9&10
البارت التاسع
بيت ابوطلال ( الساعة 1 الظهر )
دخلوا ولاء وسارة البيت واهم يتهاوشون . صادفتهم امهم واهي طالعه من المطبخ
ام طلال : بس انتي وياها كل يومم لازم هواش
سارة : هيي الي بدت
ولاء تطقها : كذابة انتي الي بديتي يالخاينة .
سارة تناظرها : هيي لاتكذبين على ماماتي .
ولاء: ماكذبت وانقلعي يلاااه .
سارة : انتي داييييمم تطلعيين اخر وحده وتأخريناا
ام طلال : ببس بس كل يوم نفس السالفة .
ولاء : يممماا اهي الي تطلع اخر وحده وتجلس تهذر علي
سارة : اففف انا اروح ابدل ابرك لي " وراحت فوق "
ام طلال : الله يهداكم بس .
ولاء : اميينن " ولحقت اختها "
____________________________
بيت ابو وليد( الساعة 2 )
كانوا جالسين على طاولة الطعام يتغدون .
ام وليد : الا وين وليد وسعود ماجاو .؟
ابو وليد : والله مادري ماشفتهم اليوم
مي : يمكن عندهم شغل ضروري ولا جوو .
زهرة : اييهه يمكن .
ابو وليد : ها بناتتي شخبار الجامعة معاكم .؟
ايمان : زينة يببااا وادعي لنا ننجح .
ابو وليد : ان شاء الله تنجحون .
مي : ايمميي دكتورةة مريم ووللددتت .
ايمان : حلفي .؟
مي : والله .
زهرهه : ايه سمعت البنات يقولون .
دق جوال ايمان خذته وراحت الصالة وردت
ايمان : هللاا وليييدد ........... اييهه كلنا جيينا وابوي وامي يسألون عنك انت وسعود ...... اهاا طيب .............اوك باي " قفلت منه ورجعت "
ايمان : يقول وليد اهما مع الشباب بيتغدون برا .
____________________________________
في المستشفى
خبرهم الدكتور ان ام شهد دخلت في غيبوبة وشهد وليان حالهم لايرثى له ممن الصدمة
كانت جالسة على الكراسي قدام غرفة امها وتقرأ قرآن اما ليان راحت بيتهم . كانت تقرأ ودموعها تطيح خايفه تفقد امها تفقد اعز انسانه .. تفقد القلب الي عاش معاها .. ماتدري وش تسوي بدونها تحس انها ضايعة من غيرها . كانوا دموعها مثل الشلال على خدها .. سكرت القرآن وحطته بشنطتها حست انها جايعة وقررت تنزل تشتري لها أي شي تاكله . قامت وخذت شنطتها ونزلت دخلت المحل وشرت لها ساندويش وعصير جلست على وحده من الطاولات وصارت تاكل . وتناظر في الناس
في جهه ثانية .
كانوا جالسين على الطاولة اهو وبدر وكل واحد همه بقلبه .
وليد : بدر . اكل لك أي حاجة طيب .!
بدر : ........................
وليد : بدر والله موزين كذا . " ومد له فطيره " خذ اكلها
بدر :لا مابي . "وسند ظهره على الكرسي "
وليد تنهد ومسك جواله واتصل على فارس وقاله السالفة كلها وطلب منه يجي المستشفى .
____________________________________
عند فارس
ركب سيارته وتوجه للمستشفى . نزل منها وتوجه للمطعم الي موجود بالمستشفى كان يمشي ويدور على وليد طاحت عينه على البنت الي كانت تصيح وعيونها محمره من كثر البكي ... ماحس بنفسه الا واهو واقف عندها
فارس : احمم ..
شهد مسحت دموعها ورفعت راسها : نعم ؟
فارس : آآآ .. هذا آآ ممكن اجلس ؟
شهد ساكته : ...................
فارس جلس : عسى ماشر.!؟
شهد نزلت دموعها ونزلت راسها تحاول تخفي دموعها بس سؤال فارس يتكرر مره ثانيه
فارس : عسى ماشر شهد شفيك .؟
شهد : لو سمحت ممكن تتركني لوحدي .
فارس : ايه بتركك بس لمما تقولين لي شفيك ؟
شهد: وانت شدخلك ؟
فارس "اففف يالخبل شالسؤال .. أيه والله وانت شدخلك " : طيب اسفف
وقام وراح جهة وليد وجلس واهو يحاول يخفف على وليد وبدر .. بعد ربع ساعة بدر نام على الطاولة ووليد هدأ شوي
فارس : وليد شفت شهد هنا بالمستشفى
وليد : احلف .؟
فارس : والله وكانت تصيح بس سالتها شفيها ماردت علي
وليد : اممم .
فارس : وليد انتت فكرت في الموضوع عدل .؟
وليد : اييه فكرت
فارس : شقررت عليه .؟
وليد : قررت اخلي احد غيري يتزوجها اتوقع هذا احسن عقاب لها
فارس :هههههههههه ومنوو اللي بيقبل يتزوجها .؟
______________________________
نهاية البارت
البارت العاشر
______________________
وليد : آآنتت .
فارس بصدمة : هاآآ ..؟
وليد : ايه انتت . ياليت توافق فارس .
_____________________________________
عند شهد
مسحت دموعها وراحت دورة المياه ورتبت شكلها وحطت لها حكل خفيف وطلعت اتصلت ع السواق يجي ياخذها انتظرته لمما جاا وركبت معاه وراحت البيت
_______________________________________
بعد مرور شهرين .
- شهد نفس حالها كل يو م من الصبح لين الليل تروح المستشفى عند امها وبالليل ترجع البيت تنام . واحيانا تجي صديقتها ليان عندها .
- وليد طلب من فارس انه يتزوج شهد بداله .. ووليد خبر اهله انه مريض بالسرطان " الله يكفينا شره " وبيسافر برا يتعالج وعرف عن ام شهد وانها بالغيبوبة
- فارس وافق على طلب وليد وقرر يتزوج شهد وخبر امه بس لحد الآن ماخطبوها
- سعود لحد الآن بغيبوبه >> الله يقومه بالسلامه <<
- العائلة عرفوا بمرض وليد وعرفوا بأن سعود بغيبوبه وصاروا كل يوم يروحون له – ام وليد عرفت بمرض ولدها وبطيحة سعود وصارت كل يوم تدعي ان الله يشافي عيالها .
- بدر صار قليل مايروح الدوام ودايم عند سعود بالمستشفى
________________________________
في المستشفى ( الساعة 12 الليل )
كانت تقرأ قرآن بصوتها الهادئ ووجهها مغرق بالدمووع سكرت القرآن ودعت الله في سرها انه يقوم امها . باست راس امها ومسكت يدها وحطت راسها على يد امها وصارت تكلم امها كأنها تسمعها ماحست الا واهي نايمه على يد امها .
كان يناظرها من القزاز الموجود على باب الغرفة وقلبه يعوره عليها . مايدري ليش .. من طلب منه وليد انه يتزوجها واهو يحس بشي غريب تجاهها . مايدري هل هو شفقه على حالها ولاظلم منهم لها ولا ايش .؟ كان كل يوم يراقبها وين تروح ووين تجي يحس انه خايف عليها من الناس .. ماحس الا والممرضين جايين جهة الغرفة ويركضون دخلوا الغرفة بسرعة وطلعوا شهد اللي تصيح وماتدري شسالفة . ماكان يدري شنو يسوي شافها جالسه عند باب الغرفة تحاول تدخل بس موراضين لهاا . وقفت تناظرهم من القزاز واهما يحاولون ينقذون امها بالصعق الكهربائي مره ومرتين وطول الوقت تدعي الله يقومها بالسلامه . شافت الدكتور يغطي امها باللحاف الابيض توقف قلبها للحظة تحاول تستوعب الموضوع فجأة صرخت : لاااااااااااااااااااااااا اااااااااااااااا للللاااا مماما لاتخليني ماماا قوووووووووووووووميي لاتتركيني لوحدي ماما انا بنتك شههههههههههدد ماما الله يخليك لاتروحين وتخليني بروحي
فارس قلبه عوره على حالتها قومها من على الارض ودخل في وحده من الغرف الفاضية وصار يهديها اما شهد اغمى عليها . طلع من الغرفة يركض ونادى دكتوره كانت قباله وجات تساعده .
{ يأيتها النفس المطمئنة ارجعي الى ربك راضية مرضية }
_____________________________________
بيت ام ليان ( صديقة شهد )
كانت جالسه تحط مناكير حق اختها نور
نور: ليانن كيفف شهد .؟
ليان :والله زينه بس مسكينه كسرت خاطري الله يقوم امها بالسلامه
نور : اميينن .
دق جوال ليان شافت المتصل" شهد " وردت بسرعه
ليان : هلا شوشو بشريني عن ماماتك عسى قامت بالسلامه .؟
: احمم .. انا امو شهد
ليان بخووف : خييييييرر شهد فيها اشي وليش انت الي ترد مو شهد .
: لا مافيها شي بس سمعيني شوي . انا .. انا ساعدت شهد لمماا ..... : وسكت "
ليان بخوف : لمما ايش ؟
فارس : لما امها توفت هي اغمى عليها
ليان صاروا دموعها مثل الشلال واهي مو مصدقة : ماتت .؟ لاا لاا ماماتت انت تكذب صح .؟؟ قول انك تكذب .
فارس : الله يرحمها . ياليت تجين عشان شهد .. انا مالقيت الا رقمك هو اقرب رقم موجود هنا ودقيت عليك .
ليان : طيب " وسكرت "
قامت ليان وبدلت ملابسها بسرعه وراحت لامها واههي لازالت تصيح
ليان : مااما بابا ام شهد ماتت .
ام وابو ليان بصدمة : مااااتت
ليان : بابا شهد لحالها بالمستشفى اغمى عليها وواحد الله يجزاه خير ساعدها جاب لها ممرضة واتصل علي من جوالها .
ام ليان صارت تصيح : قوموا نروح المستشفى
قام الكل وركبوا السيارة وراحوا المستشفى .
دخلوا المستشفى ووراحوا للدكتور ووقع ابو ليان على اوراق استلام جثة ام شهد وشافوا شهدجالسه في الغرفة دخلوا لها وسلموا عليها وليان حضنتها ابو ليان راح ياخذ الجثه عشان يدفنوها ويصلون عليها اما الباقي ضلوا في الغرفة
ليان تحضنها بقوه : شوشو عممري انتيي . لاتبكين خلااص .
شهد تشهق : اهئ اهئ ليان انا خايفه .
ليان : حبي شهد انا معاك انا اختك افاا نسيتيني .؟ حياتي انتي مارح اتركك لوحدك راح تجين معاي البيت وبتسكنين معاي بعد .
شهد نزلت راسها : لاليان مابي اثقل عليكم . برجع بيتنا
ليان بزعل : شوشو شنو تثقلين علينا من كثرنا احنا ؟ . ترا بس انا ونور وماما وبابا بالبيت ومافيه احد غريب
نور : شهد يلاا قوممممي اشووف مسحي هالدمووع
شهد نزلت دموعها : طيب .
طلعوا من المستشفى بعد ماسجلوا خروج لـ شهد وراحوا بيت ام ليان عشان شهد ترتاح
مرت ثلاث ايام العزا الي سووها ببيت ام شهد . وشهد نقلت اغراضها بيت ابوليان وسكنت عندهم والى الان حالتها مش مستقره . وليان تحاول تهدي فيها . فارس كلم اهله ووقرروا يخطبونها بعد مايخلص العزا .
__________________________________________
نهاية البارت