عشقت عيناكَ ألبنيه - الفصل5 - بقلم Houri | روايتك

علي شويه وأجه حسين.. علي: هاا جبان وين جنت حسين: يمعود هوه انت شفت شكلك شلونه وانت تطگ بي  كلت هسه انا هم يطگني علي: غير يستاهل.. هنوب غبي اتخيل كاتل  عباس عباله انت  ههههه عود ينتقم مني حسين: هههه هنيالي ودعت حسين وطلعت بوجهي لبيتنه.. طبيت للبيت سلمت على امي وكعدت احجي وياهه بلسالفه كله من البدايه للنهايه بلأول انصدمت وضلت ترزل بيه أنو ميصير اكتله  هيج حتلو بس بعدين وكفت ويايه.. بستها وصعدت لغرفتي.. طلعت ملابس وطبيت اسبح.. طلعت نشفت شعري وبعدين خابرت حسين.. حسين: صدك تحجيي احنه كلنه انتقام بس موهلدرجه البنيه شعليه تاكل نعل من وره ابن عمها علي: حسين انا وعدت ياسر لازم اوفي بوعدي حسين: ايي بس مو بلبنيه هيه شعليها علي فتح دماغك انت لازم تنتقم من حيدرر مو البنيه  عود لح يأثر بحيدر شي؟؟ اكيد لا لتصير مسودن وأكعد راحه علي: ولكككك يحبها حسين: هااااا علي: وجعااا چا انا على شنو دامضرط.. اريد  اخلي حيدر يشوف الي يحبها تتعذب وميكدر يسوي شي ومو بس هيج أسجنه لحيدر هم حسين: اي بس ابوها شلون يقبل ماعتقد يقبل لأن ابن عمها مو قريب منهم كلش علي:  اكله اخلي اخوه وابنه بلسجن وهوه يقبل قابل شيسوي معقوله يقبل على اخوه يطب سجن اكيد لا..  وهوه يعرفنه كلش زين احنه ناس غنيه ومحد اله سلطه علينه اكول هيج يعني هيج و خصبا ما عليه يقبل... حسين: علي بس خطيه مالها ذنب علي: معليك أنت أنا أريد اشوفهم منوه علي الي يستخفون بي.. -ترف واخيرا باجر دوام وكلش متحمسه مادري ليش احنه نتحمس بس اول يوم دوام وآخر يوم دوام بس.. المهم جان بل 10بليل تعشينه وكملنه رحت لغرفتي احضر بلجنطه.. وأني احضر سمعت صوت هوسه جوه وابويه ديصيح خلصت الجنطه علسريع وطلعت داشوف شصاير.. جانت امي واكفه تتصنط من المطبخ عليهم وتلطم بوجهه وتبجي رحتلها ركض مستغربه ترف: خيرر يمه شصاير؟! ساره: ولجج يمه ذوله ديريدون ياخذون وحده من بناتنه فصليهه يبووو على راسي احنه وينه وين الفصليه .. فتحت عيني على وسعهن شنو فصليه واني اشوف امي تبجي بصمت.. ترف: شنووو فصليه يمه فهمينييي شمسوينن احنه قابلل؟؟ سحبتني من المطبخ وودتني لغرفتها ساره: شوفي ابن عمج مسوي مصيبه هلكبرها كاتل عباس صديق هاذه ابن صابرين وهوه جاييي هوه واهله والعشيره كله علينه يردون ينتقمون أختنگت بدموعي وكوه يله حجيت.. ترف: زين احنه شعلينه خو يرحون على اهله ساره: لاا هوه ماعده اهل كلهم ميتين من هوه وصغير بس ابوه باقي الي هوه عمج وحيدر اصلن ماعده خوات فأجو علينه ولجج المشكله ابوج قابل يعني ناوي يطي وحده منچن خوفا على اخو.. لأن سمعتهم يكولون اذا  ميقبل.. يحطون عمج وابنه حيدر بلسجن ويمكن يكتلوهم هناكك.. تحجي وتبجي بحركه متحملت وبجيت وياها ترف: بس يمه احنه شنو ذنبنه؟؟ معقوله ابويه يقبل يطينه ساره: مادري يمه مادري لح اتخبلل كاعدين نبجي فجأه دخل علينه ابويه عصبي معرفت ليش معصب صيح على امي وكله طلعي وهيه ابد موكف لسانه ضلت تسب بي وتصيح عليه ساره: انت صدك متستحي شلوننننننننن تنطي فصليه وللللللك هذوله بناتك بناتككككك مهدي: أششش صوتجججج شنووووووووو فصليه منو كال هيججج ساره: انتووو سمعتكم تحجون مهدي:ببرود...  تؤ سمعتي غلط مجرد  رادو ترف بلحلال وأني قبلت وهسه أجو يعقدون عليها نزلت دمعه خيبه أمل من عيوني وسبقتها ألثانيه وشويه شويه كامت تجري مثل الفيضان.. هوه وجه نضرته ألي وحجه بصوت مخنوق ممهدي: ساره طلعي شويه اريد احجي ويه ترف اتقدمت عليه باستني وطلعت وهيه تبجي... اتقرب وكعد يمي حسيت العصبيه راحت منه.. أخذ نفس وحجه.. مهدي: بنتي والله مابيدي شي مجبورر.. ترف: بابا اشداتحجي فهمنيي شنو هل الكلام بابا احجججججييي ليششششش ساكتتتت.. للحضه نزلت دموعه مسحهن بسرعه وكال مهدي: حبيبتي علي واحد اخلاق وشكل ومأدب ومانقصه شي ترف: وشنو يعني!! حط أيده على کتفي وأردف: مهدي: رادوج انتي واني أنطيت موافقتج جنت مجبور بنتي أعذريني ترف:  هايييييي اشدتحجيييييي ولللكككك شنووو ذنبييييي شعليهههه اني!! محسيت غير بس بلراجدي الي اجاني بدم بارد.. بوكتها كرهت نفسي وكرهت عيشتي كلههه صح علي صديق طفولتي بس اني بنت اخو هاذه الي ابنه  كتل صديقه لعلي شي اكيد اخذني حته يموتني.. مهدي: لعدددددددد شسوييييييييي هااااااااااااا شسويييييي يعنييييييي تردينيي اقبل على اخويه يطب سجننن وينكتل هناكككككككك احجحجييي ولججججج هاذههههه اخويههههه اقربببببب اليييييي منكممممم حتهه.. اردفت بصوت مخنوك ومتروس بجي.. ترف: دير بالك بعد تصيحلي بنيتي.. بعد ماعدي ابو.. طلعت من الغرفه ودموعي تجري رجليه بلكوه أمشي عليهن.. احس بعدني ممستوعبه اشديصير... . . . . . -علي رحنه كلنه عمامي كلهم اجوو وابوي من ضمنهم صح هوه ميطقني ولا أنا بس جان واكف وياي من اول مسمع بلسالفه فقبل يجي وياي.. مهدي: شنو هلحجي كاضم بناتي بعدهن متعدو سن ال 18 حته شلون أزوجهن وهنه قاصرات تعذرني ابو علي احنه ماعدنه هلسوالف  شوفو شغلكم ويه حيدر هوه الي سوه المشكله كلهه واحنه مالنهههههه دخلللللل كاضم: لاااااا احنه متمشي كلمه علينه ابو ترف مهدي: نعرف بس... كاضم: خلص انته النقاش علي:  بأبتسامه خبيثه....  اذا متريد بناتك يصير هيج بيهم نكدر نحط اخوك وابنه بلسجن وكلشي يصير بيهم فوك ما تتخيل كتل طعن شنق كلشيى يجي على بالك مهدي: مع الأسف علي  ما توقعته  منك شنو هلحجي تهددنه يعني علي: ديله لتصير براسي خيرر  ترف تنطيني وخلص.. مهدي: تمام.. بس لتخلون اخويه بلسجن ابوس ايدكم والله هوه ماله ذنب طلعنه من بيتهم وكفني كاضم وكال... كاضم: وغدير؟؟ علي: اطلقها كاضم: أي مو هيه لعبه علي: اي لعبه.. تره ما احبها ما اريدهههها افهم! كاضم: وابوهها شكله اكله والله ابني ميريد بنتكم يريد ياخذ ترف؟؟ صدك تحجييي علي: ببرود... اطلقها وتولي يم اهلها وبعد انا معليه كاضم:  بحده...  شنو يعني تريد تمشي كلامك عليه مثلا علي: لا رد عفته وصعدت بلسياره شويه وهوه اجه كعد يمي بلصدر كاضم: خلص طلقها علي: هم لارد.. وصلت لبيتنه طبكت السياره ودخلت اول مدخلت ركضت عليه فاطمه تستفسر.. فاطمه: عليي احجي ليش ساكت شنو تاخذ ترف يعني انت تحبها؟ لح تزوجها؟ الله هم صديقتي وهم لح تصير مرت اخوي احلام العصر تحققت علي: فاطمه طلعي من دماغي فاطمه: اوي شبيك هلكد منفس علينه عفتها وصعدت للغرفه لفيت راسي ونمت.. -فاطمه انصدمت وبنفس الوقت فرحت فرحه مصايره من سمعت بعلي لح يتزوج ترف محد مكلي ليش وهيج فجأه قرر بس مهتميت المهم لح تصير مرت أخوي .. ركضت فرحانه لغرفتي طلعت مبايلي ودكيت عليها.. يارب موافقه.. يارب موافقه.. بس شلون توافق هاذه تعتبره صديقها لا لا شبيج فاطمه هيه قسمه وتصير لضلين تخرطين.. ضليت ادك بس ماكو مغلق كلش خفت عليها خاف مجبوره.. -ترف طلعت من الغرفه.. شفت امي جانت كاعده بل كاع ومتچيه على الحايط ولامه رجليه لحضنها من شافتني كامت واجت يمي باعت لوجهي نزلت دموعها وحضنتني واني مصدكت هم بجيت.. ساره: يمه شنو ذنبج حبيبتي شسوي هسه وين انطي وجهي.. كلهم قلبو علينه ولج حته صابرين خابرتني وضلت تصيح وتسب بينه مادري منو كايللهم انو حيدر قريب منهه هلكد.. بعد مرور دقايق من البجي سمعت صوت وراي.. هاي سما درت وجهي عيونها حمررر ووجهه شاحب وحالتها حاله بجتني اكثر من حضنتني وهيه تبجي.. سما: اشلون لح اكدر بلياجج ولج منو بعد لح يتعارك وياي علمود الحمام منو يدخل اول.. منو بعد يرزلني من بعدج.. ترف حبابه لتعوفينه.. بهاذه اليوم بجيت بجي بحيث دموعي نشفن.. صار بابا يفوت من يمي ما اباع لوجهه.. يحجي وياي اجاوبه بكل برود وهوه ساكت.. ذيج البنيه الي تضحك وتسولف ويه الرايح والجاي هسه صارت ابرد من الثلج..  و ذيج الي تموت على ابوها وتحبه اكثر من امها الي ربتها وتعبت عليها هسه صارت تكرهه وتتمنه ماعدها ابو مثله.. يمهه شدتحجين؟؟  اني انكسرت من اعز شخص الي ألي هوه ابويه!.. عــــن أي ألَمِ تتحدثوُن؟!.. -غدير قبل سنوات.. -عوفونييييييي والله مسويت شي عوفونننيييي اتقرب عليه ومد ايده القذره على جسمي يتلمسني.. جنت مربوطه بلحبل وعيني هم.. غدير: لااااااا وخرررررررر شويه وحسيت الباب انركعت وشخص اقتحم المكان وضربهه بلمسدس..ماحس غير شي حار صار بوجهي.. اتقرب عليه وخر الرباط ووخر الوصله من عيني.. شفته هوه يمكن طبقت مقوله الحب من أول نضره.. وكعت بي أول مشفت هاي العيون.. جان جسمي ميتحرك مكسر من الضرب شالني وصلني لبتنه بسيارته... وكام كل يوم يجي يطمن عليه  ويسأل شلون صرتي.. صح هاذا شي تافه بس يمكن اسمي الحب من أول نضره.. للواقع.. ضلت دموعي تجري وزادت من دخل علي للبيت كلش خفت معقوله لح يعرض الطلاق.. للأسف صدك صارت علي: ليش تبجين غدير: مهتم؟ سحبني من ايدي على الخفيف وكعدني على القنفه وهوه هم كعد شويه صفن بلكاع وبعدين كال بهدوء.. علي: غدير افتهمي احنه متزوجين جبر.. انتي شلون راضيه بهاي العيشه يعني انا حته ما انام وياج بنفس الفراش انتي بس فهميني شلون رضيتي بيه.. شوفي غدير والله تخلصين وترتاحين احسن الج انا لمصلحتج.. -هوه صح جان كلامه مابي شي بس كسرني كلش حسيت سهم وصار بقلبي.. وره كل كلمه يكوله كلبي ينمرد..منطقت بكلمه بس ابجي.. لحد ما كال ذني ال3كلمات الي خلتني انهار.. علي: انتي طالق.. طالق.. طالق... كام من مكانه حطلي كنينكس بحضني وطلع من الغرفه.. حبّــــيـتك شــــجَاني؟وُمِــا حسبّــــت حسآب.. خــــيـــعونكَ عــــليه مو أنــا خـــيعـوُنــي.. مِــــتحبّــني وأحبّــكَ وُآلَمِــصيـبّــه أنــهزمِ من آلَيــردوُنــي... من مكان آخر.. -دُره -طبعاً بده الدوام وجنت كلش متحمسهه بس موبكد ورد بحيث شفتها حاطه صدريتها الجديده وجنطتها على سريرها وهيه نايمه على صفح.. مداريتهن اكثر منها😂.. المهم اني هم حضرت جنطتي  وكبل لفيت راسي ونمت لأن جان الساعه ب12بليل.. -ورد كعدت على صوت المنبه المزعج.. كمت طفيته ورحت للحمام غسلت وجهي وطلعت اكعد دُره الي منبها كعدنه كلنه وهيه بعدها نايمه.. ورد: دُره.. دُره يله كومي دوام دُره:  بنعاس...  اي اي كمت انتي روحي وهسه اجي وراج ورد: كومي متمشي عليه هاي السوالف دُره: كمت كمت ورد: هاي شلوننن.. لح اصيح بيبي عليج هيه تجي تكعدج بلسلاح مالتها دُره: اوي شبيج هيه خمس دقايق..روحي بدلي هسه اجي.. ورد:اي همزين هيه ابنفسها اجتي ميحتاج بعد اصيحها بلقيس: ولكممم شوفي ساعه بيشش لح يروح عليكم الدوام كومي دُره لا بلنعال ورد: قصدج بلسلاح بلقيس: انجبي انتي الثانيه دُره: كمت يابه كمت.. -دُره طبت تغسل  وجها واني رحت ابدل لبست الصدريه وسويت شالي ودُره هم بعدين طلعنه چاكيتاتنه اني ابيض وهيه اسود لبسناهن وطلعنه.. -دُره وصلنه للمدرسه ودعتها وراحت لصفها واني هم.. ملاحضه:المدرسه الي اندوام بيها اني وورد (مختلطه)..بس البنات ابصف والولد بصف وحد.. يعني منعزلين فقط بوكت الأستراحه  نختلط.. بده الدرس الأول..وطبت المدرسه.. ست بهاء: السلام عليكم الكل: وعليكم السلام ست بهاء: استريحو بنات.. حبايبي اقدملكم نفسي اسمي بهاء.. ولح اخذكم بلأحياء.. اريد تفاعل ويايه وتحضير يومي.. لأن التحضير اليومي شي مهم عندي.. وبنات العام يعرفوني مو؟ يله بنات طلعو الأحياء على صفحه 7 اشرحلكم شويه.. خلص الدوام وكمت داطلع وكفني صوت طيبه الي جانت كاعده يمي بلرحله.. طيبه: بأبتسامه...  معرفتينه عليج؟ اني اسمي طيبه وانتي؟ دُره: بأبتسامه..   اسمي دُره وانتي؟ -محسيت بلوقت ضلينه كاعدين اني وياها بلكفتريا الي يم مدرستنه لأن المدرسه بدت تفرغ ويردون يسدوها.. كعدنه نسولف بلساعات.. هيه كلش لطيفه وتجنن..  بعدين ودعتها وطلعت  لأن كلش تأخرت على ورد.. -ورد وره مخلص الدوام طلعت ووكفت يم مسافه من المدرسه انتضر دُره.. بعدين حسيت نفسي جعت.. فجان يم المدرسه اسواق صغيره فذبيت جنطتي على الصبه ووصيت الحارس عليها ورحت للأسواق اشتري.. طبيت جبت كيكه بلفراوله وببسي ورحت داحاسب.. جان واحد طويل واكف بجانبي هم ديحاسب نضرت أله.. هاذه واحد من مدرستنه.. شعره على شقار وعيونه عسليه و نعسانات ورموشه كثيفه ووشواربه خفيفه.. هاي شنو بسلا وكعت بي.. انجبي ورد شنو وكعتي بي شهل سوالف.. حاسبت وطلعت.. ورد: وينن جنطتي؟! الحارس: عمج اخذها ورد: ششنوو! بس اني ماعدي عم! الحارس: صدكك اعتذر منج والله عبالي عمج.. اجه وكالي هاي جنطتها.. ورد: صددددك تحجييي هسههه شسوي انت غبييي؟!! الحارس: اس.. قاطعه صاحب الشعر الأشقر.. وكال اطلس: احم احم.. صاير شي؟ الحارس: والله اعتذر والله عبالي عمها اطلس: اهدئ اهدئ بس فهمني اشصاير؟ الحارس:  ..... اطلس: هاا زين من ياجهه راح؟ -مناك.. كلهه هيج وكبل ركض بأتجاه المكان الي كاله عليه الحارس معقوله لح يجيب جنطتي اكيد هسه اختفه هاذه الي باكها.. بقيت افتر منا ومنا وافرك ابأيدي بأرتباك.. كلشي موجود بذيج الجنطه .. ياربي..هنوب  المدرسه انسدت والحراس لح يرحون و دُره بعدها ماكو وين راحت؟! شويه واشوف ذاك ابو الشعر الأشقر يركض بناحيتي وبأيده جنطتي.. مادري ليش اتذكرت سبايدر مان.. حسيته هوه.. شلون جابها! اتقرب مني يلهث وطاني الجنطه.. لاحضت اكو ضربه على كصته.. وجان أثر الدم واضح.. ورد: شكرا.. اطلس:  بأبتسامه .. لا عفوا هاذه واجبي.. لزم كصته متوجع.. ورد: اني جايبه معقم.. اطلس: لا شكرا طلعت من جنطتي كنينكس ومعقم.. ورد: اكعد.. كعد بدون ليحجي شي جان متألم كلش.. تقربت وبديت أعقم مكان الجرح حسيت عيونه كاعد تنضرلي.. ورد: خلصنه.. اطلس: شكرا.. عادي اسأل سؤال؟ ورد: تفضل اطلس: شسمج؟ ورد: اسمي ورد اطلس: هاا حلو اسمج.. ورد: شكرا.. شويه وشفت دُره تطلع من الكفتريا الي صايره مسافه صغيره عن المدرسه الي اني واكفه يمها ويمي هاذه اطلس.. ورد: اكولك!! ابتسم وكال بأستغراب اطلس:   كليلي؟ ورد: روح روح اطلس: ليش شكو؟! ورد:  مو اذا شافتني دُره شلون رزاله ترزلني اطلس: منيه دُره؟ ورد: ولككك روححح كام وراح.. تفشلت بمكاني هاذه اذا اشوفه مره ثانيه شكله اشكيد عيب.. ركضت على دُره.. ورد: وين جنتي ولج اصار بيه متت من الخوف دُره: والله اسفه جان اكو وحده تعرفت عليها اخذتني لهاي الكفتريا وضلت تحجي وياي.. اسفه وردتي لزعلين مني ورد:  مازعل منج انتي اختي.. شسمها هاي التعرفتي عليه؟ دُره: يمه فديتجج اموتن عليج.. ورد: ههههههه اني هم دُره: ولج صوتج اشكيد تافهه😂 ورد: اي اي لح احاول😅شسمها كوليلي؟ دُره: اسمها طيبه فد حبابه وماعدها اشياء موزينه بس تتعرفين عليه لح تحبيها..وهيه كلش حلوه عيونها عسليه وكبار وشعرها قصير واسود طوخ وتخبل ماشاء الله.. ورد: صدكك حمستيني.. اريد اشوفها دُره: باجر اكله عليج ونطلع سوه للكافتريا شتكولين ورد:  بحماس..  اي والله!.. ملاحضه: احنه مدرستنه تشبه الجامعه يعني كلشي بيه اكو داخل المدرسه كافتريا وخارجها وكلش جبيره وبيه صفوف مال رسم ومال موسيقى وكلشي.. -ترف جان يوم مو حلو.. سبحت بماي دافي كلش ارتاحيت.. طلعت لبست تراكسود وصعدت شعري بقراصه بدون مال انشفه.. دكت امي الباب.. كتلها اتفضلي.. طبت وكعدت يمي.. ونزلت دمعتها كبل مسحت دموعها وأردفت بصوت ناصي ومخنوق... ترف: لتبجين حبابه ساره:  يروح امج انتي.. اريد اكلج شي.. ترف: احجي يمه احجي ساره: باجر ياخذج العريس بنيتي ترف: شنووو شبسرعه تره هاي  مصايره!!!! ساره: حته اني اعترضت تعاركت ويه ابوج جان يكلي تم العقد من اجتمعو اول مره بلصاله.. جانو جايبين سيد... وباجر ياخذج   يعني بدون زفه.. سوده عليه حبيبتي -شلون يعقدون بدون موافقتي شلوننننننننن ساره: ابوج أنطه موافقتج اسمع كلامها منصدمه وبنفس الوقت البجيه بصوتي تريد تطلع.. حته بدون زفه؟؟  معقوله علي يسوي هيج بيج..  ياخذج حته ينتقم منج اشلون؟؟ اي طبعاً ياخذج ينتقم منج هوه اصلن ميذكرج.. وهوه حاليا كرهج من عرف ابن عمج هوه القاتل صديقه.. شنو فرقج عن الفصليه هاا؟!.. صار اليل ورحت كبل نمت حته بدون عشه.. اشكيد اتوسلت بيه امي اكل بس مالي نفس بلأكل.. كلعاده بجيت ونمت.. كعدتني امي ساعه 8 الصبح.. ترف: عزههه ماما راح عليه الدوام!! ساره: بنبره حزن ... مداومين لحد ما يقبل علي لأن لحد الأن مطانه جواب كالنه افكر اخليها لو ابطلها..  ترف: يمههه اشداتحجين بلحضه نزلت دموعي  مكدرت اسيطر عليهن.. كلت بصوت مليان بجي.. ترف: ييمه حبابه ماريد ابطل..حبابه قنعيه ماكدر.. انهاريت بلبجي ماعرف شجاني.. اتقربت عليه ماما ومسحتلي دموعي ودموعها.. ولزمتني من چتفي بأيدناتها الثنين.. ساره: ترف اسمعيني حبيبتي.. ماريدج تصيرين هيج انتي مجنتي هيج.. اني متفهمتج والله.. بس ماكدر اسوي شي والله مابيدي.. الي أريده منج تصيرين قويه تتحملين كلشي يصير.. اذا مكدرتي اطلبي القوه من ربج.. مو عبالج رب العالمين يشوفج هيج مكسوره ويعوفج.. لا.. اصلن لح يعوضج.. مادام تصبرين وتصبرين اكيد لح يعوضج رب العالمين.. يعني هسه المطلوب منج الصبر وتقوين نفسج همم..تمام؟ مسحت دموعي وأبتسمت وكلت.. ترف: تمام اوعدج.. ساره: اي هاي ترف الي اعرفها هسه كومي حضري روحج حته نروح للصالون.. ترف:مو ماكو عرس على شنو اروح للصالون ساره :حتلو حبيبتي على الأقل تلبسين فستانج -كمت طبيت للحمام غسلت وطلعت لبست جبه وشال وطلعنه اني وأمي.. وصلنه للصالون استلمتني الصالون تمكيجني.. طبعا جانت امي مسوكه ومشتريه يعني فستان وهاي السوالف.. خلصت.. مخلتني الصالونه اشوف المكياج كالت لبسي الفستان وبعدين شوفي كله سوه.. فلبست الفستان يصير من فوك مخصر وبي دانتيل على الخصر وهم  يصير دلع من فوك.. ومن جوه منفوش..شفت روحي بلمرايه.. الله عبالك مو اني كلش عجبني المكياج وخصوصا الفستان.. بس هاذه مغير شي بعده تعابير الحزن والخوف على وجهي..احس رايحه للعزه مالتي مو للبيت.. كلتلي امي انتضره  مبقه شي ويجي.. … مـرت بعض دقآئق حتى ولج ذآلگ آلغرآبي.. حضوره يزلزل المكان، وهيبة تخنق الأنفاس قبل ما تنسحب من الصدور! لابس طقم أسود، سواده مو لون… بل عتمة مغروسة بعمق قلبه 🖤.. شعره مصفف بإتقان قاتل،  جاذبيته تسرق التركيز، وكأن وجوده وحده إعلان عن خطر ما أله نجاه.. -مادري اشصار بيه ضليت صافنه .. البرود بارز على ملامحه  بشكلل.. وعينه تباوعلي بحقد .. حلوو بس يخوفني.. معقوله ..  شخصيتي القويه تتدمر بسبب شخص واحد بس.. قطع حبل افكاري نبره صوته البارده.. علي: السلام عليكم ساره/ترف: وعليكم السلام -تقرب عليه طبع بوسه خفيفه على كصتي..حته البوسه حسيته بارده.. لزمني من ايدي ومشه وياي للسياره.. طبيت للسياره هد ايدي..وراح من الجهه الثانيه حته يسوق.. -الهدوء مله المكان لا اني احجي ولا هوه يحجي..شويه ووكف السياره وطبكه يم اسواق.. نزل جاب باكيت جكاير ورجع صعد.. وبده يشرب وحده وره الاخ... ضليت اكح بقوه جانت الجامات كلها مسدوده.. ترف: كحح.. بس الجامات افتحها علي: لا رد ترف: يمعود الجامات لح اموتت وكف السياره.. تقرب عليه وابتسم بحقد وخله الجكاره قريبه يم خشمي حسيته ديسوي هيج عمد.. أختنكت حاولت ارجع ليوره بس ماكو مجال.. ترف:شبيككككك وخررر دفعته بكل قوتي .. حسيته صار نارر.. غميته ونزلت من السياره همزين جنه واصلين.. شفت البيت كلش جبيرر وفخم.. ردت اطبله حسيت ايد تجرني بقوه درت وجهي عليه..شفته هوه .. ضغط على معصم ايدي حيلل.. حسيت روحي رادت تطلع.. اوخره ماكدر ايده ضاغطه قويي.. علي: بحده ...  باعي لجج مو ماخذه راحتج ويايه انا مو واحد عادي حته تغميني!! ترف: اوي ايدي وخررر علي: بصياح  ... أثبتي  ولججج شبيججج بس تتنعوصين -ردت ادفعه هدني.. قرب وجهه يم وجهي وهوه صاك على أسنانه بقوه وأردف.. علي: اعتذري ترف: لا والله على شنو علي: بله حجي زايد كتلج اعتذري لا اسوي شي ميعجبج ترف: تره متخوف علي: ها يعني متعتذرين ترف: هاا.. لا اني ماعرف اعتذر ماكدر علي: ترررررف لتخبلينيييي كولي اسفهه وخلص.. عود انتي منوو حته متعتذرين.. لزمني من جتفي بأديناته الثنين بقوه.. ترف: sorry علي: هاي شنو ترف: اعتذار -اباع لعيونه صارن حمر من العصبيه حسيته لح يطفر عليه يملخني.. علي: صدك تحجين!! ترف: اي شبيك اعتذرت -استغفر  بعصبيه  وطب للبيت .. هاي فوكاها.. -غدير مجنت متوقعه ابد انو توصل السالفه للطلاق.. بذاك اليوم بجيت بجي مصاير.. معقوله كلام سحر  كله صح؟؟..لا لا شلون ومن ساعدني اكيد بوكته وكع بحبي بس هوه ميبين... زين شلون يحبني وهوه طلكني... ترف؟؟ يعني هيه السبب ماكو غيرها.. اشكيد كرهتهه من ذاك اليوم الي شفتها واكفه يمه.. سحر: اشدتحجينن غديرر.. نامي نامي انتي مو بوعيج شنو اكتلها غدير: لاا اني حجيت كلمه بعد.. بس خلي اشوفها اله اطلع نار قلبي بيها.. اخليها تندم على اليوم الي انولدت بي.. سحر: استغفر الله..  اتزوجها  بعد لضلين مطيه تركضين وراه هوه عافج بنفسه افهمييي.. سحر: استوعبت شحجيت.. حطيت ايدي على حلكي بسرعه.. بعدين وخرتها ببطئ.. اشوف تعابير وجها الي انكلبت.. دموعها الي نزلت تجري مثل الشلال تنزل وماكو أي رده فعل غير الصدمه.. الهدوء مله المكان.. مكدرت انطق بشي... شويه وصدر منه صوت اشبه بلهمس.. غدير:  بشهكه .. كومي طلعي سحر.. سحر: غدير بس اسمعيني.. خلي اكمل للأخير واطلع والله غدير: سحر طلعي سحر: غديررررررر كافييييييي ولججج بس اني افهمج محدددد ميفهمج غيري.. امج؟؟ امج ملتهيه بلعرس بس تريد تخلص منجج.. ابوج؟؟ همه الفلوس.. عليي؟.. اتزوج.. ميحبج.. -نزلت دموعي واني اشوفها تباوعلي وتبجي وتشهك.. نزلت صرت بمقامها.. حضنتها بقوه..بادلتني الحضنه وهيه تبجي.. -دُره كعدت الصبح.. وكعدت ورد ويايه.. طبعا جان يوم جمعه واني ردت نروح، اني وورد على طيبه لان ورد تريد تشوفها.. وبلصدفه هيه عزمتني على الغده.. فكلتلها لح اجي اني وورد.. ورد: يياييي متحمسه اشوفها دُره: ايييي حته اني.. متأكده لح تحبيها اول متشوفيها.. -بدللنه اني لبست هودي رصاصي وجواه هاينك اسود وبنطرون اسود والشال اسود والحذاء(تكرمون)رصاصي.. وورد لبست تراك بيجي يصير بي دانتيل على الخصر  كلش حلو وشال بيجي وياه.. وصينه تكسي.. ورحنه لبيته.. دكينه الباب.. انفتحت طلعت وحده مبينه جبيره بلعمر يطلع عمرها بلخمسينات وجهه بشوش ومبينه كلش حبابه.. طلعت ام طيبه.. ابتسمتلي كأنها تعرفني مبينه طيبه حاجيتلها عني.. دُره: هلو خاله شلونج؟ خاله اني صديقه طيبه مريم: هلا بيج حبيبتي تفضلو تفضلو -اابتسمتلها طبينه وورد مجلبه بأيدي عبالك لح اطير دُره: ولج ايدي اريدها ورد: يمعوده استحي دُره: كعدي لح تجي طيبه شويه واجتي طيبه ركض.. جانت لابسه تراك وردي عليه نجوم وشعرها فالته.. طيبه: هلووووو مشتاقتلججج! اجتي عليه حضنتني.. بعدين دارت وجها على ورد اجتي عليها حضنتها طيبه:   هلووو.. هاي شنو طلعتي بعد احله من وصف دُره..يمه فديت باع الخدود -تكرص بخدودها وهيه صارت طماطه من الخجل بس توزع ابتسامات.. طيبه: تعالن تعالن كعدن اليوم عازمتجن على اندومي ورد: اولييي اندومي وياهه ببسي فدشييي طيبه: ههههه اي والله دُره: هههههه ام بطن -شويه شويه ورد صارت متستحي من طيبه لان صدك طيبه نفس شخصيتي وأبد مو متصنعه ولا متكبره.. بلعكس متواضعه وبسرعه تنحب.. وأمها كلش حبيناها  فد حبابه مخلتنه نسوي الأندومي هيه سوته وحضرتنه الصينيه ودزتلنه حلويات.. وعافتنه على راحتنه.. كعدنه ناكل ونسولف..  ورد:  تخيلي جنه كاعدين دنسولف بغير عالم ماحسلج أله وطفر ابوي فوكانه.. ههههههههه سحبني من تشيرتي وانشك طيبه:هههههههههه يمه بطني دُره: عزه هاي شنو طيبه ضحكتج مال رقاصات طيبه: ههههه هاي حته امي تكول وكلما اضحك اضل ترزل بيه ورد: كثري منها حلوه😂 دُره: شفتي طيبه عفتها شويه طلعت عينها ورد: دنجبي طيبه: ههههههههه على ضحكتها أجت أمها فتحت الباب مريم:  بهمس.. عزه صخاااام بوجهي لججج صوتج واصل يمي اسكتي لا اخوج يسمعج استوه اجهه.. طيبه: يمه! هاي منين طلعتينه مريم: من الباب غير.. صدك طيبه ألياس(اخوها) يريدج تسويله چاي.. كتله اني اسويلك كال خلي طيبه تسويلي هيه تسوي طيب.. علت صوته..   عيني يفضل چاي اخته على جاي أمه.. مع الأسف دُره: هههه ورد: بهمس ... اكلج منوه ألياس؟؟ دُره: اخوها غير ورد: هاا طيبه: اي هسه .. نزلت طيبه واحنه ضلينه كاعدين ننتضرها.. ورد: اكلج دُره عطشت رروحي جيبيلي ماي استحي اروح دُره: ولج تعاي وياي على شنو تستحين مو تعلمتي عليه بعد شكو ورد: لا اخوها جوه دُره: اوي عيني تستحي من اخوها ورد: ههههههه دُره: طيني شالج شالي ذبيته هناك.. لبست الشال ونزلت جوه فتت للمطبخ جان قريب يم الدرج.. ركضت على طيبه شفتها دتحمي الچاي.. طيبه: ها يولي دُره: ورده تريد ماي الخبله تستحي تنزل طيبه: يا من منو تستحي  اخويه وجوه.. اخذت كلاص ترسته ماي وصعدت ...واني وداصعد  وكع الكلاص مني وتكسر... خرب.. من الفشله بجيت..  نزلت دا ألمه واني ألم  عسريع شفت ضل طويل بلكاع .. رفعت، راسي.. شفته هوه .. أسمرٌ... والسحرُ في عينيهِ مُشتعِلُ يُبحِرُ الليلُ في أهدابِهِ ويَصطَلِي.. واثقُ الخطوِ، إن مرَّتْ ملامِحُهُ خَفَتَ الضياءُ، وأخفَتْ سرَّها المُقَلُ.. ساكنُ الوجهِ، لكن في سكونِهِ نارٌ إذا استثارَتْ جَفَتْها الريحُ والمُهَلُ.. هوَ المهابَةُ... في همسٍ وفي غضبٍ هوَ الحُنونُ... إذا شاءتْ بهِ السُبُلُ.. -كمت عسريع ودموعي بعيني.. مادري شبيه ألياس: شبيج يولي دُره: ها.. لامابيه ألياس: ليش تبجين.. مصار شي هوه كلاص -مسحت دموعي عسريع وأردفت.. دُره: مدأبجي -تقرب ونزل نفسه لطولي  نقر بأصبعه على خشمي علخفيف  وأردف بهدوء.. ألياس:  طلعتي أم دميعه -ابتسمت مادري شكول.. خرب ابتسامته ودتني لغير عالم الي محليه الأبتسامه اكثر شواربه  المزينه شفايفه.. اسكتي دُره شبيج اشدتخرطين.. ألياس:  يولي انتبهي مره ثانيه لا تنجرحين -هزيت راسي - طبعا طيبه جانت حاطه سماعه بأذنها جانت متدري.. صاحه ألياس يله سمعت وخرت السماعه مفزوعه ركضت عليه.. طيبه: دُره شبيج حبيبتي تأذيتي؟؟ ألياس: مابيه شي..اخذيه منا لاتنجرح.. ومسحي دموعه تره غركتنه بيهن -اجتني الضحكه كوه يله لزمتها🙂 ألياس:  صدك وين رحتي هوه چاي.. انا بعد اكلج سويلي طيبه: ااوي شبيك هاي فوك ما اسويلك ألياس: عمي بطلنه خلي امي تسويلي احسن.. طيبه:  تعاي  دُره شبيج هوه كلاص على شنو بجيتي ألياس: عزهه ولج مبجيت طيبه: لا هياته الدموع معلكه برموشج عبالج ما اعرف.. تعاي نصعد لورد هسه ضل باله عليج.. -صعدنه لكينه ورد خطيه نايمه كومته علكيف وكتله خلي نروح.. ورد: بنعاس  وين صرتي دجيبين باچه دُره: يمعوده فد تفشلت كله من وراج هسه مو عدج رجل مترحين تجيبين ماي ورد: ليش شصار؟؟ -حجيتلها على الصار ورد: اني متأكده وكع بحبج! دُره: باع هاي انتي وين عايشه بلروايات ورد: ديله هسه انتي عساس متقرين روايات.. اصلن نايمه بيهن دُره: اي بس مو كل الروايات هيج حب وعشق وهاي السوالف ورد: اي اي قنعي روحج دُره: هسه امشي خنولي چلبنه ابيتهم ورد: يله -ردت اطلب تكسي بس طيبه كالت: طيبه: دنيه ليل مو مال تكسي خلي اخوي يوصلكم دُره: لا حبيبي ماله داعي هياته بيتنه قريب طيبه: لا دُره يخوف حتلو.. لتعاندين خلي اخويه يوصلكم هواي لحت عليه لحدما قبلت وبلكوه يله.. لبسنه شالاتنه وعدلنه نفسنه وطلعنه.. شويه وطلع هاذه الي اسمه ألياس تقرب بناحيتنه.. سلم وكالنه صعدو صعدنه بسيارته بكل هدوء.. بده يسوق بدون ميحجي شي.... ورد:  بهمس . احسه يحبج دُره: ورد ورد: هاا دُره: انچبي احسلج ورد: هاي ليش دُره: سألي نفسج ورد: لا دُره عده الشقه شوفي شوفي لح ياكلج بنضراته دُره: ولج شبيج لتأشرين -باوعت للمرايه وخر عينه جان صدك ديباع عليه وجان بأيده جكاره يدخن.. شلتها حسيته رجع يباع مرتاحيت لحدما وصلنه.. نزلت ورد واني هم قدمت الفلوس من الجامه.. دُره: هاك عيني.. تعبانك شفته خزرني وخررر ايدي وراح -عابت هاي فوكاها ورد: يا هاي شبي ليش ماخذ الفلوس دُره:  مادري -طبينه للبيت وأستلمتنه بلقيس ترزل بينه لأن تأخرنه.. -ورد رجعنه للبيت وبيبي ضلت ترزل بينه لأن تأخرنه.. بلقيس: يمه يمه طلع شيب براسي من وراجن اني بعد اخليجن تطلعن شوف ساعه بيش! ورد: اوي بيبي شبيج تره بعد وكت -اباع للساعه شفته ب2بليل.. اباع لبيبي صارت حمره من العصبيه.. دُره: ورد أشردي لح تنكتلين شلت نعالاتي بيديني الثنين وركضت ركضه مصايره وبيبي تركض ورايه وتصيح ودُره خربانه  من الضحك لحكت اطب بغرفتي همزين..ودُره ضلت تهدي بيها دُره: بضحكه مكتومه ... يله عيني بلقيسه اشكالتلج قابل بلقيس: يبو على راسي هنوب تدلعني امشييييييييي مناااااا -حسيت الباب دتنفتح عبالي بيبي بس طلعت دُره اجتي خربانه ضحك.. دُره: ولج لو شايفه شكلج من شردتي ورد: اهوو لح تشهرني شهر دُره: بلعباس اضحكين 😂 ورد: دمشي خلي نام باجر دوام دُره: اهوو شيكعدنه من الصبح -دُره راحت نامت واني هم لفيت راسي ونمت.. -ترف طبيت للبيت جبير وأثاثه ملكي يجنن.. بس دوخني كلش جبير ضليت واكفه بمكاني مادري منين امشي.. طلع من المطبخ وأردف وهوه ديمشي بناحيتي بهدوء ونضراته جانت بارده بشكلل وناويه على شر.. علي: لاعبالج تضحكين بهاذه البيت ترف: بأرتباك..  ليش مو من حقي.. ارجع ليوره وهوه يتقدم اكثر.. جانت نضراته المليانه غضب ابد مبعده عن عيوني.. ضل يتقدم واني ارجع.. لحدما انركعت بلباب بقوه.. سد المسافه الي بيناته كلها..  حط أيده عل الباب نزل راسه  قريب يم وجهي..ابتسم ابتسامه شريره وكال.. انصدمت من نفسي ليش مكدرت انطق بشي عبالك أنبلع لسالني.. ترف:  تخيلي أكتلج وأطيج للجلب مالتي اخليه ينهش بلحمج..  اي والله فكره حلوه! شدكولين؟؟ -انصدمت من كلامه ودموعي اجمعت بعيوني من الصدمه مدتنزل.. نضراته الي كلها حقد وشر ابد متوقعته منه.. نطقت بلكوه.. ترف: ش.. شنو.. ذنبي اني علي: ابنننننن عممممممجججج الس... كتل عباسسسس يا كح* بنت الكح*.... وألج هين تحجين هممممم! -كلامه صار سجينه بقلبي مادري شحجي شكول اريد ادافاع عن نفسي بس انربط لساني.. نزلت من الباب للكاع ودموعي تجري.. جمعت كلامي وأردفت واني أشهك ترف:  ع... عوفني كافي.. اني معليه.. علي: نزل بناحيتي.. طلع جكاره من جيبه شغلها.. وطفاه على ايدي.. صرخت  صرخه خلت صوتي يختفي.. اباع بعيونه والدموع تنزل بدون توقف.. وخر الجكاره وابتسامه الشر ممفاركه وجهه... علي: چا شعبالج اخذج اونسج مثلا.. من بعدها اختفه من البيت.. كمت من مكاني رحت لغرفه من الغرف جانت اكو أمرايه طويله.. تقربت يمه.. اباع لنفسي جني جثه هامده.. عيوني مورمه من البجي.. ايدي صايره زركه.. تعاجزت اضمدها عفتها هيج.. نزعت البدله وطلعت تراكسود جان بلجنطه طلعته ولبسته.. حته مسبحت.. صدك شعبالج يعني يونسج؟؟ اكيد لا انتي حالج حال الفصليه.. ذبيت نفسي بلكاع لميت رجلي لحضني وضليت ابجي.. لحدما شبعت وره ساعه تقريبا دك مبايلي.. فتحته شفت المتصل امي وجانت كامره.. كمت عدلت وضعيتي فتحت شعري حته لا ابينلها صاير شي عدلته وفتحت الكامره مبتسمه.. ... مـرآت حتى آلصـدگ مـآنگدر نگوله.. بس علمـتني آلبجي وصـآر آلدمـع سـوله.. مـن زغري آدور فرح مـثـل ألَيِّدور حرف بًأورأق مًشعوٌلَه!.. ساره: ها حبيبتي شلونج؟؟ ترف: بابتسامة   الحمدلله انتو شلونكم؟ ساره: والله بنتي بدونج البيت اضلم.. محد يضحكنه -كلعاده تغدر بيه الدمعه.. بلحضه صوتي انمله دموع داحوال ابينله ماكو شي بس.. ساره: ترف لتسوين نفسج فرحانه.. ادري تره.. احجي سوالج شي موو ترف: لا لا مصاير شي.. يله حبيبتي خلي اسد اريد انام تعبانه.. -سديته منه.. شفته ساعه ب8 بليل عزهه شبسرعه مشه الوقت.. كلت انام احسن فتغطيت ونمت.. . . كعدت على انفاس حاره على وجهي.. فتحت عيني بلكوه.. شفته هوه كمزت من مكاني.. علي: تعاي..ما اسويلج شي -جانت اكو علاكه على الميز جابها وأجه كعد جرني يمه.. اباع بعيونه مابيه أي نضرات شر.. عجيب.. طفه الجكاره بأيدي وهسه أجه ديعالجها؟ حط ايدي بحضنه وبده يعقم بدون لينطق بشي.. بعدته بهدوء داريد افهمه أنو اني ممحتاجه لأحد.. ترف: شكرا أني اعالجها ميحتاج -خزرني بقوه وجر ايدي رجع يعقمها.. ترف: شبيكك كلت أني اعالجها ميحتاج علي: ترف.. ترف: هاا علي: ليش جذبتي على أمج ترف: شنووو! ليش جنت هنا تتسنط عليه؟؟ علي: ميهم.. جاوبيني ليش جذبتي عليها ترف: مادري -تقرب اكثر.. حسيت ملامحه  لانت.. علي: اخخ ترف اخخ.. شلون بيه كلما اتذكر ابن عمج الحيوان احس اريد اموتج وانتي مالج ذنب.. ترف: عجزت افهم كلامه.. يعني اذا اني مالي ذنب مثل مايكول ليش هيج يسوي.. -كام.. وكبل ليطلع انطاني نضرة حنان حسيته.. ابتسمت بدون لا احس.. اشكيد حلو من يتحول لأنسان هادئ.. -علي جانت تخططاتي أنو انتقم واسحل حيدر سحل ومن خلال ترف لأن حيدر يحبها.. بس سويت خطأ جبيرر كلش..انا  اكدر اكتل حيدر او اقدم علي بلاغ ويروح سجن وحده وهناك اخليهم يعدمو..  كلشي اكدر بس اني اختاريت ترف.. واخذتها حجه حته اضل اشوفها كدامي.. رحت بيها.. شلون من خلالها انتقم واني بديت اوكع بغرامها.. شلون! حسين: شلونها ترف؟؟ خو مسويتلها شي علي: انچب انت شعليك حسين: علي عوف سوالفك عله صفحه تره ترف مالها ذنب.. لتطلع حركتك بيه.. علي: ادري ادري.. زين شلون هسه شسوي حسين: انت صوجك احد كلك تصير براسنه فاندام وتنتقم بدال ياسر.. خو هوه ياخذ حق صديقه بأيده انت شكو تتدخل علي: اهوو شلون سالفه هاي.. هسه انت شعليك انا ردت وثاني شي عباس صديقنه ولازم ناخذ حقه حسين: اي خويه اخذ حقه بس مو من خلال ترف روح قدم عليه شكوه خلي يطب سجن وعوف ترف علي: هوه هيج.. بس ترف تبقه عندي شنو الزواج لعبه ميصير حسين:اوووو لأول مره ابو شاهين يحجي شي بي خير علي:  يله عساس انت شلونك.. هوه انت ملطلط وادبسزز حسين: على راسي على راسي ياسر: االسلام عليكم درت وجهي صوته مار عليه حسين: هلااااااا باع من اجههه.. علي: هله بيك خويه  شلونك؟؟ وين هلغيبه شو مختفي.. ياسر: الحمدلله حبيبي..  اليوم جايكم بخبر علي: خير خويه كول؟ ياسر: باجر عقد القرآن مالتي انشاء الله حسين: صدددددككككك! مبروك مبروك شنو هلخبر الحلو شبسرعه لحكت تحب علي: بالله هاذه سؤال ياسر: ههههههه علي: مبروك حبيبي تستاهل كلخير ياسر: بأبتسامه   الله يبارك بيك حسين: شني السالفه بعد وكت شبيكم علي: هههههه -فاطمه مرت أشهر وماكو أخبار عن ترف كلش خفت زادت الخوفه اكثر من تم كلشي بدون زفه.. ليش علي استعجل؟؟ حته مخله واحد منه يروح يزورها لترف.. خفت عليها كلش كلت من يجي علي بليل احجي وياه بلكي يقبل اشوفها.. فاطمه: ها علي أجيت علي: لا بعدني بل طريق فاطمه: وووو شمالك علي: يعني هوه هاذه سؤال صدك تحجين فاطمه: هسه روح بدل ومن تخلص صيحني اريد احجي وياك علي: صايره جبيره عيني.. احجي هنا آنسه فاطمه فاطمه: شبيك علي كتلك من تخلص صيحني اريد احجي وياك بلغرفه صابرين: وهيه دسوي الأكل .. خير شصاير على شنو دتحجين فاطمه علي: شمدريني ام راس يابس تريد تحجي وياي على انفراد فاطمه:  بهمس..  اشش شبيك شهرتني شهر علي: يله تعاي حلاوه للزعاطيط فاطمه: انچب علي: چا امشي ولي فاطمه: ها.. لا لا سحبت كلامي -صعدنه بغرفته  وكمزت تربعت على السرير.. علي: غردي فاطمه: اشصار على ترف..ليش اجيت هنا وترف؟؟ علي:  هوه وديلبس التشيرت   مممم أسئله مليانه بترف فاطمه: ااي شنو من حقي صديقتي لح يصير شهرين مشايفتها.. وديني هسه يمها علي: باجر عود فاطمه: لا حباب هسه علي: خو باجر عقد قرآن مال ياسر هناك ألتقو فاطمه: صدكك شو مكلتنه .. چا وديني يمه خلي نطلع نجيب فساتين شي قابل نلبس جبه .. علي: وشبيها ألجبه فاطمه: لا والله انتحر بلعباس علي: يله هانم روحي بدلي فاطمه: كول وعلي!! علي: يابه وعلي.. بس فضينه -طفرت من السرير ممصدكه رحت للغرفه ابدل.. خلصت تعطرت وطلعت بسيارته وره شويه هوه اجه.. -ترف جنت كاعده اتصفح على المبايل فدد مللل..كلت اكوم اسبح شويه ارتاح طلعت تراكسود وطبيت سبحت طلعت.. سمعت صوت جرس.. ركضت علسريع للغرفه لبست التراكسود جان من فوك بي دلعه مفتوح.. ومن جوه البجامه شويه ضيكه ردت اغيره عيب.. بس ماكو وكت.. طفرت على الباب فتحته.. فرحت من شفتها فاطمه وجان علي واكف بصفحه وحاط ايديناته بجيبه.. كبل حضنتها وهيه هم حضنتني فرحانه.. فاطمه: ولجج مشتاقتلج يولي ترف: اني هممم فطومتي -طبينه كعدنه.. وعلي كعد كبالنه فد ضجت بلكوه احجي ويه فاطمه كلمه هسه لازم يدخل بسوالفنه.. شفته يباع عليه من فوك.. انعدمت الراحه مني كمت اصعد بلتشيرت بلكي يغطي شويه.. بس ماكو فايده كلشي مغطه مني.. فاطمه: ترف امشي بدلي لح نطلع نجيب فساتين باجر عقد قرآن مال ياسر!! ترف: صدكك.. لعد يله كمت للغرفه علمود ابدل.. تحمست لأن ويه فاطمه.. طلعنه نمشي وعلي ورانه فاطمه خلت علي يوكف بره واحنه طبينه للمحل نختار.. فاطمه: ترف ترف شوفي هاذه يجنن عليج اخذي واحد لبسي بلبيت -اباع للثوب قصير  يوصل لنص الرجل لونه اسود ومخصر   بي خرز فضيه تلمع على الخصر  ومن فوك بي فتحه من الصدر واسعه ومفتوح من ناحية الرجل هم وعلى الفتحه فرافيش سوده.. ماعرف شسمها🥲 ترف: لا عيني شنو هاي شبقه مني خو اتصلخ فاطمه: هسه دجربي لبسي.. متأكده علي لح يتخبل عليج ترف: شبيج فاطمه نصي صوتج وجهي صار طماطه هاي مجرد اسمع كلامها هيج لعد لو أطبقه اخذته ألي فاطمه بلكوه.. وبعدين اخذنه للعقد فاطمه اخذت فستان رصاصي.. على الخصر بي تول ومخصر كلعاده يجنن وبنهايه الأيد فرافيش رصاصيه..  واني اخذت واحد  لونه بيجي مستور ويجي بي حزام خفيف على الخصر فضي.. بعدين رحنه على قسم الاكسسوارات رهمنه ويه الفساتين وطلعنه.. صار يوم العقد.. واجتي فاطمه كالتلي انو لازم ناخد فساتينه وسوالفنه هناك ابيت العروس نبدل ترف: ليش عيني خو هنا بينه حيل فاطمه: ااشمدريني علي خبصني يكول احسن حته نلحك ترف: 😑 لبست أي شي وأخذت فستاني وذاك الثوب الي اختارته فاطمه كلت اجربه بعدين البس الفستان.. حطيته الأشياء الازمه بجنطتي وطلعنه.. وصلنه علي.. استقبلتنه ام العروس بوستنه وطبينه.. جانت الأغاني عاليه شفنها كاعده تخبل.. رحنا باركناله وطفرنه على غرفه من الغرف.. همزين فراغه حته نبدل براحتنه.. فاطمه: جبتي الثوب؟؟ ترف: اي لح اجربه فاطمه: اي متحمسه لح يطلع عليج نارر -فاطمه سوت شعرها ستريت.. واني سويته كيرلي صار يجنن بعدين تمكيجنه اني مطوخت كلش حطيت مسكاره وآيشادو وحمره ورديه طبعاً كلساع اخففها وفاطمه تطوخها فاطمه: يمعوده تره الولد كلهم بره هنا كلهم بنات ونسوان ترف: كولي والله فاطمه: والعباس -خلصنه اباع لفاطمه مكياجه يجنن .. ترف: تخبلين فاطمه: وانتي تشكين -طلعت الثوب حته أجربه.. فاطمه: مشاءالله ماشاء الله .. اللهم لاحسد ترف: شبيج قابل شنو هوه ثوب😂 فاطمه: اتكطعين ترف.. تعاي طلعي خلي يشوفوج.. ترف: للا يمعوده استحي فاطمه: دنجبي ولد وماكو على شنو تستحين.. ها شوفي حته اغنيتج ال تحبيها طلعوها بعد شتردين امشي خلي نطلع نركص ترف: لبسي فستانج بسرعه.. بعد ماتحمل فاطمه: ههههه -طلعنه والبنات كامو يتغزلون بينه.. بدت فاطمه تغني ويه الأغنيه منسجمه.. فاطمه: لا عيني ولا عيني لآ عيني بغيآبهہ‏‏ شـآفت آلنوم.. ولآ گلبي بجفآه شـيحمل همـوم.. يـلومـوني بعشـرتهہ‏‏ وآحمـل أهموم.. ولوم آلنآس بيه  سهام چتآله.. شـيصـبر ألعآشـگ يا  خآله! وشـيصـبر آلعآشـگ يا خآله!! -من صلت الأغنيه لهاذه المقطع.. كمت اغني وياها واهز.. صرت بالنص  والبنات يصفكولي.. وفاطمه وياهم.. ترف: يـا خآله.. مـحبته تعذب ألحيـل.. وآنا بحبه أصـيـح آلويـل يا ويل.. آحير آنه بدمـعتي من يجي أليل.. ودمـوع آلويل عل وجنآت بماله.. ترف: وشيصبر العاشك يا خاله.. وشيصبر العاشك يا خاله.. -اتمايل ويه اغنيه واهز.. ومادري بعلي موجود عزهه هاذا شيسوي هنا.. هنوب جماعته وياه.. صخاممم! اباع لوجهه من بعيد نارر من العصبيه.. كام من مكانه وكف وهوه يتحلفلي بنضراته.. اباوع للنسوان كبل  شهكن لبسن شالتهن بسرعه فاطمه: عليييي هناااا! ترف: بهمس  اششش ولج صوت -شفته فات بنصهم.. همه انصدمو اشجابهم ذولي مو جانو بلصاله.. وصل يمي همس بأذني.. انفاسه الحاره مخبوطه وياها العصبيه.. علي: تعاي -جر معصم ايدي  ومشه بيه للغرفه الورانه.. ترف: اويي ايدي علي دتوجعني أتركني! -سد باب الغرفه وبده يتقرب عليه وأني ارجع ليوره.. اشكيد اكره هاي الحركه.. مفهمته جان عصبي وبنفس الوقت شي ثاني.. يتقرب وارجع ليوره لحدما انركعت بلحايط صار عليه جر خصري لجسمه بقوه.. وهوه صاك على اسنانه  بحده أردف.. علي: شنووو هلبس!! ترف: شبي علي: لتسوين نفسج غبيه.. وهنوب تركصين وجماعتي تشوفج! ترف: وشمسويه جريمه -ضغط على خصري بقوه روحي شاغت..تقرب على ركبتي.. وطبع بوسه خفيفه.. خلتني صامده بمكاني لا نفس ولا حركه.. نطقت بتلعثم.. ترف: ل.. ليش هيج.. س.. س.. سويت.. علي: همس بصوت ذايب  ...  شسويتي بيه يولي ترف: شسويت علي :هسس قربني عليه أكثر وضل يطبع بوسات قريبه يم شفتي واني ذايبه بأيده  لحدما حسيت على روحي ترف: دفعته وكلت... وخر شبيكك متستحيييي! علي:  تره زوجج ترف: شبيكك علي: مشعول أبو ابويه -ااباع لوجهه عبالك رايح لغير عالم.. علي: بعد لتلبسين هيج وتشعليني ترف: وخرت من يمه.. وأردفت بصوت ناصي ترف: اصلن لح البس الفستان الأساسي خزرني وطلع يا هاي شبي شو أنكلب خلص العقد ورجعنه... -آحبّـــيــنـي فــأعــطيــکْ أضًـعاف عـــــشـــق ما لَديکْ! فـــأن شـئتيَ أم آبيَتيَ.. فــــــقــلَبي لَم يــهو تحت قـــدمِــــــــيكَ.. وُلَاكَنـــــــٌه خـــآضــع في رآحت كَفـــيـــکْ.. سِتٌضلَ قصّآئد شعريَ قبلآتٌ علَى خِديَك~ ... نهايه البارت..