ولد الترف والدلال - الفصل 15 - بقلم بنت الأكابر - مكتملة | روايتك

المحطة الخامسة عشر: يوم الخميس ....... بعد المغرب ....................... في أحد المجالس في بيت أبو مشاري ........ كان الكل مجتمع عشان وداع ماجد ...... بيروح سنتين هناك ................... ((أبو مشاري وأم مشاري وجواهر ونايف ومشاري ومرته وعياله ومشعل ومرته وعياله وربى وشوق ورتاج .....رائد ماجى لأنه يستحي من الحريم ......))........ صيته : هااا لا تروح هناك وترجع لنا بإيدز !!!!!!!!!!! ماجد رمى عليها كلمة : ((تنقي ألفاظك )) ورجع يكمل حواره مع مشعل اللي عطى نظرة نارية لصيته خلاها تسكت ........ مشاري :رحلتك الساعة 10 ومتى بتطلع من هنا ماجد : بعد صلاة العشا مباشرة ........... جواهر : كلمنا مو تسحب علينا ماجد : أخر كل أسبوع بأكلمكم كلكم ..... ربى : وأنا كل يوم ..... ماجد ابتسم لها : وأنتي كل يوم ........ شوق :ماجد لا تنساني .... ماجد : مستحيل أنساك شوق تطلع سنونها :أقصد بالهدايا أبي ملابس ترى مقاسي s ماجد : مممم في هذي يمكن أنسى شوق : لا تسويها يا مممماجد ترى بأزعل ماجد حب يقهرها : أزعلي ......... تركها ماجد ورجع لحواره مع مشعل ... وبصوت واطي : اسمع يا أخوك أن رحت وسمعت بالمشاكل اللي بتصير لا تقلق أخوك ما راح يسوي إلا الشي الصح ماجد عقد حواجبه :وش هالتفائل أن شاء الله ماراح يصير مشاكل ........ مشعل : لا أبشرك من اللحين عشان ما تنصدم وتقول ما قالو لي أنت لم تسافر وتضبط أمورك هناك دق علي وبأقولك لكن هاللحين ما ينفع ... الكل كان يتكلم ألا الحالة المنفردة رتاج ساكته ونوعا ما مرتاحة لأن ماجد بيروح لأنه يمنعها من الطلعات أحيانا أو يترصد أخطائها ........ ......................... وعد جالسه تطالع شكلها في المراية وفاكه شعرها اللي نوعا ما ناعم لكن مو خشن أو كيرلي لكن يتشبك في بعض بسرعه ..... وكان يوصل لنص ظهرها :مممم أنا أحلى من مشعل بشويه ........ وقالت كلمتها شوية بتصغير وابتسمت .......... مسكت الكحل وجلست ترسم عيونها ثم استخدمت كل أنواع المكياج اللي عندها تبي تدرب يدها على وضع المكياج لأنها ما كانت تحط كثير في العمل ما تحط أي شي أصلا .... والتجمعات الأسرية تكتفي بالكحل رغم أن عمرها 25 سنة ...... لم خلصت طالعت وش اخطائها عشان ما تعيدها مر ثانية ...... مسحت المكياج ........... وربطت شعرها مثل العادة في البيت ثم راحت تنزل مع أخوها وعياله وحرمته ........................................ ماجد يقوم من مكانه : يله استأذنكم ,,,,, قام الكل من مكانه ودار عليهم كلهم وحتى الصغار سلم عليهم .... ولم وصل عند جواهر ضمته ولم وخرت غطت وجهها بيدها وأبتدا الموال من الصياح وانحرج ماجد مره ما عرف وش يسوي أول مره يصير له كذا ما تعود....ولم شافت شوق جواهر تصيح دمعت عيونها ولم سلم عليها ماجد ولف يسلم على ربى بدت شهقات الصياح ........ أما ربى سلمت عليه عادي لانه واعدها يكلمها كل يوم أما رتاج اكتفت أنها تمد يدها فقط ............ خلص ماجد من اللفة وحس انه تعب ......... ابو مشاري :ترفق هناك لا تصير خبل ................... ماجد ابتسم له وهو يحس بالغصة في حلقة :أن شاء الله ,,, طلع ماجد مع مشعل ومشاري اللي بيودعونه في المطار ,,,,,,,, في سيارة مشاري الأودي ......... مشاري : بتشحن سيارتك على ما أظن ...... ماجد : أكيد وأن شاء الله خلال أسبوعين راح تجيني هناك مشعل : بتسكن عند عائلة ........ ماجد يطق على صدره بيده:أنا ماجد ولد (......) أسكن عند عائلة لا والله أبو شروان يحتريني هناك عنده شقة وبشاركة فيها وبأدفع مع الأيجار ............ مشاري :من هو أبو شروان .؟؟؟؟؟؟؟؟؟؟؟ ماجد : واحد ما تعرفه واحد من أخواي رايح هناك يدرس هندسة وباقي له 4 سنوات حتى يرجع ومستأجر شقة هناك وكلمته وأتفقت معه أني أدفع نص الأيجار وأسكن معه .......... مشعل : كويس كذا وحلو أنك تلقى واحد تعرفه هناك ويدبر لك أمورك ماجد يرفع يدينه: ايه نعمه من عند ربنا نحمدو ونشكورووووووووه مشاري ابتسم:الله الله بالصلاة لا أوصيك ماجد : أن شاء الله .......إلا مشعل قولي السالفة مشعل : أي سالفة ؟؟؟؟؟؟؟؟؟؟؟ مشاري طالع مشعل ..... ماجد : سالفة المشاكل اللي بتجي وكلامك في المجلس أدري أنك خايف أن صيته تسمعك وتسوي لك سالفة ........... مشاري اللي فهم :وأذا قلت لك انا ما راح تنشر الخبر ماجد : ارقد وأمن قل وش عندك يابو بدر مشاري :أخوك ناوي يتزوج على صيته سيرا على خطى سلطان ......... طالعه مشعل بعتاب ........ أما ماجد سكت من الصدمة ...................... مشاري : وشفيك ما تكلمت ماجد :وليش تتزوج عليها عيال وعندك وما أعتقد أن صيته شينة بعينك..... مشعل : وأنا أخوك الشرع حلل أربع وبيني وبين صيته أمور ما يعلمها إلا ربي وما أحب أفصح عنه للخصوصية وأنا رجل أحب كثرة العيال وصيته معارضة أضطريت أني أتزوج ........... ماجد : تزوجتها للحين ووش اسمها ومن تكون ومن أي قبيلة ....... مشعل : لا للحين كلام ما صار شي لكن بعد شهر ملكتي وهي من عائلة معروفة ما يحتاج أقولها .......... ماجد :صراحة شي جديد ما توقعت أنك تتجراء وتسوي هالخطة لكن من اللحين أقولك صيته ما راح تقعد معك وأنت ماخذ عليها وحدة ثانية ..... مشعل : نفس كلام مشاري ولكن لكل حادثن حديث .......... ............بعد مدة قصيرة وصلو للمطار وانتظرو مع ماجد لحد ما أعلنت رحلته وودعوه وراح في حال سبيله ................. ...........................من بعد ما راح ماجد الكل انتشر سارة وعيالها رجعو لبيتهم وكذلك صيته .... ورتاج راحت لعشها (غرفتها ) ومثلها ربى ..... أبو مشاري طلع من البيت وأم مشاري جلست في الصالة تكلم صديقتها ...... وشوق جلست معها .................... بس تطالع التلفزيون ........... بعد دقايق جت الشغالة : مدام في حرمة عند باب بيت ........ وفاهم يقول دخل سيارة ولا لا ؟؟؟؟؟؟؟؟؟؟؟؟؟ أم مشاري تستأذن من صديقتها وتسكر السماعه : من هالحرمة ؟؟؟؟؟؟؟؟ ستي : يقول في صديق مدام رتاج ........ أم مشاري : واكي خلاص خلي فاهم يدخل السيارة وروحي أفتحي مجلس الحريم و دخليها .............. راحت الشغالة تنفذ الأوامر ................ شوق : من هذي صديقة رتاج ؟؟؟؟؟؟؟ أم مشاري : والله مدري بأدق على رتاج أخليها تنزل لها ...... ودقت على غرفة بنتها قالت بتلبس وبتنزل ........ وقامت أم مشاري للمجلس الحريم تشوف صديقة رتاج ........... دخلت أم مشاري للمجلس ولقت بنت نوعا ما مليانه قاصة شعرها بوي وحواجبها الشيطان وراسمه الكحل الأسود السايل بعيونها ولابسه عبايتها ..........قامت لم شافت أم مشاري واصلة .... أم مشاري تسلم عليها بيدها مستغربه انه ما قد شافتها بين صديقات رتاج اللي تعرفهم دائما ............................. العنود وهي حاطه رجل على رجل :أنتي أم رتاج ؟؟؟؟؟؟؟؟؟؟؟ أم مشاري ما عجبها صوتها الخشن : ايه نعم أنا أم مشاري ؟؟؟؟ العنود : وين رتاج؟؟؟؟؟؟؟؟؟؟ أم مشاري : بتجي اللحين بس تلبس....... العنود :اها......... أم مشاري تقوم من مكانها : حياك البيت بيتك ....... وطلعت من المجلس وهي متقرفة منها وقابلت بالسيب رتاج اللي جايه ومستعجلة ..... أم مشاري بقرف : مين هذي ؟؟؟؟؟؟ رتاج : ماادري أنا محذره صديقاتي لا يجون على البيت وشكلها وحدة من الملاقيف ............. أم مشاري : ما دخلت مزاجي أبدا تصرفي معها.......... وراحت أم مشاري وكملت رتاج طريقها للمجلس ولم دخلت فتحت فمها من الصدمة ....بعد ثواني....تقدمت بعصبيه لها :أنتي وش جابك هنا مو كافي اللي سواه فيني اخوك .......... العنود تقوم وتواجه رتاج وجه لوجه : الله واكبر اللحين انا وش جابني ولا كأنك من قبل رامية نفسك علي رمي ......... رتاج : لأني كنت غبيه وأنخدعت فيك العنود : لا يا حبيبتي الغبي راشد اللي انخدع فيك وهو على باله يلعب عليك لكن طلعتي أذكى منه وسرقتيه .............. رتاج ترص على أسنانها : انا ما سرقت شي فاهمه واطلعي برى البيت أحسن العنود عصبت : ما راح أطلع إلا لم ترجعين المليون ريال رتاج :أي مليون واي خرابيط أنتي بعد ..... دخلت أم مشاري وهي ما سمعت رتاج وحوارها مع العنود واستغربت من رتاج اللي واقفه وقبالها العنود ........ وفي ثواني تحولت عيون رتاج المعصبة إلا حنان ......وشفاة مبتسمه .... والعنود هدت من عصبيتها ...... أم مشاري : وشفيكم أقعدو ؟؟؟؟؟ رتاج : مام شوفي العنود أقول لها خلينا نرقى لغرفتي تقول لا !!!!!!!!!!!! أم مشاري : وليش المجلس أحسن ........... رتاج :لا يمه نبي ناخذ راحتنا أم مشاري : كيفكم وأنتي يا العنود ما أحب اللي يعارض بنتي ابتسمت العنود : عشانك بنرقى وسحبت رتاج يد العنود وودها لو تقطعها ورقو فوق لغرفة رتاج وسط نظرات شوق المستغربه اللي جالسه بالصالة....... أول ما وصلت رتاج دخلت العنود وسكرت الباب وقفلته ........ العنود : ماتبين أمك تعرف عن سواد وجهك ...؟؟؟؟؟؟ رتاج : والله ماجاب هالسواد إلا أنتي ...أقول أنتي جايه عشان أيش ؟؟؟؟؟ العنود :على الكمية اللي سرقتيها من درج سيارة راشد رتاج : أنا ما سرقت شي ....... العنود :لا تكذبين وتدرين أن هالكمية بمليون ريااااااااااااااال رتاج بدون أهتمام وتغير الموضوع :وأنتي تدرين أن راشد مروج مخدرات توصلين لي الحبوب في الجامعه ولا ما تدرين عنهاااااااا العنود : لا ما كنت أدري لو أدري ما خليته يتعرض لك .......... رتاج خنقتها العبرة من القهر : اجل ليش خليتيه يتعرف علي أدري أنك كذبتي بذلك الكلام اللي قلتيه لي وصدقتك وكلمته وورطني معه بشي ما جى على بالي أني يوم من الأيام بأسويه ...................................... العنود بصراحة:اسمعي حتى اكون واضحة معك بصراحة أن يا رتاج حبيتك من كل قلبي ولأن ما عندي أخت وأم توجهني وما حولي إلا أولاد اتجهت لهطريق ........وأنتي انعجبتي فيني وخليتيني حبيبه قبل ما أعرف أنك بنت شيوووخ لكن من عرفت جربت أستغلك واستغل فلوسك وكل ما أزعل منك عطيتني ألفين وثلاث وبالخمس وكنت أخذ منك عشان أصرف على نفسي لأن أخواني ما يصرفون علي ,,,,,,بعد مدة فكرت ليش ما استغلك بشكل أخر أني أعرفك على واحد من أخواني ولم قلتي أبي أجي عندك البيت قلت فرصة ........ وشافك طلال وراشد لكن راشد سبق طلال عليك .......... وتعرف عليك مقصدي كان أنه يسحب منك فلوس..... لكن هو سحبها بطريقته اللي ما أدري عنها وتغيرتي علي ..... صرت ما أشوفك في الجامعه إلا دقايق ......... وصار اللي صار وانفضحنا بعد ما بلغ رائد رجل أختك على راشد وقبضوه واللحين يحاكمونه ويمكن توصل للقصاص .......... وأنتي سرقتي من راشد كمية بمليون ريال كان ناوي يوزعها على الغبيات زيك.... لكن أنتي طلعتي من الموضوع باردة مبردة ولا كأن جاك شي ......... ترى اسمعي طلال وأخواني الباقين حاقدين عليك أنتي وأهلك وطلال خاصةً لأنه انطرد من شغلة بسبب أنه مديرة أخوه يشتغل بمكافحة المخدرات ولم عرف عن راشد فصله من الشغل وهو اللحين جالس بلا وظيفة ... اسمعي..........((خذت نفس طوووويل**)) ........ رتاج كانت طول ما تتكلم العنود كانت تنزل دموعها على خدها بحرارة من القهر والغباء اللي كان فيها ....... العنود : اسمعي لك أسبوع واحد بس تجيبين لي مليون ريال وانا أوعدك ما راح تشوفين ولا واحد من عائلتنا والوجه من الوجه أبيض ..... رتاج مسحت دموعها وفتحت عيونها بصدمة لم سمعت المبلغ :أيـــــــــــــــــــــــــــش ؟؟؟؟؟؟؟؟؟؟؟؟؟ العنود: إلي سمعته.... رتاج : بس أنا ما عندي هالمبلغ ......... العنود : دبري نفسك ولا أنا ما أظمن أخواني وش يسون ........ وأنتي عارفة الرجاجيل كيف يتعاملون لا حقدوا من كل قلبهم ..... رتاج وسرت رجفة في أنحاء جسمها : بس أنا ما عندي في البنك غير 60 ألف بسسسسسسسس.......... العنود : والأسهم اللي قلتي لي عنها بيعيها.......... رتاج :كيففف أبيعها والسوق خسررررررران العنود :أنا حذرتك من اللحين مالي شغل فيك لا صار شي ....... رتاج :لو صار شي لي ولا لأخواني ما راح يروح فيها غير أنتم العنود تأشر بيدها :خلااااص حنا انفضحنا من زمان وأي شي يصير بالنسبه لي صار عـــــــــادي .................. حتى لو راح من أخواني أثنين .........((وأشرت بأصبعها 2 )....... رتاج مسحت على شعرها بخوف :وأنا وش يضمني أنكم ما راح تتعرضون لي ولا لأهلي ...................................... العنود : أنا أظمنك ............. رتاج :طيب طيب أسبوع شوي مره على هالمبلغ الضخم العنود : بيع أسهمكم وتسلفي ودبري عمرك ....... رتاج :الأسهم لو أبيعها اللحين ما راح تجيب غير 200 ألف بس ولو أبيعها لم ترتفع الأسهم يمكن توصل ل400 ألف فرق........ العنود رفعت كتوفها : مالي شغل فيك أنا جايه عشان أقولك ..... وعندك رقمي والوعد الخميس الجاي أن ما وصلتني كيفك تحملي نتائج أخطائك... رتاج تجلس على السرير بقلة حيله:نص مليون هالأسبوع والباقي بعدين هزت العنود راسها بالنفي:لا مليون يعني مليون بعدين بيعي الذهب اللي قاعد على قلبك ما تعرفين تتصرفين يعني ؟؟؟؟؟؟؟؟؟ يله أنا طالعه ........ رتاج : العنود.......... العنود لفت :نعم ........... رتاج : ما أبي أحد يدري عن سالفتنا العنود : أكيد لكن بعد المليون ,,,,,,, رتاج : طيب قولي لطلال لا يقعد يلاحقني وأنا بادبر المبلغ لكم العنود : اوكي بأوصل له هالكلام ................. وووبتردد : وأنتي تعالجتي ؟؟؟؟؟؟؟ هزت رتاج راسها بالأيجاب ................ العنود : سامحيني رتاج ما كنت أبي أوصل لهالأمور لكن الأوضاع تختلف اللحين ............... وطلعت من الغرفة ............. رتاج تنهدت بتعب من المصيبه اللي طاحت على راسها هالمرة ما راح يطلعها أحد غيرها هي .......... طق طق :::دخلت أم مشاري ... رتاج :هلا مام أم مشاري :من هذي ومنهي بنته ....؟؟؟؟؟؟؟؟؟... رتاج ألفت لها عائلة معروفة من عقلها عشان أمها:هي العنود.......))) أم مشاري : غريبه شكلها ما يهيء أنها بنت ......... رتاج : لا هي ما تهتم بشكلها دايم أم مشاري : اوكي ما عليه ما تبين تطلعين من البيت معي رتاج : وين بتروحين ؟؟؟؟؟؟؟؟؟؟ أم مشاري :نتمشى .......... رتاج : لا يمه أنا راسي مصدع وأبي أنام ..... أم مشاري : كيفك ......... وطلعت ام مشاري من الغرفة وسكرت الباب .............. في سيارة طلال : العنود : طلال خلاص الخميس الجاي راح تجيب المبلغ .... طلال : وأن ما جابته ؟؟؟؟؟؟؟؟؟؟ العنود : ما ادري عنك وش أسوي لكم طلال :والله لأموتها ........................ العنود : لا يا طلال مو بهالطريقة يكفي اللي سواه راشد لا تفضحنا هذولي ناس ما يمزحون .......... طلال : أنا حلللللللللللفت لا تناقشينييييييييييييييي ..........في غرفة رتاج ............ أول ما طلعت أم مشاري من عندها دست راسها في المخدة وجلست تصيح بقهر بهم وبووووووووهقه ,.,,,,,,,, لم حست أنها هدت فتح الشبابيك ومثل العادة ولعت لها زقارة جلست تدخن .........وتفكر وش تسوي .......... عندها عقد ألماس فخم شرته لها امها لم تخرجت من الثانوية كهدية لو باعته يمكن يجيب200 ألف ....مع الأسهم أذا ما ارتفعت حدود 200 ألف وعلى اللي في البنك 60 ألف ............. يكون المجوع :460 ألف .......باقي كثير على نص المليون ..... بس لها مجوهرات وذهب كثير لكن ما راح يجيب أكثر من 400 ألف... باقي باقي وين بتدبرين عمرك يارتاااااااااااااج ................. ............................ منيرة تسكر سماعة التلفون:لطيفة أبشرك دقت أم احمد وقالت أن أحمد راح و سجلنا في باص خاص........... لطيفة ابتسمت : والله الله يعافيه شكل طفش من توصيلات يوم الثلاثاء والأربعاء.. منيرة : اسمعي سجلنا بس شهر انا وانتي باص واحد لطيفة : وكم دفع لهم .... منيرة :ألف ريال ..... لطيفة :يعني كل وحدة ب500 ريال ....... منيرة : ايه عاد لا رحنا لهم دفعت لأحمد الفلوس .... لطيفة :أحمد هذا والله أنه خدوم ما عمره تشكى منا...... منيرة : أيه والله الله يوفقه مع خطيبته ويسعدهم ......... لطيفة :آآآآآآآآآمين ................ منيرة : حتى بعد قالت لي أنه بكرة بيشتري لي رقم وجوال وأنا بأدفع له واللللللللله وناااسه يا ليته أخوي كان اللحين عايشين وضع ثاني ..لطيفة : ليش ما خطبك ؟؟؟؟؟؟؟ منيرة :هههه أصلا هو خاطب ولو يبيني كان خطبني من زمان ..... لطيفة ترجع تطالع التلفزيون .............. .......................................... حصه جالسه مع سلطان في مطعم يتعشون بما أنه أخر يوم لهم في لندن ............................. حصه : سلطان وش أول شي بتسويه لم نرجع .... سلطان اللي يطالع جواله : بأرقد حصه :ههههههه أكيد بترقد بس وش بتسوي بعد سلطان :أروح بيت قمر ونتفق على وقت الزواج والقاعة اللي تبيها ومن ثم أروح للبنك وأحول لك الفلوس عشان الأسهم ... وأروح أشوف الفلة اللي بأسكنك فيها عشان أشتري الأثاث ... حصه تمنت أنها ما سألته لأنها فعلا انقهرت ... سكتت شوي ثم قالت:وأبروح لأهلي بعد عشان ما تقول لي لا ؟؟؟؟؟؟؟ سلطان : كيفك بس مو اول يوم ..... حصه : اوكي ......... سلطان : حصه كلي بسرعة عشان نرجع ويمدينا نرقد ....... حصه : اللحين بنرجع مو بالطيارة الخاصة ...... سلطان : لا حجزت لي ولك ................. حصه رجعت تكمل اكلها بسرعة عشان يرجعون ويرقدون وراهم رحلة من الساعة 8الصباح ....................... .................................................. .............. اليوم التالي الجمعه ::::::::::::::: حصة تقوم من النوم وتطالع ساعتها كانت بحدود 6 الصباح ......... قامت من النوم وتوجهت للحمام توضت ثم طلعت للصالة تصلي الفجر لأنها فاتتها ولم خلصت راحت تقوم سلطان اللي ياله قام .................... وراح صلى وجلسو في الصالة ............. حصه : سلطان يله نروح المطار ........ سلطان :تونا ما راح اطلع من هنا إلأ 7 ....... حصه : طيب قوم نطلع نفطر ............ سلطان :ما أشتهي شي ....... حصه بدلع : سلطــان يله عاد ما بقى شي ونسافر ........ بعدين بأروح أسلم على سحر واعدتها أمس أني بأسلم عليها سلطان : تلقينها نايمه اللحين حصه : لا سحر تقوم من الفجر لحد الظهر تتغدا وترجع تنام ....... سلطان :الحمد لله والشكر هذا نظام عيشة ........... حصه : هي عايشة كذا يلــه سلطان قوم لبس نروح نفطر سلطان ينسدح على الكنبه :لا جت 7 إلا خمس قوميني ..... وغمض عيونه .................. حصه ما توقعت الرفض وتنهدت بقهر وقامت تلبس وراحت للصالة... حصه:سلطـــان بأروح لسحر ........... فتح سلطان عيونه وبعصبيه:على وين ؟؟؟؟؟؟؟؟؟؟؟؟ حصه تخاف من عيونه ووطت صوتها: بأروح لسحر سلطان :لا اهجدي لين ما أقوم ............ ورجع يسكر عيونه ............. حصه بلعت ريقها وودها تصيح راحت للكنبه المقابلة وجلست عليها وتطالع ساعتها اللي كانت بحدود 6 ونص ............. وتأففت ,,,,,,,وحطت يدها على خدها وتطالع سلطان اللي منسدح ومغمض عيونه ...................وكان نفسها تقوم وتسبحة بالموية الباردة حتى يصحصح ...................................... وسرحت في خواتها اللي ما شافتهم من مدة وودها لو تدق عليهم اللحين وجلست تفكر في الأسهم والفلة اللي بيسكنها فيها سلطان ,,,,,, يا ترى بتكون حلوة ولا عادية ,,,,,,,,,, غمضت عيونها وهي تتخيل نفسها في الفلة من دون ما أحد يعكر عليها شي وجالسه في حديقة البيت وجمبها سلطان وقدامهم ولدهم يلعب ....... ابتسمت على هالتخيلات وفتحت عيونها وتفاجأة بعد وجود سلطان على الكنبه ............. حصه خافت : بسم الله وين راح ..........؟؟؟؟؟؟؟؟؟؟؟؟؟ ما حسيت فيه................. قامت من مكانها وراحت للغرفة ولقته جالس يلبس ملابسه....... حصه رافعه حواجبها :ههههههه كيف قمت وأنا ما حسيت فيك؟؟؟؟؟؟؟ سلطان ما قدر يخفي ابتسامته : عشانك سرحانه حصه تخبلت على ابتسامته اللي تزيدة حلا على حلاها:ههه وين بنروح ؟؟؟؟؟؟ سلطان يسكر أزارير قميصة : لسحر ............ حصه فرحت :جد سلطان توجهه للتسريحة يضبط نفسه : نسلم ونروح المطار ... حصه تلببس عبايتها وتنهدت : آآآآآآآآه يا لبى قلبك ... سلطان يسكر المكيف :اسمعي شيكي على الشقة شباابيك مفتحة مكيفات كل شي سكرية وانا بأنزل شوي وراجع ........ حصه :اوكي لا تتأخر ......... طلع سلطان ثم حصه سوت اللي قاله لها سلطان ..... ودقايق إلا جى سلطان وطلعو من الشقة وراحو لعند سحر ورجلها ورحبو فيهم وجلسو ربع ساعه ثم ودعو بعض وطلعو للمطار........................ الساعة 9:10 أستقرت الطائرة في الجو ............ وأرخت حصه يدها اللي شادتها على يد سلطان من الخوف ....... حصه بصوت خافت :اوووه حاله ..... سلطان يطالع حصه اللي جمبه وتطالع الشباك وتهمس بالكلام تأمل ملامحها اللي فرق عن ملامح خواته لكن في شي يميزها .. تفاجأ لم شاف دموعها تنزل وتمشي على خدها وتطيح على طرحتها.... حس برحمة لها وهمس :شفيك؟؟؟؟؟؟؟؟؟؟؟؟ حصه انتبهت على نفسها ومسحت دموعها ولفت على سلطان : هااا سلطان :أقول وشفيك ؟؟؟؟؟؟؟؟؟ حصه : لا بس مافي شي ....... سلطان : لا من جد وشفيك ؟؟؟؟؟؟؟؟؟ حصه حست برجفة من يدها وأنتهت لأطراف أصابع رجولها : سلطان تكفى وترى تكفى تهز رجال يا تعاملني زين للأبد مثل أي زوجين ما كملو سنة من زواجهم ولا لا تعذبني بطريقتك هذي ........ نزلت دموع جديدة على خدها ........ سلطان انصدم أنها تنتخيه:ما فهمت قصدك ؟؟؟؟؟؟؟؟؟؟؟؟ حصه بقهر :في الفترة أللي كنا فيها بلندن أحيانا تحسسي أني مهمه عندك وما تقدر تتخلى عني وأحيانا ما تسوي لي ولمشاعري حساب ....... وأنا ضعت معك حدد وضعك معي عشان ارتاح وأنا راضية فيك لأني ما أقدر أرجع لبيت أبوي وهو ما يبيني فريحني الله يريحك ........... تغيرت ملامح سلطان وبان فيها الضيقة ولف نظرة للناس المتواجدين في الدرجة الاولى .........وعرفت حصه أنه مستحيل يحدد ويريحها .............. مستحيل مستحيل مستحيل وهذا اللي قاهرها ولا زاد قهرها أنه ماقد فيوم قال لها أنها مهمه عنده أو وضح أنه ما يقدر يدبر حياته الروتينه بدونها.............. فركت طرحتها بقهر ....................... .................................................. ......... في امريكا ................. ماجد معصب :خللللللللللللللللللننننننننننننني محمد : قوم بو تركي قووووم ماجد :وشتببببببببببببببببيييييي محمد : قوم لك 4 ساعات نايم ويله نروح نصلي الجمعه مع الناس... ماجد : أي جمعه أنت الثاني تحسب نفسك بالرياض ...... محمد يسحب بطانية ماجد ويرميها في الأرض : ياهوووو الحارة فيها مسلمين كثار تحسب أن كل الناس كفرة ........ ماجد :طيب طيب لا قمت العصر صليتها ................ وحط يده على عيونه ........... محمد عصب : ماجددددددددد بتقوم ولا لا ؟؟؟؟؟؟؟؟؟؟؟؟؟؟؟؟؟ هز ماجد راسه بتعب :لا محمد وخر يد ماجد عن عيونه وقرب عنده :قووووووووووووووووووووووووم ماجد قووووووووووووووووووووم قووووووم وصار يهزه بقوة من دون رحمه :قووووم ماجد قوووووووووووووم ماجد وخر يد محمد عنه وقام :قمنــــــــــــــــا كسرتني ........ محمد ابتسم وكأنه ما سوى شي : يله الصلاة الله يصلحك ..... ماجد قام وتوجه إلى الحمام ودخل ......... محمد يعرف أن ماجد مو مره مع الصلاة والدليل أنه جى وما صلى الفجر اللي فاتته في الطيارة ....................... رجع محمد البطانية للسرير وراح يلبس فيما ماجد يجهز طلع ماجد من الحمام ولبس بنطلون جنز وتشيرت سماوي وطلع من الغرفة ......لقى محمد طالع من الغرفة المجاورة له :هااااا توضيت ؟؟؟؟؟؟؟؟؟ ماجد تذكر :يووووه تصدق نسييييييييت؟!!!!!!! محمد : وشلون بتصلي وأنت ما توضيت بعدين صل الفجر ما صليتها وعجل نروح المسجد ...... ماجد : ما شاء الله مسجد ؟؟؟؟؟؟؟؟ محمد : ليه ما عمرك شفت مساجد في أمريكا ماجد : ما قد سمعت يله نمشي ..... محمد :وووووين رح توضى أول وصل الفجر ويله خلصنا ماجد توجهه لغرفته ودخل الحمام وتوضى وطلع صلى الفجر وراح مع ماجد ... وهم يمشون في الشارع ......... ماجد : أشوفك حريص على الصلاة ما خبري بك كذا محمد :ما حسيت فيها إلا لم تغربت وكنت مو ساكن في هالشقة عند مع واحد سوري متشاركين وما كنت أشوف أي أحد يصلي أصلا الحارة ما كان فيها أي مسلم غيري أنا لأن السوري ما كان مسلم كان نصراني .......... ذيك الساعة حسيت بقيمتها ولم نقلت للشقة هذي وهنا مسملين كثار يروحون للمسجد الصغير زادت مكانتها عندي وأنه فرض واجب علي أديه ابتسم ماجد له وكمل محمد :وأنت بعد دامك ساكن معي بأعودك على الصلاة ماجد : لا يا بوك متى ما قمت صليت لا تسوي حركة اليوم محمد : ودين الله على كيفك لازم تقوم معي ونروح المسجد سوى ولا بأسوي فيك مثل قبل شوي ........ ابتسم ماجد له مجاملة لأنه مستحيل يواظب على الصلاة وفي المسجد بعد ما سواها في الرياض يسويها لم أغترب .......... وصلو للمسجد وعرف محمد الموجودين على ماجد اللي رحبو فيه كانو على أغلبهم من الجنسية الأمركية لكن خمسه اشخاص اللي كانو عرب واحد من الكويت كبير جاي مع عائلته يكمل الدكتوراه واحد سعودي شباب توه متزوج ويكمل دراسته برضو واثنين من المغرب يكملون الماجستير واحد من السودان مع عائلته يكمل الطب..... ماجد كان على وجهه علامات التعجب من ترحيبهم وحفاوتهم به وحس أنه بأختصار ((شخص مهم ))........... صلو الجمعه بعد ما خطب بهم السوداني باللغة الـ e ولم خلصو توجه كل واحد لشغلة .......... .......................................... حس سلطان انه شوي وبيرقد طالع ساعته كانت حدود 11 باقي لهم الكثير لف على حصه لقاها ساكته وتطالع الشباك بصمت من يوم قالت ذاك الكلام وهم ما كلمو بعض إلا لم جت المضيفة تسألهم وش يبون وما بغو شي لأن كل واحد منهم انسدت نفسه ..................... سطان ما يبي ينوم اللحين : حصه حصه لفت عليه وأوجعتها رقبتها لأنه من وقت وهي لافه على الشباك وما حركت رقبتها :نعم سلطان :إلا أقول أمس ليش تتحركين في السرير كثير ....... حصه اللي حبت تقهره : لا رديت على كلامي اللي قبل جاوبتك اللحين ورجعت تطالع الشباك ............ وسلطان انقهر منها ومن كلامها وغمض عيونه وعدل راسه بطريقة تخليه يرقد براحة ,,,,,,,,وكلها عشر دقايق إلا غط بالنوم ..... لفت حصه وخذت مجلة وجلست تتفرج عليها وأمس كانت تحس بألام في بطنها وتقلبت في السرير أكثر من مره ......... تنرفزت لم شافت خصلة من شعر سلطان نزلت على جبينه ودها ترجعها على ورا وما ودها لكن يدها تحكها وبخفت يد رجعتها بسرعة وكانها مسوية جريمة لأنها ماتبي سلطان يقوم وترجع تطالع الشباك وتبين له أنها زعلانه منه ,.......... ................................. رتاج جالسه قدام دولابها وتطلع كل شي ثمين حاطته فيها..... عقد ألماس والذهب والساعات والخواتم وكل شي ....... شالتهم وحطتهم على السرير ........... وجلست تختار وش اللي ممكن يجيب القيمة في بيعته ......... جابت كيس وحطت اللي أختارتهم وهم طقم الألماس وطقم ذهب أصفر ما تبيه لأنه ما تحب الأصفر تحس أنه حق العجايز وكان هدية جايتها من وحدة من صديقاتها بمناسبة عيد ميلادها الـ20 ......... وحطت بعد سلسال وسوارة من الذهب الأبيض .......... وراحت تدخل الباقي اليوم راح تروح تبيع هذولا والباقي بعدين لأنها ما راح تطول في السوق بتبيعهم وبتجي على طول لأن امها ما راح تخليها لان اليوم الجنتل مان راح يوصل من لندن .................... طلعت من غرفتها ونزلت تحت وسألت الشغالة عن أمها وقالت أنها في مكتب أبوها .......رقت بسرعة فوق ودقت على السواق يجهز السيارة ولبست وخذت الكيس وطلعت من البيت .......... ولم خلصت من بيع اللي معها ولان الذهب كان مرتفع سعره جاب قيمة حلوة.... رجعت للبيت وما شافت أحد من أهلها رقت لغرفتها وتفكر كيف بتدبر باقي الفلوس ................. في غرفتها وهي منسدحة على السرير جتها فكرة جهنمية وقامت من مكانها ونزلت لتحت وراحت لمكتب أبوها وطقت الباب وتتمنى أن ما تلقى أمها موجوده معاه ولم دخلت لقت أمها فيه .......... رتاج ابتسمت : مساء الخير ....... أبو مشاري :مساء السرور أجلسي تقدمت رتاج وجلست مع أبوها وأمها ...... أم مشاري : ماجت رتاج إلا عشان شي أبو مشاري :خليها تقول اللي في خاطرها ...... رتاج بدلع: بابا أبي منك طلب صغنطوووووط أبو مشاري : حاضرين أمري ....... رتاج :مم ..وتطالع امها ......تعرف أني تركت الدراسة وولكن أبي أستغل فراغي بشي حلو تحبه ......... أبو مشاري :وش عندك الزبدة رتاج :آآآنا أبي أشتري أسهم جديدة وماعندي سيولة آآحم أحم يعني أنا بنتك وأنت ولد (.....) ما ظني بتقصر معي وخاصة مع بنتك رتاج ......... ام مشاري : زين فكرتي في شي .......بس أشوف السوق كله أحمر وش تشترين رتاج : لا بأشتري اللحين ويتوقعون أن الثلاثاء راح ترتفع الاسهم وانا المستفيدة أبو مشاري : زين أنك تفكرين بالاعمال الحرة رتاج:ممم وكم بتعطيني أبو مشاري:اللي تبين بس بشرط ما تتعدين الحدود رتاج :أنت عطني رقم واقول لك يناسبني ولا لا ؟؟؟؟؟؟؟ أبو مشاري : اسمعي انا بأحول على حسابك بكرة مبلغ وأنتي شوفي أذا يناسبك أولا ؟؟؟؟ أم مشاري : أنتظري المفاجاة بكرة .... أبو مشاري : بشرط لا خسرتي ماراح أعطيك بعدها ولا شي أم مشاري : شكل المبلغ كبير انتظري رتاج ابتسمت : اوكي راح أنتظر وجلست معهم شوي ثم استأذنت وطلعت ....... وهي تفكر كم راح يعطيها أبوها................... ............................. ساره :مشاري اليوم بيوصل سلطان كلمه بخصوص سعد مشاري :أن شاء الله لأكلمه بس لا حدد زواجه هو وقمر ساره :أكيد بعد شهر ولا شهرين مشاري : ما أدري عنه على حسب ظروفة يمكن أقل أو أكثر لأن للحين مالها سكن حصه فيه ومستحيل يجمعهم في بيت واحد ساره : ليش أبوك ما بنى لسلطان .......... مشاري : لأنه عنده فله .......... ساره :أها ...... تتوقع من بيسكن فيها قمر ولا حصه ؟؟ مشاري : الله أعلم ...................................... فهد يتمشى في حديقة وحاط يدينه في جيوب بنطلونه ويطالع الأرض بتفكير ........................ سجى هالأيام شاغلة باله كثير يحس أنه قسى عليها لم خلاها لأنها لازم تنساها .............. وما يبي يرجع للرياض من دون ما يشوفها نظرة أخيرة ويحفظ ملامحها الطفولية اللي يا ما حبها ............. هو يحب البنت لا كانت ملامحها طفولية وفيها برائة يا ترى من يقدر يشيل سجى من بالك يا فهههههههد ........................................... ماجد جالس مع محمد في الصالة ... محمد مندمج مع الأخبار وماجد على فخوذه الاب توب ويكلم ربى .... ربى : أقول مجود وش صار على جامعتك ؟؟؟؟؟؟؟ ماجد :اليوم رحت مع محمد وضبطت أموري وأن شاء الله بأداوم بكرة ربى : شد حيلك لا تفشلنا ماجد :وأنتي بعد شد حيلك لازم تجيبين نسبه ربى : شووووووفوووو من تكلــــــــــــــــــم ماجد : ليه تبين تكونين مثلي ؟؟؟؟؟؟؟؟؟؟؟ ربى : لا بسم الله علي بس أنا أذاكر لا جت ليلة الأختبار ماجد : وهذا الخطأ والله أني داري وجهك مو وجه نسبة ربى : من بركاتك ماجد :مالت عليك أقولك شي وما تضحكين ....... ربى :هههههههه ههههههه ماجد : ترى ما بقول لك ...... ربى : لا خلاص ما راح أضحك .... ماجد :أحم أحم أمس رحت المسجد واليوم بعد ربى :والله مبررررررووووك ماجد :والله ما كان ودي بس أبو شروان أصر علي ربى :وفي مسلمين ماجد : ايه كثار ورحبو فيني والله حسيت أني شي مهم ربى : يجاملونك وإلا أنت وجهك وجهه مساجد ماجد : أقول مالت علي اللي أكلمك ومعطيك وجهه انقلللللعي ربى : بسم الله امزح لا تعصب بعدين ليش ما غيرت لاب توبك؟؟ ماجد :بأشتري كاميرا خارجية ربى : اها ... ماجد : وش أخبار شوق ليش ما تكلمني ربى : ترى من يومين أنت هناك وتبيها تكلمك ماجد : حتى ولو تكلم اخوها اللي في الغربه وفاقدينه ربى : أصلا وجودك مثل عدمك في البيت تبيها تفقدك يا شيخ طيرررررررر ماجد : أقووووووول ترى زودتيها ضفي وجهك ........ وسكر منها وسكر الاب توب ....... محمد : وشفيك ؟؟؟؟؟؟ ماجد : مافي شي بس اكلم أختي محمد:أها ماجد : وأنت ما تكلم خواتك محمد : ما عندي خوات ماجد : لا والله ؟؟؟ محمد : أمزح معك عندي أختين وحدة متزوجة والثانية تدرس في الجامعه ماجد : يكلمونك محمد : كل يومين ثلاث أكلمهم ورجع محمد يطالع التفلزيون وماجد قام يدور له أكل .... ....................................... سلطان وحصه وصلو أخيرا ما خلصو من زحمة المطار إلا الساعة 7 المغرب ... طلعو وكان في انتظارهم مشاري ركبو معه ..... وبعد السلام ....... مشاري :ليش قطعت دورتك ؟؟؟؟؟؟؟ سلطان:اللي يدرسونه غير العمل وبعدين أنا وراي أشغال خلها على الله يارجال مشاري سكتت ........... ................في البيت كانت أم مشاري وأبو مشاري وربى وشوق جالسين في مجلس الرجال يتنظرون سلطان يجي هو ومرته ........ وبعد ربع ساعة وصلو وسلمو وربى وشوق مستانسين أن بطن حصه كبر شوي... جلسو معهم شوي ثم طلعو عشان يرتاحون .......... في قسمهم ................... حصه تسبحت وطلعت ودخل بعدها سلطان ......... حصه تعبت من الصبح قايمه انسدحت على الكنبه ونامت ..... طلع سلطان من الحمام ولبس بجامه وطلع للصالة شاف حصه نايمه على الكنبه ووجها تعبان ........ راح يقومها :حصه قومي ارقدي على السرير أريح لك حصه جلست شوي تستوعب وين نامت وقامت وهي ما تشوف قدامها وصلت للسرير وانسدحت وكملت نومها .,,,,,,,,, سلطان ضبط جواله حتى يقوم الساعة 9 وراح يرقد .......... لكن بعد ساعة رن جواله ورد وهو ماشاف الشاشة : .......:الو سلطان يحاول يعرف هالصوت الانثوي ما قدر:من أنتي قمرخافت من صوته :الو أنا قمر نسيت صوتي سلطان :أهلا قمر وش تبين ؟؟؟؟ قمر :داقة أتحمد لك بالسلامة سلطان :الله يسلمك قمر : كنت نايم ؟؟؟؟ سلطان: ايه من ساعة نايم وأنتي قومتيني قمر : اجل كمل نومتك وأول ما تصحى كلمني اوكي سلطان : اوكي يله باي وسكر سلطان ورجع يكمل نومه .......... .................................. صيته : أشوفك صرت ما تجلس في البيت ولا كأنك واحد متزوج مشعل :ايه والله أنك صادقة صيته انقهرت :طول الوقت طالع وين تروح لا يكون متزوج علي مشعل :اسكتي اسمع الأخبار صيته تعاند وتطفي التلفزيون وتوقف قباله :كلمني لا تغير الموضوع مشعل قام من مكانه وراح فوق وصيته رقت وراه صيته : من الأدب أني لم أتكلم تطالعني مشعل كمل طريقة للغرفة ولبس ثوبة وجزمته وخذ جواله ومفاتيحة صيته : بعد بتطلللع مشعل : تبين شي؟؟؟؟؟؟؟؟؟؟؟؟؟ صيته : أيه أبي طلعني من البيت طفشت مشعل : روحي لأهلي ..........ومشى طالع من البيت وصيته منقهرة وواصلة حدها من تصرفاته.......... .......................................... حصه تقوم من النوم وتطالع الساعة 9 إلا ربع ,,,,,,,,, قامت من السرير وتوجهت للحمام وغسلت وتوضت وطلعت تصلي الظهر والعصر والمغرب والعشا ,,,,,,,,,,,!!!!! لم خلصت سمعت شي يرن وكان جوال سلطان ...... تركته وراحت لغرفة الملابس وكان فيها الشناط رقوها الشغالات ... دورت على لبس جديد من اللي شرتهم وطلعته وكانت البلوزة وسيعه حقت حوامل ... ولم راحت للغرفة شافت سلطان قايم وجالس على السرير ويحك شعره... حطت ملابسها على الكرسي ..... سلطان :متى قمتي ؟؟؟؟؟؟؟؟ حصه تسكت وما ترد عليه سلطان طنشها وقام راح للحمام ثم راح للصالة يقضي الصلوات وحصه لبست وحطت شوي مكياج ....... لم خلصت راحت ماشية بتطلع من القسم ........ سلطان :اصبري بأنزل معك حصه : بأروح لشوق سلطان / كيفك حصه طالعت جوالها اللي محطوط جمب التفلزيون راحت وخذته وطلعت ماشيه لغرفة شوق لكن طقت الباب ما رد احد ولم دخلت مالقت أحد طلعت وراحت لغرفة ربى وبرضو مالقتها اضطرت أنها تنزل تحت بالمصعد .. في الصالة لقت ربى وبدر ....... بدر قام يسلم على مرت عمه ورجع يجلس ........ ربى :وين الهديا ما أشوفهــا حصه ابتسمت : موجودة لا تخافين ...وين شوق؟؟........ ربى : رايحت مع امي للسوق ..... حصه طالعت الدرج............اللي نزل سلطان منه وهو لابس ثوب وكاب أزرق مخطط بأبيض ومحليه ويطالع جواله اللي بيده ..... دخله :انا طالع تبون شي؟؟؟؟؟؟؟؟؟؟ حصه وشوق : سلامتك سلطان : تعال بدر تطلع ركض بدر لعمه :وين بنروح ...... سلطان يمشي وجمبه بدر : بنروح لبيتي الجديد وجلس بدر يسأله لم طلعو من البيت وركبو السيارة ومشو .. ربى : وش يقصد بيته الجديد حصه تشيك على جوالها الخالي من الرسايل والمكالمات من يوم سافرت :فلته بيروح يشوفها ربى : من متى سلطان عنده فله أها إلا صح عنده بس غريبه بيروح يشوفها حصه :عشان بأسكن فيها ويبي يأثثها ربى :بغباء وأحراج : ليش؟؟؟؟؟ حصه ارتكبت ما تحب تقول اسمها : عشان قمر بتسكن هنا ربى استحت أنها أحرجت حصه :أها .....وليش ما رحتي معه؟؟ حصه :ما أبي وما قال لي تعالي معي ربى تدور موضوع : اليوم كلمت ماجد وضحكني بشي حصه ابتسمت :وشو ؟؟؟؟ ربى :هههه خويه خلاها يروح المسجد ويصلي حصه :يا حليله بس معقولة هناك مساجد؟؟؟ ربى : كثير حصه :وخوية وش جنسيته ؟؟؟؟؟ ربى : أبو شروان ولدنا رايح يدرس هناك وماجد سكن معه بشقته بس بشرط الأيجار بالنصف بينهم ......... حصه مستغربه : أبو شروان وش هالأسم ؟؟؟؟؟؟؟ ربى :ههه ما أعرف إلا أبو شروان مدري وش اسمه ماقد قالي حصه :بس من جد غريب الاسم إلا وين رتاج ما شفتها ربى : يا حليلك تسالين عنها وهي ما فكرت تنزل تستقبلكم .... في غرفتها جالسه حصه :اها ربى : من رجعت من دبي وهي متغيره مره طول الوقت في غرفتها وقطعت الدراسة حصه : من جد قطعت الدراسة ؟؟؟؟ ربى :أيه قطعتها غبيه بتسوي مثل ماجد شوفيه رجع يكمل حصه : إلا ماجد وش كمل دراسته فأيش؟؟؟؟؟؟ ربى : خذ دبلوم ادارة أعمال حصه : دبلوم سنتين؟؟؟؟؟؟؟ ربى : يس سنتين وجلسو يسولفون لم جت الشغالة تقول لهم أن العشا جاهز كان يبون وراحو يتعشون مع بعض وحصه أشتاقت لطبخ رويدا اللي فرق عن طبخها.. ثم راحت كل وحدة لغرفتها ......... .................................................. ..... اليوم التالي ::::::::::: الفجر قام سلطان وحصه من النوم عشان صلاة الفجر ودوام سلطان ....... حصه : سلطان ممكن توصلني لأهلي سلطان : خواتك ما وراهم مدارس ؟؟؟؟؟ حصه : إلا بس ابي أكون طول اليوم هناك سلطان : أحسن عشان وراي مشوار فالليل ومقدر أوديك يله خلصي لبسي ...... حصه بعفوية : ليه وش عندك ؟؟؟؟؟؟؟ سلطان :لقمر بتفق على الزواج حصه طالعته بقهر : بأروح فاليل محد بيفتح لي الباب ومشت رايحة للغرفة ...... سلطان يعلي صوته : فالليل مافي روحة تبين اللحين لبسي وأنا عارف أن عندك مفتاح البيت بس انتي تبين تخربين علي حصه تفتح باب الغرفة وتوقف : يعني لم توصلني لبيت أهلي فالليل أخرب عليك روحتك لقمر ها؟؟؟؟؟؟؟؟؟؟ سلطان :لأن طال عمرك بيتكم بعيد وبيتها بعيد وماني فاضي أطلع من هنا وأوديك ثم أروح لها وارجع أجيبك وأوديك البيت وأنا وراي مشاوير عشان أثاث الفلة ما أبي أعطل عمري ما وراي إلا شهر بس ....... حصه : يعني خلال شهر راح تتزوجها؟؟؟؟؟؟؟؟؟ سلطان : أيه ويله اخلصي ..... حصه اضطرت أنها تلبس وتروح معه .... في السيارة ........ حصه في حضنها شنطتها وتحت عند رجولها كيس فيه الهديا اللي شرتها لهم حصه ........... حصه تطالع الشباك وتهمس بصوت غير واضح : يا حليلهم بيفرحون ... سلطان اللي مركز في سواقته وانتبه وش قالت حصه :على ايش بيفرحون ................. حصه لفت بسرعه لأنه دايم يسمعها :وأنت تسمع كل شي؟؟؟؟؟؟؟ سلطان رجع يطالع الطريق من دون ما يقول شي.............. حصه :قلت بيفرحون يا حليلهم لاني راح أفاجئهم بأشياء كثيرة سلطان بجديته : مثل؟؟؟؟؟ حصه : بالهديا وأني راح أسكن في فلة ويقدرون يزوروني لأن ماقد جو للقصر ووأن بعد بطني كبر بتستانس لطيفة سلطان ما رد عليها ولم وصلو للبيت استغرب أن أحمد واقف عند باب بيتهم ومعه كم عامل ....... حصه :وش صاير؟؟؟؟؟؟؟؟؟؟ سلطان : والله مدري اصبري لا تنزلين لم أشوف ........ ونزل سلطان بعد ما رفع ثوبه حتى ما يتوسخ بتراب الشارع ...... سلطان : السلام عليكم \ أحمد انتبه له : وعليكم السلام هلا سلطان على ماأظن سلطان : ايه سلطان وش صاير هنا ....... أحمد :أبدا أزين البيت عشان بأعرس ........... سلطان :بتعرس وعلى مين ؟؟؟؟؟؟؟؟ على منيرة ؟؟؟؟؟؟؟؟؟ أحمد ابتسم : لا مو منيرة ..ويطالع السيارة وشاف حرمة....... :شكلك ما تدري وش السالفة ..... سلطان مكشر من الشمس :أي سالفة ؟؟؟؟؟؟؟؟ أحمد:اسمع ...........وجلس يوصف له على بيت وما قال له ولا شي واستأذن سلطان وركب السيارة حصه :ليش رجعت وش صاير أشوف كنه يوصف لك شي سلطان مشى :مدري وش السالفة حصه :طيب وش قالك بالضبط ؟؟؟؟؟؟؟؟ سلطان :أول ما جيت قال أنه يزين البيت بيعرس ووصف لي بيت بنروح له يقول هناك بتعرفون السالفة ................ حصه بخوف وبال مشغول ......... وصلو للفلة المقصودة على وصف سلطان .... حصه كانت بتنزل بس خلاها سلطان في السيارة وراح يرن الجرس ومحد يرد وحصه تنتظرة يجيها وتشوفه حاط يده على الجرس ومكشر وجهه من الشمس الحاره رغم أنه يلبس نظارات شمسية ........... انتظر سلطان لم مل وفقد الأمل من أن أحد يرد رجع للسيارة سلطان : محد يرد عندك رقم جوال أبوك دقي أسأليه ...... حصه :إلا عندي وتطلع جوالها وتدق وكان مقفل :مقفل سلطان : ياليت خذت رقم أحمد أخاف الفلة غلط مع أني متأكد ...... حصه :طيب وش سالفة الفلة هذي ترى شي يحير ..... سلطان : ما أدري ..ألمهم بأوصلك البيت اللحين ولا رجعت من الدوام وديتك ........ حصه : توديني وين؟؟؟ أنا بأكلم أم أحمد أشوف وش السالفة ومسكت جوالها لكن سلطان سحبه من يدها : لا وديتك البيت كلميها اللحين ما يفيد برجعك البيت ........ ورجع الجوال لها ووصلها للبيت وراح لدوامه ................ ....................... في المستشفى عند مشعل ...... وعد بدلت بينها وبين ممرضة ثانية حتى ترتاح في شغلها وما تحس بأحراج .................... مشعل يدق جواله من رتاج ورد :الو رتاج : هلا مشعل أخبارك ؟؟؟؟؟ مشعل : تمام كيفك انتي رتاج : بخير بس بغيت منك خدمة .. مشعل : أمري ؟؟ رتاج :حرمتك مستخدمة سواقنا وأبي تدق عليها لأني أبي أروح البنك مشعل :غريبه وين طالعه ؟؟؟؟؟؟ رتاج : مدري عنها دق عليها بسرعه مشعل : وليش ما تدقين عليها أنتي رتاج : من زمان ما كلمتها متفشلة يله دق مشعل :اوكي راح أدق يله باي رتاج : يله باي ....... سكر مشعل من رتاج ورجع يدق على حرمته اللي ما ترد إلا لم يدق مرتين ..... مشعل :وينك فيه ؟؟؟؟؟؟؟؟ صيته : رايحة لأهلي أمي تعبانه عندك شي مشعل : وليش ما خليتي السواق يرجع للبيت ؟؟؟؟؟؟؟؟ صيته :وليه من يبغاه ؟؟؟؟؟؟ مشعل :يبيه اللي يبه وشعليك أنتي جاوبي على سؤالي صيته:اففففف اللحين راجع للبيت مشعل : يله باي وسكر في وجهها ............... وأرسل لرتاج : (( السواق راجع لك ......)) رتاج جهزت عمرها وجلست تنتظر السواق يرجع بعد ما دقت عليه عشان ما يروح منا ولا منا ويتأخر عليها.......... لم وصل السواق قالت له يروح لمحل ...........للساعات عشان بتبيع ساعتها اللي فيها كمية من الألماس ....... لم باعتها وخلصت قالت له يتوجهه لبنك ............... لم وصلت للبنك ودخلت كان شبه فاضي لأن الساعة 11 صباحا........ توجهت لأحد الموظفات وجلست تتناقش معها وعرفت أن أبوها حول لها 200 ألف وهي ماتوقعت هالمبلغ الشوي لكن هو قال أن خسرت مافي غيره وما هددتها لأنه ما ظمن نجاحها....... شرت أسهم بــ60 ألف من كذا شركة متوقع ارتفاعها وطلبت تسحب كل اللي في حسابها نقدا وما تبقي إلا ألف وأستغربت الموظفة لكن سويت اللي تبغاه رتاج ........ كل هذا في حدود ساعة ونص ................ وطلعت رتاج بعد ما حطت ظرف الفلوس في شنطتها ... ورجعت للبيت .............. ............................ الساعة 2 الظهر دق سلطان على حصه ..... حصه : الو سلطان : هلا دقيتي على أم أحمد حصه :أدق محد يرد مدري وش فيهم سلطان : طيب أنا جاي بتغدا وبنروح ...... حصه :اوكي ....... سكرت حصه من سلطان ونزلت تحت ولقت الخدامات يجهزون الأكل اللي بينحط بعد شوي ..... راحت للصالة وجلست بس ما كان فيه أحد .......... ربع ساعة ونزلت شوق وربى ومعهم رتاج وتوجهوا للغرفة الأكل وراحت حصه معهم وبعدها نزل أبو مشاري وأم مشاري ودخل سلطان على هالوقت ..... وراح يرش جسمه وجاهم وتغدى سلطان لف على حصه وبصوت واطي : مشينا أم مشاري : ترى مشاري داق علي يقول خلي سلطان يمرني العصر سلطان :أها طيب وليش ما دق علي أم مشاري : مدري رح شوف وش عنده ......... قام سلطان وأشر لحصه تكمل أكلها بيروح يشوف وش أخوه يبي منه لأنه مشغووول مره ...... دق على جواله وقال له تعال وراح سلطان لبيته .... في مجلس الرجال كان سلطان مقابل مشاري ......... مشاري : تعرف سعد أخو ساره ؟؟؟؟؟؟؟؟ سلطان : ايه أعرفة وش بلاه ؟؟؟؟؟؟؟ مشاري : تقدم يخطب رتاج مني سلطان :وشووووو؟؟؟؟؟؟؟ مشاري : اللي سمعته هو كلمني بموضوع رتاج عشان لا وافقت يتقدم رسمي ................ سلطان : ومن متى هالكلام ؟؟؟؟؟؟؟؟؟ مشاري : من زمان له اللحين شهر ونص تقريبا سلطان :وليش توك تقولي تارك الرجال كل هالمدة مشاري :قلت ما راح أحكي معك إلا لم ترجع من سفرتك سلطان :طيب هذا أنا رجعت خله يتقدم رسمي مشاري :لا لازم ناخذ رتاج قبل ....... سلطان : وليش تاخذ رايها هذي هي جالسة لا تعليم ولا شي ما غير تدج في هالأسواق .................. مشاري : حتى ولو يمكن ما تبيه ......... سلطان :والله مدري عنك تفاهم معها بطريقتك أنت أخوها الكبير ولا صار شي قل لي ........ مشاري : لا كلمها أنت أنا بتوافق وما راح تعارض ....... سلطان :وليش هذا اللي نبيه ............ مشاري : قاعدة على راسك أختك ترى ألف واحد يتمناها ........ سلطان : وش قاعد تخربط بعدين هي ماهي صغيرة عمرها 20 سنة بعدين سعد ما شفت منه شي رجال وما ينعاب وأخو سارة وش تبي أكثر من كذا مشاري : يا أخوك اسمع أنا ودي أقول لأمي وأفتك لأنها مسؤولية وأنا يكفي علي أنتم ................. سلطان بتعجب :أحنا؟؟؟؟؟؟؟؟؟؟؟؟؟؟؟؟ مشاري :أيه أنتم كل ما طق عود حصى جيتوني وأنا ما أحب هالأمور أحس أني اخرب بيوت سلطان : وش تقصد ما فهمت عليك ................. مشاري تذكر ان سلطان ما يعرف :أقول سلطان ما دريت ؟؟؟؟؟؟؟ سلطان : عن أيش؟؟؟؟؟؟؟؟ مشاري :بس كلمة رجال ما يطلع لحد ؟؟؟؟؟؟ سلطان : كلمة رجال قل وش عندك ؟؟؟؟؟؟؟؟؟ مشاري : مشعل ناوي يسوي زيك ...... بيتزوج على صيته ,,,,, سلطان وسعت عيونه :مشعل أخوي ؟؟؟؟؟؟؟؟؟؟ مشاري : وشفيك ارتعت عادي واحد بتزوج ثانية صار شي بالدنيا سلطان : بس مشعل ما عمري شفته بينه وبين مرته مشاكل مشاري : ليه بينك وبين حصه مشاكل يوم رحت تتزوجها سلطان :أنا غير وهــو غير مشاري : لا والله كلكم سوا ,,,,,,,, ماخذتو راي زوجاتكم بس زين أن حصه رضت بس صيته مستحيل وبتطلب الطلاق وأخوك تدري وش بيسوي ساعتها؟؟؟ سلطان سكت يبيه يكمل......... مشاري : بيقول لها تبين الطلاق تنازلي عن العيال لي وأطلقك ولا بيعلقها ................. سلطان : شكل في روحتي صارت أشياء كثيرة أقول ...........وقام من مكانه: أنا وراي مشاوير بأخذ منك المعلومات بالتفصيل لم ارجع ولا فاليل ولا صح ترى اليوم بأروح أحدد الزواج معهم تعال معي مشاري :لا والله أنا مشغول الليله رح لحالك وأنت نسيبهم اللحين ما يحتاج أحد يجي معك ........ سلطان طنش :يله تبي شي؟؟؟؟؟؟؟؟؟؟؟؟؟؟ مشاري : سلامتك طلع سلطان من عند مشاري ودخل البيت لقى أمه جالسه تتقهوى هو وأبوه في الصالة رقى الدرج ولم وصل الغرفة لقى حصه تلبس عبايتها تستعد ....... سلطان ياخذ جواله والمفاتيح : مشينا ........ طلعت حصه وراه ونزلو وأم مشاري ما علقت لان أبو مشاري موجود معها ......ركبو السيارة وتوجهوا لنفس الفلة اللي جوها الصبح .... نزل سلطان وحصة ورن الجرس سلطان وردت بنت :ميـــــن؟؟؟ حصه سمعت صوت أختها لطيفة :لطيفة هذي لطيفة سلطان يتكلم : لطيفة أفتحي الباب أنا سلطان جايب حصه ..... جو البيت : منيرة :مين جاي؟؟؟؟؟؟؟ لطيفة خايفة : هذي حصه اللحين بتدري ...... منيرة :روحي أفتحي لها بسرعة لطيفة تطلع وتروح تفتح لحصه دخلت حصه بقوة وضمت لطيفة وهي مشتاقة لها موت وسلطان راح وركب سيارته ومشى ........... لطيفة تسكر الباب ......... حصه :وش هالمكان وش السالفة ترى من الصبح وأنا حالتي حالة ووين أبوي وش صاير لكم ومن هذا بيته ووو لطيفة :شوي وتعرفين تعالي جوا دخلت حصه البيت واستقبلتها منيرة بحرارة وجلستها في الصالة ...... حصه :من هذا بيته منيرة : بيتك ؟؟؟؟؟ حصه تفاجأة : بيتي؟؟؟؟؟؟؟؟؟ منيرة :ايه بيتك أبوي كتبه أسمك حصه ما فهمت :أقول عن الخراط قولو وش السالفة جد منيرة : والله بيتك واصبري أجيب الصك ....... وقامت منيرة وراحت لغرفتها وجابت رسالة أبوها وكل شي ....... ورجعت وعطتهم حصه ................... حصه : وش هذي ؟؟؟؟؟؟؟؟ منيرة تاخذ ورقة الرسالة وتعطيها لحصه: أقريها هذي أول ...... حصه تاخذ الورقة وهي مسبه وما تدري وش السالفة.......... قرت السطور بسرعه ولفت على منيرة وبعصبية :وش هالخرابيط من وين جبتيها ........ منيرة : والله رسالة من أبوي حتى خطة نفسه أقري وركزي حصه رجعت تطالع الورقة وتطالع منيرة ولطيفة,, وتحاول تركز في السطور وتفهم وتستوعب ...... ثم وخرت الرسالة وبيدها اليمنى صك البيت إللي بأسمها واليد الثانية الرسالة طالعت منيرة : مو معقوووووووووول اللي اقراه ......... منيرة :والله أنا أنصدمت اكثر منك ,,,,,,,,, حصه مو مصدقة : كل صار كل هذا وأنا ما ادري ......... رمت الاوراق في الارض : فهموووووني زي الناس ...... ......................