معاملة اهلي السئية اللتي دمرت حياتي - حلم الهروب - بقلم اروى - مكتملة | روايتك

--- الجزء الثالث: حلم الهروب كنت أجلس بالساعات أتخيل، أتخيل بيت ثاني، ناس يحبوني. كنت أتخيلني أهرب، أروح مدينة بعيدة، ما أحد يعرفني. أعيش بحرّيتي، ألبس اللي أبغى، أضحك متى ما أبغى. بس الواقع كان مثل السجن، وكلهم سجّاني. في يوم، قررت أكتب رسالة وأهرب، كتبت كل شيء. كتبت: "أنا مو بخير، وأتمنى أحد ينقذني". بس خوفي كان أقوى من حلمي، وقطعت الورقة. كنت أحاول أكون قوية، بس كل شيء فيني كان مكسور. حتى جسمي صار ضعيف، نحفت، وتعبت عيوني من كثر البكي. وفي المدرسة، وحدة من صديقاتي قالت لي: "إنتي مره تغيرتي". ضحكت وقلت: "يمكن كبرت". بس الحقيقة إني انكسرت. صار عندي عالم خيالي، أهرب له كل ما حسّيت بالقهر كنت أتخيلني بنت ناس ثانين، يحبوني ويفتخرون فيني. كنت أتخيل حضن دافي، ما يفلتني مهما صار. وفي يوم، حاولت أكلم المرشدة، بس ما قدرت. الكلام وقف بحلقي، ما قدرت أنطق شيء. صرت أرجع البيت وأنا أتمنى ألاقي باب ما يفتح. بس كنت دايم ألاقي نفس الصراخ، ونفس الوجع، ونفس الوجوه. وكنت أقول في نفسي: "يمكن ربي كاتب لي حياة ثانية... بس متى؟