البارت6
-غدير
أمي عزمت الكل على الغده..
سمعت امي تحجي ويه ام ترف تكللها عازمتكم كلكم..
غدير: أبتسمت بشراره .. يعني ترف تجي وياهم مو؟
خديجه: اي چا شلون غير ويه أمها وزوجها..
غدير: بقلبها... انتضريني ترف.. ماطلع غدير أذا ماخذ حوبتي منج اصبري..
-صارت ب 2االضهر
امي بدت تحضر بلأكل شويه واندك الجرس..
-ترف
خابرتني امي كلتلي ام غدير عازمتنه على الغده..
فكمت لبست بنطرون اسود وهاينك اسود وقميص ماروني و لفيت شال اسود وحطيت مسكاره وحمره جوزيه خفيفه
وطلعت شفته واكف منتضرني..
جان لابس قميص اسود فاتح دكمتين.. وبنطرون ازرق. وشعره منزله
ترف: سده كله شعدك فاتحن
مادري ليش كلت هيج.. معقوله غرت؟
علي: شنيه؟
ترف: أشرت على قميصه
علي: بغمزه.. ليش.. تغارين؟
ترف: ها..لا شنو غيره .. قصدت يعني عيب هيج فاتحن
تقرب يمي نزل نفسه بطولي..وكال..
علي: سديهن انتي
ترف: احمم.. أي..
لزمت الدكم وسديتهن.. وهوه يباع بعيوني..
حسيت بحراره وجهي.. مادري شصار بيه..
ترف: يله خنروح..
وصلنه لبيتهم وعلي طلع يم الولد .. سلمت على ام غدير.. شفت أمي وسما وصالين قبل الكل رحت عليهم بوستهم.. وسما ضلت تحضن بيه..
وره شويه وصلت فاطمه وأمها سلمنه على بعض..وامي هم.. من وصلت يم غدير خزرتني..
تفشلت مسلمت عليها.. هاي يمكن لأن عفتها آخر شي
فاطمه: هيج هيج مال اسحلها من شعرها
ترف: ختولي
فاطمه: انتظريني
ترف: وينن!
راحت يمها مادري شتحجي وياهه..
شفت غدير وجها انكلب وصارت حمره من العصبيه..
فاطمه: بأبتسامه.. اصارحج بشي؟
غدير: كلبت عينها.. كولي عيني
فاطمه: ببس مو تزعلين.. لازم الأنسان يكول الحقيقه.. حتى يرتاح موصح؟
غدير: ايي
فاطمه: الصراحه.. انتي وحده مغروره ومتنطاقين هيج هيج متنبلعين.. الله يساعد كلب امج عليج مادري شلون متحملتج.. بس تفوتين بمكان تذبين سم بي وتطلعين تخيلي.. وها نسيت شيي.. مكياجج يلعب ستين نفس.. وشكرا
عافتها كبل لتنطق بشي واجتي يمي تبتسم بشماته..
ترف: هاي شكتيلها ولج.. شوفي شكلها نكلب جانت تضحك
فاطمه: چا شعبالج
رحنه اني وفاطمه كعدنه يم امي الي كاعده تسولف ويه ام فاطمه ومندمجه..
ترف: اكلج
فاطمه: كولي
ترف: جنطتي بره روحي جيبيها
فاطمه: رجلج مكسوره قابل خو انتي كومي جيبيها
ترف: سوي فضل حبابه
فاطمه: اي هسه
-فاطمه
طلعت بره داجيب الجنطه جانوو كلهم من جهه وحده يعني مشافوني .. بس واحد كاعد معرفته حاط رجل على رجل ويتصفح بلمبايل..
مهتميت سحبت الجنطه داروح.. وكفني كلامه..
حسين: انتي اخت ترف؟
فاطمه: كلت بحده.. لا صديقتها.. صدك انت شعليك؟
حسين: علكيفج يولي.. هوه سؤال
-درت وجهي دامشي.. حسيت شالي وكع.. عزه شكيد فشله
الي ينرفز اكثر هاذه مدار وجهه ضل صافن..
جنت لامته بقراصه.. بوكتها حته القراصه وكعت..
دندن بأغنيه تمثلني..
حسين: أشكر يبو عيون الشهل.. يلنضرتك تكتل كتل..
لمفاركتك ما أحتمل.. لمفاركتك ما أحتمل..
-شلت شالي بسرعه حطيته على شعري.. وخزرته.. داريد اروح هم وكفني
اهوووو شلون وياه هاذه..
حسين: قراصتج يول اخذيها
فاطمه: ماريدها
عفته ورحت..
-ترف
اجتي فاطمه اطتني الجنطه..
طلعت مرايه صغيره وطلعت تنت.. وحطيت على شفتي وشويه على خدي..
شويه وصاحونه..
خديجه: ييله شباب بنات الأكل صار جاهز.. تعالو كعدو
كعدنه على الطاوله.. وكعدو الولد من جهه واحنه من جهه يعني صاروو كدامنه..
فاطمه كعدت يمي..
بدينه ناكل..و امهاتنه بغير عالم ياكلون ويسولفون..
لاحضت علي يباع عليه بغضب.... اتوترت كلش.. واني وداكل كام من مكانه بعصبيه واجه يمي وسحبني من ايدي..
صارت الأنضار كله علينه..مصدومه.. أردف بهدوء علمود ليبين عصبيته كدامهم..
علي: من رخصتكم بس احجي وياها
ساره: براحتك أبني
عافني ومشه بتجاه المطبخ واني امشي وراه... وكفت وأردفت بأستغراب..
ترف: شكو!
علي: لا عيني ماكو شي بس اخذتج علمود اطوخلج الحمره بعد لأن خفيفه كلش
ترف: شتقصد؟؟
طلع كنينسه من جيبه وقدمه ناحيتي..
علي: بنتر .. مسحيها.
ترف: شبيك
علي: اتمسحيها لو انا امسحها
ترف: تره خف...
- كبل لا أكمل كلامي حط الكنينسه على شفتي وبده يمسح بقوه..
ترف: اويي شبيكك وخرررررر
دفعته بقوه بحيت صار ضهره على ألحافه مال الكاونتر..
تعابير وجهه تغيرت.. صارت كله ألم..
تقربت يمه بهدوء وكلت بخوف..
ترف: مادري والله.. تأذيت؟ اانت جبرتني تره.. بس خلشو......
بلحضه.. حط شفته فوك شفتي.. أخدها متفنن بيها.. مسكني من خصري ويرجع بيه ليوره لحدما صرت على الحايط..
ادفع بي ميندفع..
نزلت دموعي بيأس..
وخر عني يجر النفس كوه.. يباعلي بنضرات كلها هيام..
- ع... علي..
- عيون علي
-كافي علي وخر
- كوليي
- شكول
- أسمي.. كولي هواي احب شفتج تنطقه
- ليش هيج تحجي
- كولي لنفسج ليش هيج تغيرت تصرفاتي وياج فجأه
-ليش
-بعد انتي تعرفين
- لا ماعرف
- لا تعرفين
-شبيك ما اعرف..
ضغط على خصري وأردف بغضب..
علي: ليش تعاندين
ترف: معاندت..
صك على أسنانه بغضب قرب شفته على شفتي وأردف..
علي: ها يعني تمشين كلامج عليه
ترف: كلت بأرتباك هاا.. هسه اني شكلت ليش هيج صرت عصبي..
علي: ماأحب العناد..
ترف: اي افتهمنه
علي: بس خليتيني احببه
-حط شفته على ركبتي وطبع بوسات عشوائيه..
ترف: ع.. علي
علي: عيونه
جمعت كلماتي وكلت خلكوله هيه خربانه خربانه..
ترف: هسه دوخر شبيك چلبت!
-طبع وحده ثانيه على شفتي.. جانت بوسه كلها عصبيه .. بحيث شفتي طكت دم.. ضربت على صدره بقوه لحدما وخر..
علي: ليش هيج تسوين
ترف: شوف شوف اشسويت انت شبيك مخبل
-أشرت على شفتي متألمه.. وعيوني مليانه دموع
علي: ترف انتي خبلتيني.. اشش كافي
مسح دموعي بأبهامه وطبع بوسه خفيفه بركبتي..
شبك اصابعه بأصابعي ومشه ويايه بناحيه الصاله..
مِــــن يــــدفــنــــوُنــي أًسًـــوُلف بّـــيكَ لَلَمِــيتيـــن..
ديــــوُآن بّـــمِــحبّـتكَ نــــنصـــب هِنـــآكَ!..
-ترف
علي: كوم حسين
حسين: لا والله ليش اكوم..
بباوع عليه.. عرف يريد يكعدني بمكانه..
حسين: هاا حلوو
-كام وراح كعد بمكاني..
كعدنه اني ويا..هوه ضل صافن عليه واني اكل..
بعده كلماته براسي.. كلما أذكرها ابتسم..
معقوله بديت احبه؟؟ لا لا شنو تحبي هوه غير ماخذج حته ينتقم..
-فاطمه
شفت ترف تعابير وجها مادري شلونه والتنت الي خلته كله ممسوح..
اشكال الأفكار اجت ببالي من راحت ترف ويه علي..
هسه اني شعليه بيهم مزوجين وبكيفهم اني شنو🙂
مادري ليش علي كوم هاذه الي اسمه حسين من مكانه يمكن يريد يكعد ترف يمه.. اي هوه..
اجه حسين كعد بصفي..
فاطمه: شبيك دني الكرسي شويه..
حسين: دعوفيني داتزقنب
فاطمه: استغفر الله
حسين: هوه ودياكل... اي اي استغفري احسلج
فاطمه: اي احسن منك على الأقل استغفر مو مثلك بس تاكل
حسين: ييبوو هسه انتي شنو غاثج..
فاطمه: أنت
حسين:ببرود.. صدك والله
-ففد نرفزني عفت الأكل وكمت..
-ترف
خلصت أكل بلكوه.. اترخصت منهم وكمت داغسل
وكفتني غدير استغربت من نبره صوتها ويايه..
غدير: عادي احجي وياج؟؟.. شغله كلش مهمه
ترف: اي
جرتني على صفحه..طلعت مبايلها.. فتحته ودخلت على تطبيق وطتنيا..
غدير: شوفي
ترف: شنو؟
غدير: شوفي الرسائل
-رفعت مبايلها وقربته لعيني.. هاي شبيها!
باوعت على الرسائل.. شفت شي.. بوكته تمنيت مرحت ويه غدير..
جانت مراسله بينها وبين علي.. ردود علي صدمتني كلها حب واعترافات..
يتعزل بيها وهيه هم.. وكع المبايل من أيدي.. ضليت واكفه بمكاني منصدمه من الي شفته.. نزلت دموعي..
لعد ليش تزوجني اذا بعده يحبه!
غدير: مبايلييييي! شبيجج كسرتييي
ترف: ببصياح... اسكتييييييي انتيييييييي!!!
-بعد هلصيحه محسيت بشي .. آخر شي اتذكره.. أنو غدير هجمت عليه بعصبيه وضلت تملخ بيه....
كعدت على صوت الدكتور ديوصيهم عليه..
ساره: يمه حبيبتي كعدتي؟؟ ششصار بيج ولج.. اجينه للمطبخ شفناج واكعه
ترف: وينه
ساره: منوه؟ ها عليي خابرو على شغله مهمه بلشغل وخطيه من خابرناه كناله عليج.. عاف كلشي ولح يجي..
ترف: خلييييييييي يجييييييييييي!!
ساره: شبيج حبيبتي اهدي ليش تصيحين؟؟
خديجه: مستعجله الحلوه... وضحكت
ترف: اسكتيييييييييييييييييييييي!!
ساره: ببهمس.. يا عزه شبيج يمه.. اعذريني أم غدير هاي مادري شصارلها
بعدت امي عني وكمزت من السرير ركضت مثل المخبله..
وصلت للصاله شفته هوه استوه أجه..
جانت على وجهه ملامح الخوف.. شافني ركض عليه
لزم وجهي بأيديناته الثنين وأردف..
علي: تترف! ببيج شي.. شصار؟؟
-وخرت ايده بقوه وصرخت..
ترف: جذاابببببب.. حيوانننننننننننننننن
مو تحبها ليش تزوجتنييييييي سا....
-اجاني راجدي منه خلاني اتصنم بمكاني
علي:وولجججج شبيججججج تخبلتيييي
-على صوتنه أجوي كلهم مرعوبين..
تقربت يمه تفيت بوجه .. خزرني خزره خلتني اركض
مادري شلون اجتني هلجرئه..
طلعت بلشارع مادري وين اروح..
اركض واصرخ مثل المخبله..
حسيت شخص يركض ورايه.. صاح بأسمي.. عرفته هوه..
زادت سرعتي بلركض..
علي: ولللجججج ترففففففف.. شبيج تخبلتي عليهه!!!!
ممتحملت وكعت خلصت كل طاقتي.. اجه هوه شالني من شعري وشالي صار على النص
حسيت شعري راد ينقلع من مكانه..
كمت وخرت ايده.. وكلت بهدوء وتعب..
ترف: ليش تزوجتني وانت بعدك تحب غدير.. ليش هيج سويت؟؟ لليش خليتني
اح...
ننزلت دموعي مثل الفيضان.. وبنفس الوقت استوعبت شردت أكول
علي: شنو! شنو ترف كملي
ممادري شحجي أنلصمت.. حته مكدرت اغير بلحجي حته ينسه
-تقرب يمي حضني بقوه.. وأردف
علي: امشي ترف
ترف: وغدير؟
علي: ما أحبها
أبتعد وأردف..
علي: عرفت شسوت غدير.. الرسائل الي شوفته ألج.. كلها جذب.. مفبركه
-ممعقوله مجنت متوقعته من غدير هيج تسوي!
عدل شالي وأردف بهدوء..
علي: يله امشي نرجع
-مشيت وياه واني اذكر الي سويته.. عزه صيحت على خاله خديجه شكيد عيب.. لا وهنوب تفيت على علي كدام الكل.. هسه شلون أواجهم🥲
طبيت شفت الكل كاعد.. صارت الأنضار كلها عليه.. طفرت عليه أمي..
ساره: ششصاير..
علي: مصاير شي..
-ووجهه نضرته على غدير الي كاعده رجل على رجل..
صاح بيها صيحه خلت الكل مصدوم..
خديجه: خير علي صاير شي شمسويه غدير؟!
علي: لا والله ممسويه شي بس سوت رسائل جذبيه كلها غزل وحب اني وياها وشوفتها لترف..
خديجه: شنووووووووو
-صارت الأنضار عليها.. هيه انخطف لونها..
خديجه: غدير شو ساكته هاذا الحجي صححححححححح!
غدير: بب.. خ..
علي: بلاااااااا حجي زايدددددددددد.. صححح ونص
هسه تعتذر لترف
خديجه: بس غدير متسويها.. احجي غدير انتي مو طلكتي من علي بعد؟؟
غدير: ححجت بأستسلام أي صح..
أمها لطمت علة خدها
علي: بحده.. يله اعتذريلها ولجج
تتقربت منزله راسها واردفت..
غدير: آسفه ترف..
-تعابير وجها جانت كلش حقيقيه وكلماتها أثرت بيه.. أول مكالت إسفه كبل كلت..
-لا يهمج
-ولوو متستاهلين تسامحج
-ببهمس... لتحجي هيج علي..
-غدير
تعآل أحجيلي شـيـحلهآ ؟؟
عيونگ مـآ تحبني آلفدوهہ آروحلهآ..
أنآ لخآطـرگ رحت أعتذر مـن نآس جآنت لو تسـلم مـآ گومـلها..
اتمنيت بوكتها يرجع الزمن ليوره.. تمنيت مسويت كل هاذه..
يعني هسه علي صار يكرهني؟؟
سويت كل هاذه بس لخاطره كل ضني لح يحبني من تعوفه ترف..
مجان هاذا توقعي..
حسيت بأهانه محاستها من قبل
ولأول مره أكول لنفسي استاهل..
كلهم طلعو من البيت يباعولي بنضرات مصدومين مني.. مجانوو متوقعيه مني
أمي الي اصلن متهتملي سبحان الله صارت ترزل بيه وتصيح عليه كدامهم..
وهيه جانت تشجعني على الخباثة من جنت صغيره..
للأسف ولا واحد وكف بصفي..
هسه يله اجتني لحضه ادراك انو ولا واحد منهم يحبني..
مِـــــن مِـــكان آخر..
-ورد
كعدنه الصبح كالعاده بيبيتي ترزل بينه لأن نتأخر..
كمت مالي خلك اداوم بس لح اداوم لأن عدي تحاضير هوايه..
طبيت غسلت وبدلت وسويت شالي وطلعنه..
بلقيس: تعالن متتريكن؟
دُره: لا ماشتهي ورد انتي تريكي علسريع حته نطلع
ورد: حته اني ما اشتهي
بلقيس: عابتلچن فوك ما اسويلچن ريوك
دُره: ييله عيني بلقيسه عود انتي تريكي وحدج احنه طالعين
ببلقيس: يله طلعوو مو تتأخرون مثل البارحه.. من تطلعون من المدرسه كبل للبيت لضلن تفترن منا ومنا
ورد: لا بيبي شني السالفه اصلن احنه دائما أول منخلص كبل للبيت هاي يوميه
بلقيس: اي مثل البارحه
دُره: اوي بيبي قابل احنه زعاطيط بعد منعيدها هيه. مره
بلقيس: ديله روحن وياويلچن تتأخرن وترجعن بليل
دُره: هاهيه
طلعنه من البيت ومشينه للمدرسه..
وصلنه.. بوست دُره وطبت لصفها واني هم
بهاء: بعد وكت آنسه ورد خو تأخري بعد ليش جايه من وكت
ورد: ست والله بيتنه بعيد عن المدرسه
بهاء: مو مشكلتي.. روحي جيبي ورقه من الأداره
ورد: بتنهد .. تمام ست
-رحت بتجاه الأداره حته اجيب ورقه..
اشكيد عيب تفشلت كدام الطالبات.. هاي أول مره تصير
أطلس: صدك
-ددرت وجهي مفزوعه
ورد: ييمهه منو انت!
أطلس: شبيج يولي اشايفه جني
باوعت بوجه زين.. اذكرته هاذه الي ساعدني من انباكت جنطتي..
عزه واني طردته ذيج المره! اجتني فكره احسن شي اروح بدون لا احجي شي لأن اكيد هوه مناسي ذاك اليوم من طردته.. شكيد عيب🥲
درت وجهي عنه ومشيت علسريع اكول بلكي يروح.. بس مراح مشه ورايه بهدوء..
وصلت للأدراه.. طبيت وهوه ضل واكف يم الباب مال الأداره..
اخذت الورقه وطلعت..
أطلس: متأخره؟
هسه هاذه شعلي
ورد: اي..
أطلس: اشكيد تأخرتي
ورد: شعليك
أطلس: بنتر ... شكيددد
-صدمتني نبره صوته.. كلت بسرعه
ورد: خمس دقايق
-تقدم عليه وأخذ الورقه وشكها
ورد: وولككك ليششش
أطلس: هاي تاخذيها من تتأخرين عشر دقايق.. وانتي متأخره بس خمس
دقايق.. شسم مدرستج؟
ورد: ست بهاء
-لزم ايدي بقوه ومشه بناحيه الصف
ورد: عوفني شداتسوي!
أطلس: ااشش لتتنعوصين
-دخل بلصف وأشرلي بعينه أنو اروح اكعد..
أطلس: هاي الطالبه متأخره بس خمس دقايق.. وانتي كايلتلها تجيب ورقه.. بس قوانين المدرسه كايله التأخر عشر دقايق يله تجيب لحضرت جنابج ورقه
بهاء: بعصبيه .... انت منو حته تدخل أصلن ماكو فرق
أطلس: هاي القوانين.. اكدر هسه اروح أكول للمديره عليج وبكل سهوله تفصلج.. لأن تعديتي قوانينها
اباع للمدرسه وجها تحول صار اصفر وكامت متعرف شتحجي..
وجهت نضراتها عليه وابتسمت بتردد وأردفت..
بهاء: بعد تكدرين تدخلين بدون ورقه .. حبيبتي.. اني شويه تسرعت
ابتسملي من بعيد وغادر الصف..
حسيت المدرسه بوكتها نبلع لسانها بلكوه نطقت..
خلص الدوام.. وطلعت داريد اروح ل دُره..
وكفني كلامه بلمكالمه.. جان ديخابر وداير ضهره عليه ويحجي بصوت ناصي وبيه عصبيه بس أني كدرت اسمعه..
أطلس: يعني بكلشي تتحكمين بيه.. تره هاي مصارت عيشه.. دخلتيني بهاي المدرسه بكيفج كلنه ميخالف وهسه من أحبلي وحده وداريد اخذ رأيج.. متردين.. افهمي يمه ماريدها اني حاط عيني على غيرها..
-.. هسه اني شعليه.. وكفت انتضره يخلص حته اشكره..
-أطلس
هاي مصارت عيشه.. دخلتيني بهاي المدرسه بكيفج كلنه ميخالف وهسه من أحبلي وحده وداريد اخذ رأيج.. متردين.. افهمي يمه ماريده اني حاط عيني على غيره..
رباب: ابني اني علمودك.. شبيها بت عمتك أدب وأخلاق.. والله متندم من تشوفها
أطلس: كتلج ما اريد..
رباب: لا تريد مو بكيفك
أطلس: لليش ما ألي حق اختار الي احبها..
رباب: شلون حبيتها بهلسرعه.. هاذه الكلام مشي على غير وحده مو عليه..
تاخذ بت عمك وخلص..
أطلس: وموبكيفج تتحكمين بيه..
-ورد
دار وجه شافني تغيرت تعابير وجهه..
أطلس: بأبتسامه... ورد؟ رايده شي؟
ورد: شكرا على المساعده..
-حسيت كلماتي مو كافيه.. نزلت جنطتي بلكاع وفتحتها وطلعت علبه بيه ككو مربعات وقدمته بناحيته..
ورد: هاذه شي بسيط من صنعي
-ضحك ضحكه مكتومه.. اخذ العلبه مني..
أطلس: ههه حلوه منج
انصدمت من نزل بمقامي وباسني بخدي.. واختفه من المكان
ضليت متصنمه بمكاني.. لزمت وجهي.. حرارتي مرتفعه..
ضربت خدي داريد اصحي نفسي.. شلت جنطتي ورحت للدُره..
ورجعنه للبيت..
دُره: ورد.. ورد.. ولجج ورد!
ورد: ها ها
دُره: ولج وين شارده؟؟
ورد: ها.. لا يا شارده بس هيج..
دُره: شو بس توزعين أبتسامات للحايط
مجاوبتها.. استغربت نفسي صدك شارده بغير عالم.. ابتسمتلي وطلعت من الغرفه... صدك شو بس ابتسم شجاني..
تلمست خدي مبتسمه.. بنفس الوكت حرارتي رجعت صعدت..
ليش كلما اذكره تصعد حرارتي! بسلا..
لا شنو هلحجي كافي كافي.. ناميي باجر دوامم..
لَوُلَآ ألَعَيّوُن لمِـآ تُهِيّم عَآشّـقَ..
آنٌ آلَعَيّوُن طٌـرَآئقَ آلَعَشّـآق~
-ترف
من ذاك اليوم.. محد أله حس
الكل ساكت.. طبيت للبيت وهوه هم..
نزع الجاكيت وحطه بأيدي وطب يسبح.. جانت تعابير وجهه كلش تعبانه ومتغيره 100 درجه..
رحت توضيت وفتحت مصلايتي وبديت اصلي صلاه اليل كلت بلكي ارتاح..صالي هواي ساحبه عليها..
خلصتها.. ومن بديت اقره قرآن.. طلع من الحمام..
علي: تقبل الله
ترف: منا ومنكم..
جان لابس تراكسود ماروني حلو... اول مره اشوفه هيج يلبس
تقرب وكعد بمقابيلي وأني اقره..
ترف: اكو شي بوجهي؟
علي: اووو صاير عدج لسان
-طلعت لساني بغباء وكلت..
ترف: لليش من شوكت ماعدي لسان
علي: هههههه
ترف: لليش تضحك؟؟
-ابتسم وكعد يمي وأردف بهدوء..
علي: اقره وياج؟
ترف: ااكيد
قربت القرأن.. وضلينه نقره..
جان صوته كلش حلو بلقرأن.. هاي عود مكاعد يجود.. بس يقره
ترف: صدق الله العلي العظيم
علي: هوه ياهو أليقره قرأن هيج حلو
-ابتسمت..
ترف: انت هم صوتك حلو
علي: تحبين صوتي؟
ترف: أي...
-شلت المصلايه.. انصدمت بحركته.. لزمني من خصري وطبكني على الحايط..
ترف: شبيك علي!
قرب شفايفه على شفايفي.. بحيث رادت تنطخ.. أردف بخدر..
علي: انتي تحبين صوتي.. واني احب...
-قاطعته والرجفه بصوتي..
ترف: ششنو!! اءء يعني اقصد شتحب
-ضغط على خصري بقوه اكثر..
علي: شفايفج...
عيونج...
بياضج...
انتي...
كلماته جانت فراشات بقلبي.. بس مبينت هلشي..
تترف: انت شارب شي ؟؟
علي: بهمس .. ترف عيونج خلتني سكران
ترف: علي وخر شنو هلحجي
-حسيت عيونه بدت تطفي..
ترف: روح نام علي.. انت نعسان.. مدتعرف شنو تحجي
علي: ترف..
ترف: هاا
علي: لتغيرين الحجي
ترف: مغيرت بس انت نعسان
أبتعد وراح بأتجاه السرير وشمر نفسه.. وأردف..
علي: انتي شوكت تفهميني ترف
ترف: شنو؟
-تنهد بتعب وكال..
علي: تعاي
ترف: وين
علي: بحضني
ترف: انچب شنو بحضنك متستحي
استوعبت شكلت اتصنمت بمكاني ماعرف شكول.. هوه طفرن دمارته من الغضب.. شورطني يربي..
علي: بالله عيدي كلامج
ترف: ها... يا كلام هههه جنت اتشاقه
علي: بنتر.. تعاي ترف
-همزين بسرعه يسامح😂
رحت يمه وكعدت على السرير بتردد..
فجأه هوه سحبني وحضني قوي..
ترف: عل..
علي: عيونه
بادلته لأني جنت محتاجه هاي الحضنه..
هوه ضل يطبع بوسات عشوائيه بوجهي واني الأبتسامه شاكه حلكي..
علي: خاف أنتِ مخ*درات ومادري
أتذكرت اغنيه من كال هيج كبل أردفت:
ترف: طلعت سفله على الأخر بتشد مخ*درات بس على العادي
علي: هههه حلو حلو مصري
ترف: مو أغانيهم حلوه😂
أتقرب صارت عيونه تنضر لشفتي أردف بخدر..
علي: وانتي حلوه
ترف: هههههه
علي:حته ضحكتج احبها
ترف: بشقهه ... مهوس موبيدك
لدقايق صار هدوء هوه يباع بعيوني واني بس انزلها.. قطعت الهدوء وأردفت..
ترف: انت عندك چلب؟
علي: امممم..
ترف: اي مو داكول دائما اسمع صوته من الغرفه الأحتياطيه
علي: تتردين تشوفي؟
ترف: ايي بس..
علي: تعاي لتخافين انا مدربه ميهجم عليج
-رحت وياه بأتجاه الغرفه الأحتياطيه..
فتح الباب كبل ركض على علي.. متوقعت الچلب جبير كلش..
علي: تعاي يولي
ترف: ييمه خاف ياكلني
علي: ههههه مياكلج تعاي لزمي وشوفي
تقربت ببطئ لزمته من راسه شو هاذه كام ينبح ويريد يهجم..
طفرت على علي من الخوف .. وجان اوكع عليه..
والچلب رجع لمكانه...
- للتضحك
- ههههه ولج هوه چلب
- كتلك لتضحك شبيك
- شنو حبيبي عاجبج المكان.
داريد اكوم بسرعه رجع جرني عليه وضل متمسك بخصري بأحكام..
- عوفني.. داريد اكوم
- ماعوفج
- اووووو هسه انت مو جنت نعسان شو صحيت متروح تنطمر
- شبيج!
- انت شبيك.. عوفني يله
- بكيفي
-اهووو
- ترف اريد احجي وياج اسمعيني
-جعت اريد اروح اكل
دفعته وكمت داركض ماريد اختلط وياه بعد..
لزمني بقوه وثبتني بمكاني..
علي: ويامن داأحجي؟؟
حاولت ابعد ايده من ايدي.. بس ماكو فايده ضل يضغط اكثر
علي: ليش صرتي تتهربين مني؟؟
ترف: لا رد
علي: أشر على عيونه وكال.. باعي هنا
نزلت عيني متجاهلته
علي: تصرفاتي ممبينتلج؟؟
ترف: شنو
علي: أنو أحبج..
ترف: ش.. نو
صعدت راسي وصارت عيني بعينه.. توترت ماعرف شجاوبه..
تراجعت ليوره وبعدين ركضت بأتجاه الحمام..كلت هسه يستحي وميطب أكيد
بس من غبائي نسيت اسد الباب..
علي: ترف..
كام يتقدم واني ارجع ليوره
ترف: اوو شنو انت متمل من هاي الحركه!
علي: تؤ
رجعت ليوره لحدما صار ضهري على البوري مال الدوش..
وأنفتح عليه..
شهكت.. جان الماي بارد ثلج
سحبني من خصري..انطبك جسمي على جسمه بقوه.. سد الدوش..تلمس وجهي بأيده الأثنين ... وكال..
علي:شفتي العناد وين يوصل
زادت رجفتي من البرد.. هوه نزع جاكيته وحطها على جتفي..قرب وجهه قريب يم وجهي وأردف..
-أحبج يولي
- ه.. ها
- وجعاا
ماعرف شصار بيه محجيت شي ضليت ساكته.. مجنت متوقعه يحبني!
- ترف!
- هاا
-احجي شي ليش سكتي
- ها.. مو...
-مو شني
-شسمه..
- ترف لتخبليني احجي!
ترف: شحجي
علي: استغفر الله
ترف: اروح ابدل ملابسي متبلله
دفعته كلش قوي وركضت بسرعه للغرفه وسديته عليه..
"كلماته بعدهه تتردد براسي، نبرته، عيونه اللي بيها شي يخلي قلبي يرتبك… چنت لازم أجاوب؟ بس مجاوبت..
نزعت ملابسي المبلله ولبست تراكسود اسود.. وكعدت..
حسيت صوت خطواته قريبه..
صعدت عدي الحراره وايدي صارت ترجف اكثر..استغربت نفسي..
ليش هيج كاعد يصير بيه؟! معقوله صرت احبه؟!
دك الباب بهدوء وكال..
علي: ترف فتحي الباب كلامنه بعده مخلص
تقربت على الباب وقفلته بسرعه ورجعت لمكاني...
علي: ترف لتسوين هيج بيه
نزلت دموعي ماعرف على شنو..
مكاعد افهم نفسي حته..
علي: احجي شي ترف والله لح اتخبل!
رحت بأتجاه الباب.. وفتحت القفل
وأول مفتحته ابتسم بتعب وأردف بهدوء..
علي: تروفتي
ترف: لتكول تروفتي
علي: حبيبتي
ترف: لتكولي حبيبتي!
تنهد وكال..
علي: عمري
ترف: علي!
-كال بتعب
علي: عيونه..
ترف: شلون وياك
علي: احبج يغضب احبج
ترف: ها هسه صرت غضب
علي: أي
تقرب ومسح دموعي بأبهامه..
علي: تترف أنا اخليج تبجين؟
مجاوبته بس ضليت افكر بكلامه حسيت روحي زودتها..
تتنهد وطب للغرفه وتممد على السرير..
علي: تعاي
رحت يمه.. حط راسي بحضنه فتح الضفيره علكيف وضل يمسد على شعري..
علي: عجزت أفهمج
ترف: وأني عجزت افهم نفسي
علي: كتلج احبج.. وانتي لسه ماكلتيلي أحبك
ترف: مادري
علي: كوليها ترف هيه كلمه وحده
ترف: ما أكدر اكول شي اني ماحاسته
علي: والله انتي مصيبه..
ترف: لا والله شن...
علي: اشش نامي ترف نامي
غطيت بلنوم وبعد ماحسيت على شي..
-فاطمه
جنت كاعده كلش ملل.. تذكرت عدي. امتحان فكمت طلعت جنطتي وبديت أقره..
صفنت لجنطه تذكرت ترف اختارينه الجنط سوه..
كلش عصبت من علي عود ليش ميخليها تداوم..
اجتي فكره.. خلي اروح يم علي واقنعه يرجعها للمدرسه..
كمت بحماس لبست صايه وشال أسود وطلعت من الغرفه..
صابرين: خير وين رايحه بهليالي
فاطمه: يم علي.. لتخافين لح اوصي تكسي واوصل بسرعه
صابرين: عود دتقنعيني اكو تكسي بهليل
هاي شلون مجتي على بالي هسه شلون اروح
صابرين: كعدي وسكتي احسلج
فاطمه: لا يمه عليج الله
صابرين: منو يوديج
دك الجرس
صابرين: روحي فتحي
رحت فتحته وطلعلي هاذه صديقه لعلي حسين يمكن..
فاطمه: شجابك هنا؟؟
حسين: دائما اجي
فاطمه: هه شو ماشوفك
حسين: اجي الصبح.. انتي بلدوام.. بس هلمره عاجبني اجي بليل واغثج
فاطمه: بقلبها.. ليش متكلي أمي شو ستوي يله دريت..
فاطمه: شو انا آخر من يعلم🙂
باوع بوجهي لحضه وبعدين وخرني من كدامه وطب
فاطمه: يا هاي شبيك
حسين: هلووو خالهه شلونج شلون الصحه؟؟
فاطمه: أشكيد لوكي
-خزرني وراح كعد يم امي
صابرين: والله الحمدلله يا ابني انت شلونك
حسين: الحمدلله..
صابرين: ييله ولج شمنتضره سوي چاي لصديق اخوج
حسين: بخبث .. بلازحمه حطي هواي شكر بي
فاطمه: وفوكاها يتأمر
حسين: شكلتي؟
فاطمه: لا هيج سلامتك
رحت اسوي الچاي والأعصاب صاعده عندي من وراه مادري ليش كلما اشوفه اتعصب..
خلصت الچاي ووديته
حسين: اي كلنه حطي هواي شكر بي مو هلدرجه
صابرين: اعذرني أبني هاي مادري وين رايح بالها... امشي صبيله واحد ثاني
حسين: لا خاف تتعب
صابرين: لا أبني على شنو
-خزرته وهوه يضحك..
بدلت الچاي ووديته للمره الثانيه..
حسين: امممم طيب..
فاطمه: سم الهاري
حسين: شنو؟
فاطمه: لا هيج كلت بلعافيه
تتقربت يمي وكالت بهمس..
صابرين: اني اروح انام بعد أبقي هنا خاف يريد شي
فاطمه: يمههه صدك تحجين انا شعليه!
صابرين: أشش لتعاندين
صابرين: حسين متمانع أذا رحت نمت؟ لأن انا دائماً هيج وكت انام هاذا موعدي
حسين: طبعاً خاله روحي نامي نوم الهنى
راحت امي نامت وانا بقيت يم أبو بطن
حسين: مشتهي كيك
فاطمه: وشني يعني
حسين: هوه أكو غيرج هنا
فاطمه: هوه انا لأخويه ممسويتله كيك تريد انت اسويلك خاب دطيرر
حسين: ها حلو.. خااالههه
من شفته هيج يصيح كبل طفرت عليه وسديت حلكه.. هوه انصدم من حركتي.. صكيت على اسناني بغضب وكلت..
فاطمه: لح اسوي كيكه
حسين: بأبتسامه لعوبه... أولييي أخرب علعصبيات
كمت بسرعه وخزرته..
حسين: أعصابج محاسن
فاطمه: انت واحد أدبسزز!
حسين: بلعباس صح
فاطمه: وممربه!
حسين: مربه لو دبس
فاطمه: ااوووفففففففف شكيد مزعجججججج!
خزرته ورحت للمطبخ وهوه بس يضحك
صابرين: بنعاس: سمعت حسين ديصيحني؟
فاطمه: ها.. لا شبيج يمه
للزمت كصتها اشوف حرارتها حته لتكشفني
فاطمه: روحي نامي حبيبتي هاي صاحج بس بلحلم
صابرين: بأستغراب .. هاي صدك..
فاطمه: اي اي
دارت وجهها وراحت لغرفتها.. افف كله من أبو بطن..
العتب مو عليه العتب على أمي مدللته دلال..
خلصت الكيك.. حطيت عليها شويه ككو وكصيته ووديتها..
فاطمه: هاك تزقنب
حسين: هسه أنا شورطني وكلتلج سويلي كيكه
فاطمه: ييله هسه موزين قبلت أسويلك وانت اصلن واحد ماعرفك
حسين: فاطمه
فاطمه: ها!
حسين: أسكتي
فاطمه: ما اسكت بكيفي
حسين: والله دوختيني
فاطمه: فوك ماسويتلك كيكه
حسين: يبووو شورطني أنا
اخذ قطعه من الكيكه وأكلها
حسين: والله طلعت ست محاسن مو عاديه
فاطمه: چا شعبالك
ضل ياكل من الكيكه لحدما خلصت..
فاطمه: مبقه بس الصحن.. أذا تريد هم أكله
حسين: أي والله لو يصير جان هم اكلته
فاطمه: أبو بطن
حسين: ام راس اليابس
فاطمه: أحترم نفسك
حسين: محترمها ست محاسن
فاطمه: للتكلي ست محاسن!
حسين: ست محاسن
فاطمه: هاا يعني متتراجع عن كلامك
حسين: أي
فاطمه: هسه أشوفك منيه ست محاسن يابو بطن
ردت اهجم عليه بس هوه طفر وأنا طفرت وراه.. ضليت أركض وراه وهوه بس يضحك..
حسين: وولج كافي! شني هلقابليه بلركض
فاطمه: أليوم أله أسويك دجاجه مهلسه أوكفلي
حسين: عمي كعدي متعبتي مو رجليه بعد متحملني
ذب نفسه بلكاع يلهث بقوه وأنا مصدكت طفرت عليه ولزمت أيده وعضيتها عضه خليته يصيح وعلى أثر الصيحه كعدت أمي..
صابرين: هاي شديصير...
كمت من يمه عدلت شالي ولا كأنه مسويه شي
فاطمه: أفيششش هسه يله رتاحيت
حسين: أخخخ أيدي شني چلب وتعضين شجاجج!
صابرين: يمه أبني هاي شني أيدك شني عضك چلب؟؟ اشطبب ألچلب أبيتنه صخامم بوجهي!
حسين: لا مطب چلب بس هايه بتج نسخه من الچلب
لفت نضرتها عليه بصدمه
صابرين: فاطمه؟! ولج شمسويه بي! يمه يمه لح يصعد السكر
نصدمت من وكعت أمي من طولها.. ركضنه عليها شفتها مغمى عليها.. نهاريت بلبجي..
اتقدم عليها حسين وشالها.. وراح للغرفه وحطها على السرير..
ررش عليها شويه ماي وصحت..
حسين: امج بيها سكر؟
فاطمه: أي
حسين: شمنتضره جهاز السكر بسرعه
ركضت علسريع والدموع تنزل حته نسيت وين خالته
حسين: فاطمه وين صرتي
فاطمه: وولككك ماكوووو
اصيح وأبجي..وبنفس الوقت ادور
تقرب يمي بهدوء.. مسح دموعي بأبهامه بخفه وأردف
حسين: أشش لتخافين مابيها شي..
فاطمه: مماكو الجهاز ماكووو!
حسين: لا أكو هسه ندوره
جر راسي على صدره وأردف..
حسين: يله ست محاسن امشي ندوره أني وياج
فاطمه: للك انت شنو هلدوء ألبيك
حسين: بأبتسامه.. أنا هيج طبعي شسوي
كلت بخوف والرجفه بصوتي
فاطمه: حسين.. يعني أمي مابيها شي؟؟
حسين: وعيونج الخضر مابيها شي
أبتسمت.. وبعدت عنه
فاطمه: شوف يجوز موجود بغرفه أخويه لأن غرفته مدورتها
حسين: چا أمشي
رحنه فتحت باب الغرفه وبدينه ندور.. دقايق ولكاها حسين..
بعد مرور دقايق..
حسين: خلصت.. شوفي فاطمه لتخلين يصعد عدها السكر مره ثانيه لأن يصير بيها نفس ماصار هسه فديربالج عليها
فاطمه: أي تمام
حسين: خلي أخابر علي أكله
فاطمه: لاااا
حسين: شني لا؟
فاطمه: لتكله
حسين: وشني أمشي على كلامج أنا ما أضم شي على علي
فاطمه: لتكله حباب ليضل باله عليها
حسين: شبيج بويه هوه تالي متاليه لح يعرف
فاطمه: لا ميعرف اذا متكله انت
حسين: أستغفر الله
فاطمه: أي استغفر استغفر أبو بطن
حسين: انا متأكد لح يجيلي السكر أنا هم
تتنهد وطلع وسد الباب..
رحت يم أمي شفتها كاعده..
فاطمه: ها حبيبتي شلون صرتي
صابرين: يعني انا صدك جبت چلب ومادري بروحي
فاطمه: هوه احد كله يعيب
صابرين: يارب طيني الصبر على هاي البنيه.. شكالج
فاطمه: كال ست محاسن عليه تقبليها يمه؟؟
صابرين: امشي امشي روحي لا يرجلعلي السكر مره ثانيه امشيييييييي!
فاطمه: اوي يمه تره زوديتها عود اعتذرله بعدين
صابرين: صدكت صدكت
فاطمه: والله شبيج
صابرين: روحييييييييي
فاطمه: اوي شبيج طلعت طلعت
رحت لغرفتي افكر بكلامي عزه شلون اعتذرله.. لا خطيه عضيته شلون عضه وهمين هوه ساعد امي رادت تموت من ورايه
-دُره
كعدت من النوم على صوت هوسه.. كمت بسرعه وفتحت الباب طلعت كدامي بلقيس..
بلقيس: وينها وينها
دُره: منيه؟
بلقيس: يعني منيه غير ورد
دُره: خير شصاير
بلقيس: جاين عليها خطابه
دُره: صدككك
باوعت للساعه شفتها ب5 الصبح
دُره: هيج وكت!
بلقيس:شمدريني يكولون مستعجلين حيل... يله يله كعديها بسرعه
كبل طفرت على ورد النايمه ورايحه بغير عالم
دُره: ولججج كومي كومي
ورد: بنعاس.. منو مات والله مابيه حيل ألبس اسود
دُره: ولجج أجويي عليج خطابه!
ورد: شننننوووووووووووو!
دُره: اششششششش ولج صوتج
ورد: باعي عرفت دتشاقين امشي امشي خلي اكمل نومتي
دُره: كومييييي صدك دا أحجي
ورد: ماريدددد أتزوج
بلقيس: يمصخمه هسه منو مزوجج شوفي الرجال وبعدين حكمي
ورد: ماريد ماريد طرديهم
بلقيس: تكومين لو أصيح أبوج
ورد: يووو كمت كمت هسه مالكو غير هاذا الوقت خو بليل يجون
بلقيس: شمدريني
-ورد
راحت بلقيس يمهم واني بعدني بلفراش... كومتني دُره بلدفرات طبيت غسلت وهيه طلعتلي فستان بيجي مخصر يصير خفيف ومن الردنات بي تول..
ورد: هاي شنو دُره كلش خفيف ما ألبسه
دُره: أنچبي تلبسي ووياه شال بيجي
ورد: هسه منو كال اقبل خنشوفه بلأول حلو لولا
دُره: أدور حلوين أم الوصخ
كومتني وبلكوه لبستني وسوتلي شالي.. وسوتلي مكياج خفيف..
دُره: أويلي تخبلين.. هسه دوري انتضريني ابدل
باوعت لنفسي بلمرايه .. كلش عجبني المكياج الي سوتليا دُره راهم ويه الفستان... ضليت أتأمل نفسي بلمرايه.. شويه
و أندكت الباب بقوه..
بلقيس: ولج ورد وين صرتي.. دُره يله أستعجلي خطيه صالهم اشيكد منتضرين
دُره: خلصت خلصت... شفتي ورد من وراج لح أتأخر على الدوام
ورد: لا يجوز نلحك احنه دوامنه يبدي ب8
دُره :أي
طلعنه واني ايد دُره أبد مهديتها.. اعرف نفسي لح أرفض.
لأن اريد اكمل دراستي واحس بعد وكت..
فتحت باب الصاله وشفت مره كاعده لابسه اسود ومبينه من الأغنياء وجان داير مداير أيدها ذهب هواي أول مشافتني خزرتني.. أستغربت!
وجانت كاعده يمها بلقيس ومسافه بينهم رجال جبير بلعمر ويمه ابويه.. وجان اكو واحد واكف ومطينه ضهره ديخابر.. يمكن هوه هذا الي جاي يخطبني.. "مهتميت"
سملنه عليهم اني و دُره.. وكعدنه قريب يم بلقيس..
ضل ابو يمدح بيه أنو على شكلي وأخلاقي ماعدى أمه بس تخوزر بيه..
دقايق.. واندار الرجال ألي جان ديخابر !!
نهاية البارت..
ها حبايبي شلونكم؟ انشاء الله بخير😚
تتوقعون منو الرجال الي جان ديخابر؟
أكتبولي توقعاتكم🤗
Bye...