قلب امي
الجزء السابع: قلب أمي
كنت دايم أحاول أكسب رضا أمي، بأي طريقة. أساعدها، أطبخ، أنظف، بس ما كانت تلاحظ. كانت تمدح أختي، وتضحك معها، وإذا جيت أنا، تسكت. أحيانًا كنت أوقف جنبها وهي تطبخ، تقول لي: "إبعدي لا تخربينه". كنت أحسني مجرد خدامة، مو بنتها. وفي مرة، مرضت، حرارة عالية، ما قدرت أقوم. وأتخيل إن أمي بتجلس جنبي، تمسح على راسي. بس اللي صار؟ قالت: "تقعدين تتدللين، قومي غسلي المواعين". وقتها بكيت قدامها، قلت: "أنا بنتك!" قالت: "لو كنت بنتي، كنت نافعة، بس إنتي عالة!" هالكلمة طعنتني، دخلت فراشي، وقلبت وجهي، وبكيت لحد ما نشفت دموعي. وصرت أقول في نفسي: "وش سويت عشان تكرهني لهالدرجة؟" حتى عيد ميلادي، مرّ بدون كلمة، بدون هدية، ولا حتى نظرة. وكنت أشوف خواتي ياخذون هدايا وفلوس، وأنا؟ ولا شي. وصرت أكتب: "يمكن أنا متبناة، يمكن مو أمي الحقيقية". بس للأسف،كانت امي وكانت تكرهني وما اعرف ليش