الفصل 3
مرت الشهور، وفضلوا سوا، إيدهم في إيد بعض، بيشيلوا الهم سوا، ويفرحوا سوا.
ملك بدأت تحس إن حياتها أخيرًا فيها معنى، بقى في ظهر بيطمنها، وقلب بيدق علشانها.
عمر كمل دراسته واشتغل، وملك دخلت الكلية اللي بتحبها، كانوا دايمًا بيدعموا بعض.
وفي يوم عيد ميلاد ملك، عمر فاجئها بمكان بسيط، مليان شموع، وصورة كبيرة ليهم، وهو بيقولها:
– "مش هكتب لك شعر، ولا هقول كلام من الأفلام… بس هقولك حاجة واحدة: إنتِ البيت اللي كنت بدور عليه."
دموعها نزلت، وقالت له: – "وأنت الحضن اللي عمري ما حسّيته قبل كده."
بعدها بشهور، اتكتب الكتاب، واتجوزوا في فرح بسيط، بس كله حب وفرحة من القلب.
ماكانوش أغنى اتنين، بس كانوا أغنى ناس بحبهم لبعض.
وبعد سنين، لما جابوا أول بيبي، بصت ملك له وقالت:
– "شايف؟ ده نتيجة حبنا."
ضحك عمر وقال:
– "ده بداية فصل جديد، في روايتنا اللي عمرها ما هتخلص…