61&62
61
في جهة ثانية كانت الغرفة ظلمة وباردة ممرا وكانت منسدحة ع السرير ووجهها مليان دمووع وصوت شهقاتها العالية الي موراضية تتوقف
ودها لو يرجع الزمن وماتزوجت فارس تتمنى لوتقدر تغير كلشي صار
تتمنى لو امها ما ماتت لو كانت عايشة كان ماوصلت لهالحالة
تتمنى لو في احد من اهلها يكون سند لها , مستقبلها ضاع لا أهل ولاعون ودها لو تموت وترتاح من الدنيا
" اهه ياشهد لو انك ماقبلتي تتزوجين فارس كان ماصار كل هذا كان ماحملتي منه كان ماعشتي هالعيشة ... لو اني ماقبلت بفارس كان ممكن تكون حياتي احسن من الحين "
عدلت جلستها ونزلت من السرير وصارت تمشي وترتجف من البرد شغلت الاضواء ووقفت قدام التسريحة وصارت تناظر بنفسها
جسمها النحيف ووجهها الاصفر وعيونها المنتفخة من كثر البكي وخشمها الاحمر وشفايفها المتشققة نزلت دموعها على حالها الي كل ماله يزداد سوء
طاحت عيونها على شعرها اللي يوصل لنص ظهرها طلعت المقص من الدرج بتقص شعرها
بدت تقص شعرها بدون ماتحس ودموعها تنزل بغزارة وشهقاتها العالية رمت المقص بقوه ع الارض وغطت وجهها بيدها الثنتين واهي تشاهق وتردد " فارس اكرهك "
في القاعة .
طلع فارس من صالة الرجال متوجه لسيارته وكل تفكيره ان مايصادف وليد قدامه سمع صوت من وراه
: فارس ممكن نتكلم .؟
فارس " ياليل الليل وش ذا النشبه " : مابيننا كلام .
وليد : مارح اطول
فارس : خير شعندك .؟
وليد : بصراحة ياخوي انا ماتهون علي عشرتنا , ولايهون علي اشوفك بهالحال
فارس : طيب والمطلوب ؟
وليد : المطلوب ان احنا ننسى الي صار وادري انك بتقول ان الي سويته موسهل بس كل شي يتصلح , احنا صح غلطنا
وكل انسان يغلط بس مو المهم الغلط المهم ان احنا عرفنا غلطنا وتعلمنا منه .
فارس : وزوجتي.؟ , وانت تدري من البداية اني احبها ومستحيل اضرها لكن انت اجبرتني على هالشي.
وليد : شهد انا بعتذر منها قدام الكل وبصحح غلطتي لاني ظلمتها وبفهمها شكثر انت تحبها ورافض تسوي هالشي
وان انا الي جبرتك عليه .
فارس باستهزاء : يعني انت تظن انها تسامحنا بعد كل اللي سويناه .؟
وليد : يمكن ماتسامحنا بس ماظن ان قلبها قاسي لهالدرجة
فارس : اذا سامحتك ذيك الساعة يصير خير.
وليد فار دمه : انت ليش متشائم لهالدرجة خلنا نحاول ع الأقل.
فارس بدا يعلى صوته : انا ابداً مو متشائم بس الي سويناه فـ شهد مو شوي .
وليد : بس شهد تحتاج شخص يكون لها عون وسند من بعد اهلها وانت طول عمرك تتمنى هالشي , طول عمرك
تتمنى قربها ووجودها معاك اليوم قبل بكرة , إلا إذا كنت مستعد تخلي غيرك يربي ولدك هذا شي ثاني بس اللي اعرفه
انك ماترضا بهالشي وطول عمرك تقول اللي بيجيب عيال وماراح يربيهم لايجيبهم اصرف له , صح ولا انا غلطان ؟
فارس زفر بضيق : صح
وليد ابتسم : صافي يالبن ؟
فارس يبتسم : عسل ياقشطة.
سعود شافهم وهم يحضنون بعض : شباااب شبااااب
سيف : خيير
احمد : نعمم
تركي : ها ها وجع شعندك
ايثان : امرر تدلل يالحب انت
ياسر : هلا
اياس : لبييه
سعود : لحقوا ياجماعه المياه رجعت لمجاريها " ويأشر على وليد وفارس وهم حاضنين بعض "
ياسر للحين مفهي : أي مياه وأي مجاري ما اشم الا عطور
تركي : انت خلك فاهي احسن
توجهوا لهم الشباب بصوت عالي : أووووووه وأخيرا
سيف : اخيرا عصافير الحب تصالحوا
وليد : قل ماشاء الله لاتصكنا عيين .
اياس : موناقصين تصكونهم عين توهم متصالحين .
تركي باستهبال : اقروا على نفسكم ترا عين سيف قوية .
سيف بقق عيونه : فال الله ولافالك
ضحكوا الشباب ودخلوا القاعة .
بعد مرور اسبوع .
وليد وفارس تصالحوا والعايلة عرفت
ام ياسر قررت تخطب ايمان لياسر بعد ماشافتها بالعرس وعجبتها
بيان بدت تسترجع بعض الاشياء لكن لسى مارجعت لها الذاكرة بشكل كامل .
شهد الوحام متعبها هالفترة ودايماً نايمة
في بيت ابو وليد كانوا جالسين في الصالة ابو وليد وام وليد اما زهرة كانت نايمه وايمان جالسه ع اللابتوب في الغرفه ووليد كان نايم وسعود طالع .... في الصالة كانوا ابو وام وليد يسولفون ومندمجين في السوالف قاطع عليهم صوت التلفون الي يدق قربت ام وليد ورفعت التلفون
ام وليد : هلاوالله ....... اي ياهلا والله ام ياسر اخبارك .؟ ........ والله الحمدلله تمام .......... تفضلي حبيبتي قولي ......... والله هذي الساعه المباركة ............ ولايهمك يام ياسر انا بكلم ابوها وبكلم البنت وان شاء الله كل خيير يارب ........... تسلمين ياعمري حافظك الله .......... مع السلامه
سكرت ام وليد من ام ياسر والفرحه موسايعتها جلست جنب ابووليد واهي تناظر فييه
ام وليد : يابووليد عندي لك خببر زين .
ابو وليد : شنو قولي؟
ام وليد : وحده اسمها ام ياسر ولدها يصير صديق الشباب داقه وتقول تبي ايمان لولدها ياسر .
ابووليد بفرحة : والله هذي الساعه المباركة ... اكيد الراي الاول والاخير للبنت .
ام وليد : وانا قلت لها اني بخبرك وبخبر البنت وانها بتفكر بالموضوع ونرد لهم خببر .
ابو وليد : يارب اذا كان هالرجال من نصيبها يارب يسعدها فحياتها وترتاح معاه قولي امين .
ام وليد : آمييين " وحطت يدها على شفايفها " كللللللللللللللللوووش والف الصلاه والسلام عليك ياحبيب الله محمد
ابو وليد : شفيك يامره تو الناس حتى مابعد نعطي البنت خبر .
ام وليد : من الفرحه يوم اني اشوف بناتي ينخطبون ويتزوجون
دخل سعود على كلام امه تقدم وباس راسهم : منو الي انخطب وبيتزوج ؟
ام وليد : هذي ايمان اختك ياسعود انخطبت
سعود : ججد .؟ ..... زيين ومنو سعيد الحظ؟
ام وليد : واحد من ربعكم اسمه ياسر على ما اظن.
سعود بقق عيونه : الله واكبببر ياسر بياخذ ايمانوووه .؟
ابو وليد : ليش انت شايف عليه شي غريب ... سامع عنه شي مو زين؟
سعود : لا ابد يبباا بس يعني ياسر تونا نتعرف عليه امداه قال يبي يخطب وحده من عايلتنا ؟
ام وليد : في وحده بالعرس اسمها ام ياسر على ما اظن امه كانت تسأل عن ايمان بس انا ماتوقعت انها بتخطبها لولدها
ابو وليد : اهمشي ان الولد سمعته زينه وان شاء الله اذا كانوا من نصيب بعض الله يوفقهم .
سعود وقف : انا رايح اخببر ايمانووه .
ام وليد بصراخ : تعال ياسعوود عيب عليك خلني انا اكلمها .
سعود واهو يصعد الدرج : مافييني صبر ابي اشوف شكلها ... منو يصدق ايمانووه بتتزوج .
ام وليد : ياسعود لاتخبر اختك خلني اكلمها انا
سعود مشى يركض لغرفة ايمان متجاهل كلام امه فتح الباب بسرعه بدون مايستأذن شافها تطلع من الحمام وتنشف
شعرها ابتسم لها وجلس ع الكرسي
ايمان تتوجه للتسريحة : شفييك ؟
سعود : شخبار عروستنا؟
ايمان : وانا شدخلني تسالني روح كلمها واسال عنها
سعود : شفيج انا اقصدج انتي , يالعروسة
ايمان تتوجه للسرير: تستهبل انت ووجهك .. وبعدين سعود وخر عني انا تعبانه وبنام
سعود : افا وفي مزح بهالامور .
ايمان : سعووود اطلع برا .
سمعوا طق الباب ودخلت منه ام وليد ابتسمت لـ ايمان والتفتت لـ سعود : سعود ممكن تخليني شوي مع ايمان
سعود يبتسم ويوقف : ايه , يلا ياعروسه مع السلامه .
ايمان ترمي عليه المخده : انقلع انت ووجهك كش عليك .
طلع سعود وام وليد سكرت الباب وتوجهت للسرير وجلست على طرف السرير .
ام وليد : ايمان حبيبتي انتي مشالله عليك كبرتي وانتي عارفه ان الدنيا لها قدر وان الزواج قسمة ونصيب والله
سبحانه وتعالى بلغني في مي وتزوجت والحمدلله الحين اهي فبيت زوجها الله يوفقها , ايمان في من طق الباب
وخاطبك
ايمان : يممماا شفيك ترا والله مو حزة استهبالك بالاول سعود والحين انتي
ام وليد : انا اتكلم جد يا ايمان والمره توها من شوي مسكره مني
ايمان : يممماا تكفين خلي استهبالك لبعدين انا تعبانه وفيني النوم .
ام وليد : ايمان صدقيني الولد اخلاق واكيد رح يسعدك واخوك سعود بنفسه مدح ياسر قدامنا انتي فكري وصلي
واستخيري ولاتستعجلين .
ايمان : يممماا انتي مستوعبه شنو قاعده تقولين.؟
ام وليد : ايي يما , انتي فكري وصلي ولاتخافين ان شاء الله مابيصير الا كل خير " وطلعت "
بيت ابوطلال " شقة بدر ومي "
طلعت من الحمام بعد ماخذت شور ينشطها جلست ع
التسريحة اخذت الكريم وصارت تدهن جسمها بعدها قامت وطلعت لها جينز للركبة لونه سماوي وقميص فوشي رفعت شعرها ذيل حصان بدون ماتمشطه ورشت من عطرها وطلعت الصاله جلست ع الكنبة وشغلت التلفزيون تفرفر فيه تأففت بطفش ورمت جهاز التحكم ع الطاولة واخذت الجوال فتحته وصارت تقرأ الرسايل شوي سمعت طق الباب قامت وفتحته شافت ساره تبتسم لها
سارة : مساء الخير.
مي : مساء النور
سارة : عسى ما أزعجتج بس؟
مي : لاشدعوه اصلا محد معاي بدر من شوي طلع عنده كم شغله بيخلصها وانا جالسه بروحي ... حياج!
سارة : لا مي مارح ادخل .. جايه اقولج ان انا وانتي وابرار بنجلس تحت بالحديقة وتراني اتصلت فالبنات يجون .
مي : زين سويتي , تصدقين من تزوجت ماتجمعت مع البنات .
سارة : ايه اجل يلا تجهزي ونزلي انا بقول لـ ابرار وبروح اجهز الاكل وهالخرابيط .
مي : اوووك عمري يلا .
توجهت سارة لشقة طلال وابرار طقت الباب وبالموت فتحت لها ابرار .
سارة بعصبية : اففف برور شتسوين صار لي ساعه اطق عليج الباب ماتفتحين .
ابرار : عمري سويره كنت اتروش .
سارة : اوك نعيماً
ابرار : الله ينعم عليج , أمري حبيبتي شنو تبين .؟
سارة : ايه زين ذكرتيني .. سمعي انا وانتي ومي بننزل الحديقه وانا قلت للبنات يجون ترا من زمان ماشفتهم . 9
ابرار : اووك من عيوني .
سارة : يلا انا بنزل وانتي لاتأخرين .
بيت ابوليان
كانت ليان تلبس عبايتها ونور كانت تلبس الجزمة
نور : ليان ماقلتي لشهد تروح معانا ؟
ليان : قلت لها بس ماتبي تروح
نور : افففف مادري شفيها شهد تغيرت 180 درجة .
ليان : شي اكييد بعدين لاتنسين ترا شهد حامل واكيد انها تعبانه
نور : الله يساعدها .. الحين لازم نجهز لعرسك ونجهز لولد شهد مابقى الا كم شهر وتولد .
ليان : الله يكون بالعون , يلا بس تأخرنا.
* في جهة ثانية .. كانت شهد جالسه ع اللابتوب وحواليها الاكل كان الوحام متعبها ... تغيرت حالة شهد عن قبل صارت ماتطلع من البيت الا نادر وصارت متحمسه للطفل الي ببطنها وقررت انها لما تولد تربي ولدها وانها تنسى الحزن وتنسى الماضي قررت انها تفتح صفحة جديدة وصارت تطلع مع نور وليان تجهز معاهم للعرس ومره وحده تشتري للطفل .
نهاية البارت .
62
بيت ابوطلال بعد ربع ساعة تجمعوا البنات كلهم في بيت ابوطلال باستثناء شهد ورؤى الي حالتها لاتقل عن حالة شهد
واهي بعد متعبها الحمل والوحام .. كانوا جالسين في الحديقة وسوالفهم وضحكهم محلي جلستهم .
ابرار : اي والله , الله يساعدهم عاد مساكين ثنتينهم حمل
سارة : وانتي الصاجة .
ايلاف : صراحة احسن شي ان يوم العرس وليد وفارس تصالحوا .
مي : اي والله , الحمدلله الي ربي حنن قلوبهم .
ولاء : وانتي الصاجة ازعجونا بزعلهم مابغوا يتصالحون .
ايمان : مابقى الا شهد وفارس نرجعهم لبعض .
ليان : شهد تغيرت ترا ... يعني احسها صارت احسن من اوول
نور : اي والله ترا قامت تبتسم وتسولف وتضحك ولما نجيب طاري فارس عادي يعني ماتجلس تعصب ولاتغير الموضوع
بيان : ان شاء الله في امل ترجع لفارس .
ايلاف : بيان انتي لسى مداومة ع العلاج .
بيان تهز راسها بـ أيه : ايوا .
زهرة : يلا ان شاء الله تتحسنين وترجع لك الذاكرة .
بيان : ان شاء الله .
مي وقفت : بروح اجيب العصاير .
ايمان لحقتها : بجي اساعدك .
مشوا مي وايمان متوجهين للمطبخ واول مادخلوا علطول ايمان سكرت الباب
مي : بسم الله شفيك خرعتيني .
ايمان : مي بقولك شي.
مي : شفيك, صاير شي بالبيت؟
ايمان : لا .. بس في واحد تقدم لي.
مي بفرح : صج ... زين وان شاء الله وافقتي.
ايمان : لا سمعيني بالاول..يوم العرس يوم امي ارسلتنا انا وزهرة نجيب الاغراض من السيارة واحنا راجعين
تهاوش معانا بزر وبعدها راح جاب اخوه .
مي : طيب وش دخل هالموضوع بالرجال الي متقدم لك .
ايمان : اخو البزر اسمه ياسر وامي تقول الي متقدم لي اسمه ياسر صديق اخواني وامه جات عرسكم وشافتني
مي : يعني قصدك ان ذاك اخو البزر اهو نفسه الي تقدم لك.
ايمان : اتوقع كذا.
مي : طيب وانتي ليش خايفه ..فكري واستخيري
ايمان : فكرت وحسيت اني مرتاحه بس خايفه.
مي : لاتخافين .. ووبعدين دامك مرتاحه وافقي ولاتطولين المسأله.
ايمان : .................
مي تدف كتفها : اووه وكبرنا وبنتزوج .
ايمان : يلا بس جيبي العصاير.
بيت ياسر .
كان جالس في الصالة مع امه واخوه عبدالعزيز يلعب بالبليستيشن
ام ياسر : اقول ياسر .. تراني كلمت المره وقلت لها ان احنا نبي بنتهم ايمان وقالت لي بترد لي خبر .
ياسر : ماكأنك استعجلتي يما.؟
ام ياسر : لا ما استعجلت ولاشي وان شاء الله تكونون من نصيب بعض وافرح فيك ياولدي واشوف عيالك .
ياسر : بس انا لسى ماجهزت شي وين بنسكن والمهر وو
قاطعته ام ياسر : ماله داعي كل هذا ... اكيد انكم راح تسكنون هنا وانا بحط ايمان بعيوني لاتحاتي واذا على المهر
انت تشتغل ياوليدي واذا ماكفاها الي عندك نعطيها زيادة.
ياسر : الي تشوفينه يما .
بيت ابووليد
كانت جالسه في الغرفة مع وليد وكان يسولف معاها ومتردد كيف يفتح معااها الموضوع في النهاية استجمع نفسه
وليد : يمما انا بقولك اني ابي اكمل نص ديني .
ام وليد : والله هذي الساعة المباركة يوم اشوفك بتتزوج .
وليد : بس يما ابوي مو مقتنع بالبنت الي انا ابيها
ام وليد : وليد يمما ترا بيان ماتصلح لك وصدقني مارح ترتاحون بالعيشه لانها ماتحبك .
وليد : يما اناا مارح اتزوج غيرها واذا انتو مو راضي فيها مارح اتزوج .
ام وليد : ياوليد لاتتعب قلبي
وليد : بس يما المشكلة وانحلت وانا اعتذرت للكل
ام وليد : تكلم مع ابوك وحل معاه هالمشكلة
وليد : يما تكفين انتي كلميه وقنعيه , وقوليله بنت غيرها ماني ماخذ
ام وليد واهي تطلع من الغرفه : الله يهديك ياولدي .
يوم جديد يحمل احداث جديدة بيت ابوليان كانوا نور وليان جالسين عند شهد في الغرفة ويسولفون قررت ليان
تفتح الموضوع مع شهد وتحاول تقنعها لعل ترضى
شهد : ليان تكفين لاتذكريني بالماضي . انا الحين قررت افتح صفحة جديدة واعيش واربي الي ببطني .
ليان : شهد ... حرام عليك الي ببطنك يحتاج ابو حرام تخلينه يعيش بدون ابو طول حياته .
شهد : بس انا مابيه يعيش مع ابو مثل فارس .
نور : فارس مايعيبه شي .. صح اهو غلط لكن مو معناته اذا غلطنا نضل طول عمرنا نفكر بغلطنا .
ليان : شهد الواحد يغلط ويتعلم من غلطه .. ليش قلبك لهالدرجة قاسي عليه
نور : ما تذكرين قبل كيف تحكين لنا شكثر تحبينه ومستعده تعيشين معاه طول عمرك وين راح ذا كله .
شهد تجمعت الدموع بعيونها : خلاص خلاص والله احبه بس مقدر اسامحه لاني احبه مقدر اسامحه لانه كسرني
ليان : صدقيني فارس مستعد يسوي لك كلشي بس انتي رجعي له اذا مو عشانك عشان الي ببطنك .
شهد : خلاص لاتفتحون هالموضوع معاي مره ثانيه .
سكتوا ليان ونور وصاروا يسولفون بسوالف ثانيه اما شهد مو معاهم وتفكر بفارس وهل ترجع له او لا.
تسريع الاحداث , بعد مرور شهرين , ايمان وافقت على ياسر وملكوا على بعض , ليان وتركي علاقتهم مافي مثلها
ومقررين يسوون عرسهم مع ايمان وياسر , ام وليد كلمت ابو وليد بخصوص موضوع وليد وبيان وحاولت
وابو وليد وافق عشان ولده وتقدموا لبيان واهي وافقت وطبعا بيان لسى فاقده الذاكره , وابووليد كلم ولده سعود
بخصوص الزواج وقاله انه يبيه يتزوج مع اخوه وليد وسعود وافق وخله امه تخطب له ساره وطبعا سارة بالبداية
رفضت وبعد محاولات وافقت ووليد وسعود ملكوا وبيسوون العرس مع تركي وياسر بعد اسبوعين العرس
شهد لسى تفكر بفارس وبعد مافكرت بحياتها وبفارس وبطفلها قررت تسوي التالي .
قبل العرس باسبوع في بيت ابوفارس .. نزلت بيان تركض واهي تنادي امها
بيان : يمماا يلا ترا بنتاخر على السوق .
ام فارس تنزل من الدرج : يلا انا جايه بس وين اخوك ؟
بيان : فارس بالسيارة ينتظرنا من زمان .
ام فارس : يلا وترا ابرار تبينا نمرها
طلعوا ام فارس وبيان ركبوا السيارة حرك فارس توجهوا بيت ابوطلال اخذوا ابرار وتوجهوا للسوق .
بيت ابووليد كانوا ايمان وزهرة يلبسون عباياتهم عشان بيروحون السوق وام وليد تناديهم
ام وليد : يلا يابنات تأخرنا .
زهرة : جايين يما انتي روحي ركبي السيارة .
ام وليد : بسرعه ترا سعود معصب يقول تأخرتوا .
زهرة : طيب يلاا ايمان .
نفس الشي طلعوا وتوجهوا للسوق واخذذوا معاهم مي .
بيت ابوليان ليان خلصت تجهيزاتها للعرس وشهد كبر بطنها ووصلت للشهر السابع والحمل متعبها مرا
اما نور كانت بالصاله تلعب بلايستيشن .
نور : شهد شفيك ؟
شهد : تعبانه مرا
نور : نوديك المستشفى
شهد : .............
نور لفت عليها : شهد شنو هذا .؟
شهد تناظرها : مدري نور حدي تعبانه .
نور وقفت وراحت تركض فوق شوي ونزلت ووراها ام ليان توجهوا لها بخوف
ام ليان : شهد شفيك يممماا ؟؟
شهد : اههه خالتي " ومسكت يدها بقوه "
جات ليان تركض : شفيكم ؟ ... شهد شفيك ؟
ام ليان : روحي نادي ابوك بسرعه .. نور روحي جيبي عبايتي وعباية شهد
راحت ليان تركض ونادت ابوها ونور راحت تجيب العبايات لبسوا شهد عبايتها وطلعوا وركبوا السيارة
وعلطول للمستشفى ..اول ماوصلوا استلموها الدكاتره حطوها ع السرير ودخلوها الغرفه اما الباقي وقفوا برا
ينتظرون مرت ربع ساعه ونص ساعه والدكاتره يطلعون ويدخلون من الغرفه وكل ماسألوهم صرفوهم وهالشي
خلاهم يخافون اكثر.
ليان : ياربي لايكون صار فيها شي.
نور : اهه والله قلبي يتقطع عليها .
ام ليان تقرأ قران ووجهها مليان دموع وابو ليان واقف ويدعي لها .
نور : ليان تتوقعين يصير لها شي.؟
ليان : لا ان شاء الله .
بعد مرور ساعة طلع الدكتور ووراه ممرضتين توجهوا لهم
ابوليان : دكتور طمنا عن حالتها كيفها الحين ؟
الدكتور : بصراحه المريضة وصلت لمرحلة الولادة المبكره واضطرينا نحط لها طلق اصطناعي.
ام ليان: طيب شهد بخير؟
الدكتور : هي ولدت بالشهر السابع يعني مبكر كثير واسباب الولادة في الشهر السابع سوء التغذية و الوزن المنخفض
وفي اسباب غيرها لكن اكتشفنا انها ولدت مبكر بسبب سوء التغذية وحالتها النفسية أثرت على الجنين , لازم تضل
بالمستشفى لين نتأكد من صحتها والجنين رح يضل عندنا الين يكتمل النمو عنده .
ابوليان : الحمدلله على كل حال , مشكور دكتور .
الدكتور : العفو ولو واجبنا." وراح دخلوا عند شهد لكنها لسى ماصحت من تأثير البنج "
بيت ابوطلال الساعه 10 الليل
دخلت وفي يدها اكياس كثييره ووجها احمر من التعب طاحت ع الكنب والاغراض طاحوا ع الارض
سارة : اهه تعبت تعبت اووف
ام طلال : الحمدلله امدانا نخلص اغراضك ... بكره بنروح شقتك عشان نرتب اغراضك وقبل العرس بيوم
بتروحين تتحنين .
سارة : طيب بس انا الحين بقوم انام حدي تعبانه .
ام طلال : طيب نوم العوافي .
اخذت الاغراض وصعدت فوق دخلت الغرفه وقفلت الباب حطت الاغراض ع الكنب ولبست بجامتها جلست
ع السرير واخذت تلفونها واتصلت على سعود شوي وجا صوته .
سعود : هلا بالحب .
سارة : هلافييك . اخبارك؟
سعود : كل ماتكلميني اصير احسن من اول .
سارة بخجل : دووم يارب .
سعود : اه اخيييرا قرب العرس
سارة : شدعوه لهالدرجة تحبني وتبيني؟
سعود : سارة وربي اني اححببك من زمان لكن ماعترفت لك
سارة بصدمة : امانه؟
سعود : والله
سارة : طيب ليه ماعترفت لي؟
سعود : تبين الصراحه .. انتي قبل كان لسانك ممرا طويل ودايم تتهاوشين وانا اكثر واحد تتهاوشين معاي
الزبدا خفت اقولك وتشرشحيني فـ قلت احتفظ بحبي لك بنفسي .
سارة : اهاا.
سعود : اهمشي الحين احناا مع بعض وبعد كم يووم بتكونين حلالي ومحد بيقدر ياخذك مني.
سارة : طيب قلبي انا تعبانه ابي انام .
سعود : اووك نوم العافيه .
سارة : يعافيك , مع السلامه .
نهاية البارت .... توقعاتكم؟