الفصل الثاني
رنين......
بعد م ودعت منى دخلت على البيت .....وانا داخله اشوف اختي الصغيرة جاريه علي وفجأه حضنتي ( بجد كنت كنت محتاجه للحضن ده )
انا : ريماااااا
ريما : جيف المدلسه( تقصد كيف المدرسه 🤣💔)
انا : تقصدين كيف المدرسه صح 🤣💔
ريما : اييي تلو واحد
انا : اي ا تلو واحد 🤣🤣💔
..: ي بنت خلي اختك تدخل تلقيها تعبانه من الجامعه
انا : سلام ماما
ماما : هلا كيف كان الدوام
انا : اهحح تعب والله
ماما : والله الطب كلو كده لازم تتعبي
انا في نفسي ( المتعبني م الطب ي امي اخخخخ 😓😔)
ماما: طيب ادخلي استحمي علشان اخت ليك الغداء
انا: اوكي
مشيت علي غرفتي رميت الشنطه علي السرير وبديت افكر انا بالجد م كنت أعمل كده وكمان كف ي رنين جبتي كده اخخخخ اسي اعمل شنو انا 😔
م مشكله بكره بعتذر منو ان شاء الله
دخلت الحمام اخذت حمام روح كل التعب الفي جسمي ( بجد الحمام بفيد الجسم 😉) بعد استحميت رحت المطبخ لقيت ماما عامله خضره (طبعا اكتر اكله انا بحبها احححح 🤤❤️) فرحت شديد طولت منها بعد طقيتها رحت علي غرفه امي
انا : طق طق ( بدق في الباب )
ماما: رنين اتفضلي
انا فتحت الباب : كيف عرفتي دي انا
ماما: ماف غيرك بدق الباب 😏
انا : بجد 🤣😁
ماما : اي والله اها تعالي احكي لي عن يومك
انا : احكي ليك
ماما : اي تعالي احكي لي عن الحصل معلك لانو وجهك م عارفه الليله مالو .؟
انا : طيب ي امي انا زاير عاوزه زول احكي ليهو ويرشدني 🥺
ماما : طيب انا بسمعك
انا : طيب ي امي شوفي في واحد في الجامعه يعني مضايقني وكل وأحيانا برسل لي يقول انا عاوز اترتبط معاك وانا عايزك بالحلال واجي أدق الباب وكده
ماما : طيب المشكله شنو ده شكلو دايرك بالحلال
انا : ي امي انتي عافه الحصل علي شنو زمان وانا م عاوزه اعيد الماضي تاني ويحصل معاي زي زمان 🥺😔💔
ماما: كلهم م زي بعض ي بنتي
انا : المهم اسمعي الليله حصل بينا مشكله وانا اديتو كف
ماما : كفففف كيف يعني 😱
انا : اي ي امي كف
ماما : لي ي رنو م عيب العملتي ده
انا : اي ي امي عارفه بس كان لحظه غضب 😓
ماما : كيف يعني لحظه غضب
انا : المهم انا حكيت ليك وعاوزاك تخلي لي المشكله دي
ماما : اممم طيب بس بكره تعتذري منو وانتهى الموضوع
انا : تتوقعي يسامحني والموضوع ينتهي بسهوله
ماما : ان شاء الله حسب نتك
انا : ان شاء الله 😔😪
ماما: بس لو الولد ود حلال م ضيعي منك
انا : بس ي امي م بقدر تاني خلاص قلبي قفلتوا وم عايزه ارجع للطريق ده تاني
ماما : شوفي زمان انتي كنت مراهقه وم كنتي عارفه حاجه للحب اسي كبرتي وهو عاوزك بالحلال م زي داك الله يخادوا
انا : ماما خلاص م نعيد الماضي تاني خلاص 😓💔
ماما : طيب اسفه نخليها لربنا
انا : يلا انا عاوزه امش غرفتي
ماما : طيب
( اوووو اسفه نسيت اعرفكم علي عايله رنين 🥺🤍ام رنين واسمها ساميه عبدالرحمن 🤍عمرها ٤٩🤍اخت رنين الصغيره اسمها ريم 🤍عمرها ثلاث سنوات 🤍ابو رنين اسمو احمد عبدالله 🤍عمروا ٥٥ مغترب برا السودان 🤍اخو رنين اسمو رامي احمد 🤍عمروا ٢٧ اكبر من رنين مغترب برا وخاطب بنت خالتوا ايمان 🤍🤍)
بعد طلعت من غرفه امي مشيت غرفتي وبديت افكر في كلامها يمكن م كلهم زي بعض يمكن ربنا يعوضني في مازن يمكن يكون هو اللي ح يحررني من خوفي اخخخخ غلبني التفكير ي الله 😓💔فجأه وانا افكر سمعت صوت الأذان 🤍 بعد الأذان خلص رحت واتوضيت وصليت 🤍 جلست وبديت استغفر ربي فجأه جاء على بالي مازن 🤍 بجد اول مره افكر فيهو كده انا بجد لازم اديهو فرصه وزي م قالت امي كلهم م زي بعض ان شاء الله القى العوض فيهو هو 🥺🤍
بعد صليت مشيت علي مكتبي الصغير (يعني هو عباره عن درج وكرسي وكتب كتيييره ) حاولت ادرس بس م قدرت تفكيري كلو بس هو ؤ الله بقيت منتظره الصباح بي فارق الصبر بس بتين يجي الصباح وامش الجامعه واشوفوا .......
بَين زوايا غُرفتي ، حائره مُتبعثره مُشَتتٌه !😓🥺
_/_/_/_/_/_/_/_/_/_/_/_/_/_/_/_/_
ههه حبيت اغير من ده ..... لي ده _/ 🤣💔( م عندي موضوع صح 🤣)
هووي طولنا من مازن ارح نشوف عمل شنو
عند مازن
بلسان مازن .
بعد م مشى مني ياسر مشيت علي البحر يعني قريب من الجامعه م بعيد منه قعدت وبديت افكر افكر في الحصل معاي وكيف ادتني كف بس انا بحبها ومستحيل اتخلى عنها علشان اي شي ولازم اعرف ليه رافضه فكره الحب مع اني قلت ليها م عايز العب بيها انا عايزها حلالي وأم أولادي بس ....🥺💔 بجد كلام ياسر صح لو زول تاني كان رد الكف كفيين بس الظاهر اني وقعت وقعه واحلي وقعه بس ربي يجعلها من نصيبي 😓 بعد خلصت تفكير مشيت علي شقتي ( طبعا مازن قاعد لحالي اهلو برا السودان )
_/_/_/_/_/_/_/_/_/_/_/_/_/_/_/_/
في الجامعه ....
...: ي بنات سمعتوا الحصل امس ده
....: الحصل شنو احكوا لي
.....: اتخيلوا امس رنين ادت مازن كف
....: كيف يعني ادتوا كف ( راح نعرف البنت دي عما قريب)
.... : شنو ي برو زعلت ليه ولا شنو
برو: كيف م ازعل ليه كيف دي تسمح لي نفسها دتي كف
...: سمعت انو أتقدم ليها ورفضتوا وفي النهايه انتوا كف 😏
...: كيف ترفضوا دي عويره ولا شنو
برو : كيف يعني أتقدم ليها
.....: زي م قلت ليك ي برو
برو : بس انا م بسمح لي حاجه زي دي تحصل انا بحبو وهي ح يكون لي
... : راحت عليك في منافسه وهو بعدين هو بحبها هي م انتي 😏
برو : زي م قلت ليك انتي شوفي واحكمي في النهايه 😌
...: اممم نشوف
...: اسمعي ي نون انتي بدل م توعيها تساعديها وانتي ي براءة شوفي هو م بحبك هو بحب رنين والجامعه كلها عارفه م توجعي قلبك
براءة: بس انتي عارفه انا من اول يوم لي في الجامعه كنت بحبها تجي دي في سنتين تسرقوا مني مستحيل
نون : اي كلام برو صح ي ازهار
ازهار : برو انا حزرتك بعدين والله ح تندمي
براءة: م ح اندم طول م حبي معاي
ازهار : اللهم بلغت اللهم فشهد
_/_/_/_/_/_/_/_/_/_/_/_/_/_/_/_/_/
عند مازن وياسر
ياسر : ي زولي هلا
مازن : اهلين
ياسر : ي مكنه كيف أصبحت من الكف ان شاء الله م اتكون اتوجعت 🤣
مازن : كيف اتوجع ويد حبيبتي هي اللامس وجهي 😌😏❤️
ياسر : احاااا
مازن : وقلبي زحاااا🤣🤣❤️
ياسر : حبب لكن
مازن : كيف ي زولي لازم
ياسر : ح تحمل شنو اها
مازن : نتجاهل بس
ياسر : جادي انت
مازن : كل الجد
ياسر : شوووف زولتك هديك جات
مازن بخفه: وينهاااا
ياسر وهو يضحك : 🤣🤣🤣🤣
مازن : وينها يااخ م شايفها
ياسر : قال يتجاهل قال🤣🤣🤣
مازن : اوووف يااخ
ياسر : شوف ي زولي انت م ح تقدر تتجاهل ولا شي 🤣
مازن : اخخخخ وانا عارف كده بس اعمل شنو
ياسر : طيب انا هنا وح اشجعك
مازن : طيب شجع
ياسر : شوف زولتك هديك جايه
مازن : المره دي م بصدقك 😒
ياسر : انا جادي والله
مازن : احلف
ياسر : والله بس اوعك تتلف علشان تنجح الخطه
مازن : طيب واسي هي ماشه علي وين
ياسر : جايه علينا
مازن : كذاب
ياسر : وعلي الطلاق جد
مازن : اها اعمل شنو
ياسر : اتقل بس اوعك تعمل فيها العاشق الولهان
مازن : اووك بس لي لسه م وصلت
ياسر : زي م اتفقنا
أثناء م ياسر ومازن يتكلموا جاهم صوت انثوووي رقيق مليان بالخجل والخوف ...
رنين : السلام عليكم ....
ياسر : وعليكم السلام
مازن بدون م يلتف عليها : وعليكم السلام
رنين: اممم اخباركم
ياسر: عاوز شنو انتي
(مازن في نفسو الحيوان ده بقول في شنو ؟)
رنين : بصراحه انا جايه وخجلانه من العملتوا امس
ياسر : وكمان جايه تعتذري
رنين : عفوآ بس انا اظن م بتكلم معاك انت انا بتكلم مع مازن
ياسر : انا وياسر واحد
رنين : مازن انا بتكلم معاك
مازن ساكت م قال ولا كلمه
ياسر : هو م عاوز يتكلم معاك
رنين : مازن اسمع الحصل امس ده في لحظه غضب وكده وانا اسفه علي الحصل امس بتمني تنسى الحصل ونبدأ صفحة جديده ☺️
مازن : ......
رنين :😳😳😳😳