الفصل 9
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵↵اللعب بالنار*
*❴🔢❵الـــبـــــــــــ❴التاسع❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب||روايات||منوعة📚:
#اللعب_بالنار
#الجزء_التاسع
@rwayate
الضابط : شو ليش هيك عم تتطلعي علي معقول ..نسيتيني ...نسيتي طارق ..
هديل : انت طارق ...
طارق : هههه اي بشحمو ولحمو...
هديل لساتا مصدومة وعيونا بلشو يشرو دموع : طاررق..
طارق : هديل شبك كأنك مانك مبسوطة بشوفتي ...
هديل راحت ورمت حالا بحضنو ...
هديل : لا بالعكس انا كتير مبسوطة ... كتير اشتقتلك ياخاين .... وصارت تبكي وكملت حكيا .. لك ليش رحت وتركنتي ..ليييش ..انا كتير تعبت من بعدك ..
طارق : هدوول انا هون ارجعت ... قوليلي شبك يانور عيوني ...
هديل : ممكن ضل بحضنك شوي ...
طارق وهو عم يمسحلا على شعرا : اي طبعا انا وحضني على حسابك ....
راحت هديل وطارق بذاكرتون من ١٣ سنة ..
هديل : طارق مشان الله لاتروح ..خليك عنا ..
طارق : هدول حاج تبكي ...مافيني اترك اهلي وضل معك هون ..
هديل : بس انت اخي ...ولا نسيت انو نحنا اخوى بالرضاعة ..وامي هية يلي رضعتك خلص خليك عنا ..
طارق : والله مافيني ..بس بوعدك ارجع وزورك ..
هديل : وعد ..
طارق : وعد يا احلا اخت الله بعتلي اياها .
فاقو من زاكرتون ...
هديل : ليش مارجعت
طارق : صار معي كتير شغلات هلق بحكيلي اياها ...
اسراء: هديل شو عم يصير هون ...ومين بكون الاخ ..
طارق : انتي فلك ؟؟
هديل : لا هاي مافلك ..هاي رفيقتي اسراء مابتعرفا ..اسراء هاد طارق بكون اخي بالرضاعة ..
(لنعرفكن على طارق ..اهلو واهل هديل كانو جيران .. واهلو كتير تعالجو لحتى امو حبلت فيه .. وخلق هو وهديل مع بعض ..بس هديل اكبر منو بيومين ..واول ماخلق امو ما اجاها حليب وكان يرفض يرضع صناعي ..وصارت امنة ترضعو مع هديل .. وتربو هو وهديل متل الاخوات .. ولما صار عمرو عشر سنين ابوه كان ضابط واتطر يسافر على كندا ..مرافقة مع السفير ) ...
اسراء : تشرفت بمعرفتك ..
طارق : اختي المجنونة ماشبعتي من عناق هههه
هديل : شو غليظ ولا رح اشبع منك ......
بعدت عنو وراحت قعدت على الكرسي ..مقبال طاولتو
هديل : اي شوبدك تشربنا ...
طارق : حمي ضيفنا ومد رجليه من اشوي كان مخطوف لونك مني ...
هديل : وهلق تغير الوضع ...
طارق : اي قومي قومي عازمكن ع الغدا ..
هديل : اوك ..يلا
اسراء : لحظة ...ع وين هيك بنتأخر ومابتقدر نرجع اليوم على الضيعة ..
هديل : اي والله ..
طارق: بلله انت واياها مافي روحة اليوم ... انا هلق بتصل بالخالة امنة وبخبرا .. وبقلا تخبر اهلك ..
هديل : شو قلتي اسراء ..طارق متل اخونا
طارق : هههه هلق صرت متل ...لك انا اخوكي وغصب عنك ..
هديل : هههههه ...اااخ لو تعرف شو اشتقتلك ..
طارق : يلا امشو ... بعدين بتحججو بجزدان هديل انو هو يلي اخركن ..
اسراء: طيب ماشي ...
طلعو من القسم ..وركبو السيارة ..
هديل : اي قلي كيفون امك وابوك ياالله شو مشتاقتلون
طارق : الوالد عطاكي عمرو ..وامي مانا هون باللبنان عن خوالي ...
هديل : الله يرحمو لابوك والله كنت حبو من قلبي ..
طارق : تعيشي ..
هديل : اي حكيلي وينك كل هالمدة ...وليش ما ارجعت او حاولت تتصل ..
طارق وهو عم يسوق : لما رحنا على كندا ضيعنا رقمكن الارضي وانت بتعرفي ماكان في موبايلات متل هلق ... وانا كملت دراسة ..واخدت بكالوريا هنيك وبعدها انضميت للامن ... وصرت كل سنة اترفع لحتى صرت نقيب .. وطلبت نقلي ع البلد وصرلي حاوالي السنة هون بسوريا ..
هديل : ياواطي صرلك سنة وما فكرت تجي تزورنا ..
طارق : هههه هلق انا طلعت واطي ... المهم انا من لما جيت على سوريا وكان في مليون شغلة ناطرتني ..اول شي الشغل .. وتاني شي ابي الو هون شركة سيارت كان عم يديرها واحد من اقربائنا ... وانا ضليت ٣ اشهر وانا دوام فيها لحتى اتعلم منيح ..وشوف الحسابات وكلشي ورجعت سلمت الوكالة لقرايبنا ... وكل مافكر انو بدي اجي لعنكن تطلعي قضية والهتى فيها بس والله انتو بالقلب ولا مرة نسيتكم ... وهاي هية كل قصتي ...انتي احكيلي عنك ..لك حليانة ياضرسانة ..
هديل : ههههه يحلا وبرك ... انا قصتي طويلي هلق ونحنا عم نتغدا بحكيليك ...اه صحيح انت ما اتزوجت ..
طارق : لا والله ليش عم افضى حك راسي ..بس يلا بما اني لقيتك بكرا بتدوريلي على عروس ..
هديل : لك من عيوني ...
طارق : وانتي ؟؟
هديل : انا صرلي اسبوعين مطلقة ..
طارق : شووووووو ... انتي مطلقة
هديل : اي مطلقة ...هلق رح احكيلك كلشي لانو انت عنجد الله بعتلي اياك من السما ... كنت عطول ابكي وقول لو طارق جنبي كان حماني ..وصارت تبكي ..
طارق : خلص لاتبكي ...انا جنبك وكلشي رح يتصلح
نزلو وقعدو بالمطعم ...وطلبو اكل ..وبلشو يحكو
طارق : اي هديل احكيلنا شو قصتك ..
هديل يتنهيدة : اااااه ...قصتي هية انو انا طمعت..
طارق : بشو طمعتي
هديل : طمعت بالمصاري ..طمعت بحياة الرفاهية وعيش متل هالبنات ويصرفو ويتبعزقو .. المهم انا بالبكالوريا اجا شب لعندي وقلي انا بحبك هو بكون مهندس مكنيك وعندو ورشة تصليح سيارات .. انا هاد الشخص كنت بكرهو كره العما .. بس لانو مليان ومدعوم صرت احكي معو ... وهو عنجد ماقصر معي لك اذا اشتهي لبن العصفور يجبلي اياه والرصيد بالوبايل والمصروف كل يوم كان يمرقلي شي الف ليرة ... وهو يوم عن يوم كان عم يتعلق فيني اكتر .. ويضل يقلي بدي ابعت اهلي يخطبوكي ..وانا كنت على طول اتهرب منو واجلو ..وكل مانترك هو يعمل كل الوسائل لحتى يرجعلي .. وهيك لحتى خلصت جامعة ..وخلص انا قطعت الامل انو اخلص منو واستسلمت للأمر الواقع ..وقلت هو احسن من غيرو ..وانا راجعة ع الضيعة ..بيتعطل الباص عند بيت اهلو وانا ماكنت بعرف انو هاد بيت اهلو ..وانزلت واذ بتفاجئ انو مراد متزوج ...
طارق : اييي ..
هديل : انا فكرت اني خلصت منو طلع بالعكس ..
طارق : شو يعني ؟
هديل : طلع هو عندو خبر انو انا كنت عم احكي معو مشان استغلو وبوقتها اهلو كانو عم يجبروه على الزاوج من بنت عمو ..فوافق على الزواج .. وقلون لاهلو انو هو بدو يتزوج على بنت عمو ..
طارق : لا تقولي انو بدو يتزوجك
هديل : اي صح .. واجهني وقلي انا بعرف انك عم تستغليني وطلب مني الزواج ..وانا رفضت بس هددني انو يفضحني بالمكالمات والرسائل بيني ولينو ينشرون بالضيعة ...
طارق : بس انو عادي مكامات ورسائل كل العالم بتحكي مع بعضا ..
هديل: وانا قلت هيك ... يومها اخدني على بيتو ...وقرب مني وباسني وكانت البوسة مسجلة ..
طارق : ههههههه لااااا هيك كتير ..
هديل : ههههه مأغلظك عم تتمسخر ..
طارق : المهم شو صار بعدين ..
هديل : يلي صار ومن الاخير تزوجنا ..
طارق : عنجد !!!!
هديل : والله ..
طارق : لك انتي بدك تكسير راس اااخ بس لو كنت انا كنت منعت هالجازة من اساسها ..
هديل : اي منيح يلي ماكنت ..
طارق : ليش لاتقوليلي حبيته ..
هديل : حبيتو وبس ...لك انا بعشق الارض يلي بيمشي عليها..
طارق : انا فكرت انك اطلقتي لانك ماحبتيه وهو مل منك وطلقك ..
هديل : لا ماهيك ...
طارق : لك شو سبب الطلاق ؟؟
هديل : مراد عندو ابن خالة اسمو عبد الرحمن ...قال حبني ..واتفق هو وخالتو امو لمراد مشان يفرقونا عن بعض ..
طارق : ونجحوا ماهيك ..
هديل: للأسف اي ..
طارق : طيب شو عملو ؟؟
هديل : مرت عمي كانت تاخد تلفوني بالسر من غير ما اعرف وتبعت رسائل لعبد الرحمن انو انا بحب عبد الرحمن وبكره مراد هاد يلي افهمتو من مضمون الرسائل ... وعبد الرحمن عمل حالو شهم واجا لعند مراد وقلو ضب مرتك عني ..وفرجاه الرسائل ..
وهون مراد جن جنونو ..واجا لعندي عالبيت وصار يبهدلني وانا ماكنت فهمانة شي ..فتحلي الهاتف وفرجاني الرسائل شفت رسالة او تنتين واصلا ماني متذكرة شو مكتوب فيهن .. وبعدها مراد قام وصار يضربني بلا رحمة وصار يضربني على بطني مشان ينزل الولد ..
طارق : ليش كنتي حامل ؟؟
هديل : اي ..ولساتني حامل ..
طارق : شويعني ما نزل الولد
هديل : بعد ماضربني مراد صرت انزف .. ابعدها معد حسيت على شي ...وفقت لقيت حالي بالمشفى وقالولي انو نزل الولد .. بس بعدين اجت لعندي الدكتور وقالتلي انو نزل ولد وضل ولد لانو كنت حامل بتوم ..بس هاد يلي ببطني محدا بيخبر فيه ..وبعدها طلقني مراد وراح
طارق : اممم هلق فهمت ...طيب مراد مالازم يخبر بأبنو ..
هديل : لاا مراد قلبو موزم مني واذا عرف انو حامل ممكن ياخدني يحبسني عندو وحتى خلف يسرق مني ابني .. مشان هيك انا اليوم انزلت على الشام لحتى طلع جواز سفر واطلع لعند اختي ع الخليج .. مشان احمي ابني ومشان اخلص من عبد الرحمن ..
طارق : ليش عبد الرحمن رجع يدايقك ..
هديل : اي وطلب مني الزواج ..واذا ماوفقت رح يفضح سبب طلاقي وينشر الرسائل بكل الضيعة .. بس انا نفسي اعرف شو في بالرسائل ..رح جن بدي اعرف شو طالع من تلفوني .. .
طارق : اول شغلة سفر مافي .. وتاني شي هاد عبد الرحمن حسابو عندي ... وتالت شي رح جبلك سجل الرسائل بين وبينو ..
..
هديل : عنجد رح تجبلي الرسائل ..
طارق : اي شو نسيتي انا شو بشتغل ..
هديل : بس انا لازم سافر ..مشان ابني .
طارق : بتقولي انك سافرتي وبتقعدي هون بالشام ..الشام كبيرة ومحدا رح يلاقيكي .. ورح تكوني تحت رعايتي ...
اتطلعت هديل بأسراء ... ورجعت اتطلعت على مراد ..
هديل : بس انا كنت بدي طلع سيط على حالي انو اتزوجت مشان احرق قلب مراد وعبد الرحمن ..
طارق : هههه وهاي كمان محلولة انتي اكيد بدك عريس وهمي ..وانا رح كون هاد العريس .هههه بس من هلق عم قلك بدي اتزوج عليكي ..
هديل : هههههههه ماشي سامحتلك بتلاتة ..
اسراء : هههههههه
طارق : اي عطيني رقمك لحتى مشان سيفو ومشان جبلك الرسائل ...
هديل : يلا سجل *******
طارق : ورقم عبد الرحمن
هديل : لحظة لدور عليه لاني ماني مسيفتو ... اي هاد هو ...سجل ************
طارق : لاااا مستحيل ..
هديل : شو في شو هو المستحيل ...
طارق : لك رقم عبد الرحمن عندي ... لك هاد المهندس يلي بيشتغل بشركة البابا ... واتعرفت عليه وصرنا صحبة ..
هديل : عنجد ..
طارق : اي والله .... خلص مزال اعرفت غريمي لاتاكلي هم .. بس رح يصير تعديل بالخطة لانو عبد الرحمن بيعرفني ..
هديل : كيف يعني ..
طارق : خلص بعدين بشرحلك كلشي ..هلق كلو خليني وصلكن عالاوتيل .. وانا ارجع شوف شو صار بموضوع هويتك .. هو انا كان حابب اخدكن لعندي ع البيت بس مشانكن لانو انا شب عزابي وساكن لحالي ..
هديل : اي اكيد ..
راحو على اوتيل ..واستأجرلن غرفة .رجع ع القسم وطلب يجيبولو سجل الرسائل لهديل ..
تاني يوم ..
طارق اتصل بهديل : صباحو هدول
هديل : هلا صباح النور ..
طارق : عندي الك خبر حلو ..
هديل : شو هو الخبر ..
طارق : لقينا هويتك بأحد الجوامع ..بس الجزدان مالقيناه ..
هديل : مامهم الجزدان المهم رجعت الهوية
طارق : وعشان الرسائل انا طلبت كشف عن الرسائل وشي ساعة بكونو عندي ..
هديل : عنجد
طارق : اي جد ..
هديل : انا لكن جاي لعندك
طارق : اهلا وسهلا ناطرك ...
هديل لأسراء: انا رايحة لعند طارق ع القسم ..لقولي هويتي ..
اسراء : وانا شو اعمل ...
هديل : تروحي معي ..
اسراء: لا خلص رح ضل هون .... هدول بدي منك طلب ..
هديل : شو هو ..
اسراء : بس لاتفهميني غلط ..
هديل : لك مارح افهمك غلط خلصيني ..
اسراء : اخوكي هادي حاسي نظراتو غريبي علي
هديل : ههههه ليش ماقلتلك.
اسراء : لا شوفي ..
هديل : هههه اي مارح قلك هههه
اسراء : ولو عنجد بلا غلاظة ..
هديل : هادي معجب فيكي وعم يفكر يرتبط فيكي .
اسراء : عنجد 😍 😍
هديل : اي جد .. انتي شو رأيك ..
اسراء : هاادي ...
هديل : بس مايكون ماعاجبك اخي ..
اسراء ؛ لا والله مو هيك ...خلص انت هلق روحي وانا رح فكر ..
هديل: امممم ...طيب ماشي ..يلا باي ..
طلعت هديل وصارت تحكي حالا : ههههه قال بدا تفكر .. اي بقص ايدي اذا مانها طابسي فيه من زمان ..يلا الله يهنيهن ..
..............
بالقسم ..
دخل شرطي وعطاها لطارق سجل الرسائل وطلع ..مسك طارق الوراق وبلش يقرأ ...
طارق: العما بقلون شو هالرسائل .. ياحرام ياهديل .. اكيد رح تنقهر كتير اذا قرتون ...
اندق الباب ..وبسرعة فتح الدرج وحط الوراق ..
طارق : ادخل ..
فاتت هديل
هديل : كيفو اخي الحلو ..
طارق : مشتقلك ..
هديل : اي ابو طرييق اجو الرسائل ...
طارق : ااه ..لأ لأ ماوصلو قال مالقوهن ..
هديل : كيف يعني مالقوهن ...طارق وين الرسائل
طارق : هديل خلص انسي رسائل مافي ..
هديل : بغلاوتي عندك ياطارق عطيني الرسائل
طارق : والله رح تزعلي ...
هديل : مامشكلة انا حابي ازعل ..عطيني اياهن
فتح الدرج طارق وعطاها الرسائل .
طارق: اتفضلي اقري ..
اخدت هديل الرسائل وبلشت تقرا ... وبلشو ايدها يرجفو وعيونا يشرو ..
هديل : لك شوهاد ...شوهاد ياطارق ... والله انا هاد الحكي مابيطلع مني .. والله مو انا مو انا 😭 😭 😭 لك هاد الحكي اهل الشوارع مابتحكيه ... لا لا لا ..
طارق : قلتلك بلاها مارديتي علي .. خلص حبيبتي لا تزعلي ..
هديل : الله لايوفقون .. الله لايوفقون كيف افترو علي ..
قام طارق لعندا وقعد جنبا وضما على صدرو
طارق : خلص خلص ..الا الله مايفرجا ... هلق اول شغلة لازم اعملا هية انو امسح الرسائل من عند عبد الرحمن ..وهاي عندي وبعدها يروح يبلط الزرقا ... هلق خدي هاي هويتك وقومي لرجعك ع الاوتيل ..وانا رايح ع الشركة ..
هديل : شوبدك تعمل ؟؟
طارق : رايح امسح الرسائل 😉 😉
.................
بالشركة ( الشركة هية عبارة متل المصنع بيصنعو فيه السيارات وفوق المصنع شركة فيها مهندسين وموظفين وبصدرو سيارات لداخل وخارج سوريا)
دخل طارق وسلم على قرايبو ابن عم ابوه ..وقعد ورا المكتب ..
طارق : كيفك يا نادر
نادر: الحمد لله ..
طارق : قلي كيف الشغل ..
نادر : غير شكل ...
طارق: في شي مشاكل ..
نادر : لا الحمد لله ..
طارق : نادر انت مانك غريب ..بدي تجمعني مع المهندس عبد الرحمن بشي حجة بدي اقعد معو شوي
نادر : ما افهمت ؟؟
طارق : انت بتعرف انا مالي بالسيارات ...يعني بدي شي موضوع افتحو مع عبد الرحمن لانو بدي اقعد معو
نادر : كمان ما افهمت ..
طارق : لك بدي اوصل لتلفون عبد الرحمن شاكك انو مشترك بشي جريمة بس مابدي اظلمو يعني بدي منك تجمعني فيه وانا بتحجج انو تلفوني طفا وباخد تلفونو وبشوف فيه شغلة وبرجعلو اياه ..
نادر : اوك ... لحظة ..انا بحكي وبفتح سيرة معو ..
طارق : لك مافي منك انت ... يلا اندهلو ..
...... . .
اجا عبد الرحمن وسلم على طارق وقعد ..
عبد الرحمن : كيفك يا سيداة النقيب ..
طارق : الحمد لله ..شو كيف الشغل ..
عبد الرحمن : الشغل كتير منيح ..
نادر : اي عبد الرحمن ..انا بعتت وراك لانو في شحنة قطع سيارات بدها تجي ..وهالشحنة كبيرة ومشان هيك انا اجتمعت معك ومع طارق ..لانو انت من افضل المهندسين ومشان تعطينا رأيك ... وطارق هو المسؤول مشان ناخد موافقتو ..
عبد الرحمن : مامشكلة انا بتطلع عليها واذا منيحة ومطابقة للمواصفات .. بنصحكم تنزلوها والباقي عندكم ..
طارق : اي مامشكلة اصبح رح ننطر تقرير عبد الرحمن ... وانا بتصرف على هالاساس .. المهم شو تشربو ..
عبد الرحمن : لا مافي داعي ..
طارق : لا ولو ..لازم نشربك شي .. نادر لو سمحت اطلبنا قهوة .. انا عندي اتصال ضروري لحظة وبكون معكن ...
قام لعند الشباك واتصل .. وصار يحكي ..
طارق : اي قلي ... ما اعترف ... شو هو المهم احكي عم اسمعك ...الو الو الو
اتطلع على التلفون .
طارق : اووف انطفا التلفون ... الله يلعن هالتلفون ..
نادر عطيني موبايلك ..
نادر : تلفوني .. مانو معي ..نسيتو بالسيارة ..
طارق : اووف شو العمل ..
عبد الرحمن : اتفضل موبايلي ..
طارق : ماعندك مانع
عبد الرحمن : اكيد لا ..اتفضل ..
طارق : يسلمو ..
اخد التلفون وصار يدق على رقم مكتبو لانو محدا رح يرد ..
طارق : لك هاد مابرد على ارقام غريبة ... ممكن ابعتلو رسالة
عبد الرحمن : اي طبعا التلفون كلو على حسابك ..
فتح طارق على الرسائل .. وصار يقلب ووصل لامحادثة مع هديل ... وعمل تحديد لكل الرسائل ما بس رسائل هديل وعملون مسح كلون
طارق : لااا
عبد الرحمن : خير شوفي ..
طارق : بصراحة كنت عم امسح الرسالة يلي بعتا .. بس انمسحو كل الرسائل ...
عبد الرحمن : شووو انت متأكد ..
طارق : عنجد لاتواخذني ... ما اعرفت اشتغل على موبايلك .. بس ماتكون زعلت
عبد الرحمن : 😡 😡 لا عادي ..فداك ..ممكن التلفون ..
اخد التلفون عبد الرحمن وهو كتير مقهور وفتح الرسائل مالقا شي ...
طارق : عنجد عبد لا تواخذني ..
عبد الرحمن : مابتتواخذ سيادة الضابط ..
طارق شغل تلفون : هاه اشتغل تلفوني ..شكرا عبد الرحمن ..
عبد الرحمن : العفو ... انا بالاذن ..
طارق : لك اقعد لسا القهوة ما اجت ..
عبد الرحمن : غير مرة ..وطلع ..
طارق : ههههه وصلت يلي بدي اياه ..شكرا نادر
نادر : العفو ..
طلع طارق وهو مبسوط على عكس عبد الرحمن يلي كان رح ينفجر ..
اتصل طارق بهديل
طارق : كيفك ياحب ...
هديل : طروقا ..شو صار معك
طارق : الرسائل بح ههههه
هديل : لك تسلم يا احلا اخ ...
طارق: هلق هو بصراحة انا كنت بدي اشرب من دمو ... بس ماعملت هيك لانو من افضل المهندسين بالشركة ومابدنا نسخرو ..
هديل : مامهم ... المهم انو الرسائل انمسحو ودليل ادانتي راح ..
طارق : يلا باي انا رايح ع القسم ..
هديل : باي
......................
تاني انهار جهزت حالا هديل واسراء ليرجعو ع البلد ... وطارق كان حابب يروح معون .. بس عندو شغل ..
.................
بالبيت عند هديل
امنة : الحمد لله عسلامتك ياقلبي
هديل : الله يسلمك ..كيفك بابا ..كيفك هادي ..
ابو هادي : الحمد لله ..
هادي: تمام مشتقلكن . وصار يتطلع عل اسراء حطت راسها بالارض ..
امنة : هديل عنجد متل ماقلتي انو شفتي طارق ..
هديل : اي والله ...صاير ضابط كبير والو كلمتو ..
هادي : عنجد ...وشو رتبتو ..
هديل : نقيب ..
هادي : اي منيح كتير الله يوفقو ...
هديل : وكمان طلع عندو مصنع للسيارات ... وطلع عبد الرحمن عم يشتغل عندون ...
هادي : اي وشو عمل
هديل : مسحلي الرسائل من عندن بس بدون مايعرف .. ورح يدبرلي بيت وشغل بالشام ...ويجي ياخدني على اساس مرتو ...وهيك بخلص من حكي العالم ..وبحرق قلب عبد الرحمن ومراد ..
هادي : والله حرام مراد شو زنبو ..
هديل : زنبو ..انو ماصدقني زنبو انو عم يعمل شهر عسل وانا هون عم احترق من جوا ...
هادي : واذا انكشفت الحقيقة رح ترجعيلو ؟؟
هديل : اكيد ... ليش انا الي غنا عنو يقبر قلبي ماعم اقدر انساه وكمان ابني لازم يعيش مع ابوه ...والا مايجي يوم وتنكشف الحقيقة وارجع لعندو ..
ابو هادي : ان شاء الله ..
اسراء : يلا ياجماعة انا لازم روح على بيتنا ..لانو امي من يوم رحت ماخلصت منها
هديل : يسلمو اديكي عزبتك معي تقبري قلبي ... هادي حباب وصلها ..
اسراء : لا مافي داعي
هادي : ولو انتي تعذبتي كتير مع هديل وع القليلي لازم وصلك اتفضلي ..
.........
بعد مرور يومين ..
هديل قاعدة هية واسراء
اسراء : فلك ما حكت معك ؟؟
هديل : بلى حكت معي لما كنا بالشام وقال بدا تجي تزوريني وانا قلتلا انو انا بالشام ... صح لدقلا وخيلها تجي ..
دقتلا هديل واجت فلك لعندا ..
فلك : كيف هدول ..كيفك اسراء ..
هديل واسراء : تمام الحمد لله .. انتي كيفك ..
فلك : الحمد لله .. انا يوم يلي دقيلتلك فيه اخبرت انك اتطلقتي عامر قلي بس ماعرفت شو السبب وازعلت كتير وقلت اكيد في شي كبير صاير ..
هديل : ااه ..لا مافي شي بس عقلي ماطبق على عقل مراد ..
فلك : بس هيك ..ولا عم تخبي عني ؟؟
هديل : لا بس هيك
فلك : انا ماني مصدقتك اخر مرة شفتك فيها كان طاير عقلك بمراد شو عدا مابدا ..ولا مابدك تحكي شي قدامي ..
هديل : لا مو هيك القصة
فلك : هيك ونص .. انا اسفة بس فكرت انو نحنا رفقا هه يلا سلام ..
قامت هديل بسرعة ومسك فلك
هديل: والله انتي اغلى صديقة بس خايفة احكي قدامك وتزلقي قدام عامر متل المرة الماضية ..
فلك : لا اطمني مارح ازلق قدام حدا ..وكمان مابدي اسمع شي اتركيني ..
هديل: لك لحظة ..تعالي انا اصلا اذا ما احكيتلك بفقع ..
فلك : .....
هديل : خلصينا ولووو ...صحي الك مع سلام من شخص عزيز ..
فلك : مين هو ؟؟
هديل : اقعدي لاحيكلك ..
قعد فلك وهديل حكتلا كلشي ..صار بينا وبين مراد وعبد الرحمن .
فلك : كل هاد صاير معك ؟؟
هديل :اي والله ..
فلك : معقول مرت عمك يطلع منا كل هاد .
هديل : اي والله .. انا ماكنت بدي احكيلك لانو فكرت انو انتي كمان ماتصدقيني متلون
فلك : معقول ماصدقك لك انا من عيونك بعرف اذا كنتي عم تكذبي او لأ .... وكمان انت حامل ومحدا بيخبر
هديل : بترجاكي هالموضوع يضل سر ومابدي حدا يعرف فيه
فلك : اكيد سرك ببير .. وشو قررتي تعملي ..
هديل : كنت مقررة روح ع الخليج لعند هالة ... بس غيرت رأيي لما شفت طارق ..
فلك : ومين طارق ؟؟
هديل : طارق هو يلي بعتلك سلام معي ..لك طارق انسيته ..صديق الطفولة واخي بالرضاعة ..
فلك : طاررررق
هديل : اي طارق ..وبسلم عليكي كتير ..
فلك : الله يسلمك ويسلمو ... بس قوليلي شو بدو يعملك طارق .
هديل : رح يدبرلي شغل وبيت بالشام .. وقدام العالم رح قول انو زوجي لانو محدا بيعرف انو اخي ..
فلك : وليش بدك تعملي هيك ..
هديل : اولا مشان اقهر مراد وعبد الرحمن ..وثانيا لان هو ضابط اد الدني ومحدا بيتجرأ ويقرب مني اذا عرفو انو هو زوجي .. وكمان مشان ابني ..
فلك ؛ طيب الله يوفقك .. وانا جاهزة اذا بدك لي خدمة ..
هديل : خدمة متل شو
فلك : اذا بدك بسربلك اخبارك لمراد عن طريق عامر 😉 😉
هديل : اي والله جبتيها
..................
بعد مرور اسبوع ..مراد رجع من شهر العسل هو وزينب بس ابدا ماكان مبسوط وكان كل تفكيرو بهديل وماعم يقدر يطالعها من راسو .. وهادي واهلو راحو طلبو اسراء وتمت الموافقة .. وطارق دبر شغل لهديل بمدرسة ودبرلا بيت قريب من شغلو ومن المدرسة .. واخد اجازة مشان يزورا ..وياخدا معو لانو المدارس بلشت تفتح ..
..............................
بالورشة ..
مراد كان ملتهي بتصليح سيارة... واجا لعندو عامر
عامر : شبك يازلمي ..
مراد : مافي شي ..بس راسي واجعني ..
عامر : مزالك بتحبها ليش طلقتها ..
مراد : في شي انكسر ومستحيل يتصلح
عامر : الا مايكون في طريقة تحلوها بدون الطلاق ..
مراد : مستحيل ..مافي اي طريقة ..
عامر : طيب ماشي الله يريح بالك .. انا رايح كمل شغلي
خلص مراد شغلو وراح ع البيت فتح ودخل
مراد : زينب وينك ..
زينب : هون بالمطبخ تعال ..
مراد : انا جوعان حطيلي اكل ..
زينب : بس انا ماني عاملي اكل ..
مراد : نعم ..وين بتصرف هاي
زينب : انو انت ما الك بالعادة وكمان انا مابطبخ ..وباكل عند اهلك اكتر الاوقات ..
مراد : اي من اليوم تعودي .. افهمتي
زنيب : ماشي ..شو رأيك نقوم ناكل عند اهلك
مراد : لا شكرا .. روحي لحالك سدت نفسي .. انا قايم ارجع عالورشة ..
طلع مراد وهو معصب وهو عم يقول : شو هالنسوان هاي .. ااخ وينك ياهديل .. افهمنا بقا لسه كل شوي هديل وهديل... خلص شيلا من عقلك هديل صارت ماضي .. والتفت لحياتك بقا .
ورجع راح ع الورشة ..
..........................
طارق بطريقو على ضيعة هديل .. وفجأة عطلت السيارة ومعد شغلت .. نزل فحتا ..بس ماعرف شبها ..وقف شوي .. اجت سيارة لحدو ..
طارق اشرلو بأيدو ..وهداك وقف ..وطلب منو يساعدو او يعطيه رقم شي مكنيكي .. والشخص ساعدو اتصل على ورشة مراد وقلون ع العنوان .. واجت سيارة من الورشة وسحبت سيارةطارق ع الورشة ..
....................
بالورشة ..
دخل طارق وهو كلو غرور وكبرياء ... كان لابس نظارات شمسة .. ولابس بنطلون جينز وقميص وفو القمص جاكيت بني محروق .. دخل طارق وماحكا حدا .. وكلون صارو يتطلع عليه نظرات غريبة .. بس محدا اتجرأ يحكيه .. اجا شب وشاف السيارة بس مافهم عليها لانها حديثة ..
طارق شلح النضارات وحكا الشب : شو شبها ؟؟
الشب : بصراحة ماعرفت ..
طارق بصوت عالي : شو يعني ماعرفت ليش هاي مو شغلتك ..
الشب: ماهيك قصدي قصدي انو هاي السيارات محدا بيفهم عليهم غير المعلم مراد ..
طارق صفن شوي واتذكر هديل لما قالتلو انو جوزا اسمو مراد وعندو ورشة تصليح ..
طارق : ماشي خلي مراد يجي يشوفا ..
الشب : يلا لحظة
اجا مراد
مراد مد ايدو : السلام عليكم .. معك مراد
طارق اتطلع على مراد وعجبتو كتير شخصيتو وقال بقلبو والله بتعرف تنقي هالضرسانة .. ابتسم وسلم عليه : وعليكم السلام ورحمة الله وبركاته ... وانا النقيب طارق البدر ..
كل الشغيلة بحلقو بطارق ..
مراد : اتشرفنا ... بس عطيني اشوية وقت ورح شوف شبها سيارتك ..
طارق : اوك .. خود راحتك ..
كان في كنباية على جنب الحيط .. راح شلح الجاكيت وشال المسدس من على جنبو وحطو ن على جنب .
ومراد طلب من حدا من الشغيلة يعملو قهوة ..
مراد وهو عم يصلح السيارة ..عم يفكر انو هاد الشخص مبين شكلو مو من هون ... شو جايبو على هالمنطقة ... وكمان هاي السيارة كتير نادرة بسوريا ..
رن تلفون طارق ..
طارق : اهلين بهديل خانم خير ليش عم تتصلي ..
مراد لما سمع اسم هديل جمد مكانو .. بس قال اكيد مو هية وكمل شغلو وادنو عند طارق
طارق : والله ماني عم اكذب عليكي جاي ع الطريق .. بس مدري شو صابها السيارة وعم صلحها .......... بس انا صرلي زمان ماجيت لهون كتير متغيرة المنطقة وصاير بيوت كتير .............. خلص خلص مافهمت شي هلق بسأل شي حدا ....... يلا بدك شي ...شوي وبكون عندك ....... يلا سلام ياقمر ...
مراد خلص من السيارة
مراد : لو سمحت انا خلصت ..ممكن تجربها ..
قام طارق دورها وشتغلت ..
نزل طارق لعند مراد
طارق : يسلمو هالادين ..اشقد بتأمر
مراد : ولا شي ...الله معك شغلتها بسيطة ..
طارق : بس هيك مابصير ..
مراد : لا تاكل هم يلا اتيسر الله معك ... ونورتنا ياسيادة النقيب ..
طارق : يكتر خيرك ...مشي خطوتين ووقف .
طارق : لو سمحت .. بالضيعة يلي بعدكم في عيلة اسمون بيت ابو هادي الرائد بتعرفون
مراد انصدم وحس النار شعلت بقلبو
طارق : لو سمحت بتعرف عنوانون ..
مراد بقهر : لا مابعرف اسأل حدا غيري عن اذنك ..
طارق ابتسم لما شاف كيف اتغير لون مراد ..وركب السيارة ومشي ..
مراد : ياحقيرة .. لك كيف وصلتي لهاد كمان بس ماتكون كانت عم تحكي معو وهية عندي لك الله يلعنك ...وكمان كان عم يقلا ياقمر .. لك ريتك تقبري بشي قبر ... الله يلعنك ..الله يلعنك
........................
وصل طارق لعند هديل واستقبلوه كل العيلة احلا استقبال ... وحكالا لهديل شو صار معو ع الطريق .. وهديل فرحت لما قلا انو مراد كان رح ينفجر ...واتغدو سوا وسهرو مع بعض .. وصار طارق وهديل يسترجعو ايام الماضي .
طارق : هديل ..والله مراد شكلو كتير بحبك ..
هديل : وانا كمان بحبو بس شو طالع بأيدي مامعي ولا دليل .
طارق : طيب انتي بكرا روحي لعند امو ..بركي حست بالندم واعترفت ...
هديل : مابظن
طارق : حاولي اخر محاولة ... لك انتي واياه الحب مبين بعيونكم حرام تبعدو عن بعض ... وكمان قولي لامو انو في ولد نزل بسببها وقوليلا اذا مابتصلحي غلطك ..رح تدعي عليها ومارح تسامحيها طول عمرك الا مايكون عندا شوية ضمير ..
هديل : طيب بكرا رح حاول ... يلا قوم لنام اتأخر الوقت ..
........................
تاني يوم طلعت هديل وراحت ع بيت اهلو لمراد ..وبهل الوقت مابكون في حدا ..
دقت الباب فتحتلا زينب
زنيب : هاي انت خير شوبدك ...
دفشتا هديل وفاتت ... طلع بوجها سلوى ونجلا ..
نجلا طول هالفترة هية عم تحس يتأنيب الضمير وخصوصا بموت طفل ما الو زنب..
نجلا : هديل شوبدك ...
هديل : بدي احكي معك ..
سلوى : امي مابدا تحكي مع وحدة متلك ويلا انقلعي من البيت احسن ما ابعت ورا مراد خليه يجي يطلعك بالزور ..
هديل اتجاهلت سلوى وماردت عليها وحكت نجلا : شو قلتي ... كل هالقد بدا تفكير عم قلك يدي احكي معك يا اي يا لأ ...
نجلا : تعالي ...
........................