجال اللي كانو متواجدين من الشرطة والأسعاف ....... ولم شفت سلطان قدامي ما حسيت بالدنيا ...........))) وبدل ما ينقلون سلطان لوحده صارت معه حصه .............. ........................................ ربى :اووف وش هالعالم والدنيا شوق : بسم الله وش صاير ؟؟؟؟؟؟ ربى : والله مدري ......... مر من جمبهم سيارتين أسعاف ووراها سيارة شرطة ...... ووراهم سيارة مشعل .................. شوق تنط : مشعل وراهم مشعل وراهم ربى خافت:بسم الله وش صاير ياربببببببببببي وصلو للبوابة بيتهم بصعوبة لكن انكتمت أنفاسهم لم شافوا سيارة سواقهم خان داخلة في عامود الأنارة ...... وما يدرون من فيها .............. دخل ساجد من البوابة ووصل العمتين لعند الباب ونزل يستفسر من خان ونزلو معه البنات ........ وخان ما صدق أن يلقى أحد يقوله وش صار ويخفف من صدمة أللي شافه جلس يهذر على راس ساجد اللي تاثر على سلطان ((المسكين ))... ربى وشوق طول ما يسمعون خان يتكلم كانو فاتحين فمهم مو مصدقين اللي حصل واللي صار ............... ربى وشوق ركضو لبيت أخوهم مشاري ......... وما لقوه موجود لكن لقو ساره مع عيالها .... وعرفت سارة بالخبر ودقت على مشاري حتى يدق على مشعل ويعرفون اسم المستشفى ............................. وساره دقت على صيته تقول لها ودقت على أم مشاري تستعجلها بالرجوع من السوق بس ما علمتها وش صار على ولدها .......... حتى ساره سمعت صوت الحادث بس ما تجرأت وطلعت ......... نزلت دموع سارة لم شافت شوق تصيح وربى دموعها تنزل وما تطلع صوت ....................... .................................................. رتاج في غرفتها متكورة على نفسها فوق سريرها وتهتز من الصياح والرعب والوجع والصدمة ...................... ((معقولة أكون سبب في الحادث .......... معقولة يكون طلال أنتقم بهالطريقة ........ معقولة يظن أني في السيارة ووصار سلطان ......... لأني قلت له عن نوع السيارة ...............؟؟؟؟ معقولة يكون طلال سواها ... ولا سلطان صدم في العامود من دون أي أحد ثاني له سبب ...... ياربي سامحني يا ربي سامحني )))))) .................................................. ...... ما أقسى اللحظات عندما نتحمل نتائج أخطاء غيرنا .......... و نبكي ولا يبكون .............. ونتألم ولا يتألمون ........................... كم هؤلاء الأشخاص حقيرون ؟؟؟؟؟؟؟؟؟؟؟؟؟؟ ......................... زحمة متواجدة عند غرفة العمليات اللي دخل فيها سلطان من ساعة ونص.............. عشان يطلعون حديدة داخلة في رجله ........ كانت أم مشاري جالسة على الكرسي طويل وجمبها مشاري المتلثم بالشماغ وعيون حمر من الصدمة ....وجمبه مشعل ............ وقدامهم كانت ربى واقفه وجمبها رتاج المتغطية لأول مره ما تبيهم يشوفون أثار التوتر في وجهها ............ شوق وساره كانو جالسين في غرفة حصه اللي من أغمى عليها للحين ما قامت .......... ساره جالسه على الكرسي وحاطة يدها على خدها بهم... شوق اللي دموعها للحين تنزل :ما نزل الجنين ساره : الحمد لله ما صار شي مع أنه طيحتها يقول مشعل قوية.................. شوق تطالع حصه : الله ستر .......... ساره :للحين ما عرفو من اللي صدم سلطان شوق عصبت: للحين وفاهم هاللي ما يفهم قبل ما يروح مع خان يصلحون سيارة سلطان سكر الكميرا اللي عند البوابة واللي تسجل كل شي لكن وش أقول غلطان من سماه هالأسم ............. ساره : مسكين بعدين وش عرفه أنه بيصير هالمصير تأففت شوق في نفسها وعلى الحال اللي صار لهم ......... ساره تمسك جوالها وتدق على صيته عشان تتطمن على صقر والعيال الي حطتهم عندها قبل ما تجي للمستشفى لأن صيته ما تحب المستشفيات ........... لم تطمنت انهم بخير سكرت الجوال وانتبهت لحصه اللي فتحت عيونها وتطالع اللي حولها مستغربه من المكان ..... شوق تقرب للسرير حصه :حصه حصه تسمع بس للحين ما تشوف زين ........ ساره : اصبري عليها للحين ما أستوعبت وش صار لها ....... شوق سكتت وهي تطالع حصه بحزن على حالها ,,,,,,,,, حصه :وينه ؟؟ وين ودوه ؟؟؟؟؟؟ ساره : حصه انا ساره وهذي شوق حنا في المستشفى وتطمني سلطان بخير ...... شوق : حمد لله على سلامتك ...... حصه أستوعبت شالدنيا وحاولت تعدل نفسها في السرير وساعته ساره وجلسوها ................... حصه : وش صار له ؟؟؟؟؟؟؟؟؟؟ووينه هو فيه ....... ساره : شوق روحي شوفي وش صار لهم ........ طلعت شوق من الغرفة وخذت راحتها ساره لانها ما تحب تتكلم وشوق موجودة..... ساره : حصه حبيبتي اللحين بأقول لهم يجيبون لك شي تاكلينه وتصحصحين شوي زين حصه :لحظة وش صار عليه ...... هو حي ولا ميت ؟؟؟؟؟؟؟؟؟؟ ساره : لا تفاولين بسم الله عليه ما فيه إلا العافية بس هو اللحين في غرفة العمليات يشيلون حديدة داخلة في رجلة حصه أوجعها قلبها على سلطان ولمعت عيونها بدمعه:أبي أشوفه ......... ساره :أول ما يطلع من غرفة العمليات راح أخليك تشوفينه بس اللحين لازم تاكلين عشان ما تقعدين الليلة في المستشفى ....... حصه : ليه كم الساعة .......؟؟؟؟؟؟؟ ساره : اللحين الساعة 8 ونص العشا .......... حصه بصوت مبحوح : ثمان ونص ....... وسكتت شوي :مر الوقت وما حسيت ساره : لانه اغمي عليك وما صحيتي الا اللحين عن أذنك باروح أقول للنيرس تجيب لك أكل ....... وقامت ساره ومشت للباب بتفتحه ..... حصه : ساره تطمني على سلطان هزت ساره راسها بالموافقة وطلعت وقالت للنيرس تجيب أكل لحصه ومن ثم راحت تشوف وش صار على سلطان ساره شافت الكل كان واقف ويتناقشون على امر تجهلة توجهت لهم ...... ساره : وش صاير طلع من العمليات؟؟؟؟؟؟ مشاري :دخلوه للعناية المركزة واللحين ماله داعي نجلس ساره : ليه وش فيه وش صار له ؟؟؟؟؟؟؟؟؟ مشعل : اللحين هو في غيبوبة أحتمال خلال 48 ساعة راح يصحى منها وينقلونه لللغرف العادية .......... مشاري : طلبت نقل لم يطلع من الغيبوبة لمستشفى المملكة أم مشاري : زين ما سويت يله نرجع ماله داعي نجلس ......... مشاري : مشعل رجعهم البيت وانا بأجلس هنا هز مشعل راسه : يله شوق ربى رتاج يله يمه .,,,,,,,,,,, شوق :حصه صحت باقعد عندها أم مشاري :وانتي وش عليك منها عندها الدكاترة والممرضات مشاري : يله شوق ارجعي معه ساره بتجلس عندها ساره : خلاص شوق أنا بأجلس عندها وان شاء الله نرجع الليلة مشاهم مشعل وطلعو من المستشفى راجعين للبيت ........ طبعا خطبة رتاج تأجلت وجواهر ما تدري عن الحاصل بيبلغونها بكرة الصباح ...... وأبو مشاري في المزرعة ومقفل جواله وما يدري عن اللي صار ........ ساره : مشاري وش قال الدكتور ؟؟؟؟؟؟؟؟ مشاري : أنا بأروح له اللحين وبأقول لك وحصه قولي لها أنه العملية للحين ......هي كلت شي ؟؟؟؟؟؟ ساره : قلت للنيرس تجيب لها أكل بأروح لها اللحين وبأشوف ........ مشاري : طيب انتي أقعدي عندها وانا بتفاهم مع الدكتور راحت ساره لغرفة حصه ودخلت : ولقت الأكل محطوط قدامها لكن ما كلت منه شي ساره تجلس جمبها : يله حصه كلي حصه :وش صار عليه ؟؟؟؟؟؟؟؟؟ ليه طولتي ؟؟؟؟؟؟؟؟؟؟؟؟؟ ساره : هو لسه في العملية أنتي كلي اللحين وقومي صلي وأدعي له .......... مدت ساره يدها لكاس العصير وشربته لحصه ........ ثم جلست حصه تاكل بهدوء ........ مع انها ما تشتهي بس في بطنها شخص أخر محتاج لغذا ......... لم كلت حصه وخلصت قامت من سريرها وتوجهت للحمام ......... ساره فرشت سجادة لحصه طلعت تنادي النيرس تشيل الاكل الباقي ............واستغلت الفرصة وراحت تشوف مشاري وش صار له مع الدكتور ........لقته جالس على الكرسي ومنزل راسه وماسكه بيدينه ..... ساره قربت منه وحطت يدها على كتفه : وش صار؟؟؟؟؟؟؟؟ رفع مشاري راسه : مصيبه ....... ساره : بسم الله وش مصيبته لا تفاول مشاري :يقول احتمال يفقد بصرة ............. ساره فتحت فمها من الصدمة ,,,,,,,, مشاري :والله ما أصدق هالخبر يا ساره اخوي سلطان صار اعمى .....ومشلول .......... رجع يمسك راسه ......... ساره :مشلووول؟؟؟؟؟؟؟؟؟؟؟؟؟؟ رجع مشاري يرفع راسه : يقول الدكتور ان أعصاب اللي في رجوله أنعدمت .......... وصار عنده شلل نصفي يعني ما يقدر يمشي ........... ونزل راسه وبدت الدموع تنزل من عيونه .......... وساره جلست جمبه ............ شلل وفقد بصر مرة وحدة ........................ غطت وجهها بيدينها وبدت تصيح ................ ما كان سلطان إلا أخو زوجها ............. لكن كان متواجد قدامها كثير ........... يمشي يتكلم يعصب ........... وفجأة كل شي يروح ............. نظراته اللي مثل الصقر أختفت ......... سبحان الله سبحان الله ..... ........................................ حصه طوت سجادتها ....................... ورجعت تنسدح على السرير بتعب تحس انها بذلت مجهود كبير اليوم ................ أنتظرت سارة ترجع تطمنها لكنها طولت ........ وجلست تنتظرها ............\ بعد نص ساعة جتها ساره ووجهها أحمر من الصياح ......... ولم شافت حصه اللي تنتظر منها جواب رجعت تصيح وتحضن حصه وحصه ما تدري وش السالفة : حصه لا يكون صار شي لسلطان:سلطان طلع من العملية ؟؟؟؟؟؟؟ ساره ابتعدت عنها ومسحت دموعها :الحمد لله طلع حصه ابتسمت :ونجحت ؟؟؟؟؟؟؟؟ ساره : نجحت بس ....وسكتت ما تدري وش تقول ؟؟؟؟؟؟ حصه : سلطان فيه شي قولي لا تخليي على أعصابي ولا أنا بأروح وتحركت بتقوم تروح تشوفه لكن مسكتها ساره ....... ساره : مو اللحين بتشوفينه ؟؟؟؟؟؟؟؟ حصه : وليه ؟؟؟؟؟؟ ساره :هو حاليا في العناية المركزة بس لا اطمنك بيقوم بعد يومين............. حصه بأمل :وبيقوم وبيصير زي أول ؟؟؟؟؟؟؟؟؟؟ ساره تنهدت : والله يا حصه ما أبي أخبي عليك وانتي زوجته أسمعي هو اللحين في العناية المركزة واغلب الحوادث الشنيعة اللي مثل هذي ما يطلعون منها صاحين والقدر ما منه أعتراض ....... حصه تحجرت عيونها بالدموع : ساره تكلمي وش صاير له ؟؟؟؟؟؟ سارة :ما ودي أنا أقول لك الخبر لكن مضطرة أقولك.... هو هو ......سكتت شوي وخذت نفس ........ هو ما راح يقدر يتحرك ............... حصه : يعني كيف ما يقدر يتحرك ؟؟؟؟؟؟؟ ساره : أصيب بشلل نصفي حصه شهقت وحطت يدها على فمها وابتدت الدموع تنهمر على خدودها ....... ساره اللي بتقول الخبر الثاني وتطلع ما تحب تشوف الصدمة على حصه ... ساره :وووللأسف فقد بصره أنا طالعه ..............وطلعت من الغرفة ......... حصه تمت بين شهقاتها وصياحها ............. أخر شي توقعته يصير لسلطان هالمصير ................. أعمى وشلل ............................. أهم شي في الأنسان عيونه ورجولة ............. يعني خلاص ما راح سلطان يشوفها ...................... صدمة قوية جدا ......... .................................................. .......... اليوم التالي : أبو مشاري تواجد من الصباح في المستشفى ومعه جواهر وزوجها ....... ومشاري ومشعل كانو موجودين .... أما الباقين بيجون العصر يشوفونه ..... وساره متواجدة مع حصه ...... أبو مشاري : كلمت الدكتور يقدر ينقلة للمستشفى ثاني مشاري : بكرة أن شاء الله لا صحى نقلناه مشعل : بأروح للدكتور يسمح لنا ندخل عليه ومشى رايح عنهم ................. أبو مشاري : وعرفت حرمته ؟؟؟؟؟؟؟؟ مشاري: حصه ؟؟؟؟؟؟؟؟ أبو مشاري :لا قمر مشاري : ما أدري عنها وشكلها لاعرفت باللي صار له بتطلق منه أبو مشاري : لا حول ولا قوة إلا بالله ............ مشعل طلع من عند الدكتور : يقول واحد يدخل عليه بس ..... جواهر اللي تصيح : انا بادخل عليه ......... مشاري : لا خلو حصه اللي تدخل أمس فالليل تصايح على الدكاترة تبيهم يدخلونها وهم مانعينها............ جواهر سكتت وما قالت شي .............. مشعل :اجل رح قل لمرتك عشان تجهز حصه يدخلونها ..... راح مشاري لغرفة حصه ودق الباب وعرفت ساره أنه مشاري لانه ما يدخل إلا هو .... قامت وفتحت الباب / هلا مشاري : حصه قايمة ساره : توها غافية ليه صاير شي ؟؟؟؟؟؟؟؟؟ مشاري :سمحوا لأحد يدخل عنده قوميها ...... ساره ابتسمت : زين ريحتني بأروح أقومها ......... جلس مشاري عند الباب ...وساره دخلت : ساره : حصه حصه حصه قامت بسرعه ومروعه : صــار شي ؟؟؟؟؟؟؟؟ ساره : بسم الله عليك ما صار شي بس قومي بتشوفين سلطان حصه :سمحو لـــي أدخل ؟؟؟؟؟؟؟ ساره : ايه بتدخلين يله ألبسي عبايتك .... حصه نزلت من السرير وراحت للحمام غسلت وجهها وراحت تلبس عبايتها على طول...... طلعت من ساره ومشاري لم وصلو للعناية المركزة .......... الكل كان يطالعها : دخلت حصه مع النيرس اللي حذرتها ما تصدر صوت وما تطول وطلعت : ((من عقب الحادث ما شفته ......................... سبحان الله يغير الله من حال الا حال ............ معقولة اللي أشوفه سلطان ............ الجروح ماليه وجه .......... ورجله ملفلوفة بشاش من عقب العملية ,,,,,,, صوت جهاز القلب يطلع منه صوت مزعج ..... وحوله أسلاك كثيرة ................ معقولة هذا سلطان اللي في لندن انكبت عليه موية وحسيت أنه كره الدنيا كيف لو يقوم من حالته وما يشوف ............ يا عمري عليك يا سلطان ...............)) حطت يدها على فمها تكتم الشهقات اللي تطلع منها ........ ما تبي تقرب لمه أكثر ......يكفي اللي تشوفة وهي بعيدة ....... لكن تحدت نفسها وقربت وشافت وجهه عن قريب ..... حبته على جبينه وبعدت بسرعه ........................ وطلعت من الغرفة ..... ساره كانت واقفة تنتظر حصه اللي أكيد راح تنهار لم تشوف رجلها طايح على السرير الأبيض وحالته ما تسر لا عدو ولا صديق ................... ماحست بعمرها ألا بحصه قدامها وتصيح ......... لمتها تهديها ثم مشوا راجعين لغرفتها ........... مشعل كان منزل راسه ما يحب هالمواقف رغم أنه دكتور ......... أبو مشاري :طيب انا بأروح ويا مشاري رح قل لمرتك تجيب ملابس لحرمة سلطان ويا مشعل دق على اهل قمر وبلغهم عشان نعرف يبون الطلاق ولا لا ؟؟؟؟؟؟؟؟؟؟؟ يله السلام عليكم ........وراح ................ مشاري : بتدق عليهم ؟؟؟؟؟؟؟ مشعل :أمري لله لازم يعرفون ....... جواهر : خلاص مشعل انا بادق عليهم .......... مشاري :أنتي روحي البيت مع رائد وجيبي ملابس لحصة عشان ساره تجلس عندها ......... جواهر :أن طلعت بأرجع العصر ........ مشاري : ما عليه أرجعي العصر بس تجيبين لها الملابس جواهر تروح لرائد اللي واقف بعيد شوي : رائد رائد : لبيه جواهر : توديني لأهلي بأجيب ملابس لحصة وبأرجع البيت بأنوم شوي راسي مصدع من الصياح رائد : يله مشينا .......... وطلعت جواهر مع رائد من المستشفى ....... .............................................. دخلت شوق على ربى اللي أول مره تدخل عليها هالوقت وتلقاها مو جالسة على النت ...... شوق بصوت مخنوق :ربى ؟ ربى منسدحة على السرير وصاكة فيها الدنيا : نعم شوق :قومي بنروح المستشفى مع جواهر ربى تعدل في جلستها: ليش جواهر ؟؟؟؟؟؟؟ شوق :أمي ما تقدر تروح وبنروح مع جواهر لانها جالسه تاخذ ملابس لحصه .......... ربى : ليه حصه بتطول في المستشفى ؟؟؟؟؟؟؟؟؟ شوق : شكلها انا لو مكانها وزوجي صار له كذا لاموت ربى :طيب أطلعي بالبس وأنزل لكم ....... شوق : لا تطولين طلعت شوق وربى قامت تلبس وطلعت ومرت على قسم سلطان وحصه وتمنت تشوف سلطان طالع هالوقت بثوبة وشماغ ومتسبح بالعطر وبيروح لشغله .......... نزلت من المصعد ما فيها حيل تنزل مع الدرج .... وصلت تحت لقت جواهر وأمها وشوق ساكتين ويطالعون بعض ....... ثم قامت جواهر وشوق وطلعو من البوابة ووراهم ربى وركبو مع رائد اللي نزلهم في المستشفى وراح .......... ...................................... ساره :حصه تكفين كلي شي من الصبح ما كلتي شي مو زين انتي حامل .......... حصه ساكته مالها خلق تاكل شي و مو طايقة حتى نفسها ....... طق طق طق ..... ساره :أدخـــــــــــــــــل دخلت ربى ووراها شوق وتقدمو للسرير حصه : ربى تسلم عليها : الحمد لله على السلامة حصه بصوت واطي وهادي : الله يسلمك بعدت ربى عشان شوق تسلم وجلسو على الكنبه المتواجدة ... ساره : رتاج ما قالت بتجي ؟؟؟؟؟؟؟؟؟ ربى :من أمس ما شفتها حتى ما تغدت حصه وهي منزلة عيونها : مسكينة واللي شافته شويه ......... طالعو البنات بعضهم وسكتو .............. بعد دقايق .......... ساره : حصه ما راح تاكلين هزت راسها حصه بالنفي ....... ومن بعدها هزت راسها ساره بأسى على حال حصه ....... ................................... مشعل ومشاري وجواهر جالسين جمب بعض على كرسي واحد مشاري يطالع ساعته اللي وصلت لحدود 5 ونص العصر ....... مشاري :انت بس بلغتهم ما قالو لك شي ما أشوف احد جى منهم يتطمن على سلطان .......... مشعل : والله كيفك متى ما بغو يجون حنا مناب ملاحقين أحد جواهر :أنت مبلغهم من 4 ساعات ولو فيهم خير شفنا أحد منهم ..صدق نسايب زفت .... مشاري : وش هالكلام يمكن عندهم ظروف مشعل :شكلهم ما يبون سلطان ........ مشاري : أصلا سلطان لم يقوم ويطلع أن شاء الله بالسلامة ما راح يعلق قمر معه وحالته كذا ......... مشعل : صدقت ......وقام من مكانه :بأروح اللحين وبكرة الصباح بأجي ....... مشاري :بسلامتك ........جواهر روحي معه ماله داعي تجلسين هنا وولدك عند الشغالات جواهر : حتى عيالك عند الشغالات... مشاري :ساره من أمس وهي هنا ما أشوفك قلتي بأجلس بدالها عند حصه وأخليها ترتاح شوي .................... جواهر لامت نفسها واستحت :حصه ما تستغيني مره مشاري :أنتي اللي ما قد جلستي معها ....... مشعل اللي مل من حوارهم : بتمشين معي ؟؟؟؟؟؟؟؟؟؟؟؟؟ جواهر : خلاص باروح معك ... مشى مشعل ومشت جواهر وراه .............. رجع مشاري راسه على الكرسي وغمض عيونه بتعب من أمس ما نام إلا 4 ساعات بس .......................... .................................. ساره تسكر جوالها من صيته اللي دقت تقول لها أن ولدها ازعجها من الصياح .... مع انه في غرفة الشغالة ....... ساره :ربى أنا بأروح البيت وبأجي بعد المغرب صقر مزعج صيته هناك ............ شوق :من بيوديك ؟؟؟؟؟؟؟ ساره :السواق تحت بتجين معي ؟؟؟؟؟؟؟؟؟؟؟؟ شوق : لا بأجلس هنا ....... ربى : روحي وش يجلسك هنا أنا خلاص بأجلس عند حصه .... شوق :أنتي تجلسين وأنا لا ؟؟؟؟؟؟؟؟ ربى :افففففف بدينا الطقاق خلاص أنا بأجلس روحي ساره : خلاص شواقه تعالي وبكرة من الصباح بأجيبك معي ..... شوق تقوم من مكانها وتطلع مع ساره ............. ربى تلف على حصه : حصه تقدرين ترجعين البيت ؟؟؟؟؟ حصه اللي تطالع السقف : متضايقة أرجعي معهم ....... ربى تقرب لها : مو قصدي كذا بس جلسة المستشفى تجيب الهم وأنتي مو ناقصة ............ حصه :أبي أكون مع سلطان .......... ربى : ترى المستشفى مو اهلي وبالعافية ترى لقينا لك الغرفة ترى غيرك محتاج لها وأنتي بصحتك ارجعي البيت وبكرة من الصباح نجي المستشفى وأظن بكرة بيصحى سلطان على كلام الدكاترة وراح ننقله لمستشفى المملكة وراح تكونين مرافقة معه اذا بغيتي ..... حصه : بس أنا تعبانه ............ ربى :أنتي مو تعبانه جسديا أنتي نفسيا والمستشفى بيزيدك هم على همك نرجع الليلة للبيت وبكرة نجي هنا .......... حصه تنهدت بتعب : على راحتك ربى : لا ما أبي أغصبك القصد من أني أبي أطلعك أنك ترتاحين من المستشفى شوي وغيرك محتاج الغرفة وحالته أردى منك .... وأنتي مؤمنه بالقدر واللي صار لسلطان من الله ........ وبعدين هو لم يصحى يبي أحد يساندة ولازم تكونين قوية ......... حصه جلست تفكر بكلام ربى اللي طبعا صحيح لفت عليها : خلاص قولي لمشاري يطلعني من هنا ربى تقوم : أبيك كذا قوية يله بأروح أقول لمشاري وطلعت من الغرفة ........... وعلى طول رجعت حصه تصيح من حال دنياها .................... ...................... منيرة :أدق عليها ما ترد لطيفة : أكيد سلطان قايل لها لا تردين منيرة : أصلا سلطان تغير من يوم رجع من لندن لطيفة : يمكن متعاطف معنا لم دخل يوم الحرامية ولا مو من طبعه منيرة : حرام عليك ولا تتكلمين عنه كذا لو حصه فيه ما قلتي هالكلام ........... لطيفة :ما عليك المهم ترى اليوم مدري خايفة أبي أنوم معك منيرة :نعم وين بتنومين أن شاء الله ؟؟؟؟؟؟؟؟؟ لطيفة : على الأرض لا تخافين بس أنا صرت أخاف من عقب ذاك اليوم منيرة : خلاص بترقدين عندي بس موب تتعودين ......... لطيفة :افف لين نجيب شغالة وسواق ساعتها بأنوم في غرفتي منيرة : طالعي طالعي المسلسل وخليني أروح أشوف وش ناكل على العشى ....... ......................................... قمر ميته من الصياح على حظها الردي : يمه تكفين بأشوفه ثم أقرر أن كنت أبي الطلاق ولالا ؟؟؟؟؟؟؟؟؟؟؟ أم قمر : يا يمه وشوله تشوفينه مو لازم بعدين هو في غيبوبه لا صحى روحي شوفية قمر : يمه أبي أشوفة تكففففففففففين يمه والله حرام عليكم ............. أم قمر : وش تبين فيه أعمى ومشلول كملت ...... أستغفر الله الله لا يبلانا .............أدعي أنه الله يفرج عليهم بس وما عليك بنطلقك منه لا تخافين .................. قمر مسحت دموعها : ما راح أتطلق إلا لم أشوفه أم قمر عصبت :أسكتي ازعجتيني من الصبح وأنتي تبين تشوفينه لاجى باكر ولا عقبه ........اففففففف بزر......... ............................ صيته تجلس على الكنبة في صالة بيتهم :اففففف فكة مشعل : فكة من أيش؟ ؟؟؟؟؟؟؟؟ صيته : من ولد أخوك يا انه أزعجني وأشغل الشغالة مشعل :خذته ساره خلاص ؟؟؟؟؟؟؟؟؟ صيته : أيه خذته مشعل : غريبه ما راح ترجع للمستشفى ؟؟؟؟؟؟؟؟؟؟ صيته : وليش ترجع هناك ؟؟؟؟ مشعل : بتجلس عند حصه صيته : افف لا حصه هذي تقول بتطلع الليله ......... مشعل : غريبه ....وأنتي ليش ما تزورينها ؟؟؟؟ صيته :انا صيته أروح لحصه هذي نو نو برستيجي ما يسمح لي مشعل : وش فيك زود عنها ؟؟؟؟؟؟؟؟؟؟؟؟؟ صيته :وش هالسؤال البايخ بعدين أمك ما زارتها أروح أنا ليه ؟؟؟؟؟؟ مشعل :أمي أول يوم كانت في المستشفى وشافت حصه ............ صيته : وش أسوي لها بعدين هذي حصه أكرهها وأتمنى أمحيها من الدنيا تبيني أروح أزورها هزلت والله مشعل : اللحين الكلام ما ينفع بتطلع الليلة وأنتي دقي على بنت خالتك شوفي متى بتزور سلطان عشان ....... قاطعته صيته :أصلا قمر دقت تقول أن أهلها يبون يطلقونها من سلطان يحق لهم أحد ياخذ واحد معاق مشعل عصب : صــــــيته اللي تتكلمين عنه هذا أخوي وأي كلـــــــــــمة ثانية بتلحقين بنت خالتك فاهمه ولا أفهـــــــــــــــــــــــــــــــــــمك ؟؟؟؟؟؟؟؟؟؟؟؟؟؟؟؟؟ صيته : يعني بتطلقني ؟؟؟؟؟؟؟؟؟؟؟؟؟؟ مشعل : أن طلعتيني من طوري مره ثانيه لا أوريك شغلك طالت وشمخت أشوف ............................ صيته ببرود : أسألك بتطلقني ولا لا ؟؟؟؟؟؟؟؟ مشعل : أنا لو أبي أطلقك طلقتك من زمان وأفتكيت من غثاك لكن وش أسوي أم العيال ......... حط شماغة على كتفة وخذ جواله ومفاتيحة وطلع من البيت ...... وصيته رجعت تطالع التلفزيون من دون أية اهتمام على اللي قاله مشعل .............. ................................ جالسة تفتش بين دروجها وقالبه الغرفة فوق تحت .................. تدور عن باكيت الدخان اللي شرته اليوم .............. محتاجته وراسها مصدع من أمس ما دخنت ............. طاحت عينها على شي ما توقعته :هذا وش جابه هنا مسكت الكيس الصغير ومليانه بودرة بيضا :افففففف شكلة من يوم ما سرقت من راشد ............. رمته في الزبالة عشان ما تضعف وتستعملة وهي ما عندها شخص يمول لها ويجيب لها الحبوب راشد ومسكوه ......... ما كان تفكيرها بألوان العذاب اللي مرت فيها .......... لقت باكيت الدخان وخذته بسرعه وكأنها شخص ضايع في صحراء قاحلة ولقى موية .............. قفلت الباب وفتحت الشبابيك .......... وولعت لها زقارة وجلست تدخن ................. وتفكيرها كله في من اللي صدم سلطان .......... دقت على طلال ما يرد وشكت فيه ودقت على العنود وما ردت عليها لكن أرسلت : (( مسامحينك على الفلوس خلاص انسي اللي صار .............)) أستغربت ليش من بعد حادث سلطان رفضو الفلوس ......... لو كان طلال ومسكوه راح أكيد يقول للشرطة سبب أعتداء على سلطان ...... واهلها راح يكونو ضدها في كل شي خاصة امها أم المظاهر ........ ماراح تسامحها لو أيش ..ومشاري أكيد راح يذبحها ....... لم خذت كفايتها من الدخان ...... راحت تفرش أسنانها وتاكل علك عشان تروح الريحة من فمها ......... وعطرت الجو واتصلت على الخدامه تجيب لها دخون .......... عشان تروح الريحة من الغرفة زيادة بعد على العطر اللي بتبخه وشموع المعطرة اللي بتشغلها ............... عشان تكون الريحة تماما مختفية...................... ........................................ دخلت حصه غرفتها ::::: طالعت السرير وكان عليه ثوب سلطان وفوقة منطول بشكل عشوائي شماغه راحت وخذتهم وحطتهم في سلة الغسيل في غرفة الملابس ..... وراحت تغير ملابسها ولبسة قميص للحوامل لونه سماوي...... تمددت على السرير بتعب وعلى طول نزلت دموعها بحرقة على خدودها اللي ملت من كثر صياحها ...... مسحت دموعها بظهر كفها وقامت تصلي ركعتين وتدعي أن كلام الأطبة يكون خاطىء ويقوم سلطان معافى ويرجع زي قبل بصحتة وعافيته وتكبرة وجبروته وعيونه اللي لم يعصب تنطلق من شرارات تخوف .... لم خلصت من صلاتها قامت بتروح تشوف رتاج من يوم الحادث ما شافتها أكيد نفسيتها تعبانه لم شافت اخوها في السيارة وتحاول تنقذه ........... أتجهت لغرفة رتاج وطقت الباب لكن محد رد قالت يمكن نايمه راحت لغرفتها وجلست تقرا قرآن تهدي من نفسها............. بعد ربع ساعة قامت تبي تشوف رتاج قلبها معورها عليها ولا كأنها أن هي السبب في كل شي وأن طلال ما كان ناوي ياخذ الفلوس منها لأنه ما يبيها وما تبرد غليلة لكن تعبها في تجميعها وكان يبي يذبحها بأي طريقة وبفلوسها ... يعني هي وفلوسها تروح....... هذيك الساعة راح يبرد قلبه .لكن اللي راح فيها سلطان وأنحرم من أعظم النعم هي الشوف والمشي بسبتها ........ تحمل خطائها أن ما قالت لأحد من أخوانه عن اللي صار لها أو حتى لجواهر وتهديد طلال لها ,,,,,,,,,,, مشت حصه وطقت باب غرفة رتاج لأنها شافت النور من تحت الباب ... فتحت الباب رتاج وانصدمت أن حصه هي اللي تطقة ...... من يوم تزوجها سلطان ما جت تطق باب غرفتها ......... ارتبكت وخافت أنها أنكشفت وسرت رجفة في جسمها وانتهت على أطراف أصابع رجلها ....... حصه ابتسمت أبتسامه صفرا وهي تشوف رتاج كذا خايفة مسكينه للحين مفجوعه من الحادث .... رتاج بصوت مرتبك : نع..م .؟؟؟؟؟؟؟ حصه : ممكن أدخل ..... رتاج تبعد عن الباب بتوتر :تفضلي دخلت حصه وجلس على الكنبه المتواجدة في غرفتها : وش أخبارك ؟؟؟؟؟ رتاج ارتبكت زيادة تسألها عن أخبارها وش ترد عليها خايفة متوترة ولا حزينة :الحمد لله ....... حصه بأرتباك ما تدري تهدي رتاج ولا تهدي نفسها المرعوبة : رتاج حبيبتي أدري أنك للحين تشوفين سلطان وهو في السيارة وتحاولين تنقذينه ترى كل هذا قضاء وقدر مالك ذمب فيه ................. رتاج ما فهمت من خرابيط حصه هي وش تبي بالضبط مني :طيب حصه تذكرت سلطان لم يقولها معناها أسكتي وابتسمت ابتسامه حزينه ولمعت عيونها بدموع رافضة النزول وردت بصوت مخنوق :وتدرين وش صار عليه ؟؟؟؟ رتاج اللي عرفت أنه ما وراها سالفة بس جايه تضيع وقتها ردت بدون اهتمام :أيـــــــــــه ما يشوف و معاق ....... كانت الجملة غريبه ما فيها أي أنواع من الرحمة والشفقة...... انصدمت حصه من تعبير رتاج مفروض تقول ((أيه الله يشفية صار فاقد للبصر وشلل نصفي ......)) لكن طريقتها في الكلام خلت حصه تطلع من الغرفة وهي معصبة كانت تعتقد أن رتاج خايفة لكن شكلها لا تخاف ولافي قلبها رحمة .... وصلت غرفتها هي وسلطان وسكرت الباب بقوة وهي تحس بنغزات في قلبها .اذا اخته قالت هالكلام أجل باقي أناس وش يقولون صحيح اللي قالته مو غلط لكن أخوها مفروض تحسن جملها ......... .................................... في الصباح الساعة 6 ونص الفجر شغالة مشعل تدخل البيت وبيدها رند ........ أم مشاري استغربت : ليش أنتي هنا ؟؟؟؟؟؟؟؟؟؟ الشغالة :مدام صيته في يروح يفطر عند صديقتها أم مشاري عصبت:والعيال وينهم؟؟؟؟؟؟؟؟؟ الشغالة :روح مدرسة رند ما يروح مدرسة .......... أم مشاري : خلاص روحي رقديها فوق.... راحت الشغالة ونزلت ربى وشوق وهم لابسين عباياتهم...... أم مشاري : وين رايحـــــين ؟؟؟؟؟؟؟؟ ربى خافت من سؤال امها : يمه بنروح المستشفى ...... ام مشاري :الساعة 6 ونص وين تروحين معـــــــه ؟؟؟؟؟ شوق : يمه بنروح مع مشاري هو واعدنا بنروح المستشفى معه ...... أم مشاري : روحو لغرفكم ولا جت الساعة 10 روحو هناك ........ ربى وشوق تأففو على أوامر أمهم اللي لو يقولون شي بتعصب عليهم فراحو بكرامتهم ........... توجهت أم مشاري للجوالها ودقت على مشعل :ألـو مشعل : هلا يمه ام مشاري بعصبيه : اللحين أخوك طايح في المستشفى وزوجتك رايحة تفطر مع صديقتها وجايبه بنتك عندنا ما تستحي على وجهها تبي تفشلنا عند خلق الله تبي يقولون ما نعرف الاصول ......... مشعل أنصدم من كلام امها ومن اللي قالته هو طلع من البيت من بعد صلاة الفجر وما رجع وما قالت له صيته انها راح تطلع من البيت وفي هالوقت الحرج وأخوهم طايح في المستشفى :يمه ما قالت لي .............. أم مشاري : وأنت لك أصلا كلمة على مرتك ما تعرف تعلمها السنع مشعل فتح عيونه متفاجأة أمه دوم تمدح صيته وتعتبرها مرت الولد المطيعه لكن شكل كلام الحريم اللي بيطلع على صيته بيفشل أم مشاري مشعل : خلاص يمه انتي هدي بالك وأنا بأرجعها البيت سكرت أم مشاري الجوال في وجهه ولدها ...... ومشعل بسرعه راح يدق على صيته اللي ردت بكل برود ولا كانها سوت شي وهذا اللي قهر مشعل أكثر :نعم ......... مشعل :عمى بعينـــك ما تستحين على وجهك وشلون تطلعين من دون ما تقولين لي يالـ ومسك لسانه على كلمة كان بيقول لها .. صيته : وأنت معصب عشان كذا ؟؟؟؟؟؟؟؟؟؟؟!!!!! مشعل :أنتي اللحين وينك فيه ؟؟؟؟؟؟؟؟ صيته : توني موصلة العيال مدارسهم ليه تبي شي؟؟؟؟؟ مشعل :وين ناوية تروحين أن شاء الله صيته :ابد عازمتني وحدة من صدقاتي على فطور مشعل : وما تدرين أن سلطان للحين في المستشفى وما طلع وما تدرين أنه هالوقت الحرج عيب تطلعين من البيت وتروحين عزايم ........ وخاصة أنك بعد ساكنه عند حمولة تبين الناس يقولون مرته طالعه مع صديقاتها تتمشى وأخوه طايح في المستشفى ما صار له يومين أنتي خبله ما تفهمين هالأمور لا متى باعلمك ؟؟؟؟؟؟؟؟؟؟؟؟ صيته :أللحين وش تبي بالضبط ؟؟؟؟؟؟!! رص مشعل على أسنانه :ارجعي البيت اللحين أحسن لك صيته : وغيرة ؟؟؟؟؟؟؟؟؟؟؟ مشعل :صيــــــــــته صيته : انا اللحين داخلة المطعم وما أقدر أتعذر صاحبتي تشوفوني مشعل : قلت لك ترجعين وان ما رجعتي والله يا صيته لي معك تفاهم ثاني ....... صيته تبي تجارية : خلاص بأرجع يله باي سكر مشعل الجوال في وجهها وعلى باله أنها رجعت البيت ما درى أنها راحت تسولف وتفطر وتضحك مع صديقتها ....................