part 02
•~•~•~•~•~•~•~
اما في بيت كريم
ليلي:"كريم حبيبي انت جيت تعالى انا حضرت لك العشاء"
كريم:"مش عايز اكلت عند ماما بقول لك يا ليلى ايه رايك نجيب اخ او اخت كده ليه مصطفى"
ليلي:"انا ما عنديش مشكله بس انت عارف ان دكتوره هتمانع ان انا هخلف تاني انا حاسه ان انا اقدر دلوقتي هجيب طفل يعني بعد ميعاد خمس سنين على ولاده مصطفى يعني انا مستعد بس لازم اخذ اذن الدكتور الاول وبعد كده نجيب عادي ما عنديش مشكله "
كريم:"لو مش عايزه نجيب تاني خلاص ونكتفي بمصطفى"
ليلي:"لا يا كريم نجيب تاني ليه اخت او اخ صغير كده يلعب معاه بيخرج بيكون عايز يلعب مع اللي في سنه بحس ان انا مقصره معايا في حقه قوي يعني كل اللي في سنه ليه اخ اصغر منه هو لا"
كريم:"ماشي يا ليلى نروح للدكتور بكره ونشوف حكايه البيبي ده علشان استاذ مصطفى يقدر يلعب ويتنطط براحته مع اخته او اخوه اللي جاي"
~•~•~•~•~•~•~•~
وثاني يوم عند الدكتور
دكتور:"للاسف يا مدام ليلى الرحم بتاعك لسه مش هيقدر يستقبل اي طفل دلوقتي خالص ولو حملتي هيكون خطر عليك قبل ما يكون خاطر على البيبي ممكن تستني سنتين كمان"
ليلي:"بس يا دكتور ده عندها خمس سنين يعني المفروض يكون جسمي رجع لطبيعتها وكل حاجه رجعت لطبيعتها"
دكتور:"والله يا مدام ليلى انا اللي قلته لك ده الحق وده اللي انا بقوله شايفه قدامي وان صحتك وجسمك مش هيقبل اي بيبي دلوقتي خالص"
كريم:"طيب يا دكتور شكرا"
دكتور:"مدام ليلى خليكي معلش منتظمه اكثر على شريط منع الحمل بعد اذنك"
ليلي:"ان شاء الله يا دكتور "
~•~•~•~•~•~•~•~
اما في العربيه كان كريم وليلى راكبين وكان مصطفى نايم ورا عن الكنبه بتاعه العربيه اتكلمت ليلى
ليلي:"كريم انا هوقف الشريط منع الحمل انا خلاص زهقت"
كريم:"لا يا ليلى مش هتوقفي احنا خلاص هنكتفي بمصطفى انا مش عايز حاجه تانيه غيرك انت ومصطفى ومش لازم يكون عندي اطفال كثير علشان ابان العزوه وكده كفايه مصطفى ربنا يخليه لي ويخليكي ليا انا مكتفي بيكم انتم الاتنين"
ليلي:" بس انا حاسه ان انا مقصره معاك في النقطه دي انا مش هقدر اشوفك ممنوع من الاطفال كده كثير "
كريم:"يا ستي كفايه علينا يا مصطفى مش لازم يكون عندنا اطفال كثير علشان نحس بالعزوه مصطفى عندي ب 100 طفل"