الحلقه الثالثة
*🌹📚🖤🪐*
*❴📖❵↵* عذاب القبر😈
*❴🔢❵☟الـــبـــــــــــ3️⃣ ❵ــــــــــــارت☟*
➖➖➖➖➖➖➖➖➖
*
*♡•-_الكاتبة_-•♡المجهول
:الجزء الثالث
=ايمان هي اللي هتنزل معاك, لأني بصراحة بخاف وعندي فوبيا من الاماكن المغلقة.
انا كنت واقفة بصلهم من غير ما انطق ولا كلمة، اعمل ايه منا محتاجة فلوس.
-طيب يا هوانم، اقفوا استنوا لحد ما أمن المكان وازيح التراب واشيل الطوب.
وبعد ربع ساعة تقريبا كان خلص اللي بيعمله، بصلي وقال:
-تعالي يله يا استاذة وياريت تخلصي في السريع، وانتي يا هايدي هانم اقفي هنا راقبي لنا الجو.
-متقلقش يا عم بشندي, بس ياريت تخلصه بسرعة، انا جتتي متلبشة.
قولت في عقل بالي" انتي اللي جتتك متلبشه، امال انا اعمل ايه"
عم بشندي بصلي، وقالي:
-بصي يا استاذة ايمان، عاوز اقولك علي حاجة قبل ما ننزل، أي صوت تسمعيه تحت اوعي تردي عليه، وما تركزيش خالص غير في اللي انتي هتعمليه.
قولت له بخوف ممزوج باستغراب:
-صوت! صوت ايه اللي هنسمعه تحت, احنا نازلين لأموات؟!
برق لي بعينه اللي تخوف، وقالي:
-احنا اه نازلين لأموات, بس قرينهم موجود حواليهم، واحنا نازلين نقلقهم ونتعدي علي حرمتهم، انا مش بقولك الكلام ده عشان اخوفك، انا بحذرك والا انتي اللي هتتأذي.
يتبع...
*******(الكاتبة❤ المجهول)*************