الخامس عشر
عند رنين..................
بعد طلع منها مازن وامو بقت طايره من الفرح واخوها بناظر فيها
اخوها : شايفك فرحانه 😉
رنين : كيف م افرح وانا بقيت خطيبتوا 🙈
اخوها : هي هي اصحي لسه م بقيتي خطيبتوا ي دالاب يتقدم ليك
رنين : المهم ح يخطبني
امها : فرحانه ليك شديد والله ربنا يهنيك 😊❤️
رنين : اللهم امين .....اها رايكم فيه شنو عليك الله
اخوها : عادي
رنين: هه قال عادي قال عليك الله م زوق واناقه وجمال وبعد ده كلو حلا وزايد حلاء🙈🙈🙈
اخوها: ههييي ي بنت اتلميي احسن ليك
رنين : ابييييت موش خطيبي 😝
اخوها : اخجلي مني على الاقل
رنين : لي أخجل منك بقيت مازن
اخوها : استغفر الله
امهم : ي اولاد انتوا بقيتوا كبار بطلوا حركات شفع
رنين : اي عليك الله كلمي ي امي
اخوها : انا ولا انتي
رنين : انت
اخوها : اصبري لي بعرف اتعامل معاك
رنين : ح تعمل لي شنو يعني
اخوها : بتشوفي
رنين : واااي خفته 😰😅🤣
اخوها : لازم تخافي
امهم: شكلي ح اغير موضوع زواجكم انتو لسه اطفال
رنين واخوها: لا لا خلاص😨
امهم:🤣🤣🤣🤣🤣🤣 شوفوا وجهكم🤣🤣🤣🤣💔
رنين واخوها عاينوا لبعض وبقوا يضحكوا: 🤣🤣🤣💔
رنين : باير 🤣🤣🤣💔
اخوها : بايره 🤣🤣💔
رنين : اممممميييي😢
امها: مااااالك
رنين: قال انا بايره😢
اخوها : انتي بالأول قلت لي باير😑
رنين : بس انا م باير انا مخطوبه / شبكتنا خوبه ومخطوبه اظن م صدقت🤣/
اخوها : بيبي انا خاطب قبلك يعني انا م باير فاهمه
رنين: بس ....
امهم : خلاااااااص
رنين واخوها :🤐🤐🤐🤐🤐
امهم : خلاااص انتو الاتنين م بايرين بايره انا خلاااص اسكتوا 😤💔
رنين واخوها بقوا يضحكوا على كلام امهم / سواال علشان اعرف انكم مركزين في الروايه اخ رنين اسموا منو ؟؟/
اخو رنين : والله صح ليك زمن بايره وين الحاج ليه كم سنه م جاء ونزل 🤣
رنين : م تخاف جاي نازل في الأيام دي علشان م يخلي الحاجه بااايره 🤣🤣💔
امهم : ولله انكم اولاد م تستحوا( جابت المفراكه عاوزه تضربهم بيها بس الاتنين جروا منها 🤣💔)
رنين : والله الحاجه دي عندها ضربه بالمفراكه اقسم تخليك ترقد اسبوع في السرير🤣🤣💔
اخوها: انتي جاااده 😳
رنين: اسأل مجرب 😁
اخوها: لو كده انا ماشي منك م ناقصني ارقد في السرير وعرسي قرب
رنين: م بتصدقني وقت اقول ليك باير🤣💔
اخوها: تااني رجعتي ل باير 😤
رنين: خلاااص يلا نتلاقى في طاوله العشاء
اخوها: انتي بعد ده كلو ماشه تاكلي😳
رنين: والله اما م اكلت ولا شي
اخوها: لي خجلانه من سيد الجمال مازن
رنين: تصدق لا بس خجلانه من امو تقول البنت ده اكاله
اخوها: لو تعرف ح تلغي العرس تقول البنت دي ح تخلص علي قروش ولدي كلو🤣🤣🤣💔
رنين: ههه ظريف
اخوها: شديد
رنين: طيب باي
...............................
عند مازن .......
بعد م وصل أمو البيت وهي كانت تتطلب منو يدخل البيت بس هو رفض .....
مازن وهو راجع اتصل على ياسر ....
مازن : الووو ي دفعه
ياسر : اهلين ي خوه
مازن: فقدتك ي دفعه لي م جيت
ياسر : اسف والله بس م قدرت افوت امي لوحدها
مازن : لا م بتتلام والله كيف حالتها
ياسر: والله ي مازن م اكذب عليك واقول ليك حالتها بخير
مازن: كيف يعني الكلام العلاج م نفع معها
ياسر : لا محتاجه العمليه لو م عملت العمليه م ح تبقى بخير ..😞😞💔
مازن : طيب دقايق واكون معاك ومجهز المبلغ
ياسر : من وين ي مازن
مازن : بتجهز بتجهز ان شاءالله بس خليك مع امك ......
ياسر : مازن .....
مازن قفل الخط في وجهوا واتجه لبيتوا .......
مازن واقف أمام بيت امو وابوه نفسوا م بتسمح ليه في النهايه دخل علشان ياسر صحبوا وعلشان ام ياسر
دخل البيت وشاف اموا فرحت لانو بعد طول غياب ابنها الوحيد دخل البيت
امو : مازن 😳
مازن : ويين ابوي
امو : في شنو ي مازن عاوز ابوك في شنو
مازن : بس وييين ابوي
امو : ....قاطع كلامها زوجها اللي ابو مازن
ابوه: خيرر شرفت بيتي
مازن: انا م جيت علشان اشرف بيتك
ابوه: طيب والجاااابكك شنو
مازن : عاوز ادين منك قروش
ابوه:هههه قروش ومني انا
مازن : م تخاف دين وح ارجعوا ليك في الوقت المناسب
امو : دين شنو ي مازن دي قروشك زي م هي قروش ابوك في النهايه انت ولدنا الوحيد
ابو مازن : لا غلطي في كلامك دي قروشي انا وبس
مازن : انا قلت دين
ابوه : ومحتاج كم( بضحكه استفزاز😏)
مازن بكسره : اربعه مليار ونص
ابوه : اربعه مليار ونص عاوزهم ل شنو 😳
مازن : م عندك دخل
ابوه : ههه م تقول لي عاوز تتزوج بيهم 😏
مازن : قلت ليك م عندك اي دخل عاوزهم في شنو
ابوه: اولاً تخطب بدون رضاي وتانياً تجي وتقولي عاوز قروش لا الف ولا الفين لا اربعه مليار ونص كمان
امو مازن وهس مصدومه: اربعه مليار ونص عاوز بيهم شنو ي مازن واقع في ورطه انت 😳💔
مازن : ي امي محتاج لللقروش ضروري والله
ام مازن : طيب انا عندي في حسابي تلاته بس وعندي دهب بديك تبيعهم
مازن: لا ي امي م بقدر اشيلهم منك
ام مازن : اسمع كلامي كلو يهون الا انت
ابو مازن : اوعك تحاولي وتبيعي الدهب وعلى فكره القروش الفي حسابك ده قروشي انا
ام مازن : انت م عندك احساس ولدك الوحيد محتاج قروش وانت عندك وم عاوز تساعدوا انت اب شنو انت 😠
ابو مازن : هو نسى اني بكون ابوه وكسر كلمتي
ام مازن: ده م وقت المشاكل
مازن : ي امي خلاص م عاوز اي قروش
مازن لف ظهروا وكان طالع من البيت بس صوت ابوه وقفوا
ابو مازن : اقيف مستعد اديك القروش بس بشرط
مازن : موافق على اي شرط
ابو مازن : اسمع شرطي بالأول
مازن : طيب قول
ابو مازن : تفسخ خطوبتك من البنت الخطبتها وتخطب بنت عمك براءة
مازن بصدمه : ككيف
ام مازن : ده كلام ده شنو البتقول فيهو ده
ابو مازن: زي م سمعتوا وغير كده م بغير رأي
مازن : اسسسمع قروشك دي خليها ومعاك م عاوز منم ولا فلس ان شاءالله تنفع
مازن قال كلاموا ده وابوه قال ليه( اسمع العرض لسه ماشي فكر ورد لي خبر ) مازن م اشتغل بي كلام ابوه طلع من البيت
ام مازن : عليك الله انت .....
ابو مازن : اسمعي ولا كلمه زياده
ام مازن : حرام عليك والله حرام
...............................
عند رنين
دخلت على غرفتها وفرحانه ورمت نفسها علس السرير والابتسامه لاتفارق وجها بقت تفكر في أحداث اليوم فجأه تلفونها رن ....
......: رنين
رنين بصدمه: ابراهيم
ابراهيم : م نسيتي صوتي
رنين : كيف انسى اكتر صوت انا بكرهوا
ابراهيم : للدرجه دي بقتي تكرهيني😔
رنين : فوق م تتصور ...لي اتصلت عاوز مني شنو ان شاءالله
ابراهيم: اتصلت احزرك
رنين : تحزرني ههه ومن شنو
ابراهيم : من مازن
رنين : اسمع مازن ده م تجيب اسموا علي لسانك الوسخ ده فاهم
ابراهيم: اسمعي مازن ده اوسخ من لساني ده
رنين : ههه ماف شخص اوسخ منك انت
ابراهيم : انتي تفتكري انو خطبك لانو بحبك هو خطبك لانو عاوز ينتقم من الكف ومن الاهانه
رنين: اسكتتتت على فكره مازن م زيك انت
ابراهيم : صدقيني م عاوز نفس الخصل معاك يحصل معاك مره تانيه
رنين : وانت سبب ده كلو ...لو سمحت تاني م تتصل لي
ابراهيم : رنين انا حبيبك والله لسه بحبك
رنين : اسفه كنت حبيبي اسي لا واوعك تاني تتصل علي فاهم
رنين قفلت الخط في وجهوا وبقت تفكر معقوله يطلع كلام ابراهيم صح وهو خطبني علشان ينتقم لا لا م لازم اشك في مازن استغفر شيطان وعاوز يوسوس لي
رنين بقت خايفه والنوم م زار عيونها تتقلب في السرير راسها وجعها من التفكير ........
كيف يُمكنني إقناع عقلي المُشتت،إن الليل خُلق للنوم، لا للتفكير؟.😓💔