كنت حبيبي - الثالث عشر - بقلم حباب محمد صلاح - مكتملة | روايتك

عند مازن ورنين ..... بعد م خلصوا من موعدهم الغرامي مازن وصل رنين على البيت وقفوا مسافه بدون كلام مازن: ح نبقى ساكتين كده 🙄❤️ رنين : وح نقول شنو يعني مازن : يعني باي حبي وحبيبي وكده خليك رومانسيه رنين : ههه ابيييت 😝 مازن : م تبقي جافه كده ي قلبي رنين : بالعكس م جافه جسمي مرطب والله 😑 مازن : ي باء م قصدي على جسمك 🤦 رنين : طيب قصدك شنو 🙄 مازن : انسي رنين : نسيت مازن : اخخخخ رنين : 🤣🤣🤣 مازن: احب ضحكتك رنين : اممممم مازن : احبك ي بنت اقسم 🤤❤️ رنين : وانا كمان 😍 مازن: وانتي كمان شنو 😬 رنين: يعني وانا كمان ❤️ مازن: ي زولتي م تتكلمي بالالغاز قولي وانتي كمان شنو ؟؟ رنين وهي تضحك وطلعت من السياره: وانا كمان بحبك ❤️ مازن : اححح واخيرا طيب ماشه على وين خليك معاي❤️ رنين : عاوزه امش البيت 🙄 مازن: لو تبقي معاي للأبد 😞❤️ رنين وهي تقفل باب السياره وعلى طول دخلت البيت جري : المره الجايه😝❤️ رنين دخلت البيت وقلبها يدق من الفرح تحس بيه عاوز يطلع من مكانوا حاسه بمشاعر ملخبطه دخلت في غرفتها وبدت تعيد زكريات اليوم فجأه جاتها رساله من مازن وهو يقول ليها ( استعيدي بكره جاي اتقدم ليك رسمي وقدام كل الناس كلمي مامتك وباباك 😍😍❤️)قامت مخلوعه من الرساله وهي تقول ككيف كيف بكره حاولت تتصل عليه بس ببتتصل وماف رد وهي تقول في نفسها اخخخ ي مازن دايمآ مستعجل أحبك يقينًا وحقًا و صدقًا ومعروفًا و إعترافًا ،زُهوًا وبهاءًا ،غرقًا وقبولًا ورفعةً تيمنًا وتأصلًا ، ودًا و ودادًا ،دائمًا وأبدًا آنًا وحينًا.....🫂❤️ ................................. في الصباح ..... عند رنين ...... صحت من النوم وذكريات بالأمس لا تفارق عينها وفجأه اتزكرت كلام مازن انهم جاي اليوم أتقدم ليها بس خايفه تعمل شنو تخجل تكلم امها تقول انو في شخص جاي يتقدم ليها بس في نفس الوقت عاوزه تجهز ل جيتوا محتاره هل تكلم امها واخوها وكمان ابوها المغترب برا السودان ويوووب كتير والله بس في النهايه قررت تجهز وم تكلم لا امها ولا اخوها ولا ابوها حتى تعملها مفاجأه... نزلت تحت وبدت في التجهيزات ل جيت حبيب القلب وبدت تشتري وشي تخبز وشي تعجن وشي تفرم 🤣❤️ امها واخوها مستغربين فيها ... اخوها : شنو ي رنو جاااي الليله منو رنين : لا لا م جاي زول بس سي قلنا نغير وكده 😁🙄 امها : طيب ده كلو ل شنو وم جاي زول ي بتي رنين : ي امي قلنا نغير وكده اخوها: نغير بي ده كلو ده يكلنا اليوم كلو ونعطي الجيران وبعد ده كلو يفضل 🤣 رنين : م للدرجه دي انا برأي بقوم بالواجب واكلوا كلو امها : اي اي صدقتك ي قلبي رنين: عليك الله خلوني على مزاجي يوووخ اخوها: طيب بتعجني في شنو رنين : في عجينه بلح شام اخوها : يمممم احبو انا رنين: طيب تعال ساعدني اخوها : اوكي م عندي مشكله رنين : تسلم رايك شنو تعزم معااك ايمان اخوها: امممم رنين : رايك شنو اخوها : ان شاءالله بشوف امها : متأكده ي رنين ماف شخص جاي 🙄 رنين: يوووو يمه طيب في شخص جاي بس خليها مفاجأه اخوها : اممم م يكون الفي بالي رنين : عليك الله اسكت 😑 اخوها : اهو سكت رنين: احسن يلا ........................................... عند مازن ...... نفس الشي صاحي من النوم ومبسوط على الآخر اتزكر انو اليوم ح يمش يتقدم ليها فكر انو يتصل على امو وابوه يمكن ينسوا المشاكل //في مشاكل بين مازن وابوه اموا م عندها اي مشكله مع مازن بس م تقدر تتعامل مع مازن بحريه حتى انها تتكلم معه بالسر وترسل ليه قروش بس هو يرفض وهي م موقفه على طول بترسل بس مازن م بصرف منهم بس مره صرفهم واعطاهم ل ياسر // مازن اتصل ل امو امو فرحت انو اول مره اتصل ليها مازن بالأول كانت هي بالأول اللي بتتصل مازن : سلام عليكم امو : وعليكم السلام مازن كيفك مازن : بخير وانتي امو : بخير مدام سامعه صوتك يمه 🥺❤️ مازن : دايمه يارب امو : بوجودك م جاي تصالح ابوك والله انا تعبت من الحاله دي مازن : انا علشان كده اتصلت امو : بجد مازن : بجد والله امو : فرحتني والله بتين جاي البيت مازن : انا م جاي البيت امو : كيف يعني مازن : ي امي انا عاوز اخطب واحده بحبها وعاوزكم تجوا وتمشوا معاي امو: كيف يعني تخطب مازن : زي م سمعتي بو عاوزه نرجع زي زمان تعالوا ويمشوا معاي امو : بس انت عارف ابوك م ح يرضا هو عاوز يجوزك بنت اخوه ولا انت ناسي مازن : انا م ناسي ي امي بس انا م بحبها والله امو : انت عارف سبب المشاكل كلو انك رفضتها قبل كده طيب لو عرف انك عاوز تكسر كلمتوا ح تزيد المشاكل بزياده مازن: المهم ي يمه لو عاوزاني بجد ح تجي وانا ح ارسل ليك الموقع تمام[ وقفل الخط ] مازن خاف انو اموا م تجي لانو م ظريفه يمش هو لوحدها ويتقدم ليها ...... .................................... عند ياسر الدكتور حكي ل ياسر انو لازم يعملوا العمليه بأسرع وقت علشان المرض اطور وبقى خطر شديد حدد موعد وهو بعد يومين من اليوم م عرف يعمل شنو دخل غرفه امو لقاها صاحيه وتتكلم مع زينب أشرت ليه يجي ويقعد جمبها ..... ام ياسر : ياسر ياسر : نعم يمه ام ياسر : كيف أحوالك ياسر : بخير يمه 🥺 ام ياسر : الحمدلله ياسر : وانتي يمه كيفك ام ياسر: مدام انت واختك كويسين انا بخير ياسر : ربنا يقومك لينا بالسلامه ونرجع البيت ترا انا زهجت من المستشفى انتي م زهجتي منها ام ياسر وهي تضحك : 🤣 زهحت والله ياسر : دايمه يمه 🥺❤️ ام ياسر : ياسر ياسر : نعم يمه ام ياسر : انا عاوزاك لو م اتعافيت او حصل لي حاجه تخلي بالك م اختك لأنها م عنها شخص غيرك بعدي خليها في عيونك دي وصيه مني ليك زينب وهي تبكي : يمه م تقولي كده 😭💔 ياسر وعيونو في لمعه من الدموع : م تقولي كده يمه ربنا يطول في عمرك وزينب من يومها في عيوني وقلبي ؤبنا يطول في عمرك 🥺💔 ام ياسر : م معرف يكون مكتوب لي شنو بس خليها في قلبك ياسر : شنو ي يمه م عاوزه تشوفي أولادي حايمين حواليك ولا شنو 😑( بحاول يغير الموضوع ويضحك فيها) ام ياسر: شنو ياا لقيت اميره أحلامك ولا شنو ياسر : دي اميره دي ملكه عديل ام ياسر : شنو ادستها مكاني ولا شنو ياسر : معقوله مكانه الملكه الام ماف شخص بياخذوا منك🤣❤️ ام ياسر: 🤣🤣🤣🤣 ياسر كان بحاول يفك من امو الزززهج الللي هي فيهو وبحاول يضحك فيها ونساها مرضها حتى نست الوجع بوجود ياسر ( بجد الاولاد نعمه من ربنا صح والله ينفعوك في الكبر🥺❤️) اللهم عافيةً في بدن أمي وطمأنينة في قلب أمي وسعادة في روح أمي وعيشاً طويلاً في ظل أمي🥺❤️ ربنا يحفظ جميع امهاتنا ي الله امي ثم امي ثم امي 🥺🫂❤️