الفصل 12
المحطة الثانية عشر:
في مدرسة ربى ::::::::::::
ربى :أنتي وماجد وش دخلني فيكم
نوف : وصلي هالكلام له أذا ما خليته يندم ما أكون أنا نوف
ربى :خلصتي ؟"؟؟
نوف انقهرت :أيه خلصتتتتت
وراحت تمشي بعيد عنها وربى حمدت ربها على نعمة العقل
........................................
دخلت حصه المستشفى معها بوكية ورد أحمر
شرته قبل ما تجي لهنا مع سحر
وسحر وصلتها وراحت بتجي بعد ساعتين .........
دخلت حصه على سلطان لقته متسند على المخدة ........
حصه حطت الورد على الطاولة :صباح الخير
سلطان طالعها ثم رجع يطالع الورد وما قال شي
حصه تقرب منه وتجلس على السرير :حمد لله على سلامتك وأسف إني تأخرت
سطان ساكت
حصه:كيفك اللحين أن شاء الله أحسن
سلطان ما يرد
حصه :سلطان وشفيك تكلم .........ممم جبت جوالك وبوكك يمكن تحتاجهم
مارد عليها ...........
مسكت يده وباستها :سلطان
سلطان :اذا تبين الطلاق أنا حاضر
انصدمـــــــــــــــت حصه :وش هالكلام ؟؟؟؟
سلطان بصوت عالي:أنا تشوهـــــــــــــــــت
حصه :وشفيك أنكبت عليك موية حاره مو شي خطير مره
يعني مع الوقت بتروح الأثار أو بالعمليات التجميل
سلطان : واذا ما سويت عملية بتعشين معاي وأنا كذا مقررررررررف
حصه شدت على يده :أكيد بأعيش معاك
حطت عينها في عينه لقتها حزينة لهدرجة سلطان متأثر من الحرق اللي فيه
هدرجة يأس من عمليات التجميل ........؟؟؟؟
حصه : سلطان أنت بتقعد هنا لمدة أسبوع عشان قالو أن صدرك فيه جروح وما أدري وش وأنا في الشقه لحالي ,,,,,,,,,,,,,,,,
سلطان :جبتي بوكي :::؟؟؟
حصه تفتح شنطتها وتطلعه له : صراحة أستحي كل يوم أروح مع الجيران
سلطان : أي جيران
حصه : سالفة طويلة مستعد أقولها لك
سلطان : تكلمي
وجلست تقول له وش صار من أول ما طلعت من الشقة لحد الان
بالتفصيل المملل وخذ كلامها ربع ساعة شرح
سلطان : خذي هذي الكارد
حصه : كيف أستخدمها
جلس سلطان يعلمها واعطاها فلوس حتى تجي بالتكسي وتشتري أغراض لها
والأكل .....إلخ .....لم يطلع من المستشفى
وجلست حصه تسولف عليه لم جت لها سحر وقبل ما تطلع .,,,,,,,,,,,
سلطان ناداها/ حصـه
حصه:لبيه
سلطان تتردد :شكرا على الورد ,,,,,
حصه استحت : العفو .......تبي شي أجيبه معي لأن بأجي العصر
سلطان : ملابسي
حصه :اوكي باااي
وأشرت بيدها وطلعت .........مع سحر قالت لها توقف عند سوبر ماركت تشتري خبز ومن ثم توجهوا لشققهم وحصة مستانسه أنها سولفت مع سلطان من دون ما يسكتها أو يقول : ازعجتيني
.................................................. .....
الدكتور مبارك :ما أقدر أدخلكم عندها
رائد : تبي تشوف أختها خمس دقايق وطالعين
الدكتور مبارك :والله ما تدرون وش سوت أمس
جواهر : بسم الله وش سوت أختي
جلس الدكتور يقول لهم وش صار أمس
رائد : يعني أحسن ما ندخل لها
الدكتور مبارك :أحسن لكم بتتعلق فيكم وتترجاكم تطلعونها من هني
جواهر :يا ويلي عليك يا رتاج صدق انهبلتي
الدكتور مبارك :واضح أن نفسيتها تعبانه وايد طول الوقت تسب واحد اسمه راشد على ما ظني أذا ما خربطت بالاسم والمشكلة أن نوع المخدرات اللي كانت تاخذها من القوية يعني اللي مبتدىء في هالأشياء ياخذ اخف منها بكثير لكن الله يهدي بنتكم ما كانت واعيه باللي تسوية
نزلت عيونها جواهر : خلاص أحنا بنجي الأسبوع الجاي يمكن تكون أحسن
الدكتور مبارك :أحسن لج عشانها ما راح تستقبلج زين
رائد : اوكي أحنا نترخص
الدكتور مبارك : فمان الله
رائد :مع السلامة ............
طلعو رائد وجواهر من عند الدكتور
رائد : ما قلت لك ما بيسمحون لنا ندخل
جواهر :وأنا وش دراني قلقانه على أختي وأبي أشوفها
رائد : الله يشفيها .....................................
في غرفة رتاج .......................
عيون حمر تحتها هلالات سودا
وجهه أصفر و ذبلان ........وشعر متناثر بأهمال.........
ودموع ما وقفت ,,,,,,,
هذي حالة رتاج ...........
جالسة على السرير بشكل ملموم وحاطه راسها على ركبها ....
وكل دقيقة تجيها رجفة بجميع أنحاء جسمها .......
كانت حالتها تقطع قلب الكافر
لكن من يدخل في هالطريق من الصعب يطلع إلا من رحم ربي
وأن طلع ومسك نفسه أنه يرجع عسى الله يثبته
وأن طلع ورجع يمارس سلوك خاطىء فالله يهدية ألا الطريق الصحيح .....
................الله يشفيك يا رتاج
,,,,,,,,,,,,,,,,,,,,,
ماجد واقف عند باب غرفته توه بيدخل إلا تنادية ربى :نعم
ربى :أبيك في موضوع
فتح ماجد الباب ودخل ودخلت وراه ولع اللمبات وجلس على السرير وهي واقفه قباله ......ماجد :وش عندك
ربى : عن نوف
ماجد بدون نفس :وش فيها ذي
ربى :جتني الصبح تبي تتهاوش معي قلت لها مالي دخل بينك وبينها
لكن قالت وصلي هالكلام له أذا ما خليته يندم ما أكون أنا نوف
ماجد :هههههههههه وش تبي ذيييييي
ربى :أيه تضحك ما عليك ..لكن اسمع أبعد البنات اللي تتعرف عنهم عني لأني ماني ناقصة هواشات مع البنات مو من طبعي أطول لساني على أحد
ماجد : هههه اوكي لا تزعلين والله ضحكتني هالغبيه بهالكلام
ربى :وش بينك وبينها
ماجد : كل خير أنتي بس أرتاحي وتطمني وأن جتك مره ثانية قولي لي
ربى :أنت وش سويت معها دخيلك قولي
ماجد :بس سحبت عليها عادي مثل غيرها
ربى :بسألك سؤال وأبيك تجاوبني بصراحة ............
ماجد : ههه أسألي ؟؟
ربى : كم وحدة تعرفت عليها
ماجد بكل صراحة:داخل السعودية 24 سعودية وو3 سوريات
ربى : وخارج السعودية :::::::
ماجد : ههه وحدة بحرينية تدرس في أمريكا لكن انقطعت علاقتنا أول ما انخطبت ووحدة مغربيه في باريس أخر مره ....
ووحدة يمينة في ماشستر .....والله ما أذكرهم زين!!!
ربى :ما شاء الله عليك لهدرجة عندك أسلوب تجذب البنات
ماجد :ما قد شفتي خشتي زين أنتي
ربى :وش فيها زود
ماجد :عشاني أخوك ما تشوفين هالحلا اللي مبتليني
بالله شوفي هالقمر ...ويأشر على صورته اللي فوق السرير ,,,
بالله مو جذاب............
ربى تدز راسه بأصبعها :مالت عليك متى بس تتزوج ونفتك
ماجد : ههه أول اشتغل وامن مستقبلي ثم أفكر
ربى : يعني متى بتتزوج ؟؟؟؟؟؟؟؟؟
ماجد :ممممم 35 33 المهم 30 وفوق
ربى : بعد 8 سنوات يعني ؟!!!!؟؟؟
ماجد :توني حبيبتي صغير 22 سنة يحليلي بس
ربى : أقول بس أروح أجلس على النت أحسن من مقابل وجهك
الشيــــــــــن
وطلعت من الغرفة لكن رجعت : لا تنسى اليوم مافي سهر بكرة ورانا روحة من العصر للمزرعة وأنت اللي بتودينا لأن ساجد مسافر بيشوف حرمته تعبانه وخان ماخذه الوالد معه و(سون) بنخليه في البيت
ماجد :يالله ما أبي أروح مبكر بأجي 9 , 10 ما احب تجمعات الاهل
ربى :والله أخونا وش نسوي لك
ماجد :مشاري ومشعل روحو معهم
ربى :مشاري بيروح ياخذ عياله من بيت ساره ثم يروح
ومشعل ما ظنتي يجي يقول أنه معزوم وبيروحن معنا صيته وعيالها
ماجد :سيارتي ماتكفيكم
ربى : لا تتعذر اليوكن موجود المهم لا تتأخر ولا تسحب علينا بكرة ,,,,,
ماجد :اوكي خلاص ,,,,,,,طلعت ربى ,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,
صباح الخميس في لندن..............................
قامت حصه بنشاط نظفت البيت على السريع ثم راحت المطبخ ......
صلحت كلوب ساندوش كثير بجميع الأنواع بتاخذها معها لسلطان ...
بعد ما خلصت جهزتهم في علبه بلاستكية تتسكر .......
ثم راحت تتسبح وتتجهز لم لبست عبايتها وحجابها لفت على المراية
حطت كحل ومسكار وروج لحمي ....
خذت لها كيس وحطت علبه الساندوش فيها مع علبتين عصير صغار وطلعت من الشقة طلعت للشارع وخذت لها تكسي خلاص لازم تتعود تعتمد على نفسها ....توجهه التكس الى المستشفى ودفعت له ونزلت ....
وكانت الساعة 9 ونص .......
طقت الباب ودخلت لقت سلطان مثل عادته على السرير ...
حصه بأبتسامه مشرقة :صباح الخــير
سلطان جى بيبتسم بقوة مثلها لكن تذكر الشاش اللي لاف عليه
فأبتسم ابتسامه خفيفه :صباح الورد ,,,,,,,,,
طارت حصه من الفرحة في تغيرات اجابيه في سلطان .,,,,,,,,
حصه : وش أخبارك اليوم
سلطان :تمام أنتي وش أخبارك ؟؟؟؟؟؟؟؟
حصه فهت :هااا بخير الله يخليك
سلطان :وش جايبه معك
حصه تفتح الكيس وتطلع الكلوب ساندوش والعصير :ممم فطور بسيط
تفتح العلبة وتعطية قطعه لسلطان وتفتحه له العصير وتصلح طاولة أكل المرضة وتقربها له وهي جلست على كرسي قريب تاكل ..........
ثم جلست حصه تسولف لسلطان اللي ساكت يسمعها .........
قضت عنده ثلاث ساعات ثم طلعت بتجي العصر ,,,,,,
..................................
العصر في الرياض .................
في الصالة ............
شوق لابسه عبايتها وجمبها ربى لابسه عبايتها وبحضنها لاب توبها
شوق :قومي سكري هالاب توب جت أمي بنروووح
ربى :طيب طيب بسكرة
وطفته وخلته في الصالة وهم طلعو وركبو مع ماجد ومعهم شغالتهم ...........
ماجد مشخص بالثوب والغترة معدله وحلته زيادة وجود النظارة الشمسية طالع خقق يأشر بيده اللي فيها السبحة دايم لا لبس ثوب لازم السبحة وبصوته اللي فيه شوية بحه:اللحين ليش هالفاهم ما يوديكم أحد يروح العصر روحو على الأقل بعد المغرب
شوق :اللحين ما ساق في مصر نخليه يسوق في الرياض .....
أم مشاري : أقول وين صيته مو تأخرت
ربى : هذيه جت .........
وصلت صيته مع عيالها والشغالات كلهم كانو ورا في المرتبه الثالثة وشوق وربى وصيته في الثانية وأم مشاري قدام ............
صيته تعدل لثمتها : وش أخباركم بنات؟؟؟؟؟؟؟؟؟؟؟
ربى وشوق:الحمد لله
ماجد :أمشي
ام مشاري:يله وش تحتري
حرك ماجد السيارة ومشو ...............
أم مشاري :وقف عند باتشي بناخذ منه
صيته :توني بأقول لماجد يوقف وسبقتيني
ماجد :وش تبون فيه ؟؟؟؟؟؟؟؟؟؟
أم مشاري :وش نبي فيه بعد بنشتري
ماجد :/وليش العزيمة عليهم
أم مشاري :أقول بلا كثرة حكي وقف بدون أسأله .........
راح ماجد لباتشي ونزلت صيته وأم مشاري يشترون ثم رجعو
وتحركو للمزرعة ..........
شوق : وين المزرعة فيه ؟؟؟؟؟؟؟
ماجد :قبل الخرج بشوي
ربى:يوووووووه مشواااار أقول أقول لفت على ورا :قومو أقعدو قدام وأنا بنوم لين نوصل ........
ماجد :لا تتحركين ما أحب الحركة في السيارة خلكم على وضعكم
ربى :بأنووووم
أ م مشاري :وش تنومين تروحين لهم ووجهك متفخ تفشلينا
صيته :وأنتي الصادقة
لفت ربى بقهر لتدخل صيته لكن ما قدرت تقول شي ................
شغل ماجد أغاني لمطربه المفضل خالد عبدالرحمن وعلى عليه مثل كل مر يشغل أغاني ............
شوق :جايب الشريط معه الحمد لله
ماجد : وليه عندك مانع
شوق :أقول من لبست الثوب وأنت تنافخ
أم مشاري :شوق وشفيك خلي أخوك على راحته
شوق :اففف ما أحبه
ربى :مين ..
شوق :خويلد حط نانسي مريام فارس شي سريع مو هذا
ماجد : لا تغلطين عليه ترى ما أرضى
شوق :رضيت ولا ما رضيت وع وع وع عليك وعليه
أم مشاري :ممكن تسكتون ما احب الأزعاج
شوق :وهالأغاني مو أزعاج يعني
ام مشاري :شــــوق أسكتي لا أرجعك للبيت وتعرفيني أسويها
شوق سكتت من تهديد أمها
بعد ربع ساعة .........
سلمان :ماما أبي حمام
صيته :ليش ما قلت أول ما سألتك في البيت
سلمان :مامامما أبي حمممام بسرعه
شوق : بسرعه وقف ماجد عند مطعم سلمان يبي حمام
ماجد خذ نفس عميق : هذا وقته .............
أم مشاري :وقف لا يجي الولد شي نبلش به
ماجد يوقف عند مطعم
صيته تكلم الشغالة :نزلي ودي حمام
ونزلت ربى لأن الشغالة وسلمان بيطلعون من جهتها ولازم تتزحف المرتبه ....ونزلو ..
ماجد :والله أخر عمري وأوقف عشان بزر يروح الحمام
أم مشاري :وأنت وش ضارك مو تقول لا نروح مبكر هذا أحنا تأخرنا
دقايق ورجعو الشغالة وسلمان وركبو .............
ومشو ..........................بعد نص ساعة ,,,,,,,
قربو من المزرعة ....
ماجد : من اللحين أعلمك ترى ماني مرجع أحد شوفوا أحد يرجعكم
أم مشاري :فيه مشاري بنرجع معه لا تخاف ...........
وصلو للمزرعة ودخلو سيارتهم جوا ................
كانت المزرعة مرتبه مره ,,,,,,,,,,,
في البداية مدخل للسيارات ومواقف مظلله ,,,,,,
ومن ثم مساحة كبيرة خضرا (ثيل)) وفيها جلسة ,,,,,
وبعد مسافة فلة كبيرة .........
ومن ثم تبدأ النخيل والأشجار مصفوفة صف كأنهم
طلاب في طابور صباحي باليابان !!!
واللي مرتبهم وجود ارصفة بينهم وكأنها شوارع
وفي جلسات في كل مكان .......................
ومسبح أولمبي يحوطها سياج حديدي باللون الذهبي .......
و ورا الفلة أيضا مساحة خضرا وفيها خيمتين كبار مكيفة ,مرتبه بشكل يجذب الانظار ........
أول ما دخلو وقفو في المواقف ونزلو
ماجد : اللحين الحريم لحال والرجال لحال
أم مشاري :أيه الحريم بنقعد في الفلة وانتم في الخيام
ماجد :أذكرها ورا الفلة
أم مشاري :رح هناك بتلقاهم وحنا بندخل الفلة
ماجد : يله أشوفكم بكرة !!!
راح ماجد والحريم توجهو للفلة أو ما دخلو كانت الصالة مليناة بنات
فسخو عباياتهم والكل أنشغل بالسلام ,,,,,,,
الحريم في المجلس والبنات طلعو يجلسون برى في الهوا الطلق ,,,,,,,,,
كان الكل جاي وما نقص منهم احد ........................
مر العصر سريع وأذن المغرب صلى اللي يصلي !!
ثم جلسو يتقهون ,,,,,,,جى العشا.........
في مكان ثاني ...في بيت ووعد تحديدا في مجلس الرجال ........
أبو لافي أخ وعد:ياهلا والله مسهلا تو ما تبارك البيت
مشعل :بوجودكم يا بو لافي ........وياخذ فنجال القهوة من يد لافي ولده
صالح أخ وعد عمره 30 :والله وعد كل يوم تمدح فيك
مشعل :ههه الله يسلمها وهي بعد ما شاء الله عليها نشيطة
ما عمرها تأخرت عن العمل
ودخلو في سوالف عادية للتعارف بعدها أستأذن مشعل وطلع..............
..................في المزرعة الوقت بسرعه ,,,,,,
بعضهم رايح يسبح ومن ضمنهم شوق اللي خذت لبس زايد من بنت عمها سحر...
جت الساعة 11 وتسلل شخص وطلع من الأستراحة تارك وراه جمعة الاهل والرسميات اللي بينهم ,,,طبعا هو ماجد ,,,,,توجه إلا الشقة مع ربعه ...
جت الساعة 12 الليل وحطو العشا اللي كان حوالين المسبح للحريم
والرجال في الخيمة الثانية اللي جمبهم ,,,,,,,,,
تعشو لم شبعو
وجت الساعة 2 وبدا يطلعون ,,,,
أم مشاري تكلم مشاري : وش اللي سيارتك ما تكفي
مشاري :أي والله ما تكفي روحو مع أحد غيري بعدين أنا بأرجع العيال لعند سارة ثم بأروح البيت .........
أم مشاري :يووه خلاص أجل ندور أحد يوصلنا حشى منكم ,,,,,
وسكرت في وجهه ...............
أم مشاري :يا أم عبدالله أذا ما عليكم كلافة ما تقدرون توصلونا
أم عبدالله :والله مدري أنا زيك مدري من بيوصلنا
أم سلمان :وش رايك يا أم مشاري تجين معنا سيارتنا فاضية
أم مشاري :تكفينا أنا والبنات وصيته والشغالات
أم سلمان :من كثرنا أحنا أنا وعيالي وعيال سلمان
أم مشاري :وسلمان مامعه سيارة
أم سلمان : لا هو وزوجته رجعو البيت بعد العشا على طول
عشان عندهم سفرة بكرة وبيخلي عياله عندنا في البيت
أم مشاري :وأبو سلمان ما جاب سيارته
أم سلمان : هو وأبو ناصر بيرقدون في المزرعة وبيجون بكرة بيكفي لا تخافين
أم مشاري :لا والله أنه ما يكفي كان صيته تروح مع أحد
صيته :خلاص خالتي أنا بأروح مع أفنان ......
أم مشاري :اذا كذا خلاص ..........
..............عند مواقف السيارات كانت حوسة العيال والبنات مع بعض ويركبون الأغراض والدنيا حالة ,,,,,,,,,,,,,
فيصل يطالع ربى :للحين ما طلتي ؟؟؟؟؟؟؟؟؟
ربى ما ردت عليه
فيصل :أقول للحين ما طلتي
ربى :تبيني أرد عليك يعني
فيصل سكت ما عرف وش بيقول
مصعب يصارخ :اللي بيجي معنا يركب بسرعــــه
فيصل:ترى ماني سايق
مصعب :والله ما أسوق ومعي هالامة ما أعرف
فيصل : وأنا دايخ يالله أشوفك تبيني أمسك خط
مصعب :مشكلتك حلفت
فيصل :مالت يله أركبو يحاكي أمه ,,,,,,
وركبوا ......كان ترتيبهم في السيارة كذا
مصعب فيصل
ام مشاري أم سلمان ربى وروابي على رجول روابي كان هشام
شوق بشاير ساره الشغالتين .......
شغل فيصل اغاني وحط خالد عبدالرحمن
شوق صرخت :لاااااااااااااااااااااا طففففففففففففه
فيصل طفاه بسرعه :وشفيكم من اللي يصارخ
شوق :طفه ما أحبه
فيصل عصب :مييييين
شوق خافت :خالد عبدالرحمن
فيصل :أحسب عندكم سالفة صايره
غير الشريط وحط راشد الماجد ’’’’’
أم مشاري تسولف مع أم سلمان وربى مع روابي ويلعبون هشام
وورا شوق تهز راسها مندمجة مع اغنية هلي لا تحرموني منه ...
مصعب : أحس السيارة تتحرك
فيصل :أنا أحس أنها ثقيلة بزيادة
بشاير :هذي شوق تهز راسها هههه
شوق :هههههههه
وين يا عمتي مو كل هالدرجة أخلي السيارة تهتز ,,,
روابي : أحس الأهتزاز جهتي .........
أم سلمان : فيصل انتبه للطريق ومافي شي يهتز لا تتوسوسون
مصعب :شووووووف
مرت من جمبهم سيارة عمتهم افنان واللي يسوق احمد أشر لفيصل
يعني بيتسابقون
فيصل :اوووووووريك فيه ويدعس على البنزين
140 وصلت سرعته بجمس وعائلة
مصعب متحمس :قدام قدام يووووه ويصفق بيده عاش فيصل عاش
أم سلمان :فـــــــــــــــيصل معك عائللللللللللللة
مصعب :خلينا نستانس
أم مشاري : فيصل هد السرعه أحس أن بنطير
شوق تنقز في مكانها :يلا فيصل يله فيصل لا تخليهم يغلبونك
فيصل :ابشررررررررررررررري
وزاد السرعه
وارتبشو اللي في السيارة يبون فيصل يهدي
دقت أم سلمان على أفنان تقول لولدها يهدي مو بايعين عمرهم عشان يسرعون وأول ما سكرتهم وشي ما كان بالحسبان ...............................
صرخت ربى :
صرخت ربى : اللللللللللللللللللللللللللللللللللللللشاااااااااا اااحنه
الكل أرتبك ساعتها ........
فيصل كان يشوف شي قدامه لكن من صرخت ربى هدا السرعه شوي عن السابق وقدر يلف عنها ,,,,,,,,,,,,,,,,,,,,,,
لم وصل سرعته 100 ,,,,,,,,,,,,,
مصعب أرتـــــــاح:اوووووووووووه أشوووووه
أم سلمان:بغى يروحون عائلة كاملة من استهبالكم اللي ماله داعي
شوق :خلاص فيصل توبه بعدين الشاحنة ليش ماولعت أنوارها
ربى :لا والله من اللي كان يناقز متحمس تو
سكتت شوق ,,,,,,,,,,,,,
أم سلمان :السواق اسنع منكم
فيصل لف يطالع امه :خلاص ما صار شي ................
لازم تسونها سالفه
ربى صرخت ودزت كتف فيصل بقوة عشان ينتبه للسواقه:اللللللللللللللللللللللللثانيييييييييييييي ية
ولف فيصل وتجاوزها ثم وقف على جنب الطريق لأن حس فيه شي بالسيارة
الكل كان ساكت نزل فيصل وشاف الكفرين إلا ورى نسمو ..........
هز راسه ونزل له مصعب :وش صاير
فيصل :تعال شوف .......
مصعب :اووف وش اللي مخليها كذا
فيصل يجلس يطالع الكفر :أنا أدري
مصعب : يمدينا نمشي وهي كذا ؟؟
فيصل :إن شاء الله يمدينا نوقف عند محطة
مصعب :اجل يله اركب
راح فيصل وركب وبعده مصعب ,,,,
فيصل :الكفرات مبنشرة ......
أم سلمان : يا هي حاله يله امش لأقرب محطة ما صارت رجعه ....
شغل فيصل السيارة لكن ما أشتغلت حاول كذا مره لكن ما نفع ........
لف على مصعب :شكلها ما راح تشتغل ......
مصعب :وش فيها ذي .........
فيصل :دقو على أحد يجيبكم وحنا بتعامل مع هالسيارة ........
أم مشاري :اففف لو أنا راجعين مع أفنان كان اللحين وصلنا ....
جاهم نور سيارة قوي ..........
ووقفت جمبهم وكانت سيارة فهد ..........
نزل فهد من السيارة بسرعه لأنه سيارة واحد من اهله واقفه ومشغله الفلشر
فتح باب فيصل : وشفيكم موقفين في الطريق ؟؟؟؟؟؟؟؟؟؟؟
فيصل : الكفرات منسمه واللحين السيارة ما تشتغل ...
فهد : أنزل أشوف .
ونزل فيصل وركب فهد وحاول معها تشتغل ما أشتغلت ونزلو
وفتحو الكبوت بس الدنيا ليل وما يشوفون شي ....
فهد :أجل يرجعون معي نصهم والباقي بنرسل لهم أحد
والسيارة لا أصبحنا شلناها بسطحة للورشة وصلحناها ...........
فيصل يلف على اللي في السيارة :اسمعوا من بيروح اللحين مع فهد ؟؟؟؟؟؟؟
أم سلمان :وسيارته تكفي
فيصل :لا نصكم يروح اللحين والباقي لم يجي أحد ياخذنا
أم مشاري : خلو البزارين يروحون وحنا نقعد نتنظر ......
فيصل :أجل يله ربى بسررررررعه
ربى عصبت :وليش أنا أول وحدة ماني بزر ........
فيصل :هههه والله مو وقتك بس أول وحدة طاحت عيني عليها
يله روابي بشاير شوق هشومي يله سارونوه روحو مع فهد يله
أنزلو .......
ونزل اللي عدهم فيصل وركض لسيارة فهد
شوق ركبت قدام وعلى رجولها هشام وورا الباقين ...
...ركب فهد وشغل سيارته وهو يكلم أخوه من الأب تركي عشان يجي ياخذ الباقين ........
,,,,,,,,,,,,,,,,,,,,,,,,,,,,,,,,,,,,,,,,,,,
رتاج :أنا أبي اطلع من هنا ارججججججججوك
والله أرجوك والله أرجوك أنت ما تحس أنك
تعذبني ما عندك قلب ما ترحم؟؟؟؟؟؟؟؟؟
الدكتور مبارك يطنش ترجياتها:بتطلعين لكن أول كلي دواج
رتاج :ما أبي دوا تكفووووون طلعوني
الدكتور مبارك :وأنا أوعدج أني بأطلعج الأسبوع الياي
بس أول كلي دواج
رتاج بأمل : صدق بتخليني أطلع الأسبوع الجاي
الدكتور مبارك:هيه بأخليج تطلعين
رتاج بسرعة : وين الدوا
الدكتور مبارك يكلم الممرضة : عطيها دواها وانتبهي لها انزين ؟؟؟؟؟؟
الممرضة :اوكي
عطت الممرضة الدوا لرتاج ثم خلتها تستريح في السرير
وهي طلعت من عندها....
.................................................
فهد : وش صار لكم ......
شوق :بعدين بتعرف .....
فهد لف على شوق :/ ليه مو اللحين ؟؟؟؟؟؟؟
شوق : لأني خايفة .......
فهد ركز في الطريق وبدا يدخل في شوارع الرياض المنورة .....
وحس بدوخة دليل أن السكر عنده أنخفض !
ولف على شوق اللي جمبه :شوق تحتك كيس
في عصير عطيني واحد
شوق تدور تحتها الكيس ولقته ووخذت منه عصير وعطته
لفهد ثم مد يده فتح الدرج اللي عند شووق وطلع جهاز القياس وقاس وفعلا منخفض .....
خذ له عصير وشربه وأكل دواه ..................
شوق :فهد فيك السكر!!!!!
فهد :من زمان .............
شوق : وليش؟؟!!!!
فهد :وشو ليش وراثة من أبوي ؟؟؟
شوق : يعني عمي ناصر فيه سكررر
فهد :من عرفته!!!!
شوق :ههههه ضحكتني وما ودي أضحك لا جد
والله فيك السكر ليش ما قلت لي؟؟؟
فهد : وأنا أشوفك عشان أقولك
ربى :شوق لو سمحتي عن السوالف ترى راسي مفتر........
شوق سكتت وهي مو مصدقة.....
رن جوال فهد من رقم دولي لكن حطه صامت ورجع يطالع الطريق ...
رجع رن ورد :الــو
فهد : وعليكم السلام ...هلا هيثم .....الحمد لله ....
اوكي راح أدق لك أنا بعدين .........أنا مشغول ........وش صااااار؟؟؟؟؟؟؟
لا تقوله..........طيب أنا خلاص فهمــ أقولك ربع ساعة وأدق باي.....
سكر الجوال وحطه في جيبه وملامح الضيق انرسمت على وجهه ....
روابي :فهد صديقك اسمه هيثم ههه وش هالأسم؟؟؟؟؟؟؟؟؟؟
فهد خذ نفس عميق:عادي وش فيها ؟؟؟؟؟؟
روابي تبرر: لا بس مستغربه من الأسم ................
فهد : صديق قديم لي وما حب أحد يقول عنه شي............
وسكت روابي ...................
أول شي فهد وصل عيال عمه حمود ثم الباقي .........
ورجع البيت بسرعه حتى يعرف وش صاير على سجى ...........
((قصة سجى .........
بنت عمرها 11 سنة ..............
سعودية ............توفى أبوها وأمها وأخوها في حادث مروري على طريق الشرقية قبل 3 سنوات صادمين في بعير.............
من بعدها عاشت البنت عند خالها هيثم في استراليا ...
حالتها النفسية سيئة جدا ....حالة اكتئاب حادة .....
خالها ما خلا مكان إلا وداها لكن ما تحسنت أبدا ,,,,,,
ومرة من الأيام كان خالها هيثم ما خذها للحديقة في مدينة سدني
وكانت سجى جالسه على كرسي ونظرها في الأرض وهيثم راح عنها بيشتري لها أيسكريم ....وكان فهد في نفس المكان وجذبته البنت الجالسه لحالها وراح جلس جمبها ......حاول يتكلم معها لكن ما تجاوبه أبدا ......
لم جى هيثم واستغرب من وجود فهد ........وتم التعارف بينهم
وعرف فهد حالة سجى النفسية ... وصار يمر شقة هيثم كل يوم ويطلع البنت لأن هيثم ينشغل عنها كثير بسبب تحضيره للدكتوراه .........
تعلقت سجى في فهد مره ولم رجع فهد للسعودية انتكست حالتها
وصارت تاكل قليل ونومها أيضا قليل ...من كثر ما تبي فهد يرجع لها
وفهد فعلا ابتلش كل يوم يدق هيثم لفهد يبي يرجع ينقذ بنت أخته اللي شارفت حالتها ألى الموت وفهد بيروح لها بعد شهر وقلقان عليها كثير,,,,,,,,,)))))))))))))))
راح نعرف أحداث سجى في الأيام القادمة .............
.................................................. ................
في صباح جميل في لندن ..................
حصه مرتبكة : سلطان ....
سلطان طالعها .......:نعم
حصه :أبقولك شي بس ما أبيك تصارخ علي أو تزعل
سلطان :وش عندك؟؟؟؟؟؟
حصه : أنا من ربكتي قبل أمس دقيت على ماجد من جوالك
سلطان :أيوه
حصه:وووو قلت لها وش صار لك ووقال أنه بيجي
سلطان عصب:لــــــــــــيش؟؟؟؟؟؟؟؟؟؟؟؟
حصه خافت :أنــ,,ا أسفه كنت خايفه عليك ودقيت عليه
سلطان خذ نفس عميق ورد وهو ضاغظ على أسنانه:وليش ما قلتي لي انا ما أبي أحد يعرف وش صار لي بعدين أنا مافيني الا العافية وأحتمال أطلع اليوم ليش تدقين عليه أنا ماابيه ما تفهمين .ما تفهمين غبية انتي ؟؟........
........مسك جواله بعصبيه ودق على جوال ماجد ومده لحصه :كلمية وقولي له أن سلطان بعافية وماني محتاج له خــذي
خــــــذي
خذت حصه الجوال بخوف وانتظرت يرد ماجد ورد:
الو ..........هلا ........الحمد لله كلنا بخير .........
آه ابي أقولك شي ....خلاص سلطان طلع المستشفى ومافيه شي
..........لا خلاص لا تحجز وتعب عمرك ........الله يعافيك ...
لا مشكور......الله يجزاك خير ........ مع السلامة ...........وسكرت ومدته لسلطان اللي خذها بقوة :كل ما أقول تغيرتي وصرتي تفهمين تصيرين أغبى عن اليوم اللي قبل .............
حصه نزلت نظرها للأرض :أنا أسفة كنت خايفة وماأعرف أتصرف ........
سلطان : لا تتصرفين مرة ثانية بدون ما تاخذين الأذن مني ..........
حصه :ان شاء الله أنت بس لا تزعل ......................
رتاج واقفه بلبس المستشفى تطالع الشباك المغلق..........
اللحين عرفت ليش ما ينفتح ...........عشان محد يفكر ينتحر منه......
مسحت على شعرها بيد ترجف من الألم اللي في عظامها .......
ولفت بسرعة لم حست أن باب الغرفة انفتح ......
ودخلت دكتورة منه : السلام عليكم ...........
رتاج طالعتها ورجعت تطالع الشباك بصوت تعبان:ن..ــعم وش تــ,..بــين أنتي بعد ..........
الدكتور : أختي رتاج أنا دكتورة مهرة حابه ايلس وياج شوي
رتاج لفت تطالعها : بس أنا دكتوري مبارك أنتي وش جابك؟"
الدكتورة مهر : معاج حق تسألين أنا دكتورة خاصة فيج اسولف وياج يعني أعتبريني صديقة يديدة لج ..............
رتاج :وبصفتك مين ؟؟؟؟؟؟؟؟؟؟؟؟؟؟؟؟؟؟
دكتورة مهرة :هههههه رتاج شوياج أنتي جذي دايم ويا الدكتور مبارك
رتاج : مافي شي يضحك ولو سمحتي اتركيني لحالي أنا تعبانه وبنام وما احتاج صداقات.................
وتوجت للسرير وانسدحت وتلحفت بالبطانية متجاهلة وجود الدكتورة مهرة في الغرفة ..............الدكتورة مهره طلعت من الغرفة بعد ما سكرة اللمبات ووتركت رتاج في حالتها الكئيبة ...........
لسه هي ما تخطت مرحلة العلاج ونفسيتها أبد ما تسمح أحد يقربها أو يتناقش معها في موضوع .........
.............................
في المستشفى عند مشعل ::::::::::::::
بعد وقت صلاة الظهر ما كان هناك حالات عند الدكتور مشعل ........
مشعل :وعد أبيك في موضوع
وعد واقفه : وش فيه ؟؟؟؟؟؟؟؟؟
مشعل : تفضلي اجلسي وبأكلمك
وعد جلست : نعم دكتور صاير شي؟؟؟؟؟؟
مشعل : الحقيقه هو موضوع شخصي جدا وأبي أخذ رايك لأنك صاحبة الشان
وعد ساكته تنتظر مشعل يكمل
مشعل : الحقيقة في واحد بيتقدم لك وطلب مني أخذ رايك قبل ما يتقدم رسمي
وعد انصدمت : أنـــا؟؟؟؟؟؟؟
مشعل :أيه نعم وهو صراحة ما أقدر أقول عنه شي لأنه رجال بمعنى الكلمة
أخلاق وأدب ومحترم
لكنه متزوج وعنده 3 عيال ويبي زوجة ثانية وطلب مني أدور له .......
وعد منصدمة :متزوج؟؟؟؟؟؟؟؟؟وليش انا بالذات أخترتني
مشعل : لأان ما في أحسن منك له
.................................................. ..
شوق : أما أمس من جد رعب
ربى :اسكتي لا تذكريني ترى للحين الروعة فيني
شوق : على طاري الروعة تذكرت رتاج ما كلمتنا ولا شي
ربى : بطقاق مو لازم تدق
شوق : بأروح أذاكر بكرة علي أمتحان
ربى :بيباي
شوق تطلع من غرفة ربى وتشوف ماجد طالع من غرفته ...
شوق :ماجد
ماجد :حمد الله على السلامة
شوق :الله يسلمك
ماجد :زين جيتي قولي للشغالة تنظف غرفتي محيوسه
شوق :أوكي
ماجد :يله باي
وطلع من البيت
.................................................. .
مشعل :صيته ممكن نتفاهم
صيته : أنا قلت لك راي في هالموضوع وعيال غير اللي عندك مافي
مشعل:وبعدين يعني
صيته :وش بعدين أنت الثاني قلت لك غير اللي عندك مافي
وفي راسك شي سوه
مشعل : أخر قرار
صيته بحدة :أيـــه
مشعل قام من مكانه:تحملي نتايج قراراتك
صيته بستهزاء :وش بتسوي يعني
مشعل ولأول مره يعصب ويرفع صوته على صيته لأنه
أحترمها كثير وكبر راسها
عليه وماله كلمة عليها لكن طفش من هالحالة:
صــيته أنا تحملتك كثير ترى ساكت كل هالسنين عشانك
أم عيالي ومدلعك وماقد احتجتي شي ورفضته لكن لا فاد فيك الأحترام ولا فاد
فيك الدلع لكن اسمعي من اليوم ورايح كلمتي هي اللي تمشي في هالبيت
وعندك أعتراض روحي لأهلك .............لابوك ولا أبو اللي يعيش معك
وقام من عندها وطلع من البيت ,,,,,,,
وصيته ما تحرك فيها شي وقالت :الحمد لله على العقل بيسوي فيها رجال علي..........غيرت القناة وراحت تتابع أحدث الموضات .................
.................................................. ........
بعد يومين كاملين ,,,,,,,,,,
,,,,,,,,,,,,,,,,,,,,,,,,,,,,,,,
في لندن ,,,,,,
لسه فتحت حصه باب الشقة ودخل سلطان معها ’’’’’’
وصلو لغرفتهم وانشغلت حصه بترتيب ملابس سلطان ,,,
سلطان : أنا بأطلع شوي وبأجي ,,,
حصه :اوكي
سلطان لف يطالع وجهه في المراية وكانت كل رقبته سمرا من الحرق
تنهد بقوة وفتح قميصة يطالع صدرة اللي ملفوف عليه الشاش بسبب الجلد اللي قارب أنه يبرا ..............
حصه تطالعه وقلبها يألمها عليه لأنه ماخذ الموضوع بشكل كبير مره لانه بأختصار يحب يكون كامل من جميع النواحي ,,,,,,,,
حصه : سلطان وشفيك ترى الموضوع عادي ,,,,,,,
سلطان بشكل جدي : ما أرضى على نفسي تشوفني قمر بهالشكل
وهي توها عروس ...........بأسوي عملية تجميل بعد شهر قال لي الدكتور كذا بيزيل البقع السمرا اللي خلفتها الموية الحارة على جلدي ,,,,,,,,,,
يله أنا طالع تبين شي ؟؟؟؟؟؟؟؟؟؟؟؟؟؟
حصه ساكته ومنجرحة ,,,,,,,
طالعها سلطان ثم طلع من البيت ,,,,,,,,,,
حصه : رجع يجيب لي طاريها وأنا اللي أقول انها نساها ,,,,,,
لكن شكلة ماراح ينساها إلا لم أولد ,,,,,,,,,
ههه لكن بتكون ساعتها زوجته ومعي ,,,,,,,,,
لكن اللي ما فهمته وين بيحطها في البيت ,,,,,,,
معقولة بيبني بيت لها وأنا للحين جالسه مع أهله ,,,
ولا أبو مشاري بيبني لسلطان بيت مثل أخوانه....
سكرت الدولاب وقامت تشوف أشغالها لحد ما يرجع سلطان وتناقشة في هالموضوع,,,,,,,
.................................
الدكتور مبارك : راح تطلعونها بس توقعون على أنكم تسلمتوها من المستشفى
رائد : اوكي راح نطلعها على توقعي انا ومتى ما خلصنا رجعناها لكم لأني أنا بكره راجع السعودية ........................
الدكتور : يعني ما راح ترجعون لها أبدا ولا شوو؟؟؟؟؟؟؟؟؟؟؟
رائد : لا أختها بتزورها
الدكتور مبارك :طيب تعال مكتبي حتى توقع انك استلمها.....
راحت جواهر تشوف أختها.........
دخلت عليها لقتها منسدحة على سريرها وتطالع السقف .
الجوهر :رتاج
رتاج ساكنه ما تحركت ,,,
قربت لها جواهر :رتاج أنا جواهر جايه أطلعك من المستشفى ,,,
رتاج تسمعيني؟؟؟؟
فجأة رمت رتاج البطانية بعصبية وطالعت جواهر بعيون حمرا
تشع منها الغضب والكره وصرخت في وجهها :ما أبي أطلع ما أبي أطلع ما أبي أطلع ما تفهمون خلوني في حـــــــــالي ما أبـــــــي أتكـــــلم مع احد ما ابي راشـــد
أذبحوه أنا ما أحبه أكررررررررررهه
وأكرهه العنود وأكرهك أنتي بالذات تركتيني هنا ورحتي مع زوجك تتمـــــــــــشين
وأنا هنا أمـــــــوت كل دقيقة أطلعي برىىىىى اطلععععععي بـــــــرى ما أبي اطلع معك
وخذت كاس الموية اللي جمبها ورمته في الأرض وتكسر ........
دخل الدكتور مبارك بسرعه :اطلعي اختي من هنا لو سمحتي بسرعة .......
طلعت جواهر وهي مصدومة من الغرفة وسكرت الباب وراها ....
الدكتور مبارك بتفاهم : ما تبين تطلعين براحتج كيفج ما راح نغصبج
لكن تحكمي باعصابج شوي حتى نقدر نتعامل وياج .......
أنا أقدر أعالجج في أسبوعين وأطلعج بسهولة
لكن أنتي بتعاملج هذا راح أظطر أني أمدد فترة علاجج..
طلع من عندها وسكر الباب بقوة وهو معصب منها................
جواهر والدموع نازلة من عينها :وشفيها أختي وش صاير لها ؟
الدكتور مبارك بعد ما أخذ نفس طويل:أختج الله يشفيها حالتها النفسية صعبة وايد حاولت فيها الدكتورة النفسية أمس وقبل أمس لكن أبد ما تجاوبت معها وتطردها من الغرفة لكن هي أظاهر أنها متعودة تكون شامخة
وما يهزهها شي لكن اللي ورطها في هالمصيبة خل الصور اللي راسمتها أختج لنفسها تنكسر وهذا سبب حالتها اللحين ,,,,,,,
لكن صراحة جسمها تقبل العلاج بشكل جيد وخلال أيام أن شاء الله تكون شفيت تماما لكن نفسيتها بتكون أصعب بكثير ...
فانا أقدر اطلعها من المستشفى وتعالجونها في السعودية معاكم يمكن ترتاح نفسيتها لكانت بين اهلكم لكن هذا كيفكم أذا أنتم ما تبون أنها تكمل هني ....جواهر :أنا بأقرر وأقولك ...
الدكتور مبارك تنهد : براحتكم اترخص وراي مرضى
ومشى من قدام جواهر اللي راحت مع رائد يشوفون حل لهالرتاج
...........................