ولد الترف والدلال - الفصل 16 - بقلم بنت الأكابر - مكتملة | روايتك

المحطة السادسة عشر : لم طلع سلطان من عند مشاري ...... قام مشاري وراح لأمه وأشوى أنه لقاها لحالها وقال لها الموضوع وكانت ردة فعلها:والللللله الله يبشرك بالخير مشاري ابتسم :وياك .........ها أشوفك مستانسه أم مشاري : وبنلقى غير سعد أحن لرتاج ..قولة بس يجي يوم الخميس يتقدم لها رسمي ....................... مشاري : لا خذي رايها قبل ...... أم مشاري : مستحيل ترفض حتى لو رفضت بأقنعها \ سعد من عائلة معروفة ونعرفه ليش ترفضه بعد ........ مشاري : ما أدري تفاهمي معك بنتك أم مشاري : اللحين بأقول لها ..... وقامت من مكانها تاركة مشاري وراها ...................... وصلت ام مشاري لغرفة رتاج ولقتها مفتوحة ودخلت لقتها جالسة تمشط شعرها.. أم مشاري : تعالي لغرفتي أبيك في موضوع رتاج :اوكي دقايق طلعت أم مشاري متجهة لغرفتها وشوي جتها رتاج ودخلت وجلسو ..... أم مشاري :ترى ما أعرف أسوي مقدمات ترى واحد تقدم لك رتاج بغباء : يعني ايش؟؟؟ أم مشاري : سعد أخو ساره مرت مشاري تقدم يخطبك من أخوك مشاري ويبي ياخذ رايك قبل عشان يجي لهنا ويصير كل شي رسمي رتاج : بس أنا ما أبي أتزوج .......... أم مشاري عصبت: أذا ما تزوجتي اللحين متى بتتزوجين ؟؟؟؟؟؟؟؟ وهو كل يوم يجيك واحد مثل الناس ................ رتاج : وليه وش ناقصني ؟؟؟؟؟؟؟؟؟؟ ام شاري : ناقصك التعليم اللحين كل الرجاجيل يبون وحدة جامعيه وأنتي تركتي الدراسة وجالسة في البيت ......... رتاج : بس أنتي كنتي موافقه أني أترك الدراسة ليش اللحين تقولين لي هالكلام أم مشاري : عشان أنبهك أن مو كل يوم واحد جاي يخطبك وسعد مهندس ويشتغل وماشي حالة ويبي يستقر وأختارك أنتي ترفضين ليش؟؟؟؟؟ رتاج :انا ما أقول شي على سعد بس أنا قصدي أني ما أبي أتزوج من الأساس ............ أم مشاري عصبت زيادة:اسمعي بلا خرابيط لك يوم واحد تفكرين فيه ونرد عليه شوفي أختك جواهر مستانسه مع رجلها وترى مثلك جيت وقلت لها رائد جاي يخطبك وقالت بتفكر والصبح جتني تقول انها موافقة وانتي ما تبين تتزوجين تبين تعنسين عندي وابتلش فيك وبكرة يعايروني الحريم بان بنتي محد يبيها ............... رتاج: يا مام أفهميني ليش تبين تزوجيني سعد وأنا حتى ما شفته أم مشاري :نعـــــم واللي موصلنا لزواج أخت ساره ؟؟؟؟؟؟؟؟؟ مو سعد ولا أنتي وش شايفة .؟؟؟؟ رتاج تصرف :مام خلاص خليني أفكر وبكرة بأرد عليك أم مشاري : أن رفضتي ما راح أعاملك مثل قبل وانتي عارفة كل شي رتاج : يعني راح تغصبيني ؟؟؟؟؟؟؟؟؟؟؟؟ أم مشاري : لا ما راح أغصبك أنتي بكيفك لأن راح تخسرين أشياء كثيرة رتاج عصبت ليش الكل صاير يتحكم في حياتها مشت رايحة لغرفتها وتسكر الباب بقوة وتقفلة وتطلع لها زقارة وتدخن مثل كل مرة تتنرفز ............ وتفكر في هالسعد اللي من وين طلع لها ........ .................................................. .......... منيرة جلست تفهم حصه كل شي من يوم قاموا الصبح ولقو الرسالة لحد الأن وما خبت عليها أي شي حصه كانت تسمع كلام منيرة ودموعها تحرقها في عيونها مو راضية تنزل وقلبها ينبض بقوة والعبرة خانقتها .......... وفيها عقلها ما تدور غير كلمة : ((ليش يصير كذا ؟؟؟؟؟؟)))) لطيفة : حصه وش نسوي في هالفلوس ............ حصه ما كانت معهم في عالم ثاني ..... قامت من عندهم وراحت طلعت للحوش وبدون ما تنطق شي .... أرسلت على جوال سلطان : (تعال خذني ارجوك )) منيرة خلت لطيفة جوا وطلعت لأختها....... منيرة : حصه تكلمي قولي شي ........... حصه وخلاص انتهت بدت الدموع تنزل على خدها : أللحين ليش يسوي كذا .؟؟؟؟؟؟؟ أمي وش سوت له ؟؟؟؟؟؟؟؟ ليش كل هالبخل ما درى أنه بيموت ولا ماخذ من فلوسة شي ؟؟؟؟؟؟ وليش بيروح يتزوج ؟؟؟؟؟؟؟؟؟ وليه خلى أمي تموت وهي ما تهنت في عيشتها مخليها تكرف في المدرسة سنين وهي عجوز يالله تشيل عمرها وش سوينا له والله العظيم وش سوينا ...... وجلست في الارض تصيح ............. منيرة رحمة حصة وتقطع قلبها عليها لكن مدة وراح تتعود منيرة تنزل لها وتحط يدها على كتفها : خلاص حصه أبوي راح وتركنا ليش تصيحين عليه ترى ما يتساهل شي حصه زاد صياحها عن قبل قامت عنها منيرة ودخلت جوا تاركة حصه تتواجه مع نفسها وتقرر وش تسوي............ حصه لم دموعها خلصت قامت من مكانها ودخلت جوا البيت ....... حصه بصوت مخنوق :وين الأوراق ؟؟؟؟؟؟؟؟؟ منيرة تأشر على اللي في الأرض : هذي هي ........ حصه بتروح تشيلها لكن لطيفة سبقت شالتها ومدتها لحصة ...... ودخلتها في شنطتها ........... وطلعت تنتظر في الشارع ..تحس أن البيت غريب ومو لها .............. أنتظرت رغم حرارة الجو ................ شافت سيارة سلطان مقبلة ووقف قرب الباب ومستغرب ليش حصه واقفة في الشارع ....... ركبت حصه وهي ساكته ........ سلطان : ليش واقفة في الشارع ............ حصه تمدد رجولها وتطلق كلمة ((آآآآه))............... سلطان استغرب : وشفيك ؟؟؟؟؟؟؟؟؟؟؟؟؟؟؟؟؟ حصه وهي تعبانه : سلطان أنا بنت فقر ؟؟؟؟؟؟؟ سلطان استغرب : إيه بنت فقر حصه :وأم مشاري وصيته ورتاج دايم يعايروني؟؟؟؟؟؟ سلطان استغرب أكثر :ما انكر ........... حصه : وأنت تزوجتني عشان كذا ؟؟؟؟؟؟؟؟؟ سلطان : تقريبا ؟؟؟؟؟؟؟؟؟؟؟ حصه : إلا قل أكيد ........ سكت سلطان وهو مو عارف وش في حصة .......... حصه اطلقت ضحكة حزينة :ههه لعلمك ما عاد صرت بنت فقر .................شفت الفلة اللي كنت فيها هههه طلعت بأسمي أبوي كتبها لي ........... وكانت عندة عماره يأجرها ................ وشفت الفلة اللي جمبها بعد له لكن باعها ..... تخيل كل هذا وأحنا عايشين في بيت هالك غرفتين وصالة وحمام ومطبخ .......... حتى تلفزيون مافي ههههه وأم وأب يشتغلون فراشين ................ وكل هذا وحنا ما ندري ............. وأبدت سيل الدموع تنزل من عيونها وأبدت شهقااتها تطلع وتملى صوت الهدوء اللي في السيارة .......... أما سلطان ما فهم أي شي من قالته سوى أن الفلة بأسمها ........ كيف ووشلون راح يفهم بعدين ........... مشى سيارته راجع للبيت ................ وأول ما وصلو تفاجأة أم مشاري بوجهه حصة اللي تصيح ورقت من المصعد وسلطان رقى الدرج وهو مسرع .............يا ترى وش عندهم ؟؟؟؟؟؟؟ وصلو للغرفة وحصة تمددت بتعب على السرير وهي ما فسخت ملابسها ....................بعد مـــدة طويلة سلطان : ممكن تفهميني ............ حصه : بالأول أفهم أنا ثم أفهمك ................ ولا أقولك شف شنطتي فيها أوراق خذها واطلع للصالة وأقراها ....... سلطان توجهه لشنطة حصة وطلع الأوراق وتوجهه للصالة ........ أول شي تأكد من الصك حق الفلة ثم راح يقرا رسالة أبو حصه دون أية تعابير على وجهه وحط الأوراق على الطاولة ببرود وتوجهه للغرفة ولقى حصه على حالها وتطالع السقف ............. سلطان : اللحين كل هالصياح عشان كذا مفروض تفرحين موب تصيحين بعدين أبوك بخيل مافي أي كلمة ثانية ولم حس ان الفلوس ما تنفعه خذ مليونين وبقى لكم ثلاثة تدبرون نفسك وزين أنه ترك بعده بيت بأسمك وثلاثة ملايين......... بعدين خلوه يروح يتزوج ويعيش حياته ........ وأنتي وخواتك بتعشون حياتكم من دون ما تحتاجون لأحد أن شاء الله........ حصه بحقد : أكرهه ...................أكرهه ............ وعلت صوتها : أكرهــــه .................... وقامت من مكانها : بالله هذا أبو ؟؟؟؟؟؟؟؟؟؟ أحد يسوي بعياله كذا ؟.؟؟؟؟ سلطان : ايه فيه وعاد القصص في البخلاء مالها أخر أعرف واحد يقول أبوي عنده بيوت ويأجرها علينا تخيل أبو عنده ملايين ويأجر على عياله .......عادي حصه : لا موب عادي سلطان : طيب أنتي هدي وفكري وش بتسوين في هالفلوس اللي جتكم تستثمرونها ولا وش ؟؟؟؟؟؟؟؟ وخواتك من عندهم ووووأشياء كثرة وأعتقد أنك أنتي المسؤولة عنهم اللحين لأنك الكبيرة وأنسي أبوك أظاهر أنه ما راح يرجع ....... يله انا طالع وراي مشاوير ................ وطلع من القسم ونزل وسألته أمه وش فيه حصة من اللقافة بس بيفهمها بعدين طلع من البيت رايح لمحل تصميم اثاث عشان مجلس الحريم والرجال ............ وعجبه كم تصميم لمجلس الرجال .......... حاول يتفق أذا صلحو له كم بيكلف..... الكنب + الطاولات + الستاير ........ وقالو له سعر حلو ووافق لكن قبل راح للمستودع حقهم رجع دق وأنفتح الباب بهدوء وطل منه وجه ياما حبه فهد ........ سجى :فااااااااااههههد وطبت في حضنه ............... فهد حاول يجاملها قد ما يقدر عشان ما يجرح مشاعرها ............. فهد يدخل الشقة : وين خالك سجى :طالع فهد :أها طيب لا جى قولي له أن فهد رجع الرياض ................ انصدمت سجى : بترجع ؟؟؟؟؟؟؟؟؟؟؟؟؟؟؟؟ ليه أنت زعلان مني ..........؟؟؟؟؟؟؟؟ فهد يحاول يصرفها : أيه بأرجع ومو زعلان منك ........... سجى :لييييه تخليني مرة ثانية .؟؟؟؟؟؟؟؟؟ فهد :والله الظروف يا سجى وما أقدر عليها ...... يله يا سجى أنا طالع وأنتي بتكبرين وتعرفين امور كثيرة وأتمنى أشوفك دكتوره يا أمورة ............. وأنسي واحد أسمه فهد .........اوكي......... طالعها نظرة أخيرة وطلع من الشقة وسط صوت سجى تنادية ......... رغم انه ما يحب هالمواقف لكن ما يقدر يورح وما يقول لها ........ ......................... ماجد يكلم ربى تبي |تستريح| .. ؟ لا تفهم " الدنيا خطأ " .. ولا تفهم "الدنيا صحيح " تبي |تستريح| ::أقوووووووووووووول ما صار لكم شي؟؟؟؟؟؟؟؟ •... (~~ ♥ أشتقت لصويحبي وعساه يقدر إشتياقي ♥ ~~). •... أشتقت : لا ما صار شي ليه ؟؟؟؟؟؟؟؟؟ تبي |تستريح| : اللحين كم الوقت عندكم ؟؟؟؟؟؟؟؟ •... أشتقت : : العصر . تبي |تستريح| : : طيب وش صار لكم اليوم؟؟ •... أشتقت : أقولك ما صار شي ماجد متحمس يبي يعرف صار شي على مشعل وصيته أولا لا تبي |تستريح| : أها طيب أنا مشغول شوي يله أكلمك بعدين ........... وطلع وراح يقبل الأضافة اللي جته وما يدري مين :: تبي |تستريح| : هلا .......... وكانت ربى تبي تلعب على ماجد وتعلقه بدون ما يدري : اذا كــآن لـ الزيــن ديــرهـ فـ " أنــآ" الـ ع ــاصمه اذا كــآن لـ الزيــن: هلا ............ تبي |تستريح| : من أنتي ...؟؟؟؟؟؟؟؟؟؟؟؟؟ اذا كــآن لـ الزيــن: بنت من الرياض ....... تبي |تستريح| : :أقول من وين جايبه أيميلي ......... اذا كــآن لـ الزيــن:: مو أنت تنشر صورك وفيها أيميلك أنا خذته .. وكان فعلا ماجد يسوي كذا تبي |تستريح|:طيب وش تبين ؟؟؟؟؟؟؟؟؟ اذا كــآن لـ الزيــن:بس حبيت أقولك أنك مررره تجنن ..... ماجد استحى تبي |تستريح|:: شكرا من ذوقك اذا كــآن لـ الزيــن: الله يسلمك طيب ممكن أسألك سؤال ؟؟؟؟؟؟ تبي |تستريح|:تفضلي ...... اذا كــآن لـ الزيــن:: صورك اللي تنشرها ولا صور أحد ثاني تبي |تستريح|:: لا والله صوري . اذا كــآن لـ الزيــن :وش اللي يخليني أتأكد تبي |تستريح|:: تعالي شوفيني ((ربى ماتت من الضحك على ماجد )): اذا كــآن لـ الزيــن: ووينك فيه ؟؟ تبي |تستريح|:: انا ساكن في الرياض لكن حاليا في أمريكا أدرس اذا كــآن لـ الزيــن: :وتبيني أشوفك في أمريكا تبي |تستريح|: لا رجعت اذا كــآن لـ الزيــن: ومتى بترجع ؟؟؟؟ تبي |تستريح|:ممكن 5 شهور اذا كــآن لـ الزيــن: لا 5 شهور كثير أبي شي يثبت لي تبي |تستريح|:: اوكي راح اكلمك بالكام بس راح أشتريها أول لأن جهازي مو موجود فيه........ ربى في نفسها ((ايه اللحين بيروح يشتريها )): اذا كــآن لـ الزيــن : اوكي تبي |تستريح|:: طيب وش اسمك ؟ ربى كانت بتكتب ربى بس تذكرت وكتبت ... اذا كــآن لـ الزيــن :اسمي مها تبي |تستريح|:: حلو وكم عمرك ؟ اذا كــآن لـ الزيــن: عمري 20 سنة تبي |تستريح|:: اصغر مني بسنتين . اذا كــآن لـ الزيــن :توك صغير .. تبي |تستريح|:: أدري المهم انا بأطلع مشغوووول باي اذا كــآن لـ الزيــن:طيب كلمني أي وقت انا موجودة تبي |تستريح|: اوكي طلعت ربى وهي ميته ضحك على أخوها اللي يعطي وجهين مو وجهه لكن راح تستمر معه لحد ما تعلقة ويتوب .......... حصه حاطه يدها على خدها وجالسة في الصالة وتفكر وش تسوي بخواتها اللي لحالهم في فلة ,,,,,,,,, سلطان كان جمبها ويطالع التلفزيون .......... حصه : قلت لخالتي سلطان : لا حصه سكتت ورجعت في أفكارها .......... سلطان : ما فكرتي وش بتسوين ............. حصه :إلا بس ما طلعت بنتيجة ............... سلطان :دام أنك بتدخلين سوق ألاسهم ساهمي بجزء من المبلغ ....... حصه : ما أبي أخاطر بفلوس ماهي لي لحالي وسوق الأسهم ما ينظمن مره طالع ومرة في القاع ..................... سلطان اعجبه كلام حصه المنطقي : طيب أنتم فلتكم دورين صح حصه :أيه وأفكر نأجرها سلطان: حلو وبعد أشترو لكم أرض........ حصه : أفكر نشتري شقة في مكة ونأجرها طول السنة تعرف أنت مكة حج ورمضان مواسم كثيرة ................. سلطان : ما أظن راح تلقين حصه : ليش؟؟؟؟؟؟؟؟؟؟؟ سلطان :بسأل وبأشوف ........... حصه :طيب أبي سواق مع محرم لخواتي سلطان :اوكي بس أنتم وش تبون أي جنسية وأنا بأروح مكتب الأستقدام وبأشوف لكم ............ حصه :فلبيني ........... سلطان : اوكي حصه تقرب لسلطان وتعطيه بوسة على خده : شكرا سلطان ابتسم:العفو ......... .............................. ما أبيه أم مشاري :نعـــــــــم رتاج :يمه قلت لك ما أبي أتزوج لا تغصبيني وبعدين انا صغيرة وألف واحد يتمناني أم مشاري :انا قلت لك ما راح أغصبك لكن راح أتغير عليك أحنا ما عندنا بنات يجلسون في البيوت ........... يا ترجعين لدراستك ولا تتزوجين ............... رتاج : يمه ما أبي لا هذا ولا هذا لا تخيريني أم مشاري :أجل اسمعي صديقات تروحين لهم مافي طلعت أسواق مالها داعي مافي جوال بعد مافي....... ونشوف تتحملين ولا لا ................. رتاج : ليش مام كل هذا عشاني ما أبي أتزوج أم مشاري بتهديد: قلت لك وأنا بأروح لغرفتي وبعد ساعة راح أبلغ مشاري أنك رفضتي سعد وانا عند كلمتي في اللي قلته.................. وطلعت من الغرفة معصبة ............ رتاج :اففففففففففففففف الله ياخذك يا سعد بتخرب علي حياتي ..................... ......................... لطيفة :منيرة وش تتوقعين حصه بتسوي منيرة :بتسنع أمورنا لطيفة :منيرة مفروض ننقل من مدارسنا مشوار كل يوم منيرة :قلت لك الفصل الثاني راح ننقل لطيفة :ونجيب سواق وشغالة ........... منيرة :وأنا بعد أبي سواق وشغالة البيت يخوف ومحد عندنا لطيفة :وحدة من صديقاتي تقول جيبو لكم سواق مع زوجته عشان ترتاحون أكثر وما تركبون معه لحالكم ........... منيرة :مممم أول نشاور حصه ونشوف .............. ............................. ربى تدخل غرفة شوق بسرررعة :شووووق شوق تسكر جوالها:وشوووو ربى :كنت ماره من غرفة رتاج وسمعت أمي تهاوشها تخيلي مام رتاج تهاوشها وههههههههه وتخيلي على أيش ؟؟؟؟؟؟؟؟؟؟؟؟؟ شوق :على أيــــــــــــش ربى :في واحد متقدم لرتاج ورتاج ما تبيه وأمي بتغصبها وعصبة عليها تقول أن ما تزوجتيه بتتغير معاملتي معك... شوق ورجع لها كلام فهد : ومين اللي تقدم لها ........... ربى :ما أدري ودي أسأل رتاج بس أخاف تهاوشني ......... شوق خافت يكون سعد:تكفين روحي أسألها ولا هاوشتك بأعطيك اللي تبينه ................................... ربى: ممممم والله ممممم أبيك تحلين واجباتي لمدة يومين شوق :اوكي بأحل لك بس روحي أسأليها........ ربى : بأشوف إذا بابها مفتوح........ وطلعت من الغرفة وراحت لرتاج ولقت الباب مفتوح ودخلت ......... رتاج أول ما شافتها نقزت لها ومسكت يدها :جيتيييييي في وقتك ربى خافت :بسم الله وشفيك خرعتيني ؟؟؟؟؟؟؟؟ رتاج : انتي ليش جايه عندي ربى :اممم بسأل مين خاطبك رتاج :يا لقافتك أقولك وش رايك تاخذينه بدالي أنا وأنتي واحد ربى :أيــــــــش أقول لا تدخلني في الموضوع وانا مدري وش السالفة رتاج تجلسها على سريرها :أقولك هذا سعد أخو ساره جاي يخطبني ليش ما تززوجينه أنتي ربى : أنا توني صغيرة رتاج : لا مو صغيره انتي كبيرة يله وافقي ربى : لعبه هي أوافق خاطبك ولا خاطبني رتاج : خاطبني بس رجيتك روحي قولي لأمي أنك تحبينه وتبين تزوجينه ربى فتحت عيونها من الصدمة :نـــــعم ناويه على ذبحي رتاج : خلاص أنا أقول لأمي أنك تبينه ربى تقوم من السرير : لا يا حبيبتي أنا ما أبي أتزوج ولا يكون في بالك تروحين تقولين لأمي هالكلام.......... رتاج والدموع بدت تتحجر في عينها :ما أبيه تكفين أنتي خذية أنتي أنتي ماعندك مشاكل تكفين يا ربى تكفين أنقذي أختك ربى حست بالورطة :لا لا أنا مالي دخل تصرفي أنتي كلمي أي أحد يتوسط لك ولا قولي لأبوي كيفك أنا ماللللللللي دخـــــــل........................ رتاج عصبت :أجل أنقلعي برى غرفتي أوريك وانا راح أفركش هالزواج وانا عند كلمتي يله أطلـــــــــعي برى ......... طلعت ربى من عند رتاج بخوف وراحت لغرفتها وشوي جتها شوق ... شوق :ها وش صار؟؟؟؟؟؟؟؟؟؟؟ ربى :ها ......... شوق: أقولك وش صار ؟؟؟؟؟؟؟ ربى :مدري أطلعي ..... ومسكت يد أختها وطلعتها وقفلت الباب وتنفست بقوة وتتذكر كلام رتاج وش قصدها ماعندك مشاكل ........ رجعت للابتوبها وتحاول تنشغل فيه ........ ................................... رتاج أول ما طلعت ربى جلست على السرير وتتنفس بقوة ........................... حل واحد يمكن لا عرفة سعد راح يرفض لكن كيف راح تقول له ................. قامت من مكانها وراحت لغرفة امها لقتها جالسة ........ رتاج :أنا موافقة بس بشرط............. أم مشاري أبتسمت بقوة :امري وش تبين ....... رتاج :ابي شوفة شرعية ولحالنا ............. أم مشاري : لك ما طلبتي بأكلم مشاري وأقول له ........... رتاج :ترى بأطلع السوق أم مشاري : براحتك ........ طلعت رتاج من عند أمها وراحت لغرفتها لبست وخذت كيسة جديدة فيها أشياء بتبيعها ........... ولفت وطالعت لاب توبها وتفكر أنها بعد تبيعه راح يجيب قيمة لأنها شاريته بـــ11 ألف .......... لو تبيعه بيجيب نص السعر ................ طلعت من الغرفة ........وأول ما ركبت مع السواق قالت له يوقف عند البقالة وتعود انه يجيب لها زقاير ............... اليوم ارتفعت اسهم الشركات اللي هي مساهمه فيها ارتفاع طفيف وتتمنى أنه يزيد .......... ........................... مشاري يسكر من أمه : خلاص رتاج موافقة ساره :جد بأروح أكلم أمي ....... مشاري : اسمعي حددي معهم يوم الخميس بعد العشا وتراها طالبة شوفة شرعيه ...... ساره :أكيد بتشوفة بس أقول لأمي وخواتي يجون مع الرجال ولا مو لازم مشاري : لا خليها رجال بس والحريم يجون في الشبكة مو لازم ويكفي أنتي ساره :براحتك ,,,,,,,,,بقوم أكلم أمي ......... وراحت تكلم أمها ........ مشاري : من جدك يا فهــــــــــد فهد بأصرار :أيه أنا أولى من الغريب .... مشاري :بس ما يجوز خطبة على خطبة..... فهد : هو للحين ما طلبها رسمي مشاري :بس رتاج موافقة وردينا عليهم أنها موافقة يعني جيتهم يوم الخميس بس شكليات ........ فهد : بس أنا مصمم على رايي ......... مشاري:صراحة ما أقدر أقولك كلمة لأني الراي مو عندي بأشاور الوالدة وأرد عليك فهد : مرت عمي بتقول لا شاور رتاج هي صاحبة الشان ولا رحت لعمي وطلبتها رسمي قبل ما يجي هالسعد ... ((قال الأسم بشي من الحقد)) مشاري:لا أصبر اجل لا تروح لأبوي وتراه موب رادك ولد أخوه أعز من أخو مرت ولده ............... فهد :وبتقول لرتاج ؟؟؟؟؟؟ مشاري : أمري لله بأقول لها بدون علم أحد فهد :متى بتقول لها ؟؟؟؟؟؟؟؟؟ مشاري :اسمع انا بأقول لها ............ سعد ولا فهد وانا ما راح أجبرها أنك تاخذها ....... فهد : ماشي ....المهم اسوي اللي علي مشاري : ما فهمت ؟؟؟؟؟؟ فهد : لا سلامتك ما قلت شي بس وصل لها أني أبيها وبقوة وأني أفضل من سعد لها ....................... مشاري : أبد أبشر.........الله يحي ولد العم ........... فهد ابتسم : الله يحيك .................. تقهوى فهد وطلع من بيت عمه وهو يدعي أن رتاج توافق عليه ...... .................................................. ................ في صباح اليوم التالي .........يوم الأثنين .............. قامت منيرة من النوم وتطالع الساعة المعلقة على الجدار ....... وفزت من السرير بقوة وطلعت من الغرفة وركضت للغرفة لطيفة دخلت بقوة : لططططططططططططططيفة ...........وتمد يدها للرموت التحكم للمكيف وتطفية / لطططططططططططيفة الساعة 6 ونص بيجي الباص بعد شوي ....... لطيفة تقوم مرتاعه :وشووووووو كم الساعه وش قلتي ؟؟؟؟؟؟؟؟ كانت تحرك راسها يمين ويسار ووتكلم وفيها النوم وما فتحت عيونها كان منظرها((يجيب الضحك)) منيرة تعطيها كف خفيف على وجهها :قومي باقي خمس دقايق ويجي الباص وحنا مالبسنا ..............يله قومي وتركتها رايحة لغرفتها تلبس بسرعة ...... لطيفة بعد ما أستوعبت قامت بسرعة وللحمام على طول ......... منيرة لبست مريولها واتجهت للتسريحة بتربط شعرها إلا بصوت بوري الباص المزعج يتكرر أكثر من مرة دليل أنهم تأخرو عليه ....... خذت عبايتها وشنطتها وراحت للطيفة لقتها جالسة ترتب شنطتها وتدخل الكتب بسرعة ........ منيرة صرخت لها :اخلصـــــــــــــــــــــــي لطيفة تشيل الشنطة وبربكة تلبس العباية وتمشي مع أختها اول ما طلعو تفاجؤ أن الباص راح .................. لأنهم تأخروا عليه ....... منيرة :أصبري بأروح أدق عليه بأقولة يرجع على كيفه هو دافعين له فلوس لطيفة ترتب شعرها اللي ما مشطته :وأنتي ليش ما قومتينا مبكر منيرة :أمس سهرت وما نمت إلا الساعة 2 ونسيت أحط الجوال على المنبه لطيفة :افففففففففففففففف خلاص ماراح أروح أنا ما حليت شي من واجباتي وما يمديني اروح وأحل هناك ........................ منيرة :أنا بأروح كيفك أنتي ودخلت منيرة وتوجهت لغرفتها ومسكت جوالها وجت بتدق على السواق يرجع ياخذهم لكن تذكرت أن لطيفة بتقعد لحالها في البيت ...... سكرت الجوال..... وطلعت وشافت أختها راجعة لغرفتها ....... منيرة : خلاص كملي نومك ما راح نروح ............. لطيفة:طيب ودخلت غرفتها ....... ومنيرة توجهت لغرفتها وبدلت ورجعت تكمل نومها بعد ما حطت المنبه على الساعة 12 الظهر تقوم تصلي وتطبخ الغدا ....... لطيفة أول ما جت بتحط راسها على المخدة إلا سمعت صوت غريب...... قامت من مكانها وهي مستغربه .......... وتوجهت للشباك وسمعت صوت أحد يقول :شل التلفزيون بس .. طاح قلب لطيفة في بطنها لم سمعت الصوت الرجولي ......... ركضت بسرعه لغرفة منيرة وطبت على سريرها ودموعها تتحجر في عيونها والرجفة تسري فيها :منيرة حرامي حرامي منيرة :وش حرامي أقووووووول خليني أنوم لطيفة صاحت :والله العظيممممممم والله العظيم سمعت صوت واحد يقول ((شل التلفزيون بس )))))))))))))) منيرة خافت وقامت تتدور مفاتيح البيت وشهقت لم تذكر : ما سكرت باب الفلة اللي برى .................................... لطيفة زاد صياحها من الخوف .......... وتحتاج إلى حمام .............................. منيرة خذت المفتاح وتوجهت بسرعه لباب الداخلي ولقته مفتوحة وقفلته كم مرة ............ وهي الثانية بدت رجفة الخوف تسري فيها توجهت لغرفتها وسكرت الباب عليها هي ولطيفة حتى الأمان أكثر ......... منيرة :متأكدة سمعتي صوت ........ لطيفة : عند الملحق يعني لو تفتحين شباكك شفتيهم ...... منيرة راحت للشباك وسمعت صوت أحد يقول : بسررررررررررررررعه عجل علينا .......... حست منيرة بالآم في بطنها وما عندهم أحد ...... لطيفة تمسح دموعها : دقي على الشرطة ...... منيرة :بادق على حصه لطيفة : على أي أحد بس بسرعه ... منيرة تاخذ الجوال وبيد ترجف دقت على جوال حصه إللي أول مره تدق عليها ............ أستمر الرن وما ردت حصه .......... منيرة :ما ردت لطيفة وفكها صار يرجف : أرسلي طيب منيرة ترسل لها ((حصه أنا منيرة ردي ضروري .........)) وسمعو خبط قوي وكأن شي طاح في ألأرض ............. لطيفة راحت تحظن منيرة لعلها تجد الامان ....... منيرة ماسكه الجوال وتدق على حصه وما ردت لأن حصه في سابع نومه ............ رجعت منيرة تدق على حصه ....... .................................................. . .................................. , 07:43 PM قام سلطان من الأزعاج مصدرة جوال حصه ورفعه ولقاه رقم غريب ورد :الوووووووو منيرة رمت الجوال من الخوف تحسب الصوت من برااااا لكن بسرعه أستوعبت ورجعت الجوال لأذنها :الو سلطان : نعم أحد يدق هالوقت ........؟؟؟؟؟؟؟؟؟ ,,,,,,,,أنا منيرة ..............ما قدرت تمسك عمرها وصاحت .. سلطان أستغرب وهز حصه اللي نايمه جمبه وقامت بسرعه حصه :وشو وش صاير؟؟؟؟؟؟؟؟؟؟ سلطان يعطيها الجوال :أختك داقة وتصيح ...... حصه خذت الجوال بسرعه :ألو منيرة وش فيكم ؟؟؟؟؟؟؟ منيرة تمسح دموعها :حصه تكفين تعالي بسرعه أنتي وسلطان تكفـــــــين ......في حرامية برى وحننا في البيت لحالنا حصه :وليش ما رحتو المدرسة ؟؟؟؟؟؟؟؟؟؟؟ منيرة :مو وقته هالأسئلة تعالي بسررررررررررعه تكفين حصه ومو مصدقة سالفة هالحرامية : اوكي بأجي ..... وسكرت سلطان : وشفيهم ؟؟؟؟؟؟؟؟؟ حصه : تقول تعالي تكفين وفي بيتهم حرامية ......... سلطان :أفــــــــــا عسى ما عروفو أن البيت مافيه إلا حريم حصه وابتدا الخوف يتسلل إلى قلبها :لا تخوفني عليهم سلطان :امشي امشي نروح لهم ونشوف وش السالفة ...... قامت حصه وتوجهت للحمام وطلعت ولبست على السريع وسلطان لبس ثوبة وطلع ............ في الطريق :::::::: حصه :وأنت ليش ما رحت الدوام ...... سلطان : اليوم العمال بيجون للفلة بيصبغون المجلس بأروح معهم وخذت اجازة لمدة أسبوع حتى أقابلهم .......... حصه :أها......... قربو من البيت ..................... وزاد خوف حصه ......... حصه : في أحد بيسرق في الصبح ......... سلطان : اللي فراسه السرق بيسرق لو عز القايلة ....... وقف سلطان سيارته عند الباب وعصب لم شافه مفتوح .......... فتح الشبابيك وطفى السيارة ...... سلطان : لا تنزلين لم أقولك ....... ونزل سلطان يتأكد من خلو البيت وأول ما دخل شاف تلفزيون طايح في الأرض ومتكسرة شاشته ............ توجهه للملحق ولقاه مفتوح ........ وما لقى أحد راح للسيارة :دقي على خواتك خليهم يفتحون الباب حصه مسكت جوالها ودقت على منيرة تبيها تفتح الباب .... ونزلت حصه مع سلطان ودخلو البيت ................... سلطان كان واقف عند الباب : عطوني مفتاح الدور اللي فوق أخافهم راحو فوق ..منيرة عطت المفتاح لحصه وعطته لسلطان اللي راح بتأكد .......... أول ما طلع سلطان من الباب تناقزو البنات وضمو حصه حتى يحسون بالامان وهو يقولون وش صار لهم بمبالغة لكل شي .............. حصه هدت خواتها وجاها سلطان اللي مالقى أحد .......... دخلت منيرة ولطيفة المطبخ عشانهم يتغطون عن سلطان .... وفي الصالة : سلطان : شكلهم ما قدرو يشيلون التلفزيون عشانه ثقيل وطاح منهم حصه : طيب متى بتروح للعمال؟؟؟؟؟؟ سلطان : الساعة 8 بتقعدين ولا أرجعك ؟؟؟؟؟؟؟؟ حصه : لا باجلس ولا خلصت منهم تعال خذني سلطان : طيب سكرو البيبان لا تنسون ..... وطلع سلطان ........ رجعو منيرة ولطيفة لأختهم وجلسو يسولفون لها وهي في عالم أخر لعند سلطان ........................... (( ليه يسوي كذا؟؟؟؟؟؟؟؟؟؟؟؟؟؟؟؟؟؟ صار يهتم فيها ويقول لها وين رايح ووين جاي تغير سلطان تغير كثير ..... ياليت ما يتغير بعد الزواج ........ ياليت وهل تنفع ياليـــــت ؟؟؟؟؟؟؟؟؟؟؟؟؟(( منيرة : زوجك بطل لطيفة :أيه والله بطل وشجاع بعد منيرة : هي نفس الشي يا غبيه لطيفة : وش هالألفاظ منيرة :أتعلم منك مو أنتي كل الألفاظ البذيئة تكتبينها في دفتر حتى إذا تطاقيتي مع احد يكون عندك مخزون ........... لطيفة انحرجت : يا كلبه وشلون عرفتي ؟؟؟؟؟؟؟؟؟؟؟ منيرة : أنتي قلتي لي لم مره قلتي كلمة لي وما فهمتها ورجعتي للدفترك تشوفين في المعنى لطيفة سكتت وهي تطالع منيرة بحقد ............ منيرة : حصه بغيتك في موضوع ؟؟؟؟؟ حصه ترجع للواقع :ها وشو منيرة : نبي سواق مع محرم حصه : أها قلت لسلطان وقال بيجيب لكم لطيفة : ونبي يدور مستأجر لدور العلوي ما نحتاجة حصه بضيق:بعدين بنتصرف .......... ((كم تكره الجلوس في هذا البيت الذي كتب بأسمها .....................)))))) لطيفة : على فكرة أبي جوال ولاب توب وبلاستيشين 3 ........... منيرة :الله كل هذا تبينه ؟؟؟؟؟؟؟؟؟؟؟؟ لطيفة :أيه الوضع تغير وبعد قولي ما راح نشتري لك عشان أصفقك ........................................ حصه :لطيف أحترمي أختك ....... لطيفة :لأن قبل قلت لها بأشتري عبايه وعييت علي حصه واللي تذكرت :ممم بنات أنا ما ودي أني أصرف هالفلوس وأنا للحين ما أستوعبت كل السالفة وما ترجمها عقلي ........... منيرة : ما فهمت لطيفة : ولا أنا حصه :مو لازم تفهمون ................ لطيفة : حصه أنا بأسوي كل شي كنت محرومة منه حصه تضايقت من كلمة ((محرومة )) لكن فعلا كانو محرومين :::وش تبين ؟؟؟؟؟؟؟؟؟؟؟؟ لطيفة : أبي ملابس جديدة وعباية مثل الناس وشنطة ماركة وووجوال والاب توب وو,,,,وسكتتها حصه : إذا على الملابس بأشوف يوم ويودينا سلطان أما جوال ولاب توب انسي ماراح نعطيك اللحين توك صغيرة لطيفة :نعـــــم أنا السنة الجاية بأروح لثالث متوسط مو صغيرة حصه :تصرفاتك وعقلك للحين صغير ......... منيرة : خلاص لطوف أنا وأنتي نشتري لاب توب ويكون بيننا حصه : ما راح نشتري لكم لم تنجحون .................... لطيفة :أحلفي لي إذا نجحت راح تعطيني حصه : والله العظيم ......... ابتسمت لطيفة ........... وكملو أحاديثم ويتناسون الوحدة التي فيهم بأم متوفاة وأب رحل بلا أسباب يوم الثلاثاء ................... قامت رتاج من الصباح تسبحت ولبست وطلعت اليوم راح تروح البنك وتضبط كل أوضاعها .................. ما تظمن البيع والشرا في النت تحسه مو مضمون وسالفة الهكرز اللي منتشرة هالأيام تخوفها........ وهي مو ناقصة تخسر فلوسها في هالوقت الصعيب................ كانت الساعة حدود 9 ونص ........... ركبت مع السواق وكالعادة راحت تدخن بكل راحة ......... وصلت البنك .................. وباعت اسهمها بربح مو كثير لكن على الأقل يفيد ........... إلا الأن باقي لها 200 ألف عشان تكمل المبلغ ......... بس من وين راح تدبر المبلغ ,,,,, لاب توب هونت على بيعته والساعات الباقية عندها كل وحدة تقدر بـ500 ريال أو 400 ما راح تفيدها لو باعتها ..................... وهالعله راح يجي يوم الخميس ........... ويوم الخميس وعد تسليم الفلوس ................... يالله أنك تعين .......... طلعت من البنك .......... ورجعت البيت وراسها ما يهدا من التفكير في حل ........... وقفها عند البوابه صوت أخوها مشاري ......... مشاري :رتـــــــــاج رتاج ما كان لها نفس : نعم ؟؟؟؟؟؟؟؟؟ مشاري : تعالي بيتي أبيك في موضوع .......... رتاج :ما ني رايقة امشي في هالشمس وأنا ما حطيت واقي مشاري تنهد : طيب نروح غرفتك رتاج :أدخل الصالة بأغير وأنزل لك وتركته ودخلت وهو دخل جوا وأنتظرها ......... جت وجلست وحطت رجل على رجل مثل العادة :نعم؟؟؟؟؟؟ مشاري : أنتي موافقة على سعد رتاج :بدري توك تسألني بعد ايش بعد ما رديتو عليهم وبيجون يوم الخميس مشاري اغتاظ منها :سؤال وجاوبيني رتاج : أبيه بالغصب مشاري : يعني أنتي مغصوبه رتاج :ايه ولا تقول لأمي لأنها هددني أن ما تزوجته لا تسوي البلاوي وأنا وافقت ............ مشاري : يعني لو تقدم لك واحد أحسن منه راح تقبلين فيه رتاج :افففف مالك طاري إلا الزواج ترى أنا حايمه كبدي من كل الرجاجيل ..................... مشاري : رتاج تكلمي معاي زين لا أقوم وأصفقك رتاج :ووش عندك أخلص أنت تلمح على شي وأنا ما احب الف والدوران مشاري : ريحتيني من المقدمة ......المهم فهد يبي يخطبك رتاج : مين فهد ؟؟؟؟؟؟؟؟؟؟؟ مشاري : فهد ولد عمك رتاج تأشر على نفسها:يبي يخطبني انا مشاري :ايه ومصمم ياخذك لمن عرف أن سعد خطبك رتاج :لا تكفى سعد ولا فهد على الاقل هذاك واحد صاحي مو معاق مشاري عصب : الرجال مافيه شي رتاج تلوح بيدها :وووووين مافيه شي نسيت أن رجله مقطوعه ولا بعد فيه السكر ....... مشاري : ما تبينه قولي ما أبيه ماله داعي هالكلام رتاج " ما أبيه ما أبيه ناقصة عقل أخذه ......... مشاري يقوم ومعصب : ألا أنتي مالك عقل من الأساس طلع مشاري من بيت أبوه وتوجهه لسيارته وشغلها ورايح لشغلة في أحد فروع بنكهم إللي يديره....... أول ما دخل مكتبه دق عليه سلطان : مشاري رد وهو يجلس على كرسية: هلا بو سعود ......... سلطان : هلا فيك ......شف ترى مشعل داق علي قبل دقايق ويخربط علي وما فهمت وش يقول لأني أنا في فلتي والعمال عندي ما سمعته زين دق شف وش عنده انا مشغول.......... مشاري :زين بادق عليه سلطان : يله مع السلامه .........وسكر مشاري راح يدق على أخوه :السلام عليكم مشعل :وعليكم السلام دقايق مشاري عندي واحد أخلص وأدق عليك .............مع السلامه ......وسكر ........ مشاري حط الجوال جمبه على المكتب ودخل عليه السكرتير مالك وعطاه المعاملات المحتاجة إلى توقيع ثم طلع ............. وتوه مشاري بيفتح أحد الملفات الخضراء دائما إلا بجواله يدق ..... وانحرج جدا لانه فهد .............. حاول يطنش ما يبي يتفشل منه إلا أنه أستمر بالدق رد مشاري : السلام عليكم ........... فهد :وعليكم السلام هلا مشاري وش اخبارك ؟؟؟؟؟؟ مشاري : بخير جعلك بخير فهد بخوف :وياك ها وشصار كلمت رتاج ؟؟؟؟؟؟؟ مشاري استحى وش يقول لولد عمه :والله يا فهد مدري وش أقول لك اخاف تتضايق وهي م..... فهد قطع كلامه : رفضت ؟؟؟؟؟؟؟؟؟؟؟ مشاري :ايه الصبح تو مكلمها ورفضتك....... فهد : سألتك بالله العظيم تقولي وش قالت بالحرف حتى لو قالت شي شين قوله أهم شي ارتاح أنا مشاري ما فهم كلمة (( ارتاح انا )) لمن فهد يبي يريح ضميرة اللي معذبة على بنت عمه اللي ما تستاهل ولا تراب.... مشاري :لا يابوك وش أقولك البنت رفضت وخلاص فهد يعيد كلمته : سألتك بالله تقول مشاري : ما تبيك وش أقول أكثر من كذا فهد :أنا أعرف طبع رتاج أكيد قالت كم كلمة فيني قول قول عادي الوضع مشاري :أنت اللي جبتها لعمرك وتحمل فهد : ما عليك ماحنا بزران نزعل قول وش قالت ...... مشاري ويتحاشى الكلمات المزعجة :لأن رتاج تدري ان فيك السكر فما تبي تتزوج واحد فيه كذا ...................... فهد انجرح لكن كابر : أمر الله وش قالت بعد مشاري :بس هذا أهم شي قالته................ فهد : ما اصدقك مشاري انصدم :أفـا يا فهد تكذبني .؟؟؟؟ فهد :أكذبك لأن ما قلت الحقيقة ............. مشاري عصب لأنه يكره أحد يكذبه ورمى الكلام في وجهه : وش تبي أقولك يعني أقولك أنها قالت عنك معاق لأن رجلك مقطوعه وفيك السكر وفضلت سعد عليك ..................... انت اللي جبتها لنفسك مع أنك ما تهون علي أقولك هالكلام ........... سكر فهد الجوال في وجهه مشاري ونزله لحضنه وهو يطالع الأرض أنقهر ممكن لكن أنجرح اكيد ما عمره أحد أهانه بهالكلمات ........ صحيح أن الصراحة راحة لكن ما تكون جارحة ورتاج مسكته مع اليد اللي توجعه زي ما يقولو نقطة ضعفة رجله ..........اما السكر فهو مرض منتشر بشكل كبير وأي احد ممكن يصاب به لا قدر الله ..... لكن هو من اصر على مشاري يقول له وش قالت وهو يعرف أن رتاج كل ما شافته تكشر وما تطيقة في عيشة الله ....مع أنه ما شافها وقت المزرعة لانها كانت مسافرة ......... ابتسم ابتسامة سخرية على نفسة لأنه يحاول ينقذ رتاج من سعد وما راح تشجع وقال لمشاري حقيقة سعد المخفية أنه .....)(أخليها بعدين مع الاحداث مسوية بأسوي تشوويق ))))))))))) عض على شايفة بقهر وقام من مكانه واهتز لكن رجع على طول لانه نسى يركب الرجل الصناعية وركبها ورجع قام ....... حط جواله بجيبه وراح للتسريحة يعدل شماغة وطلع من غرفته رايح لدوامه بعد ما قال كلمته : للجحيم يا رتاج مالي شغل فيك .......!!! ...........عند مشاري ............اليوم عنده غريب ...... سلطان مسكر في وجهه وسالفة رتاج وقلة أدبها ومن بعدها ولد عمه ومشعل .......تذكر مشعل تأخر ما دق عليه ............ انفتح خط السكرتير وكلم مشاري : مالك : استاذ مشاري في واحد عندي اسمه عبدا لعزبز ال... يبيك في موضوع ..... مشاري مو فاضي يقابل أحد لانه مزاجة مو رايق فرد عليه: انا مشغول حاليا يراجعني فالليل راح أكون موجود سجل موعد عندك له ...... سمع مالك كلامه ...................... ورن جواله من مشعل ........ مشعل : هلا مشاري معليش طولت عليك مشاري : ما عليك اسمع سلطان داق علي يقول دق على مشعل مدري وش عنده أظاهر ما فهم عليك تعرف عنده عمال موب فاضي مشعل :ايه اسمع دامك فاضي أنا فكرت أمس ليش ما نحط بين بيتي وبيتك نخل المساحة بين بيتي وبيتك كبيرة ومعطية شكل مو زين وفكرت بعبيها بنخل يعطي جو حلو ............. مشاري :والله أنك سالفة لكن سو اللي تبي أهم شي ما تجي مداخل السيارات ........... (( بيت مشاري وبيت مشعل مداخلهم من الشارع لسور القصر قراب من بعض وكل مدخل محطوط له طريق خاص يوصل لكل بوابة بيوتهم .......... ولأن بيت مشعل وبيت مشاري مبنية داخل سور القصر ........ فمخلي اللي يطالع من برى يقول أنه قصر صغير لكن من الداخل واسع ) مشعل : يعني أتفق مع شركة تجي تزين لنا حديقة النخل مشاري :ههههههههههه حديقة نخل هههه أقول بو سلمان سو اللي فراسك بس لا تفكر بأقابل العمال .. مشعل : لا خل الموضوع علي قلت يمكن عندك مانع ولا بيضايقك مشاري : لا عادي ما عندي مانع مشعل :يله عطلتك فمان الله مشاري : مع السلامة ........................ سكر مشاري وعاد له مزاجة الرايق لان مشعل من النوع الهادي في كلامه ويخلي المزاج يروق ما طلعت عليه صيته أبدا ولا حتى وعد الجادة ...................... جلس مشاري يفكر في اللي بيسوية مشعل ............. النخل في البيوت تعطي جو حلو وهيبه للمكان ........... ترك أفكارة ورجع للمعاملاته ........ .......................... حصه بعد ما تغدت مع خواتها من طبخة سوتها منيرة ......... طلعت من عندهم لكن بعد ما وصتهم أنهم يسكرون كل البيبان زين ويشغلون تلفزيون واللمبات إذا طلعو رايحين للمدرسة عشان يحسبون ان فيه أحد ..................... وصل سلطان مع حصه البيت وعلى طول سلطان راح يتسبح من ريحة العمال اللي علقة فية ثم نزلو يتغدون مع العائلة التعيسة .....لم خلصو راح سلطان ينوم وحصه جلست مع أم مشاري يشربون شاهي في الصالة... أم مشاري :يقولون أبوك ترك الديرة وحط لكم صدقة حصه اللي عرفت أن سلطان بلغ أمه باللي صار.. وبجراءة ردت :صحيح أبوي تركنا لكن ما أظن لم الأب يترك لعياله فلوس تعتبر صدقة ............ أم مشاري :تلقينه طول هالسنين يجمع من الصدقات لم صار عنده هالمبلغ اللي ما يسوى عندي حصه :على ما اعقد أن سلطان قالك كل شي عن هالفلوس فما له داعي تقولين هالكلام ............. أم مشاري :أشوف طلع لك لسان لم حصلتي لك فلة بأسمك وكم مليون ........... حصه : انا عندي لسان من يوم خلقني ربي وأدري أنك محتقرة هالمبلغ لان بعيونك ما يسوى شي لكن عندي أنا وخواتي يعني لنا الكثير وراح نستثمره وقامت من مكانها وراحت دون ما تطالع نظرة أم مشاري لها اللي كانت كلها حقد وكره لهالأنسانه اللي ياما أحترمتها حصه رغم قلة أدبها معها ...........