17&18
صباح / مساء الخيير .
حبايبي للي موفاهمين سالفه ولاء ومحمد . طبعا محمد يععرف اخووان ولاء وفيه علاقه بينه وبين اخوانها بس مولذيك الدرجه وطبعا اهو وولاء يحبووأ بعض . اما سيف كان اهو يحب ولاء وكان يبيها له وراح سوا فتنه بينها وبين محمد عشان محمد يترك ولاء واهو ياخذهاا وبس .. أتمنى الكل فهم .
البارت { 17}
___________
{ يومم الملكــــــــــــــــــــ ــــــــة }
بيت ابو فارس .
كان الكل مشغوول . بيان دخلت تتروش وابرار توها طالعه من الحمام . صارت تنشف شعرها
بعدها نزلت تساعد امها والخدم اللي كانوا يحطون المفارش على الطاولات ويحطون الحلويات والمقبلات . والعصيراات .
اما فارس راح الحلاق مع عيال خالته . بعد ماخلصوا شغل . وصلت الكوافيره البيت . ودخلوها غرفة الاستقبال في بيتهم
وبدت تزينهم .
اما بيت ابوطلال . كانت ولاء تزين سارة تسوي شعرها وتحط لها المكياج وبعدها زينت امها واخر شي اهيه .
بيت ابو ليان .
طلعت شهد من الحمام نشفت شعرها . جات ليان تسوووي شعرها . ونور كانت تجهز الاغراض والفساتين والاكسسوارات وبعدها
دخلت تتروش ولما طلعت جلست تسوي شعرها .
طبعا كانوا كلهم مشغولين ومحد فاضي للثاني .
___________________________________________
بيت ابو فارس { الساعة 6 المغـــــــــــــــــــــ ــــــــــــــــــــرب . }
كانت بيان واقفه قدام المرايه وابرار جالسه ترتب نفسها وتلبس الاكسسوارات وتتعطر . اما البنات لسا ماجو.
بيان تناظر نفسها في المرايه : شرايكك حللوو ولاا .؟
ابرار : خلاص بيان .. روحي اقري على نفسك بدل مانتي تمدحين في نفسك
بيان تجلس على السرير :اممم تتوقعين كييف بتكوون شهد ؟.
ابرار : بتكووووون queen ولا ارووع .
بيان : تتوقعينن صج بتكووون حلوه .؟
ابرار : اييهه والله .
بيان تغمز لها : يلااا عقبالك .
ابرار : هيي ياكلببهه جب .
بيان : بععد شنوو تبيين فييه نااس يحبببوونك ولا شلـــــــــــــــــوون
ابرار مسكت اذونها : انطممممي .
بيان : أي أي خخلاص بننطمم شيلي يدك . ولا بعلم عليك طلال
ابرار : ياكلبببهه خلاااص لاتجيبين طارييييه
طق طق طق .
بيان : تفضل .
دخلوا البنات وحده ورا الثانية
مي : مررححبباا .
زهره : كيفكم ؟
بيان : تممامم . انتو اخباركم .؟
سارة : الحمد لله
ولاء : عقبالكـــــــــــــــــــ ــــــم .
بيان : قصدك عقبال ابرار .
ابرار : بيان شفيييك علي الييييوم .؟
سارة : يه يه يهه شحلاتكممم بسس تهبببلونن .
بيان : تف تف تف الله يخليينناا لبعض ..
مي : امييينن ياارب .
طق طق طق
بيان : ميييننن .؟
انفتح الباب ودخلت منه ليان : مرحببااا كيفكمم .؟
ابرار راحت تسلم عليها: هلا فيك الحمدلله كويسين .
قاموا البنات يسلمون عليها واهي نفس الشي وبعدها .
ابرار : حيياك تفضلي ويانا ..
ليان : تسلمين بس شهد ابي ادخلها الغرفة ..
ابرار طييب .. دحين بجي معك وندخلها غرفتها .
توجهووا ابرار وليان عند شهد ودخلوها الغرفة وابرار قالت انها بتروح وبتجي . فصخت شهد عبايتها وحطتها بالشنطة
لبست اكسسواراتها بمساعدة ليان وصارت نور ترتب فستانها . شوي ودخلت ابرار الي من شافت شهد انصدمت . ماتوقعتها
بهالجمال وهالانوثه " مننننوو هاذي .؟؟؟ ........ اهه لامسستحيل ذي ملاك نازل من السمماا . سبحان الخالق مشاء الله
الله يحفظها ياربب " توجهت ابرار لـ شهد واهي تسمي عليها وتذكر الله . واهي مو مصدقة ان ذي شهد
ابرار : متأكدين انكم جايبين شهد .؟؟
نور : اييهه شفيك .؟ شوفيها شهد قدامك .
ابرار : امانهه انتي شهد .؟
شهد باستغراب: اييه ليش .؟
ابرار : قريتي على نفسك ؟. مشالله جمميله الله يحفظك يااربب . ويخليك لـ فارس . بصراحه والله ماعرفتك .
شهد بخجل : آآ ابرار .... ترا استحي شوي شوي علي .
ابرار : هه اووك . المهم سمعوا . ترا بنات خالاتي مايدرون ان زوجة اخوي فارس اهي انتي المصممة .
ليان : اهاا .
ابرار : ايه والحين اهما يبون يشوفونها اكييد فـ راح ينصدمون ان انتي بتكونين مررت فارس . والحين بخليهم يجوو .
شهد : يممه خايفه .
ابرار : من شننوو .؟
شهد : خايفه اقابل اهلك ممدريي . احس توترت .!
نور : لاتخافين سمي بالله واقري المعوذات ع بال ماتناديهم .
ابرار واهي تطلع من الغرفة : عدل كلام نوور
راحت ابرار تنادي البنات الي تحمسوا يشوفون شهد . صارت كل وحده تناظر نفسها في المرايه وتعدل نفسها وطبعا هواش
على المرايه . بعد ماخلص الكل طلعوا وتوجهوا لغرفة شهد وكل وحده ترجع ورا ماتبي اهي تدخل اول وحده
وتنصدم من العروس >>> مساكيينن مايدرون انهاا شهد <<<
_____________________________________
بوصف لكم البنات
زهره
ايمان
مي
ابرار
بيان
سارة
ولاء
ليان
نور
راييكمم بالفساتيينن .؟؟
عند ام فارس كانت تدور في الصالة وتسلم على الحريم اللي جايين يباركون لها , مره تسلم على الحريم مره تتابع الخدم
وشغلهم ومره تروح عند البوابه الكبيره وكل مرره تروح مكان .
امم فارس : هلافيك ام فهد اخبارك اعلومك عساك طيبه .؟
ام فهد : الحمدلله بخيير .. وانتي اخبارك .؟ الف مبـــــــــروك الملكة وعقبال الزواج يارب .
ام فارس : الحمدلله بخيير .. الله يبارك فيك الله يسلمك عقبال ياسر .
ام فهد : الله كريييم .
ام فارس : الا شخبار لجين وشخبار الصغيير عساهم بخير...؟؟
ام فهد : الحمدلله بخييير . تسلم عليك
ام فارس : الله يسلمك سلمي عليها .
بعدها سلمت على الحريم الي كانوا توهم داخلين وتوجهت للمطبخ طلبت من الخدم شغلات وطلعت .
_________________________________
وصلوا البنات للغرفة ودخلوا وكانت اوول وحده ابرار ووراها بيان وباقي البنات وراهم . دخلوا وسلموا عليها جلسوا عندها
وكل وحده تناظر فيهم ويسمون عليهم ويذكرون الله .
زهره : كم عمرك شهد ؟.
شهد : 25 .
زهره : العممر كلله .. والله يوفقك مع فارس .
شهد : تسلمين.
سارة : مشبهه عليك بوحده.
شهد بتوتر : اناا .؟
سارة : اييه انتي .. اممم مشبهه عليك بوحده اسمها شهد .
ابرار : اهيه بعد اسمها شهد .
سارة : اممممم . عاشت الاسامي
شهد : عاشت ايامك ؟
بيان : بننات بقولكم شي.!
ولاء : شنووو قوولي .؟
بيان تناظرهم وتناظر شهد : ترا زوجة فارس .. آهيه شهد المصممة .. !
البنات انصدموا وصاروا يناظرون بشهد اما شهد صار وجهها احمر من التوتر والارتباك .
مي وقفت : حلـــــــــــــــــــــــ ـــفي ..؟؟
بيان وابرار : والله .
مي تناظر شهد : قووولي والله ان انتي شهد المصممة ..!
شهد : ايه اناا شهد .
سارة وقفت وبصراخ : واآآآآآآآآآآآآآآآآآآآآآآآ آآآآآآآو شهد المصممة بتصيير من اهلـــــنا ماصصددق .
بيان : هههههههههههههه ... شفتي قلت لك لو سارة عرفت بتستانس .
سارة : انا قللتت مشبهتك على وحده وطلعتي انتي هالوحده
ايمان : بس شلون يقولون ان انتي ماصرتي تشتغلين .؟
شهد :اييه انا طلعت ماصرت اشتغل .
ولاء : ليييه .؟
شهد : لان ماما توفت ..
ولاء : يعني ماعندك احد ؟
شهد : لا
سارة : طيب المفروض تشتغلين عشان تصرفين لنفسك . وتسلي نفسك
طق طق طق . دخلت ام فارس وشافت البنات متجمعين وشافت شهد وانبهرت بجمالها وصارت تذكر الله وتسمي عليها
راحت لها وسلمت عليها واهي تقرا الاذكار عن العين والحسد . بعدها قوموا شهد عشان يزفونها
شهد
وتسريحتها
وقفت شهد عند الدرج ونزلوا البنات كلهم وضلت لحالها واقفه في بداية الدرج اللي كان السلم مزين بالورد والارضيه مفروشه
بمفرش تزين الدرج نزلت شهد على زفة هادية ومناسبه عليهاا .. والكل يناظر فيها ويسمي الله عليهاا .
وصلت شهد للكوشه على نهاية الزفة واشغل بعدها شعر . اما البنات راحوا عند شهد يباركون لها وجاو الحريم يباركون لها .
بعد ماخلصت جلست والبنات كانوا واقفين يمها .
سارة : ابرار خليهم يشغلونن اغاني خل ارقص .!
ابرار : روحي شغلي انتي.
سارة : ماعععرف وينن .؟
ابرار تأشر لها على مكان الدي جي : هناك روحي .
سارة راحت جهة الدي جي وشغلت اغنيه وركبت المسرح وصارت ترقص ولحقوها ايمان ومي وبيان . وصاروا يرقصون بكل
حماس وفرح واهماا فالين امهها من الضحك . سحبوا معاهم باقي البنات وصار الكل يرقص ماعدا شهد اللي جالسه ع الكرسي
وتناظرهم وتضحك عليهم . جات ام فارس وجلست جنبها تسولف معاها وتوصيها وكذا .. وبعدها جت ام ليان وصاروا يسولفون
مع شهد يحاولون يخففون عنها اشوي . بعد نص ساعة اعلنوا دخول فارس
_____________
توقعاتكمم.؟؟
البارت { 18 }
___________________
. راحوا البنات يلبسون عباياتهم واللي تتغطى تغطت
راحت ابرار جهة شهد وقفتها وساعدتها ورتبت فستانها واهي تهديها وشهد شوي وتصيح من التوتر . بعد خمس دقايق
انطفت الانوار واشتغل النور جهة البوابة اشتغلت موسيقى هادية ودخل فارس بهيبته الي تجبر الكل يناظر فيه بإعجاب وخطواته
الواثقه وعطره اللي فاح في الصالة وصل عند شهد باس جبينها ووقف جنبها . وجات ام فارس واهي تيبب والفرحه موسايعتها
واهي تشوف ولدها جنب زوجته . دمعت عيونها من الفرح سلمت على ولدها وباركت له . جات المصوره وصورتهم كم صوره
بعدها جلسوا شهد وفارس . وبيان وابرار كل شوي تجي وحده فيهم تسولف وبعدها تروح. كانت شهد تناظر الناس وتحاول
ماتناظر في فارس . وماتحتك فيه .اما فارس لاحظ توترها وخوفها وحب يغيظها .
فارس : اقووول شهد .
شهد : هممممممم .؟
فارس : شهد .
شهد : نعم ؟
فارس : شهههدد .
شهد لفت عليه بقوه : ننععممم . ؟
فارس ضحك : هههههه .. لابس ابييك تشوفين شععري ععدل ولا .؟
شهد : لاوالله ابرار وبيان من مساعه يروحون ويجون ليش ماسألتهم .؟
فارس : لاموحلوووه زوجتي جنبي واروح اسأل خواتي .
شهد : افففففف . ليش يهمك شعرك .؟؟ خلااص مش لازم اقولك حلو ولاا .؟
فارس : اييهه لازم تقولين لي .. شوراك عشان ماتقولين لي .؟
شهد : وراي الكوشه .
فارس : بلا استهبال ياسست شهد .
شهد : خلاص روح ناظر نفسك في المرايه وشووف اذا شعرك عدل او لا.
فارس : احين انا سالتك سؤال وجاوبي مارح تموتيينن .
شهد : وانا كيفي ماابي اجاووب .. غغصب هو .؟
فارس مسك يدها بقووه وصار يناظر في عيونها : لمما اسألك تجاوبيني ماتراددين فهمتي .
شهد خافت من نظراته ومن الحركه الي سواها .. حست ان الناس كلها جالسه تناظر فيهم
شهد بهمس: فارس خلااص بعديينن نتفاهم الكل قاعد يناظر فينا .
فارس : خليهم يطالعون وش عليك منهم ؟.
شهد : فارس تكفى خلااص . عشاني .
فارس : عشانك .؟ ؟. لييهه من تكونين . ؟
شهد : اهه يافارس لاتنرفزني , بعدين نتفاهم على كلشي
فارس عدل جلسته واهو يتوعد فيهاا . اما شهد لفت عنه وحاولت تبتسم عشان ماتبين ان فيه شي .
جات ام فارس وفي يدها الصندوق : يلا فارس قووم لبس شهد الشبكة .
فارس : طيب
وقف فارس ووقفت معاه شهد . فتحت ام فارس الصندوق وطلعت العقد اخذه فارس ولبسه شهد وسط انظار الكل .
امما البنات كانوا يصارخووون من الفرحهه وليان تصيح وتدعي لها . اما ام ليان تناظرهم واهي مستانسه وتدعي لهم بقلبها .
لبسها فارس العقد والحلق والخاتم .وبعد ماخلصوا جابوا الكيك والعصير . وقصوا الكيكة وطبعاً شهد ماكان ودها بس غصبا عنها
اخذت الشوكة وخذت جزء بسيط من الكيكة ومدت الشوكة بتعطي فارس .
فارس : كلفتي على نفسك .
شهد : مافهمتت .؟
فارس : شنوو جايبه ليي اكل طييوور ... جيبي ووحدهه اكببر .
خذت شهد قطعة كبيره ومدتها لفارس وكلها . وبعدها اخذ قطعة كيكة كبيره ومدها لـ شهد اللي كلت ربع من الكيكة .
والبنات يضحكون عليها . اما شهد الكريمة لعوزت طرف فمها . خذت منديل ومسحتها بعدها اخذت العصير
ومدته لفارس اللي شربه كله مرره وحده اما اهي ماشربت الا قليل منه .
صار الكل يصارخ ويصفر واهم مستانسين . بعدها توجهوا شهد وفارس للغرفه . والحريم اغلبهم مشى .
ام فارس : ابرار . ابرار يممه .
ابرار : هلا يمه آمري .؟
ام فارس : روحي الغرفة الخارجية جيبي الكيكة الثانية خلينا نوزعها على خالاتك والبنات والرجال .
ابرار : اووك يمماا .
ام فارس : راح تشوفينها بالثلاجة .
ابرار طلعت من الصاله اللي كانت ازعاج مرره . من صوت الدي جي , طلعت وراحت تركض للغرفة فجأة صدمت بشخص
وجات بتطيح على الارض بس لقت نفسها طايحة على شي . حاولت تقووم عشان تعدل فستانها اللي انرفع اشوي . وقفت واهي
تنزل فستانها . اما اهو تنح فيها واهو مييت عليهااا مومصدق ان ذي حبيبته اخيرا شافها . رفعت راسها وانصدمت ممن اللي واقف
قبالها . " يممهه هذا شنو مجيبه هنناا .؟ ... اه لا قلبي ماتحمممل .. جممييل يممهه يخقق " حاولت تتكلم تقوول اي شي بس موقادره
كانت تناظر فيه وقلبها يدق بقووه حتى حسست ان طلال يسمع دقات قلبها . اما طلال كانن متنح مررره فيهاا ومفهي فيها وخصوصا
انها لابسه فستان وحاطه مكياج وكانت بنظره ملكة واكثر من ملكة .. كان وده يحضنها بقووه وده يطير فيها لعالم مافيه الا هو واهي
وده يشبع منها بس للاسف اهي موحلال له . صحاه من سرحانه صوتها اللي عذبه
ابرار : انا اسفه .
طلال لف وعطاها ظهره : لا انا اللي آسف . مانتبهت لك .
ابرار : طيب شوي بمشي .
طلال لف عليها ورفع راسها بيده وصار يناظر فيها بتمعن . اما اههي دفته على ورا وراحت تركض
************
كان جالس على الكراسي اللي برا يشم هوا .. وكان يدعي لعل تطلع ويشوفها يحس من زمان عنها من زمان ماشافها تمنى ان سالفة
سيف ماطلعت لهم تمنى ان مافيه سيف بهالدنيا يحس انه وده يذبح سيف ويفتك منه وده يروح ويخطبها من ابوها بس في اشياء تمنعه
مسح وجهه بيدينه بتوتر فجأه دق جواله طلعه من جيبه وشاف الرقم غريب . رد باستغراب : اهلين .؟
: هلافيك محمد . انا سيف .
محمد : سيف .؟ وشش تبيي .
سيف : اقدر اقابلك .؟
محمد : وليش تقابلني ..؟ وش بيننا اصلا عشان نتقابل .
سيف : بيننا ولاء .
محمد : لوسمحت لاتجيب سيرتها على لسانك القذر . اصلاا انا ماعمري شفت واحد زيك انسان داشر ووصخ .
سيف : محمد رجاءاً لاتحكم علي قبل لاتعرفني .
محمد : ماله داعي اعرفك . كلشي واضح ياسيف . ماضل احد ماعرف انك...
قاطعه سيف : هذاك اوول .. الحين غيير .
محمد : كييف يعني غيير .؟
سيف : اذا شفتك اقولك كيف يعني غيير .
محمد : هذا انت قلتها . اذا شفتني .. انا اصلا مارح اجي ولا راح اقابلك .
سيف: كيفك بس ترا الموضوع راح يغير اشياء كثيير وصدقني حياتك راح تتحسن .
محمد باستغراب : كيف يعني .؟
سيف : اسف محمد الموضوع ماينقال في الجوال لازم نتقابل .
محمد وقف : اووك الحين بجيك بس وين .؟
سيف : انا عند مطعم الـ ******
محمد : اوك جاي الحيين
سكر محمد من سيف وطلع ركب سيارته وتوجه للمطعم واهو الف فكره وفكره في باله .. ايش هالموضوع اللي بيغير حياتي .
لا وبيغيرها للاحسن .؟ ... اهه ياسييف ايش تخبي لنا . ايش تخبي لولاء .. صحيح اني ماعدت اثق فيها نفس اوول بس للحين
اخاف عليها ومابي اي اذى يصيبها من سيف .. اهه الله يكون بالعون .. وسط تفكيره سرحانه وصل للمطعم . نزل من السيارة
وتوجه لداخل المطعم واهو يدور على سيف لحد مالقاه توجه له وجلس مقابله .
سيف :مرححبا محمد , كيفك .؟
محمد واهو موطايق يجلس معاه : هلافيك . زيين .
سيف : دووم
محمد : خلصني شنو هالموضوع المهم
سيف : والله موعارف ابدأ بس راح اقولك كلشي .. اناا كنت قببل صايع وداشر ما انكر وراعي بنات بعد . وكنت العب ع بنات
الناس وكنت بعد اهدد ولاء صح ... بس انا صار لي مووقف صحاني من اللي انا فييه صدقني تذكرت ربي تذكرت كلشي
اني جالس اسوي ذنوووب وقتها جلست احاسب نفسي على كلشي سويته . وصححت اغلاطي وكل صور البنات رجعتهم لهم واعتذرت
لهم واحمد ربي اني مامره اخذت بنت ورحت معاها شقه اووو مكان .. محمد انا الحين صرت غير صرت مؤمن بالله على
اقل غلطة اسويهااجلس اعاتب نفسي ويمكن بعد اصيح عشاني غلطت .
محمد : وايش زبدة هالموضوع .؟
سيف : انا جاي اعتذر عن اللي سويته لك ولـ ولاء .. والله يامحمد ماسويت شي غير اني صورتها من غير ماتدري . وجلست اهدد
فيها بهالصورة بس الحيين جاي اعتتذذر اني فرقت بينك وبينها جاي اصلح كلشي عشان تروح وتخطبها من ابوها .
" مد له ظرف " تفضل هذي صورتها . انا قلت لامي تخطب لي بنت خالتي . وبتزوج قريب وبسافر برا . اتمنى لك حياة سعيده
يامحمد . واتممنى انك ترجع لولاء . " وابتسم "
محمد : يعني انت ماتحب ولاء .؟
سيف : الا احبها .." وسكتت " ........... بس عشانك وعشانها .. بحاول انساها . والله يوفقكم يامحمد .
محمد صار يناظر فيه واهو مومصدق الكلام اللي يقوله سيف .. كان متوتر مرره ومايدري شيسوي . اخذ الظرف من سيف
وشكره وسلم عليه وبعدها مشى . ركب سيارته واهو مايدري وين يروح وده يجلس لحاله ويفكر اهه يامحمد ايش بتسوي .. بتعتذر
لـ ولاء .؟؟ .. ممكن تقبل منك بس مستحيل تقبل تتزوجك ... مستحيل يامحمد .. وانت بعد مستحيل توافق تاخذها . اهه ياسيف .
شعقب .؟ عقب مافرقت بيننا الحين تبينا نرجع لبعض .؟ شلون اقدر اثق فيها نفس قبل شلون اهي بتصدقني شلون بترجع علاقتنا
نفس قبل .؟ الله يسامحك ياسيف ويهديك .. رجع محمد البيت ودخل غرفته واهو موعارف شنو يسوي
_______________________________________
( بيت ابوفارس - تحديدا عند ( فارس & شهد )
شهد : اافف ع الااقل ممرره وحده بس تاخذ رايي تكفى فارس .
فارس : انا قلت لك الاثاث على ذوقي سامعةة .. ولوسألك احد قوليلهم ان انا وانتي مختارينه .
شهد شوي وتصيح : فارس بس الغرفة انا بأثثها حتى لوعلى حسابي تكفى .
فارس : كلامي واضح وبدون هذره زايده .
شهد : فارس انا من الييوم جالسه اترجاك .. وما أثر فيك . اافف شهالقلب .
فارس : لا ما أثر .. وبعدين لاتجلسين تهذرين فووق راسي
شهد جلست ومدت بوزها . نست نفسها ونست كلشي وكل تفكيرها في هالاثاث وفارس " افف ليش فارس مايحبني ...
مدري شنو سويت له انا هاللي يكرهني . كله من هالوليد .. افف خرب علي حياتي ... شهد ليش ماتسألينه .؟
اممم خل اسأله واشووف شيققوول "
شهد: فارس .
فارس : نعم .؟
شهد : ممكن سؤال .
فارس : شتبين .؟
شهد : آنتت ليش تكرهني..؟
_____________________
نهاية البارت