البارت 3
نستفتح البارت بتعريف عن عائله غدير...
-عائلتها متكونه من 3اشخاص هيه وامها وابوها..
امها اسمها خديجه طويله طوله 170سم وشعرها اسود وقصير وعيونها هم وسمره وعمرها يجي ب ثلاثينات..
والأب اسمه غيث همين اسمر وشعره اسود وعيونه عسليات وعمره يجي بلأربعينات..
لطيف ودود عكس بنته الي هيه غدير عمرها 17سنه طالبه مدرسه خامس علمي تاركه سنه شعرها متوسط ولونه اسود وعيونها عسليات وسمره كلش هيه حلوه بس قلبها ابد مو حلو🙂....
------------------------------------------------
-ترف
غدير: بمياعه: ترف وين جنتي امج تصيحج...
ترف: اي جايه
طبعا ردت اركعه مكملت كلامي واني اضوج من واحد يقاطعني فددد اتنرفزز
فتت من يمها دفعتني بچتفها يا شبيها هاي .. ركضت يمه مادري شتحجي وياه..
-غدير
طبعاً انخطبنه اني وعلي واخيرا اشكيد حلو لح اتزوج واحد هم غني وهم يخبل..
المهم رحت على فاطمه اسئلها على علي جاوبتني من وره خشمهة اشكيد ايع اشو ابد مو مثل اخوها هاذا وين هاي وين المهم كلتلي طلع للحديقه..
رحت للحديقه علمود اشوفه شفت هاي الي اسمها ترف تصير صديقه فاطمه اشكيد مكروه واكفه يم حبيبي
جذبت علمود تروح اريد احجي وياه واتعرف عليه زين فكتله امج تصيحج...
-علي
غدير: هلو علي شلونك
-بببرود: الحمدلله
غدير: عادي اتعرف عليك بما انو لح تصير خطيبي وهاي
- بعصبيه: باعي تره اني ماريدج خليها بعقلج هاي اصلن مجبور يعني لتصدكين نفسج هواي افتهمتي لو لا تره البيه مكفيني خليني محترمج لتخليني اطلع من طوري هسه
غدير: يا هاي شبيك اهدئ حبيبي
-انتي بي شي عقلج داااااكلججج اني ماريدججج شنووو حبيبيييي فتتحيييي لعقلجججج
عصبتني كلش صيحت بعد متحملت كامت تبجي دموع تماسيح رحت وعفتها... كول همزين ممديت ايدي عليها جان شوهتها
---------------------------------
-ترف
-ررحت على امي اسئلها ليش صحتيني اشو دكلي مصحتج ايا جذابه يا غدير...
فاطمه: هاا ترف وين جنتي
ترف: جنت بلحديقه اشدتسوين
شفتها كاعده تاكل من الصحن الي على الطاوله بي نساتل
فاطمه: بحلكه الأكل:شفتي هاي نعيل تاكل نقطه نقطه من النستله عود هيه اتكيت شوفي شوفي
ضحكت خرب عرضج اشكيد تضحك من تمثلها
فاطمه: شوفي ترف اشو دتبجي
شفت غدير ركضت فوك لغرفتها دتبجي
ترف: جانت يم علي
فاطمه: صدككك هاي چا اكلت رزاله منه حيللل تستاهل
ترف: لا ولج خطيه غير يصير خطيبها ولح يصير زوجها اصلن يعني من حقه تحجي وياه وبعدين ليش هوه هلكد بارد وياها اني لاحضت من جنت بلحديقه
فاطمه: بباعي بعدين تندمين لأن دافعتيلها تره هاي ادبسزز وحقيره كلشي تسوي
ترف: انتي ليش تشيلين غيبتها وتحجين عليها وثاني شي احنه ميصير نحكم على الناس من مضهرهم يعني انتي شفتيها هيج يجوز هيه هيج طبيعته وبعدين تعاي انتي اشمدريج هيه ادبسزز وحقيره ميصير فاطمه عيب وهم حرام دتشيلين غيبتها
فاطمه: باعي اني اتفق بهاي مال اشيل غيبتها صح ميصير احجي عليه مهما كان هيه مسلمه وتصير غيبه.. بس هاي مال مو ادبسزز وحقيره غير شي
ترف: ولج انتي عقلج بي شي هوه نفس الشي هسه هاي من دتكوليه عليها معانا دتشيلين غيبتها ثوله لازم ترحيلها وتكوليلها ابريلي الذمه
فاطمه: هههه وتتوقعين هاي تبريلي 🙂
ترف: مادري والله
اجت ام فاطمه وامي حته نطلع ودعنه بعض وطلعنه أبويه رجعنه..
رجعت للبيت كبل طبيت للحمام(تكرمون) اسبح فتحت الدوش على ماي دافي فد رتاحيت لأن الجو جان بارد
طلعت لبست تراكسود ابيض عليه بزونه سوده نشفت شعري وسويته ضفيره ونمت...
------------------------------------------------
-غدير
رزلني علي بوكته ردت الكاع من صدك تنشك وتبلعني تفشلت فشله عفته وصعدت الغرفتي لمحت هذني الحقيرات ترف واكفه شعره فالته طويل واصل لجوه خصرها وبياضه ساطعع شيفيد من جوه جوه ..
----------------—------------------------------
الصباح~
-ترف
كعدتني امي بلساعه 6حته ابدل صخامم امتحان مقريتهه يا مصخمه يترف كله من فاطمه هسه وين انطي وجهي
سما: يا الله صباحح الخيرر.. وضحكت
ترف: صباح القنادر الي على راسج هوه الي يشوفج يشوف خير عود جايه تضوجيني وعود شوفوني ما عندي دوام خلصت
امشي من يمي سما لا اركعج تره مطايقه حته روحي
سما: اوي هاي شبيج منفسه وجهج مينطاق
ترف: مامااا
سما: رحت رحت ووالله
-طبيت غسلت وجهي عسريع وبدلت عسريع لأن تأخرت كلش
ساره: يله ولج بسرعه تأخرتي تعاي تريكي عسريع
ترف: للا ماما ماشتهي
ساره: هاي فوك الي يحترمج سويتلج بيضتين سلك امداج
ترف: هاي البيضتين تلوك لهلحلك حبيبتي شبعي بيهن وضحكت
ساره: هههه ديله روحي تأخرتي
طلعت أشههه باردهه ثلجج اهوو اشلح اسوي كلشي مقاريه لح ارسب
وصلت اتلكتني فاطمه
فاطمه: ها ولج اشلون الفيزيه وياج
ترف: اسكتي فاطمه اسكتي لح اكل نعل من وراج
فاطمه: اف اف شبيج مقاريه؟
ترف: لاء وفوكاها الج عين تحجين خليتيني اجي البارحه لخطوبه وعفت الأمتحان اصلن نسيته راح من بالي
فاطمه: شعليه انا عوه اصلن صارت عزيمه يعني خصبا ما على راسج ورجلج تجين
ترف: دنجبي هسه شسوي
فاطمه: باعي انتي معليج عليه
ترف: شنو قصدج
فاطمه: 😉
ترف: هها يعني اعتمد عليج
فاطمه: اي يابه اني قاريه حته الجلاد قريته
ترف: هاهيه لعد اعتمد عليج
طبينه للصف واجت المدرسه وزعت الأوراق
فاطمه: عزه هاي شنو الأسئله هاي صدك جايه من المريخ
ترف: يمعوده كولي يا الله تره معتمده عليج هاي اول مره مااجاوب بلشهريات
فاطمه: اشمدريني خيه اشو طارن المعلومات من عقلي
يبوو ضربتني بوري هسه وين انطي وجهي
المدرسه: يله بده الأمتحان كلمن وعينه بورقته
فاطمه: السؤال الأول السؤال الأول
هاي شبيها كتلها تغششني اشو هيه تريد اغششها اخخ منج فاطمه دصبريلي دخلي اطلع
فاطمه: بهمس: يمعوده السؤال الأول الأول
ترف: دنجبي لج شني اضكين عليه اصبريلي حسابج بعدين
فاطمه: ايي انتي مو تكولين مقاريه اشو دتكتبين ترستي الورقه ترس
ترف: دسكتي خيه كاعده اكتب من عقلي
فاطمه: 😂
ترف: اشش اجتت اجتت
المدرسه: ضحكونه وياكم
فاطمه: س ست هه هاي ترف دتضحك وتضحكني انا معليه
ترف: ايا نعل اني شعليه ست والله اني مخبوصه بلأمتحان
فاطمه: اي مبين مخبوصه هواايييي
المدرسه: كااافيي اسكتننن اشكيد لغيتن عينچن بورقتچن يلللهه
-طلعنه من الأمتحان ولزمت فاطمه ارزل بيهة من صدك ضربتني بوري
ترف: اني بعد اثق بيج من صدك اطيتيني درس
فاطمه: هسه دعوفج مني شتكولين نروح للمحل نجيب هلكد حلويات ونتونس
-بباع هاي وين احجي وهاي وين تحجي بس هم صدك
فاطمه: دمشي يا امتحان يا بطيخ اهمشي بطنه
ترف: تريدين الصراحه كلامج كله صح من صدق صدقتي يله امشينه
طلعنه للمحل وترسنه العلاكه حلويات ورجعنه وكعدنه نعلف.. صح طلعت ممجاوبه بس والله بس تفتح هاي الأنسانه سوالفه انسه كلشي..
خلص الدوام ورجعنه
------------------------------------------------
-علي
وره مشفت هاي غدير من صدك سدت نفسيتي كلشي مأكلت تصرفاته ابد معجبتني لو بيدي الغي كل هاذه الديصير بثواني
طبيت لغرفتي فتحت مبايلي دكيت على صديقي الي منصدك اكدر اسميه حزام الضهر....
نرجع شويه للماضي..
بعمر ال 14عاما
-اكلج يمه حبابه خليني اروح بيت حسين مشتاقله اريد اشوفه صالي هواي مشايفه واريد هم اكعد اقنع ابو انو يبات يمي يومين اريده يرتاح من هاذه العذاب
ميصير هيج حابسه اني ماتحمل عليه هاذه مثابه اخويه
- ابني بس ابوهم يخوف خاف اذا رحت تحجي وياه على ابنه يزيد عليه بلضرب خطيه
- لا يمه حبابه
- ماشي روح بس دير بالك على نفسك
علي: بفرح... ها يعني قبلتي تعاي ابوس راسج يمه حبيبتي
صابرين: هههه يله روح خطيه خاف منتضرك...
.. حًسِيَنِ.. يمتلك ابو لا يعرف معنى الحنان لاكن امه حنونه ذات قلب طيب على ابنها..
هوه لا يمتلك سواها انها الشخص الوحيد الذي تفهمه وتدافع عنه وتقف بجانبه...
أبو حسين انه شخص جداً قاسي لا يعرف معنى الرحمه أبداً سيقول بعضا منكم انه يشبه ابو علي نعم انه يشبه.. ابو حسين شخص لا يعرف الرحمه اما ابو علي شخص شرير وايضا لا يعرف الرحمه...
حسين لا يملك اخوه ولا اخوات لاكن في يوم من الأيام عندما كان يذهب للمدرسه التقى بشخص غير حياته نعم انه علي الذي اصبح اخ صادق اخ حنون اخ حقيقي لحسين
منذ ذالك القاء اصبح حسين وعلي لم يتفرقى أبداً لاكن.. كان ابو حسين لهو رأي آخر منع حسين من الدراسه وحبسه في غرفته وبدأ في ضربه وتعذبيه
وعلي غير قادر على فعل شئ وللأسف.... والدته توفت من قبل التعنيف الذي تعرضته من الأب ولم يتبقى لحسين سوى علي..
ابو حسين كان يفعل كل هاذا بسبب تأثير الشرب وتعاطي المخ*د*رات يقول حسين كان يأتي ابي ومعه فتيات تحضرنه للمنزل للأسف ابي دائما يخون امي ولم يوفي بوعده لأمي...
علي
-دكيت الباب بقوه وناسي شي اسمه خوف... انفتح الباب
ابو حسين: علي؟ اانت اشجابك هنا
علي: اجيت اشوف اخويه.. طبعا مااوصف الريحه جانت كله ريحه شرب ولعبان نفس
ابو حسين: اشدتحجي انت تعرف انو حسين بعد ميطلع منى لهنا ومستحيل يشوف احد هاذا عقابه
علي: عقابه؟؟ هوه شسوه اصلن انت صدك شخص مختل عقليا
-دفعته بقوه ودخلت ركضت على المفتاح جان على الميز اخذته ورحت افتح باب حسين
حسين: انت عليي؟
علي: اي
-طبيت ركض عليه عبالك سنه ممتشاوفين تحاضنه بكل قوه
حسين: تتعال خويه اكعد يمي مشتاقلك اشلون طبيت ابويه خلاك تطب؟
علي: طبيت وغصبا ما على راسه شعليه هوه
-باوعت على ايده كلها مشوهه شفته خجل كبل ضم ايده وره ضهره
علي: حسين انا اخوك لا تخجل مني كلي احجيلي كلشي.. سكت شويه وبعدين كال: لا تضن اضل ساكت وحاط رجل فوك رجل واخويه ديتعذب وحق هوه علي بن ابي طالب انتقملك وانتقم لشكو واحد تعذب من وره ابوك الضالم وانا كد كلمتي...
.
.
.
فعلاً علي جان كد كلمته وانتقم من هاذه الأب الضالم الي اصلن ميتسمه اب والي راد يذبح ابنه بأيده القذره
اي راد يذبح حسين من جان نايم حته يبيع اعضائه ويشتري مشروب الي ادمنه بس الله مراده حسين يموت وكعده ودافع عن نفسه المهم..
بيوم من الأيام علي قدم شكوه على ابو حسين ومحد ميدري سوه هلشي بلخفاء اتصل على الخط الساخن الي اسمهم القوات الأمنيه هذوله اشخاص محد يعرف بيهم يعني كلشي سواه عليه اهله مح يعرفون بي..
واعتقلو بدون لحد يعرف وحطو بلسجن وعذبو.. حته يوعى على نفسه.. ومن ذاك اليوم حب حسين زاد اكثر لعلي وصداقتهم صارت اقوه وميفرقهم اله الموت وهاي حجايه علي..
-----------------------------------------------
نِرجّعٌ آلَوٌآقُعٌ ~
قبل لترجع خلي نتعرف على حسين
حسين اسمر البشره طويل القامه عيونه سوده شعره اسود مرفوع وسيم عمره 19سنه
مرح وعفوي واحله شي ياكل هواي بس ميسمن😂جسمه صح ضعيف بس معضل وملتزم كلش من اصل سني
يكول جانت امه شيعيه وهوه اعزب ورافض فكره الزواج من راسه ويشتغل ويه علي موضف بشركه ابو
حسين: ها خويه على خير
علي: شسالفه يا على خير هاي حته انت عقلك مجيم ابنيي اكلك ماريد اتزوج اني رافض فكره النعال بس غير هاذه كاضم!
حسين: والله حاس بيك الله يساعدك ببكاء متصنع
علي: ولا تصيرلك چاره دامشي منا
حسين:اوكف اوكف شني نسيت
علي:لا خويه منسيت ادري باجر محرم
حسين:لا مو على هاي حباب خلي نسوي باجر موكب ولم
الناس وقرالك فد قصيده شدكول
علي:لا حسين صوتي ميسمح
حسين:هاي صدك تحجي غير يخبل يله يله حباب اقبل تره اني ما الطم أله على صوتك
علي:انت شوكت تبطل جذب
حسين:علي اشوكت تقبل رحمه الدينك چا مو ذيج السنه قريت
علي:تمام
حسين:كول والله
علي:يابه بلعباس قبلت بس اعتقني
حسين:هله هلهه علي لح يقرانه باجر
علي:اني اول مره اشوف هيج سني
حسين:اي لعد شني حالي من حالكم
علي: الله يهديك خويه للطريق الصح وتصير من شيعه علي
حسين:نشاءالله...
-ترف
رجعت للبيت سمعت امي كالكه قرايه باسم الكربلائي... الله
ترف: ماما ليش كالكه قرايه؟
ساره: وأذا كالكه قرايه قابل شنو
ترف: لا بس داكول اشعجب يعني
ساره: لجج شنو اشعجب اني مو كل محرم اكلك هاي شبيج
سما: يمه باجر محرم مو اليوم
ساره: ااي عادي
ترف: اشو محد مكلي يعني باجر محرمم؟؟
سما بحماس: اايي ولجج وهم بابا كال كعب باجر لح ياخذنه للزياره نزور
ترف: كولي والله
كمزت على سما اجرجر بيه وابوس بماما ممصدكه واخيرا صالنه هواي مزايرين وصادفت بمحرم اشكيد حلو
ترف: وينه وينه بابا
ساره: براسي
ترف: لا ماما جاي حجي صدك اريد ابوس راسه فديته
-كمنه انكمز من الفرح اني وسما مثل المخبلات
ساره: يا يا شوف ذني ولكم كعدن لح يلتمون علينه الجوارين..
___________________________________
في الصباح 1 محرم🖤..
علي
-كعدت الصبح طبيت سبحت وطلعت لبست تراكسود اسود خالي من الرسومات ونزلت جوه شفت امي كاعده تحضر ريوك
علي: صباح الخير حبيبتي
-ببستها براسه
صابرين: صباح الخير حبيبي تعال تريك
علي: لا يمه انت تريكي انا شبعان رايح اني وحسين والولد علمود نبدي نطبخ
صابرين: الحسين يحفضك حبيبي روح الله وياك
-ودعتها وطلعت وصلت للموكب الولد جانو محضرين التحضيرات مال الطبخ استقبلني حسين
علي: السلام عليكم
الولد:وعليكم السلام
علي: هاي شنو طلعتو ناصبين الموكب بدوني مع الأسف خصوصا انت حسين
حسين: شسويلك خويه غير انت فاهي
ياسر: اي والله
عباس: صدك يحجي
علي: ييله عساس انتو شلونكم يله حسين نبدي بلقيمه اول
عباس: شنو بكيفك انت خنبدي بلفاصوليه اول
ياسر: لا عيني ميصير لازم بلقيمه اول
حسين: لا والله عوفو الطبخ بعدين تعال علي شنو عبالك نسيت يله اقرانه قصيده بصوتك
ياسر: الله صدك تحجون علي لح يقره قصيده
علي: بعد بعد صيح ختسمع الأمه كله
ياسر: من عيوني هسه اصيح
عباس: شباب شباب هاي سجلوله حسين اول مره بلتاريخ يختار القصيده اول ومو القيمه
حسين: اني دائما هيج ليش تجذب ابن القندر...
ياسر: هاااااا هاا يمعود
حسين :شكو قابل اشكلت اني
عباس:لاسلامتك اصلن هاذه دليل على أنو انت فدددد محترمم
ياسر بمهس: شباب اسكتو علي كام دجيب هاذا الأسمه مانك ماعرف شسمه حته يقره
حسين: اسمه مايك يا اثول
-اجه علي وجانو الولد كلهم ملتمين والناس يعرفونه لح يقره
-بده يقره قصديته المفضله والي يحبه حسين هم... بده يقره بصوت متروس حزن..
_زينب لفت يم حسين..
بچن كابعه بالهم
تكله ياضوه عيوني..
عليمن هلفزع ملتم
تعنت ليه للخيمه وتفسر الصخر ونتها..
طبت كعدت اكباله وعالخد تهل دمعتها
تكله اعليك ضلع أمك المضلومه ومصيبتها..
ًسًـــــوُلَفــلَي يــــمِـــآي آلَعــيـــن...
لا تخفي عليه حسين
عليمن هلفزع صوبين..
واشوف ابكثر عج الخيل.. وادي كربله غيم..
آوُيـــلَي مِــن ًسًــمِــعــهِ حًًسًـيـن.. ًسًــــآلَت دمِـعه عــيــوُنـــهِ..
يــــكَلَهِآ خــــآف أًسًـــوُلَفـــلَجَ..
وجهج ينخطف لونه..
ابچتلى وچتل أهل بيتي
يختي القوم يردونه.. ولابد ما تشوفينه
فوگ الثره مكطعينه
يزينب لا تنوحينه.. عينج عل اليتامه النار لو شبت بلمخيم..
تگله الكاتبك يحسين..
من هالناس چا وينه؟
يكلها يـــمِــــآي آلَعــيـــن
كلها انكلبت علينه..
تكله حمل اضعونك..
وسدر للوطن بينه..
يكلها ما يخلوني.. أسدر بضعوني
نيتهم يچتلوني..ولابد ماتشوفيني
وشيبي يكطر من الدم
والأكبر على الأرض مطروح يختي اعيونج اتشوفه
وجاسم على ثرى مرمي ابدال العرس ووالحوفه
واخوج أعلى النهر نايم ويمه امكطعه چفوفه
ويمه رايته وجوده وعيونه بسهم ممروده... وبطل حيلي على زنوده..
-كمنه نلطم ونبجي وحسين يلطم ويبجي بكل حزن
وكف لنص القصيده وكعد يبجي وكلنه بجينه وراه..
هاي قصيده علي الي يحبه من هوه ومراهق كلما يسمعه يبجي وهسه صار يقرانياها كل بدايه محرم..
القصيده للحاج باسم الكربلائي علي كلش متعلق بقصايده ويحبهن واكثر وحده (زينب لفت يم حسين)...
______________________________________________________________________
ترف
-رحت لغرفتي اخابر فاطمه بلكت امه تقبل نروح سوه
ترف: هها فاطمه شلونج اكلج لح نروح للكاضم كعب باجر تجين حبابه
فاطمه: صدكك هسه اكل لأمي علمود كلنه نروح سوه
ترف: اي والله خوش فكره الله
-طبعا كالت لأمه وقبلت لح تجي هيه وامه بس لأن اخوه عده شغل وهمين مواكب ديسوي...
بّـــــــعــــــــد مِــــــــرور يـــــــّوُمِــــيــن✨
سما: ترف ترف كومي يله خنصلي الفجر حته نروح
ترف: اي هسه.كمت فرشيلي مصلايتي
-كمت وكلش متحمسه واخيرا لح ازور طبيت للحمام(تكرمون) غسلت وفرشت وتوضيت
صلينه اني وامي وسما الفجر وابويه راح للجامع يصلي
خلصنه وسبحنه تسبيحه الزهراء(ع) وقرينه زياره عاشوراء وكمنه حته نبدل
طلعت جبه سوده ولبست ولفيت شال اسود وكلشي محطيت بس رطبت وجهي ومرطب شفه وحضرنه اني وامي عبايات وحطيناهن بلعلاكه دعايه واختي حطت مصلايه وطلعنه بسياره ابويه..
سما: بابا اعلك قرايه
ترف: اي والله اكلك هاي مال بس افارك عينك
ساره: ولكم عوفو ابوكم منايم
مهدي: لا يابه عادي.. يله لح اعلكه
-كعدت يم الجام وفتحته جنت دنيه فجر والجو يخبل.. من القرايه وصلت للبارت الأحبه بچيت..
بّــــًس أفآركَ عــــيـــنـــــك تبدي ضـــــلمِــــــــهِ عــــيـــنــــي
والهضم يسبيني والبعد يكسرني
ارحم عيون اختك....
-وصلنه للكاضم عليه السلام وشفنه ام فاطمه وياه فاطمه رحت عليه وتحاضنه وامي وامه سلمو على بعض وابويه بعد راح يزور من جه الرجال واحنه رحنه من جهة النساء..
تترف: اافيشش الريحه مال حضره صالي اشكيد مزايره
فاطمه: ييله تعاي نتوضئ ونصلي
-رحنه توضينه اربعتنه وصلينه وبعدين كعدنه نقره قرأن وراه قرينه زياره الأمام الكاضم(ع) وزياره عاشوراء وضلينه نقره لحد ما غفينه..
صابرين: فاطمه ترف يله بنياتي كومن خلنروح صالنه فوك ال3ساعات
فاطمه: يمه والله بعد وكت بعد شويه حبابين
ترف: ااي والله
ساره: متردن تروحن للمطعم مو جعانات
سمعنه بيه مطعم كمنه بسرعه
ترف: يله امشينه
فاطمه: اي يله
صابرين:هههه
-تمشينه للمطعم كعدنه اكلنه وره مخلصنه رحنه افترينه السوك وبعدين رجعنه للسياره حته نرجع
فاطمه: يله تروفتي بيباي
ترف: بيباي يمخصخمه
فاطمه: ههاي فوكاه چا اكلج نعالتي مو تروفتي
ترف: نچبي لج انتي نعال
وصلنه للبيت واخيرا زرت وارتاحيت طبعا تغدينه تمن وقيمه ام فاطمه دزتنه علي مسويهن
سما: ااممم تخبل
ساره: ااي والله عاشت ايده الي طبخه
طبعا اكلت 3مواعين كاملات وبعدني 😂🙂
ترف: سما سما صبيلي من يمج
سما: شنو ماعدج ايد انتي صبي
ترف: ههلو اشو اله انتي اصبيلي
سما: مما معليه
ترف: شوف بابا اني مو اخته الجبيره المفروض تصبلي
مهدي: اي بابا بس اعتمدي على نفسج احسن شوفي شلون كلتلج ماعدج ايد
ترف: هاي حته انته زين ماما موالفروض تصبلي اخته الجبيره اني
ساره: مو للح اكوم اركعج
-هوه هاذه هم حضي
كمت متفشله اني اصب🥲
___________________________
علي
-طبعا اني مرحت وياهم لأن عدي شغل واتكوم عليه
فرحت للشركه شفت حسين
حسين: هها ضلعي شلونك
علي: ببرود... شتريد
حسين: هاي شبيك واحد ميكلك ضلعي
علي: للا خويه متمشي عليه هلسوالف كلي شتريد
حسين: ليش وره منخلص شغل نروح نكعدنه بمطعم شدكول
علي: دولي عن خلقتي ابو بطن
حسين: ااهو هم لح اكعد اتوسل بيك شبيك متكلي شو عاين عليه
علي: شوف حسين اذا متروح عن خلقتي هاي القندره اجيبه واحطه بحل...
حسين: رحت رحت شمالك متتحمل شقه
طبيت لمكتبتي اشكيد عليه شغل اتكومن كعدت اسويهن بلسره جان اسمع صوت الباب.. تفضل
كاضم: السلام عليكم
علي: بببرود.. وعليكم السلام
-كعد على مكتب وابتسم أبتسامه لعوبه..
باوعتله بحقد وأردفت..
علي: بببرود.. شتريد
كاضم: ماريد شي رايد سلامتك بس
علي: لارد
كاضم: باجر نروح نعقد
علي:كمت بعصبيه.. ههاييي صصدككككك تحجيييييي بيييككك شيييييي اانتتتتت بببعدنه بمحرممممم وترييييدد نعععقددد!
كاضم: اهدئ اهدئ حبيبي تره اني موهلدرجه.. انروح نعقد بكل هدود لا طربكه ولاشي
علي: ببرود.. هسه انت كملت كلامك يله تفضل بره
كاضم: مو هسه علي مو هسه اخليك تتندم
علي: لا رد.. واصلت اسوي بلأوراق
___________________________________
ترف
وره متغديت رحت نمت كبل لأن كلش نعسانه..
طبعاً احنه حاليا عطله بعد مخلصنه امتحانات وبقت النتائج لو ناجحين لو للنجف كبل.. كبل لا انام دخلت سما
سما: وولج كومي نزلو نتائجكم
ترف: يا عزه بعيني السوده شبسرعه نزلوه
سما: لعد شتردين من تقوم القيامه ينزلوه
ترف: انجبي لج هنوب عليه الزعاطيط
ساره: وولج تررففف يمصخمه تعاييي دنشوف صخمان الوجه مالتج
-ركضت عسريع والخوف مسيطر عليه يارب ناجحه وتعبي مضايع
سما: وانتي ليش هلكد خايفه خاف راسبه
ساره: اشش لتحجين هيج انشاء الله ناجحه
ترف: سما مو جوعانه انتي؟
سما: ااي والله ميته جوع
ترف: ززين ذاك النعال اخذيي وحطي بحلكج هسه تشبعين
ساره: اسكتن اشكيد لغيتن... اي يا الله تعاي ترف دوري اسمج
اكلب بلأسماء وجسمي يرجف.. شويه طب ابويه للبيت شافنه عرف داشوف النتيجه راح جاب تربه وحطه بلكاع وكعد يدعي..
اشوف امي هم محضره الجكليت ورافعه ايده وتدعي.. يارب يكون ناجحه ومااخيب ضنهم
ترف: عربي 73.. رياضيات 53.. اسلاميه 80.. انكليزي100.....ولكمممم ناجحهههههه!!
-كامت امي حضنتني وابويه سجد سجده الشكر.. ضحكتني سما بس تكمز وتصيح كمت ابجيي واضحك بنفس الوقت ماكدر اوصف الفرحه الي اني بيه واخيرا صرت سادس.. رحت على امي وابويه ابوس راسهم لأن كل هاذا بفضلهم..
___________________________________
-فاطمه
-واخيرا نجحت صح درجاتي كلها خمسينات بس المهم طلعت من الخامس
علي وداني فرني وكعدني بمطعم كلش تونست وره مرجعت خابرت ترف
فاطمه: ولج ترف نجحنه واخيرا
ترف: اي الحمدلله.. ياي هسه احنه سادس صرنه مكاعد اصدك
فاطمه: عزه اشلح يصير بينه احنه الخامس اسوه بينه هنوب سادس
ترف: لا لتكولين هيج يجوز يطلع سهل
فاطمه: سادسس وسهل مين جبتي هلكلاوات
ترف: اي والله هاي شبيها
فاطمه: عود اذكرج من تفتحين الرياضيات مال سادس
ترف: الله كريم
فاطمه: مبقه شي لللعاشر
ترف: يي صح.. تدرين بهاذه اليوم اشكيد اصرف دموع
فاطمه: ليش؟
ترف: شنو ليش هوه غير اليوم الي ينقتل بي الأمام الحسين (ع)
حجت بحزن:
فاطمه: اي صح ومو بس الأمام الحسين...
___________________________________
-غدير
-واخيرا لح نعقد اني وعلي كال ابويه انو لح يصير بهدوء لأن محرم وميصير نحط اغاني... اجه اليوم امي بدت تجهزني واني شويه واطير من الفرح...
غدير المسكينه التي اخذت جميع ايامها تصنع احلام ورديه معه ولم تكن تعلم انها سوف تنكسر وجميع احلامها هاذه سوف تتحطم تدريجياً...
-اجه علي ويه العشيره وابوه طبوو وابويه رحب بيهم....
الشيخ: بنتي اذا قبلتي قولي نعم وأنت وكيلي
-نعم وأنت وكيلي
خديجه: مبروك بنتي الحلوه
غيث: حبيبه بابا كبرتي ولح تزوجين متتخيلين اشكيد فرحان
-ببسته.. اجه ابالي دراستي
غدير: بابا دراستي اكمله مو
غيث: طبعاً چا شلون
-االصراحه ضجت ردت ابطل بس مبين ابويه مصر ومستحيل يبطل..
-خلصنه وطبيت للغرفه اكمز طايره من الفرح مكاعد اصدك وره محرم نسوي زفه..
___________________________________
-علي
خلصت الأوراق جانو هواي
رجعت على الكرسي متنهد..
شويه وطب عليه حسين..
حسين: واخيرا
علي: شكو
حسين: شنو منروح للمطعم
علي: حسين اطلع من دماغي احسلك تعبان ومالي خلك
حسين: لا عليك العباس خلي نروح بلحسين ميت جوع
علي: اني لحد الأن ممصدك انو انت سني
حسين: انت شنو تريد تغير الحجي
علي: اامشي كدامي
حسين: كول وعلي
علي: يابه وعلي بس امشي لا تموت اذا متاكل بعدين وين ابتلي بيك بهليالي
حسين: انچب
علي: صوچي مو صوچت عود انا كلت خطيه خل اودي ياكل بلمطعم
حسين: لا يمعود أستر عليه شمالك
علي: شبيك حسين شستر..
امشي كدامي يله
-ررحنه كعدنه بمطعم حسين شويه وينزل الكره الأرضيه مبقه شي منزله كنتاكي وبيتزا وكباب وببسي...
هاي هيج لأن نزل اكثر..اني طلبت بس كباب اكلت شويه وكمنه انغسل وراها طلعنه علمود نرجع..
حسين:علي انا بعد اريد اصير شيعي هاذا قراري النهائي
علي:اشبيك خويه هوه الدين لعبه كلساع تكول اريد اصير شيعي وبعدين تغير ميصير بويه لازم تثبت دين واحد ولازم تقتنع
حسين:لا يابه اقتنعت بعد ماكو تغير
علي:الحمدلله
حسين: چا والشهاده شلون اصير شيعي قابل
علي: كول وراي:
-آشُهّدٍ آنِ لَآ آلَهّ آلَآ آلَلَهّ
-وٌآشُهّدٍ آنِ مًحًمًدٍ رسِوٌلَ آلَلَهّ
-وٌآشُهّدٍ آنِ عٌلَيَ وٌلَيَ آلَلَهّ
.....
نهايه البارت...
هاا حبايبي شلونكمم؟؟ نشاء الله دومم بخيرر 🌸🌸
حبايبي الحلويين لا تنسوو التصويتت 😊✨
أحبكممم كوماتتت 💗✨