الفصل 13: رياح الغضب والولاء
في الطابق العلوي من القصر، كان روبن (عماد) يراقب المشهد عبر كاميرات المراقبة، ووجهه مشدود كأن الزمن توقف داخله. عند سماعه الصراخ بين عصام ولورا، وقف فجأة من الكرسي، قبض بيده على الهاتف وفتح قناة الاتصال الخاصة.
روبن (بغضب مكبوت):
"كريم… رؤيا… نحتاج نهدرو دابا، الأمور خرجات عن السيطرة."
بعد دقائق، اجتمعوا الثلاثة في غرفة المراقبة، وجوههم متوترة، وعينهم كتشوف فشاشة فيها لقطات من المواجهة المؤلمة بين عصام ولورا.
كريم (بصوت غاضب):
"هي اللي كانت كتحاول تبين أنها ملاك! وها هي طلعات جاسوسة!"
رؤيا (بهدوءها المعتاد، لكن صوتها فيه نبرة حزن):
"لكن... كانت كتعاملو بزاف مزيان. كتحبّو، كتشوف فيه الأمان…"
روبن (بحزم):
"الحب فالعالم ديالنا، يا رؤيا، راه سلاح. يا كيربحك… يا كيخونك. عصام تأذى بزاف اليوم. وخاصنا نكونو سندو."
كريم:
"شنو الخطوة الجاية؟ نخليوها تمشي؟ ولا نتابعوها؟"
روبن (بعينين فيها نار الانتقام):
"لا، ماشي بهاذ السهولة. أنا شخصياً غادي نراقبها. من اليوم… غادي نبقى ظلّها، نعرف كل خطوة كتديرها. إذا كان عندها أي تواصل مع جوزيف… رآها وقعات."
رؤيا (بعينين دامعتين):
"كنت كنتمنى تكون فعلاً كتستحق حب عصام… لكن للأسف، خانتو."
ساد صمت مرير للحظات.
روبن (بحزم):
"خليونا نركزو على عدونا الحقيقي. جوزيف كيخطط لحرب… ولورا، سواء كانت خائنة أو لا، هي طرف فهاد الحرب."
كريم (بابتسامة جانبية):
"وأنا كنقول… وقتنا قرب. غادي نردّو الصاع صاعين… وكل من لمس عصام، غادي يندم."
رؤيا:
"وحنا الثلاثة… كنبقاو الإخوة اللي كيتقاتلو بكتف واحد. ما نتهزوش."
روبن (يردد كلمة السر بهمس):
"I tre fratelli…"
كريم ورؤيا (بصوت واحد):
"Братья…"
وبدأت التحضيرات لحرب قادمة…
حرب فيها مشاعر، دم، خيانة، وانتقام.