الحلقه 2
*📚🖤🪐*
*❴عذاب القبر😈*
*❴🔢❵☟الـــبــــــــــ2️⃣ ❵ــــــــــــارت☟*
➖➖➖➖➖➖➖➖➖
*
* (الكاتبةالمجهول):
الجزء الثاني
في يوم كنت قاعدة بقلب علي الفيس بوك، ولقيت صاحبيتي بتتصل بيا، هايدي كانت بتعمل فيديوهات علي اليوتيوب وحلمها انها تتشهر, واعفيني انا مش هينفع اقول كان ايه محتواها، ولا حتي اسمها الحقيقي, لان اغلبيتكم اكيد يعرفها:
"ايوه يا هايدي اخبارك ايه؟"
"انا تمام، قولي لي بتعملي ايه كده؟"
"مفيش كنت قعدة علي الفيس بوك، حاسة بملل وخنقة, وانتي جيتي في بالي وكنت لسه هتصل بيكي"
"القلوب عند بعضها المهم، قومي اجهزي وتعالي لي علي الكافية اللي متعودين نقعد فيه, عشان عيزاكي في موضوع ضروري هيطلع لك منه مبلغ كويس"
"خير موضوع ايه؟"
"الموضوع ده مينفعش يتقال في التليفون، تعالي انتي بس وهتعرفي كل حاجة"
"خلاص ماشي، ساعة بالكتير وهكون عندك"
قفلت معاها وقومت خرجت من الأوضة، لقيت أمي قاعدة في الصالون بتتفرج علي التلفزيون، مكلمتهاش ولا هي كلمتني، دخلت الحمام اخدت شاور وبعد ما جهزت, نزلت من البيت وقفت تاكسي وروحت للكافية اللي هقابل فيه هايدي.. اول ما وصلت لقيتها مستنياني, وبعد السلام قعدت وطلبت قهوتي وبعدين قولت لها:
-ها خير عيزاني في ايه قلقتيني؟
=بصي يا ايمان انا عيزاكي في خدمة لو عملتيها ليكي ١٥٠ الف.
فردت ضهري وولعت سي$جارة وانا بقولها:
-وايه هي الخدمة دي اللي هتديني مقابلها المبلغ ده؟!
=انتي عارفة اني نفسي اعمل حاجة تسمع عشان اشتهر.
-في ايه, اوعي تكوني عيزاني اقت$لك حد..؟
ضحكت وقالت لي: مش للدرجادي, بصي يا ستي.. انا عايزه فيديو صوت وصورة عن اللي بيحصل جوه القبر.
-نعم يا ختي!! انتي مجنونة؟ محدش اصلا يعرف ايه اللي بيحصل جوه القبر غير الميت.
=اهدي بس واسمعي, انا هجيب كاميرات واجهزة تسجيل حديثة، واتفقت مع واحد تربي اعرفه, ان لما يجي له مي$ت لسه مدفون, يتصل بيا قبلها ويعرفني.
-طب وانا ايه دخلني في الموضوع ده؟!
=ما انتي اللي هتنزلي تحطي الحاجة جوه القبر..
-لا انتي فعلا اجننتي، تعرفي ان كان في مجموعة من العلماء في الغرب كانوا محانين زيك كده، وفي يوم قرروا ينزلوا القبر ويحطوا كاميرة وتسجيل صوتي مع مي$ت مدفون جديد، وبعد ما عملوا كده, تاني يوم نزلوا عشان يجيبوا الحاجة، ويبدأوا يشوفوا ويسمعه ايه اللي حصل, وهل عذاب القبر ده حقيقي ولا مجرد خرافات، واول ما نزلوا لقوا الكاميرا محر$وقة والتسجيل متكسر ميت حتة، و.....
قاطعتني وقالت:
-خلاص يا ايمان براحتك، انا بصراحة محبتش المصلحة دي تروح لحد غيرك خصوصا اني عارفة انك ما بتشتغليش, ومعاش ولدك مش مكفي مصاريفك.
سكت لمدة دقايق وبسبب طمعي وجش$عي وافقت، هو انا يعني هبات تحت، ده هما عشر دقايق بالكتير واطلع علي طول، ويبقي معايا 150 ألف.
-خلاص يا هايدي وانا موافقة.
وبعد ما اتفقنا علي كل حاجة, وصلتني لحد بيتي بعربيتها.. تاني يوم صحيت علي صوت رنة موبايلي وكان المتصل هايدي...
"ايه يا بنتي كل ده نوم، الساعة بقت 11 بليل، انتي نسيتي ان النهاردة عندنا مشوار مهم ولا ايه"
"انا نمت الصبح يا هايدي"
"عموما عم بشندي التربي كلمني, وقالي ان في جثة جايه في الطريق النهاردة، وانا حصرت كل المعدات، يله بسرعة قومي اجهزي، وتعالي علي عنوان الترب اللي قولت لك عليها، واياكي تتأخري"
"حاضر يا هايدي هقوم البس وجيالك علي طول، سلام"
قفلت معاها, وقومت غسلت وشي ولبست, وقبل ما اخرج من باب الشقة لقيت امي بتقولي: انتي رايحه فين يا بنتي دلوقتي؟!
-وانتي من امتي بتسأليني رايحة فين ولا وجايه منين؟!!
=علي رأيك، طب مش هتاكلي قبل ما تنزلي؟
-لا شكرا مش عايزه اطفح حاجة.
نزلت من البيت، ركبت تاكسي وروحت علي المقابر، وصلت الترب كانت الساعة حوالي ١٢ بليل، واول ما نزلت من التاكسي سمعت هايدي بتنده عليا...
روحت لها ودخلنا المقابر اللي كانت ضلمة كحل، يادوبك نور القمر وكشافات موبايلاتنا موضحه لينا الرؤية بالعافية، كنا واقفين بنتلفت حوالينا لحد ما لقينا راجل بيقرب منا, كان في اوائل الخمسينات تقريبا، لابس جلابية، وشه اسمر، وشعره ابيض، وعنده دقن خفيفة، كان عم بشندي التربي اللي قال لنا:
-انتوا اتأخرتوا كده ليه يا هوانم، انا بقالي ساعة واقف علي القبر من ساعة ما اهله دفنوه ومشيوا..
هايدي قالت له: حقك عليا يا عم بشندي، اعمل ايه, الست هانم هي اللي اخرتنا، وانا كنت واقفة بره مستنياها.
-حصل غير يا هانم المهم دلوقتي فين المعلوم؟
هايدي طلعت ظرف من شنطتها وقالت له:
-دول 3000، وبكرة بليل لما نيجي عشان نطلع الحاجة هديك اكتر منهم.
عم بشندي فتح الظرف وكان بيعد الفلوس وهو مبسوط, واول ما خلص عد قال:
-من يعد ما نعدمها يا ست هانم، بس مين فيكم بقي اللي هتنزل معايا تحت؟
(«~الكاتبة _-♡المجهول /»)