29&30
29 }
______________________________
بيت ابو فارس الساعه3 العصر .
عند البنات .
سارة : لاصج صج متى بتسافرون .؟
شهد : والله مدري فارس م قال لي .
ولاء : شهد سافري غصصب عن خشمه . ذا شهر عسل مولعبه .
ابرار : بلا غبااء ... اكييد بتسافر .
بيان : ترا ماشبعت البارحه من الرقص .
مي : قوممي رقصي .
بيان : ححلفي .. شوفي الشباب جالسين هننا .
ايمان : خخخخخ صجج عاد قومي لبسي عباية امك وتلثمي ورقصي . محد بيعرف منو انتي .
بيان : لامجنونة انا اسووي كذا .
زهره : شرايكم نطلع البحر .؟
ولاء : لا شنو بحر .
سارة : ولا خلونا نخيم .. قبل مايجي رمضان .
ابرار : صج كم بقاا ويجي رمضان .؟
مي : على ما اعتقد بقا ثلاث اسابيع .
فارس جا جهة البنات واهو يدور شهد بينهم
بيان : ههلا هلا بالمعرس حيياك " وتسوي له مكان "
فارس : لاوالله شايفتني وحده من صديقاتك .؟
بيان : صديقاتي احسن منك .
فارس بقق عيونه : شفف بدال ماتقول انت احس من صديقاتي
بيان : والله عاد صديقاتي لابغيت شي يجيبونه موو زيك .
فارس : يابنت الحلال لاتفضحيننا وبعدينن لاتزوجتي بيجيب لك زوجك الي تبين .
بيان : ليش انت يومم تزوجت شهد جبت لها اللي تبي .؟
زهره تضربها : مالت عليك بس , توهم الببارحه متزوجين مامداهم بسم الله .
بيان : ايي يعوور .
فارس : شهد تعالي شووي .
شهد : طيب
وقفت شهد وراحت مع فارس طلعوا لـ حديقة البيت وراحوا جلسوا ع الكراسي الموجوده وكان فيه قبال الكراسي
نافورة متوسطة الحجم جلسوا ع الكراسي وصاروا يسولفون بهدووء ولا كأنهم متهاوشين من شوي , صار فارس
يسألها واهي تجاوب . سرحت في النافورة اللي قدامها وفارس ضل يطالع فيها لفتره .. بعدها قام وجلس جنبها مسك
يدها واهي انتبهت له وخافت لما شافته ماسك يدها
فارس بهمس : لاتخافين مارح اسوي لك شي .
شهد : شنوو تبي .؟
فارس : ما ابي شي بس موحرام امسك يدك انتي زوجتي اصلاً .
شهد عدلت جلستها : ..............
فارس : شهد .. اسف ع اللي صار فووق
شهد : لاعادي انتت ماسويت شي غلط اصلاا انا اللي بديت بالسالفه
فارس باستغراب : شلون انتي الي بديتي .؟
شهد : يعني انا اللي سألتك السؤال .
فارس : ليش سألتيني .؟
شهد : بس كذا .
فارس : لاا والله اكييد في سبب خلاك تسأليني هالسؤال .
شهد بطفش :ولاشي قلت لك مجرد فضول , وبعدين لاتسوي حركاتك وكأنك تحبني .. لان مهما صار مارح احبك
ولا راح اصدقك مهما تقول . ولاتستانس ترا كلها فتره ونتطلق .
فارس : شهد شالكلام .؟ .... وبعدين مين فتح هالسالفه .؟
شهد : انا فتحتها وبعدين انا ماقلت شي غلط , انت تسوي نفسك تحبني وماتقدر تستغني عني عشان تقدر تكسبني
وتلعب لعبتك . بس مستحيل تقدر تقرب مني .
فارس : شهد ... انتي انجنيتي .. اصلا مستحيل انا اسووي زي كذا .. وانا اصلا ماعمري اعترفت لك اني احبك
او معجب بك .. انتي كنتي انسانه كـ اختي فقط .
شهد : كنت ؟ .. والحين شنو ؟.
فارس : الحين زوجتي وبس .
شهد لفت راسها عنه وجلست تلعب بالجوال اما فارس انتبه لـ وليد اللي كان جالس بعيد عنهم ويناظر فيهم
انقهر مننه وطلب من شهد انها تدخل داخل . قامت شهد اللي ماصدقت على الله ودخلت اما فارس راح وجلس
عند وليد واهو يسأله ليش جالس برا .
وليد : طلعت اشم ههواء . والرجال داخل كلهم نامووا .
فارس : وليش ماقعدت مع الشباب .؟
وليد : مالي خلق .
فارس : فكرت بالكلام .؟
وليد : ايي كلام .؟
فارس : اللي عن شهد !
وليد : فارس انا طلبت منك تتزوجها وانت وافقت .. يعني مالك عذر تتراجع
فارس : طيب تزوجهها انت .
وليد : ليش اهي سهله اللعبه تزوج وطلق ؟
فارس : لا اكييد موسهله بس اههي نفس الشي بسوي الي انت تبيه وبعدين بطلقها يعني في الحالتين اهيه مطلقه
وليد : صراحهه انا مو متراجع ابداً عن كلاممي .
فارس : يعني انت ماتحس .. اهي يتيمهه حرام علييك . حط نفسك مكانها ..
وليد : كل شي ممكن اتراجع عنه الا هالسالفه .؟ وبعدين اذا اهي يتميه فهذا الي كاتبه ربي لها .
فارس : انت مو خايف من ربك الي كتب لها تعيش يتيمه .؟ .. موخايف من الي فوق في سابع سمما .؟
وليد : فارس ...................................
اعذروني جداً ع التأخييير
توقعاتكممم .
30 }
وليد : فارس , شي اكييد بخااف منه ... بس انا ابي انتقم منها
فارس : مستحيل ياوليييد مستحيل .. الانتقام مو بذي الطريقة .. وبعدين اذا انت مابتتراجع عن كلامك انا بطلقها
وليد بقهر : فارس دامك مو قد المسؤولية ليش وافقت تتزوجهها .؟
شافوا بيان تركض جهتهم وتلهث وقفت واهما يسألونها بخوف وش فيهاا .
بيان : شـ شهد .. شهد اغمى عليهاا .
فارس وقف وركض لداخل بخووف شاف الكل متجمع عند شهد دخل مابينهم وتقدم لشهد شافها طايحة ع الأرض حملها بين يدينه وركض للسيارة ركبها وشغل السيارة ومشى وكانت شهد في حضنه حتى ماكلف ع نفسه يحطها ورا .. مشى للمستشفى طيران واهو كل شوي يناظر فيهاا " اهه ياشهد لاتروحينن تكفينن لاتخليني ... مستعد اسوي لك اي شي .. شهد تكفيين اصحي اصحي .. اناا فارس ...... " صار يكلمها لعل تصحى لكن دون جدوى اول ماوصل دخلوها الممرضات غرفة الطوارئ واهوو ينتظر بخووف
* عند وليد .
جات بيان تركض وخبرتهم ان شهد اغمى عليها .. شاف فارس وجهه انقلب فوق تحت ووصار يركض بكل خووف .. كأنه خاييف عليها خايف لاتروح منهه ... شاف الخوف بعيون فارس .. " اهه يافارس لهالدرجه تحبها وانا جالس اهدم علاقتك معاها .. لاياوليد اللي تسويه غغلط .. المفروض تنسى السالفه .. وليد انت حدك معقد اصلا الكل نسى السالفه وبعدين ذا قضاءالله .. وليد اصحى من هالافكار خلك رجال سكر هالموضوع وخلهم يعيشون بحالهم .. دامك مارح تحب ولا راح تتزوج وتكون نفسك خل غيرك يرتاح " سكت شوي " لالالالالالاياوليد اصحى هذا احسن شي تسويه انك تنتقم منها اييه ياوليد اهي ضيعت اخووك قتلته . وليد لاتتراجع ابدا عن كلامك .. كممل مشوارك وطريقك ."
في المستشفى
كان رايح وجاي خايف على شهد والدكتور طوول ماطلع شوي دق جواله طلعه ورد وكانت ابرار
فارس : ههلاا
ابرار : ههلا فارس .. هها شصار .؟
فارس : لسى الدكتور ماطلع
ابرار : تكفى طمنناا عليهاا .!
فارس : ايش صار لها .؟
ابرار : كانت برا معاك صح .؟
فارس : اييه .؟
ابرار : اوول م دخلت ماقدرت توزن نفسها وطاحت .
فارس : تغدت هي .؟
ابرار : مدري كانت جالسه جنب ليان وولاء .
فارس : شكلها ماتغدت .. خخلاص اذا طلع الدكتور اطمنكم .
ابرار : اووك " وسكرت "
بعد خمس دقايق طلع الدكتور من الغرفة وراح له فارس .
فارس : هها بشر دكتور .؟
الدكتور : ارهاق ونقص في الكالسيوم .
فارس : يعني تطلع اليوم ولا راح تضل هننا .؟
الدكتور : لا راح تضل لبكرا الصباح . راح نحطلها مغذي .. وترا تحتاج لتغذية
فارس : طيبب دكتور يعطيك العافيه .
الدكتور : الله يعافيك .
مشى الدكتور ودخل فارس غرفة شهد اللي نقلوها لغرفة ثانية . دخل وشافها منسدحة ع السرير وتناظر يدها والمغذي . ابتسم وتقدم لها
فارس : م تشوفين شر
شهد بهمس : الشر م يجيك .
فارس جلس ع الكرسي : تغديتي اليومم .؟
شهد : لا .
فارس : ليش ؟. هذا كله لانك م كلتي شي والصباح شكلك مافطرتي لانك كنتي نايمةة .
شهد : كنت مو مشتهية . وماكلت .
فارس طلع جواله ودق على ابرار يخبرها .. وطلب منهم يجيبون غدا لشهد بعدها سكر
شهد : بضل هننا .؟
فارس : ايي بس اليومم .
شهد بهمس : افف ليش كلهه ادخل المستشفى .
فارس : من كثر الاكل الي تاكلينه .
شهد تناظره : لاوالله .
_____________________________
بيت ابو فارس ( قبل نص ساعه )
طلع فارس واهو حامل شهد ويركض فيها والكل كان خايف عليها .. ام فارس دمعت عيونها من الخوف وليان ونور كانوا يصيحون لانها صديقتهم واختهم . اما البنات كلهم كانوا خايفين عليها ومتوترين وموعارفين ايش صار لها بيان راحت تصحي الرجال وقالت لهم عن اللي صار وجاوا يهدون في الحريم .. بعد ربع ساعه اتصل فارس يطمنهم وكلهم طلبوا يروحون عشان يتطمنون عليها حتى لو خمس دقايق
_____________________________
في المستشفى
دخلوا الحريم والبنات ورا بعض وجلسوا وكل وحده تعاتبها من جهه
ام فارس : انا ماقلت لك ذاك اليومم اكلي ععدل .؟ ... ولا اهي سالفه عنناد ؟
شهد : خالتي كان راسي يعورني وماكلت .
ام فارس : كان قلتي لي سويت لك اكل غيير اذا كنتي ماتحبين اكلنا
شهد : لاوالله خالتي الاكل كان حلو , الله يديم النعمه بس ....
ابرار : بس شنو .؟ ... شهد ذي ثاني مرره تدخلين المستشفى تكفين اهتمي بنفسك .
ولاء : متشوفين شر .. زين طلع ارهاق .
ابرار : يمما تراها كانت جالسه جنب ولاء وليان وشكلهم خربوهاا .
شهد : حرام عليك .
سارة : الا الا شكل لوييله الزفتهه قالت لك لاتاكلين وسوي رجيم ومن هالحركات .
ليان وولاء ساكتين ويناظرون بعض
شهد : لا اصلا اهما كانوا يقولون لي اكلي بس كان راسي يعورني .. وبعدين غيروا الموضوع .
مي : صح تووهها امس زواجها واليوم بالمستشفى .
جلسوا عندها للساعه 11 وبعدها مشو . وجلس فارس معاها بالمستشفى .. اليووم الثاني الصباح سجل خروج لشهد وطلعوا راحوا البيت اما فارس طلع وراح يحجز تذاكر سفر لـ النمسا وراح تقلع طيارتهم بعد يومين . راح شرا فطور . ورجع البيت وطلب من الخدم يعدلونه ويصعدونه فوق ..صعد جناحه ودخل شافها توها طالعه من الحمام بدل ملابسه وراح جلس في الصالة اما شهد طلعت من الحمام ولبست
بعد مابدلت ملابسها صارت تمشط شعرها وحطت لها روج ومسكارا وطلعت توها بتجلس الا يرن الجرس راحت تفتح الباب وشافت الخدامه تجر عربية الاكل معاها . دخلت العربية وطلعت سكرت الباب وراحت جلست مسكت تيلفونها واهي تحاول تتجنب فارس . اما فارس انقهر من حركتها الي كانت سخيفه بالنسبه له . سحب جوالها وطفاه ورماه ع الكنب .
فارس : لو سمحتي فطري معاي .. ولا يعني لازم اقولك .؟
شهد : كنت بصحي ليان اختي
فارس : واهي ماتعرف تصحى لحالها ولا ماتعرف تحط منبه .؟
شهد : لا اهي نومها ثقييل . وتبي تروح تشوف اذا الجامعة قبلوها ولا
فارس : مو اهي بتدرس برا .؟
شهد : لا بتدرس هننا .. عمي مارضى تروح برا لحالها محد معاها .
فارس : وانتي شلون سافرتي برا لحالك .؟
شهد : شالاسئلة السخيفه عطني تلفوني احسن لاتكبر السالفه
فارس بعناد : مارح اعطيك وبعدين حضرتك متزوجة وعندك بيت يعني المفروض مو انتي الي تصحينها
شهد : ليش يعني انا تزوجت ما اكلمهاا .؟... وبعدين عادي اذا صحيتها مافيها شي بس انت تبي تدور اي شي
عشان تتهاوش معاي .
فارس : لاتقلين ادبك معاي .. انا مو اصغر عيالك .
شهد : انا ماقلت اصغر عيالي .. بس مستواك العقلي اصغر من مستواي
فارس انقهر من كلامها اكثر وعصب : انتي مين يعلمك هالكلام ؟.
شهد : محد يعلمني .
فارس حاول يمسك اعصابه عشان مايسوي لها شي
فارس بهدوء : شهد فطري انا موناقص اشكالك عشان اتهاوش معاها
مسك فارس الخبز وصار ياكل اما شهد انقهرت وودها تقوم وتكفخه .. جلست تسب فيه بداخلها وتقدمت
تاكل معاه وتدعي انه يغص في لقمته .. ماكملت دعوتها الا ع صوت فارس واهو يكح . خافت وماعرفت وش
تسوي .. قامت تركض جابت له ماي وصارت تشربه .. بعدت الكأس عن فمه واخذ منديل ومسح فمه .
شهد بخوف : فارس شفيك ؟
فارس يناظر فيها بنظرات غريبة : م فيني شي بس غصيت ععادي لاتخافين .
شهد : لابخاف . فارس لاتسوي هالحركة مره ثانيهه .
فارس مد لها الجوال : خذي صحي ليان " ووقف " انا خلصت الحمدلله .
شهد : وين بتروح ؟
فارس : ولاشي بروح المجلس بتابع تلفزيون .
شهد : طيب .
راح فارس المجلس وصار يتابع تلفزيون واهو مستغرب من تصرفات شهد المشتته .. مرره يحس انها تحبه وتخاف
عليه ومره تتهاوش معاه ويحس انها تكرهه .. تعب واهوو يفكر في هالموضوع ومو عارف شيسوي . اما شهد
لامت نفسها انها دعت عليه .. اتصلت ع ليان تصحيها وبعدها وقفت وشالت الفطور وصارت ترتبه وتحطه
بالثلاجه وتغسل المواعين اخذت المكنسه وكنست الصالة والمطبخ .. بعدها سوت شاي لفارس وودته المجلس
شافت فارس جالس ع اوراق الشغل حطت الشاي جنبه وراحت تحوس في جناحهم وتدور لها شغل تسويه
رايكمم . ؟؟