فصل1
*ࢪوايـةة الـظـل الـاسـود🖤🔥*
*
*══════ •『 ♡ 』• ══════*
*البارت {1}*
المدينة نايمة... بس الشر صاحي.
في تمام الساعة 3:17 صباحًا، انفجار ضخم قطع صمت العاصمة "أوريون".
صوت الزجاج وهو بيتكسر، صراخ الناس، النيران اللي طالعة من قلب المباني،
ووسط كل الفوضى دي، كان فيه شاب واقف ثابت… بيبص للمشهد بنظرة ميتة.
"ياسين"، عنده 23 سنة، طالب في كلية هندسة، عايش مع أخوه الصغير "سيف" بعد ما فقدوا أهلهم من 3 سنين في حادث غامض… لكن الليلة دي كانت مختلفة، الليلة دي كل حاجة اتحطمت تاني.
كانوا نايمين في شقتهم في الدور العاشر، وفجأة النور قطع، والعمارة كلها اتزلزلت.
"ياسين! فوق! في انفجار!"
سيف بيصرخ وهو بيجري ناحية الباب، بس الباب ما فتحش… لحظة واحدة وبعدها كل حاجة سكتت.
صحى ياسين بعد ساعات وسط الركام، راسه بتنزف وصوت في ودنه بيزن، بس اللي كسره بجد…
هو لما لقى إيد أخوه الصغير خارجة من تحت الحيطان، وممسك فيها السلسلة اللي دايمًا كان يلبسها.
"سيف..." صوته كان مهزوز، عنيه مليانة دموع، بس مفيش صوت بيرد.
في اللحظة دي، حس ياسين إن جواه حاجة اتكسرت، بس في نفس الوقت… حاجة اتولدت.
حاجة قوية… وغامقة… وغاضبة.
مسك السلسلة، لبسها، ووقف وسط النار والدخان وقال بصوت واطي بس مليان عزم:
"هعرف مين عمل كده… وهخلّيهم يندموا."
من اللحظة دي، ياسين بدأ رحلة انتقام…
بس هو مش عارف إن اللعبة أكبر منه… وإن اللي قدامه مش مجرد بشر… دي منظمة كاملة بتحرك المدينة من ورا الكواليس، اسمها: "الظل الأسود."
*يتبع..*