21&22
البارت { 21 }
________________
نور : شهههههههههههههههههههههههه هد .
شهد بخوف : يممممه بسسم الله شفيك .
نور : ياحيوانه لييييييييييييييهه لييهه حرام عليك
ليان : وشوو .؟
نور : ليه تقصي شعرك .؟
شهد صارت تناظر في الكل بخوف . اما ليان صارت تناظر شعرها وقذلتها واهي شوي وتكفخها قامت ومسكت شعر شهد بخفيف
ليان : حييوانه ليه ليه تقصيه بذبحك .
شهد : ياخي قصيته وخلاص يلاعاد بلا هذرة
ام ليان : ليه تقصينه يايمة . ؟
شهد : طفشت منه واهو طويل وقلت اقصه . بس ترا ماقصيته حييل
نور : مين قصه لك .؟
شهد : اناا .
سمعوا صوت الجرس قامت نور تفتحه لبست جلالها وطلعت
نور : ميين .؟
: انا فارس .
نور : اوك بفتح الباب وادخل المجلس .
فتحت نور الباب ودخلت داخل اما فارس انتظر شوي بعدها فتح الباب ودخل سكر الباب وصار يمشي ببطء ودخل المجلس شغل
اللمبات وجلس . صار يناظر في الاثاث لحد ماتجي شهد.
نور : شهد فارس في المجلس ينظرك .
شهد بخووف : هاا .؟ .... طيبب
قامت شهد وصعدت فوق دخلت غرفتها وسكرت الباب : اففف شمجيبه ذا هالحزة . موقتك يافارس
توجهت جهة الدولاب فتحته وطلعت لها لبس
توجهت للحمام ولبستهم . طلعت وراحت عند التسريحة رفعت شعرها ذيل حصان ونزلت قذلتها على جنب .. حطت لها كحل خفيف وروج ناعم مرره ومسكارا . حطت من عطرها المفضل . فتحت الدرج وخذت جلال يناسب ملابسها . لبسته ولبست جزمة ونزلت توجهت للمجلس الخارجي . طقت الباب ودخلت سكرته وتوجهة جهة فارس واهي منزله راسها
شهد : السلام عليكم .
فارس : عليكم السلام .
جلست شهد بعيد شوي عن فارس . اما فارس انقهر من تصرفها . وقف واخذ معاه الهدايا
فارس :انا اسف عشاني ماجيتك من ملكنا . كنت مشغوول . تفضلي
مد لها كيس الهدايا والورد اما اهي رفعت راسها واهي مستغربه من كلامه . انصدمت لما شافت كيس الهدايا والورد الي مادهم رفعت عيونها وناظرت في عيونه . شافت نظرات غريبة اوول مره تشوفها . نزلت عيونها وصارت تلعب في اظافيرها
فارس : ششنو يعني ماتبينهم .
شهد : لا
فارس : لييه .؟
شهد هزت كتوفها
فارس حط الاغراض على الطاولة وجلس جنبها رفع راسها بيدينه . وصار يناظر في عيونها
فارس : شهد شفيك .؟
شهد نزلوا دموعها لا ارادي , رفعت يدها بتمسحهم بس سبقتها يده . مسح دموعها صار يناظر فيها واهو وده يحضنها . حضنها بأقوى ماعنده لدرجة ان عظامتها بقت تتكسر . اما شهد حاولت تبعد عنه ماقدرت
شهد : فارس خلاص وخخر
فارس : خليني ارتوي من حضنك شووي .
شهد :فااااااااااارس ابععععععععععععععععععععععع د .
بعد فارس عنها اما اهي قامت علطول وغيرت مكانها . وطاح جلالها من على شعرها
فارس وقف : شفيك .؟
شهد : ليش تحضني . ؟ قليل ادددب ماحبك .
فارس : يعني انا اللي ميت عليك ؟
شهد : مادامك ماتحبني ليش تسوي كذا .. حممماار لاتجي مره ثانية مابيك .
فارس : بجي كل يوم بعد .
شهد : اطلع برا .
فارس : مارح اطلع
جلس فارس ع الكنب وصار يناظر فيها . اما شهد ضلت واقفه مكانها ضلوا على هالحال مدة خمس دقايق قام فارس جهتها مسكها وجلسها ع الكنب وجلس جنبها
فارس : شهد انا اسف
شهد : ...........................
فارس : انا لما شفتك تبكين ماقدرت اسوي الا هالحركة عشان تسكتين . الحمدلله سكتي .
شهد : .............................
فارس ضل يناظرها يحاول يستوعب بعدها : شهد .
شهد : ...........................
فارس يتصنع العصبية : ليـــــــــــــش تقصــــــين شعرك .؟
شهد ناظرته بخووف : ............
فارس : بأمــــــــــــــر ميين قصيتيه .؟
شهد بنظرة براءة : والله والله شعري بسرعه يطوول .
فارس : استأذنتي من احد .؟
شهد هزت راسها بـ لا
فارس : يعني انا مو مسؤول عنك .؟
شهد : ......................
فارس بصراخ : جاوبي
شهد نقزت من صوته : الا .
فارس وقف : مرره ثانية ماتسوين شي الا بشوري .
شهد بهمس : طيب .
فارس : انا بمشي الحيين ." ويأشر على الاغراض " وذولي خذيهم .
شهد وقفت : طيب
طلع فارس ولحقته شهد توصله عند الباب طلع وسكرت الباب رجعت اخذت الاغراض وطيران غرفتها تفرغ فيها الحزن الي داخلها غرفتها صارت صندوق لها . غرفتها فيها كلشي . تفرغ فيها حزنها والمها ودموعها .. حتى سريرها تعود على دموعها . غرفتها الي تشكي لها كلشي .. صارت تحب غرفتها اكثر من كلشي. كل ذكرياتها بهالغرفة .. تمنت يكوون في شخص تشكي له ومايتملل منها . تصيح بحضنه ويخفف عنها المها يساعدها في حل مشاكلها . صحيح ليان صديقتها بس تحس انها ترتاح لغرفتها اكثر . تحس انها ماتبي تضايقها اكثر .. تحس انها مللتها منها . دخلت غرفتها ورمت الاغراض على الارض قفلت الباب وجلست على السرير صارت تناظر في الهدايا والورد .. لو وحده غيرها كان جلست تفتحهم وتشوف شنو فيهم , كان فتحت جوالها وجلست تصورهم وتوريهم صديقاتها , كان جلس تقيسهم اذا ضابطين او لا , كان سوت اشياء كثييير . انسدحت على السرير واهي تقرا
السور الي حافظتهم وتحاول ماتصيح تبي ترتاح . وبين ما اهي تقرا السور نامت .
_______________
نهاية البارت .
البارت { 22 }
_____________________________
طلع فارس من بيت ابو ليان ركب سيارته وحرك مسح وجهه بيدينه الثنتين .. تنهد بقوووه .. يحس انه ضايقها بالي سواه لها اهه بسس . شلون بعيش معاها في بيت واحد . شلون بتعامل معاها . علاقتناا مشتته .. اهي بصوب وانا بصوب اهي تكرهني وانا احبها . شلون بجلس معاها ؟ اهي دايم ساكته وتناظر بالارض وانا .. ؟ اهه بس .. انا مادري شسوي .. اصلا ماعرف عنها ولاشي وش اخلاقها وش صفاتها اهه يافارس الناس لما تخطب تتعرف ع البنت وانت حتى ماتعرف اقل حاجه عنها . الشكوى لله بس .
_______________________________
بعد مرور ثلاث ايام .
بيت ابوطلال. ( الساعة 9 الليل )
كانت جالسه في الصالة مع بناتها يسولفون ويطالعون تلفزيون . شوي ودق التلفون .وردت وبعد ربع ساعه سكرت الخط وعلى وجهها ابتسامه . صارت تناظر في ولاء اللي مندمجة في الفلم . وتصارخ ومتحمسه مع الفلم شوي ودخل ابو طلال وبعد خمس دقايق دخلوا الشباب واحد ورا الثاني سلموا وجلسوا .
طلال : يببا ترا وراي سفر اسبوعين
ابوطلال : حق الشركة .؟
طلال :اكييد يبا ... بسافر عشان الاسهم حقت الشركة الي بدبي .. وضروري اروح .
ابوطلال : قواك الله .
طلال : الله يسلمك يبا .ايه وترا عندنا صفقه جديدة . وعمي ابوفارس هو اللي خبرني عنها .
ابوطلال : براجع اخبار الشركة وراح اشووف عمك ابو وليد وبسأله عن الجديد بالشركة .
طلال : يعطيك العافيه يبا .
سيف : يبباا الاوراق الي طلبتني اياها خلصتها وترا حطيتهم على مكتبك .
ابوطلال : خلاص انا بكره اشوفهم
سيف : والملفات مابعد اخلصهم . بكره باذن الله بخلصهم .
ام طلال : متى سفرتك يمماا .؟
طلال : بعد يومين يمما
ام طلال : درب السلامه يممه والله يوفقك
طلال : اميينن يمماا
استأذن ابو طلال وراح الغرفة عشان ينام وام طلال لحقته تخبره بالموضوع . اما الشباب جلسوا اشوي يسولفون
عن الشركة والصفقة الجديدة والاسهم . وبعدها قام الكل ينام .
_______________________________
بيت ابو وليد ( الساعه 11 الليل )
فارس : ايييه ترا فييهه صفقه جديدة .
وليد : اييه سمعت عنها . خبرني ابوي
فارس : طلال عنده سفره لدبي اسبوعييين .
وليد : صصج .؟ الله يساعده
فارس : اميينن اجمعين يارب
وليد : امممم طييب شسويت مع شهد .. يعني معاملتكم كيف
فارس : ولييد .. انا محتار بنفسي ودي اكمل مشواري ونتزوج , وودي ننفصل . كل شي صاير صعب ععلي .
وليد باستغراب : ليش شصاير ؟
فارس : انا حبيتها . ايه حبيتها بس خايف . خايف اهي ماتحبني وخايف علاقتنا ماتصير زينة اخاف اللي بيننا
مايتصلح . وليد اهي الحين تكرهك وتكرهني انا بعد . وليد بالله موضوعك سخيف ممرره . السالفه صار عليها
اربع سنوات واكثر يمكن .. وانت للحين تبي تنتقم منها . اصلا عمي اللي اهو ابوك تنازل بددون مايدري منو الي
قتله .. وانتت غغصب تبي تنتقم .
وليد : فارس .. نسيت اللي بينناا .
فارس : لا مانسيت وبعدين موعدلة اسوي فيها اللي ابي وبعدها اتركها لعبه اهي لعبه .؟ ... وبعدين وليد بقولك
اناا مارح اسوي لها شي اما انك تتاكد من الموضوع ولا تتنازل عن هالسالفة وتنساها .
وليد : وكيف اتأكد .؟
فارس : انت اصلا ماعطيتها فرصة تبرر لك عن الموقف .
وليد : فارس بلا حركات المبزرة وخلك رجال .
فارس : رجال صدقني رجال . بس انت ياولييد فكر ععددل وحل الموضوع اما انك تتراجع عن قرارك . ولا....
وليد : ولا ايش .؟
فارس : ولا بطلقها وبسافر برا
وليد : هـــــــــئ .. مجنون انته تطلقها وتسافر برا .؟
فارس : وليد في حاجه انت ماتعرف عنها ترا .
وليد : وشنو هالحاجة .؟
فارس : تدري اني ماتزوجتها الا لاني احبها .. ماكنت ناوي اتزوجها عشان اللي براسك .
وليد منصدم :قوول والله ؟ ... طيب ليش ماقلت لي .؟
فارس : شبتسوي لاقلت لك .؟ ... كاني الحيين قلت لك مارح تسووي شي صح
وليد : ...............................
فارس : وليد اذا ماتبي تتراجع عن قرارك قول لي واطلقها انا وانت تزوجها وبكيفك معاها .. اما تبيني اعاقبها
واهي على ذمتي ومسؤوليتي اسمحلي .. لاني صدقني باخذ ذنبها " ووقف "
وليد : وين .؟
فارس : بمشي
وليد : فارسس شفيك زعلتت .
فارس : ميينن قال اني زعلت .. وبعديين انا بمشي بروح انام . تأخر الوقت ؟
وليد : بالعافيه
فارس : لاتنسى فكر في الموضوع عددل . " وطلع"
_________________________________
يووم جديد
بيت ابو ليان ( الساعة 8 الصباح )
صحت نور من النومم شافت ليان جالسه تمشط شعرها . قامت دخلت الحمام وبعد خمس دقايق طلعت بدلت
ملابسها لبست
وراحت جنب اختها وصارت تمشط شعرها
نور : ليان شهد ايش فيها احسها متضايقه .
ليان : اييه تعبانه .
نور : ايش فيها .؟
ليان : عندها سالفة ومتضايقة عشان هالسالفة
نوور : ههااا يعنني فييهاا شي جايد .؟؟ ... تكفيين تكفين لييان قولي والله ماعلم احد
ليان : نو نو مقدر والله
نور بترجي : تكفين .
ليان : لا انتي ساليها وخليها اهي تقولك
نور مدت بوزها : اووووف
دخلت شهد بعد ماطقت الباب . سلمت عليهم وجلست
نور : شهد ليش تقصينه والله متحسفه علييه وبنفس الوقت منقهره .
ليان : متحسفه علييه ممكن بس منقهره ليش .؟
نور : عشاني ابي اقصه وامي موراضيه
شهد : ليش تقصينه اصلا حلو عليك الشعر اللي للكتف
نور : لا ودي اقصه بووي .
ليان : كيفك بس اذا رضت امي قصيه ولا لاتقصينه
نور : بحاوول اقنعها .
ليان : شهد فارس شاف شعرك .؟
شهد : اييه .
نور : امانه .؟ ايش قال . ؟
شهد : عصب وقال ليش تقصينه وبأمر ميين .. انا سكت . بعدها صارخ علي قلت له والله هو بسرعه يطول .وبس
ليان : يخوف اذا عصب .؟
شهد : اييه
ليان : يمممه الله يعينك .
نور : الحيينن ليش احنا جالسين من الساعه 8 الصبح
شهد : بصراحه انا فيني نشاط .
ليان : مدام الصبح قوموا نروح السووق اكيد المحلات موزحمة . خل نشتري اشياء للعرس .
شهد : امممم اوك يلا
قاموا البنات بدلوا ولبسوا عباياتهم وطلعوا مع السواق يتمشون .. دخلوا محل ملابس شرت شهد ست او سبع بدلات بعدها طلعواتوجهوا لمحل عطورات وميك اب . شرت لها طقم كبير ميك اب وشرت ارواج وبلاشرات وكحل ومن هالخرابيط شرت لها اربع عطورات بروائح مختلفه ولوشن للجسم كل علبة مختلفه عن الثانية وشرت حاجات قليلة حاسبتهم وطلعوا راحوا يشترون لهم شي ياكلونه .
______________________
في الشركة ( الساعه 11 الصباح )
في مكتب وليد وفارس وطلال .
دخل فارس وفي يده ملفات واوراق جلس ع الكرسي ويحس انه دايخ . اخذ التلفون واتصل على حبيب يجيب له شاي . سكر من التلفون ولف على وليد وطلال كيف كانوا يشتغلون بنشاط . حط راسه على الطاولة وجا في باله صورة شهد وكيف احلوت اكثر لما قصت شعرها. وده يشوفها مره ثانيه ويشبع من شوفتها تنهد تنهيدة طويلة رفع راسه على دخلة حبيب وفي يده كاس الشاي حطه على طاولة فارس ومشى اخذ فارس الشاي وسند ظهره ع الكرسي وسرح طلال رمى القلم على المكتب ورفع راسه ومدد يده : اوووف تتعبت
وليدد : هه كلنناا تعبنا مو بس انت .
طلال : الله يكون بالعون .
وليد يناظر ساعته : يلا مابقى الا ساعتين .
طق طق طق
وليد : تفضل .
دخلو بدر وسعود وسيف برجتهم وضحكهم .
طلال : مراحب بالثلاثي .
سعود : ههلا فييك .
بدر : شرايكم نتغدا برا .
وليد : اذا على حسابك مانقول لا
بدر : لا سييفف راح يعزمننا شرايك سيف
سيف : على كيفك تعزم الناس على حسابي .؟
بدر : تررا صج جايع .
وليد : جايع روح البيت اكيد خالتي مسوية مجبوس دجاج .
بدر : لا شبعنا من المجبوس
سيف : احسن من ووجهك
سعوود : لاعاد ححدك .
بدر :احم احم
طلال :اقوول بس بتتغزلون طلعوا برا خلونا نكمل شغل
وليد : ازعجتونا .
سعود : شفييه ذا سرحان
بدر : منوو .؟
سعود : فارس يعني ميين .؟
سيف : ياهووووووو فاارس .
فارس : .............................. " سرحان "
سيف راح له يهزه : يالحبيب ويين سرحان
فارس : هلا .؟
بدر : لايكون المدام ماخذه عقلك .؟
فارس يناظر وليد : لا بس تعبان من الشغل
سعود : طيب قووم روح البيت .
فارس : لا مابروح
طلال : اجل وين بتروح .
فارس ناظر وليد: بطلع اتغدا مع شهد .
وليد يناظر فارس " شفيييه هذا يطالعني وكأني ماكل حلاله ... استغفرالله كل ذا عشان شهد ...؟ ... اه ياوليد شي اكيد بيتضايق تحسب كل الناس زيك .. الناس تحب وتتزوج وتعيش وانت بتضل على حالك كذا مارح تتغير . اهه بس ياوليد شسويت في حياتك عدمتها وعدمت حياة غيرك . "
طلع فارس من الشركة ركب سيارته وتوجه بيتهم دخل سلم على امه وصعد فوق اخذ له شور ينشطه طلع ولبس
حط من عطره واخذ مفاتيحه ونزل ركب سيارته ومشى . اخذ جواله واتصل عليها .بعد دقايق ردت
________________
نهاية البارت