عشقت عيناكَ ألبنيه - البارت 2 - بقلم Houri | روايتك

لَخـمِــــــــر يـــًسًــَكَر مِـــن  يــــعـآقر كَأًسًـــه.. وُعــــــــينـآكَ خـــــــمِـر بّــلا كَؤوس تًسًــكر  ! . . . . . ركضت على سريع حته اوصل الأخبار لفاطمه شي اكيد هيه ماكله رزاله من امه... ترف: ها يمصخمه بشريني شكالت امج لح تجي؟؟ فاطمه: لج اخذت مني مبايلي وكالت بعد ما اطيجيا لحد ما يسلموج النتائج  عقاب الج وأذا طلعتي راسبه اكسره الج ترف: يبوو هاي لعد اني ارحم  زين شلون دتخابريني بكتي مو؟؟ فاطمه: اي چا شسوي ترف: اعرف سوالفج متكعدين راحه ديله رجعي لا تكتلج امج فاطمه: دسكتي وين تكدرلي فد حجيت حجي خليتها بعد متعرف شجاوبني ترف: خرب عرضجج فاطمه: ااي صدك وانتي اني اكول بس رزاله لأن امج كلش حبابه ترف: ااي بس منو يكول تجي لان آخر شي من كتله كلتلي كومي لا تنكتلين فاطمه: ههههه ترف: لاء وهنوب تضحك لو غبت ومجيت مو احسن كله من وراج فاطمه: انا شعليه انتي فاهيه لو راكضه سريع جان لحكنه ديله عساس انتي شلونج وجهج ساتر عليج ترف: انجبي اولا وثانيا رجعي المبايل تره تغير رأيه هنوب فاطمه: ومن كلج قبلت ترف: يمعوده للتفائلين بلشر فاطمه: باع منو ديحجي ترف: غير اني ما احجي. ضلينه نحجي لحد ما اجت امه فهيه سدت المبايل بسرعه ورجعته واني هم حطيته على الشحن شفت الساعه ب4 الفجر -ياا هاي صالنه 5ساعات دنحجي ومحسيت.. يله هيه خربانه خربانه خلي اكوم اصلي صلاه اليل بين مايأذن الفجر. كمت رتبت الغرفه عسريع لأن جانت هوسه نزلت حته اتوضه.. وشفت ماما... - ها دصلين صلاه اليل مو؟ ترف: اي صحيح -اي مو داكول ترف: ماما حبيبتي.. تقربت يمه وبست ايده وكلت ماما مزعلانه مني حبيبتي؟ -ابتسمت بحنان.. وحضنتني..  على شنو ازعل بنيتي الحلوه -طبعا اعرف امي قلبه كلش حنين علينه حته لو زعلانه عليه تمثل انو هيه مزعلانه.. ترف: اسفه يمه هاي اخر مره ساره: بس ترف هاي بعد متعيديه انتي مو صغيره حبيبتي انتي تعرفيه زين ست ابتهال تردين تنفصلين قابل ترف: حضنته بقوه.. وعيونج الحلوات بعد ما اسويه ساره: ابتسمت..  زين عيني هسه شلون اقنع مدرستج  متفصلج من المدرسه انتي تعرفيه هاي ست ابتهال  اي غلط يطلع من الطالبه تفصله انتي مو سولفتيلي على ذني البنات الي بس سون شعرهن ديل حصان فصلتهم تريد اله ضفيره. ترف:  بضحكه....اي صدك بس يمه لتخافين مو بس اني فاطمه هم امه لح تجي انتن ضلن لحن على ابتهال وهسه تقتنع ساره: هيه سهله قابل تردين تنحل بسرعه بابا هاي ابتهال منو يكدرله ترف: اي شنو تره هيه هم زيدته فد مره على كلشي تفصل حته المديره مسيطره عليه هيج مال اكفشه من شعره ساره:  بضحكه.. كافي ماما شلتي غيبته ترف: العار ماعليه غيبه مو صحيح ساره: لج عيب اسكتي تره اغير رأي واخليه تفص.... ترف: لا لا يمعودين اهمشي متتغيرين عليه لح اروح اصلي ماما تردين شي؟ ساره: لا حبيبتي روحي صلي.. لعد اني هم اروح اصلي.. -توضيت وفرشت السجاده وصليت  اليل وراه سبحت تسبيحه الزهراء(ع) وقريت زياره عاشوراء متعوده وره كل صلاه اقراه وره نص ساعه تقريبا اذن الفجر صليته خلصت ورحت نمتتت.. الصبح🌤.. ------------- ساره: للج يله كومي صالي ساعه اكعد بيج لا فاد بيج منبه ولا فادت بيج دفراتي عبالك منايمه سنهه كوميييي ترف: هسه والله شويه بس خمس دقايق ساره: ولج تأخرنه يا خمس دقايق تره اغير رأي بعد امي لزمته عليه كلساع اغير رأي وأغير رأي ترف: كمت والله عزههه هاي ساعه بيشش ولج يمههههه ساره: معليه اني هاي انتي متكعدين شسويلج شكد كعدت بيج حته ماي ذبيت عليج ترف: هاي شنو محسيتتت ساعه ب 8 شلون يربي خاف هم أتأخر ساره: يله بدال هاذه الخريط كومي بدلي علسريع ترف: كمت بدلت عسريع لبست بنطرون جارلوس وهودي جوزي وجواه هاينك اسود ولفيت شال اسود وحطيت مسكاره وتنت على شفايفي وخدودي ترف: يله ماما خلصت ساره: بله تعاي هنا ترف: يا الله خير ماما هم كولي حاطه مكياج اء شوفي كلشي محاطه كله طبيعي طلعت من جنطته كنينكس مرطب ومسحته على شفايفي حيل ترف: ماماااااا صدك تحجين قابل شحاطه ساره:  وتكول طبيعي..  حلكج كله احمر  وهاي عيونج كله سوده طبعا وجهي مسحته مسح امي هيج طبعها لازم تمسحلي وجهي مسح وطلعني جعفر ترف: باع جهي شلون طلع ايعع ساره: دنجبي كلشي مابيج ضلي على طبيعتج تخبلين طلعت وجهي مكلوب.. وصلنه للمدرسه شفت بس فاطمه جايه وحده ركضت عليه ترف:  فاطمهههه -ها تروفه شلونج؟ ترف: الحمدلله شبيج مكلوب وجهج ووين امج؟ بسلا... فاطمه: ايي ضربتني بوري مجتي ويايه كالت اجي وراحت ويه اخويه وابويه مادري وين ترف: ياااا يله لتخافين جبت امي قبلت بعد معانات هيه لح تحجي وياه فاطمه: ها زين ترف: فاطمه شبيج مو على بعضج فاطمه: لا مابيه ضايجه على اخويه مادري شبي هاي الأيام كلش ضايج ماكو غير ابوي الله اعلم شحاجي وياه ترف: ولله ابوج يخوف صراحه انتبهي لأخوج ليسويله شي يمعوده ملاحضه: فاطمه كلشي تحجيلي وهم كلشي حاجيتلي بعائلتهم يعني اعرف كلشي وحته اني كلشي يصير احجيلي اثق بيه كلششش.. ساره: بنات بنات حجيت ويه سي ابتهال كالت بعد ميتأخرون هاي آخر مره.. فاطمه: صدككككك ترف: اييييي.. تعاي ماما ابوسج فديتج ساره: اي مصلحههه ترف: لا يابه شسالفه حبيبت قلبي انتي ماكو أي مصلحه.. وبستها فاطمه: هههههه ------------------------------------------------ تعريف لعائله فاطمه: عائلتها متكونه من 4اشخاص  صابرين (امه) كلش وحده  لطيفه اشكيد ما اوصفه مو كافي هيه وامي كلش قريبات من بعض جانت تجي يمنه ويكعدون هيه وامي يضلون يسولفون امي تحبها كلش هيه شكره وبيضه وعيونها خضر وكلش حلوه وثاني شخص كاضم(ابوها) هاذا الشخص عده كومه وجوه كومه يصير لطيف وطيب ويه الناس ويه اهله وزوجته واولده يتغير يصير قاسي بمعنى الكلمه أما أبنه علي صديق طفولتي من صف الأول ابتدائي ومن صار سادس بطل ومشفت وجه بعد... وفاطمه اخته همين صديقته الطفوله.. بلنسبه لشكل فاطمه فهيه بيضهه وشكره حواجبها ورموشها صايرات على صفار وشعرها هم وعيونها خضر .. دائما تكول على نفسها موحلوه أكلها تخبلين لتعيبين على نفسج بس هيه مصره.. ------------------------------------------------ -علي وره ما خلصت شغلي رجعت للبيت تعبان كبل صعدت لغرفتي داريد انام حته مسلمت على امي .... طبيت للغرفه وشفت.... علي: اشدتسوي بغرفتييي؟؟ - اشو چنك نسيت روح حضر روحك حته نروح نخطبلك البنيه علي: شني السالفه تره بعدني مموافق حته مشفناها! -اي تشوفه ليش لا.. امشي نروح نتقدملها حته تشوفها تقرب وصار وجه وبوجهي وأردف بعصبيه: شوف لكككك انت تعرفني زين شسسسوييي!! اذا رفضت واصلن مترفض غصبا ما عليك تنفذ الي اكوله وهاا كلمتي بعد ما اعيدها افتتتهمتت لو لااااااا! علي: نضرت بعينه بكل برود وملامحي خاليه من اي مشاعر:  انت هم تعتبر ابو؟ كاضم:اي طبعا لح اخطبلك وحده تخبل هم اخلاق هم أدب كامله المواصفات..  ضحك ضحكه أستفزاز علي: وشدخل هاذا بهاذا نزلت. كبل لا يحجي  طلعت واني بداخلي نارررر عصبيه مستحيل... فد يوم اعتبرك ابوي مستحيل! طبيت سبحت ونشفت شعري  ومشطه ونزلته ولبست قميص اسود وبنطرون اسود وسبحت بلعطر  ورحت لغرفه امي دكيت الباب كالت تفضل دخلت - ها يبعد كلبي رايد شي حبيبي؟ اسويلك غده على الأقل اكلك لكمه كبل لتطلع ميصير يا امي من الصبح بس شربت كهوه وطلعت والله ميصير يا ابني علي: لا حبيبتي اكلت من بره يله كومي بدلي لح نروح صابرين: ها اي صدك يمه فديت ابني  لح يخطب ابتسمت لفرحتها ما ريد ابينلها أني ضايج كدامه حاولت ابتسم قدر الأمكان علما تخلص امي تبديل نزلت كعدت بلسياره انتضرها. وره دقايق شفت كاضم سابق امي فتح باب السياره ودخل حته بدون ميستأذن. علي: احد سمحلك تدخل سيارتي؟؟ تره سيارتي نضيفه هنوب تتوسخ كللت ببرود  مادري شلون طلعت مني سمع كلامي وباوع بعيني وكال بهدوء: - بعدين اخليك تندم على هاذا كلامك بعدين كال بأبتسامه كلها شر مجاوبته دائما كلامه هيج بس يهدد متعود عليه وره شويه اجت امي صابرين: يله ابني نتوكل على الله... علي: شنو وين فاطمه؟؟ صابرين: عده دوام خطيه وامتحاناتها لح تبدي علي: هاا چا احسن خليه علمود ليتشتت باله.. -------------------- -فاطمه رجعت للبيت تعبانه همزين ام ترف ساعدتني وحجت ويه ابتهال طبيت للبيت مشفت احد كل طالع دكيت على علي.. فاطمه: ها علي وينكم؟؟ علي: ليضل بالج ماكو شي من ارجع بليل عود احجيلج كلشي وسد تلفونه شيقصد احجيلج كلشي چا اشكد ضامين عليه امي كالت لح احجيلج من ارجع وعلي هم! بدلت لبست تراكسود وردي وسويت شعري ضفيره وطلعت اندومي من الكاونتر وسويته وكعدت اكل... ----------------- -ترف ودعت فاطمه وبستها ورجعنه.. شفت ابويه دينتضرته سلمنه عليه بدلت ملابسي واجيت كعدت يمه مهدي: شلونج بنيتي شلونج بلدراسه؟؟ ترف: االحمدلله بابا صاير حلوو مهدي: يا حلو الشغل متعبني باع وجهي ضليت اكرص بخده حيل ترف: ييمه يمه - هيلووو شنو نسيتونييي؟؟ ترف: اهوو هم انتي كلت بشقه سما: وين ما ترحين وراج وراج مهدي: تعاي يروح ابوج  كمزت على ابوي وتبوس بيه  وتغور بيه ترف: هاي شنو اني زعلت مهدي: ييمه بنيتي اهمشي متزعلين  مني تعالي انتي هم.... وره شويه اجت امي سما: كملت السبحه مهدي: لج شنو تقصدين سما: لا سلامتك يله ترف نروح ننام لتكتلنه ماما شوفي نضراته مبينه تغار على ابويه منهه 😂 ترف: اي والله صدك امشي -سما غمزت لأبوي وطفرت مهدي:ادبسزز  هاي البنيه رحت لغرفتي طلعت ملابس وطبيت اسبح بماي دافي فد رتاحيت دقايق وطلعت حطيت ماسك لوجهي نشف وغسلته بعدين رطبت وجهي جان يدك مبايلي فتحته شفت فاطمه: ترف: خيرج اشو ادكين فاطمه: 😭 ترف: ولج ليش تبجينننن فاطمه:  ببكاء متصنع: ابويه وامي راحو يخطبوله لعلي  وهسه يله كالي علي... جانو ضامين عليه شفتي بله ترف: هههه مداجج اشكيد تافهه  هاي المفروض تفرحيله يمصخمه مو تبجين فاطمه: چا انا طرطور هنا ميكولولي اخر من يعلم ترف: 😂😂 فاطمه: وسم ليش تضحكين ترف: مو انتي تافه كلشششش فاطمه: مثلج غير.. شوفي بدلي هسه عسريعع وتعاي انتي وأهلج  لان تعرفين خطوبه علي ولح تصير ونسه ترف: هلوووو لو اموت ما اجي عدي امتحان مقاريه فاطمه: لا اشو اله تجين اييي انا شكو كاعده اسألج تجين لو لا هوه تالي متاليه لح تجين غصبا ما عليج لان امي عزمتكم كلكم هيهيهيي ترف: اي عادي ماأجي فاطمه: ترفففففففففففففففف ترف: اشتعلت ترففف بنار ونفط شبيجججج فاطمه: معليه تجين تره اروح اشمر روحي من الدرج ترف: هههه والأمير يجي يساعدج ويلزمج من خصرج موو انتي وين عايشه بلمسلسلات؟ فاطمه: تره داحجي صدكك ترف: يلههه لح اجي بس باجر احسن فاطمه: اي هوه باجر ترف: للعد شكو تكوليلي تعاي هسه فاطمه: حته نتجهز شبيج ترف: هااا بس خليها باجر احسن فاطمه: تمامم😭 ترف: هههه... --------------------------———----------- - ولچن سماااا ترففففف وينچننن يله بسرعهه دنروححح كعدت على صوتها خرب هاي طلعت صدك ام فاطمه عزمتنه ساره: الضاهر متروحن اوكي لتروحن اروح اجيب جهال بيت ام عبدالله احطهم هنا عود ديرو بالكم عليهم حته نستفاد منچن مو بس نايمات كمزت سما من مكانه سما: ماما البس قميصي البرتقالي لو الأخضر باوعتلي بتنبيه بعدني مطفيه لأن جنت غافيه وره مخابرتني فاطمه ترف: واني هم ماما بنطرون اسود لو ماروني  البس سما: ضحكت عليها هاي شجاي تخرط هنوب مغمضه عينها ورايحه لغير عالم ساره: يا هاي شجاج يمه سما ماتنطيه راجدي يصحيه بعدها نايمه سمعته تكول هيج كبل كمت من على الجربايه جفتت للحمام ترف: هيهيهييهيييهي سما: يمههه شنو هاي صيحي بيه تره وره كومه اشياء اشسور شعري اضافري  اهوووو ترف: دافرش سنوني رجا لتزعجيني سما: ولجج يمههه ساره: شنو السالفه ترف طلعي عاد زعطوطه انتي ترف: طلعنه طلعنه طلعت من يمها شفت وجهه مكلوب ترف: ييله عيني هيه ساعه بلحمام لو ساعتين شسوين سما: انجبي ترف: لج حيوا.... قاطعتنه امي.. - ولكم مو وكت عراك يلههه ترف: ماشي سما هاي لخاطر امي مرتلخ املخج فتهمتي لو لا عفته ورحت على كنتوري بسرعه لبست قميص ازرق وهاينك اسود وبنطرون جارلوس وشال اسود رهمت وياهن جنطه زركه خفيفه وحطيت بس حمره جوزيه كلش خفيفه وآيشادو هم خفيف لأن اذا طوخت وحطيت مسكاره بعد امي لح تشيلني وتركعني هناك خلصت وطلعت بلصاله افتر انتضرهم مهدي: ها خلصتو يله مشينه نروح ساره: خلصنه احنه بقت بس سما ولجج سما يمصخمه وين صرتي يلههه -اي جايه جايه اجت ركض بكعبها العالي وحمرته الحمره مكياجه جان عبالك مال اعراس سما: ب... بابا هاي... هاي اشتسوي هناا.. مو... عساس متجي ترف: بهمس... ثوله انتي لعد منو يودينه مهدي: هاي شنو الصخام الي حاطته بوجهج والكعب العالي شنو حضرتج رايحه لعرس سما: م.... مر.. مهدي: اححججيييي! شنو هاييييي روحي مسحييييي وغيري كعبج يلهههه قسما بالله ابطل وما اوديكم كلكممممممم ساره:  ولج امشي عفتج شويه طلعت عينجج امشيييي وانتي ترف روحي وراها مسحيله الصخام الي بحلكه ترف: تمام -كافي سما اشكيدد بجيتيي كافيي ولج -وخري من وجهي هاي دائما يصير هيج بيه كل طلعه عبالك مادري شخاله عود ليش انتي يخلوج تحطين واني لا ربج وحد مثلا -اني جبيره حبيبتي أما انتي  عمرج لح يصير 14 سما: شعلي العمر اشخاله هوه تنت ولبست كعب شنو مسويه جريمه ساره: يله وين صرتن يله سما لدوخينه امشي خلي تعدي على خير -طلعنه وسما كلعاده كالبه وجهه... تقربت يمها بستها وكلت: -حبيبتي اضوج اشوفج هيج ضايجه.. -واني هم والله ------------------------------ فاطمه -طبعاً جنت كاعده  داكل خابرني علي وصدمني من كالي... علي: بدلي عسريع  وخلي الحارس يجيبج انا وصيته فاطمه: ليش وينن حروح علي: هسه مو خبصتينه وتردين تعرفين صخام اخوج فاطمه: ليش شصار وياك علي: لح يخطبولي فاطمه: شنووو! علي: شبيججج  تره عدج دوام جان فاطمه: هاي هسه يله كلتلي  شدعي عليك لا ملابس اشتريت يكون تفسخ خطوبتك علي: الله يسمع من حلكج انشاء الله فاطمه: امداك هاي لو اني بدالك چان... علي: ااي عيني كمليييييييي فاطمه: للا شسالفه هاي شبيه هيج حجيت اخويه العزيز معليك بكلامي انا ابد مقصدت شي يله باي باي هاي شلون جفصه سديته وركضت على مبايلي اخابر ترف تجي هيه واهله لان ماكدر بدونها..  بلكوه يله قنعته تجي.. لبست قميص وردي وجواه هاينك.اسود وبنطرون اسود ولفيت شال وردي خفيف وحذاء(تكرمون) سوده وطلعت للسياره الحارس حته يوديني _______________________ -ترف طلعنه بلسياره وره نص ساعه وصلنه.. شفت بيتهم  چنه قصر  الخارجي كله ذهبي وحديقتهم چنه مال مسلسلات التركيه هاي طلعت صدك واني عبالي بس تمثيل.. خديجه: هله هله بيكم نورتو البيت تفضلوو - طبيت وكعدت على القنفه وره شويه اجت  فاطمه.. - ترفففف -وين صرتي ولج تأخرتي - اي غير علي بعدين يله كلي -ايي وعلي وينه مشفناه فاطمه: مادري يمكن بره شفته ايي وانتي ليش تسألين😉 ترف: يااا هاي شبيجج فاطمه صدك جذب تره صديقي من حقي اسأل عليه مو صحيح؟ يله اروح اسلم على عمتي مو مثلج امي كاعده كبالج ومسلمتي عليه حته فاطمه: ييا مشفته والله خاله شلونج حبيبتي صايره حلوه ساره: حبيبتي الحمدلله والله كبرت بعد يا حلوه فاطمه: لا خاله حتلو كلما تكبرين تصيرين احله ساره: حبيبتي تسلمين بس وين امج مشفتها اريد اسلم عليه فاطمه: بلمطبخ يم خاله خديجه وترف راحت هناك خاف تسألين وينه.. -فاطمه راحت خاله ساره وترف بلمطبخ يم امي وبقيت بس اني وحدي بلصاله يا ترى منو الي لح تصير خطيبه اخويه.. ثواني هوه اصلن وينه طلعت بره شفته كاعده وجهه مكلوب -علي شنو متشوف البنيه؟؟ -بحده... معليج انتييي  هسه اجي روحي انتي هاي شبي طبيت كلت اطب للمطبخ اشوفهم لأن تأخرو _______________________________ -ترف طبيت واجت امي ويايه وسما هم صابرين:  اشلونجج خيه ساره: والله الحمدلله انتو شلونكم خديجه: بخير الحمدلله اشلونج ترف؟ ترف: الحمدلله خاله سما: خاله وين العروس امي خزرتها ترف: ولج سكتي شعليج انتي خديجه: موجوده حبيبتي غديررر وينج يمه يله تعاي سلمي على خالتج والبنات من سمعت تكول غدير احس اسمه مار عليه من قبل بسلا الي بالي نزلت هاي  الي اسمه غدير وطبت فاطمه ويه نزلتها وانصدمتت... -فاطمه طبيت داسلم وشفت غدير  ايع هاي  اشدسوي هنا بلكوه تريد مشاكل -  هلووو كايزز صابرين: هلو حبيبتي شلونج بنيتي؟ -الحمدلله عمتي انتي شلونج؟ صابرين: والله بخير مادمج بخير حبيبتي ... -ترفف هاي اشجابه هنا وليش تصيح لأمي عمتي شقصده المصخمه ترف:لج اني انصدمت  هيه هاي الي حتصير خطيبه اخوج عساس -شنووووووووو صابرين: يياا شجاج ولج ليش تصيحين فاطمه: للا امي سلامتج بس تعورت برجلي ترف: اشرتلها امها بأنو اصبريلي احسابج بعدين فاطمه: ترف خاف تشاقين ترف: والله هاي شبيج غدير: هلوو بنات شلونچن فاطمه: صرت اتعس من شفتج ترف: كرصته بأيدها: هههه تحب تشاقه الحمدلله بخير احنه فاطمه: ااوي شبيج ترف: حته تتعلمين مجفصين فاطمه: ديله عسااس انتي شلونج غدير: اكولج فاطمه خلي نتصالح احسن متسوه بلتالي حصير مرت اخوج وضحكت بمكر حسيت ماي بارد ونزل على قلبي من كالتلها فاطمه... فاطمه: بهمس حته ليسمعون اهلنه.. كبر اي والله كبر هم حاسبه روحج بنيه بس تتموعين هاي اخويه مستحيل يتحملج اني متأكده لح يسحلج سحل غدير: عابت اشكيد مسمومه خزرتها  وكامت -ولجج مو هيج خاف نكسر خاطره - يمعوده مدشوفيه جنه ابريعصي -خرب عرضج ولا تكعدين راحه صابرين: يله ماما كومن نطب بلصاله حته نحجي وياهم على الخطوبه ونشوف شوكت يصير العقد وادعن يكون يقبلون فاطمه: اي هسه كمنه ووكعدنه اني وترف واختها وخاله خديجه وامي وام ترف ناقص واحد.. صابرين: ييمه فاطمه كومي صيحي علي وين اختفه فاطمه: ااي هسه بكلبه: متدري اصلن هوه ميريد يخطب امبين هاي الخطوبه لح تنكلب من يشوفها.. هنوب غدير.. خديجه: بنات لبسن شالتجن لح يطبون الولد لبست شالي لأن جنت نازعته  وسما وترف هيه اصلن جانت لابسته..  -ترف كعدنه ننتضر وره شويه طب ابويه وابو فاطمه هوه صح حلو وصخم بس شكله يخوف وجان وراه واحد يمشي طويل ولبسه كلش انيق وحلو مشفته شكله زين جان شعره الأسود مغطي وجهه كله طبعا عطره مله المكان حسيته سابح بلعطر - دشوف شوف هاذه الجمال  ولح يزوج هيج وحده (وأشرت على غدير) - ولج عيب لتأشرين دتباع عليج.. ------------------------------- -علي وصلنه لبيتهم مطبيت وكفت على صفحه ادخن طبعا خلصت باكيتين تقريبا همه طبو واني بعدني ممقتنع احس اريد الغي كلشي بثانيه وره شويه اجت فاطمه كلتلي شنو متشوف البنيه فولت عصبيه.. كتلها تروح واني اجي وراها.. وره دقايق طب رجال اعتقد هاذا زوج صديقه امي الي حجتلي عليه وجان يمه كاضم... مهدي: االسلام عليكم علي: وعليكم السلام كاضم: يله ابني امشينه نطب ليش كاعد هنا علي: لا رد طبينه بلصاله وكعدنه معرفت ياهيه بس صدت  وحده تباعلي... بيضههه ثلجج وعيونه مسحوبات عبالك كوريه وشفايفه مرسومات ووسط شنو هلجمال هاي بت منو؟! قطع صفنتي عليه صوت كاضم: -عيني ابو غدير انت صديقي وعزير على قلبي فأني اجيت اليوم  اطلب طلب وانشاء الله متردني غيث(أبو غدير): للا خويه شنو اردك صدك جذب اطلب واني بخدمتك اذا تريد عيني هم اطيكياهن.. ترف: هسه عليمن هلواكه ديله عاد فاطمه: 😂 كاضم: حبيبي  اليوم اجينه نطلب ايد بتكم المحروسه غدير لأبني علي على سنه الله ورسوله وانشاء الله تقبل غيث: تدري كاضم اني جنت رايد هاذا الشي من البدايه وبتي هم فأكيد اقبل ولا يهمك بنتي لأبنك انشاء الله كاضم: مادام هيج يله نقره الفاتحه ونتوكل وأنشاء الله نجيب العشيره كله ونجي على بتكم... -ترف كامت غدير للمطبخ وره شويه اجت وبيده صينيه كهوه وتمشي وتتمعلج فاطمه: عود ليش تعوج بجسمه ترف: حبيبي انتي سامعه فد يوم بلواكه هيه هاي كدامج فاطمه: اي والله بس لتخافين اني اربيه زين واسويه رجال ترف: والله كلشي اتوقع منج.. ضلو يسولفون واني طلعت بره بلحديقه حديقتهم كلش حلوه فضلت اتأمله واني ودا اتمشه  واتمشه شميت عطره يمكن هاذا علي.. علي: االسلام عليكم درت وجهي يمهه ضليت فاتحه حلكي هاي شنو من وخر شعره عيونه...شفايفه سماره  ضليت ثواني صافنه بيهن اي ذني العيون الي اول شي اجت عيني عليهن خرب عرضج فاطمه هاذا اخوج خربط احوالي بعيونه... عيــــوُنــــكَ وُلَآيــــهِ مِــــحًنـــهِ.. عــــيـــوُنــكَ ًسًـــوُآلَف كَبّــلَ مِــآلَآت أهِلَنـهِ! ...استغفرالله استغفرالله... فزيت على صوته علي: بببرود... ادري لهدرجه هيج انا حلو شبيج يولي ترف: خزرته هاذا شبي مغرور: عفوا.. لا رد شو هاذا كام يتقرب شنو السالفه علي: اريد اسأل سؤال ترف: بأرتباك: تفضل -تقرب اكثر وأشر على عيوني علي: عيونج هنه هيج لو لابختهن خزرته وكلت ترف: عفوا منك بس ليش تسأل شعليك انت علي: ابتعد وكال ببرود: مجرد فضول لزمت أعصابي بلكوه وحجيت ترف: من الله أبتسم وكال: علي: حلوات ترف: اروح اكعد يم أختكككك منتضرتني أتعمدت أجر  بلكلمه حته أنرفزه.. خزرني خزره خلتني أضل جامده بمكاني راد يحجي قاطعته وكلت.. -تذكرني مو؟ علي: ببرود.. ليش جنت  اعرفج ؟ -استغربت معقوله معرفني! ترف :صديقه فاطمه اني وياها بنفس المدرسه وأنت ويانه... علي : ببرود.. أي بس أختي عدها هواي صديقات ياهو منهم انتي سكتت نزلت دمعه من عيني مسحتها بسرعه وأردفت بهدوء.. ترف :أني ترف علي : ببرود. أسمج ما مار عليه للأسف هنا بعد ما أتحملت صرت حمره من العصبيه كوه يله لزمت روحي ترف :شلون متذكرتني انت تدري جان بيناتنه صدا.... -قاطعتنه غدير... ولهنا انته البارت نشوفكم بلبارت ال3.. هاا حبايبي شلونكمم؟؟ انشاء الله بخيرر🤍 لا تنسوو التصويتت😗 أحبكممم كوماتتت💗✨