59&60
59
مشت ام فارس للصالة ومشى فارس معاها جلسوا وكان الهدوء هو سيد الموقف قاطع هدوئهم شهقات شهد اللي كانت
كل شوي تعلى الكل التفت لها بخووف شافوها منهارة وتصيح
شهد : ابي اممي ودوني لامي , انا مابييكمم ماحبكم انا اكرهكم تكففوون ودوني لامي
تجمعوا حولها البنات يحضنونها ويحاولون يهدونها لكن شهد منهارة توجهوا لها الحريم بخوف والكل يحاول يهدي فيهاا
زهرة : شهد شهد خلاص هدي اذكري الله
شهد : ودوني لامي انا ابي امي مابيكم مابيكم .
مي : شهد صلي ع النبي قولي لااله الا الله موزين تسوين بنفسك كذا .
شهد : وخرو عني , ودوني لامي ابي امي .
ليان حضنتها ودمعت عيونها : شهد شوفيني انا هنا انا ليان , شهد تكفين لاتقطعين قلوبنا عليك تكفين
شهد : ليان وديني لامي ابي امممي .
ليان : لواقدر وديتك ياعمري لكن ادعي لها
شهد بعدت عن ليان وصارت تناظر الكل وطاحت عيونها على فارس توجهت له وصارتت تضرب فيه بجنون واهي
موحاسه شقاعدة تسوي.
شهد : كله منك انت السبب , انا اكرهك ليش تسوي فيني كذا لييييييش ... فارس مابي ولدك مابيييييييييهه انا اكرهك
اكرهك واكره ولدك ماحبكم
جلست ع الارض وضمت رجولها لصدرها وحطت راسها على ركبتها وصارت تشاهق وتصيح شوي شوي وبدت
شهقاتها تخف تجمعوا حولها بخووف وشافوها مغمى عليها علطول اخذوها للمستشفى
ابووليد : يابوفارس احنا بنمشي ويضلون اثنين عندها ... احنا وقفتنا هنا مالها فايدة
ابوفارس : اي عدل كلامك .. خلاص انتو امشو وانا وام فارس بنضل هنا.
ابوطلال : يلا ياعيال امشوا .
ام فارس : ابرار روحي انتي مع بيان وفارس ولاتحاتون ان شاء الله اذا صار اي شي بطمنكم .
ابرار : طيب بيان يلا انتي ركبي مع طلال انا بشوف فارس وبنلحقكم .
بيان : طيب
ولاء: خالتي طمنينا عليهاا .
ام فارس : ان شاء الله لاتحاتون .
ام ليان : ماوصيك يام فارس انتبهي عليها شهد مالها احد غيرنا ولازم نحسسها بالامان .
ام فارس دمعت عيونها : ممن عيوني لاتوصين حريصة .
ابرار : فارس بسرعه قووم معاي وجودك هنا ماله فايدة .
فارس: خلاص قلت لك امشوا مارح اروح معاكم .
ابرار : افف فارس لاتسوي لي دراما هناا ... وبعدين مستحيل يخلونك بالمستشفى لان امي وابوي بيضلون عندها .
فارس : لاتخافين مارح اضل هناا شوي وبمشي .
ابوفارس : خلاص ابرار انتي امشي وانا اتفاهم معاه .
ابرار : طيب .
طلع الكل من المستشفى وركبوا السيارات وراحوا للمزرعة واخذوا اغراضهم ورتبوا مكانهم وطلعوا قرروا البنات
انهم يضلون بيت ابوفارس وينامون هناك والشباب نفس الشي اما الباقي كل واحد راح بيته .
ايلاف تكلم رؤى : لاتحاتين بنتبه له بس انتي لاتتعبين نفسك وبكره اول ماتصحين خلي احمد يوديك المستشفى .
رؤى بتعب : اووك ان شاء الله بكون بخير
ايلاف : يلا اخليك
رؤى : طيب وطمنيني على شهد .
ايلاف : حاضر , مع السلامه .
ايمان : ايلاف ترا بسام نام ووديته الغرفه .
ايلاف : مشكورة تعبتك معاي .
ايمان : لاعادي .
سارة : لازم في كل جمعه نتجمع فيها يصير لنا شي
ولاء : ان شاء الله خييره
مي: اي والله لعل تكون خيره لنا .
بيان : بنات ببعد بكره العرس
ابرار : استغفرالله احس اني مومستعدة ابداً
ولاء : ولا انا ... من كثر هالاشياء الي صارت عقلي تشوش.
ليان : جهزتوا ولا باقي؟
ابرار : انا خلصت بس بكره بروح احط لي نقش.
مي : انا وولاء نفس المشغل .
سارة : خلاص ياخي ملينناا وليد وفارس مو راضين يتصالحون وينسون المشكلة وبيان فاقدة الذاكرة وماتذكر شي
وشهد حالتها كل يوم تسوء اكثر وفي الاخير نكتشف انها حامل
نور : حسيت ان حياتنا فلم من كثر المشاكل .
مي : الحمدلله انها مشاكل عائلية يعني نقدر نحلها بتفاهم بينناا.
نور : بنات تتوقعون بيصير شي لشهد .؟
زههرة : لا فال الله ولافالك .
سارة : اسمله عليهاا بعيد الشر .
نور : ليش كل مره تصير لها مشكله وسالفه وربي مسكينه .
ابرار : القدر اهو اللي كاتب لها هالشي .
ايلاف : مسكينه والله الله يكون بعونها .
ايمان : بنات ترا فارس اهو الي مايبي ينسى المشكلة ولا وليد دايم يحاول يتقرب منه
في المستشفى .
ابوفارس: فارس ياولدي الله يرضى عليك لاتسوي بنفسك كذا
فارس : يبا انا تعبت تكفون ابي ارتاح احتاج شهد لان قربها راحه تكفون خلوها ترجع لي .
ابوفارس : فارس لو الشي بيدنا سويناه , شهد اذا بترجع لك برضاها كان رجعناها لك بس اهي ماتبيك .
فارس : حاولو فيها تكفون انا احتاجها والله .
شهد بهمس : يمماا .... يممماا تعالي.
ام فارس تمسح على راسها : انالله وانا اليه راجعون .. الله يكون بعونك ياشهد .
فارس : لو اهي حلالي كان ماصار ذا كله , كان ماخليت دمعه من عيونها تنزل .
ابوفارس : يافارس انت الحين روح البيت وبكره ان شاء الله من اصبح افلح .
فارس واهو يطلع من الغرفة : البيت بدون شهد عذاب
بعد مرور يومين .
شهد طلعت من المستشفى بعد ماسوولها فحص وتأكدوا ان اللي ببطنها سليم واهيه سليمة ورفضت انها ترجع بيت ابوفارس
وراحت بيت ابوليان
فارس حالته كل يووم تزيد سووء والعلاقه بينه وبين وليد جداً سيئه .
الشباب يحاولون يحسنون الوضع الي بين وليد وفارس لكن مافي فايده .
بيان كل يوم تحس بصداع قوي لكن للحين ماخبرت احد بهالشي.
يوم العرس .
كان الكل محتاس ويجهز نفسه للعرس .. طلال وبدر ومحمد راحوا الحلاق والشباب والرجال راحوا القاعه عشان
العمال يحطون الطاولات والمقبلات البنات كلهم راحوا المشغل والحريم في فبيت ابوطلال وجايتهم كوافيره تزينهم
وعالساعة 8 راحوا البنات القاعة واول مادخلوا كانت القاعة مليانه من المعازيم وصوت الدي جي العالي والبنات
اللي واقفين ع المسرح يرقصون ... راحوا البنات للغرفة وحطوا اغراضهم والقو نظرة اخيره ع انفسهم ونزلوا
وجلسوا على وحدة من الطاولات اما الحريم واقفين عند الباب يرحبون بالمعازيم .
اما عند الرجال كانوا ثلاثتهم واقفين جنب بعض طلال ومحمد وبدر وجنب بدر الرجال الي هم ابوطلال وابومحمد
وابوفارس وابووليد وكانوا يسلمون ع الرجال الي جايين يباركون لهم . اما باقي الشباب كانوا جالسين ع وحدة من
الطاولات وكانوا ساكتين ومحد فيهم يتكلم .
سعود : يالله شهالحالة معاكم ليس ساكتين ياخي سولفوا .
سيف : منو بيسولف لك بالله .. ترا طلال وبدر مو ههناا
سعود : اففف وليد وفارس همهم كبيير مستحيل يسولفون واحمد مو من هالنوع صراحة اهو متزوج ومافي الا اناا
وانت وحتى ايثان وربعه ماجاو ولا تركي .
سيف : خلك ساكت وبعد اشووي بيجون جمع هذرتك لين مايجون .
سعود : بطني يصفر متى بيحطون العشا .؟
احمد ضربه على ظهرة : وانت بس مايهمك الا تاكل وتحش فالناس هذا حياتك .
سعود يصرف الموضوع : احمدووه ترا الضربة تععور .
احمد بضحكة : تبي اخف منها .؟
سعود : لالا الله يسلمك تكفى وخر عني .
احمد : هههه .. يلا هذا جاو ربعك قووم رحب فيهم .
سعود يدورهم : وينهم ... ايه شفتهم " ويوقف " يلا سلام .
توجه سعود جهة الشباب وسلم عليهم ورحب فيهم وخذتهم السوالف ونسو نفسهم حتى اما عند الحريم اعلنوا وقت
زفة ولاء راحت وحدة من البنات تبلغ ولاء عشان تتجهز انطفت الاضواء وتسلط نور ابيض ع الدرج اشتغلت موسيقى هادية لتنزف عليها ملكتنا نزلت من الدرج بكل نعومة وبفستانها الابيض
وتسريحتها
ومكياجها
مشت وسط انظار الحريم وهمساتهم وكانوا البنات يقرون عليها المعوذات عن عيون الناس اما ولاء من الداخل
كان قلبها يدق بقوووه اليوم بتكون ملك للشخص الي حبته بتكون ملك لمحمد .. للشخص الي ياما المشاكل فرقتهم لكن القدر كاتب لهم يعيشون باقي حياتهم مع بعض ابتسمت لاشعوري لما خطر في بالها انها رح تكون تحت جناح محمد وانها بتكون له لنهاية العمر , واخيرا وصلت للكوشة اشتغلوا الاضواء , وتوجهوا لها البنات سلموا عليها وحضنوها بعدها راحوا بعض البنات يرقصون والبعض راحوا لـ مي وابرار
يهدونهم ويحاولون يرفعون من معنوياتهم اما رؤى وزهرة ضلوا عند ولاء .
رؤى : ماشالله عليك تجننين ياولاء الله يحفظك .
ولاء : يابعد عمري تجننين . عقبال مانشوف بسام لابس البشت .
رؤى : ان شاء الله يارب
زهرة : ترا شهد ماجات .
ولاء : امانه قولي والله .. ليه طيب.؟
زهرة : والله ماجات ... مدري بس تقول ليان مارضت تجي .
رؤى : مسكينة الي مرت فيه شي موسهل ابداً
ولاء : وانتي الصاجة ... الله يسهل دربها يارب .
جاو ليان ونور يركضون وسلموا على ولاء وحضنوها .
ليان بابتسامة : ياعمري طالعة كييوت وربي خقه .
ولاء : قلبي والله تسلمين .
ليان : الف مبروك منه المال ومنك العيال .
ولاء : مشكورة حبيبتي .
نور تدف ليان : اقول تقلعي خليني اسلم " وتسلم على ولاء " هلا والله الف مبروك تتهنين فيه ان شاء الله .
ولاء : الله يبارك فييك ياعمري عقبالك .
جات سارة واهي تلهث وجلست معاهم : اوووف تعبت وانا ارقص .
رؤى : لا من قال تعبتي صراحة انتي وايلاف وايمان عندكم طاقة كافية مشالله .
سارة : اقوول بلا تطنز وبعدين لو انك موحامل كان هزيتي المسرح من الرقص
رؤى بققت عيونها : انااا يالخاينة
سارة : لا الحين طلعت البراءة .
نور: صج خاينات ترقصون وماتنتظروني اجي وارقص معاكم .
جاو ايلاف وايمان : ههاي .
البنات : هايات .
ايمان : هلاوالله نور تو الناس تجين .
ايلاف : اي والله رقصنا وخلصنا وتوك تجين
نور : حبايبي انتو بترقصون مررة ثانية معااي
سارة : ايي بس لين مانهدا شوي والله انا تعبت حييل .
ولاء: منو جنب مي وابرار ؟
ليان : هناك بيان لحالها مسكينه انا بروح معاها .
رؤى : انا بعد بجي معاك ليان .
نهاية البارت , توقعاتكم ؟
60
عند مي وابرار
ابرار : وين البنات راحوا ؟
بيان : اللي ترقص والي جالسه عند ولاء .. كل وحده بمكان .
مي : طيب بنات انا متوترة حييل .
بياان : لاتتخافين حبيبتي مارح يصير شي
مي : الله يصبرني بس.
ابرار : انا احاتي شهد مدري شصار عليها .
مي : اي والله صدقتي الله يكون بعونها .
دخلوا رؤى وليان وسلموا عليهم وجلسوا .
مي : وين شهد ؟
ليان : مـ رضت تجي .. حاولنا معاها لكن مارضت .
ابرار : طيب بنات اتصلوا في شهد ع الاقل تطمنوا انها ماسوت شي بنفسها .
ليان : توني متصله عليها ماترد احاتيها والله .
ابرار : استغفرالله ... وربي قلبي مو متطمن .
عند ولاء والبنات .
جات ام وليد ونادت ع زهرة وايمان وطلبت منهم يروحون برا يجيبون بعض الاغراض من سيارة سعود طلعوا زهرة
وايمان عشان يروحون سيارة سعود لكن المكان مليان رجال وموعارفين يمرون .
زهرة : افف ايمان شلون بنروح السيارة؟
ايمان : مدري والله " وتأشر لها " شوفي هناك المكان شبه فاضي خلينا نمر من هناك .
زهرة : طيب يلا خلينا نجرب حضنا .
مشوا من عند المكان الي قالت ايمان عنه وقدروا يوصلون لسيارة سعود فتحوا السيارة واخذوا الاغراض اللي
طلبتها ام وليد , طلعوا من السيارة وسكروها وفي طريقهم واهما راجعين صدمت ايمان في ولد صغير وصار
الولد يهاوش ايمان وايمان ترد عليه
ايمان : ياقليل الادب تراني اكبر منك المفروض تحترمني .
الولد : خليت الاحترام لك
ايمان : لا وترادد بعد , منو اللي معلمك هالكلام صج ماتستحي على وجهك .
الولد : انتي الي ماتستحين على وجهك طالعة الشارع كذا وقدام الرجال بعد .
ايمان : والله انا متحجبة وبعدين تعال انت وش دخلك انا البس الي ابي فاهم , ويلا اذلف لا اخليك تبكي الحين .
الولد : تخسين والله لاعلم اخوي اخليه يجي يضربك .
ايمان : يمماا خوفتني , تراني مو خايفة منك ولا من اخوك الي يقول الحين بيخليني ابكي
الولد : والله لاناديه يهاوشك " وراح يركض "
زهرة : يالخبلة شسويتي مو ناقصين ندخل بمشكلة
ايمان : قليل الادب خل يحترم شوي ماعنده ذوق صج بزر .
زهرة : انتي قلتيها بزر ماعليك منه يلا بس خلينا نمشي .
التفتوا بيرجعون القاعة الا صوت الولد من وراهم : ياسر ياسر تعال شوفهم
قرب الولد مع ياسر واهما معطينه ظهرهم
ياسر : شفيكم مع الولد ؟
التفتت ايمان واهي متنرفزة : احنا الي شفينا ولا اخوك قليل الادب
اول ماطاحت عين ياسر على ايمان خق عندها وفهى : هاه شفيه اخوي؟
ايمان : ماصارت صراحه صدمنا فيه بالغلط وصار يرادد
ياسر : عزوز من يومه لسانه طويل بس ان شاء الله ماتتكرر
ايمان : وبعدين تعال قولي انت ماتستحي على وجهك تكلم بنات الناس.
ياسر : طيب انا اسف " اخذ اخوه ومشى "
بعد ربع ساعة اعلنوا دخوول محمد .. تغطوا الحريم ووقفت ولاء وساعدوها البنات بعدها راحوا البنات يلبسون
عباياتهم ويتغطون انطفت الاضواء واشتغلت موسيقى ودخل محمد بالثوب الابيض وابتسامته اللي تدوخ وابومحمد
ع اليمين وابوطلال ع اليسار وصلوا للكوشة وتقدم ابوطلال وسلم على بنته وباس جبينها ووصاها على امور وبعدها
تقدم ابومحمد وسلم عليها وبعدها تقدم محمد وباس جبينها وحضنها وسط انظار الكل احمر وجه ولاء ولاشعوري
ابتسمت بعدت عنه وناظرت بعيونه وغرقت في نظرات الحب حست انها محظوظة لانها خذت واحد مثل محمد مسك
يدها ووقف جنبها واخذوا كم صوره بعدها طلعوا ابومحمد وابوطلال وجلسوا ولاء ومحمد
كُن لي حبيباً كما شاء القدر
ولا تتركني وحيداً كاللّيل بلا قمر
فكيف لي بدونك أن أعيش بين البشر
فهل للزّرع أن ينبت دون أن يسقط عليه المَطر؟
بعد ربع ساعة من الوقت وقفوا ولاء ومحمد معلنين الخروج مسكو ايادي بعض ومشو على موسيقى هادية وطلعوا
من القاعة دخلوا الغرفة عشان التصوير دخلت ولاء ودخل وراها محمد سكر الباب وتقدم منها وحضنها بقوه واهي
نفس الشي .
محمد : اه ياولاء ماني مصدق واخييراً صرتي ملكي .. الحين محد يقدر ياخذك مني .
ولاء : الحمدلله الي ربي جمعني فيييك , الحمدلله ان حياتي كلها بتكون معك انت .
بعد عنها محمد ومسك وجهها بيدينه الثنتين : اوعدك اني مارح اتخلى عنك وبكون معاك ومارح اتركك .
ولاء بابتسامة : واناا بعد , اوعدك
محمد غمز لها : طالعة حلوة .
ولاء بخجل : تسلم ... وانت بعد الثوب محليك .
محمد : ياويلي ع الخجل بيذبحني .
ولاء : محمد خلاص عاد ترا استحي .
محمد مسك يدها وحطها ع قلبه : شفتي هذا من اليوم ورايح مارح ينبض الا عشانك . عشانك انتي وبس.
ولاء حضنته بقوووه ,خرب عليهم جوهم دخول المصورة دخلت وسكرت الباب صارت تطلب منهم يسوون حركات
واهي تصورهم وولاء ميته من الحيا ومحمد عاجبه الوضع وفي بعض الحركات ولاء رفضت تسويها بعد ماخلصوا
طلعت المصورة وبدلت ولاء فستانها وطلعوا وراحوا لمطعم عشان يتعشون .
قاعة الحريم
بعد خروج ولاء ومحمد اعلنوا زفة ابرار انطفت الاضواء واشتغلت موسيقى رومنسية ونزلت ابرار بفستانها
وتسريحتها
ومكياجها .
مشت وسط انظار الكل بثقتها المعتادة وابتسامتها الي بالغصب طلعت وصلت للكوشه واشتغلت الاضواء وجاو البنات
يرقصون جلست ابرار ع الكرسي المخصص للعروسين وجات ام فارس جلست جنبها وخذتهم السوالف وانضمت
لهم ام طلال تسولف بعد خمس دقايق من الوقت نزلوا البنات من على المسرح وجلسو ع الطاولة حقتهم وكل وحده
تضحك من جهة على خبالهم .