53&54
53
يوم الثلاثاء ( في بيت ابوفارس وتحديدا في غرفة شهد )
جلست من النوم وفركت عيونها بيدينها جلست تناظر الغرفة بتأفف " اووف اخيرا مابقى الا القليل واخلص , تعبت وانا ارتب اووف اغراضي كثيرة " مسكت جوالها وفتحت ع الانستقرام وصارت تحوس فييه وبعدها طلعت ودخلت الواتس جلست تقرا الرسايل وترد عليهم وبعد ربع ساعة قفلت الجوال وحطته ع الكومدينة .. تمددت ع السرير وبعدت اللحاف عنها وقامت دخلت الحمامم تتروش وطلعت لبست
جلست ع التسريحة وجلست تنشف شعرها اللي وصل لاخر ظهرها رفعته ببكله ولبست جلالها وطلعت نزلت ودخلت
المطبخ وصارت تدور لها شي تاكله .. سوت لها توست بالجبن وصبت لها حليب وطلعت الحديقة وجلست ع الكراسي .
في جهه ثانية طلع من الحمام ولبس جينز ازرق مع تيشيرت ازرق ومقلم بأبيض توجه للتسريحة ولبس ساعة زرقا
ولبس جزمة بيضه مشط شعره ورش من عطره اخذ بوكه ومفاتيحه وجلس يناظر الغرفة وكيف صارت خالية لما شهد اخذت اغراضها صار يناظر الغرفة ويتذكر زولها بكل مكان فتح باب الغرفة وطلع وبعدها طلع من الجناح كله نزل تحت ودخل الصالة ماشاف احد طلع الحديقة وانتبه لشهد اللي جالسه ع الكراسي لف عليها وطاحت عينه في عيونها لكنه سرعان ماتحاشى النظر ولف عنها وطلع علطوول اما شهد اول ماطاحت عينها عليه قام قلبها يدق توها بتلف وجهها الا هو مشى وطلع تنهدت بألم ومسكت جوالها تحاول تشغل نفسها فييه ضغطت على الزر وحطت الجوال بأذنها تنتظرالرد بعد دقايق جاها الصوت : ههلا .؟
شهد : اهليينن عهد
عهد : ههلا والله شهد كيفك اخبارك .؟
شهد : الحمدلله تمام وانتي كيفك ان شاء الله تمام .؟
عهد : والله الحمدلله تمام . طمنيني عنك صار لك شهرين ماتتصلين فيني يالقاطعة .
شهد : كويسة لاتحاتين وبعدين شهرين ماتصلت عذري معااي .
عهد : ايوه المثل يقول كل غايب وعذره معاه المهم اخبارك مع فارس ... هاه تحسنت الاوضاع ولا .؟
شهد تنهدت : لاتسأليني عن شي .. اصلا صارت اشياااء كثييره ماتتصورينها .
عهد : ايش صار لايكووون حبيتوا بعض وحملتي .؟
شهد بتكشير : لاوين فال الله ولافالك .
عهد : هههههههه انزين ققوليلي شالللي صار؟
شهد : مايصير اقولك بالجوال لازم نتقابل وبعدين انا مشتاقه لك يالدوبة .
عهد : يابعدي وانا بعد اشتقت لك .. خلاص نلتقي الييومم بنفس المكان االي دايم نروحله .
شهد : اوووكي , اخبارك مع الشغل .؟
عهد : الحمدلله تممام والله
شهد : يلاا اجل اخليك لازم اقفل .
عهد : اوووك .. ولاتقاطعيينن اتصلي فيني كليوم .
شهد : اووك يلا مع السلامه
عهد : مع السلامه
سكرت من عهد ووقفت ودخلت داخل لقت ابرار جالسه في الصالة ومنشغله بالجوال جلست جنبها
شهد : صباح الخير .
ابرار : اهليينن صباح النور اخبارك .؟
شهد : الحمدلله زينه .
ابرار : ههاا شرايك تطلعين معاي اليوم .؟
شهد : ويينن .
ابرار : نروح نشتري لك فستان واكسسوارات لعرسي , ولاموناوية تجين .؟
شهد تهز كتوفها : مادري
ابرار : شننو ماتدرين وبعدين مايبيلها تفكير انتي اول وحدة بتروحين
شهد بابتسامه باهتة : طيب؟
ابرار تمسك يدها وتقومها : يلاا قووومي نطلع الحين مع السوواق دامنا فاضين .
شهد توقف معاها : طيب شوي شوي رح تطيحيني .
في شقة الشباب ( اياس - ايثان - عمار - يوسف - تركي - ياسر - ماجد )
تركي يدخل الجوال في البنطلون ويجلس : شباب انا استأجرت هذي الشقه
ماجد : لييييه .؟
تركي : عشان نتجمع فيها كلنا ... دام ماعندنا ولامكان نجلس فييه .
عمار : خلاص تصيير قطيه كل شهر ندفع الإيجار
ياسر : ححلو خلاص.
اياس يطلع من الغرفة : الغرف ححلوهه مرا , شرايك انام ههنا الليله .؟
تركي : حياك الله .
يوسف : شنو تبون نطلب .؟
ماجد : انا ابي مشاوي
ايثان : واانا بعد من زمان ماكلت مشاوي .
يوسف : اطلب للكل مشاوي .؟
اياس : ايييوه احسن شي .
يوسف : اوووك
اياس : انا بقوم اجيب الككاوات تبون .؟
تركي : اكيد كلننا نبي جيبب لنا معاك .
ياسر : شرايكم نسافر ؟
ماجد : لاوانا اخووك ورانا دوامات .
ايثان : ايي والله ورانا دوامات .
ياسر : مارح يعطونكم بأجازة عيد الاضحى .؟
ايثان : والله على حسب مزاج المدير .
تركي : وانا مارح اقدر اروح لاني ابشركم بخطب
عمار : جد والله .. الف مبروك
ياسر : مبروك يالحبيب تتهنا فييههاا
تركي : الله يبارك فيكم عقبال الي ماتزوج .
بيت ابوليان ( الساعة 4 العصر )
كانوا جالسين كلهم في الصالة ويسولفون والليله راح يجي تركي يملك على ليان
ابوليان : اقول يام ليان ... انا قررت اسوي حفلة بما ان شهد الحمدلله صحت
ام ليان : والله زين ماتسوي يابوليان بس متى بتسويها .؟
ابوليان : ان شاء الله بعد يومين ... قبل مايسون العرس
نور : الله وناسسسهه .... تكفى بابا لاتتراجع اوك .؟
ابوليان : ان شاء الله مارح اتراجع .
ليان : مششكور يباا اكيد الكل رح يستانس بهالجمعة .
ام ليان : ويين راح تسويها.؟
ابوليان : بحجز استراحه
الكل : زيين ححلو
ام ليان : ليان حبيبتي تجهزي اليوم رح يجي تركي عشان يملك عليك .
ليان بتوتر : طيب .
ابوليان : انا بكلم تركي وعيال اخوووي وبعزمهم ع الحفلة وبخليهم يجيبون الشباب معاهم
ام ليان : زيينن تسووي .
قامت ام ليان تحط الغدا وقاموا نور وليان يساعدونا وبعدها قام الكل يتغدا , بعد الغدا جلسوا يتقهوون وبعدها قام ابوليان يريح شوي وام ليان نفس الشي اما نور وليان صعدوا فووق وصاروا يجهزون نفسهم اما اياس وايثان طلعوا
بيت ابوطلال ( الساعة 4 العصر )
سارة : يالله متى يجي اسبوع الجاي .؟
ولاء : اوووف لاتوتريني سارووه
سارة : ياخي ابي ارقص.
ولاء :قوومي شغلي لك اي شي ورقصي
سارة : اوووف ماتتفاعلين معاي داييمم جالسه وساكته
ولاء : يالله سارة انتي مزعجة مررا ... بالله مين بياخذك .؟
سارة : والله عاد الي بياخذني امه داعيه له .
ولاء : ايي واضح ... الا مقرود الي بياخذك .
سارة : اوووف ولاء لاتحطميني
ولاء : لاتتأففين ... الا تعالي سمعتي ان ليان انخطبت .؟
ساارة بجدية : امااننه من متى هالكلام .؟
ولاء : نور رسلت وقالت انها انخطبت والليله بيمكلون عليها .
سارة : الله يوفقههاا
ولاء : اممينن ... عقبالك انتي والبنات .!
سارة : اقوول بس قومي ننزل تحت هناك اخوانك متجمعين .
ولاء : اووك يلاا
نزلوا تحت ولقوا الكل موجود وانواع الضحك والسوالف .. جلسوا وشاركوهم السوالف .
ام طلال : يالله بزوج 3 من عيالي بنفس الليله .
ولاء : يمماا بفقدك والله
ام طلال دمعت عيونها : وانا بعد بفقدك يمماا.
سيف: لالالا عاد الحين بيبدا البكي.
سارة توها تستوعب ان اختها بتتزوج يعني بتعيش بمكان غير بيتهم دمعت عيونها : ولاء حيوانه بتروحين وبتتركيني
ولاء دمعت عيونها وصارت تصيح : ياسارة بفقدك ممررا .
سارة تحضنها : واناا كممان
بدر حب يلطف الجوو : ععادي بتروح ولاء بيجون مي وابرار بدالها .
سارة : ايي صصح توني استوعب .
سيف : انتي كله توك تستوعبين .. ابفهم متى ماستوعبتي انتي .؟
سارة ترمي عليه علبة المنديل : جعلني اشوووفك تتزوج قبلي تراك ازعجتني اووف
سيف : لاوالله مابتزوج بجلسس على قلبك لين ماتتزوجين .
سارة : مارح اتزوج لما اشووف مرتك فبيتناا
سيف : يصير خير
طلال : خلاص ولاتزعلون اثنينكم تزوجوا بنفس الليله
سارة وسيف بنفس الوقت : لاااااااااااااااااااااااا ااااااا
ناظروا بعض والكل ضحك عليهم وكملوا سوالفهم .
بيت ابوفارس ( تحديداً في غرفة بيان )
كانت تحوس في الغرفة وفي يدها الجوال وكل شوي تناظر الجوال وتنتظر منه رساله لكن ماجت ولارساله جلست
على السرير بتأفف فتحت الجوال ودخلت ع المحادثة الي بينهم وكتبت له مسج وقررت تطرشه له لكن ترددت ومسحت
الرساله وقفلت الجوال
بيان : اووووووف ليش مارسل .... استغفرالله لايكون صار له شي.!
خافت اكثر لما جا في بالها ان يكون صار له شي فتحت ع المحادثه ورسلت له مسج وطرشته وقفلت الجوال ..وقفت
وطلعت لها ملابس ودخلت الحمام تتروش طلعت ولبست
*********************
جلست ع التسريحة ومشطت شعرها ورفعته ذيل حصان حطت من عطرها واخذت الجوال لكن مالقت رساله سمعت
طق الباب فتحت الباب ولقت ابرار واقفه دخلوا وسكرت الباب
بيان : شفييك خوفتيني .؟
ابرار : لامافيني شي بس جايه اسولف معاك .
بيان : حياك الله .
ابرار : الله يحييك ... اخبارك الحين ان شاء الله احسن .
بيان : الحمدلله بس احيانا احس بشوية صداع .
ابرار بابتسامة : لاتخافين انتي استمري واخذي الادوية وان شاء الله تتشافين .
بيان : ابرار احس موجاية اتحمل ما اذكر ولاشي .
ابرار تمسك يدها : ماعليه حبيبتي تحملي .... ان شاء الله ترجع لك عن قريب.
بيان : اممم ابرار سولفي لي عن اهلنا وعن البنات والشباب .. سولفي لي عن بيت عمي بووليد وعن عياله
ابرار ابتسمت : ايش معنى بيت عمي بووليد .؟
بيان بارتباك : اممم مدري بس حبيت اععرف عن حياة مي وايمان وزهرة وكيف عايشين وكذا .
ابرار وحست ان بيان داخلها شي : امم طيب ... مي وايمان هذولاء تؤام متشابه محد يقدر
يفرق بينهم غير ان وحده طويله ووحده طولها ححلو طبعا مي كانت تحب بدر بس النذله ماعلمتنا اما ايمان هاذي الله
يسلمك احس كلشي فيها تكسر ماضل رجل ولايد ماتكسرت اما زهرة هاذي ام الكتب والقراءة تحب شي اسمه قراءة
وعيونها اربعه وعشرين ساعه مجابله الكتب حتى واهي بتنام لازم تقرا وسعوود صديق بددر وممرا مع بعض اثنينهم
وماعرف عنه اشياء كثييره .. اما وليد الله يسلمك هو اكبر واحد فيهم ويحب خواته واهو قريب من مي ودايم يشكي لها
واكثر وحده من خواته يسولف معاها هي مي
بيان : بس.؟
ابرار : ايي " وبكذب " وسمعت انهه يحب وحدهه من برا العايلة ومقرر يخطبها لكن ينتظر الوقت المناسب
بيان قام قلبها يدق وتغيرت ملامح وجهها وصارت تناظر في ابرار واهي منصدمه ...انتبهت لها ابرار وكيف تغيرت
فوق تحت لما قالت لها انه يحب وحده ويبي يخطبها
ابرار : بيان شفيك .؟
بيان : مافيني شي .
ابرار : تخشين علي يابيان انا اختك , قولي لي شفيك .
بيان نزلت راسها : مافيني شي .
ابرار ترفع راس اختها وتناظر في عيونها : تحبينه صح .؟
بيان تناظر عيون ابرار : ممنو .؟
ابرار: وليد ..!
بيان دمعت عيونها ولفت راسها للجهة الثانية : لا.
ابرار : بيان لاتنكرين واضح من عيونك اصلا .
بيان : طيب واذا قلت كل اني احبه وش بتسوين يعني .؟
ابرار ابتسمت لها : انتي متأكده انك تحبينه
بيان : اييه .. ومشاعري تقول كذا
ابرار : تدرين ان انتي اكثر وحده من البنات الي تكره وليد وماتواطنه بعيشة الله وكنتي اكثر وحده تدعي عليه بالموت
بيان بدون شعور : اسمله عليه من الموت
ابرار : سبحان مقلب القلوب .... بيان متأكده انك تحبينه .؟
بيان : طيب مادامه يحب غيريي ويبي يخطبها ليه كذب علي وقالي انه يحبني وخلاني اتواصل معاه كليوم .؟
ابرار : تتواصلون .؟
بيان : اييوه .... انا من الظهر وانا راسله له ولايرد علي الحين عرفت السبب اكيد يكلم حبيبته
ابرار : لامايكلم حبيبته يمكن مشغول
بيان : وش دراك .؟
ابرار : لان ماعنده حبيبه غيرك .
بيان : كيف يعني مافهمت .؟
ابرار : يعني سالفة الحبيبه الي من برا العايلة والخطبه كلها كذب انا قلت كذا عشان اتأكد من شكوكي وهذا انا تاكدت
بيان تضربها : الله يقطعك خوفتيني عبالي صج .
ابرار : بيان .. اذا صج تبين علاقتكم تستمر خليه يجي يتقدم لك ... لان لواستمريتوا كذا رح تتعبون .
بيان : ليه .؟
ابرار : لان ولاء كانت لها علاقة مع محمد قبل مايخطبها وصارت مشاكل بينها وبينه بسبب واحد اسمه سيف
لكن الحمدلله ربي جمعهم مع بعض
بيان بخوف : يعني حتى انا ووليد رح يصير لنا كذا .؟
ابرار : اذا تقدم لك وتزوجتوا محد رح يقدر يفرق بينكم .
سمعوا صوت رساله اخذته بيان بسرعه وفتحت الرساله وكانت من وليد { اعتذر والله بس كنت مشغوول .. لاتزعلين }
ابرار : منو .؟
بيان : وليد
ابرار : ايش يقول .؟
بيان : يقول كان مشغول وماعرف يكلمني ويعتذر .
ابرار : طيب اخليك انا بروح اشوف شهد .
طلعت ابرار من عند بيان اما بيان ارسلت لوليد مسج وبعدها نزلت تحت
نهاية البارت .... توقعاتكم ..؟؟
54
اعتذر جدا ع التاخييير ححدي مضغوطة برمضان
قراءة ممتعة للجميع
بيت ابوليان وتحديدا في غرفة ليان .
كانت تحط لمساتها الاخيره دخلت نور الغرفة واهي تناظر في اختها وكانت جممييله لابعد حد وناعمه ممررا
تقدمت لها وحضنتها
نور : وانخطبتي ياليانوووه .
ليان : عقبالك يانور .
نور : اميين .
ليان : شرايك ححلو ولا؟؟
نور : والله تهبليين .
وقفت ليان وصارت تناظر في نفسها اخذت العطر ورشت منه وابتسمت برضا على شكلها مشت مع اختها
ونزلوا تحت وتقابلوا مع ام ليان الي اول ماشافت بنتها دمعت عيونها وحضنتها واهي تسمي عليهاا . بعدها جلسوا
في الصالة شوي ودق الجرس يعلن عن وصوول تركي طلع اياس وفتح له الباب سلم علييه ودخلووا وسلم تركي
على ابوليان وايثان وماضلوا خمس دقايق الا الجرس يدق معلن عن وصول الشيخ ... دخل الشيخ وسلموا عليه
وجلسوا وبدأو بالخطبه بينما ليان كانت متوتره وخايفه وتحاول تضبط نفسهاا شووي وسمعت صوت ابوها يطلب منها
توقع مسكت القلم بيد ترجف ووقعت وصارت ام ليان تيبب ونور حضنت اختها وام ليان نفس الشي .
عند الرجال دخل ابوليان وفي يده الكتاب وعلى وجهه ابتسامه اخذ الشيخ الكتاب من ابوليان ووقف وسلم عليهم
الشيخ : الف مبروك تتهنون ان شاء الله
تركي : تسلم ياعم .
ابوليان : الله يسلمك مشكور .
ايثان يسلم على ابوليان : الف مبروك ياعممي ويتهنون ان شاء الله
ابوليان : الله يبارك فيك عقبالك
اياس : الفف مبروك ياعمي والله يتمم لهم على خيير .
ابوليان : هلافيك ياولد اخووي الله يبارك فييك
ايثان يحضن تركي : مبروك تتهنى فيها ان شاءالله
تركي : الله يبارك فيييك " ويضربه " وانتتت يلاا تزوووج
ايثان : توالناس ععلي .
اياس يبعد ايثان عن تركي : يلا بس وخر خلني ابارك له " ويكلم تركي " مبروك يالحبيب تتهنى فيها .
تركي : الله يبارك فييك وعقبالك وانا اخوك .
ابوليان : ها تركي حاب تشوف بنتنا ولا.؟
تركي يناظر ابوليان : والله اذا ماعنددك مانع ما اقوول لا .
ابوليان : اجل خلني اروح اخبرها انك تبي تشوفها .. وانت ادخل بهاذي الغرفه " ويأشر له على الغرفه "
قام تركي ودخل الغرفه اما ابوليان راح الصاله وخبر ليان انه تركي يبي يشوفهها ليان قامت ترجف بخووف وشوي
وتبكي من التوتر والخووف : لايباا تكفى مابي اشووفه
ابوليان : هذا زوجك ولازم تتعودين عليه .. وبعدين تراه مارح ياكلك بس بيشوفك .
نور : يلاا ليان تكفييينن قومي شووفيه .
ليان بتوتر: طيب
وقفت ليان مع ابووههاا ومشوا للغرفه الي كان جالس فيها تركي فتح ابوليان الباب ودخل ودخلت وراه ليان وكان تركي
جالس ع كنبه طويله ومنزل راسه ومتوتر اما ابو ليان اول مادخلت ليان الغرفة استأذن منهم وطلع وسكر الباب وراه
هنا ليان حست ان رجولها موقادره تشيلها وانها بتطيح استجمعت نفسها وجلست على اقرب كنبه وكانت مقابله
للكنبه الي جالس فيها تركي كانوا اثنينهم منزلين روسهم ومتوترين ...تركي كان منزل راسه لكن عيونه على ليان
رفع راسه شوي شوي الين ماطاحت عيونه عليها انعجب فيها وماتوقعها بهالجمل وهالنعومة انتبه لها كيف تفرك يدها الثنتين بقووه من التوتر
تركي بضحكه : شوي شوي على يدك ......... بتقطعينها .
نزلت يدها وصار وجهها احمر من الاحراج رفعت راسها وطاحت عينها بعينه وحست ان الدنيا توقفت للحظة فجأة
انتبهت لنفسها وابتسمت ورد لها الابتسامه
تركي : اخببارك .؟
ليان : الحمدلله .
تركي وقف وتوجه لليان وجلس جنبها : ليان انا ودي نبدأ حياتنا ونكون متفمين مابي تصيرمشااكل بينا الله لايقولها
ابيك تتفهمين وضعي اني انا عايش هنا بدون اهل يعني عايش لوحدي لولاالله ثم ربعي الله يخليهم لي ماكنت عشت
هالعيشة ولاكنت تقدمت لك . تدرين محد ساعدني عشان اخطبك غير عيال عمك اللي بالنسبه لي اخوان واكثر
والله اتعب وانا اشكرهم وما اوفي بحقهم لانهم حققوا لي حلم .. ايوه كنت احلم انك تكونين زوجتي وام عيالي لاني
بصراحه مرا شفتك بالصدفه وحبيتك ودعيت الله اني اخذك بالحلال واستجاب ربي دعائي
ليان كانت تستمع له وقلبها يدق بقوه لكن لمما قال لها انه يحبها هنا انصدمت وماتوقعته يحبها نفس اهي ماتحبه
لفت عليه تناظره تحاول تستوعب الكلام بعدها ابتسمت ونزلت راسها : ادري وانا بعد ابي نبدأ حياتنا بدون مشاكل
ونكون متفهمين وان شاء الله الله بيوفقنا في حياتناا .
تركي مسك يدها وضغط عليها بقووه : الله يخليك لي .
خرب عليهم جوهم طق الباب وصوت من وراه يقول : يلا ياليان تاخر الوقت .
وقفت ليان واستأذنت وطلعت صعدت فووق تركض دخلت الغرفه وشافت نور وشهد جالسين تقدمت لها شهد
وحضنتها بقــــــــــوه
نهاية البارت توقعاتكم