الفصل 1
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵↵اللعب بالنار*
*❴🔢❵الـــبـــــــــــ❴الاول❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب||روايات||منوعة📚:
#اللعب_بالنار
#الجزء_الاول_والثاني
@rwayate
في قرية من ريف دمشق....
هديل بنت حلوة وجها ابيض ومدور خدودا حمر عيونها سود ووساع..شعرا بني ناعم قصير وطولها مائل للقصر ..بالمختصر ناعمة كتيرة وبتبين اصغر من عمرا وجذابة
هديل : ماما مشان الله يعني معقول عم تعطيني ٢٥ ليرة لك طلاب صف الاول معد اخدو ٢٥ ..لك انا بكالوريا والله حرام
امنة والدة هديل : والله هاد الموجود عجبك اهلا وسهلا وماجبك رجعيها والله معك ...لسه كل انهار طالبة بكالوريا وطالبة بكالوريا
هديل : امري لاالله هاتيها ....بدك شي
امنة : لا انتبهي على حالك
طلعت بيتها وراحت لعند رفيقة عمرا فلك ....
دقت الباب ..فتحتلا امها لفلك فاطمة ...
هديل : صباح الخير ....خالتي فلك خلصت
فاطمة : هلا صباح النور مابعرف ..فوتي شوفيها
دخلت هديل لعند فلك
هديل : خلصينا مطولة
فلك كانت واقفة عالمراي عم تربط شعرا ..
فلك : الله لا يعطيكي العافية نقزتيني ...
(فلك بنت حلوة حنطاوية ...شعرا اسود ومجعد بس حلووطويل .. عيونها عسلية ...واطول من هديل )
هديل عم تحكي بدون نفس : خلصينا هلق بنتأخر ..
فلك : هاه خلصت ...امشي ....
ع الطريق
فلك : شبك هدول ليش هيك مانك على بعضك
هديل : امي
فلك : شبها امك
هديل : قال عطتني ٢٥ ...والله ولاد صف اول عم ياخدو اكتر مني مصروف
فلك : طولي بالك ...بركي مامعها امك تعطيكي اكتر من هيك
هديل : لأ معها .... بس ليش هالبخل مابعرف ...
فلك : اذا بدك انا بعطيكي
هديل : لامابدي يسلمو
وصلو ع باب المدرسة ....
فلك : هديل ...هديل ...ليكي اسراء واقفة مع مراد ...
هديل : اي توقف تضرب منها لاألو ....
فلك : اصلا هو كان يجي ع المدرسة كرمالك...وهاي خطفتو اسراء ....
هديل : لك حلي عني ...لسه ناقصني مراد ...بس انت كيف اعرفتي اسمو ...
فلك :مبارح كنت مع اخي عمر عم نفتل بالسيارة ...ومابعرف شو صابها السيارة ...واخدنها ع ورشة كبيرة بالضيعة التانية .... طلع هاد مراد صاحب الورشة ....انا سألوتو لعمر مين بكون هاد....قلي هاد اسمو مراد ابن رأيس البلدية ...ودارسة هندسة مكنيك يعني مهندس ...وفتح ورشة كبيرة .... وعندو حوالي ١٥ شغيل ....
هديل : امممم يعني مدعوم
فلك : مدعوم وبس ....لو تشوفي هالورشة بتجنن قد نص ضيعتنا ....وابوه رأيس بلدية اي بكون مدوعم ونص ....
هديل : اي منيح ....اصبح الله يهني اسراء فيه هههههه
فلك : وقلي اخي كتير عصبي كمان ...
هديل : مشان الله شيلنا من سيرتو ...يلا خلينا نفوت
فاتو ع المدرسة ....
...................
خلصو دوام وطالعين ....كان مراد واقف بسيارتو وعم يتطلع ع هديل
فلك : هديل ...هديل ...ليكي مراد عم يتطلع عليكي
هديل : تتضربي منك لا ألو ...لسه ناقصني ...امشي خلصينا ...والله راسي رح يفجر
فلك : من شو راسك رح يفجر
هديل : بدني مسموم من امي من الصبح ....اوووف ..
فلك : خلصينا ... وبعدين شبها ٢٥ليرة والله منيحة ...
هديل : خرسي ....ماني ناقصتك ....
فلك : اكلنا هوا
....................................
بعد كام يوم ...بالمدرسة كان فرصة
فلك : هديل.... اتطلعي ع اسراء كأنها متغيرة
هديل : ليش شو متغير فيها
فلك : لبسها وصرفها ...عم تصرف صرف مو معقول ...
هديل : اي وشو بدنا فيها تصرف الله يرزقا
فلك : اكيد مراد هو يلي عم يصرف عليها ...
هديل : معقول !!
فلك : اي معقول ... اكيد عم تحكي معو مشان المصاري ...
هديل : فوفو ...بتعرفي انا كنت عم فكر ...انو شب متلو والو كلمتو وماكانتو شو بجيبو ع المدرسة ..انو عيب عليه ..ماهيك
فلك : اي والله معك حق ...بس اكيد جاي يتسلا ...
هديل : يتسلو فيه بشي مشرحة الالهي ....كني طقتو ..
فلك : والله شب حلو ...وجذاب
هديل : شوووو ...هلق هاد جذاب ...اذا هاد جذاب شو خليتي للجازبية ههههههه
فلك : والله انت مابتعرفي شي..
هديل : ليكي هون الجاذبية. واشارت على شب وسيم اسمه ايمن ...
فلك : دخيلك انت هالجازبية ...متل الطنطات ....
هديل : انا عاجبني ....وانت خليكي عند الرجال مراد
فلك : والله الشب برجولتو مابحلاتو ....وكمان مراد حلو ورجال ...اااخ لو انا مكانك والله مابضيعو من ايدي
هديل : اي ماصار شي ...
فلك : ليش هو شايلني من ارضي ...مانو شايف غيرك ...بس بدي افهم اسراء كيف ظبطتو ...
هديل : حلال عليها
..................................
عند انتهاء الداوم ...
هديل : انسة هالعربي شو لئيمة ...
فلك : اي والله معك حق ...بس كمان نحنا زودنها ...هههههههه
هديل : هههههههه الله يلعنك كلو منك ضروري تنقبري تحكي هالنكتة ....ما اجاكي التنكيت غير بحصة العربي
فلك : خفت انساها ههههههه
هديل فرطانة من الضحك : هههههههههه يامي خواصري ....
فلك : ليكي اجا مراد ....
هديل وهية لساتا عم تضحك : هههههههه وكمان التاني يروح ينضب بورشتو حاجتو مسخرة ع القليلة يعمل قيمة لحالو ....
فلك : بس اسراء اليوم معطلة ليش جاي ....اكيد جاي مشانك ....
هديل : اووووف ...لسه كل انهار بتفتحيلي سيرتو ...لك مانك شايفته اشقد ضخم والله بياكلني.... انا بطلع لعند بطنو ههههههههههه
فلك : لك نقطة تشرك شو انك عميا ...الشب بجنن ..وانت متل السطلة ....والشب اذا ماكان ضخم مانو حلو ...
هديل : بصراحة انا اي شب ممكن اهضمو الا مراد ...لك بركهووو .....
نزل مراد من سيارتو ولحق البنات (مراد: شب حلو جسمو رياضة اسمر جذاب وطولو حلو وعيونو ملونين شعرو بني غامق والو لحية خفيفة )
مراد : انسة هديل ...انسة هديل
وقفو محلو مصدمين والتفتو لوراهن
هديل : انت من وين بتعرف اسمي ...
مراد : اسراء ماحكتلك
هديل : مين اسراء ومين انت وشوبدك ...
مراد : انا مراد مهندس مكنيك ابن رئيس البلدية عندي ورشة تصليح سيارات ....انا معجب فيكي كتير وطلبت من اسراء مشان تحكيكي بالموضوع ...
هديل : عفوا ....
مراد : بترجاكي لاتفهميني غلط ...والله انا حبيتك .
هديل : هههههه ..اسماع يا ابن الناس ...اول شغلة اسراء ماحكتلي شي .....وتاني شي مابهمني مين انت او ابن مين او شو بتشتغل .تالت شي انا كل يوم بشوفك هون وملاحظة عليك بس انا ماطقتك ولا رح طيقك ... ورابع شي هالحركات بلاها نحنا بضيعة صغيرة وكل العالم بتعرف بعضها وهلق بتصير العالم تحكي علي ...عن اذنك
مشت هديل وفلك ...ومراد رجع ركب بسيارتو وراح ع ورشتو ...
.......................
بالورشة دخل مراد وهو معصب ...اجا لعندو رفيقو روح بالروح عامر
عامر : شبك مراد
مراد : حكيت مع هديل
عامر : مين هديل
مراد : لك البنت يلي حكيتلك عنها اسمها هديل ...
عامر : اممممم .... ومن وين اعرفت اسمها
مراد : لك اوصلت لبنت معها بالمدرسة اسمها اسراء وعأساس تحكيلي معها ...بس ماحكت يمكن كانت عم تكذب علي ....المهم انا اليوم وقفت هديل وقلتلا انو انا معجب فيها ...وهية قالتلي انو هية مابتحبني ولا بتطيقني ....واسراء ماحكت معها شي
عامر : اي وبالناقص منها ....وانت لسه متل الولاد المراهقين بتروح بتوقف قدام المدرسة التهى بشغلك احسنلك واعمل لحالك قيمة
مراد : عامر خراس وقوم كمل شغلك
عامر : قايم قايم ..لاتعصب ..
.................................
تاني يوم بالمدرسة
فلك : هديل شوبدك تعملي مع اسراء
هديل : بدي نتفها بسناني الوسخة معقلتو للشب فيني وعم تقبض منو مصاري الله يلعنها.....
اجت اسراء ودخلت من باب المدرسة ....راحت لعندها هديل بسرعة ...هديل ماتبعت مشاكل بس بتحكي وقت الفضا ...
هديل : اسراء وقفي عندك ....
اسراء : اهلا هدولي
هديل : مين هاد مراد ....
اسراء : بتلبك ...اااه شو ...اناااا
هديل : اي انت هلق بدك تقوليلي شو كنتي متفقة انت واياه
اسراء : هو قلي مشان احكي معك وقلك انو هو بحبك والله وبس
هديل : وكيف عرف اسمي
اسراء : انا ..انا قلتلو ...
هديل ؛ وشو قلتيلو كمان ...
اسراء: ومين بتكون عيلتك بس والله
هديل : لك الله يلعنك ....وليش لهلق ماخبرتيني
اسراء: انا كنت ماطل بالقصة مشان استغلو اكتر ....
هديل : اي منيح بتروحي لعندو وبتقوليلو هديل بتكرهك فهمتي وانو مابدي شوفو مرة تانية هون عم تفهمي
اسراء: اي اي ..بقلو بس انت لاتزعلي
هديل ماردت وسحبت فلك من ايدها ومشت ....
...........................
عند انتهاء الدوام
فلك : انا فرحانة كتير واخيرارح نطلع رحلة ونغير جو
هديل : انا خايفي امي ماتعطيني مصاري مشان الرحلة ...
فلك : معقول ماتعطيكي ....
هديل :اي معقول ..وهلق بيدخل هادي البايخ وبصير يكبربراس امي مشان ماتبعتني ....لك اااخ الله يخلصني من هالعيشية
فلك : مابعرف ...يلا سلام
..................
دخلت هديل عالبيت ...كانو عم يتغدوا اهلا ...عندا اخ واحد اسمو هادي وابوها وامها وعندا اخت اسمها هالة متزوجة ابن خالتها وساكنة بالخليج
دخلت ع المطبخ جابت صحن وقعدت معون
هديل: ماما بعد اسبوع عاملين رحلة بالمدرسة تخليني روح
امنة: اي روحي وين المشكلة
هديل فرحت كتير : عنجد ماما انت عم تحكي جد
امنة : اي جد ...روحي غيري جو ....
هديل : لك الله يخليلي اياكي يا احلا ام ....
.............................
في اليوم التاني ...
هديل : ماما مابدك تعطيني خمسمية
امنة : ليش الخمسمية
هديل : شو ليش ماما ....لك مشان الرحلة
امنة : ليش بدك تدفعي مصاري للرحلة
هديل : اي ...اكيد بدي ادفع
امنة : اي لكن مافي روحة ....قال خمسمية عم نبق الدم لحتى نطلع ليرة وهلق انت بدك خمسمية ...روحي روحي ع مدرستك بلا علاك فاضي
هديل : بس انت مبارح قلتلي روحي
امنة : قلتلك روحي فكرت الروحة ببلاش ...
هديل : يعني هلق شو
امنة : ولا شي ....خدي هاي ٢٥ ليرة ويلا ع مدرستك وموضوع الرحلة لاتفتحيه ....
هديل : هلق انت مشكلتك الرحلة ولا المصاري
امنة : اكيد المصاري ....مامعي اعطيكي وبعدين انا احب على قلبي انك تطلعي وتغيري جو... بس والله حاليا حالتنا داقرة
هديل : خلص ماما افهمت عليكي ...بدك شي
امنة : سلامتك ..
اخدت هديل ٢٥ من ايد امها وطلعت ....مرت اخدت فلك معها وكملو ع الطريق ....
فلك : هدوول جبتي خمسمية للرحلة
هديل : ليش انت جبتي
فلك : اي اكيد جبت مستحيل روح علي هالفرصة....بس انت ماقلتيلي جبتي
هديل " لا ...قال امي ما معها....
فلك : وابوكي
هديل : ههههه ليش ابي الو كلمة ....ما امي يلي حاكمة البيت ...
فلك : واخوكي
هديل : ههههه اخي ...ايدها اليمين لامي ... ومابيعترض ابدا ....
فلك : وبعدين ....
هديل :مابعرف رح فكر بشي طريقة من هون ليخلص الدوام ....
دخلو من بابا المدرسة ....اجت لعندن اسراء بسرعة
اسراء : صباح الخير يا بنات
هديل وفلك : اهلين صباح النور ...شوفي اكيد عندك شي خبر
اسراء : قال ايمن يلي بصفنا طلع بحب علا بنت الصف العاشر ...
هديل : ههههه اي ونحنا شو دخلنا
اسراء : فكرتك بتحبيه ....
هديل : اناااااا .....ههههه لك انا بس معجبة بشكلو بس حبو مستحيل ...
اسراء : المهم شو صار معكن مشان الرحلة
فلك : انا جبت مصاري مشان سجل ...بس هديل مانا رايحة ...وانتي
اسراء : بصراحة ...مراد اخر مرة عطاني الف ولسه ماصرفتها...هلق بروح بدفع خمسمية للرحلة وبضل معي خمسمية ....بس هديل ليش مانك رايحة
هديل : ماقلت ماني رايحة ....بس عم فكر لسه معنا اسبوع للتسجيل ....
هديل صارت تفكر بمراد .... عطا لاسراء الف بس مشان تقنعه٥ا لكن اذا حكت معو اشقد رح يعطيها
فلك : هديل وين شاردة
هديل : اااه ولاشي ...يلا مشو رن الجرس ....
........................
خلصو دوام وطلعو ع البيت
هديل صارت تتطلع حوليها
فلك : عمين ع تدوري ...
هديل : كأنو معد اجا مراد ....
فلك : شو بدو يجي يعمل
هديل : انا قررت احكي مع مراد
فلك : شوووووو ....انت عم تحكي جد
هديل : اي جد ...ع القليلي رح يصرف علي ومارح ينقص علي شي ....
فلك : ليش حبيتيه
هديل : ههههه ولا رح حبو
فلك : هديل ...لاتلعب بالنار ....هاد شكلو حابك عنجد فلاتعلبي معو ....لانك انت رح تكوني خسرانة ....
هديل : هههههه ...لاتخافي بعد ما اخد كلشي بدي اياه منو ....رح خليه يكرهني وهو يتكرني
فلك : بترجاكي اذا مابدك اياه لاتلعبي معو هاد واحد خطير ممكن يأذيكي ....
هديل : لا تخافي .....ليكي اسراء تعي نروح لعند
راحو اتجاه اسراء
هديل : اسراء معك رقم مراد
اسراء :اي ليش عم تسألي
هديل : عطيني اياه عايزتو
اسراء : سجلي عندك **********
هديل : شكرا ....يلا مشي فلك
فلك : هديل انا حزرتك
هديل ما ردت واتصلت ع مراد
مراد تلفونو عم يرن ...
مراد : الو ..مين
هديل : مرحبا ...انا هديل كيفك
مراد : هديل !!!! ...
هديل : اي هديل ليش مستغرب ....كيفك
مراد : انا ...الحمد لله ... بس ليش متصلة
هديل : ماشفتك اليوم ولا مبارح خفت يكون صاير معك شي ....
مراد : لا انا منيح ....بس كان عندي شغل ضروري مشان هيك ماجيت ...اذا بدك بجي ...
هديل : ياريت ...بس هلق معد تلحق لبكرا ...
مراد: هديل عم تحكي جد ....
هديل : اي جد ...بصراحة عم حس شي ناقصني لاني ماشفتك ....رحت لعند اسراء واخدت منها رقمك ودقيتلك .... بس اذا نزعجت من اتصالي انا اسفة معد اتصل
مراد : لا لا بالعكس كتير فرحت لانك اتصلتي ....
هديل : اسفة بس خلص رصيدي ...حتى عبي بحكي معك باي ....
مراد : هديل ...هديل ... اوووووف سكرت ....واخيرا قبلت تحكي معي ....
فلك : انا كتير متفاجئة فيكي
هديل : خلص حلي عني بدي شوف حياتي ...بكرا شوفي لحتى صير العب بالمصاري لعب ...
فلك : الله يسترنا منك ...
هديل : هههههههه ....يلا امشي ...المهم بدي روح ع الرحلة حتى لو احكيت مع القرود ...بدي دبر مصاري وروح ....
اجت رسالة ع هاتف هديل ...فتحتها .... طلع واصلها الف وحدة ...وبعتلاها رسالة تاني حتى تفضي حكيني ...
هديل : هههههههه بلش يجي الدعم ....
فلك : شوفي
هديل : حولي الف وحدة ههههههه .... رح ابعتلك ميتين ..
......................
بلليل اجت رسالة على هاتف هديل من مراد ...اذا فاضية بدي احكي معك
هديل : لك يقطع عمرك ...قال شو جابرك ع المر قال الامر منو ....اوووووف ...يلا رح اتطلع ع السطح ودقلو
طلعت ع السطح ودقتلو ...
هديل: مسالخير
مراد : يامسا النور ...كيفك
هديل : الحمد لله ...كيفك انت ....
مراد : انا كتير فرحان ماني عم صدق انك عم تحكي معي ....فكرت حالي بحلم لما دقيتي ....
هديل : لا مانك بحلم بحقيقة صدق ....
مراد : هديل انت ليش اتصلتي
هديل : مافهمت ...خلص ...خلص انا اسفة ...رح سكر ومساح رقمي .. يمكن غلطت لما دقيتلك
مراد : لا لا افهمتيني غلط ....قصدي انت دقيتي لانك بدك تتقربي مني ...ولا في شي تاني ..
هديل : لا بس قررت اعطيك فرصة ....
مراد: امممممم ..... اي انت كيفك
هديل : الحمد لله بخير ....
وبلشو هديل ومراد يحكو مع بعض ويتعرفو ع بعض ....لحتى خلص رصيد هديل رجع دقلا مراد وكملو........
وتاني نهار فاقت هديل لقت في برصيدها ٢٠٠٠ وحدة ... وفرحت كتير ...بس ابدا ماكانت فرحانة لما حكت مع مراد ....
ومر يومين ومراد وهديل عم يحكو مع بعض ...
باليوم التالت ...هديل ع السطح عم تحكي معو ...
مراد : هديل انا حبيتك كتير وتعلقت فيكي اكتر لما حكيت معك واتعرفت عليكي
هديل : وانا كمان حاسي حالي عم اتقرب منك ..ومشاعري عم تتحرك تجاهك
مراد : انا رح ابعت اهلي مشان يخطبوكي ....
******************************************