41&42
41
سمعوا صوت الشباب وكلهم تحجبوا ودخلوا الشباب واحد ورا الثاني واهممماا يسلمون على الحريم بعدها جلسوا عند الحريم وصاروا يسولفون .
ام طلال : الا اقول يام فارس . شخبار شهد ماصحت للحين .؟
ام فارس تنهدت : لا لسى ماصحت . اه الله يقومها بالسلامه .
الكل : امميين يارب .
ام فارس بحزن : وفارس وعليه عليه كله بجناحه ولايطلع منه ولايرضى يشوف احد ولاحتى يرضى ياكل ويشرب
ابرار : اهه فارس يعور القلب
ايمان خنقتها العبره : فقدنا شهد مرره
ولاء : وانا بعد فقدتها .
ابرار تمسح دموعها بكف يدها : وانا فقدتهاا مرهه تعودت كل يوم الصباح اجلس معاها بالحديقة
سارة : خلاص بنات لاتصيحون ادعوا لها هي تحتاج دعائنا .
بيان ترفع يدها للسماء والبنات يسوون نفسهاا ويرفعون يدهم : يارب يارب انك تقووم شهد بالسلامه
البنات : امين
بيان : يالله انك ترجعها سالمة يارب
البنات : امين
بيان وكأنها تذكرت فارس ودمعت عيونها: يارب انك تفرح فارس برجعة شهد ياارب .
الكل من قلب : اميييييييييييييييييين ..
بجناح فارس وشهد .
كان جالس على الارض واغراضها طايحة حواليه .. ملابسها .. صورها .. كان يناظر الاغراض ويصيح ويعاتب نفسه على اللي سواه . كان يكلم الصورة وكأنها تسمعه او تحس فيه .
كان وجهه احمر وذبلان وعيونه منتفخه من كثر البكي وتحت عيونه هالات سوده وشفايفه ذبلانه وجسمه نحيف شعره ولحيته طولانين حتى ملابسه بالموت يغيرهم . كانت الغرفه ظلام وبس نور خفيف مشغل . مسك فارس الصورة وحضنها بقوووه .. ونزلوا دموعه وحرقت خده همس بألم : شهد ارجعي لي انا ضايع بدونك .
سمع طق ع الباب وطنش عارف انهم اهله كل مرره يجون ويحاولون فيه ياكل ويشرب ويطلع من الي اهو فيه لكن اههو يهاوشهم ويطردهم برا الجناح .. كان كل مرره يشوفهم كلهم يجونه ماعدا وليد ..اه اكيد ياوليد مارح تجي اكيد خايف تقابلني اكيد خايف اني احط اللوم عليك . خايف اهاوشك واقولك انت السبب في كلشي ليش ليش ياوليد ليش تقول ان هالشي لمصلحتي واهو مو لمصلحتي .. ليش تكذب علي ياوليد . اه ياوليد تعبتني وكسرتني وحطمتني . خربت علي حياتي ليش ليش ياوليد .. ليش خليتني اصدقك ليش .. اهه راح اوريك ياوليد ثمن الي انت سويته راح اخليك تندم راح اخليك تموت الف مرره .. راح افضحك قدداام الكل . انتبه لأصوات اهله الي كانت ورا الباب
سعود : فارس خلنا ندخل .
بدر : فارس تكفى افتح الباب .
طلال : فارس .. فارس رردد .
ام فارس : فارس يمه حبيبي افتح الباب .
ابرار : فارس اخخووي تكفى افتح خلاص ععاد ليمتى بتضل جذي .؟
فتح فارس الباب وصار يناظرهم واحد واحد وكأنه يدور احد بينهم : ويين وليد ؟ .. ليش ماجا ليش ماخليتوه يجي
ليش .. قولولي ويينه وييييييييينهه .. خللوهه يجي الحين اتصصصصلوا فييهه
ام فارس بفجعة : يممماا فارس وش فييكك كذا
ابرار : وش تبي في ولييييييد .
فارس بصراخ : خلللللللللللو وليييييييييييد يججي .. الحيين بسسسسسسسسرعهه
ام وليد : شفيك فارس ... ووش تبي في ولدي .
فارس : جيبووه جيبوا وليد خلوني اطلع حرتي فييه جيبوه .
حاولوا يهدونه واهم مستغربين ايش يبي في وليد .. بس رضخوا لطلبه واتصلوا في وليد عشان يجي . لكن مايرد حاولوا يتصلون عليه من اكثر من جوال لكن مايرد ... وفارس يصارخ ويقولهم جيبوووا وليد.
بيت ابو ليان ( الساعه 5 العصر )
نور : اووك يمماا بس لاتتأخرين عشان يمدينا نروح لشهد .
ليان : ايه صح يمما صار لنا يومين مارحنا لها
ام ليان : ان شاء الله بس بتروش ع السريع وجاية لكم .
صعدت ام ليان فوق تتروش ونزلوا اياس وايثان وشافوا ليان ونور وجلسوا معاهم في الصالة .
نور وليان بهمس : وعليكم السلام .
اياس : وين عمي .؟
ليان : عنده شغل مع واحد وطلع معاه .
اياس : اههاا .
نور : ليان تتوقعين شهد صحت . ؟
ليان تناظر اختها : ان شاء الله يانور الله يسمع منك .
نور تناظر الفراغ : بس الدكتور قال انها ماتقدر تعيش بدون الاجهزة .
ليان خنقتها العبره : نور تأملي الخييير . يمكن الله يخليها تقدر تعيش.
نور واهي تكتم شهقاتها عشان ماتطلع :اهه ياليان .. اشتقت لها مره
كانوا ايثان واياس يستمعون لهم بصمت وقلوبهم معصوره على حالتهم .. شوي ودق جوال اياس وكان ياسر . قاموا اياس وايثان ودخلوه المجلس وجلسوا يسولفون ههناك وطبعاً استأذنوا من ابو ليان ان ياسر والشباب راح يجون ووافق . بعد ربع ساعة .. لبسوا البنات عباياتهم وطلعوا متوجهين للمستشفى وداخلهم امل كبير ان شهد تكون صحت
عند وليد
كان جالس عند البحر وكل شوي يناظر بجواله اللي ينور باسم الي يتصل كان كل شوي يرن باسم احد من اهله واهو مايبي يرردد وخايف .. خايف يرد ويقولون له ان فارس يبيه ولماا يرووح يفضحه بين اهلهم خايف لما يروح يحصل شي ماعمره تمناه .. اييوه وليد اللي قبل كان قووي وبارد ومايخاف من شي بس الحين صار يخخاف صار جببان صار كل شوي يتلفت حووله بخوف وضياع مايدري وين يروح .. " اهه ياوليد لك اسبوعين وانت ماشفت اهلك . ليمتى .؟ ... لاياوليد انت الي بديت بكل ذا ... اهه ياوليد انت اللي دمرت نفسك ودمرت غيرك ... دمرت فارس وانت عارف انه يحب شهد ويعشقها .. انت دمرت شهد وانت عارف انها مالها ذنب دمرتها بس عشانك تكرههاا . دمرتها
وانت ععارف انها مو اهي الي قتلت اخووك اه ياوليد قبل كنت تخبي العابك عن الناس بس الحين جا الوقت الي تنفضح بين اهلك .. جا الوقت االلي لازم شهد وفارس ياخذون حقهم منك .. خلاص ياوليد ارجع ارجع وخل فارس يفضحك قدام الكل . " غمض عيونهه بألم وكأنه يستعد للي راح يصير له . وقف وصار يمشي على اطراف البحر وناظر الشارع مشى ناحية سيارته واههو مقرر يرجع واللي يصير يصير .
في المستشفى
كانوا جالسين قدام الغرفة ع الكراسي ونور وليان كل شوي يقومون ويطلون من النافذه الي ع الباب
ام ليان : خلاص يايمه خلونا نمشي مافي فايده من جيتنا هنا
نور : لا يممه تكفين بس خلينا شووي .
ام ليان : ششنو نسوي .. مجلسينا ببرا ومومخلينا ندخل عندها الغرفة .
ليان : اووووف ليش مايدخلونا .
ام ليان : شي اكيد يابنتي مارح يدخلون احد .. المريضه حالتها حالة .
ليان تناظر النافذه : اهه ياشهد تكفين قوومي .. كلنناا فقدناك . حتى فارس فقدك تكفين قوومي .
نور بقهر : لاتقولين فارس فقدك .. اههو مافقدها .. اهوو الي سوا فيها كذا
ليان لفت لاختها بصدمه : نوور وش فييك .؟
نور : نسيتي ان اههو طلقها؟
ليان : لامانسيت بس لاتقولين ككذا .. ههو صج فاقدها يانوور .. وبعدين يمكن الظروف اجبرته يسوي كذا
نور بغضب : ححتى وللوو المفروض مايسوي كذا .
ام ليان توقف : يلا يابنات لازم نمشي .
جناح فارس .
الكل جلس في الصالة وكل شوووي يحاولون في فارس الي طردهم من الغرفه وقفل الباب على نفسه وقال لهم انه مارح يطلع الا لماا يجي ولييد.. وطبعا الكل يحاول يتصل فيه لكن مايرد .
طلال : اااااااااففف .. ويينن راح ولييد .
سيف : استغفرالله .. احد منكم يفهمني ايش صاير .. ترا خذنا شهر وانا موفاهم شي .
ام وليد : وانا خالتك كلنا مو فاهمين شي . كل ماقلنا لفارس فهمنا شسالفه مايتكلم .
سعود : ابي اعرف فارس ليش سوا كذا
ابرار وعيونها ع الفراغ : انا ابي اعرف فارس وش يبي في وليييد .؟
سمعوا صوت دق ع الباب الكل لف وشافوا ولييد ووقفوا بصدمة .
ام وليد دمعت عيونها : وليييييد يممممه وييننك وين اختفيت .. اسبوعين واحنا نتصل فيك وماترد
وليد : انا بخيير يممه .. لاتحاتين
بدر: انتت وينك .. وبعدين ليش ماتترردد .؟
بيان بعصبية : صصصصصصصصار لنناا سساعتين نتصل فييك وماترد .. اخووي فارس يبيك
وليد غمض عيونه بألم " اه جاا الوقت جاا " : وينه ؟
سارة بقهر : لا وبكل برود بعد تقوول وينه ... روح له الغرفه شوفه شنو فييهه .
مشى وليد بخطوات ثقيلة واههو متوجه لغرفه فارس طق الباب وسمعوا صراخ فارس من الغرفه
ابرار : حبيبي فارس .. وليد ججااا . افتح الباب تكفى .
انفتح الباب وشافوا فارس يطلع منه ويتقدم لوليد وعطااه بوكس والكل انصدم منهه .. مشى فارس وصار يضرب في ولييد ووليد يحاول يدافع عن نفسه لكن فارس مايشوف قدامه الا الشر . صار يضرب وليد بكراهيه وحقد والشباب يحاولون يفكونهم عن بعض وبالموت قدروا
فارس : تركوووني اذبحه .. هذا مايستاهل انه يعيش .
وليد : ..........................
فارس : اكيييييييييييد مارح تتكلم ولاتقول شي.. لانك انت اللي سويت هالمصيبة الكبيره انت واحد اناني .مايهمك الا نفسك
ام فارس واهي تصيح : يممه فارس وش فيييك . قولنا وش صاير .
تقدمت ابرار لعند اخوها فارس ومسكته من يده وجلسته ع الكنب وبهدوء : فارس اخوي انت قول لنا وش فيك .
فارس ولسى معصب صار يناظر في ولييدد بكرهه وقف وعطاه بوكس ثاني وطيحه ع الارض
فارس بصراخ : ههذا لازمم يمووت انا مابي اشوووفه عندنا مابييي فهمتوووا .
ابو وليد بعصبية : فاارس وش فيك على وولدييييييي .
ابوفارس : فارس تكلم واحنناا نحل الموضوع .
فارس : ولييد خخرب حياتي ولييد ههو الي حطنا في هالمصيبة .
الكل باستغراب : كييييييييييف .؟
فارس بعصبية : كلكم نسيتوا سالفة ععلي ولد خالتي ام وليد . وان الاجانب ههم الي قتلوه لكن وليد لسى مانسى
مانسى هالسالفة لسى يبي ينتقم من اللي قتل اخوه ععلي .. بس ولييد حط المصيبة كلها فوووق راسي .
سعود : كييف يعني مافهممناا .؟
ابو وليد : علي وولدي.؟ ... بعديينن ولدي ععلي ممات واللي الكل يعرفه ان احنناا مارفعنا
قضية على الي قتل علي .
فارس : اي ياعمي .. علي ولدك . كان دايمماا يقولي ان اللي قتل علي اهيه شهد وشهد كانت تبرر له لكن اهو ماكان يصدقها .. حاول اكثر من مره انه اههو ينتقم منها لكن ماقدر جا ذاك اليوم اللي امها دخلت بغيبوبة وسعود بعد واههو جاله السرطان طلب مني اني اتزوج شهد وانتقم منها وبعدها اطلقها قلت له يتزوجها اهو وانا مالي دخل بأفعالة لكن رفض بحجة انه فيه السرطان انا بالبداية رفضت لكن ........ "وسكت "
الكل بصدمة : كممل فارس .
فارس : لكن كان وليد يلعب في مخي لحد ماوافقت وطلبت من امي وابوي اني اتزوجها . انا ممدري كيف وافقت اسوي هالشي . صحيح كنت احب شهد بس ماكنت ابي اتزوجها عشان انتقم منها .
وليد : دامك مو قد المسؤولية ليش وافقت .؟
فارس : . وافقت لاني ابي احمي بنت الناس منك .. وثاني شي ياوليد لاتنسى الي كنت انت تسويه فيني عشان امشي وراك
الكل يناظر فارس ووليد بصددمة واهماا مومصدقين الي قاعد يقوله فارس .
فارس : لما تزوجنا انا وشهد كنت دايم اضربها واعذبها واهاوشها عشان انفذ طلب وليد .. وبعدها دخلت على شهد من دون رضااها وطلقتها .. وصار الي صار " وناظر وليد بحقد " لكن ككل ذاا بسبب ولييد كله منننك انت انت السبب ... والله لو صار لشهد شي مارح اسامحك .
ابووليد لف على ولده بعصبيه وصار يضربه والكل منصدم ويحاولون يبعدون ابووليد عن ولده
ابرار وقفت ووجهها مليان دموع : ليش ياوليييييد ليش موحرام ععلييك تسوي ككذا انت ماعندك قلب ماتحس ليش تخرب العلاقات ليش " وشهقت " واحنا الي نقوول انك صديق فارس ومارح تأذيه .. خسارة والله خسارة
تقدم طلال وحضن ابرار واهو يحاول يهديها .
ابو ولييد : انت ليش كذا .. ليش اناني وتخرب حياة غييرك
مي بقهر : دامك ماتبي تتزوج ياوليد لاتخرب حياة غيرك .
وليد يناظرهم واهو منكسر من داخلك . اييه منكسر من كلامهم له . حس ان الكل أهانة .طلعوا بيت ابو وليد وتوجهوا
لبيتهم . وطبعا ابووليد تهاوش مع ولده ودخله غرفته وقفل علييه الباب .
اما البنات نزلوا تحت واهماا يصيحون ومومصدقين الي سمعوه والحريم والرجال نزلوا ومابقى غير الشباب
وقف فارس ودخل غرفته لكن وقفه صوت
سيف : فارس " تقدم له ومسكه من كتفه " هونها وتهون .. لاتسوي بنفسك كذا . ان شاء الله الموضوع راح ينحل
انت بس ادعي لشهد تقوم .. وبعدها يصير خير .
فارس ناظره وهز راسه ودخل الغرفة توه بيسكر الباب الا وقفه يد سيف : اطلع من الي انت فييهه حراام تسوي
بنفسك كذا
فارس : لوسمحتوا طلعوا من الجناح وسكروا اللمبات والباب
قفل فارس الباب ودخل الحمام وفتح الماي وصار تحته واههو ساكت مايدري يصيح ولا ايش يسوي
اما الشباب طلعوا من الجناح بعد ماسكروا اللمبات والباب .
نهاية البارت
42
عند البنات
سارة : وقتها هالسالفة , اافففففففف
بيان : مسسسسستحييلل ككييف طلعت هالسالفه وبعدين ولييد ليش لسى مانسى هالسالفة ؟
ولاء : وليييدد واحد غغبي والله مددري ممننو الي بتتزوجه
بيان : ههذا وجهي اذا تزوووج ههذا محد يبيه مايحس ولاعنده احساس ولاضمير
ابرار : لاتقولون ككذا ,ههو صح كلنا منصدمين وكلنا منقهرين منهه بس مهما ككان ماندعي علييه كذأ .
بيان بعصبية : ولييدد دممر حياة اثنين متزوجين ... حرام علييهه شوفي الحين شهد بغيبوبة بسبته وفارس الله يعلم بحاله
سارة : افففففففففف
ولاء : ياععممري على شههد .. الله يشفيها ياارب .
بيان : تتوقعون شهد بتصحى .؟
البنات : ان شاء الله اييهه .
سارة : شهد عايشة ع الاجهزة يعني لو يفصلون عنها الاجهزة " وبغصة " تموووت .
البنات بصوت واحد :اسمله عليها ... لاتقولين كذا ... ان شاء الله تقوم بالسلامه .
يوم جديد . ( بيت ابو وليد - على الطاولة يفطرون )
زهرة بتردد : آآ يباا .
ابو وليد : هلا ؟
زهرة :احمم . شسمه ابي المفتاح .
ابووليد : أي مفتاح . ؟
زهرة : مفتاح غرفة ولييد .
ابووليد : ليش .؟
زهرة تحك راسها وتعدل نظارتها : شسمه ابي اودي له الفطور واصحيه يصلي الفجر ححرام يأخر الصلاة
ابووليد بعصبية : اسمعي مابي اسمعك مره ثانية قايلة هالكلام .. ووليد مارح يطلع من الغرفة الا لما يتعدل
ويصير رجال .
زهرة بخوف : بس بابا ..
قاطعها ابو وليد : لابس ولا شي " ووقف " انا طالع .
ايمان تكلم زهرة : زيينن كذا خليتي ابوي مايفطر زين .
زهرة : وانا وش دخلني . هي ماما قالت لي اقول لابوي .
مي : المفروض انتظرتيه يخلص فطور .
زهرة تجلس ع الكرسي : بلا هذرة زاايدة .
جات ام وليد : ها يما وين ابوكم .؟
ايمان : يما ابوي طلع " وتناظر زهرة " كله من هذي خلته يعصب .
زهرة : يمماا شوفي ايمانووه
ام وليد : عطاك المفتاح .؟
زهرة واهي تاكل : لا .
بيت ابوطلال ( الساعة 1 الظهر )
نزلوا طلال وسيف وبدر واهما يسولفون عن مموضوع امس . ويفكرون بحل لهالمشكلة .
دخلوا الصالة وشافوا امهم وسارة وولاء سلموا وجلسوا
سيف : يمماا بنروح اليوم بيت خالتي .؟
ام طلال : لايمه .. اليوم بنروح عند شهد المستشفى .
سارة : يمما .. متى راح تملكون .؟
ام طلال : مافي الا بكرة .. مع ان الوقت مو مناسب بس على الاقل نكتب الكتاب وبعدين يصير خيير .
سارة : الله يكتب الي فيه الخير
ولاء : يمما .. ايلاف تقول اهي وامها بيجون معانا المستشفى .
ام طلال : خلاص عطيهم رقم الغرفة احنا الساعة 3 بنروح .
ولاء : طيب .
طلال : يمماا شسالفتهم ذيلي .؟
ام طلال : مننو .؟
طلال : فارس ووليد .!
ام طلال : والله مادري مافهمت شي من الي امس .
سارة : يقول فارس ان وليدد لسى مانسى سالفة اخوه ععلي ويبي ينتقم من الي قتل اخووه واهو لانه يكره شهد فـ اتهمها
ان اهيه اللي قاتله علي . وصارت سالفة
طلال : اهاا
الساعة ( 4 العصر )
الكل متجمع عند شهد .. وطبعاَ الدخول ممنوع جماعي ... فـ كل اثنين يدخلون مع بعض .
والكل برا الغرفة
بيان طلعت من الغرفة واهي تمسح دموعها .. انتبهت لها ابرار وراحت لها وحظنتها .
ابرار : خلاص حبيبي .. لاتصيحين .
بيان : ماقدر امسك دموعي . والله شكلها يعور القلب .
ابرار : ماعليه .. ادعي لها الله يقومها .
بيان تناظر فارس : ابرار .. خلي فارس يدخل يمكن تحس فيه .
ابرار وكأن كلام بيان عجبها : اووك بروح اكلمه وان شاء الله يرضى يدخل , اهو بالموت رضى يجي المستشفى
بيان: تكفين روحي حاولي وياه .
راحت ابرار لعند فارس .. اما ام فارس وام وليد دخلوا عند شهد .
ابرار : فارس .!
فارس : نعم .؟
ابرار: ... آآ شرايك تدخل عند شــ
قاطعها: لا
ابرار : تكفى فاارس عشاني .
فارس يهز راسه بـ لأ : ................
ابرار تجلس على ركبتها : تكفى .. طيب اذا مو عشاني عشان شهد .
فارس دمعت عيونه : ابرار خلاص مارح ادخل .
ابرار تناظر عيونه : ليش انت متضايق .. هالكثر تحبها .؟
فارس : لاماحبها .
ابرار : اجل .؟
فارس : اهي حياتي اصلاً .. شوفي لما صارت بالمستشفى صرت انا بلا روح .
ابرار تحضن اخوها : هونها وتهون ... اهي بتصحى ان شاءالله .
فارس : ايي متى ؟ متى راح تصحى متى ؟
ابرار : فارس انت ادخل لشهد .. وتكلم معاها يمكن تحس فيك وتصحى
فارس : ماتوقع تصحى .
ابرار: ليش .؟
فارس : الحين انتو كلكم دخلتوا عندها وكلمتوها وماصحت . تبونها تصحى لما تسمعني .؟
ابرار : انت غير يافارس .. اهي تحبك .. ويمكن يحس قلبها فيك .
فارس باستهزاء : شهد تحبني .؟ .. من متى .!
ابرار : ليش .؟ .شنو فيك عشان ماتحبك .. انت زوجها ولانسيت .
فارس : لامانسيت .. اهي لما تشوفني يدق قلبها خوف مني مو حب فيني .
ابرار : فارس .
فارس قاطعها : ابرار لاتنسين انا طلقت شهد يعني حرام اشوفها اهي مو محرم لي .
ابرار قلبها عورها : فارس تكفى ادخل وكلمها تكفى .
بعد محاولات رضى فارس يدخل لشهد مشى مع ابرار ولبس الملابس الخاصة وطلع وتوجه لغرفة شهد وقلبه يدق بقوه
كيف راح يشوفها كيف راح يقابلها بالاجهزة كيف راح يشوفها جثة بلا روح سمى بالله وفتح الباب ودخل وعيونه عليها
تقدم لها ودموعه خانته وانزلت وقف عند السرير وصار يناظر في الاجهزة الي ملتفه حواليها ويناظر شعرها اللي طايح
بكل حرية .. ووجها الذبلان والهالات السودة الي تحت عيونها . جلس على الكرسي ومسك يدها وضغط عليها بقوه
وصار يكلمها وييشكي لها .
فارس : اهه ياشهد ليش ماتصحين .. ليش دايماَ نايمة .. هه ماشبعتي نووم .؟ .. شهد خلاص نمتي كثيير قومي .
وحشتينا وحشتي الاهل كلهم .. " ونزلت دموعه " وحشتي فارس بعد . وشقتك وكلشي اشتاق لك .. شهد قومي .
انا تعبان من دونك ... شهد ليش خليتيني اطلقك .. اناا ما اسوى شي بدونك . انا الحين كيف بعيش بدونك .. اصلا حتى
لو صحيتي . مارح ترجعين معاي صح شهد . قوليلي بترجعين ولا .؟ " ضغط على يدها " شههههههههههد ردي علي
لاتسكتين .. شهد تكفيييييين قوومي . آآآآآآآآآآآآآآآههه .. شهد ولييد هو السبب في كلشي .. وليد هو الي دمرنا
شهد .. لو اني ماسمعت كلام وليد كان احنا بخير .. لو اني ماسويت الي سويته . اهه بس شعقب مارح يفيد الندم
مارح يفيد .. تكفين ياشهد اصحي لاتتركيني لحالي .
وقف فارس واههو فاقد الأمل انها تصحى .. مشى مبتعد عن السرير وقف عند الباب ولف عليها صار يناظرها
مسح دموعه وفتح الباب وطلع . فصخ الملابس ورماهم على الارض وراح الحمام يغسل وجهه .
بعد ماطلع فارس الكل استغرب ولما مشى للحمام لحقه طلال .. اما ابرار كانت تحاتي ولحقت طلال .
دخلوا باقي البنات عند شهد .. وبعدها رجعوا فارس وطلال وابرار و ع الساعه 8 الليل مشى الكل بيته .
بعد مرور اسبوعين .
الكل صار مابين يوم ويومين يروحون لشهد وفارس يروح لها ويكلمها لعل تصحى لكن مافي فايدة
ابرار وطلال ومي وبدر . كتبوا عقد قرآنهم والملكة يوم الجمعة .. وبيسوون العرس مع ولاء يوم عيد الاضحى
طبعا ابرار ومي مارضوا بس بعد اقناع طوويييل وافقوا .
الكل جالس يجهز لملكة مي وابرار ... ويجهزون للعرس لان مابقى الا شهر ويجي العرس .
وليد لسى محبوس بالغرفة وطبعا لا اكل وجواله مو
معاه فقط عايش على الموية وطبعا تحسف على اللي سواه وندم
وقرر يعتذر من الكل وخصوصا فارس وشهد لما تصحى ومخطط انه يبني حياته ومستقبله وانه بيعتذر من امه وابوه
ولاء نفس الشي تجهز لعرسها . وكل يوم اهي والبنات يطلعون ويشترون لهم الاغراض وكذا . وعلاقتها مع محمد
احسن بكثييير عن قبل .
قبل الملكة بيوم بيت ابو فارس ؛( الساعة 3 العصر )
بيان : فارس تكفففى قووم ودني اجيب فستاني .
فارس : اووه بيان والله مالي خلق .. خلي السواق يوديك .
بيان : ابرار مارح تروح معااي , فـ مستحيل اروح مع السواق لحالي .
فارس : ....................
بيان : تكفى فارس..
فارس : خلي وحده من البنات تروح معاك .
بيان : اووووووووف ليش كذا صاير ننذلل بقوووه .
دخلت ام فارس الصالة : شفيييكم ليش تتهاوشون .؟ ... وانتي شفيك صراخك واصل لفوق .
بيان بزعل : اووف يمماا . شوووفي فارس . مايوديني اجيب فستاني .حضرته يبيني اروح مع السواق .
ام فارس : روحي مع السواق وش فيها .؟
بيان بققت عيونها : هااااه .؟ .. الحين يمماا تقولين لي لاتروحين مع السواق لحالك عييب ومايصلح والحين تقولين
لي روحي مع السواق لحالك .. وبعدين لما اروح لحالي مع السواق تجلسون تهاوشون .
فارس : هي شوي شوي حشى ماطاحوا ضروسك .؟
بيان : هاهاها سامج وسخييف يلا بس انقلع " وتناظره بطرف عينها " مايساعد خواته .!
فارس : شنو ما اساعدكم .. صار لي اسبوعين كل يوم من الظهر لين الليل وانا ادور وراكم من محل لمحل .
بيان شهقت : هــــــــــــــــــــــــ ــــــــــــــ . يالظالم . حرام عليك .!
ام فارس : قومي روحي مع السواق وخلي وحده من البنات تروح معاك .
فارس : ايه يما هذا انا اقولها جذي بس موراضية.
بيان : افففففففففف منننك . عنييييييييييد .
فارس يضحك : ههههههههههههههههههههااااي ي .
ام فارس وبيان يناظرونه باستغراب .. بيان تصارخ : فاااااااااااااااااارسس .اخيييييييييييراا ضضحكت!!!!!!!
ام فارس ابتسمت : عسسى دوووم ياييممماا .. اخيرا شفنا ضحكتك .
فارس وقف : يلا يمماا انا بروح اريح شووي تعبان .
ام فارس : نوم العوافي يايمه .
بيان توقف : انا بروح اكلم وحده من البنات تجي معاي .
نهاية البارت .؟